Naxçıvan Diaqnostika Mərkəzinin ucuz qiymətə Nəqşicahan Med MMC-yə satıldığı bildirilir.

Bu haqda "Gündəlik Naxçıvan"a mərkəzdə çalışan əməkdaşlar məlumat verib. Onların sözlərinə görə, artıq bir neçə gündür ki, gizli şəkildə aparılan təhvil-təslim işləri başa çatıb.

Diaqnostika mərkəzini alan Nəqşicahan Med MMC-nin yerli hakim ailə Talıbovların nəzarətində olduğu bildirilir. MMC-nin Naxçıvanda əsasən dərman monopoliyasına nəzarət etdiyi haqda iddialar var.

Təhlükəsizliyi baxımından adının çəkilməsini istəməyən əməkdaşlardan birinin dediyinə görə, on milyonlarla dəyəri olan mərkəz, Nəqşicahan Med-ə cəmi yüz min manata satılıb:

"Hər kəsə qəti tapşırılıb ki, əldəyişmə haqda heç yerdə danışılmasın. Bunlar gələndən qaydalar sərtləşdirilib, işçilərdən ciddi rejim tələb olunur. Deyilənə görə, bura Vasif Talıbovun qızı nəzarət edəcək. Təxminən bir aydır ki, təhvil-təslim işləri gedirdi. Deyirdilər ki, hansısa hüquqi prosedur mane olur, onu yoluna qoymaq istəyirlər. Bir neçə gündür ki, deyirlər həll bu da olunub".

Avqustun 15-də Naxçıvan MR Nazirlər Kabinetinin qərarı ilə “Naxçıvan Diaqnostika Müalicə Mərkəzi” publik hüquqi şəxsin yeni Nizamnaməsi və strukturu təsdiq edilib. Bu qərarın məhz mərkəzin Nəqşicahan Med-ə ötürülməsi üçün hüquqi əsas yaradılması üçün qəbul olunduğu bildirilir.

Naxçıvan Diaqnostika Mərkəzi 2007-ci ildə dövlət büdcəsi hesabına tikilib. Müasir avadanlıqlarla təchiz olunmuş mərkəzin neçəyə başa gəlməsi ilə bağlı rəsmi məlumatlara rast gəlinməsi də, onun dəyəri on milyonlarla manat hesablanır. Sonradan, 2018-ci ildə Naxçıvan Ali Məclis sədri Vasif Talıbovun sərəncamı ilə mərkəz, publik hüquqi şəxs statusu alıb.

Mərkəzin son vaxtlar satışa çıxarılması ilə bağlı da heç bir rəsmi məlumata rast gəlinmir.

Gəncə şəhəri Zülfü Hacıyev küçəsində məşhur məşqçi Konstantin Maksimoviç Abramenkonun adını daşıyan “Lokomotiv” stadionunun ərazisində tikilən meydançadakı acınacaqlı vəziyyət və məşqçilərin çıxılmaz duruma düşmələri barədə Rupor.az saytına şikayət daxil olub.

Saytın Gəncə bürosuna müsahibə verən futbol veteranları klubunun sədr müavini Firuz Qulami meydançanın bu il AFFA tərəfindən tikildiyini bildirib. Onun sözlərinə görə, açılış mərasimində icra başçısı bu meydançanı Tofiq Məmmədovun sədri olduğu “Kəpəz” futbol klubunun veteranlarına təqdim edib. İcra başçısı yeni tikilən meydançanın Kəpəz bələdiyyəsinin balansına veriləcəyini desə də, hələ bu günə qədər heç bir sənədləşmə işi aparılmayıb. Hazırda meydança heç bir qrumun balansına aid deyil.
Bununla yanaşı, planda iki sanitar qovşaq, iki soyunub-geyinmə otağı, iki duş otağı nəzərə alınsa da, tenderdə qalib gələn şirkət stadionun inşası zamanı bu şərtlərin heç birinə əməl etməyib. Futbolçular paltarlarını açıq havada dəyişirlər, məşqdən sonra yuyunmurlar, olmayan sanitar qovşağından yararlana bilmirlər. Təhvil verilən tikintinin hasarı isə artıq sökülmək üzrədir. Bu da veteran futbolçuların ciddi etirazına səbəb olub. Onlar müxtəlif yaş qrupları üzrə yeniyetmə futbolçulara məşqlər keçirlər, 100-dən çox idmançı acınacaqlı aqibət yaşamaqdadır.
F.Qulami onu da vurğulayıb ki, məşqçilərə əmək haqqı da verilmir və onlar ilk gündən maaşsız fəaliyyət göstərirlər. Yaşadıqları problemlərlə bağlı AFFA-ya və Gəncə Şəhər İcra Hakimiyyətinə müraciətlər ünvanlasalar da, onlara dəqiq cavab verilməyib. Onlara cəmi bir dəfə idman geyimləri və toplar alınıb.
Saytın əməkdaşı AFFA-nın mətbuat katibi Firuz Abdulla ilə əlaqə saxlayıb. F.Abdulla bildirib ki, bir müddət öncə həmin stadionda örtüyün dəyişdirilməsi ilə bağlı AFFA-ya Gəncədən müraciət daxi olub:
“Orada heç vaxt süni örtük olmayıb, məşqlər ya torpaqda, ya da asfalt üzərində aparılıb. AFFA-nın sünü örtüklü meydançalar layihəsi var, indiyə qədər həm Bakıda həm də müxtəlif bölgələrdə təmənnasız olarq 150-dən artıq belə meydançalar tikilərək istifadəyə verilib. Həmin layihənin tərkibində paltardəyişmə otağı, duş kabinələri, sanitar qovşaqlar nəzərdə tutulmur. Sözügedən ərazi AFFA-nın balansında deyil. Biz yalnız uşaqların daha rahat məşq etməsi üçün üzərimizə düşən işi görmüşük – süni örtüklü meydança inşa etmişik”.
Mətbuat katibinin nəzərinə meydançanın planında iki sanitar qovşaq, iki soyunub-geyinmə otağı, iki duş otağının müəyyən kvadrat metr göstəricilərlə qeyd olunduğu və həmin fotonun AFFA-nın rəsmi e-mail ünvanına göndərildiyi çatdırıldıqda cavab belə oldu:
“O fotonu görməmişəm, bəlkə də kimsə arzusunda olduğu planı hazırlayıb. Bu sualınıza daha dəqiq cavab vermək üçün həmin məlumatı infrastruktura cavabdeh olan şöbəyə yönləndirəcəm və sizə dəqiq bilgi veriləcək”.
Gəncə İcra Hakimiyyətindən isə bildirdilər ki, qurumun rəsmi e-mail ünvanına göndərilən sorğuda əksini tapan məlumatlar araşdırılır və bu barədə rəsmi cavab veriləcək.

Bakı sakini Hüseyn İbrahim oğlu Sadiqov Hurriyyet.az-a müraciət edərək bildirir ki, "Yelo Bank" (keçmiş “Nikoil Bank”) və Suraxanı Rayon Məhkəməsindən şikayətçidir. O 2014-cü ildə “Nikoil Bank”dan kredit götürmək üçün evini girov qoyur. Lakin sonradan ödənişi ödəməkdə problemlər yaşayır. 2019-cu ildə ev bankın balansına keçir və onlar evdən çıxarılır. Lakin sonradan işləri qaydasına düşən Hüseyn Sadiqov banka 18000 manat köçürür və ona borcunun tam bağlanıldığı deyilir. O, iki aydan sonra bankla razılaşır, mənzil ona 60380 manat qiymətinə satılır. Ancaq Suraxanı Rayon Məhkəməsinin hakimi nə ödənişləri, nə də pandemiyanı, nə də müqavilə müddətinin daha 2 il bitməsini və digər sübutlarımı nəzərə almadan mənzilin ev sahibindən alınması barədə qərar qəbul edir.

Çarəsiz vəziyyətdə qalan şəhər sakini ölkə başçısından kömək istəyir: "Yelo Bank" haqqsız yerə mənim evimi əlimdən alıbilər. Mənim kimi bir çox şikayətçilər var. Azərbaycanda artıq hər kəs demək olar ki, "Yelo bank" rehberliyinin fırıldaqçı oyunundan xəbərdardır. Bütün dövlət qurumlarından, Cənab Prezident İlham Əliyevdən "Yelo Bank" (keçmiş “Nikoil Bank”) və Bakı şəhəri Suraxanı Rayon Məhkəməsinin hakiminin gördüyü işlərlə tanış olub, mənə köməklik etmələrini xahiş edirəm. 2014-cü ildə evimi “Nikoil Bank”a girov qoyaraq 45000 manat kredit götürdüm. 3 ay ödədikdən sonra ticarətdə problemlər yarandı, gözləmədiyim uğursuzluqla qarşılaşdım və borclarımı ödəyə bilmədim. Nəticədə bank məni məhkəməyə verdi və evim bankın adına keçdi. 2019-cu ildə ev bankın adına keçdi və bizi 2 azyaşlı uşaqla birlikdə evimizdən çıxartdılar. Tək əynimizdəki geyimlərlə... Evdən heç nə götürə bilmədik. Ailəmin hər üzvü ayrı-ayrı qohumlarda qaldı. İki aydan sonra bankla razılaşdım və evimi mənə 60380 manat 10 qəpik qiymətinə satdılar. Korona pandemiyası başladı. İşlər dayandı, vəziyyət yenidən pisləşdi, çarəsizlik yenə məni və ailəmi tutdu. Ancaq aptek və çörək üçün harasa getmək olurdu. Bunun üçün krediti vaxtında ödəyə bilmədim. Pandemiyanın və sərt karantin rejimi bir az yumşaldıqdan sonra yenidən işlərimə döndüm və dərhal banka 18000 manat ödədim. Bu ödədiyim məbləğə qədər də əlimdə olan pulları banka ödəmişəm ki, borcum azalsın. 18000 manat ödədikdən sonra bankdan təmizlik kağızı istədim və mənə "borcunuz tam bağlanıb" dedilər.

Bank dedi ki, borcunuz 100 faiz ödənilib. Təmizlik kağızının verilməsini tələb etdim. Borcun olmaması haqqında arayış almaq üçün məndən 20 manat istədilər. Verilən sənəd məni qane etmədiyinə görə, bank işçisinə müraciət etdim ki, mənə arayış vermisiz ki, kredit borcunuz bağlanılıb. Axı, biraz əvvəl borcum olmadığını demişdilər. Yenə bank yalan-dolanlarıyla məni aldadır. Müqavilənin şərtlərinə əsasən pulumu ödəmişəmsə ev mənim olmalıdır. “Yelo Bank” və Suraxanı Rayon Məhkəməsinin hakimi pandemiyanı, ciddi karantin rejimini nəzərə almayıb. Bir müddət keçdikdən sonra məhkəmədən mənə çağırış gəldi. Məhkəməyə qədər bir dəfə də olsun mənə məhkəmədən kağız gəlməyib. Hakim isə deyir ki, məhkəmələrdə iştirak etməyibsiz, bank sizdən şikayət edir ki, evi boşaltsınlar. Məhkəmə 23.08.2022-ci il tarixdə qərar verib ki, ailə evi tərk etsin. Müqavilənin bitməsinə isə 2 il var. Bu haqqsızlıq deyil, bəs nədi?.. Belə nəticəyə gəlirəm ki, Rəşad adlı “Yelo Bank” işçisi məni aldadır.

Bakı şəhəri Suraxanı Rayon Məhkəməsinin hakimi nə ödənişlərimi, nə pandemiyanı, nə də müqavilə müddətinin bitməsinə 2 il qalmasını və digər sübutlarımı nəzərə alıb. Hakim qərar verib ki, bank haqlıdır və evi boşaltmaq məcburiyyətindəyəm. Ailəm 6 nəfərdən ibarətdir: mən, həyat yoldaşım, oğlum, gəlinim və iki nəvəm. Xahiş edirəm ki, müvafiq qurumlara xəbər verəsiniz, bəlkə kimsə köməklik edə bilər. Əlimdə sənədlərim, çeklərim var. 1-2 çeki evdən köçən vaxt itirmişəm".

Qarşı tərəfi dinləməyə hazırıq.

Bir ay öncə Lerik rayonuna yeni icra başçısı təyin edildi. Londonda təhsil almış və Kənd Təsərrüfatı Nazirliyində çalışmış Əkbər Abbasov qısa müddətdə rayonda bir sıra görüşlər keçirdi. 30 gün ərzində heç bir kadr dəyişikliyi etməyən və beləcə davam edərək, Lerikin problemlərini həll edəcəyini düşünən icra başçısını, əslində, qarşıda ciddi problemlər gözləyir.
Bunlar səbəbsiz deyil. Hazırda rayonda bir çoxları o ümiddədirlər ki, Əkbər Abbasov keçmiş icra başçısı Rövşən Bağırovun komandasından xilas olub, yeni komanda quracaq. Hətta ciddi islahat gözləyənlər də az deyil. Amma və lakin görünən odur ki, yeni icra başçısı keçmiş komanda ilə nəinki işləmək fikrindədir, heç onlara toz qondurmaq barədə də düşünmür.
Əvvəla Rövşən Bağırovun komandası Lerikdə ad çıxarmış adamlardırlar. “Köhnə komanda” həm oturuşub, həm də diqtə edən tərəf statusuna malikdir. Onların arxasında hal-hazırda kim və ya kimlər dayanır məlum deyil. Lakin bilinən odur ki, adamlar özlərini o qədər güclü hesab edirlər ki, rahatlıqla Lerikdə yeni icra başçısını “təcrübəsiz”, “uşaq –muşaq” kimi təqdim etməkdən belə çəkinmirlər. Bir az konkretləşdirək.
Rövşən Bağırovun əsas adamı, Lerikin “boz kardinal”ı kimi ad çıxarmış birinci müavin Cəlil Baxşıyevin adı qarışmayan qalmaqal qalmayıb. Bu adam rayonda pambıqla baş kəsənlər sırasına daxildir. Uzun illərdir ki, eyni vəzifədə olan, son təyinata qədər başçı olacağını düşünən, lakin arzusuna çatmayan Baxşıyevin haqqında mətbuatda gen-bol məlumatlar var. Və bu məlumatların heç biri müsbət mənaları kəsb etmir.
Bir digəri icra başçısının müavini Habil Məlikovdur. Elə Əəkbər Abbasov haqqında “təcrübəsizdir”, “uşaqdır” təbliğatını təşkil edən də bu fiqurdur. Maraqlı məqam odur ki, Məlikov özünü yerli, gəlmələri isə “gəmidə oturub gəmiçi ilə dava salan” kimi təqdim edir. Üstəlik, tərübəsiz başçının uğuruz kadr olduğunu deyir. Niyyəti də, cavan, eyni zamanda idarəçilikdə təcrübəsiz olan icra başçısını mərəyə salıb, qanadlarının altına almağa çalışır. Məlikovun planları sırasında bir başqa niyyət daha var. O da köhnədən qalma, amma qarşıdurma yaradacaq problemləri yenidən qabartmağa başlayıb. Əkbər Abbasova onları aktual və yeni problem olaraq təqdim etməkdən də çəkinmir. Güman ki, hədəfi həm kadr dəyişikliyindən yayındırmaq, həm də icra başçısının “bacarıqsızlığını” nümayiş etdirməkdir. Məlikov özünü ağllı və çoxbilmiş göstərməklə həm də digər məmurları yeni icra başçısının hədəfinə qoyur.
Köhnə komandanınü üzvü, hazırda Lerik icra başçısının Ərazi idarəetmə və yerli özünüidarəetmə orqanları ilə iş şöbəsinin müdiri Əlipənah Bayramov da əsas fiqurlardan biridir. “Üçlük” uzun illərin təcrübəsindən yararlanaraq, indiyə qədər ram etdikləri icra başçıları kimi, Əkbər Abbasovu da caynaqlarına almaq istəyirlər. Bunun üçün bütün mümkün imkanlardan yararlanaraq, hər vəchlə ortalığı qarışdırmaqdan da çəkinmirlər.
Qəribəsi odur ki, bu adamların hərəkətləri açıq şəkildə ortada olsa da, nə müdaxilə edən var, nə də mane olan. Bu adamların arxasında kim dayanır, bu gücü haradan tapırlar, məlum deyil. Bəzi iddialara görə, onların əsas himayəçisinin deputat İqbal Məmmədov olduğu deyilir. Hərçənd İqbal Məmmədov Lerikdə heç də az olmayan nüfuza və böyük biznesə sahibdir. Onun yerli icra başçıları ilə münasibətlərinin olması da qeyri-adi deyil. Hər halda deputat olaraq istədiyi vaxt icra başçısı ilə görüşməsi mümkündür.
Amma mümkündür ki, deputat rayona təyinat almış icra başçılarının ondan asılı vəziyyətdə qalmasında maraqlıdır. Bunun üçün də birbaşa deyil, dolayı vasitələrdən istifadə edir. Həmin dolayı vasitələr isə uzun illər dəstəkləyə biləcəyi, onlara böyük karyera yolu açmış məlum “üçlük” ola bilər.
Lerik sakinləri deyirlər ki, hər üç şəxs Əkbər Ağayevlə bəzi məqamlarda açıq, bəzi məqamlarda isə gizli mübarizədədirlər. Onlar əhali arasında isə deyirlər ki, “biz işimizi həll etmişik, tapşırılmışıq, bizə yeni icra başçısı toxuna bilməz. Əgər toxunsa, rayonda ciddi etirazlar yaradacağıq”. Açıq deyirlər ki, icra başçısı bizə toxunsa, onu işləməyə qoymayacğıq. Görünür, lerikliləri hələ uzun müddət məmur qarşıdırması kimi hadisələr məşğul edəcək və əsas problemlər kənarda qalacaq.
Yazıda adları keçən şəxsləri də dinləməyə hazırıq. //JAMAZ.İNFO//

Bir müddət əvvəl Regional Mədəniyyət İdarələri ilə bağlı hüquqi araşdırmalar həyata keçirildi və həbs edilənlər oldu. Əslində bu olay arif adamlar üçün bir siqnal rolunu oynamalı idi. Maləsəf, bəziləri fəqrli düşünür və onların sırasında Bərdə Regional Mədəniyyət İdarəsinin rəisi Vəsilə Möhsümova da var. Qeyd edək ki, Vəsilə xanım bu ilin aprel ayında sözügedən vəzifəyə təyin olunub. Amma buna rəğmən gəldiyi gündən BÖYÜK İŞLƏRƏ imza ata bildiyindən ciddi əndişə keçirir. DİA.AZ olaraq bu barədə xəbəri çatdırmışdıq.

Qeyd etmişdik ki, bundan öncə Ağdam rayon icra hakimiyyətində, Ailə, Qadın və Uşaq problemləri üzrə Dövlət Komitəsində və Kənd Təsərrüfatı Nazirliyində yüksək vəzifələrdə çalışmış Vəsilə Möhsümova əslində ilk günlərdən özünə bir "imperiya" qurmaq həvəsinə düşüb. Bu barədə danışan mənbənin söylədikləri:

"Sanki hansısa qalanı almış fatehlər kimi Mədəniyyət Nazirliyinin Bərdə regional idarəsinə təyin olunduqdan sonra sözügedən quruma aid əraziləri bir-bir gəzən, hər bir ərazidəki tabeçiliyində olan qurumları bir-bir analiz edən, onların rəhbərləri ilə bir-bir danışıq aparmağa vaxt tapan Vəsilə xanımın bu operativliyi əslində heç də işgüzarlıqla əlaqədar deyil və burada yetərincə şübhələnməli məqamlar var".

Onu da qeyd edək ki, Bərdə regional idarəsi Bərdə, Tərtər, Yevlax, Mingəçevir bölgələrini əhatə edir. Mənbə olduqca ilginc ittihamları səsləndirib.

DİA.AZ-a danışan mənbə bildirir ki, gəldiyi ilk gündən bəzi planlara malik olan Vəsilə Möhsümova hələlik gözləmə mövqetindədir:

"Söhbət özünə yeni komanda qurma və bu əsnada qazanc əldə etmə istəyindən gedir. Amma hüquq-mühafizə orqanlarının sözügedən istiqamətdəki aktivliyi Vəsilə xanımı bir balaca ehtiyatlı davranmağa vadar edib. Yəni rüşvəti dolayı yollarla qəbul edirlər..."

Onu da bildirək ki, məlumatı verən mənbə daha ağır ittihamlar da səsləndirib. Müəyyən dəqiqləşdirmələrdən sonra bu barədə materialımızı təqdim edəcəyik.

İddia olunanlarla bağlı dia.az olaraq qarşı tərəfi də dinləməyə hazırıq...

Təbiətə ANA deyirsiniz…

Adam olan kəs ANASINI bu günə qoyarmı..?

Bu çayın suyu sakinlər üçün içməli su mənbəyidir..

Məlumdur ki, cənab Prezident İlham Əliyevin tapşırığı ilə ölkəmizdə qeyri-neft sektorunun inkişafı üçün mühüm proqramlar hazırlanıb.
Bəllidir ki, faydalı qazıntı yataqları, neft, qaz zaman keçdikcə tükənir. Bu hər yerdə belədir. Ona görə də dövlətin gələcəyi üçün mütləq digər sektorlar da inkişaf etdirilməlidir.
Azərbaycanda tarixən aqrar sahə ənənəvi olub. Və son illər bu sahəyə, pambıqçılığa, üzümçülüyə, tütünçülüyə, baramaçılığa önəm verilir.
Digər tərəfdən dünyada ən gəlirli sahələrdən biri də turizmdir.
Bir çox dövlətlər il ərzində turizm biznesindən milyardlarla gəlir götürür.
Çox təəssüf ki, hətta yaxın qonşularımızla müqayisədə turizm biznesi bizdə zəif inkişaf edib.
Çox şükür ki, yenə də cənab Ptezidentin təşəbbüsü ilə bu sahədə son illər xeyli irəliləyiş var.
Birincisi, turizmin inkişafı üçün mütləq infrastuktur sahələr inkişaf etməli, rahat yollar salınmalı, otellər tikilməli, servis mədəniyyəti inkişaf etməlidir.
Bütün bunlardan sonra ölkəmizə turist axını ola bilər.
Maşallah, ölkəmizin dilbər guşələri, görməli, istirahət etməli yerləri kifayət qədərdir. Amma…
Əmması odur ki, turist pul xərcləyirsə, yüksək, keyfiyyətli xidmət tələb edəcək, əgər bu olmasa, o turisti bir də ölkəmizdə görə bilmərik.
Məlumdur ki, əhali sayına görə Azərbaycanın dördüncü böyük şəhəri hesab olunan Mingəçevir Kür çayının sahilində yerləşir. Elə şəhərin gəzməli, görməli yeri də məhz bu sahildir. Mingəçevirə gələn qonaqlar, turistlər mütləq Kürün sahilində salınmış parka baş çəkir. Son illər sahildə tikilən otel, kafe və restoranların hər nə qədər istirahət imkanlarının artmasına səbəb olduğu deyilsə də, yerli sakinlərin əksəriyyəti bu vəziyyətdən narazıdır. Səbəb də bu tikililərin çayın içərisinə doğru getməsi, çayın görünüşünün qarşısının alınmasıdır.
Təsəvvür edirsiniz, Kür çayının üzərində tikilən restoranlar, kafelər öz tullantlarını kür çayına buraxır.
Bu hələ harasıdır..?
Kür çayının üzərindəki restoranların tualetləri Kür çayına ifrazat, nəcis axıdır.
Birincisi və ən dəhşətlisi odur ki, Kür çayının suyu bir çox rayonların sakinləri üçün içməli su mənbəyidir.
Biz nə üçün vətəndaşlarımıza nəcis iyi verən su içirtməliyik..?
Yaxud bu iyrənc mənzərəni görən turist bir də Mingəçevirə, ümumiyyətlə, ölkəmizə gələrmi..?
Ümumiyyətlə, bu mənzərəni görən əcnəbilər millətimiz barədə nə düşünər..?
Bəs, televizora çıxan kimi ANA TƏBİƏT deyib, coşursunuz, şeir qondarır, mahnı oxuyursunuz.
Adam olan kəs ANASINI bu günə qoyarmı..?
Ümumiyyətlə, Mingəçevirdə Kürün ətrafı və üstü bəzi məmurlar tərəfindən zəbt, daha doğrusu işğal olunub.
Çayın üzərində müxtəlif adla “Liman” kafesi, “İnci” restoranı və daha nələr fəaliyyət göstərir.
Kürün bir sahilində “Ağsaray” oteli gecə-gündüz işləyir, çirkab sular Kürə axıdılır.
Biz otelin-filanın əleyhinə deyilik. Əksinə yuxarıda qeyd etdiyimiz kimi otellər olmalıdır ki, turist cəlb edə biləsən. Amma otelin normal kanalizasiya sistemi olmalıdır.
Yeri gəlmişkən, Kürün üzərindəki və ətrafındakı obyektlərin çoxunun iş adamı, “Sədərək Yusif” kimi tanınan şəxsə, “Deka” şirkətinə” məxsus olduğu deyilir.
Və bütün bu obyektlərin tikintisinə, Mingəçevir icra hakimiyyəti, Ekologiya Nazirliyi icazə verib.
Təsəvvür edirsiniz, elə ərazilər zəbt olunub ki, birbaşa mühafizə zolağına aiddir.
Heydər Əliyev adına parkın xeyli hissəsi zəbt olunub və ora giriş pulludur.
Yerli sakinlər də buna etiraz edirlər. Amma onların etirazını eşidən yoxdur.
Sakinlər iş adamı Yusif müəllimdən çox şikayət edirlər. Və deyirlər ki, Yusif müəllim deyib ki, camaatın acığına Kürün üstündə ikimərtəbəli şadlıq sarayı tikəcəm.
Bəli, gəlib-gedən icra başçıları Yusif müəllimin pulunu alıb qeyri-qanuni sərəncamlar verirlər.
Sakinlər isə, dövlət qurumlarına, Ekologiya naziri Muxtar Babayevə və başqa instansiyalara şikayət ərizələri yazmaqda davam edirlər.
Biz də bir media olaraq ekonazirdən soruşuruq ki, hara baxırsan, Muxtar Babayev, Mingəçevirdə Kür çayı üfunət iyi verir... gundelik baki.com

Təhsil Naziri Emin Əmrullayev regionlara nəzarət edirmi ?

Mərkəzi Aran Regional Təhsil İdarəsinin rəisi Elçin Kərimovun ’’idarəetməsi’’...

Ölkəmizdə çətin vəziyyətdə olan sahələrdən biri də təhsil sahəsidir.Ümid olunurdu ki,Emin Əmrullayev kimi gənc kadr vəzifəyə təyin olunandan sonra təhsil sahəsində müsbətə doğru dəyişikliklər edib,irəliləyişlər edəcək.Amma daha sonrakı vəziyyət heç də ürəkaçan olmadı.Bir müddət sonra hamıya aydın oldu ki,müsbətə doğru heç bir addım atılmadı.Günümüzün ən çox izləyici platforması olan şəbəkələrdə hər gün bu mövzu geniş müzakirə mövzusuna çevrilir.Demək olar ki,hər gün saytlar Təhsil Nazirliyini,Bakı Şəhər Təhsil İdarəsini,Regional Təhsil İdarələrini çox kəskin şəkildə tənqid edir,ortaya ciddi faktlar qoyurlar.Bu kimi faktlar da,təhsil sisteminin tənəzzülünü təzahür edir.Təhsil ekspertləri də bu faktları sosial şəbəkələrdə olan öz səhifələrində təsdiq edib,şərh edirlər.Təhsil sisteminin tənəzzüldən xilas edib inkişaf etdirməyin yollarını içtimaiyyətə bilavasitə çatdırıllar.Amma ki,nə fayda...
Təhsil Naziri Emin Əmrullayev əslində siftəni yaxşı etmişdi.Məmur maaşı ilə alına biləcək evdə reportaj verən sadəlövh nazir görəsən yeni evə köç edibmi ? Görəsən qısa müddətdə xeyli dəyişən nazir Emin Əmrullayev hər gün reportaj verdiyi emindəmi qalır ?
Onu da xatırladaq ki,Emin Əmrullayevin dosyesinə nəzər salanda 2005-2009-cu illərdə nurçulara görə bağlanan Qafqaz universitetində müəllim,2009-2010-cu illərdə ’’Kaspi Education’’ MMC-də Beynəlxalq əlaqələr şöbəsinin müdiri vəzifəsində çalışıb.2013-cü ildə ’’Kaspi Education’’ MMC-də Təhsilin keyfiyyətinə nəzarət üzrə direktor vəzifəsində çalışıb. 2014-cü ildən Təhsil Nazirliyinə transfer olan Emin Əmrullayev bir sıra məsul vəzifələrdə işləyib.
Ümid edirik ki,gənc kadr olan Emin Əmrullayev təhsilimizi düşdüyü vəziyyətdən xilas etmək üçün bəzi addımlar atacaqdır və bu yolda gənc nazir Emin Əmrullayevə uğurlar arzu edirik.
Çətin vəziyyətdə olan yerlər daha çox bölgələrdədir.Regional təhsil idarələri yaransada onlara nəzarət demək olar ki,yoxdur.El diliylə desək,kimin əli kimin cibindədir bilmək olmur.Direktor və müavinlərinin seçilməsi xüsusi maraqlar qarşılığında olması təhsilimiz üçün çox acınacaqlıdır.Regional təhsil idarələrinin rəhbər şəxsləri nazir tərəfindən etimad göstərilən şəxslərdir.Onların işlərinin məsuliyyətlə idarə etməmələri,yaranan boşluqlar və olunan şikayətlər etimadı doğrultmadıqlarını sübut edir.Ümid edirik ki,yerlərdə nəzarət artar və regional təhsil idarələrinə xüsusi nəzarət olunar.

Sosial şəbəkələrdə olan şikayətlərə görə məşhur regional təhsil idarəsi Mərkəzi Aran Regional Təhsil İdarəsidir.İdarənin rəhbəri 05.05.2022-ci ildə təyin olunan Elçin Kərimovdur.Onu da nəzərinizə çatdırım ki,E.Kazımov təhsil naziri Emin Əmrullayevin nazirlikdə işləyən zamanlarda iş yoldaşı olub və uzun illərdir dostluqları var. Mərkəzi Aran Regional Təhsil İdarəsi Mingəçevir şəhəri, Ağdaş, Göyçay, Kürdəmir, Ucar, Yevlax və Zərdab rayon təhsil şöbələrinin əsasında yaradılıb.Maraqlısı odur ki,Regional Təhsil İdarəsi yaransa da həmin rayonların keçmiş təhsil şöbəsinin müdirləri işlərini davam etdirir.Xüsusi razılaşma əsasında işlər idarə olunur.Burada çox ciddi sual yaranır:
Ləğv olunmuş idarənin rəisi necə həmin idarəni idarə edə bilər.Bu birbaşa qanuna ziddir və qanundan kənara çıxaraq göstərişlərə əməl etməməkdir.
Direktor və müavinlərinin maaşlarının qaldırılması çox hümanist addım idi.Bu addım təhsilimizdə uğurların atılmasına səbəb olacaq.Amma ki,bəzi işbazlar bundan istifadə edib,qanunsuzluqlar edirlər.
Direktor və müavinlərinin maaşlarının qalxdığına görə işbazlar qanunsuz yollara əl atırlar.Kimlərinsə Daxili imkanları hesabına direktor və müavinlər təyin etdirməsi regionlarda ciddi müzakirə mövzusudur.Bu kimi hallar Kürdəmir və Mingəçevirdə ciddi hal olaraq qalmaqdadır.Kürdəmir rayonunun təhsil şöbəsinin müdiri Rafael Məmmədovdan sosial şəbəkələrdə şikayətlərə rast gəlmək olar.Rafael Məmmədovun Mərkəzi Aran RTİ-nin rəhbəri Elçin Kərimovla yaxın münasibətdə olduğu da deyilir.Deyilənlərə görə,Rafael Məmmədov tez-tez Elçin Kərimova qiymətli hədiyyələr verir,təmtəraqlı qonaqlıqlar təşkil edir.Bu kimi hallar onların birlikdə işlər gördüklərini düşünməyə zəmin yaradır.Təyinatlara birbaşa Elçin Kərimov nəzarət edir.Elçin Kərimovun otağına gedən yol onun köməkçisi Cavad müəllimdən keçir.Bəzi işləri görmək üçün Cavad müəllimi razı salmaq kifayətdir.Müsabiqələrin şəffaf keçirilməsində xeyli sayda şübhələr var.Ümid edirik ki,yerlərdə əməliyyatlar keçiriləcək.Qanunsuzluq edən məmurlar həbs olunacaqlar.

İşbazlardan soruşmaq lazımdır ki,2021 ci ildə keçirilən müsabiqələrin nəticələri nə yerdə qaldı ?
Müsabiqədən yüksək nəticə toplayan müəllimlər öz haqqları olan vəzifəyə təyin olmadılar.Səbəb olaraq bir sıra bəhanələr göstərildi.2022 ci ildə Mərkəzi Aran Regional Təhsil İdarəsinin rəisi Elçin Kərimovun rəhbərliyi ilə şəffaqlığına inanılmayan müsabiqənin keçirilməsi,qapalı olan direktor təyinatları sakinlərdə xeyli şübhə doğurub.Əgər belə olacaqdısa,bildiklərini edəcəkdilərsə 2021 ci ildə keçirilən müsabiqə nəyə lazım idi?
Bu rəsmən insanları ələ salmaqdır.Qurumun rəhbər şəxsləri etdiklərinə göre məsuliyyət daşımalıdırlar.


Kimlər direktor təyin olundu ? Yüksək nəticə göstərən müəllimlər niyə kənarda qalmalıdır ? Onlarını haqqını yemək nə dərəcədə düzgündür ?
Kənd və şəhər məktəblərinə verilən direktor təyinatları sakinlər tərəfindən heç də birmənalı qarşılanmayıb.Etiraz edən müsabiqə iştirakçılarına yola vermək səbəbi ilə şablon cavab verib yola salırlar.Regional təhsil şöbələri fəaliyyətini davam etdirəcəkdisə yeni yaradılan Mərkəzi Aran Regional Təhsil İdarəsi nəyə lazım idi ? Görünən odur ki,regionlarda vəziyyət dəyişməyib,əvvəl necə idisə indi də elə davam edir.Necə deyərlər Köhnə hamam köhnə tasdır…
Doğrudur tasın vəziyyətindən hələ agah deyilik,amma ki araşdırmamız davam edir. gundelik baki.com