Bakıda mağazalardan birində qeyri-adi hadisə yaşanıb.
Referans.az xəbər verir ki, alıcılardan biri müştərinin açıq-saçıq geyiminə görə onu mağazadan qovub. Görüntülər sosial şəbəkələrdə yayılıb.
Həmin görüntüləri təqdim edirik:

Uzun müddətdir ki, ABŞ-də yaşayan türkiyəli aktrisa Ahu Tuğba Los-Ancelesdə yol qəzası keçirib.

Demokrat.az xəbər verir ki, bu barədə türk mətbuatı məlumat yayıb.

Bildirilib ki, Yeşilçamın məşhur siması dərhal xəstəxanaya yerləşdirilib.

Qəzada qabırğaları qırılan sənətçi 8 saat davam edən əməliyyatdan sonra reanimasiyaya yerləşdirilib.

Qeyd edək ki, aktrisanın vəziyyətinin stabil olduğu və müalicəsinin reanimasiyada davam etdiyi bildirilir.

Xəbər verdiyimiz kimi, bir müddət öncə Bakının Yasamal rayonu ərazisində birgə yaşadıqları evdə ərinin yetirdiyi xəsarət nəticəsində bir gözünü itirmiş Anastasiya Bektimirova videomüraciət yayıb.

DİN-in Mətbuat Xidmətindən KONKRET.az-a verilən məlumata görə, vətəndaş Anastasiya Bektimirovanın müraciəti nəzarətə götürülməklə, onu narahat edən halların aradan qaldırılması üçün aidiyyəti hüquq-mühafizə orqanları ilə birgə tədbirlər görülür.

Bildirilib ki, 2022-ci il dekabrında Yalçın Bektimirovun A.Bektimirovaya sol gözün konyuktiva qişası altında qansızma ilə müşayiət olunan sol göz yuvası nahiyəsinin qançırı, sol saidin və sol əlin qançırları xəsarətləri yetirib qəsdən onun sağlamlığına yüngül zərər vurması faktı ilə bağlı Yasamal Rayon Polis İdarəsində Cinayət Məcəlləsinin qəsdən sağlamlığa yüngül zərər vurma maddəsi ilə cinayət işi başlanılıb.

İstintaqla Y.Bektimirovun A.Bektimirovanı mütəmadi olaraq döyməklə və ya sair zorakı hərəkətlərlə güclü fiziki ağrı və ya psixi iztirablar verməsi müəyyən edildiyindən cinayət əməli Cinayət Məcəlləsinin əzab vermə, işgəncə verməklə törədildikdə maddəsinə tövsif edilib və 2023-cü ilin avqustunda Y. Bektimirov həmin maddə ilə təqsirləndirilən şəxs qismində cəlb edilərək barəsində məhkəmənin qərarı ilə həbs qətimkan tədbiri seçilib.

Cinayət işi üzrə dəfələrlə təyin edilən təkrar və komisyon məhkəmə-tibbi ekspertizasının rəylərində göstərilib ki, A.Bektimirovada sol gözün sklerasının rupturasına (cırılmasına), həmin gözün təbii qidalanmasının dayanmasına, funksiyasının tamamilə itməsinə, gözün orqan kimi sıradan çıxmasına – amputasiyasına və protezləşməsinə səbəb, onun 2022-ci ilin dekabrında aldığı xəsarət deyil, travmadan əvvəl düçar olduğu xroniki uveitin fəsadı olaraq terminal qlaukoma xəstəliyidir.

2023-cü ilin oktyabrında cinayət işi ibtidai istintaqı tamamlanaraq məhkəməyə göndərilib və məhkəmənin 14 mart 2024-cü il tarixli hökmü ilə Y.Bektimirov Cinayət Məcəlləsinin əzab vermə maddəsi ilə nəzərdə tutulan cinayət əməlini törətməkdə təqsirli bilinərək 2 il müddətinə azadlıqdan məhrum etmə cəzasına məhkum edilib.

Bakının Nərimanov rayonunda yol-nəqliyyat hadisəsi baş verib.

APA xəbər verir ki, qəza Koroğlu Rəhimov küçəsində qeydə alınıb.

Belə ki, qəzada qadın kuryerin idarə etdiyi motosikletlə, “Mercedes Vito” markalı mikroavtobus və “Nissan” toqquşub.

Hadisədə xəsarət alan motosikletin sürücüsü xəstəxanaya aparılıb.
Əraziyə polis əməkdaşları cəlb ediliblər.

Faktla bağlı araşdırma aparılır.

Türkiyənin Qaziantep şəhərində 14 yaşlı qız narkotik aludəçisi olan atasını yatarkən naməlum səbəbdən bədəninin müxtəlif nahiyələrindən bıçaqlayaraq öldürüb.

TEREF musavat.com-a istinadən bildirir ki, qan donduran cinayət Qaziantepin Şahinbey rayonunda baş verib.

Hadisədən sonra qız nəzarətə götürülüb.

İran şahı Məhəmməd Rza şah Pəhləvinin həyat yoldaşı, Şahbanu Fərəh Pəhləvi 70-ci illərdə SSRİ-yə səfəri zamanı Azərbaycana gəlib.

Azpost.info bildirir ki, bu səfərlər bağlı nadir kinoxronika yayımlanıb.

Süjetdə Şahbanusu (1959-1979) Fərəh Pəhləvi və anası Fəridə Dibanın 1970-ci ildə Bakıya səfərindən, habelə səfər çərçivəsində Tarix Muzeyinə və Konservatoriyaya (indiki adı ilə Musiqi Akademiyası) baş çəkməsindən kadrlar öz əksini tapır. Kadrlardan görünür ki, şahbanunun korteji İnşaatçılar prospektindən də keçib.

F.Pəhləvi Bakıda təmtəraqla qarşılanıb, şəhərin görməli yerlərinə aparılıb. O, Tarix müzeyində, Konservatoriyada olub və istedadlı tələbələri dinləyib.

1972-ci ildə Bakıda olan şahbanu üçün burada dəbdəbəli qonaqlıq təşkil edilib.

F.Pəhləvinin gəlişi münasibətilə keçirilən konsertdə Azərbaycanın ən aparıcı artistləri Zeynəb Xanlarova, Müslüm Maqomayev, Şövkət Ələsgərova, Rəşid Behbudov, Fidan Qasımova və başqaları çıxış edib.

Fərəh Pəhləvini həmin səfərdə görənlərdən biri də xalq artisti Fidan Qasımovadır. O illər öncə mediaya açıqlamasında deyib ki, İran şahının xanımı Azərbaycana gələndə “Arşın mal alan”ın valını axtarıb. Dükanları gəzib, valı tapa bilməyən şahbanuya isə mayestro Niyazi kömək edib.
“Onda Fərəh xanıma dedi ki, “Arşın mal alan”ı təzədən vala yazıb ona göndərəcək. Beləliklə, mənim ilk səsyazmam oldu. Gülçöhrəni mən, Əsgəri Rəşid Behbudov oxudu. Bu, Rəşid Behbudovun son səsyazması oldu. Asyanı isə bacım Xuraman oxudu, onun da 16-17 yaşı olardı. Beləliklə, o val tarixə düşdü, onun Fərəh xanıma çatıb-çatmadığı haqqında isə məlumatlı deyiləm”.
Fidan Qasımova Fərəh Pəhləvəni o zaman oxuduğu Konservatoriyada görüb.
“Onda mən Konservatoriyanın II ya da III kursunda oxuyurdum, istedadlı tələbə idim. Fərəh xanımı Konservatoriyanı gəzdirirdilər və onda kiçik konsert də təşkil etmişdilər, istedadlı tələblər orada oxuyurdu. Yəni ilk dəfə orada görmüşəm, ancaq tanış olmamışam, yəni yaxından tanışlığım olmadı”.

Fərəh Diba özünün Bakı səfərini isə “Xatirələr”ində belə qeyd edib: “.. daha sonra bizim Azərbaycan əyalətimizin sərhəd qonşusu olan Sovet Azərbaycanının paytaxtı Bakıya da getdik. Azərbaycanlı ruslar atamın kökünün bu bölgədən olduğunu bilirdilər, belə vəziyyətin aramızda xüsusi yaxınlıq yaratdığını hiss eləyirdim. Küçədəki adamların bizə qarşı böyük maraq duyduqlarını, İranın əsl vəziyyətini öyrənmək üçün suallar vermək arzusunda olduqlarını hiss eləyirdik. Sovet rəhblərininsə, xalqla ünsiyyətdə olmağımızın, qeyri-rəsmi görüş keçirməyimizin qabağını almaq istədikləri açıqca görünürdü. Təhlükəsizliyimizi bəhanə gətirib, bir az şübhə oyadan təlaşla bizi xalqdan ayırdılar”.

Fərəh Pəhləvi də xalqın onunla ünsiyyətə can atdığını bilirdi, amma nə səbəbdən olduğunu yox. Bunu isə növbəti gəzəcəyi yerdə öyrənəcəkdi.

“Sulu boya rəsmləri və miniatürlərdən ibarət olan rəsm sərgisini gəzəndə, elə bil, rəhbərlərin göstərdikləri bu əcaib cəhdlərin səbəbini başa düşdük. Bəzi rəsmlər eynilə ortaçağdakı kimi öküzlərlə tarlalarını şumlayan cütcüləri göstərirdi, rəsmlərin üzərində də bu qısa izah yazımışdı: “Sərhədin o tərəfində…”. İnsanlar belə şeyləri başa düşmürdülər artıq! Stalinin kömək elədiyi Cəfər Pişəvərinin birliklərini İrandan qovduğumuz zaman çoxlu iranlı kommunist qaçıb, 1946-cı ildə onlara quçaq açan Sovet Azərbaycanına keçmişdi. Həmin iranlıların bəziləri kommunist ideyalarından əl çəkib İrana qayıtmaq, ailələrini tapmaq və yenə azad olmaq arzusunda idilər. Buna görə də bizə yaxınlaşmağa çalışır, İrana qayıtmağa icazə almaq üçün mənə məktub verməyə can atırdılar”.

Bakının Binəqədi rayonunda 37 yaşlı qadın yol-nəqliyyat hadisəsi zamanı xəsarət alıb.

“Report” xəbər verir ki, iki avtomobilin toqquşması nəticəsində 1987-ci il təvəllüdlü İnci Tofiq qızı Əhmədova xəsarət alıb.

Yaralı müxtəlif dərəcəli xəsarətlərlə xəstəxanaya çatdırılıb.

Faktla bağlı araşdırma aparılır.

Bu gün Bakının Xətai rayonu ərazisində ağır yol qəzası baş verib.

8 Noyabr prospektində tanınmış aparıcı Aytən Səfərovanın idarə etdiyi "Hyundai” markalı avtomobillə digər minik avtomobili toqquşub.

Nəticədə A.Səfərovanın idarə etdiyi avtomobil aşıb. Onun ağır xəsarətlər aldığı bildirilir.

A.Səfərovanın ailəsindən "Qafqazinfo"ya bildirilib ki, aparıcı xəstəxananın travmatologiya şöbəsinə çatdırılıb və hazırda müayinə olunur.

Beynəlxalq Aykido Federasiyasının İDDO proqramının Azərbaycan bölməsinin direktoru Fatimə Novruzova “Puzzle Group” Rsixo-Sosial Reabilitasiya Mərkəzinin rəhbərini məhkəməyə verib.
Qaynarinfo-nun məlumatına görə, Fatimə Novruzova məhkəmədə iddia edib ki, 4 sentyabr 2022-ci il tarixdən Bakı şəhəri, Xətai rayonu, 8 noyabr prospekti 25E ünvanında, Ağ şəhər ofis binasında fəaliyyət göstərən “Puzzle Group” Psixo-Sosial Reabilitasiya Mərkəzinə psixopedaqoq vəzifəsinə işə götürülüb və ona psixoloji və fiziki qüsurları olan uşaqlarla işləmək tapşırılıb.
İddiaçı 1 avqust 2023-cü il tarixdə işdən azad olmaq üçün müraciət edib, lakin işlədiyi Mərkəzin direktoru Rövşən Nəzərli işdən azad olma barədə ərizəsini qəbul etməyib və özünə məxsus şəxsi əşyalarını da geri qaytarmayıb.
Fatimə Novruzova məhkəmədə mərkəzin rəhbərindən ona məxsus ali təhsil haqqında diplomunu, köhnə və yeni pasportunu, evlənmək haqqında şəhadətnaməni, azyaşlı qızının şəklinin, qara rəngli çantasını və içindəki qızıl-zinət əşyalarını – dəyəri 300 manat olan 1 ədəd “Pandora” markalı qızıl sırğa, dəyəri 3000 manat olan 1 ədəd “Cartier” markalı qızıl sırğa, dəyəri 3500 manat olan 1 ədəd tək qaşlı brilyant sırğa və dəyəri 500 manat olan 1 ədəd “Roberto” markalı qızıl sırğanı, Beynəlxalq Aykido Federasiyası ilə bağlı sənədlərini və 12 ədəd güllərini tələb edib.
Fatimə Novruzova həmçinin bildirib ki, cavabdeh psixoloq ixtisası olmadığı halda onu zorla işə cəlb edib və hədə-qorxu gəlib.
Qeyd edək ki, Rövşən Nəzərli Beynəlxalq Aykido Federasiyasının “Azərbaycan Aykikay Aykido Klubları” İctimai Birliyinni tibb departamentinin rəisidir.

Rövşən Nəzərli məhkəmədə Fatimə Novruzovanın tələbini qəbul etməyib. Onun sözlərinə görə, Azərbaycan təhsil sistemində psixopedaqoq ixtisası olmadığı üçün bu vəzifədə işləməyə sadəcə ali savadın olması yetərli hesab edilir. Həmçinin qeyd edib ki, iddiaçının atası imkanlı adamdır və onun vəzifəli qohumları var: “Belə olduğu halda o necə işə məcbur edilə bilər?”.
Bu səbəbdən cavabdeh hesab edir ki, yuxarıda qeyd olunanları nəzərə alaraq, hazırki iş üzrə iddia tələbi əsassız olduğundan məhkəmə tərəfindən təmin edilməməlidir.
Məhkəmənin qərarı ilə iddiaçı Fatimə Novruzovanın Rövşən Nəzərliyə qarşı əmlak tələbinə dair iddiası təmin edilməyib.

Tərtər rayonu, Bəyimsarov kənd sakini Kərimova Ziba Məhəmməd qızı tərəfindən “Hürriyyət” qəzetinin redaksiyasına şikayət məktubu daxil olub. Şikayətçi iddia edir ki, məhkəmənin təsdiqi ilə ona borclu olan şəxslər tərəfindən ölümlə təhdid edilir:

“Mən, Kərimova Ziba Məhəməd qızı, yazaraq bildirmək istəyirəm ki, həyatım təhlükədədir. Belə ki, mənə borclu olan şəxslərdən pulumu istədiyim üçün ölümlə hədələnirəm.

Həsənov Mayıs Fərhad oğlu mənə zəng edib evlərini satmaq istədiyini bildirdi. Mən ona “pulum yoxdur, ala bilmərəm”, - dedim. Sonradan zəng vurub bildirdi ki, atam bu evi sizə satmağımı məsləhət bilib. Razılaşıb bildirdim ki, gəl gedək, evin sənədlərini həll edək.

Yoldaşım, mən və başqa bir xanım Tərtər rayonunda yerləşən notariusa getdik. Orda dedilər ki, notarius bizdən çox pul alacaq, gəlin mən sizə sənədləri verim, atamın ilindən sonra qalan işləri həll edərik. Biz də razılaşdıq.

Pulun yarısını verdim, qalanını da il mərisimindən sonra - sənədlər həll olunanda verəcəkdim. Hətta evin bir otağını boşaldıb indidən bizə verəcəyini dedi.

1-2 saatdan sonra aldandığımı düşünərək narahat oldum, ona zəng vurub pulumu istədim. Dedi ki, mən Gəncədəyəm, narahat olma, gəlim məsələni həll edərik. Elə həmin gündən də yoxa çıxdı.

Bir müddət sonra zəng vurub bildirdi ki, qəzaya düşmüşəm, mənə təcili 3 min manat pul ver. Dedim ki, evin sənədlərini həll edək, verim.

Üstündən 1 il keçdi, qardaşı Həsənov Təbriz mənə zəng vurdu ki qalan pulu ver, evi sənə verim. Yenə inandım, gedib bankdan 5 min manat pul götürüb ona verdim ki, evi mənə satsınlar. Notariusda aydın oldu ki, evə sənəd çıxarmaq üçün pulu yoxdur. Təbriz mənə 10 illik etibarnamə verdi. Bir neçə ay keçdi, yenə evi vermədilər.

Tərtər Polis şöbəsinə müraciət etdim. Ordan məhkəməyə yönləndirdilər. 1 il keçəndən sonra məhkəmə qərar verdi ki, 9500 manat Həsənov Mayısdan, 4 min manat isə Təbrizdən alınaraq mənə verilsin. Sən demə, bu iki vicdansız adam məhkəmə gedə-gedə evi başqa bir şəxsə satıblar.

İndi pulumu bu adamlardan ala bilmirəm, məni təhdid edirlər ki, biz türmədə yatmışıq, başına oyun açarıq, o pulları unut. Mənə yazdıqları bütün mesajlar, səslər durur. Xahiş edirəm, məcburi köçkün və əlil ailəsi kimi problemimizin həllində bizə kömək edəsiniz. Qabyuyan işləyib, 400 manat pul alıram. Mənim o qədər pulumu aldadıb əlimdən alıblar”.

Jalə FAMİLQIZI

Redaksiyadan: Yazıda adları qeyd olunan şəxslərin mövqeyini dərc etməyə hazırıq.