Dünən Ermənistan Silahlı Qüvvələrinin təxribatı nəticəsində şəhid olan qəhrəmanlarımızdan biri də Səbuhi Əhmədovdur.

Oxu.Az xəbər verir ki, valideyn himayəsindən məhrum olmuş Səbuhi SOS uşaq evinin yetirməsi və 269 saylı məktəbin məzunudur.

Şəhidimiz sabah Badamdarda dəfn olunacaq.

12 sentyabr axşam saatlarında Ermənistan silahlı qüvvələrinin sərhəddə törətdiyi təxribata cavab olaraq Azərbaycan Ordusunun əks-zərbələri nəticəsində ölən erməni əsgərlərinin sayı ilə bağlı yeni rəqəm səsləndirilib.
Yenicag.az xəbər verir ki, bu barədə “Qovorit Yerevan” erməni kanalı məlumat yayıb.

“Müxtəlif mənbələrdən məlumatlar alırıq. Qeyri-rəsmi mənbələrin məlumatına inansaq, Ermənistanın itkisi 400 nəfərə çatır. Rəsmi açıqlamanı gözləyək”, – məlumatda qeyd edilib.

Göyçə vilayətinin qubernatoru Karen Sərkisyan, “Ölənlərlə bağlı məlumatı deyə bilmərəm, onu Müdafiə Nazirliyindən soruşun. Yaralıların sayı isə 80 civarındadır”, – bildirib.

Xatırladaq ki, Ermənistan Baş naziri Nikol Paşinyan ötən gün səhər parlamentdə çıxışı zamanı 49 erməni əsgərin öldüyünün təsdiqləndiyini, ancaq bu rəqəmin son olmadığını bildirmişdi. İndiyə qədər Ermənistan MN itkilərinin son sayını açıqlamayıb.

Xarkov vilayətində Ukrayna Silahlı Qüvvələri Rusiya Federasiyasının 1-ci Tank Qvardiya Ordusunu darmadığın edib, bu ordunu Moskvanın müdafiəsi və Şimali Atlantika Müqaviləsi Blokuna (NATO) qarşı müharibəyə hazırlamışdılar.

Kəşfiyyat məlumatlarına istinadla bu barədə «Tvitter»də Böyük Britaniyanın Müdafiə Nazirliyi xəbər verib («UNİAN»).

Kəşfiyyatın məlumatına görə, Rusiya silahlı qüvvələrinin Xarkov vilayətində yerləşdirilmiş bölmələri son həftələr boyu 1-ci Qvardiya Tank Ordusundan ibarət olub və Rusiya Federasiyası Qərb Hərbi Dairəsinin tabeliyində fəaliyyət göstərib.

«1-ci Tank Qvardiya Ordusu təcavüzün başlanğıc mərhələsində ağır itkilər verib və Xarkovda Ukraynanın əks-hücumuna qədər tam komplektləşdirilməyib» - xəbərdə deyilir.

Müdafiə Nazirliyi bütün kütləvi informasiya vasitələri və sosial şəbəkə istifadəçilərinə müraciət edib.

Müdafiə Nazirliyindən Oxu.Az-a verilən müraciətdə deyilir:

“Yalnız Müdafiə Nazirliyinin yaydığı rəsmi məlumatlardan istifadə edilsin, qarşı tərəfin dezinformasiya xarakterli yalan məlumatları paylaşılmasın!
Bildiririk ki, Ermənistan silahlı qüvvələrinin genişmiqyaslı təxribatı nəticəsində baş verən döyüş toqquşması barədə mütəmadi olaraq rəsmi məlumatlar veriləcəkdir”.

Bəzi erməni kütləvi informasiya vasitələrində Azərbaycan Ordusunun bölmələri tərəfindən açılan atəş nəticəsində Qafan rayonu ərazisində guya təcili tibbi yardım maşınının vurulması ilə bağlı yayılan məlumat tamamilə yalandır və qarşı tərəfin təxribat xarakterli növbəti dezinformasiyasıdır.

Bu barədə Müdafiə Nazirliyindən məlumat verilib.

Qeyd olunub ki, Azərbaycan Ordusunun bölmələri tərəfindən görülən əks tədbirlər yalnız Ermənistan silahlı qüvvələrinin atəş nöqtəsi olan legitim hərbi hədəflərinə qarşı yönəlib.

Ermənistanın silahalı qüvvələrinin Kəlbəcər və Laçın rayonları ərazisində ordumuza qarşı genişmiqyaslı təxribatı itkilərsiz ötüşməyib.

Bunu işğalçı ölkənin Müdafiə Nazirliyi bəyan edib.

Qurumun brifinqində canlı qüvvə arasında itkilərin və yaralıların olduğu bildirilib.

Qeyd olunub ki, hazırda mövcud məlumatlar dəqiqləşdirilir.

Gümrüdəki 102 saylı Rusiya hərbi bazasında həyəcan siqnalının verilməsi barədə xəbərlər təkzib olunub.

Bununla bağlı “Caliber” məlumat yayıb.

“Ermənistan mediasının yerli sakinlərə istinadla yaydığı məlumatlara görə, Gümrüdəki rus hərbi bazasında heç nə baş vermir. Bildirilir ki, obyektin ərazisində hətta işıqlar belə yanmır”.

01:43

Gümrüdəki 102 saylı Rusiya hərbi bazasında həyəcan siqnalı verilib.

Bu barədə Ermənistan mediası məlumat yayıb.

Qeyd edək ki, hərbi bazada dörd minədək şəxsi heyətin olduğu bildirilir.

Azərbaycan ordusu erməni qüvvələrinin təxribatlarına cavab atəşilə reaksiya verib.

Erməni mənbələrinin məlumatın görə, Gorus, Cermuk və Vardenis şəhərlərindəki hərbi hissə və obyektlər artilleriya atəşinə tutulub.

Həmçinin, bildirilir ki, ordumuz Qafandakı hərbi hissəyə də PUA ilə zərbə endirib.

Ermənistan tərəfindən guya Azərbaycan Ordusunun mülki əhalini, obyektləri və infrastrukturu hədəfə alması barədə yayılan məlumatlar həqiqəti əks etdirmir.
Bu, Ermənistan tərəfinin yaydığı növbəti dezinformasiyadır.
Ermənistanın təxribatlarına cavab olaraq əks tədbirlər lokal xarakter daşıyaraq atəş nöqtəsi olan legitim hərbi hədəflərə qarşı yönəlmişdir. Cavab tədbirləri kiçikmiqyaslı və hədəflənmiş xarakter daşıyaraq Azərbaycan sərhədlərinin təhlükəsizliyini təmin etmək və Ermənistanın təxribatlarına son qoymaq məqsədi daşıyır.
Mülki obyektlərin və günahsız insanların hədəfə alınması Ermənistan silahlı qüvvələrinin tətbiq etdiyi standart hərbi metodologiyadır. 30 illik işğal dövründə və 44 günlük Vətən müharibəsində məhz Ermənistan tərəfi ballistik raketlər və kasetli bombalarla qəsdən və məqsədyönlü şəkildə Azərbaycan şəhərlərini və mülki əhalisini hədəfə alırdı.