NATO-nun baş katibi Yens Stoltenberq oktyabrın 12-13-də keçiriləcək NATO Müdafiə Nazirləri Toplantısı öncəsi Brüsseldə mətbuat konfransı keçirib.

Ovqat.com-un məlumatına görə, Stoltenberq mətbuat konfransında “Şimal axını-1” və “Şimal axını-2” boru kəmərlərinin yerləşdiyi Baltikdə və Şimal dənizində NATO hərbi dəniz qüvvələrinin iki dəfə artırıldığını açıqlayıb.

Stoltenberq bəyan edib ki, alyans bu qərarı “Şimal axını” boru kəmərlərinin “təxribatından” sonra bölgədəki NATO infrastrukturunu qorumaq üçün qəbul edib. “Biz Baltik və Şimal dənizlərində mövcudluğumuzu patrul təyyarələri və sualtı imkanları olan 30 gəmiyə çatdırmaqla ikiqat artırdıq”, - Stoltenberq deyib.

«Şimal axını» boru kəmərlərində son sızmaların səbəbi tam aydın olmasa da, araşdırmalar «qəza»ların əslində təxribat olduğunu göstərir.

Bazar ertəsi səhər Rusiyanın Ukraynanın müxtəlif şəhərlərinə, o cümlədən ölkə paytaxtına raket hücumlarına toxunan Stoltenberq, NATO-nun Kiyevə dəstəyini "davam etdirməyə" qərarlı olduqlarını vurğulayıb.

"Dünən gördüklərimiz (Ukraynaya endirilən raket zərbələri-Ovqat.com) əslində Rusiyanın zəifliyinin əlamətidir, çünki o, faktiki olaraq döyüş meydanında irəliləyişə nail ola bilmir. Rusiya faktiki olaraq döyüş meydanında uduzur", - deyən Stoltenberq əlavə edib: "Onlar bu vəziyyətdə Ukraynaya qarşı dinc əhali-hərbçi ayrıseçkiliyi etmədən şəhərlərə və kritik mülki infrastruktura hücumlar edərək cavab zərbələri endirirlər."

Baş katib NATO-nun illik nüvə cavabı manevri kimi xarakterizə olunan “Sabit Günorta” təlimlərinin planlaşdırıldığı kimi gələn həftə keçiriləcəyini təsdiqləyib: “Bu, çəkindirmə gücümüzü təhlükəsiz və effektiv etmək üçün hər il keçirdiyimiz müntəzəm təlimdir”.

Stoltenberq həmçinin bildirib ki, NATO Rusiyanın nüvə təxribatlarına cavab olaraq “Sabit Günorta” (“Steadfast Noon”) təlimlərini ləğv etməyəcək, çünki bu, pis presedent yarada bilər.


Ötən il oktyabrda keçirilən “Sabit Günorta” təlimlərinin xəritəsi

O, Rusiyanın “gizli nüvə təhdidləri”nə toxunaraq vurğulayıb: “Rusiya bilir ki, nüvə müharibəsində qalib gəlmək olmaz. Rusiyanın nüvə güclərini yaxından izləyirik. İndiyə qədər Rusiyanın mövqeyində bir dəyişiklik görməmişik, bununla belə, yenə də ayıq-sayıqlığımızı qoruyuruq».

“Sabit Günorta” adlı hərbi təlimlər hər il keçirilir və adətən bir həftə davam edir. Buraya nüvə başlıqları daşıya bilən döyüş təyyarələri daxildir, lakin heç bir canlı bomba daxil deyil. Adi reaktiv təyyarələr, müşahidə və yanacaq dolduran təyyarələr təlimlərdə müntəzəm iştirak edirlər.

Fevralda Rusiyanın Ukraynaya təcavüzündən əvvəl planlaşdırılan təlimə NATO-ya üzv 30 ölkədən 14-ü cəlb olunacaq. NATO rəsmiləri bildiriblər ki, manevrlərin əsas hissəsi Rusiyadan 1000 kilometr (625 mil) uzaqlıqda keçiriləcək.

Rusiya Federal Təhlükəsizlik Xidməti Ukrayna kəşfiyyatının Krım körpüsündə partlayışa necə hazırlaşdığını əks etdirən foto və videolar yayıb.

APA-nın Rusiya bürosu xəbər verir ki, FTX-nın məlumatında terror aktının təşkilində iştirak edənlərin fotoşəkilləri, gömrük postunda yük maşınının içindəkilərin rentgenoqrafiyası, yükün çatdırılması üçün sənədlər də var.

FTX-nın İstintaq Komitəsi ilə birgə açıqladığı məlumata görə, Krım körpüsündə terror aktının təşkilatçısının Ukrayna Müdafiə Nazirliyinin baş kəşfiyyat idarəsi və onun rəhbəri Kirill Budanov, əməkdaşları və agentləri olduğu müəyyən edilib.

“Müəyyən olunub ki, ümumi çəkisi 22,77 ton olan partlayıcı 22 ədəd tikinti polietilen plyonka ilə rulonlarda kamuflyaj edilib və Translogistik UA MMC arasında 02/08/2022 saylı müqavilə əsasında avqustun əvvəlində Odessa limanından Bolqarıstanın Ruse şəhərinə göndərilib. Sentyabrın 29-dan oktyabrın 3-dək İrəvanda Transalyans terminalında yük Avrasiya İqtisadi Birliyi qaydalarına uyğun rəsmiləşdirilib, sənədlər dəyişdirilib, bundan sonra yükü göndərən “GU AR GROUP” MMC (Ermənistan, Alaverdi şəhəri), alıcı isə "Lider" MMC (Moskva) olub.

Gürcüstan qeydiyyatında olan DAF markalı avtomobilində yük oktyabrın 4-də yük Yuxarı Lars vasitəsilə Rusiya-Gürcüstan sərhədindən keçib və oktyabrın 6-da Krasnodar diyarındakı Armavir topdansatış bazasına çatdırılıb və boşaldılıb.

Oktyabrın 7-də Ukrayna vətəndaşı Solomko Vladimir Vasilyeviç Zlobun (1987-ci il) və digər 5 nəfər Rusiya vətəndaşının köməkliyi ilə yükün sənədləri yenidən dəyişdirilib, göndərici “TEK-34” MMC (Ulyanovsk) göstərilib və alıcı isə Krımda mövcud olmayan bir şirkət olub. Həmin gün yüklər Simferopola yola düşmüş Rusiya vətəndaşı Mahir Yusubovun (1971-ci təvəllüdlü) yük maşınına yüklənib və oktyabrın 8-də saat 06.03-də Krım körpüsündən keçərkən partlayış baş verib.

Yüklərin bütün marşrut üzrə hərəkətinə və cinayət sxeminin iştirakçıları ilə əlaqəyə nəzarəti Ukrayna Müdafiə Nazirliyinin Baş Kəşfiyyat İdarəsinin əməkdaşı, özünü İvan İvanoviç kimi təqdim edən şəxs həyata keçirib. Yükün göndərilməsinə Ukrayna vətəndaşları Mixail Vladimiroviç Tsyurkalo (1975-ci il təvəllüdlü), Denis Oleqoviç Kovaç (1979) və Roman İvanoviç Solomko (1971), Gürcüstan vətəndaşları Sandro İnosaridze və Levan adlı broker və Ermənistan vətəndaşı Artur Terçanyan (1985) cəlb olunublar. Cinayətin hazırlanmasında iştirak edən 5 Rusiya, 3 Ukrayna və Ermənistan vətəndaşı saxlanılıb.
İstintaq davam edir, bütün təşkilatçılar və iştirakçılar, o cümlədən əcnəbilər Rusiya qanunvericiliyinə uyğun olaraq məsuliyyətə cəlb olunacaqlar”, deyə FTX və İstintaq Komitəsinin birgə məlumatında qeyd olunub.

12 oktyabr saat 8.40-dan 8.58-dək Ukraynanın cənubunda Silahlı Qüvvələrin hava əleyhinə raket bölmələri Rusiyanın ən azı dörd hücum helikopterini (Ka-52) məhv edib.

Bu barədə Ukrayna Silahlı Qüvvələrinin Baş Qərargahı məlumat yayıb.

İlkin məlumata görə, işğalçılardan azad edilmiş əraziyə bir helikopter düşüb, qalanları toqquşma xəttindədir.

Qeyd olunub ki, təsdiqlənmiş vurulan helikopterlərin sayının artma ehtimalı yüksəkdir.

“Oktyabrın 3-5-də KTMT-nin baş katibi Stanislav Zas Bişkekdə uğurlu təmaslar, o cümlədən Qırğızıstan Prezidenti Sadır Japarov ilə danışıqlar aparıb. Danışıqların nəticələri Mərkəzi Asiya regionunda təhlükəsizlik və sabitliyin təmin edilməsində KTMT-nin rolunun gücləndirilməsi istiqamətində ümumi səylərin olduğunu göstərir”.

Bunu bu gün keçirilən brifinqdə News.ru müxbirinin Qırğızıstanın KTMT təlimlərindən imtinası ilə bağlı sualına cavab olaraq Rusiya Xarici İşlər Nazirliyinin rəsmi nümayəndəsi Mariya Zaxarova deyib.

Onun sözlərinə görə, Qırğızıstan Rusiyanın MDB-də mühüm tərəfdaşıdır və gələn ildən bu ölkə bu təşkilatda sədrliyə keçəcək. Hazırda isə Bişkek MDB-nin nizamnamə orqanlarının işində yüksək səviyyədə iştirak edir.

“Oktyabrın 12-də Qazaxıstanda keçiriləcək MDB sammitində Qırğızıstan prezidentinin və xarici işlər nazirinin iştirakı da planlaşdırılır”, – deyə Zaxarova əlavə edib.

Oktyabrın 11-də Almaniya vəd edilmiş dörd “IRIS-T” hava hücumundan müdafiə sistemindən (SLM) birincisini Ukraynaya təhvil verib.

Bu barədə Spiegel” xəbər verib.

Alman nəşrinin məlumatına görə, ötürmə oktyabrın 11-də Ukrayna-Polşa sərhədi yaxınlığında baş verib. Bu sistemə istehsalçı ölkədən sonra sahib olan ilk ölkə Ukrayna olub.

Qeyd edək ki, “IRIS-T”nin tədarükü noyabrda başlamalı idi, lakin oktyabrın 10-da Almaniyanın müdafiə naziri Kristin Lambrext Rusiya qoşunlarının Ukrayna ərazisinə kütləvi raket hücumundan sonra yaxın bir neçə gündə təhvil veriləcəyini açıqlamışdı.

“IRIS-T” (SLM) hansı üstünlüklərə malikdir?

“IRIS-T “Almaniyada istehsal edilən ən qabaqcıl hava hücumundan müdafiə sistemidir. Bu hava hücumundan müdafiə sistemlərinin inkişafı yalnız 2014-cü ildə tamamlandı. Onlar ilk növbədə mülki əhalini raket zərbələrindən qorumaq üçün nəzərdə tutulub.

Raket

“IRIS-T” raketi onu hədəfə doğru istiqamətləndirən infraqırmızı başlıqla təchiz edilib. Eyni zamanda, buraxılan zaman arxada heç bir iz qoymur və varlığını ortaya çıxarmır. Raket 40 km-ə qədər olan hədəfi vura bilər.

Radar

Almaniyanın Ukraynaya verdiyi “IRIS-T” sistemləri, ehtimal ki, alman TRML-4D radarları ilə təchiz olunub. Onlar real vaxt rejimində 500-dən çox hədəfi izləyə bilirlər. 250 km məsafədə radar artıq təyyarəni aşkar edir, 120 km-də isə artıq hədəfi müşayiət edir və raketləri istiqamətləndirir./publika.az

Qismən səfərbərliklə kifayət qədər “başıpouqluq” hökm sürür, çoxdan yığılıb qalmış problemlər özünü göstərir.

Ovqat.com xəbər verir ki, Rusiya prezidenti Vladimir Putin yeni seçilmiş qubernatorlarla onlayn görüş zamanı bunu etiraf edib.

O, təəssüflə qeyd edib ki, bu intizamsızlıq təkcə səfərbərliyə alınmada deyil, ordunun digər sahələrində mövcuddur.
Rusiya prezidenti bildirib ki, əgər səfərbərlik elan olunmasaydı, o zaman ordu strukturlarında uzun müddətdir yığılıb qalan kifayət qədər problemlər aşkarlanmayacaqdı.


Putinin fikrincə, artıq ortaya çıxmış bütün məsələləri həll etmək zamanıdır və bunun üçün kifayət qədər əsaslar var.
Xatırladaq ki, Rusiyada qismi səfərbərlik sentyabrın 21-də prezident Vladimir Putinin müvafiq fərmanıyla elan edilib. Səfərbərlik elan olunan gündən bir çox rus gəncləri pərən-pərən düşüb ölkədən qaçmağa başlayıblar. Bəzi məlumatlara görə, indiyədək 1 milyondan çox vətəndaş səfərbərliyə alınmaqdan yayınmaq üçün Rusiyanı tərk edib.

Bazar ertəsi, oktyabrın 10-da Ukrayna ərazisinə raket hücumları nəticəsində azı 14 nəfər həlak olub. Bu barədə Ukraynanın daxili işlər naziri Denis Monastırski telemarafonun efirində açıqlama verib.

“Hazırda 74 raket atəşi qeydə alınıb. Təəssüf ki, 14 ölü və 97 yaralı var", - nazir deyib.

***

Rusiyanın Ukraynanın paytaxtı Kiyev və digər vilayətlərə raket hücumu məticəsində 70-ə yaxın obyektə ziyan dəyib. Nəticədə 11 nəfər ölüb, 64 nəfər yaralanıb.

“Report” Ukrayna KİV-ə istinadən xəbər verir ki, hava hucumu zamanı 29 strateji infrastruktur obyekti, 4 çoxmərtəbəli bina, 35 fərdi yaşayış evi və 1 məktəb zərər görüb.

***

Rusiyanın Ukraynanın paytaxtı Kiyev şəhərinə raket hücumu nəticəsində 10 nəfər ölüb, 60 nəfər yaralanıb. “Report” Ukrayna mətbuatına istinadən xəbər verir ki, bu barədə Ukrayna Milli Polis İdarəsindən bildirilib.

***

Rusiyanın atdığı 83 raketdən 43-ü Ukrayna Hərbi Hava Qüvvələri tərəfindən vurulub. “RBK-Ukraina” xəbər verir ki, bu barədə Ukrayna Həri Hava Qüvvələrinin sözçüsü Yuri İqnat məlumat verib.

Onun sözlərinə görə, İran istehsalı olan 12 PUA-dan 9-u zərərsizləşdirilib.

Y.İqnat bildirib ki, Rusiya Ukraynaya Xəzər dənizi bölgəsindən “X-101” və “X-555” yüksək dəqiqlikli raketlər buraxıb: “Habelə “Kalibr”, “İskander”, “S-300” və “Tornodo” reaktiv yaylım atəşi sistemindən rake tlər atıb”.

***

Rusiya qoşunlarının Ukraynanın paytaxtı Kiyevi raket atəşinə tutması nəticəsində yaralananların sayı 30-a çatıb. “Ukrinform”a xəbər verir ki, bu barədə ölkənin Fövqəladə Hallar Nazirliyindən bildirilib.

Qeyd olunub ki, xilasedicilər eyni vaxtda bir neçə yerdə işləyirlər. Ölənlərin sayı dəqiqləşdirilir.

Son məlumatlara görə, paytaxtdakı partlayış nəticəsində 8 nəfər həlak olub.

Ukrayna Silahlı Qüvvələrinin Baş Komandanı Valeri Zalujnı isə bildirib ki, Rusiyanın atdığı 75 raketdən 41-i havada vurulub.

Ukrayna Prezident Ofisi rəhbərinin müşaviri Oliksiy Arestoviç isə teleqramda yazıb ki, durum müharibənin başladığı gün-fevralın 24-də olduğu kimi qorxulu deyil: “Savaş Ukraynanın qələbəsi ilə bitəcək”

Ukraynanın paytaxtı Kiyevlə yanaşı, ölkənin üç vilayətində partlayışlar törədilib.

"RBK Ukrayna" xəbər verir ki, bu gün səhər saatlarında Jitomir, Xmelnitsk və Ternopol vilayətlərində də partlayış baş verib.

Eyni zamanda Odessaya da bir neçə raketin atıldığı bildirilib.

Ukraynanın paytaxtı Kiyevdə ard-arda partlayışlar törədilib. “Report” xəbər verir ki, bunu Kiyevin meri Vitali Kliçko bildirib.

Onun sözlərinə görə, şəhərin Şevçenko rayonunun mərkəzində bir neçə partlayış olub. V.Kliçko partlayışın detalları barədə bir müddət sonra açıqlama verəcəyini bildirib.

Partlayış nəticəsində ölən və yaralananların olub-olmaması barədə məlumatlar dəqiqələşdirilir.

Latviyanın xarici işlər naziri Edqars Rinkeviçs tviterdə yazıb ki, bu, Rusiyanın qorxaqlığının və terror dövləti olmasının təzahürüdür: “Savaşı dayandırmaq üçün Rusiyaya daha çox silah çatdırmağa ehtiyac var”.

UNIAN-da qeyd olunub ki, yerli vaxtla səhər saat 06.47-də paytaxtda həyəcan siqnalı verilib. Bundan sonra səhər saat 8 radələrində Kiyevdə 3-4 partlayış törədilib.

Qeyd edək ki, ötən gecə Zaporojyedə də partlayışlar olub. Bu partlayışlar Moskvanın ilhaq etdiyi Krım yarımadasını Rusiya ilə birləşdirən yegən körpünün partladılmasına cavab olaraq törədildiyi ehtimal olunur.
azpolitika