www.dunyapress.info

“Sumqayıt Tibb Mərkəzi” Publik Hüquqi Şəxsində ( keçmiş Sumqayıt Səhiyyə şöbəsində ) baş verən qanunsuzluqlarla bağlı cinayət işi başlanıb.
Bu barədə bir neçə gün öncə Baş Prokurorluğun Mətbuat xidmətinə istinadən yayılan xəbərdə deyilir ki, “Sumqayıt Tibb Mərkəzi” PHŞ tərəfindən dövlət vəsaitlərinin və digər dövlət əmlakının idarə olunmasına dair qanunvericiliyin pozulması barədə Hesablama Palatasından daxil olmuş material əsasında Baş prokuror yanında Korrupsiyaya qarşı Mübarizə Baş İdarəsində araşdırma aparılıb.
Aparılmış araşdırma ilə qeyd olunan hüquqi şəxsin vəzifəli şəxsləri tərəfindən Sumqayıt şəhəri ərazisində fəaliyyət göstərən dövlət tibb müəssisələrində cari təmir işlərinin aparılması ilə bağlı dövlət büdcəsindən ayrılmış külli miqdarda pul vəsaitinin təyinatı üzrə xərclənməməsi və mənimsənilməsinə əsaslı şübhələr müəyyən edilib.
Faktla bağlı Baş prokuror yanında Korrupsiyaya qarşı Mübarizə Baş İdarəsində Cinayət Məcəlləsinin 179.3.2 (külli miqdarda mənimsəmə), 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi başlanaraq ibtidai istintaq aparılır. Bura qədər yazılanlar rəsmi məlumatdır.
Məlumat üçün onu qeyd edək ki, 2019-cu ildən Sumqayıt Səhiyyə Şöbəsinə Səkinə Sadıxova rəhbərlik edib. Sonradan Sumqayıt şəhər Səhiyyə Şöbəsinin bazasında yeddisi Ailə Sağlamlıq Mərkəzi və dördü şəhər xəstəxanası olmaqla 18 tibb müəssisəsindən ibarət Sumqayıt Tibb Mərkəzi yaradılıb. Və Səkinə Sadıxova Mərkəzin direktoru olub.
Təsəvvür edirsiniz, Səkinə Sadıxova 300 min əhalisi olan Sumqayıt şəhərinin səhiyyəsinə görə məsuliyyət daşıyır, tabeçiliyində 7 Sağlamlıq Mərkəzi, 18 tibb müəssisəsi, Təcili Yardım və s. İndi özünüz Səkinə Sadıxovanın yığdığı rüşvətin miqyasını təsəvvür edin.
Səkinə Sadıxova Sumqayıt Şəhərindəki Təcili Yardım stansiyasına ayrılan vəsaiti, yanacağı, nə bilim ehtiyat hissələrinin pulunu məmisəyirdi və bütün xərcləri yıxırdı sürücülərin üstünə. Səkinə Sadıxova Sumqayıtdakı xəstəxanalarda istədiyi adamı çıxarıb pul alaraq başqasını təyin edirdi. Baş həkimlər etiraz edəndə onları vəzifədən çıxarmaqla hədələyirdi. Bu adam həkimlərin pulu hesabına özünə bahalı, təmtəraqlı ad günləri keçirir, bahalı imperator kəməri taxaraq fotosessiya göstərirdi.
İstər-istəməz sual doğurdu ki, dövlətdən konkret maaş alan Səkinə Sadıxova belə bahalı məclisi hansı pulla keçirir..? Hətta deyilənə görə, Səkinə Sadıxovanın belindəki kəmər Rusiya İmperiyasının çarı II Nikolayin, həyat yoldaşının, imperatriçanın kəməri imiş.
Bəli, Səkinə Sadıxova Romanovlar sülaləsinə məxsus antikvar kəməri necə əldə edib, neçə milyon xərcləyib, bunu qoy dövlət qurumları araşdırsın... Redaksiyamıza daxil olan məlumata görə, kəmər 713 min dollara başa gəlib. Həkim həmkarları deyir ki, biz bilmirik Səkinə səhiyyə rəhbəridir, yoxsa, modeldir. Səkinə Sadıxova qısa vaxtda kadr yerdəyişmələri, təqaüd yaşına çatan həkimlərin müddətinin uzadılması adı altında yüz minlərlə pul yığıb.
Səkinə Sadıxova 2021-2022-ci illərdə saxta tenderlər keçirib və yüz minlər mənimsənilib. Və hər kəsə də deyir ki, dalımda TƏBİB-in İcraçı direktoru Vüqar Qurbanovun müavini Araz Nəsirov dayanıb. Məlumat üçün qeyd edək ki, Araz Nəsirov 2018-2022-ci illər ərzində İcbari Tibbi Sığorta üzrə Dövlət Agentliyinin Strateji təhlil departamentinin rəhbəri olub, hazırda TƏBİB-in icraçı direktorunun müavinidir.
Sözün qısası, Sumqayıt şəhər səhiyyəsinin başına oyunlar açan Səkinə Sadıxovanın həbsi qaçılmazdır. Adam istəyir deyə ki, avazın yaxşı gəlirdi Səkinə, deyirdin dalımda Araz dayanır... Amma Səkinə Sadıxova TƏBİB-in icraçı direktorun müavini Araz Nəsirova o qədər arxayın olub ki, Sumqayıt Səhiyyəsində istədiyini edib. Çünki, Araz Nəsirov həmişə Səkinə Sadıxovaya deyirmiş ki, biz təzə komandadanıq bizə heç kim heçnə etməz. Nə istəyirsiz onu da edin. Burada söhbət qanunsuz əməllərdən gedir.
Baxın, Səkinə Sadıxova hamını pulla almaq fikrinə düşmüşdü. Nə Gündəlik-baku.com-u pulla ələ ala bildi, nədə onu yoxlayan cəsarətli hüquq mühafizə orqanları işçilərini. Biz bu çətin işimizdə bizə əngəl Səkinə Sadıxovaya, dəstək olmaq istəyən Hüquq Mühafizə Orqanları haqqındada yazı dərc edərək yuxarı instansiyalara göndərəcəyik. Cəsarətli, inamlı, ədalətli addımlarımız həmişə qələbə ilə nəticələnib. Biz öyünmürük ki, hansısa qadına qarşı cinayət işi qaldırdılar, biz öyünürük ki, hansısa rüşvətə, korrupsiyaya bulaşdırılmış və bulaşdırılmaqda davam edən bir qadını uçurumun düz başından xilas edirik. Nə isə bu haqda növbəti yazıda...
P.S. Namusu, şərəfi olan hər bir kəs cənab Prezidentin siyasətinə zidd getməz.

Ağstafa səhiyyəsi ACINACAQLI DURUMDA... - İTTİHAM VAR!

Yaradılıb 09.05.2023 09:42 | Baxış sayı: 138

Son vaxtlar Ağstafa Mərkəzi Rayon Xəstəxanasında baş alıb gedən biabırçılıqların, çoxsaylı qanunsuzluqların, süründürməçilik hallarının və s. varlığı “pik nöqtə”yə çatdığından, artıq bu səhiyyə müəsisəsinin adı hər yanda dillər əzbəri olub. Qeyd edək ki, media üzərindən apardığımız araşdırmalar zamanı o da bəlli oldu ki, Ağstafa MRX-sı Publik Hüquqi Şəxsin baş həkimi İlham Sofiyevlə bağlı verilmiş təyinatı, keçmiş döyüşçü Alik Muradov da sərt tənqid edib. Hətta bu şəxs bir qədər irəli gedərək baş həkimin təyinatını, bir qədər yumşaq desək ağstafalıların təhqir olunması kimi də dəyərləndirib. Bir sözlə, İlham Sofiyevin fəaliyyətinin daha çox tənqid olunmasına, Ağstafa MRX-da müayinə və müalicə olunan xəstələrə dərman preparatlarının verilməməsi, göstərilən xidmətlərin pullu olması, bir çox şəxslərə ögey münasibətin bəslənməsi və s. səbəb olur. Bir-neçə gün bundan öncə isə Ağstafa rayonu, Xılxına kənd sakini Bəhlul Əliyev adlı şəxs Dəryaz qəzetinin redaksiyasına ünvanladığı müraciətində qeyd edir ki, “Mən bir neçə ildir ki, şəkər xəstəsiyəm, amma səhhətimdə əmələ gələn şəkər xəstəliyinin neçə faiz olduğunu bilmirəm. Düzdür, bir neçə ay bundan öncə Ağstafa MRX-da oldum və həmin vaxt özümü bir qədər gümrah hiss edirdim. Belə bir səbəbdən də, bu səhiyyə müəssisəsində çalışan həkim “resept” yazıb bir neçə dərman almağımı və müəyyən müalicə işlərinin həyata keçirilməsini məsləhət gördü. Düzdür, həmin həkimin məsləhətlərinə əməl etdim və bir müddət səhhətimdəki problemlər aradan qalxsa da, son günlər özümü narahat hiss etməyə başladım. Belə bir səbəbdən də 04 may 2023-cü il tarixdə bir daha Ağstafa MRX-na müraciət etməli oldum. Təəssüf və təəccüb doğuran hal o oldu ki, müayinə həkimi şəkər xəstəsi olmağımla bağlı mənə “resept” yazıb versə də, səhhətimdəki şəkərin dərəcəsini müəyyən edə bilmədi. Elə ki, həkimdən bunun səbəbini soruşdum, o halda o, “Bilirsənmi, mənim də çalışdığım Ağstafa MRX-da bir dənə də olsun belə, şəkər xəstəliyinin dərəcəsini müəyyən edən aparat yoxdur” dedi. Həkimdən belə bir cavabı eşidərkən şok oldum. Yəni, öz-özümə sual etdim ki, bu qədər də biabırçılıq olar? MRX-da şəkər xəstəliyinin dərəcəsini müəyyən edən aparat olmasın? Elə ki, bu məsələ ilə bağlı baş həkim İlham Sofiyevin qəbulunda oldum və ona bu məsələ ilə bağlı kəskin narazılığımı bildirdim, o halda o, “Sənin ağlın hara gedib? Məgər, sən bilmirsənmi ki, Ağstafa MRX-na Səhiyyə Nazirliyi şəkər ölçən aparat vermir? Nazirlik bizə vermir, biz də nə sənə, nə də ki, digər xəstələrə xidmət göstərə bilmirik” deyə cavab verdi. Düzdür, baş həkim vəzifəsini daşıyan bu şəxsin verdiyi cavaba heç cür inanmadım. Eyni zamanda ona bu məsələ ilə bağlı aidiyyatı orqanlara, o cümlədən Səhiyyə Nazirliyinə Baş Prokurorluğa şikayət edəcəyəm dedikdə, İlham Sofiyev mənə “Get, kimə istəyirsən şikayət et” dedi. O halda dərk edib başa düşdüm ki, deməli ya Səhiyyə Naziri yalan danışır, yaxud da ki, bu şəxs yaşadığımız Azərbaycan Respublikasında bir kimsəni saya salmır, ölkə qanunlarının əhəmiyyətinə məhəl qoymur. Bəli, baş həkimin bu cür cavabı bir anlığa olsa belə hər kəsi düşünməyə sövq edir. Necə ola bilər ki, bir kimsə bu ölkədə əhəmiyyətli vəzifə sahibi olsun, amma həmin şəxs ölkə qanunlarına məhəl qoymasın?” Deməli, Ağstafa MRX-da yaşananlarla bağlı dolaşan söz-söhbətlərin, müəyyən giley-güzarların, baş alıb gedən vətəndaş narazılıqlarının və sairələrin həqiqət olmasını baş həkim İlham Sofiyev həm danışığı, həm də davranışı ilə sübuta yetirir. Düşünürük ki, bu məqalənin yayımlanmasından sonra Səhiyyə Nazirliyinin TƏBİB-in rəhbərliyi qeyd olunan problemlərin varlığı ilə bağlı lazımi araşdırmalar aparacaq və 2020-ci ildən Ağstafa səhiyyəsinə rəhbərlik edən bu şəxsin əməlləri ilə bağlı lazımi ölçü götürüləcək. Yazıda adı çəkilən hər kəsin mövqeyini dinləyə bilərik.

P.S. Faktları dəqiqləşdirmək üçün baş həkim, İlham Sofiyevlə telefon əlaqəsi saxladıq. O, ilk dəfə Bəhlul Əliyevin ona müraciət etmədiyini və elə bir söz işlətmədiyini dedikdə biz yenidən Bəhlul Əliyevə zəng vurub baş həkimin mövqeyini ona bildirdik. Bəhlul Əliyev dediyi fikirlərinin üstündə durduğunu, və baş həkimin bu özbaşınalığı barədə baş prokurorluğa müraciət edəcəyini dilə gətirdi. Biz yenidən cənab baş həkimə zəng etdikdə bu dəfə onun dili topuq çalıb, mən elə demədim, dedim ki, şəkər ölçən aparatımız hələ gəlib çıxmayıb, yoldadır»

Mövzuya qayıdacağıq.

Deryaz.az