 |
|
|
Elşad Məmmədov energetika sahəsinə necə qənim kəsilib... - GİLEYÖlkə iqtisadiyyatı genişləndikcə, əhalinin sayı artdıqca elektrik enerjisinə tələb yüksəlir. Odur ki, hökumət bu sahəyə daha çox diqqət yetirir. Düzdür, ölkədə enerji istehsalı artır. Dövlət tərəfindən həyata keçirilən tədbirlər nəticəsində xeyli vaxtdır enerji tədarükçüsünə çevrilmişik.
Lakin istehsal prosesində ciddi problemlər mövcuddur. Buna misal olaraq, “Azərenerji” ASC-nin real yanaşma tərzi sözügedən sahəyə çox aşağıdır.
Məmurların iş fəaliyyətində törətdiyi nöqsanlar çox ciddi təəssüf doğurur. Görünür, bəzi məmurlar öz işlərini ölkədə gedən inkişafın məntiqinə uyğun qura bilmir. Yenə də səlahiyyətlərindən sui-istifadə edirlər, qanunları pozurlar, rüşvətxorluğu, korrupsiyanı adi həyat tərzinə çeviriblər.
Bu gün əhalinin çoxluq təşkil edən hissəsinin dövlət başçısından razılığı şübhə doğurmasa da, sirr deyil ki, bəzi xırda və iriranqlı məmurların yarıtmaz fəaliyyətləri əhali ilə hakimiyyət arasında ciddi problemlərə, ziddiyyətli və müxalif ictimai rəylərə də meydan açır.
Təəssüf ki, müəyyən mövqe tutan məmurlarımız var ki, nə özləri, nə də övladları xalqa hörmət etmək istəmir, cəzasızlıq mühitinə sığınaraq özlərini “toxunulmaz” bilirlər. Ölkəni bürüyən “belələri” tutduqları vəzifədən sui-istifadə edərək insanların haqqını tapdayır, büdcəni “ciblərinə” sovuraraq dövlət malını qorxmadan talayır, varlanıb harınlayır, gözləri yalnızca özlərinin daha da varlanmaq arzularından başqa heç bir dəyər tanımır.
Xoşbəxtlikdən, Azərbaycanda dövlət səviyyəsində məmur özbaşınalığına qarşı böyük mübarizə həyata keçirilir. Son illər ard-arda milyonçu icra başçılarının və korrupsioner nazirlik əməkdaşlarının həbsi və genişmiqyaslı antikorrupsiya tədbirləri məhz əhalinin də narazı qaldığı məmurların islah olunmasına, dövlət məmuru ərkanına kölgə salanların likvidasiyasına yönəlib.
Bu mübarizə siyasəti hakimiyyətin dayanıqlılığının maraqları fonunda ictimai maraqların müdafiəsinə də yönəlib. Lakin, bu istiqamətdə hələ çox çalışmalı, demokratik və hürr cəmiyyət quruculuğu istiqamətində ən xırda nöqsanların yoxluğuna nail olmalıyıq.
Sözümüz bunda deyil.
Yazımızın "qəhrəmanı” son günlər media gündəminə çevrilmiş məmur Elşad Məmmədovdur. Ölkənin Qərb bölgəsində var-dövləti ilə göz qamaşdıran bu şəxs “Azərişıq” ASC–nin ən səriştəli kadrlardandır.
Əldə etdiyimiz məlumatlara görə, Elşad Məmmədovun yuxarı təbəqəli məmurlarla əlaqə yaratmaq, hətta qohum omaq bacarığı hədsizdir. Ona görə ki, dil-diş bu adamda ürəyincədir. Qaldı ki, ölkədə adının hallanması ona görədir ki, xüsusilə energetika sisteminin “Azərişıq” ASC –nin yerlərdəki kadrları 2 ildən artıq işləmirlər. Yeyintilərin üstü açılmasın deyə, kadrların yeri tez-tez dəyişdirilir. O cümlədən, Elşad Məmmədov da guya ən bacarıqlı kadr kimi Qazaxdan Bakıya gedəndən qısa bir müddətdə hələ ki, 3 dəfə yeri dəyişdirilib. Əvvəlcə, Bakının Sabunçu rayonuna, sonra Abşeron rayonuna, hazırda isə Bakının digər rayonuna dəyişdirilib. Əlbəttə, burada şübhələnməyə də ehtiyac yoxdur. Ona görə ki, Elşad Məmmədov hansı rayonda işləyibsə, yol verdiyi ciddi nöqsanlara görə media səhiflərinin gündəminə çevrilib.
Bir az bu kadr haqqında tarixi azca vərəqləsək açıqca görərik ki, Məmmədov adicə əmək fəaliyyətinə başladığıl Qazax rayonunda anacq özünə işləməklə məşğul olub. Hələ onun ilk dəfə sovet dönəmində fəaliyyət göstərən Qazax rayon icraiyyə komitəsində əmək müvəkkili, sonra rayon partiya komitəsində köməkçi vəziflərini kənara atsaq, ondan sonra keçdiyi vəzifələrdə hansı əməllərlə məşğul olduğuna məəttəl qalarıq. Məmmədov rayon partiya komitəsi fəaliyyətinə dayandırdıqdan sonra Qazax özəlləşdirmə idarəsinə müdir təyin olundu. İnanın kı, yeyib-dağıtmaq üçün əlinə düşən yağlı fürsətin birini də boş buraxmadı. O, Qazaxın mərkəzi parkında poçtla üzbəüz olan binanın altında xeyli yeri özəlləşdirərək, ayda ona 1000 manatdan artıq gəlir gətirən kişi salonu yaratdı. Həmin binanın qarşısındakı həkimlərin binası deyilən yerdə 1-ci mərtəbədə yaşayış mənzili aldı. Hansı kı, onun Xanlıqlar kəndində topdağıtmaz məhlə evi, torpaq sahələri vardır. Bundan əlavə, hərbi komissarlığın köhnə binasına bitişik otağı özəlləşdirərək övladı üçün peraşki bişirmə, sonra fotoatelye, hazırda isə dərzi salonu kimi iş bacaranlara icarəyə vermişdir. Yəni, bunlar hələ ki, gözəgörünənlərdir.
Özəlləşmə idarəsində özəlləşdirəcəyi yerlərin qurtardığını başa düşən Məmmədov harda var, harda yox özünü energetika sahəsinə verdi. Əvvəlcə, yenə Qazaxda fəaliyyətə başladı. Sonra Şəkiyə, daha saonra yenə Qazaxa, Ağstafaya, ordan da Bakıya üz tutdu. Bu rayonların hansında işləyibsə, həmin yerlərdə Məmmədov yaxşıca talançılığa yol verib. Hətta, Məmmədov Qazaxda işləyərkən Bakıdan gələn gizli yoxlama, Məmmədovun öz xeyiri üçün “levi” verdiyi işıq xətlərini üzə çıxarmış, nəticədə həmin hadisə onun işdən azad olunmasına gətirib çıxarmışdır. Lakin, bayaq söylədiyimiz kimi, hazırda baş nazirin müavini işləyən Şahin Mistafayevin Baba Rzayevə 1 kəlməsi məsələni həll etmişdir. Məmmədov yenə öz işinə qaytarılmışdır. Onu da xataırladaq ki, Elşad Məmmədov oğluna Şahin Mustafayevin qaynı qızını almışdır. Görürsünüz, kişi gələcəyini bilirmiş. Ona görə də, Şahin Mustafyevə arxalanan Elşad Məmmədov necə istəyirsə, eləcə də hərəkət edir.
Qazaxda dəyəri 1 milyoina yaxın“Xan bağı” resoran-istirahət mərkəzinin, ona bitişik 5-dən çox maşın təmiri sexinin ünvanını kimdən soruşsanız, sizə “işıq Elşadın” adı ilə səslənən Elşad Məmmədovun obyektini istinad verəcək. Onu da qeyd edək ki, restoranın özünəməxsus transformatoru da vardır. Yəni, bunların hamısı yüksək vəsaitlə ölçülən əmlaklardır. Məmmədovun “levi” işıq verməsində bu restoranın da adı siyahıya düşmüşdü. Düşünməməyə, narahat olmaya bilmirsən, bəli bu qədər vəsait bu insanda hardandır? Kimlərin hesabınadır? Kimdir bunun havadarı? Təbii ki, məlumdur. Bir imkansıza 1 manat belə köməyi dəyməyən Məmmədovun tutduğu yolun adı nədir?
Elşad Məmmədov dövlətdən oğurladığı misilsiz gəlirlərin hesabına Qazax şəhərində, kooperativ binanın qənşərində bir neçə mərtəbədən ibarət, ən müasir üslubda təxminən otaq sayı 25-dən çox olan bina da inşa etdirmişdir. Təbii ki, hər bir otağın özünəməxsus məişət əşyaları, yataq dəsti, digər adda mebel dəsti və sairə vardır. Bina Qazaxda təhsil alan tələbələrə kirayə verilb. Verilən məlumata görə, binada 50-dən çox tələbə yaşayır. Hər tələbədən 50-70 manat kirayə haqqı alınır. Yəqin ki, Məmmədovun bu gəlirini də hesablamağa dəyər.
Bəs Məmmədov hələ Qazaxda işləyərkən ən yaxınlarını hansı işlərə qoydu? Onun Bakının Razin qəsəbəsində nələri var? Abşeron rayonunda rəis işləyərkən niyə çıxarıldı? Kimlərlə isti münasibəti olub və var? “Azərişıq” ASC-nin sədri Vüqar Əhmədov Məmmədovu niyə əvəzedilməz kadr kimi tanıyır? Özü və övladları hansı ən bahalı markada maşınlar idarə edirləır?
Elşad Məmmədovun oğlu Qazax Paylayıcı Elektrik Şəbəkəsində baş mühəndis işləyərkən hansı əməlinin güdazına getdi? Və niyə məsuliyyətdən kənarlaşıb?
Haqqında danışdığımız məmur Bakıdan ölkəyə milyarder gözü ilə baxan oliqarxların yanında hələ çox kasıb və yoxsuldur. Amma Elşad Məmmədova da bu suala cavab tapmaq şansını tanımalıyıq:
"AY MƏMUR, DE!, NECƏ VARLANMISAN ?"...
Bilmədiklərinizi növbəti yazılarımızda biləcəksiniz.
mediaxeberleri.az
2018-ci ilin iyulun əvvəlində Enerjisistemdə baş verən, hətta ölkə başçısını da bu məsələni ciddi nəzarətə götürməsi, ölkədə müəyyən mənada böyük sosial marağa səbəb oldu.
Ölkə başçısının eks Azərenerji başqanının burada böyük iqtisadi katastrofun zərurətə çevrilməsini kəskin və haqlı şəkildə pisləyərək bu kimi halların iqlim və temperaturdan baş verməsini absurt cavab kimi qeyd edərək Dövlət başçısı cənab İlham Əliyev , Etibar Pirverdiyevi vəzifə səlahiyyətlərini düzgün yerinə yetirmədiyinə görə onu bu postdan kənarlaşdırdı.
Həmin ilin sentyabrından ölkə başçısının müvafiq Sərəncamı ilə bu quruma rəhbər təyin olunan keçmiş Azərişıq ASC başqanı Balababa Rzayev burada köklü islahatlara başladı. Doğrudur, həmin ilin noyabrından B. Rzayev Enerji sistemdə çalışanların əmək haqqlarını artırsa da, növbəti ildən bu sistemin kurasiyasında olan respublikanın bir çox enerji müəssisələrində mütəmadi, vaxtaşırı olaraq işçi ixtisarları islahatını da aparmaqla, eyni zamanda 1 evdən əgər 2 nəfər belə, burada çalışırdısa belə onun hətta ixtisas dərəcəsinin uyğun gəlməsi belə nəzərə alınmayaraq kütləvi şəkildə işdən azadetmə barəsində göstəriş də verdi. Bütün bu baş verənlər artıq bu sistemdə uzun müddət gərgin elektromaqnit sahəsinə ömrünü fəda etməklə çalışan çoxsaylı energetiklərdə artıq haqlı narazılığlara gətirib çıxartdı.
Deməli ilk başlanğıcda qurum rəhbərliyi tərəfindən siyasi fəndlər işlədilərək əmək haqqlarında fərqliliyə imza atılmaqla guya işçilərin sosial rifah halının yaxşılaşdırmağ tendensiyasını formalaşdırdı, daha sonra əslində isə, 1evdə əgər ata 55 yaşlı olaraq, övlad da yenə də energetikanın müxtəlif aidiyyatlı ixtisas dərəcəsinə malik olaraq burada çalışırdısa, yeni ” islahat qaydaları” ilə Balababa Rzayev neçə işçini işdən azad etməklə, dünya çapında belə baş verməyən formada traqikomik bir halı xatırladan vəziyyəti yaratmış oldu.
Hələ bunlar azmış kimi, hətta elə hallar da nəzərə çarpdı ki, elektrik stansiyasında “İstilik ölçmə çihazları və avadanlığlarına xidmət” adlı sexlərində orta təhsilli işçi saxlanılmaqla, ali təhsilli uyğun ixtisaslı kadrlar da işdən kənarlaşdırıldı.
Redaksiyamıza müraciət edən bir qrup işçi hətta imtiyazlı olduğunu bildirərək Qarabağ uğrunda gedən savaşda mənfur ermənilərə qarşı aparılan çoxillik mübarizədə yaxından iştirak edən Adıgözəlov Etibar Abasəli oğlu, Vəkilov Qiyas Həmzə oğlu, və Abdullayev Aqil Cənnət oğlu adlı işçilər şikayətlənərək bildirirlər ki, Mingəçevirdəki Azərbaycan İES- da uzun müddət idi ki, işləyirdik, bizi Azərenerjinin tabeliyində yaradılmış” Enerji serviz təmir sazlama” adlı quruma təyinatla köçürdülər, daha sonra 3ay keçdikdən dərhal sonra bizimlə bağlanmış əmək müqaviləsinin bitdiyini əsas gətirərək bizi burada həmin qurumun Baş mühəndisi kimi Azərbaycan İESdəki yenidənqurma sahəsinə başçılıq edən Şirinov Ramin adlı şəxs 2023-cü ilin fevralın 23-də xəbərdarlıqsız olaraq nahar vaxtı, şifahi şəkildə işdən azad olunduğumuzu bəyan elədi. Çox maraqlıdı. Mövcud əmək Qanunvericiliyində qeyd edilmişdir ki, işçi işəgötürən tərəfindən əmək münasibətlərinə xitam verilməzdən öncə 1 rüb öncədən məlumatlandırılmalı, bu zaman aralığında isə hər ayın son iş həftəsinin bir günü ona yeni iş yeri axtarmaq məqsədilə icazə verilməlidir. Lakin çox təəssüflər olsun ki, burada bu qeyd etdiklərimiz həyata keçmədən işçilərin əmək hüquqları kobud şəkildə pozulmuşdur. İşdən çıxarılan imtiyazlı şəxslər hətta onu da bildirirlər ki, pozulmuş əmək hüquqlarıyla bağlı qurumun Bakıda yerləşən baş ofisində sədr vəzifəsində olan Seyfəddin Abdullayev onların şikayətlərinə müvafiq istiqamət belə vermədən kobud da davranaraq, “gedin şikayətinizi aidiyyayı yerlərə edin!” fikrini bildirir.
Məlumatlı olduq ki, hətta Enerji sistemdə stansiyalardakı təmir sazlama yenidən qurma işləri məqsədilə müasir avrostandartlara cavab verən təchizat detallarını Electroindustrial və Santral Elektrik şirkətləri məhz Azərenerji ASC-yə rəhbərlik edən Balababa Rzayevin doğma qardaşı Emil Rzayev başçılıq edir.
Şirinov Ramin isə Azərbaycan İstilik Elektrik Stansiyasının yerləşdiyi Mingəçevir şəhərinin Energetik qəsəbəsində 1980-ci ildə doğulub boya başa çatmış bir gənc kadrı, imtiyazlı işçilər isə Qarabağ Veteranları olmaqla Şirinov Ramil adlı birinin hələ uşaq ikən burada 1986cı ildən bu stansiyada gərgin əməklə çalışan zəhmətkeşlərinə bu cür etinasız addım atması həqiqətən də bağışlanılmaz haldır.
Üstəgəl, bu imtiyazlı şəxslərin Vətən uğrunda göstərdiyi qanlı savaşlatdakı xidmətlərinə göstərilən qayğı? Budurmu Azərenerji rəhbərliyinin təcrübəli bə imtiyazlı əməkdaşlarına göstərdiyi münasibət?
Mövzuya qayıdacağıq…
24xeber.az
Azərbaycanda bir çox məmurlar var ki, “ölkəni talayırlar”. Təssüfflər olsun ki, ölkəni talayan məmurların əməllərindən sadə vətəndaşların ölkə başçısına edilən müraciətindən sonra xəbər tutulur, ölkə başıçısına, xalqa, xəyanət etmiş məmurlar həbs edilirlər, vəzifə səlahiyyətlərindən istifadə edərək topladıqları əmlakları isə müsadirə edilir. Amma bəziləri bu kimi hallardan dərs çıxarmırlar. Onlardan bir də Azərbaycan Avtomobil yolları (AAY) sədri Saleh Məmmədovdur. Belə ki, paytaxtın mərkəzi Prospekti olan Neftçilər Prospekti ilə yerləşən Bülbül Prospekti, Nizami küçəsi (Tarqovy) və Azadlıq Prospekti kəsişməsində olan yeraltı keçidlərdə demək olar ki, “küçə ticarəti” ilə məşğul olanların əlindən hərəkət etmək olmur..
Keçiddə dövlətin vəsaiti hesabına insanların rahat hərəkəti üçün isə inşa edilmiş “ekskalatorlar” və “yeriyən döşəmələr” uzun müddətdir ki, fəaliyyət göstərmir.
Nədənsə keçid rəhbərliyi yuxarıda adını çəkdiyimiz yeraltı keçidləri sözün əsil mənasında “küçə ticarətçiləri” tərəfindən zəbt edilibməsinə səssiz qalır.
Amma küçə ticarəti ilə məşgul olan şəxslərə şərait yaradır!
Bizə verilən məlumatda keçid rəhbərliyinin öz vəzifəsini yerinə yetirnək əvəzinə küçə ticarəti ilə məşğul olan şəxslərə mühafizə xidməti göstərdiyi bildirilir.
Sadaladığımız Paytaxtın ən işlək küçə və prospektlərindən olan bu yerlər sanki 8-ci kilometir bazarını xatırladır. Keçid rəhbərliyi isə küçə ticarətinə mane olmaq əvəzinə özlərinə məxsus xidməti otaqda “popkorn” və digər “qumar aparatlarına” mühafizə xidməti verir. Belə ki, küçə ticarətində istifadə edilən avadanlıqlar gecə saatlarına keçid rəhbərliyinin xidməti otağına qoyulur və orada saxlanılır.
Bəlkə də bizim bu yazımızdan sonra özlərini xalqa yaxın göstərmək üçün deyəcəklər ki, vətəndaşların dolanışığı üçün xırda alverə “şərait” yaradılıbdı.
Amma elə deyil çünki əgər elə olsaydı yeraltı piyada keçidlərini cəmləyib bir nəfərə Elşən adlı şəxsə “şirinlik” qarşılığında verməzdilər.
/www.24xeber.az/
Tam məsuliyyətlə demək olar ki, hər bir millətin gələcəyi körpələr evində, uşaq bağçalarında formalaşır. Körpələr uşaq bağçalarında onlara qarşı amansız olan dayələrdən qəddarlıq, rüşvət alan müəllimlərdən rüşvətxorluq, onların qidasını oğurlayıb evinə daşıyan müdirlərdən oğurluq və s öyrənirlər. Və beləcə millətin gələcəyi olan uşaqlar lap erkən yaşlarında neqativ əməlləri görürlər. Ölkə mediasında hər gün uşaq bağçalarında uşağın yıxılıb xəsarət alması, dayə tərəfindən döyülməsi haqqında xəbərlər yazılır.
Biz hələ dövlətə məxsus uşaq bağçalarına qəbul zamanı rüşvət hallarının baş alıb getməsindən, dövlət vəsaiti hesabına körpələrə ayrılan ərzaq və qida məhsullarının satılmasından danışmırıq. Körpələrə verilən və içərisində vermişeldən başqa heç nə olmayan su yıxantısını yeyən uşağın sağlamlığı necə ola bilər..?
Ona görə də mütləq ən azı Bakı şəhərindəki uşaq evlərində, bağçalarda dövlət tərəfindən ciddi yoxlama, monitorinq keçirilməlidir. Və baş verən qanunsuzlqulara, hətta cinayət əməllərinə son qoyulmalıdır.
Biz bir media olaraq dəfələrlə yazmışıq ki, müxtəlif bağçalarda verilən ərzaqlar uşaqlara tam olaraq çatdırılmır. Yeməklər keyfiyyətsiz ərzaqlardan bişirilir. Bu səbəbdən uşaqlar belə xörəkləri yeməkdən imtina edirlər. Nəticədə uşaqlar yarıac qalırlar. Bu da azyaşlıların sağlamlığına ziyandır. Görəsən, nə üçün möhtəbər komissiya, həkimlər uşaqlar üçün qida rasioni hazırlamır. Yoxsa, hər uşaq bağçası özü bildiyi kimi qidaları uşaqlara verir. Biz hələ uşaq bağçalarındakı ilkin tədrisin çox aşağı olmasından danışmırıq.
Birincisi, müəllimələrin, hətta bağça müdirlərinin təhsili, dünyagörüşü çox aşağıdır. Belə olan halda bu şəxslər uşaqlara nə öyrədə bilərlər..?
Uşaq bağçalarında gigiyenik normalara da riayət olunmur. Hələ bu haarsıdır..? Allah qoymasa, uşaq bağçaları da korrupsiya poliqonuna çevrilib. Bu uşaq bağçalarının reklamına baxanda adam az qala hayıl-mayıl olur. Amma...
Sözün qısası, uşaqlarımızın gələcəyini təhlükə altına qoyan uşaq bağçalarından biri də Bakının Nəsimi rayonu, Vaqif pr. 5 ünvanda fəaliyyət göstərən 139 saylı körpələr evi - uşaq bağçasıdır. Bağçanın müdirəsi Fərəcova Aytən Yusif qızıdır.
İndi gəlin 139 saylı uşaq bağçasının reklamına nəzər salaq: Bağçada məktəbəqədər hazırlıq proqramı müasir və beynəlxalq təhsil metodlarından istifadə edilərək hazırlanıb və Azərbaycan Respublikasının Təhsil Nazirliyinin məktəbəqədər təhsil proqramına (kurikulumuna) tam uyğundur. Məktəbəhazırlıq proqramına əlavə olaraq bir sıra dərnəklər keçirilir. Bu dərnəklər vasitəsilə uşaqların yaradıcılığı, təxəyyülü, məntiqi, ilkin mühəndislik bacarıqları formalaşır, gizli istedadları üzə çıxır.
Bunu oxuyanda adam istəyir desin ki, avazın yaxşı gəlir, Aytən xanım, amma... Bəli, Aytən Fərəcovanı tanıyanlar yaxşı bilir ki, çox savadsız və dünyagörüşü dar olan bu xanım belə bir kollektivə rəhbərlik edə bilməz. Bağçanın müdirəsi olan Aytən Fərəcova elementar proqram hazırlamağı bilmir. Aytən Fərəcovanın bildiyi bir iş varsa, o da valideynlərdən pul tələb etməkdir. Bir də... Yazının girişində əbəs yerə korrupsiya məsələsini qabartmadıq. Aytən Fərəcovanın kollektivində xeyli sayda “ölü canlar” var. Onların maaşlarının kimin cibinə getdiyi də hamıya bəllidir.
Bununla kifayətlənməyən Aytən Fərəcova tez-tez dayələri, mühafizəçiləri işdən uzaqlaşdırıb, yenilərini axtarır. Və yeni dayələrdən, mühafizəçilərdən nə isə alaraq onları işə qəbul edir. Bir sözlə, Aytən Fərəcovanın “karusel”i dayanmadan işləyir və nə isə gətirir.
Görəsən, belə əməllərin sahibi olan, üstəlik savadsız Aytən Fərəcova necə bağça rəhbəri ola bilib..?
Bəs bütün bunlar ortada olduğu halda Bakı Şəhər Təhsil İdarəsi hara baxır..?
dia.az
Vətəndaş Fərid Hüseynov redaksiyamıza şikayət məktubu ünvanlayıb.
Şikayətdə bildirilir: "Hörmətli media nümayəndələri, hörmətli səlahiyyətli şəxslər!
Media vasitəsi ilə nəzərinizə çatdırmaq istəyirəm ki, 12 may 2023 cü il gecə saatlarında övladım 4 yaşlı oğlum Cəlal Hüseynovu nəfəs çatışmamazlığı diaqnozu ilə, ağır vəziyyətdə təcili yardım avtomobilinin köməkliyi ilə 2 saylı uşaq klinik xəstəxanasına çatdırdıq.
Xəstəxananın qəbul otağında övladımın ağır vəziyyətdə olduğunu görən personal övladımı sənədləşdirib qəbul etdi.
Lakin məcazi mənada desək konsert proqramı bundan sonra başladı
Dövlət binasında yanı, xəstəxananın inzibati binasında səs küylü vəziyyətdə hər kəsə kobud rəftar göstərən, subardinasiya qaydalarından kənara çıxan, ağ xalatlı hipokrat andı içən şəxs, kinli israrla bizə tərəf yaxınlaşır, ilk növbədə yaxınlaşan şəxsin əvvəl məndə Baş həkim olduğu görüntüsü yaratsada, sonradan məlum olur ki, səs-küy yaradan şəxs Baş həkim olmasada Baş həkimin səlahiyyət verdiyi pediatr Günay Cavadovadır.
Günay Cavadova övladımın xəstəxanaya qəbul edilməsinə qəti şəkildə süni maneə yaradaraq guya ki, övladımın şəxsiyətini təsdiq edən sənədın olmamasıdır və, mən bildirəndə ki, şəxsiyyət vəsiqəsinin əslınin şəkili mobil telefonumdadır gedib əslini gətirib dərhal sizə çatdıracam siz övladıma gecikmədən kömək etməklərini xahiş etdim.Lakin Günay Cavadova övladıma ilkin tibbi yardım göstərilməsinə qəti şəkildə etiraz edərək, uşaqa qoşulan inqalyasiya aparatının qoşülmamasına göstəriş verdi.
Mən qəti şəkildə etirazımı bildirsəmdə hətta övladımın sənədinin təsdiqini sübut edəcək faktor göstərsəm də, affekt vəziyyət də olduğumuzu bildirsəm də, Günay Cavadova qərarında israrlı olduğunu göstərərək övladımı xəstəxanaya qəbul etməkdən imtina edərək,personala nümayişkərcasına göstəriş verib uşaqın qəbuluna stop qoydu.
Mən dərhal olanları yerindəcə yazılı izahatımda bildirərək övladıma hər hansısa həyatı təhlükə yaranacaqı halda bir başa Günay Cavadovanın məsuliyyət daşıdığını qeyd etdim.
Sonda isə övladına kömək edə bilməyəcək valideyn kimi çarəsiz geri evimizə dönərək qeyri rəsmi həkim vasitəsi ilə,təhlükəni övladımdan geri çəkdirdim.
İnanıram ki, səlahiyyətli qurumlar, bu məsələyə obyektiv yanaşaraq mən çəkən stressli acını Günay Cavadovanın digər valideyinlərə yaşatmamasının qarşısını almaqda bilə vasitə xilas etmiş olacaqlar.Axı həyat bumeranqdır.
Jurnalist araşdırması apararaq, etibarlı mənbədən əldə etdiyimiz məlumatda məlum oldu ki, həqiqətən də Günay Cavadova xəstəxanada başlıqda qeyd etdiyimiz kimi at oynadır, yanı ki (özünü hökmran kimi aparmaq, ağalıq etmək, istədiyini etmək, mənəm-mənəmlik etmək; ~ meydan sulamaq.) mənasında olan görüntünü kollektiv arasında publik şəkildə yaratmağa nail olub.
Sual 1: Günay Cavadovaya bu səlahiyyətsiz səlahiyyəti, verən həqiqətən də Baş həkim Azər Xuduyevdir?
Sual 2: Günay Cavadova bilir ki ? ölkəmizdə səhiyyədə aparılan uğurlu islahatlara bu cür xoşa gəlməz davranışlarla kölgə salır.
Sual 3: Günay Cavadova bilir ki, çalışdığı xəstəxana TƏBİB-in sədri Vüqar Qurbanovun rəhbərlik etdiyi quruma cəmiyyətdə mənfi rəy formalaşdırır.
Sonda Günay Cavadovanın nəzərinə qısa və lokanik çatdırmaq istəyirik ki, bu günləri həyatına yaşama təhlükəsi yaranan, Cəlal balamız qalib ordumuzun gələcəkdə qalib əsgəridir".
Qarşı tərəfin mövqeyini dinləməyə hazırıq.
Mövzunu diqqətimizdə saxlayacağıq
XalqXeber.Az
Sahibkar Əli Bağış Sabirabad rayon icra başçısı Siraqəddin Cabbarovdan şikayətçidir.
Bu barədə sahibkar Prezident İlham Əliyevə müraciətində yazır.
Əli Bağış "Arqument.az"a deyir ki, Bakı şəhəri, Suraxanı rayon Qaraçuxur qəsəbəsi, Şərq massivi, ev 24 ünvanında yaşayır, Qaraçuxur qəsəbəsi, M.Fətəliyev, ev 7 mənzil 78-də qeydiyyatdadır. Ancaq 2014-cü ildən Sabirabadın Əliləmbəyli kəndində qohumlarım ilə birlikdə kənd təsərrüfatı ilə məşğuldur:
"2019-cu ilin mart ayında Bahəddin Cəfərovun sahibi olduğu "Ariz” Kəndli Fermer Təsərrüfatınının 100 faiz payını satın almışam. "Ariz” KFT-nin Sabirabad rayonu Əliləmbəyli kəndindən 55 hektar, qonşu Bala Həşimxanlı kəndindən 30 hektar torpağı 2001-ci ildən 35 illiyə icarəyə götürməsi barədə adı çəkilən bələdiyyələr ilə müqaviləsi və Torpaq Komitəsi tərəfindən kənd təsərrüfatı malları istehsalına icazə verən şəhadətnamələri var. Hazırda təsərrüfatımda 4 nəfər işçi çalışır. 1000 başdan çox xırdabuynuzlu, 10 baş iribuynuzlu heyvanlarım və 3 atım var. 24.09.2019-cu ildə Sahibkarlığa Kömək Fondunun ayırdığı 196 min manat krediti Bank Respublika tərəfindən alıb qoyun-quzu, mal-heyvan və kənd təsərrüfatı texnikaları almışam".
"Siraqəddin Cabbarov mənə zəng edib hədələdi"
Sahibkar bildirib ki, icra hakimiyyəti ona müxtəlif vasitələrlə problemlər yaratmağa başlayıb:
"2020-ci ilin yayında təsərrüfatıma 4 nəfər gəldi. Günorta yeməyin vaxtı idi. Məcburi çörəyə dəvət etdim. Qonaqların ikisini tanıyırdım. Əliləmbəyli kənd İcra nümayəndəsi Rəsul Binəliyevlə, bələdiyyə sədri Mais Tarıverdiyev idi. Digər iki nəfəri isə təqdim etdilər; Sabirabad Rayon İcra Hakimiyyətinin kənd təsərrüfatı şöbəsinin rəisi İlham Əmənov və DƏK-nin işçisi Vəli Əliyev. Dedilər ki, guya sənin sənədlərində saxtakarlıq var. Cavabım belə oldu ki, bu sənədləri bələdiyyə və Torpaq Komitəsi verib. Mən notarius və vergi ilə 2019-cu ildə almışam. Problem varsa, o da bələdiyyədə və Torpaq Komitəsindədir. "Biz xəbərdarlığımızı etdik", - dedilər və getdilər. Mənim problemlərim bundan sonra başladı".
Bundan sonra Sabirabadın icra başçısı Siraqəddin Cabbarov sahibkara zəng edib və onu hədələyib:
"O vaxta kimi Sabirabad icra başçısı Siraqəddin Cabbarovla görüşməmişdim. 10 sentyabr 2020-də mənə 050-211-12-95 mobil nömrəsindən zəng gəldi. Salamsız-kəlamsız dedi ki, Sabirabad rayon icra hakimiyyətinin başçısı Siraqəddin Cabbarovdur. Dedim ki, buyurun, Siraqəddin müəllim, eşidirəm sizi. Siraqəddin müəllimlə dialoqumuz belə davam etdi:
- Sən (!) camaatı mənim üstümə niyə qaldırırsan?
- Mən başa düşmədim, Siraqəddin müəllim. Niyə camaatı Sizin üstünüzə qaldırım ki?
- Bütün kənd axışıb gəlib. Məndən Cənab Prezidentə şikayət edəcəklər. Camaatın niyə torpağını mənimsəmisən?
- Çox hörmətli Siraqəddin müəllim, mən Azərbaycan Respublikası qanunlarının icazə verdiyi səviyyədə sahibkarlıq fəaliyyəti ilə məşğulam. Sənədlərim də var. İstədiyiniz vaxtda məni qəbul edin, sənədləri Sizə təqdim edim.
Bir az fikirləşdi:
- 15 sentyabr səni (!) qane edir?
- O gün Sizin qəbulunuzdayam".
"Dedi ki, get öz Cəlilabadında sahibkarlıqla məşğul ol, mənim rayonumda yox!"
Onun sözlərinə görə, bütün problemlərim də məhz o gündən sonra başlayıb və icra başçısı ona bələdiyyə vasitəsilə təzyiqlər edib:
"Əliləmbəyli kənd bələdiyyəsinin 450 hektar icarəyə verilmiş torpaq sahəsi olmasına baxmayaraq, kəndin camaatının böyük qismi 02.12.2020-ci il tarixində icra başçısının birbaşa göstərişi ilə (Youtube kanalımda var "Ali Bagish”) 20 hektar arpa sahəmi, 6 hektar yonca sahəmi 500-dən çox irili-xırdalı heyvanlarla otarıb dırnaqdan çıxartdılar. Bələdiyyə sədri Mais Tariverdiyevə Siraqəddin Cabbarov tərəfindən birbaşa göstəriş verildi ki, "Ariz” KFT-nin 2001-ci il bağlanmış müqaviləsinin ləğv edilməsi barədə məhkəməyə iddia qaldırılsın. Siraqəddin müəllim 2 dəfə telefonda mənimlə danışanda dedi ki, get öz Cəlilabadında sahibkarlıqla məşğul ol, mənim rayonumda yox! Açığı, rayonu necə özəlləşdirib, başa düşə bilmirəm..."
"19 aprel 2023-cü ildə Şirvan Şəhər İnzibati Məhkəməsində mənimlə kənd bələdiyyəsinin məhkəmə prosesi olmalı idi. İcra başçısı Siraqəddin Cabbarovun və bələdiyyə sədri Mais Tarıverdiyevin rəhbərliyi altında kənd əhalisinin bir qismi öyrədilməklə heyvanlarını məhkəmənin nəticəsini gözləmədən mənim fermamın heyvanları üçün nəzərdə tutulan otlaq sahələrini otarmışdılar. 10 aprel 2023-cü il tarixində Sabirabad rayon Əliləmbəyli kəndində kənd əhalisi ilə görüş keçirən Siraqəddin Cabbarov, əhalinin mənim icarəmdə olan torpaqlar ilə bağlı: "Nə edək?” sualına: "Gedin nə tikib, nəyi var, uçurub dağıdın”, - deyə təlimat verib. Mənim təsəsrrüfat müdirim Qadir Şirəliyevin atası Əlisa Şirəliyev deyib ki, siz insanları davaya, qana yönəldirsiniz, hörmətli icra başçı", - deyə Əli Bağış yazır.
"Başçı deyib ki, onu buradan rədd eləyəcəyəm!"
Sahibkar deyir ki, icra başçısı eyni ritorika ilə Əlisa Şirəliyevə də cavab verib:
"Mən və oğlanlarım Vətənə canla-başla xidmət etmişik. Kiçik oğlum İzzət Şirəliyev Sərhəd Qoşunlarının Xüsusi Təyinatlı qüvvələrində bütün Qarabağın azad olunmasında iştirak edib, 6 döyüş medalı var və hazırda da peşəkar hərbiçi kimi Kəlbəcər bölgəsindədir. Biz bu kəndin əhalisiyik və bu kənddə doğulmuşuq. Bizim ailəmiz ordan dolanır. Bizə torpaq olmaz? - deyə Əlisa Şirəliyev başçıya sual verib. Böyük mübahisə yaranıb. Siraqəddin Cabbarovun verdiyi cavab belə olub: "Əli Bağış gedib öz doğulduğu Cəlilabadda təsərrüfat qursun, burda yox! Qəti narahat olmayın, onu buradan rədd eləyəcəyəm!" Onu da qeyd edim ki, mənim özümdə 1-ci Qarabağ müharibəsi iştirakçısıyam".
"İcra başçısı küçə jarqonu ilə danışır"
Sahibkar ölkə başçısına ünvanladığı məktubda icra başçısını küçə jarqonunda danışmaqda ittiham edir:
"Cənab Prezident, Azərbaycan hökumətini yerlərdə təmsil edən bir vəzifəli şəxs, küçə jarqonuyla necə danışa bilər? Heç xəcalət çəkmir? Harada yazılıb ki, hər kəs yalnız doğulduğu yerdə işləməli və ya sahibkarlıq fəaliyyəti ilə məşğul olmalıdır? Elə isə Siraqəddin Cabbarov niyə doğulduğu rayon və ya bölgədə işləmir? Dədə-babasının doğulduğu Qərbi Azərbaycanda, hazırkı Zəngəzurun Sisyan (Qarakilsə) bölgəsində işləmir? Belə məmurlar Sizin apardığınız siyasətə kölgə salır. Sizin sahibkarlığın inkişafı üçün yaratdığınız imkanlardan faydalanmaq əvəzinə, sahibkarlar icra başçısı Siraqəddin Cabbarov kimi məmurların sayəsində bürokratik əngəllər ilə qarşılaşır. Bütün ətraf kəndlərin heç birisində, ən azı 5-6 kənddə sahibkarlıq fəaliyyəti ilə məşğul olan bir nəfər də olsun yoxdur. Yalnız mənəm".
"Bələdiyyə sədri Mais Tarıverdiyev 20-30 qoyunu olan vətədaşlara 20, 30, 40 ha və hətta öz bacısının həyat yoldaşına - Məzəliyə 50 hektar torpaq ayırır və onların müqavilələrinin vaxtını artırır, amma "Ariz”KFT ilə 20 il öncə bağlanmış qanuni müqaviləni ləğv edir? Bu necə olur? Sabirabad rayon icra başçısı Siraqəddin Cabbarovun məndən istədiyi nədir, vallah bilmirəm! Desəm rüşvət istəyib və ya istəyir? Yalan olar! Desəm mal-qoyun istəyir, yenə yalan olar! Məqsədi nədir, dəqiq bilmirəm. Min bir zəhmətlə iş qurmuşam. Maldarlıq və qoyunçuluq qədər ağır zəhmət tələb edən ikinci bir kənd təsərrüfatı sahəsi yoxdur. Əkinçilik mövsümü işlərdir. Ya yazda olur, ya da ki payızda. Maldarlıq və qoyunçuluq sahəsi isə bütün il boyu gecə-gündüz zəhmət tələb edən sahədir", - sahibkar qeyd edib.
"İcra başçısı sizin göstərişinizin əleyhinə çıxır"
"Cənab Prezident, siz dəfələrlə və dönə-dönə, sahibkarların işlərinə maneə yaratmamaq ilə bağlı icra hakimiyyəti başçılarına xəbərdarlıq etməsinə baxmayaraq, Siraqəddin Cabbarov heç nədən çəkinməyərək dediyinizin əksini edir. Onun kömək etməsini istəmirəm, mənə mane olmasın. Hökumətimiz mənə kifayət qədər kömək edir; güzəştli kredit verir, subsidiya verir, vergilərdən azad edir. Sizdən ricam budur ki, icra başçısı Siraqəddin Cabbarovun fəaliyyətimə mane olmağının qarşısını almaqda köməyinizi əsirgəməyəsiniz! Bu mənim sizə üçüncü müraciətimdir. Əliləmbəyli kənd icra nümayəndəsi Rəsul Binəliyev və bələdiyyə sədri Mais Tarıverdiyev rayon icra başçısı Siraqəddin Cabbarovla birlikdə sahibkarlıq fəaliyyətimə qarşı işbirliyi yaradıblar", - sahibkar ölkə başçısına məktubunda yazıb.
"Siraqqəddin Cabbarov məni özünü yandıran iki qazi kimi intihara sürükləyir"
O deyir ki, Əliləmbəyli kənd icra nümayəndəsi Rəsul Binəliyev və bələdiyyə sədri Mais Tarıverdiyevin köməyi ilə kənd camaatından 20-30 nəfəri rayon İH-nin qarşısına aparır və Siraqəddin Cabbarova əhalinin otlaq sahəsinin olmadığını barəsində müzakirələr təşkil edirlər:
"Guya əhalini sakitləşdirmək adıyla da mənə, təzyiqləri hər gün artırırlar. Məni bezdirib geri çəkilməyimi istəyirlər. Sonda da Rəsul Binəliyevlə və Mais Tarıverdiyev Sabirabad rayon icra hakimiyyətinin kənd təsərrüfatı şöbəsinin rəisi İlham Əmənovla birgə "Ariz” KFT-nin icarəsində olan 55 ha torpağı öz aralarında pay-püş edələr. İstəkləri odur ki, mənim istifadəmdə olan torpaq sahələrini istədikləri adamlara müqvilə bağlayıb, satalar. Necə ki indiyə kimi ediblər! Bəlkə, Siraqəddin Cabbarov iki Qarabağ qazisini (Ən azından sosial şəbəkələrdə yayınlanan video lentlərdən elə bəlli olur!) intihara sürüklədiyi kimi məni də intihara vadar edəcəyini zənn edir? Çox yanılır! Mən zəif iradəli adam deyiləm. Tələbəykən 20 Yanvarda rus tankından qorxmadım, indi bir "balaca padşah”danmı qorxacağam və ya zəiflik göstərəcəyəm?! Əsla! Siraqəddin Cabbarov 1959-cu ildə doğulsa da, 1-ci Qarabağ savaşında iştirak etməyib. Müharibə başlayanda 32 yaşında olub. Mən iki körpə övladım və ailəmi evdə qoyub 28 yaşında Qarabağ savaşına getmişəm. Bəlkə, elə mənə olan nifrətinin və kininin səbəbi budur?!" - belə yazır sahibkar Əli Bağış Ələskər oğlu.
"Arqument.az"ın əməkdaşı sahibkarın şikayəti ilə bağlı icra başçısı Siraqəddin Cabbarov, onun köməkçisi Mirzağa Hümbətov və başçının müavini - İctimai-siyasi və humanitar məsələlər şöbəsinin müdiri Ceyran Xəlilovaya dəfələrlə zəng etsə də, heç biri telefona cavab verməyib. //Arqument.az//
Media üzərindən apardığımız araşdırma zamanı bəlli oldu ki, Sumqayıt şəhərində “Göyçay ”, “Hiper”, “Səda Store” və “Ən Ucuz” adı altında onlarla market və ticarət mərkəzinin sahibi olan Vüqar Rəsul oğlu Qələndərov hər il təkcə bu obyektdə - “Əli-94”də həyata keçirdiyi saxtakarlıq nəticəsində 1,5 milyon, “Səda Store”də sənədlərin saxtlaşdırılması nəticəsində isə 1,9 milyon manat dövlət əmlakını mənimsəyir.
Bu adam bütün mənəvi sərhədləri keçərək hətta öz dogma anasının, həyat yoldaşının adına saxta sənədlər tərtib edərək milyonları mənimsəyib. Vüqar Qələndərov dövlətdən mənimsədiyi milyonlar hesabına Sumqayıtda bir çox marketlər və ticarət mərkəzləri açıb. Həmin ticarət mərkəzlərində dövlət vergisindən küllü miqdarda yayınmalar baş verib.
Qısa məlumat üçün onu qeyd edək ki, uzun illərdir Sumqayıtda “Ən Ucuz” marketlər şəbəkəsi adı altında qanunsuz fəaliyyət quran Vüqar Qələndərovun sabiq vergilər naziri, mərhum Fazil Məmmədovun qohumları ilə sıx münasibətdə olması səbəbindən külli miqdarda vergidən yayına bilib.
Yeri gəlmişkən, bu obyektlərin daha böyüyündə - “Hiper Market”də aparılan saxtakarlıq zamanı isə hər il dövlətə milyonlarla zərər vurulub.
Təkcə onu qeyd edə bilərik ki, mediada yayılan və qarşı tərəfin təkzib etmədiyi məlumata görə, Vüqar Qələndərova məxsus “Əli-94” və “Səda Store” ticarət mərkəzlərinin hər birində dövlət büdcəsindən il ərzində 1,5 və 1,9 milyon manat manat oğurlanır, yəni vergidən yayındırılır.
Təsəvvür edirsiniz, mediada yayılan məlumatlardan bəlli olur ki, Vüqar Qələndərova məxsus binanın birinci və ikinci mərtəbəsinin sahəsi 2100 kv.metr və buradakı “Ən Ucuz” ticarət mərkəzində çalışan işçilərin sayı isə 145 nəfərdir. Lakin Vüqar Qələndərov dövləti aldadaraq rəsmi sənədlərdə işçilərin sayını 20 nəfər göstərir. Yəni Vüqar Qələndərov sahibi olduğu sözügedən “Ən Ucuz” marketdə 125 nəfərin adını Vergilər Nazirliyindən və DSMF-dən gizlətməklə, külli miqdarda vergidən yayınır. Bunun özü böyük cinayət əməlidir. İndi isə Vüqar Qələndərovun “maaş” əməliyyatına nəzər salaq.
Deməli, Vüqar Qələndərov “qara mahasibatlıq” yolu ilə işçilərə verilən əmək haqqının 18 faizini vergidən, 25 faizini isə DSMF-dən gizlədir. Bunu aylara, illərə vuranda bəlli olacaq ki, Vüqar Qələndərov dövlətə neçə milyonlarla ziyan vurub. Bunlardan başqa Vüqar Qələndərov “qara mühasibatlıq” ilə hər ay neçə milyon manatı dövriyyədən çıxarır. Biz hələ ƏDV və digər vergilərdən necə yayınmağı demirik.
Yuxarıda qeyd etdiyimiz kimi, bütün bunların əsası sabiq vergilər naziri, mərhum Fazil Məmmədovun dövründə qoyulub və bu gün də davam edir. Bu dediklərimiz Vüqar Qələndərovun əməllərinin cüzi bir hissəsidir.
Təkcə onu qeyd edək ki, sahəsi 3000 kv.metrdən artıq olan “Ən Ucuz” ticarət mərkəzinin 3 mərtəbəli binasının zirzəmisində şirniyyat sexi, yuxarı mərtəbəsində isə ofis və mebel salonları fəaliyyət göstərir və bunların heç birinə görə də dövlətə vergi verilmir. Bütün bunlar azmış kimi Vüqar Qələndərovun marketləri vətəndaşlara vaxtı keçmiş, keyfiyyətsiz qida və ərzaq məhsullarını satır.
Sözün qısası, Vüqar Qələndərovun cinayətkər şəbəkəsinə son qoymağın zamanı çoxdan çatıb. Söz hüquq-mühafizə orqanlarının, müvafiq dövlət qurumlarınındır. //gundelik-baku.com//
Qaradağ Rayon İcra Hakimiyyəti başçısı Aparatının Mənzil-Kommunal Təsərrüfatı İstehsalatı Birliyi (MKTİB) abadlıq işləri və yolların əsaslı təmiri ilə bağlı tenderə yekun vurub.
Qaynarinfo xəbər verir ki, abadlıq işləri ilə bağlı tenderin qalibi “Qara Qaya” MMC olub. Qurumla şirkətin arasında bağlanacaq satınalma müqaviləsinin maliyyə dəyəri 571 962,2 AZN-dir.
İqtisadiyyat Nazirliyi yanında Dövlət Vergi Xidmətinin reyestr məlumatlarına görə, “Qara Qaya” MMC 2 mart 2006-cı ildə qeydiyyata alınıb.
Şirkətin nizamnamə kapitalı 2 AZN-dir. MMC-nin qanuni təmsilçisi isə Əliyarov Aydın Əliyar oğludur.
Açıq mənbələrdə nə Aydın Əliyarov, nə də şirkət haqqında məlumatlar var.
Dövlət satınalmalarının elektron portalında yerləşdirilən məlumatlardan aydın olur ki, “Qara Qaya” MMC əsasən Qaradağ Rayon İcra Hakimiyyəti bə ona tabeli qurumların tenderlərinin qalibi olur.Yeri gəlmişkən, Qaradağ MKTİB-i ötən il də “Qara Qaya” MMC ilə maliyyə dəyəri 397 804, 32 AZN təşkil edən 3 satınalma müqaviləsi imzalayıb. Müqavilələrdə yolların əsaslı təmiri, abadlıq işləri və mal-materialların alınması nəzərdə tutulur.
Yolların əsaslı təmiri işlərinin satın alınması ilə bağlı tenderin qalibi isə “Təmir-Təchizat 4” MMC seçilib. Qurumla şirkət arasında bağlanacaq satınalma müqaviləsinin maliyyə dəyəri 720 131,46 AZN-dir.
“Təmir-Təchizat 4” MMC 4 may 2005-ci ildə qeydiyyata alınıb. Nizamnamə kapitalı 10 AZN olan şirkətin qanuni təmsilçisi Həsənov Elbrus Məmməd oğludur. Açıq mənbələrdə şirkət və qanuni təmsilçisi barədə heç bir məlumat yoxdur.
Araşdırmalarımız zamanı məlum olub ki, “Təmir-Təchizat 4” MMC də Qaradağ Rayon İcra Hakimiyyətinin sevimli şirkətlərindəndir. İcra hakimiyyəti və ona tabeli qurumlar vaxtaşırı bu şirkətə sifarişlər verir.
Görünür elə bu səbəbdəndir ki, “Təmir-Təchizat 4” MMC üçün qanunlar işləmir. Söhbət ondan gedir ki, şirkətin hazırda 6 750 AZN vergi borcu var. “Dövlət satınalmaları haqqında” Qanun vergi borcu olan şirkətlərin tenderlərdə iştirakını qadağan edir.
Qaradağ Rayon İcra Hakimiyyətinin başçısı Süleyman Mikayılovdur. O, 2010-cu ildən bu vəzifədədir.
Qardaşlara məxsus “6-cı Mərtəbə”, “Hünər-İnşaat” tikinti şirkətləri vətəndaşların pulunu vermir... Sözün düzü, bu yazını yazmağa nə xüsusi həvəsimiz, nə də marağımız var idi. Amma təsəvvür edirsiniz, eyni gündə ölkə mediasında iki tikinti şirkətinin adı qalmaqalda hallanır, hər ikisinin fəhlələrə, şirkətə, dövlətə külli miqdarda borcu var və ən əsası....
Bəli, ən əsası şirkətlərdən biri- “6-cı Mərtəbə” tikinti şirkəti Atəş Təhməzova, o biri “Hünər-İnşaat” tikinti Firması isə Fərhad Təhməzova məxsusdur. Yəqin ki, söhbətin Azərbaycan Respublikasının Qida Təhlükəsizliyi Agentliyinin sədri Qoşqar Təhməzlinin qardaşlarından getdiyi aydın oldu.
Məlumat üçün qeyd edək ki, Atəş Təhməzov vaxtilə Prezident Aparatında Akif Muradverdiyevin işçisi olub, sonradan Akif Muradverdiyev dövlət çevrilişində ittiham olunanda Atəş Təhməzov hansı yollasa aradan çıxa bilib. O biri qardaş Fərhad Təhməzov isə uzun illər Məcburi Köçkünlərin Sosial İnkişafı Fondunun direktoru olub və 2016-cı ildən isə Mənzil İnşaatı Dövlət Agentliyinin tərkibindəki MİDA MMC-nin direktoru təyin olunub. Fərhad Təhməzov Fondun direktoru olanda məcburi köçkünlərin hesabına qazandığı milyonları qardaşları Ataş Təhməzov və QİDA-nın indiki rəhbəri Qoşqar Təhməzli vasitəsilə biznes sahəsinə yönəltdi. Qoşqar Təhməzli isə qardaşı Fərhadın milyonlarını Azərbaycanda açılan özəl klinikalar üçün xarici ölkələrdən tibbi aparatura və avadanlıqlar alınması və satılması biznesinə yatırdı. Hələ bu harasıdır..?
Fərhad Təhməzovun oğlu İsrafil Təhməzov da Rusiya və Türkiyədə tikinti materiallarının biznesi ilə məşğul olur. Və dəfələrlə vergidən külli miqdarda yayınmaya görə, məhkəməyə verilib. Hələ bu da harasıdır..?
Fərhad Təhməzov və qızı Fidan Təhməzlinin Türkiyədə “İlahi inşaat” adında ortaq biznesləri var. Yeri gəlmişkən, İLAHİ kişi Təhməzov qardaşlarının atasının adıdır. Fərhad Təhməzovun Fondan sonra MİDA-da etdiyi korrupsiya əməlləri, 442 mənzili fokus-mokus oyunu ilə 5-10 dəqiqəyə hərracda satması barədə ölkə mediasında kifayət qədər yazılıb. Ona görə də həmin məsələlərin üstündən keçərək, gələk bu günümüzə.
Bəli, bir müddət öncə mediada yayılan xəbərdən bəlli oldu ki, Atəş Təhməzova məxsus olan “ 6-cı Mərtəbə” tikinti şirkəti “Şərq Bazarı”nın yenidən qurulmasında iştirak edən subpodratçıların pulunu ödəmir. Və subpodratçı şirkətlər mətbuat konfransı keçirərək kömək üçün ölkə başçısına müraciət ediblər.
Təsəvvür edirsiniz, bazarın açılışından 11 ay keçib, amma Atəş Təhməzov şirkətlərin 1 milyona yaxın pulunu vermir.
İndi isə keçək, o biri qardaşın, Fərhad Təhməzovun "Hünər-İnşaat” Firmasına. Yenə bir müddət öncə yayılan xəbərdən bəlli olur ki, Hövsan Yaşayış Kompleksinin tikintisi ilə bağlı qalmaqal yaranıb. Kompleksin inşasında podratçı şirkət olan "Hünər-İnşaat” Firması müqavilə öhdəliklərinə əməl etmir.
Məlumata görə, “Hünər-İnşaat” firması subpodratçı şirkətə olan yüz minlərlə borcunu vermək istəmir. Məlumat üçün qeyd edək ki, “Hünər-İnşaat” 14 oktyabr 1997-ci ildə qeydiyyata alınıb. "Hünər-İnşaat” Fırması əsasən Mənzil İnşaat Dövlət Agentliyinin (MİDA) layihələrində podratçı şirkət kimi iştirak edir.
İndi gördünüzmü, Təhməzov qardaşları ata-ata gedirlər. Yəqin ki, bir gün bu qardaşlar da qanun qarşısında cavab verməli olacaqlar.
P.S. Firmanın adını istər İlahi qoyaq, istər Spartak qoyaq, istərsə də Təyyubə qoyaq heç bir dəxli yoxdur, əsas xalqımıza ədalətlə xidmət etməkdir. //gundelik-baku.com//
Sabirabad bu gün rəsmən xaraba günə qalıb.
"İcra başçısı Siraqəddin Cabbarov Sabirabada təyin olunana qədər rayonumuz nəyi ilə olmasa da, təmiz küçələri ilə diqqət cəlb edirdi. İndi isə..." Bunu DİA.AZ-a yazan sabirabadlılar bildirirlər ki, dəfələrlə Sabirabad rayon mərkəzindəki natəmizliklə bağlı əlaqədar qurumlara şikayət etsələr də, xeyri olmayıb.
"İndi qarşıdan isti günlər gəlir. Natəmizlik səbəbindən xəstəliklər də yaranacaq. Siraqəddin Cabbarov Sabirabada can yandırmırsa, onu çıxarsınlar, yerinə iş görəni təyin etsinlər..."
Qeyd edək ki, sakinlər Sabirabadın natəmizliyini sübutlayan fotoları da DİA.AZ-a təqdim ediblər.
Məsələ diqqətimizdədir... Mövzu ilə bağlı dia.az olaraq bütün aidiyyatı qurum və şəxsləri dinləməyə hazırıq...