 |
|
|
DİA.AZ: - Qəzənfərova Nərmin Rahim qızı ölkə başçısına müraciət ünvanlayıb. Bir nüsxəsi də DİA.AZ-a daxil olan müraciətdə deyilir:
"Mətbuatın ictimailəşdirməsini istədiyim müraciətim vasitəsilə bildirmək istəyirəm ki,Respubilka Dəri-Zöhrəvi Mərkəzinə TƏBİB tərəfindən Muşviq Zeynalovun baş həkim təyin edilməsindən narazı olan tək mən deyiləm.Orada narazı salınıb,irzikdirilən onlarla həkim tibb müəissəsini tərk etmək məcburiyyətində qaldı.Yəni sizin dəfələrlə vurğuladığınızın,tövsüyyələrinizin əksinə gedildi,65 yaşı tamam olan bir çox peşəkar həkimlərlə əmək müqaviləsinin uzadılmasına baş həkim Muşviq Zeynalov razı olmadı.
Beləcə zaman ötdü və baş həkim TƏBİB-də özünə tərəfdarlar topladı,orada yüksək vəzifədə çalışan qohumlarının xətti ilə "adamı" ,pulu,olmayan işçiləri də çörəyindən etdi.Onlardan biri də mənəm.
Belə ki,Respubilka Dəri-Zöhrəvi Mərkəzinin baş həkimi Muşviq Zeynalov məni(Qəzənfərova Nərmin Rahim qızı) işlədiyim operator işindən kərgüzarlıq işinə keçirtdi.Oturduğum otaqdan çıxarıldım,toz-torpaq basmış,təmirsiz,giriləsi olmayan arxiv otağına keçirildim.Övladlarım üçün bir tikə çörək məcburiyyətindən dözdüm,arxiv otağını da öz hesabıma təmir etdirdim.Lakin bir müddət sonra eşitdim ki,baş həkim Muşviq Zeynalov məni kərgüzarlıq işindən də azad edib,xidmətçi kimi rəsmiləşdirib.Mən xidmətçi işinə keçirilməyimi 2 ay sonra bildim və buna narazılığımı bildirdim.Lakin o, "adın xidmətçi gedəcək,amma işləməyəcəksən,oturarsan öz otağında gəl razılaş.Yox kərgüzarlıq işində qalsan şənbə və bazar günləri də işə çıxmalı olacaqsan.Mən isə bildirdim ki,hansı qanunda var ki,bazar günü mən işə çıxımalıyam.Bu qanunu kim qəbul edib.Qaldı,şənbə gününə işim olarsa təbii gələrəm.Bu fikrimlə razılaşmadı.Özün bil,əks təqdirdə ərizəni yazacaqsan,yoxsa səni əmək məcəlləsinin 70 Ç maddəsi ilə işdən çıxardacağam",-deyərək məni hədələdi.
Mən isə onun təklifi ilə razılaşmadım,bu qərarından şikayət edəcəyimi bildirdim.Bu zaman o,tələm-tələsik məni təkrar kərgüzarlıq işinə qaytardı.Bir müddət sonra məlum oldu ki,guya mən işə aylarla gecikdiyimdən töhmət almışammış.Bunu necə rəsmiləşdirdilər bilmirəm.Həmin arada baş həkim Muşviq Zeynalov mənə izahat yazmağımı da bildirdi.
Baş həkimə "bir dəfə işə gecikmişəm,onda da azyaşlı oğlum yanımda olub.Buna görə,işçiyə töhmət yazarlarmı,heç olmasa xəbərdarlıq edəydiniz,bilirsiniz ki,kreditim var,kirayədə yaşayıram,qaçaraq övladlarımı məktəbə qoyub işə gəlirəm vəs."-fikrimi bildirdim.
Hörmətli cənab prezident!
Qarşı tərəf ədalətli və humanist davranmadı,31.08.2022-ci il tarixində Respubilka Dəri-Zöhrəvi Mərkəzinin baş həkimi Muşviq Zeynalov tərəfindən Əmək Məcəlləsinin 70 ç maddəsi ilə işdən çıxarıldım,çox böyük haqsızlıqla üz-üzə qaldım.Qəribəsi də odur ki,mənim yerimə kadrlar şöbəsinin müdiri Nuridə Almazovanın qohumu işə götürüldü.O,iş saatlarını Nuridə Almazovanın otağında oturmaqla başa vurur.Sonradan anladım ki,baş həkim məni niyə kərgüzarlıq işindən çıxartmaq istəyirmiş.Çünkü bütün "işlərdə" kadrlar şöbəsinin müdiri Nuridə Almazova Respubilka Dəri-Zöhrəvi Mərkəzində Muşviq Zeynalov üçün öndə gedən 3 isimdən biridir.Ümumiyyətlə,orada çalışanların,işləyənlərin əksəriyyəti kadrlar şöbəsinin müdiri Nuridə Almazovanın,baş həkimin müavini Sevil Yusifovanın və baş həkimin qohumları,tanışlarıdır.Son 2 ildə orada aparılan "islahat" önününküləşdirmə,mənimsəmə,rüşvət alma prinsipləri üzərində qurulub.Buna görə də savadlı,mövqeyi olan bütün həkimlər oranı tərk etmək məcburiyyətində qaldılar.Çünkü pullu xəstələrin Muşviq Zeynalov tərəfindən özünə yaxın həkimlərə yönləndirilməsi baş verirsə,orada pasiyentlər qorxudulub onlara yüksək məbləğlər "oxunursa",arayış 10-15 manata satılırsa,xəstələrə normal dərmanlar verilmirsə,ən pullu vəzifələrdə baş həkimə yaxın şəxslər işləyirsə,ştat vahidlərinə müdaxilələr olursa,daha nələr-nələr yazmağa,utandığımdan deyə bilmədiyim hallar baş verirsə, təbii orada qalıb işləməyin nə dərəcədə çətin olduğunu təsəvvür etmək çətin deyil.Nümunə üçün deyə bilərəm ki,Kadrlar şöbəsinin müdiri Nurudə Almazova mənə yazdığı mesajı mən ifadə etməyə utanıram.
Baş həkim Muşviq Zeynalova bayramlarda,ad günündə konvertlər verilir,istədiyi xəstəyə istədiyi dərmanı verdir,orada istənilən işçinin davamiyyətinə göz də yumulur.Amma 2 uşaq anası,həyat yoldaşı demək olar işsiz olan,banklara krediti qalan mənə gəlincə -işdən çıxardılmalı oldum.Nəticədə şəhərdən gedib ucuz bir bağ evində yaşayası oldum,uşaqlarım normal məktəbə gedə bilmədilər,bir neçə xəstəliyimi müalicə etmək üçün pulum olmadı.Hansı əziyyətlərə qatlaşmalı oldum,ifadə etməyim çox çətindir.Baş həkim Muşviq Zeynalov Mənə zlüm etdi.
Beləliklə deyə bilərəm ki,Əmək Məcəlləsinin 70ç maddəsi ilə işdən çıxarıldığıma görə,bugünkü günə qədər heç yerdə işə düzələ bilmirəm.Dəfələrlə aidiyyatı qrumlara,hüquq-mühafizə orqanlarına müraciət etmişəm,hələki mənə dair edilən özbaşnalığa,pozulmuş hüququma obyektiv qiymət verən yoxdur.Odur ki,bu kimi laqeyid münasibətdən istifadə edən baş həkimin əməllərindən sizə-Azərbaycan Respubilkasının prezidenti İlham Əliyev cənablarına müraciət etmək məcburiyyətində qaldım.
Hörmətli cənab prezident!
2023-ci il Heydər Əliyevin anadan olmasının 100 ili tamam olur.Ümummilli liderin yubileyi münasibətilə yüzlərlə kimsəsizlərə,əl tutulur,haqq-və hüququ pozulmuş şəxslərin haqqı özünə qaytarılır,inanıram onlardan biri də mən olacağam.İnanıram ki,Respubilka Dəri-Zöhrəvi Mərkəzində ştat vahidlərinə edilən müdaxilələrlə bağlı,ora ayrılan dövlət vəsaitinin təyinatı üzrə xərclənməsinin yoxlanılması üçün Azərbaycan Respubilkasının Maliyyə Nazirliyinə göstəriş verəcəksininz.İnanıram Respubilka Dəri-Zöhrəvi Mərkəzinin yenidən təşkilinə,orada həkimlərin və məni kimi bir tikə çörəyini qazanan şəxslərin nə səbəbə,hansı maraqlardan irəli gələrək işdən çıxardılmasının araşdırılması üçün hüquq-mühafizə orqanlarına göstəriş verəcəksiniz.Çünkü mənim elə pulum yoxdur ki,Əmək Məcəlləsinin 70ç maddəsi ilə işdən çıxardılmağımı məhkəmə müstəvisində həll edəm.Eləcə də TƏBİB-ə,ƏƏSMN-yə etdiyim müraciətlər Muşviq Zeynalovun lehinə həll edildiyindən bu qrumlara təkirar-təkirar müraciət etməyimdə heç bir məna görmürəm.Mən nə qəbahət etmişdim ki, Əmək Məcəlləsinin 70ç maddəsi ilə işdən çıxardılmışdım məntiqinə bu qrumlardan müsbət cavab ala bilmədim.Respubilka Dəri-Zöhrəvi Mərkəzinin baş həkimi Muşviq Zeynalovun pulu,TƏBİB-də adamları var,bir sözlə "əli uzundur,hər yerə çatır",mənim isə göydə ALLAH,yerdə ümüd etdiyim SİZSİNİZ.Bu səbəbdən ancaq və ancaq mətbuat üzərindən şəxsinizə müraciət etməyi məqsədə uyğun bilirəm.Allahın lütfü böyükdür,inanıram birgün haqq öz yerini tutacaqdır.Mənə bu dünyanı dar, 2 balamı isti evindən,bir tikə çörəyindən edənlər sizin sayənizdə cəzalarını alacaqlar".
İddia olunanlarla bağlı dia.az olaraq qarşı tərəfi də dinləməyə hazırıq...
Gəncə şəhər sakini 26 il istifadəsində olan 30 sot torpaq sahəsinin zorla əlindən alınaraq bir neçə şəxsə ev tikmək üçün satıldığını iddia edib.
Sabir Quliyev “Xəzər Xəbər”ə bildirib ki, 1988-ci ildən Gəncə Şəhər İcraiyyə Komitəsinin qərarı ilə 30 sot ərazidə yaradılan “Stroitel” kooperativinin sədri olub.
1993-cü ildə isə kooperativi “Sabit” müstəqil kooperativi kimi qeydiyyatdan keçirib. 26 il həmin ərazidə bağçılıqla məşğul olub və bir sıra xidmətlər göstərib. Ancaq 2014-cü ildə vəziyyət dəyişib.
Onun iddiasına görə, həmin vaxtlarda bu cür halla üzləşərək zərər çəkən yeganə şəxs o deyil.
Ərazidə torpaq sahəsi alaraq ev tikənlər də bu məsələ ilə bağlı özlərini təqsirli bilmirlər.
Qeyd edək ki, Gəncə sakininin torpaq sahəsini qanunsuz zəbt edərək satmaqda ittiham edilən Gəncə şəhər Nizami Rayon İcra Hakimiyyətinin keçmiş başçısı Məharət Mustafayev və Gəncə Şəhər İcra Hakimiyyətinin Memarlıq və Tikinti şöbəsinin keçmiş müdiri Əli Rüstəmov üç ildir ki, korrupsiya cinayətlərinə görə həbsdədir.
Gəncə Şəhər İcra Hakimiyyəti isə əvvəlki illərdə bu cür hallarla üzləşən sakinləri hüquqlarını məhkəmə yolu ilə bərpa etməyə çağırıb.
Daha ətraflı süjetdə:
Təkrar-təkrar Ulu Öndərin fikirlərini sitat gətiririk: “Bir ağacın budağı kəsiləndə elə bil qolumu kəsirlər”. Ulu Öndərin bu barədə daha kəskin fikirləri də var: “Bakıda bir ağacı əkib-böyütmək, bir övladı böyütməyə bərabərdir. Vaxtilə Bakıda ağaclar yox idi. Bakıxanov, Badamdart qəsəbələrində, Xalqlar dostluğu parkında nə boyda əziyyətin hesabına yaşıllıqlar saldıq, becərdik. Bunu xalq üçün, millət üçün, Bakının iqlimi üçün edirdik. O ağacları kəsib yerini baqqalxanaya çevirənlər bu ölkəyə xəyanət ediblər. O ağacları bərpa etmək indi çox çətindir. Hesab edin ki, o ağacları kəsənlər mənim balalarımın başını kəsiblər. Onlar haqq-ədalət məhkəməsi qarşısında cavab verməlidir. Orada gəlib baqqal dükanı salanlar, xüsusi mülklər tikənlər var, onların hamısını dağıtmaq, qovmaq, uçurtmaq lazımdır..”
Bəli, Ulu Öndər ağacları kəsib yerində baqqal dükanı, xüsusi mülklər, nə bilim restoranlar, şadlıq evləri tikənlər üçün konkret cəza tələb edirdi: Həmin şəxslər haqq-ədalət məhkəməsi qarşısında cavab verməli və onlar həbs olunmalı idilər. Həmin obyektlər isə qeyri-qanuni olduğu üçün məhkəmənin qərarı ilə sökülməli, dağıdılmalı, uçurulmalı idi…
Bəli, Ulu Öndərin buyurduğu kimi uçurdulub, dağıdılmalı obyektlərdən biri də Binəqədi rayonu, Biləcəri qəsəbəsi, Natavan 19 ünvanda yerləşən “Bulaq” restoranı, Bulaq Palace-dir.
İndi gəlin izah edək ki, bu obyektlər niyə və nə üçün dağıdılmalıdır..?
Onu da qeyd edək ki, restoranın sahibi əslən Ağcabədidən olan Quliyev Eldar Müseyib oğludur. Sahəsi 9503 kvadratmetr olan torpaq sahəsi natamam sənədlər əsasında Biləcəri bələdiyyəsi tərəfindən 15 avqust 2005-ci il tarixli müqaviləyə əsasən park və ictimai iaşə məqsədləri üçün "Bulaq" restoranının sahibi Quliyev Eldar Müseyib oğlunun istifadəsinə verilib. Mediada yayılan rəsmi xəbərlərdən o da bəlli olur ki, 2017-ci ildə "Bulaq" restoranı ərazisində ağacların məhv edilməsi barədə Ekologiya və Təbii Sərvətlər Nazirliyindən daxil olmuş material Baş prokuror yanında Korrupsiyaya qarşı Mübarizə Baş İdarəsində araşdırılıb. Həmin ünvandakı yaşıllıq sahəsinə keçirilən baxış zamanı restoranın həyətində 20-44 sm diametrliyində 67 ədəd Eldar şamının kökü üstə qurumuş vəziyyətdə olduğu və 2 ədəd ağacın isə kəsilmiş kötükləri aşkar olunub. Nəticədə təbiətə 57 min 360 manat məbləğində ziyan vurulması müəyyən edilib. Ağacların quruma səbəblərini müəyyənləşdirmək məqsədilə ağacların dibindən torpaq nümunələri götürülərkən torpaq səviyyəsindən 5 sm dərinlikdə ağacların dib kötüyünün həlqəvi olaraq 5-6 sm enində kəsici alətlə boy artımının dayandırılması dərəcəsinədək ciddi zədələndiyi, kötüklərinin yandırıldığı, həmçinin ağacların dibinə məqsədli şəkildə kristallaşdırılmış NaCl-Natrium Xlorid duzu tökülərək məhv edildiyi müəyyən olunub.
Həmin faktla bağlı Cinayət Məcəlləsinin 259.2.3 (qanunsuz ağac kəsmə, şəxs tərəfindən öz qulluq mövqeyindən istifadə edilməklə törədildikdə), 259.2.4 (qanunsuz ağac kəsmə, külli miqdarda ziyan vurmaqla törədildikdə) və 308.1-ci (vəzifə səlahiyyətlərindən sui-istifadə) maddələri ilə cinayət işi başlanıb. İstintaq zamanı “Bulaq” restoranının sahibi Quliyev Eldar Müseyib oğlunun gələcəkdə yenidənqurma işləri aparmaqla iaşə obyektinin gəlirliliyini artırmaq, əlavə köşklər tikmək, mövcud olan sahəni genişləndirmək və bununla da ərazidəki yaşıllıqları qəsdən məhv etməsi müəyyən olunub. Və Eldar Quliyev barəsində məhkəmənin qərarı ilə həbs qətimkan tədbiri seçilib, 57 min manat cərimə olunub. Bəs sonra nə olub..? Sanki qurbağa gölünə daş düşüb. Və bu barədə ölkə mediasında bircə cümlə də yoxdur.
Redaksiyamıza daxil olan məlumata görə, Eldar Quliyev bir neçə aydan sonra azadlığa çıxıb və köhnə əməllərini davam etdirməyə başlayıb. Birincisi, bizim məlumatımıza görə, həmin ərazidə 67 ədəd deyil, yüzlərlə şam ağacı məhv edilib. Bəs nə üçün Eldar Quliyev 57 min cərimə və 3-4 aylıq həbslə canını qurtara bilib..? Bu həbs olunma və buraxılma bir neçə dəfə olub..? Bunları oxuyanda adam düşünür ki, vallahi müdriklər düz deyib ki, Quran oxumaqla o darıdan çıxan deyil. Çünki bu boyda cinayət əməllərindən sonra Eldar Quliyev azadlıqda əməllərini davam etdirir və obyektlər də fəaliyyətini... Adam utanır yaza ki, dəyirman bildiyini edir...çaxçax...
Nə isə Eldar Quliyevə deyirik ki, biz boş yerə başımızı ağrıdanlardan deyilik, sənin haqqında bildiklərimizin 100-də birini yazdıq, heç olmasa get kəsdiyin ağacların yerində yaşıllıqlar yarat, düşünmə ki, bəzi adamları susdurduğun kimi, bizi də susdura bilərsən. //gundelik-baku.com//
Lənkəran rayonu, Haftoni qəsəbə sakini Rüstəmov Hikmət Əlizadə oğlu tərəfindən "Hürriyyət" qəzetinin redaksiyasına şikayət məktubu daxil olub. Şikayətçi iddia edir ki, əlində ciddi sübutları olmasına baxmayaraq, onun şikayətinə baxılmır:
"Mən, Rüstəmov Hikmət Əlizadə oğlu, yazaraq diqqətinizə çatdırıram ki, 9 ilə yaxın Haftoni qəsəbəsində, Soltan Əliyev adına məktəbdə işləmişəm. Məktəbin direktoru Ağayeva Sevər Adil qızının çirkin əməllərinə qarşı gəldiyim üçün, məni şərə salıb məktəbdən uzaqlaşdırdı. Halbuki, mənə şər-böhtan atanlar haqqında əlimdə yüzlərlə sübütüm var.
Mən Lənkəran rayonu Haftoni qəsəbə məktəbində təsərrüfat işləri üzrə direktor müavini işləmişəm. Direktorun korrupsiya əməllərinə etiraz etdiyim üçün işbirliyində olanlarla birləşərək, məni şərləyib işdən çıxartdılar.
Direktorun qardaşı Vüqar Məmmədov icra başçısı Taleh Qaraşovun müavini vəzifəsində işləyir deyə, o, Lənkəranda “at oynadır”. Başçının müavini Rəsilə xanım da onlara yardım edir. Məhkəmə, polis sanki mənim əlimdə heç bir sübütum yoxmuş kimi davranırlar.
12.07.2023-cü il tarixində yenidən məhkəmə olacaq. Belə fikirləşirəm ki, məni yenə şərləyib həbs etdirəcəklər. Bu səbəbdən, sizdən xahiş edirəm ki, mənim müraciətimi işıqlandırın.
Məni 12.03.2021-ci ildə işdən çıxarıblar, həmin vaxtdan etibarən bütün kamera görüntülərini siliblər. Rüşvət aldıqları açıq-aşkar idi. Hakimə və yaxud da heç bir polisə maraqlı deyil ki, kamera görüntüləri niyə silinib? 9 ildə oduna, təmirə, dəftərxanaya və s. üçün ayrılan vəsaitlər mənim imzam atılaraq mənimsənilib.
3 ildir işsizəm, 3 övladım var. Ailəmi dolandırmaqda çətinlik çəkirəm. Həmin direktorun əlimdə səs yazıları var, amma baxmırlar. Direktor Sevər Ağayeva məni məcbur edirdi ki, xadimələrdən 50 manat pul yığım. Əlimdə bunun sübutu da var. Üzümə durmağa qoyulan şəxslərdən biri olan Hüseynov Tofiq xadimə vəzifəsində olsa da, əslində, məktəbin bufetini 30 ildən artıqdır işlədən adamdır. Bütün bunlarla yanaşı, direktor hamilə xadimələrin pulunu da mənimsəyirdi. Bu qədər biabırçılığa göz yumulur, səbəb isə direktorun qardaşının başçının yanında işləməsidir”.
Redaksiyadan: Yazıda adları qeyd olunan şəxslərin mövqeyini dərc etməyə hazırıq.
İyunun 29-da Sabunçu rayonu, Bakıxanov qəsəbəsində “Akkord Sənaye Tikinti İnvestisiya Korporasiyası” ASC-yə məxsus “Uğur-2” yaşayış kompleksində liftin sıradan çıxması nəticəsində 6 nəfərin müxtəlif bədən xəsarətləri alması geniş rezonans doğurdu.
Qəzadan sonra zərərçəkənlərlə bağlı qısa açıqlama verən TƏBİB-dən bildirilib ki, qurumun tabeliyində olan Bakı Şəhəri Təcili və Təxirəsalınmaz Tibbi Yardım Stansiyasının briqadaları çağırış əsasında hadisə yerinə cəlb edilib:
“Dörd nəfər qadın müxtəlif travmalarla TƏBİB-in tabeliyindəki Sabunçu Tibb Mərkəzinə hospitalizasiya olunub”.
Daha sonra yaralıların hər birinə zəruri tibbi xidmət göstərilib, ambulator müalicə üçün evə buraxılıblar.
Bundan başqa, “Uğur-2” yaşayış kompleksindəki binalarda baş verən hadisə ilə əlaqədar Sabunçu Rayon Prokurorluğunda araşdırma aparıldığı qeyd olunub. Baş Prokurorluğun Mətbuat xidmətindən verilən məlumata görə, hadisə nəticəsində şəxslərin xəsarət alması və xəsarətin dərəcəsi təyin olunmuş məhkəmə-tibbi ekspertizasının rəyinə əsasən müəyyən ediləcək.
“Hadisənin baş vermə səbəbləri tam, hərtərəfli və obyektiv araşdırılmaqla nəticəsi barədə müvafiq qərarın qəbul edilməsi təmin olunacaq”.
Qeyd edək ki, bu, baş verən hadisə və onun ətrafında cərəyan edən proseslərə yanaşmanın rəsmi tərəfidir. Ancaq məlum hadisənin görünməyən tərəfləri də var və onlarla bağlı çox ciddi məqamlar üzə çıxıb.
“Uğur-2” yaşayış kompleksidir, yoxsa əhalinin talandığı yer?
Əvvəlcə bir məsələyə aydınlıq gətirək. “Uğur-2” yaşayış kompleksi 2005-ci ildən istifadəyə verilib və “Akkord” Sənaye və Tikinti Korporasiyasının Bakıxanov qəsəbəsində inşa etdiyi 8 binadan ibarət yaşayış kompleksidir.
Hər biri 20 mərtəbədən ibarət olann 8 binanın birinci mərtəbələri ticarət məqsədi ilə istifadə edilir. Ümumilikdə isə kompleksdəki 1850 mənzildə 7 min nəfərə yaxın sakin məskunlaşıb. Bundan əlavə, kompleksin 3 binasının altında 700-1000 maşının yerləşə biləcəyi avtomobil parkı də fəaliyyət göstərir.
Elə bu səbəbdəndir ki, “Uğur-2” tez-tez ya əl dəyişikliyi, ya da şirkət dəyişikliyinə məruz qalıb. Çünki sözügedən yaşayış kompleksi “Akkord”dakı “görünməyən şəbəkə” üçün külli miqdarda gəlir mənbəyi olub və hazırda da bu “funksiya”nı yerinə yetirir.
Bu “şəbəkə”yə daxil olan şəxslərin sayı olduqca məhduddur. Görünür, elə bu səbəbdəndir ki, həmin qrup çoxlarının nəzərindən yayına bilib. Lakin son hadisə, yəni məlum lift qəzası nəticəsində bir neçə şəxsin xəsarət alması həmin “şəbəkə”nin ortaya çıxmasına, narahat olmasına və təbii ki, qorxuya düşməsinə səbəb olub. Hərçənd onlar özlərini yenə “pərdə arxası”nda saxlamaq üçün önə başqalarını veriblər. Halbuki həmin adamların sözügedən “şəbəkə” üçün pul yığmaqdan başqa heç bir funksiyalarının olmadığı bəllidir. İndi isə keçək əsas mətləbə və işin detallarına.
Quraşdırılan liftlərin istismar müddəti bitibmi?
Hazırda “Uğur-2” yaşayış kompleksində istismar olunan liftlər hələ 2005-ci ildə quraşdırılıb. O vaxt dövlət başçısı İlham Əliyev kompleksin açılışına qatılacağı səbəbindən liftlərin quraşdırılması tez-tələsik həyata keçirilib. Hətta bu iş o qədər sürətlə icra edilib ki, texniki təhlükəsizlik qaydalarına əməl olunması heç kimin ağlına gəlməyib.
Çin istehsalı olan liftlərin istismar müddəti isə demək olar ki, bitib. Çünki uzun zamandır düzgün quraşdırılmayan və lazımi səviyyədə təmir olunmayan liftlər hələ xeyli əvvəldən sakinlər üçün problemə çevrilib. Bununla bağlı yaşayış kompleksinin komendantlığına edilən saysız-hesabsız müraciətlərin də heç bir nəticəsi olmayıb. Ona görə ki, komendantlıq məhz “Akkord”da kök atmış qrupun təlimatına əsasən liftləri dəyişmək əvəzinə, onları kosmetik təmir etməklə kifayətlənib. Bunun səbəbi isə çox sadədir: Quraşdırılandan bəri “lift pulu” adı ilə yığılan pulların təyinatı üzrə xərclənməyərək mənimsənildiyi iddia olunur. Üstəlik, yığılan pullar heç bir rəsmi hesabata daxil edilməyib.
Sakinlər çox əvvəldən liftlərin durumunun pis olduğunu, bunun faciə ilə nətəcələnəcəyi barədə rəhbərliyə xəbərdarlıqlar ediblər. Hətta bir neçə il bundan əvvəl kompleksdəki binalardan birində analoji qəza baş versə də, haqqında danışılan “şəbəkə” hadisənin ictimailəşməsinin qarşısını ala bilib. İkinci hadisədən sonra isə narahatlıq yaransa da, onlar elə zənn edirlər ki, məsələni yenə “ənənəvi üsul”larla qapalı saxlamağa nail olacaqlar.
Qədirovun “jeton” biznesi
Qeyd edək ki, hal-hazırda “Uğur-2” yaşayış kompleksinə Həşim Qədirov rəhbərlik edir. Konkret desək, o, kağız üzərində mövcud olan “ProLife” MMC adlı şirkətin idarəçisi funksiyasını həyata keçirir.
Qədirov uzun müddət “Uğur-2”də fəhlə və adi əməkdaş kimi fəaliyyət göstərib. Lakin fərdi “bacarığı” və “uzaqgörənliyi” sayəsində komendant postuna qədər yükəslib. Düzdür, bu yüksəlişdə yalnız sadaladığımız məziyyətlər deyil, həm də onun digər xüsusiyyətləri mühüm rol oynayıb.Qədirovun fəaliyyətinin əsas istiqamətlərindən biri də onun “Uğur-2”də uzun müddətdir, müxtəlif “eksperiment”lər həyata keçirməsidir. Həmin “eksperiment”lərdən biri də komendantın “jeton” biznesidir.
Adi plastik düymədən ibarət olan və “Sədərək” Ticarət Mərkəzində satılan 10-15 qəpiklik bu “jeton”lar Qədirov və himayəçilərinin asan gəlir mənbələrindən biridir. Belə ki, vurğulanan “jeton”lara sahib olmadan liftdən istifadə etmək mümkün deyil. 6 aydan bir məqsədli şəkildə dəyişdirilən ”jeton”ları isə sakinlərə 10 manata satırlar. Təsəvvür edin ki, 8 yaşayış binasında 1850 mənzil var. Hər mənzildə ən azı iki nəfər bu “jetona” ehtiyac duyur. Bu isə o deməkdir ki, “eksperiment” müəllifləri bu biznesdən hər 6 ayda 37 min, ildə isə 74 min manat pul qazanırlar.
Elə zənn etməyin ki, bu pullar komendant Qədirovun təbirincə desək, “liftlərin təmiri və ya yenidən qurulmasına sərf olunur”. Əksinə, həmin pullar Qədirov və onu himayə edənlərin əlavə qazanc mənbələrindən biridir. Məhz bunun nəticəsidir ki, “Uğur-2” kompleksinin komendantı qısa müddətdə qiyməti 60 min manat olan “BMW f10” markalı avtomobilə sahib olub. Bu siyahıya dəyəri 100-150 min manat olan ticarət obyektlərini də əlavə etsək, o zaman yığılan pulların hara xərcləndiyini görmək mümkündür.
Xatırladaq ki, sakinlərə məcburi qaydada “jeton” satılması qanuna ziddir, qadağandır. O “jeton” sakinlərə pulsuz verilməlidir. Bunu özləri də bilirlər, lakin sakinlərin sadəlövhlüyündən yararlanaraq bu yolla varlanmağa davam edirlər.
Kommunal pulu hara gedir?
“Uğur-2” yaşayış kompleksində hər ay mənzilbaşına minimum 27 manat kommunal pulu yığılır. Bu məqsədlə yığılan hər ay 50 min manata (illik isə təqribən 600 min manat) yaxın pulun çox az qismi zibillərin daşınmasına və kompleksin həyətinin abad saxlanılmasına sərf olunur. Bundan başqa, elektrik və su israfına də aylıq pul yığılır. Ancaq nə qədər qəribə olsa da, hazırda da “ProLife” MMC-nin sudan istifadəyə görə dövlətə borclu olduğu deyilir. Yeri gəlmişkən, kompleksdə kommunal xidmətlər üzrə pulların yığılması prosesinə Qədirovun bacısı oğlunun rəhbərlik etdiyi deyilir.
Həmin pulların yığımı heç də hər hansı ödəniş terminalı vasitəsilə həyata keçirilmir. Sakinlər özləri komendantlığa gələrək, orada ödəniş edir və əvəzində çek alırlar. Qanuna əsasən isə yaşayış kompleksini idarə edən “ProLife” MMC sakinlərə ödəniş müqabilində çek verməməlidir. Sakinlər ödəniş üçün vəsaiti konkret hesaba köçürməlidirlər. Bunun üçünsə xüsusi bank hesabı olmalı və MMC də həmin hesabdan pul çəkərək, lazım olan xərcləri qarşılamalıdır.
Lakin Həşim Qədirov və onun himayədarları qanuni yolla həyata keçirilməli olan ödənişlərdən qazanc əldə edə bilmədiklərindən, elə “dədə-baba qaydası”na üstünlük verirlər. Təqdim etdikləri çeklərin isə nə kökü var, nə də qanuni əsası. Yığılan pullar bir kassaya toplanır. Əsl “əməliyyat” bundan sonra başlayır. Hesabı-kitabı olmayan o pullar ayrı-ayrı şəxslərin “ehtiyac”larına, məqsədlərinə sərf olunur.
Normalda isə yığılan pullar kompleksin abadlığına, liftlərin yenilənməsinə, habelə, bu qəbildən olan digər işlərə sərf olunmalıdır. Lakin Qədirov və himayədarları üçün bu sadalanan işlərin heç bir əhəmiyyəti yoxdur.
Ayda 30 min gəlir gətirən parkinq xidməti
Yuxarıda qeyd etmişdik ki, “Uğur-2” yaşayış kompleksinin nəzdində 700-1000 maşınlıq tutumu olan avtomobil parkı mövcuddur. Bu parkinq ərazisində avtomobilini saxlamaq istəyən sakin hər ay 30 manatından keçməlidir. Bu da ayda 30 min manata yaxın əlavə gəlir deməkdir. “Uğur-2”nin komendantlığı bu pulları da tam həcmdə rəsmi qeydiyyata salmır. Rəsmi hesabata həmin vəsaitin sadəcə, cüzi hissəsi daxil edilir. Bu da ona görə lazımdır ki, yerdə qalan vəsaiti asanlıqla mənimsəmək mümkün olsun.
Bütün bunlar “Uğur-2” yaşayış kompleksində baş verən qanunsuzluqların yalnız bir qismidir. Məsələn, kompleksin idarə olunması üçün ildə 4 MMC dəyişdirmək kimin ağlının məhsuludur? Həmin MMC-lərin 1,5 milyon manatlıq vergi borcu niyə gizlədilir və Sabunçu Vergi Xidməti İdarəsinin bu məsələnin üzə çıxarılmamasında hansı marağı var?
Bütün bunlar azmış kimi, kompleksin bir sıra sakinləri “köhnə kommunal borc” şantajı ilə üz-üzə qalıb. Niyə? Yaxud Ailə TV internet provayderi “Uğur-2” kompleksində ötürücü stansiya quraşdırmaq üçün illik nə qədər pul ödəyir? Nəhayət, ən əsası “Akkord”un baş ofisində bu işlərə rəhbərlik edən şəxs kimdir?
Bunlar ritorik yox, konkret cavab tələb edən aktual suallardır.
www.yenicag.az
Yazıya giriş olaraq onu qeyd edək ki, mediada Qobustan Rayon Mərkəzi Xəstəxanasında ( RMX ) baş verən qanunsuz əməllər barədə kifayət qədər yazılıb. Belə ki, Qobustan RMX-də xəstəlik kağızı, sürücülərə tibb arayışları verilməsi adı altında pullar yığılır. Xəstəxanada cari xərclər, yanacaq təminatı adı ilə hər ay xeyli miqdarda dövlət vəsaiti mənimsənilir. Daha sonra bu xəstəxananın adı mediada saxta əlillik dərəcəsi verilməsi ilə bağlı dəfələrlə hallanıb. Hətta yalandan hər ay 50 nəfərin guya xəstəxanada yatmasını ( ambulator müalicə ) kağız üzərində yazıb, onlara ayrılan qida və ərzaq məhsullarını satırlar. Bundan əlavə Qobustan Rayon Mərkəzi Xəstəxanasında işçi kimi adları qeyd edilmiş, lakin iş yerinə gəlmədən yalnız staj toplayan 30 nəfərə yaxın tibb işçisinin maaşları da mənimsənilir.
Sözün qısası, Qobustan Rayon Mərkəzi Xəstəxanası sanki cinayət məkanıdır. İndi görək, Qobustan Rayon Mərkəzi Xəstəxanasının baş həkiminin inzibati məsələlər üzrə müavini Kərimov Bəhman Bəxtiyar oğlu kimdir, nəçidir, hansı əməlin sahibidir..?
Məlumat üçün onu da qeyd edək ki, Bəhman Kərimov Azərbaycan Dövlət Tibb Universitetini deyil, özəl Azərbaycan Beynəlxalq Universitetini bitirib. Sonra ikinci ali təhsil alıb. Deməli, baş həkimin müavini saxta yol vərəqələri yazaraq olmayan təcili yardım çağırışları adı altında kifayət qədər pul mənimsəyir. Bu hələ harasıdır..?
Deməli, Qobustan rayon Mərkəzi Xəstəxanasında Bakıdan gələn həkimlər də çalışır. Baş həkimin müavini Bəhman Kərimov uzaqdan gələn həkimlərə nəqliyyat servisi adı altında hər ay hər həkim üçün 100 manatı mənimsəyir, həmin maşınlara sərf olunan benzin isə dövləti vəsaiti hesabına ödənilir.
Bəhman Kərimov yuxarıda qeyd etdiyimiz kimi, yalandan təcili yardıma çağırış vərəqələri yazaraq hər ay kifayət qədər yanacaq, benzin silir, hələ üstəlik ehtiyyat hissələri üçün pullar ayırıb mənimsəyir. Bütün bunlar azmış kimi bu adam bütün fırıldaqlara əl atıb və sonda... Guya işıq sönməsi səbəbi ilə alternativ olaraq generatorlardan, dizel yanacağından istifadə etmək adı ilə xeyli miqdarda dövlət vəsaitini mənimsəyib. Hansı ki, sabah Azərişıq tərəfindən xırda bir araşdırma aparılsa, bəlli olacaq ki, ümumiyyətlə, həmin günlər işıq sönməyib.
Sözün qısası, Qobustan Mərkəzi Xəstəxanasının baş həkiminin müavini Bəhman Kərimovun cinayət əməlləri bitmək bilmir. Və ona kimsə irad bildirsə, deyir ki, mənim arxamda TƏBİB boyda qurum var, kimsə mənə heç nə edə bilməz. Daha dəqiq desək, Bəhman Kərimov, hər yerdə TƏBİB-in İnzibati idarəetmə departamentinin rəhbəri Nurlan Quliyevin adını hallandırır, deyir ki, mən Nurlanın adamıyam.
Bütün bunlardan bizim bir media olaraq xəbərimiz varsa, görəsən, TƏBİB-in icraçı direktoru Vüqar Qurbanovun xəbəri nə üçün olmasın...? Bəs, TƏBİB-in departament rəhbəri Nurlan Quliyev bu barədə nə düşünür..?
Amma Qobustan rayon Mərkəzi Xəstəxanası Publik Hüquqi şəxsin müavini Kərimov Bəhman Bəxtiyar oğlu bilmir ki, Qobustan rayonunda "Azərişıq"dan başqa alternativ enerji istehsal edən qurğular da var. Burada təbii fəlakət olmasa, dizel yanacağına ehtiyac olmur. Hətta hörmətli Bəhman həkim bilməlidir ki, ABU-dan qazandığı diplomun əsasında 2-ci təhsil aldığı vaxtda, yəni həmin ərəfədə "Kapital Bank"da işləmişdir və "Kapital Bank"dan işdən çıxarkən də "Kapital Bank" tərəfindən mənfi xarakterizə olunmuşdur.
Qobustan xəstəxanasında işçilərlə, sanki Qobustan həbsxanasının dustaqları kimi rəftar edən, Bəhman həkim, onunla hesablaşmayan işçilərin üzünə adam durquzaraq, işdən çıxarmaqla hədə-qorxu gəlir. Bəhman Kərimov 2022-ci ilin oktyabr ayından həmin vəzifəyə təyin olunduğu vaxtdan hansı vasitələrlə deyə bilmərik, özünə aldığı son model "KİA SORENTA" maşınına 77-KB-779 nömrəni almaq üçün kiməsə 6000 dəfə sag ol deyib.
Baxın, demək olar ki, Kərimov Bəhman 77-777-yə yaxınlaşmaq istəyib, amma buradakı maraqlı və diqqət çəkən məqam nömrənin orta seriyası KB, yəni Kərimov Bəhman. Olsun, biz hamının maşınının olmasına sevinirik.
Bundan əlavə, Kərimov Bəhman vəzifəyə təyin olunar-olunmaz özünə Qobustan rayonu ərazisində Bakı-Şamaxı yolunun kənarında böyük bir restoran tikib.
Biz inanırıq ki, belə getsə Bəhman Kərimov Qobustan rayon Mərkəzi Xəstəxanasını da özəlləşdirəcək. Bəhman Kərimov özünün malını-mülkünü, rayonun sayılıb-seçilən şəxslərinin səviyyəsinə çatdırmağa da and içərək dayanmadan pul qazanmaqla məşğuldur.
Biz isə bir media qurumu olaraq, malını-mülkünü artırmağa and içən Bəhman Kərimovdan soruşuruq, sən rəsmi olaraq həkim adını almısanmı? Almısansa Hippokrata and içmisən...? And içməmisənsə təcili Hippokratı tap, sonrası...
Bəli, Qobustan xəstəxanasında durum biz gözlədiyimizdən də ağır imiş. Amma Hüquq Mühafizə Orqanlarımızın orada aparılacaq yoxlamaları, dövlət büdcəmizdən yayındırılan hər qəpiyin, onu oğurlayan şəxslərə geri qaytarılmağını məcbur edəcək. Ardı var... //gundelik-baku.com//
Məlumdur ki, SSRİ dövləti dağılan ərəfədə və həmin vaxtlardan daha bir neçə il sonra ən böyük biznes, məhz qara və əlvan metalların satışı biznesi oldu. Yəni, bir çox şəxslər zavod və fabriklərin avadanlıqlarını, troleyybus və dəmir yolu xətlərini, mis və alüminiumdan olan kabelləri, bir sözlə gözə görünən nə varsa onların hamısını “metallom” adı ilə ya xaricə, ya da ki, ölkə daxilində fəaliyyət göstərən bəzi metal qəbuletmə məntəqələrinə satmaqla milyonçuya çevrildilər. Hətta, elə vəzifə sahibləri də oldu ki, onlar yerin altından keçən mavi qaz və su turbalarını sökərək “metallom” adı ilə satışa çıxartdılar. Unutmaq olmaz ki, SSRİ dönəmində yerin altından keçən mavi qaz və su turbaları “iki” ədəd olurdu. Yəni, xətlərdən biri sıradan çıxırdısa, digər xətt işə düşürdü. Bütün bunlara baxmayaraq, illər keçdikcə bu gəlirli biznes sahəsi tədricən tənəzzülə uğradı və ölkə daxilində fəaliyyət göstərən və vətəndaşlardan təqribən bir neçə yüz, hətta 5-6 kq çəkidə olan metal tullantıları qəbul edən məntəqələrin fəaliyyətləri daha da genişləndi. Amma, onu unutmaq olmaz ki, bu cür metal tullantıları qəbul edən məntəqələrin fəaliyyətləri birbaşa qanunsuzluğa yollar açır. Məsələn, hansısa şəxs gedib hansısa həyətdən 10-15 kq metal oğurlayıb metal qəbulu məntəqəsinə satır və həmin vaxt məntəqəni işlədən şəxs araşdırmır ki, təhvil verilən metal hansə ünvandan və necə əldə olunub? Bu da müəyyən cinayət hadisələrinin baş verməsinə şərait yaradır. Faktdır ki, bu gün metal qəbuletmə məntəqələrində oğurluq yolu ilə əldə olunan metalları da qəbul edirlər. Digər tərəfdən, yeniyetmələr arasında elələri olur ki, onlar kabel xətlərini kəsirlər, bəzi ünvanlardan kondinsionerləri oğurlayırlar və oğurladıqlarını metal qəbuletmə məntəqələrinə təhvil verirlər. Bəli, bütün bunlar azyaşlıların daha çox oğurluq hadisələri törətmələrinə yollar açır.
Onu da unutmaq olmaz ki, son illər bir çox şəhər və rayonlarda metal qəbuletmə məntəqələrinin fəaliyyət göstərmələri qəti şəkildə qadağa olunub. Çünki, metal qəbuletmə məntəqələrinin fəaliyyət göstərmələri, istənilən halda şəhər və rayonlarda baş verən oğurluq hadisələrinin artmasına yollar açır. O halda sual oluna bilər ki, görəsən Yevlax Avtovağzalına yaxın ərazidə İlham adlı şəxsə məxsus olduğu bildirilən metal qəbuletmə məntəqəsinin fəaliyyəti niyə qadağan olunmur? Bu haqda növbəti yazılarımızda.
Qarşı tərəfin də mövqeyini dinləyə bilərik. Bizi izləməyi unutmayın.
Deryaz.az
Bir müddət bundan öncə redaksiyamıza Azərbaycan Respublikasının Elm və Təhsil Nazirliyinin Qazax- Tovuz Regional Təhsil İdarəsinin Ağstafa rayon təhsil sektorunun müdiri Mədət Zeynalovla, adı çəkilən bu qurumun kargüzar mütəxəssisi Mustafayeva Afaq Rafayıl qızı arasında baş verən olaylarla bağlı xeyli məlumatlar daxil olmuşdu. Düzdür, daxil olan məlumatlar əsasında Deryaz.az saytında yazı yayımlanmazdan öncə, sektor müdiri Mədət Zeynalovla əlaqə saxladıq və qarşı tərəf olaraq ondan məsələlərə münasibət bildirməsini xahiş etdik. Təəssüflər olsun ki, adı çəkilən bu vəzifə sahibi redaksiyamıza daxil olan məlumatlarla bağlı heç bir münasibət bildirmədi, yaxud da bildirmək istəmədi. Mədət Zeynalovun belə bir yanaşmasından sonra məcbur olub 13 iyun 2023-cü il tarixdə Deryaz.az saytında “MƏDƏT ZEYNALOVUN HƏDIYYƏ ETDIYI FƏXRI AD NIYƏ ARVADINI QANE ETMƏYIB” başlıqlı yazı yayımladıq.
Qeyd edək ki, 18 iyun 2023-cü il tarixdə, saat 12:00 radələrində bir nəfər xanım 055-904-83- .. nömrəli mobil telefonla Deryaz.az saytının rəhbərliyinə məxsus 051-516-66- .. nömrəli mobil telefona zəng edir və özünün Nərgiz Musayeva adlı xanım olduğunu bildirir. Telefon danışığı zamanı həmin xanım “Mənim adım Nərgiz Musayevadır, Milli Təhlükəsizlik, MTN-nin mətbuat- informasiya şöbəsində çalışıram. Milli MTN-nin, milli təhlükəsizlik xidmətinin mətbuat xidmətinin rəhbəriyəm” də deyir. Bundan əlavə, həmin xanım telefon danışığı zamanı redaksiya rəhbərliyini müəyyən mənada təhdid də edir. Hətta o, redaksiya rəhbərliyinə “Sən 4 il həbs olunacaqsan və 5 min manat məbləğində cərimə də ediləcəksən” də deyir. Ümumiyyətlə, telefon danışığı zamanı özünü DTX-nin əməkdaşı deyə təqdim edən həmin xanımın danışdıqlarına qulaq asdıqdan sonra, redaksiya əməkdaşlarında müəyyən şübhələr baş qaldırır. Yəni, az sonra Deryaz.az saytı əməkdaşının apardığı jurnalist araşdırmaları zamanı bəlli olur ki, 055-904-83- .. nömrəli mobil telefon nömrəsi Mustafayeva Afaq Rafayıl qızına məxsusdur və sadəcə olaraq o, bir qədər qabaqdangəlmişlik etmək məqsədilə özünü qarşı tərəfə Nərgiz Musayeva deyə təqdim edir. Ola bilər ki, Afaq Mustafayeva bu cür addımını atmaqla hansısa məqsədinə nail olmaq istəyib. Amma, xanım Mustafayeva onu unudub ki, DTX-nin əməkdaşı olmadan hansısa məqsədini həyata keçirmək məqsədilə bu dövlət qurumunun adından sui-istifadə etmək hər kəsin əməlində, o cümlədən Afaq Mustafayevanın da əməlində cinayət məsuliyyətİ yaradır. Qeyd edək ki, bu məsələ ilə bağlı aiddiyyatı üzrə dövlət qurumlarına rəsmi qaydada müraciət etmişik ki, olayın varlığı tam dəqiqliklə araşdırılsın. Məsələnin düşündürücü tərəfi odur ki, Qazax- Tovuz Regional Təhsil İdarəsinin Ağstafa rayon təhsil sektorunun əməkdaşı olan Afaq Mustafayeva, hələ də atdığı addımının məsuliyyətinə əhəmiyyət vermir və o, qarşı tərəfi cəzalandırmaq məqsədilə Gədəbəy və Yasamal Rayon Məhkəmələrinə iddia tələbi ilə müraciət etməyi daha məqbul hesab edir. Daha biabırçı halın varlığı ondadır ki, iddia ərizəsində cavabdeh qismində qoyulan Tağıyev Habil Bəhlul oğlu Gədəbəy rayonunda anadan olsa da, bu gün onun nə yaşayış yerinin, nə də ki, qeydiyyat ünvanının Gədəbəy rayonuna heç bir aidiyyatı yoxdur. Bu da onu söyləməyə əsas verir ki, iddiaçılar Mustafayev Bayram Ruzman oğluna və Mustafayeva Afaq Rafayıl qızına hüquqi istiqamət verən, yaxud da hüquqi köməklik göstərən şəxs(lər) “müəkəmməl hüquqi təhsilə” sahibdirlər. Yəqin ki, Yasamal Rayon Məhkəməsində aparılacaq ədalətli məhkəmə araşdırmaları lazımi həqiqətləri üzə çıxarmağa imkan verəcək.
Redaksiyamıza daxil olan bəzi məlumatlara görə, Afaq Mustafayevanın belə bir addımlarını atması üçün Ağstafa rayon təhsil sektorunun müdiri Mədət Zeynalov “arxa cəbhə”də durur və o, bu xanıma daşıdığı vəzifəsinin imkanlarından sui-istifadə edərək müəyyən təsirlərini göstərir. Qeyd edək ki, sektor müdiri nə qədər “dağlara çəkilsə də”, bu şəxsin əməlləri müəyyən yollarla geniş ictimaiyyətin diqqətinə çatdırılır. Məsələn, son vaxtlar ayrı-ayrı media qurumlarında Mədəd Zeynalovun qanunsuz fəaliyyəti barədə silsilə tənqidi məqalələr yayımlanmaqdadır. Məqalələrdə qeyd olunur ki, bu rayonun təhsil sahəsində korrupsiya əməllərinin miqyası genişləndiyindən, Ağstafada təhsiln inkişafı istiqamətində faktiki olaraq heç bir əməli iş görülmür və məktəb direktorlarının hər biri “tasa” otuzdurulub. Belə bir səbəbdən də, bu rayonun təhsilində korrupsiya halları baş alıb getməkdədir. Adicə bir faktı qeyd edək ki, yayımlanan məqalələrdə müəlliflər qeyd edirlər ki, Ağstafa təhslinin “şefi” Mədəd Zeynalov, Bakı şəhərinin mərkəzində qiyməti 150 min manata yeni ev-villa alıb. Bundan əlavə, Rayon Təhsil şöbəsinin yaxınlığında bu şəxsə məxsus ət dükanı var ki, həmin dükanı Mədəd Zeynalovun dayısı Hidayət Məmmədov Hidayət işlədir. Deyilənə görə Hidayət Məmmədov ət dükanını işlətməkdən əlavə o, Mədəd Zeynalovun pul yığımı işlərinə də baxır.
Bundan başqa, Ağstafa təhslinin “şefi” rayonun 1 saylı tam orta məktəbində laborant vəzifəsində işləyən Hacıyeva Könül Arif qızını heç bir əsas olmadan işdən çıxarır və xanım Hacıyevanın işə bərpa olunması haqda məhkəmə qərarı olsa da, Mədəd Zeynalov 1 sayli tam orta məktəbin direktoru Ramiz Nəsirovla əlbir olaraq, çıxarılmış məhkəmə qərarının icra olunmasına imkan vermir. Yəni, bütün bunlar haqda bəzi media qurumlarında məqalələr yayımlanıb.
Mədəd Zeynalovun əməlləri ilə bağlı yayılan söz-söhbətlərdən biri də, bu şəxsin 01 oktyabr 2020-ci ildə sektor müdiri təyin olunduqdan təqribən 15-20 gün sonra sonra, Afaq Mustafayevanın həyat yoldaşı Bayram Mustafayevin 8 min manat pulun müqabilində rayonun Qaçaq Kərəm adına orta məktəbə direktor müavini vəzifəsinə təyin olunması olur. Qeyd edək ki, Bayram Mustafayev bugünkü vəzifəsindən əvvəl Ağstafanın Mərkəzi Bazarında ayaqqabı satmaqla məşğul olur, daha sonra rayonun Qaz İstismarı Sahəsində sosial işlə təmin olunur, daha sonra isə Mədəd Zeynalovun təyinatı bu şəxsin “bəxtini açır” və o, direktor müavini vəzifəsinə yüksəlir. Belə bir təyinatdan sonra kənd sakinləri arasında müəyyən söz-söhbətlər də baş qaldırır və hər kəs öz-özünə sual edir ki, görəsən bu ailə 8 min manatı necə və hardan əldə ediblər? Sən demə həmin vaxtlarda kasıbçılıqdan əziyyət çəkən Mustafayevlər ailəsi özlərində güc taparaq “riskə gedirlər” və bankdan kreditə pul götürürlər ki, Mədəd Zeynalovun maddi-maraqlarını təmin edə bilsinlər. Qeyd edək ki, bu kimi olaylarla bağlı bir neçə il bundan əvvəl bəzi media qurumlarında məqalələr yayımlansa da, nədənsə nə Mədəd Zeynalov, nə də ki, Mustafayevlər ailəsinin üzvləri bu kimi məsələlərdə susmağa və heç bir münasibət bildirməməyə qərar verirlər. Əldə etdiyimiz bəzi məlumatlara görə, Qaçaq Kərəm adına orta məktəbdə ciddi mənimsəmə faktları baş versə də, nədənsə Mədət Zeynalov baş verənlərə bu gün də göz yummaqda davam edir. Bütün bunlara baxmayaraq, biz bir media qurumu olaraq adı çəkilən bu təhsil ocağında lazımi yoxlamaların aparılması və nəticəsi barədə redaksiyamıza məlumat vermələrini xahiş etmişik.
Yayılan söz-söhbətlərdə o da qeyd olunur ki, Ağstafa rayon təhsil sektorunun müdiri Mədət Zeynalovun “əl gəzdirdiyi” ünvanlardan biri də, rayonun kənd və qəsəbələrindəki körpələr evi- uşaq bağçalarıdır. Məsələn, söylənilənlərə görə sektor müdiri ilk əvvəl körpələr evi- uşaq bağçalarına yoxlamalar göndərir, hansısa çatışmazlığı aşkara çıxartdıqdan sonra, çox keçmir ki, rəhbərliyə qarşı “səlib yürüşünə” başlayır. Bu sırada rayonun Həsənsu kəndindəki uşaq bağçasının müdirəsi Abbasova Zəkiyə Bəhram qızı da, oxşar aqibətlə üz-üzə qalan rəhbər şəxslərdəndir. Belə ki, bir müddət bundan əvvəl vəziyyət elə bir dözülməz həddə gəlib çatır ki, Zəkiyə xanım daşıdığı vəzifəsindən uzaqlaşmaq üçün Mədət Zeynalovun adına ərizə yazmalı olur. Amma, çox keçmir ki, Zəkiyə xanım Abbasovanın Ağstafa RİH-də işləyən qardaşı Nurəddin müəllim məsələyə müdaxilə etməli olur və sektor müdirinə təqdim olunan ərizə ləğv edilir. Rayonun Xətai kəndindəki uşaq bağçasının müdirəsi “Milka” ləqəbi ilə tanınan xanımın aqibəti isə tamam fərqli olur. Yəni, bu xanım Mədət Zeynalovun dözülməz idarəçiliyindən zinhara gəldiyi üçün ilk əvvəl sektor müdirinin adına işdən çıxmaq haqda ərizə yazır, təqribən bir ay keçdikdən sonra isə fikirindən daşınır. Yəni, daha sonra bu xanım yaxınları ilə məsləhətləşir və pozulmuş hüquqlarını müdafiə etdir və bir daha daşıdığı vəzifəsində qalmağı bacarır.
Məsələlərlə bağlı qarşı tərəfin də mövqeyini dinləyə bilərik. Mövzunu diqqətdə saxlayacağıq.
Deryaz.az
“Bacıma gələn 48 elçidən biri mənə gəlmir ki, bu qız çox danışır”.
DİA.AZ yenicag.az-a istinadla xəbər verir ki, bu sözləri müğənni Sevinc əkiz bacısı Sevil barədə danışarkən “Gül kimi şou” verilişində deyib.
O, efirdə sakit görünən, dinməz-söyləməz oturan bacısının əslində “ilan” olduğunu deyib:
“Baxırsız elə bil mələk oturub. Elə sakit oturmağına baxmayın. Anam evdə deyir ki, sən Allah, bu ilanla işin olmasın. Hər kəs evdə ondan qorxur. Təki onun istəyi, onun dediyi, onun yediyi olsun. Yəni evdə hər kəs onun başına fırlanır”.
Azərbaycan Dövlət Neft Şirkətinin sabiq vitse-prezidenti Mikayıl İsmayılovun adı hələ vəzifədə olduğu zamanlarda da oliqarx məmur kimi mətbuatda çox hallandırılıb. Onun təkcə Azərbaycan ölkəsi ərazisində sayı-hesabı olmayan mənzillərə, villalara, şirkətlərə, torpaq sahələrinə sahib olması dəfələrlə ictimailəşdirilib. Təbbi ki, bütün bu var-dövlət Mikayıl İsmayılova vərəsəlik yolu ilə sələflərindən keçməyib, dəyəri milyard manatlarla ölçülən varidatın mənbəyi, böyük ehtimalla, şəxsi qazanc deyil. Ölkə ictimaiyyətinə məlumdur ki, Mikayıl İsmayılov hazırda vəzifədə olmasa da, vəzifədə olarkən əldə etdiyi mal-mülk, Xəzərətrafı malikanələr, Bakıdaxili mənzillər, şirkətlər, Şamaxı-Ağsu-İsmayıllı rayonları ərazisindəki istirahət mərkəzləri, şirkət və istehsal müəssisələri, torpaq və bağ-bağat sahələri, eləcə də yeni alıb tikdiyi və təmir etdirdiyi obyektlər hələ də onun inhisarında, daha doğrusu, istifadəsindədir(KİV və vətəndaş məlumatları). Qeyd edək ki, Mikayıl İsmayılov qurub-yaratdığı bu təmtərağın torpaq sahələrinin hamısını heç də sahiblərindən könüllü şəkildə əldə etməyib, vəzifə səlahiyyətləri bu məsələdə onun birinci yardımçılarından olub. Sübut üçün redaksiyamıza daxil olan bir şikayətin araşdırma detallarını oxucularımıza və maraqlanan aidiyyatı dövlət qurumlarının diqqətinə çatdırırıq.
Saytımıza müraciət edən Ağsu şəhər sakini Elşən Məhəmməd oğlu Məmmədov bildirir ki, 2007-ci ildə Ağsu rayonunun Ərəbsarvan kənd Bələdiyyəsindən 100 hektar bir, 24 hektar da bir olmaqla, heyvandarlığın inkişaf etdirilməsi üçün 30 il müddətinə torpaq sahəsini icarəyə götürüb. Şikayətçi qeyd edir ki, Yuxarı Şirvan Kanalının cənub tərəfində Kürdəmir qobusu ilə su kanalının arasında yerləşən həmin ərazidə, təyinata uyğun olaraq, mal tövləsi, iki qoyun damı, quzu damı, çoban evi, iki talvar, işçi otaqları, anbar olmaqla, ümumilikdə 1437,8 kv.m-lik tikinti işləri aparıb. E.Məmmədovun sözlərinə görə, özünün digər işlərilə əlaqədar sonradan təsərrüfatın idarəçiliyini etibarnamə ilə qardaşı İbrahim Məhəmməd oğlu Məmmədova həvalə edib. 2016-cı ilə qədər müqavilə rüsumunun ödəndiyini və işlərin tam qaydasında getdiyini bildirən müraciət sahibi, bildirir ki, 2016-cı ilin əvvəlində qardaşı dünyasını dəyişib. Bundan sonra...
Bundan sonra baş verən prosesləri şikayətçi Elşən Məmmədov öz sözləri ilə aşağıdakı kimi təsvir edir:
“Bir müddət başımız hüzrə qarışıq oldu. Həm də özümün digər işlərimi də qaydasına salmağa vaxt lazım idi. Bir müddət sonra əraziyə baş çəkdim. Gördüm ki, ərazidəki tikintilər dağıdılıb, əvəzində başqa adamlar ərazidə böyük tikinti işləri aparır. Soruşdum, dedilər Mikayıl İsmayılov ərazini alıb. Bələdiyyəyə üz tutdum. O vaxtlar bələdiyyə sədri olan Gülsüm Əhmədovadan nə baş verdiyini soruşdum. Bildirdi ki, qardaşın yeri Mikayıl müəllimə satıb. Dedim, qardaşım haqq dünyasındadı, yoxluğundan istifadə eləməyin, müqavilə 30 illik mənim adımadı, əgər qardaşımın elə bir fikri olsaydı, mənə məsləhət edərdi, ailəsinə xəbər verərdi...
Qardaşım ağır xəstəlik keçirirdi və bu üzdən heyvanları satmaq məcburiyyətində qalmışdı, - bunu bilirdim. Amma ərazinin satılması barədə heç bir məlumatım yox idi. Qardaşımın ailəsindən də soruşdum, dedilər ki, İbrahim nə torpağı satmaq barədə, nə də satıbsa, aldığı pul barədə bizə heç nə deməyib.
Artıq tez müddətdə Mikayıl İsmayılov sözügedən ərazidə böyük “Aqropark” inşa etmişdi.
Maliyyə imkanlarım olmadığından, həm də Mikayıl İsmayılovun yüksək vəzifə daşıması səbəbindən məhkəmə çəkişmələrinə qoşulmadım. Sonradan Daşınmaz Əmlakın Şamaxı Regional Reystri Xidmətindən öyrəndim ki, mənimlə Ərəbsarvan Bələdiyyəsi arasında 30 illiyə bağlanmış 14 mart 2007-ci tarixli, 09 saylı müqavilə əsasında əlimdə olan Azərbaycan Respublikası Dövlət Torpaq və Xəritəçəkmə Komitəsinin təsis etdiyi kadasr məlumatlarının kökü elektron bazadan silinib və 2016-cı ildə, yəni qardaşımın ölümündən sonra, həmin əraziyə Mikayıl İsmayılovun qardaşı Müşfiq İsmayılovun adına Reystr xidmətindən Çıxarış alınıb. Yəni, mənim xəbərim olmadan icarəmdə olan torpaq sahəsi Mikayıl İsmayılovun vəzifə səlahiyyətlərinin və külli-miqdarda var-dövlət sahibi olmasının güdazına gedib.”
Elşən Məmmədov vurğulayır ki, həm dünyasını dəyişmiş qardaşının adından yalancasına istifadə edilməsinin, həm də dəyəri 100 min manatla ölçülən tikintilərinin qanunsuz şəkildə dağıdılmasının və icarə torpağının hegemonluq yolu ilə zəbt olunmasının qarşılığında sakit dayanmayacaq:
“Həmin ərazidə mən və qardaşım halal zəhmətimizlə qazandığımız pulla 144 kvadratmetr ölçüdə tikinti işləri aparmışdıq. Həmin tikintilərə o vaxtkı pulla 100 min manata qədər pul yatırtmışdıq. O cümlədən, hər il Ərəbsarvan Bələdiyyəsinin hesabına müqavilədə nəzərdə tutulan məbləğdə vəsait ödəmişik. Niyə kimsə, hansısa dövlət məmuru, vəzifəsindən sui-istifadə edərək, halal çörəyimizi zəhərə döndərir?! Çörəyə dəymək nə imandandır, nə də başqa dəyərlərdən! Xüsusən də, bir insanın ölümünün üstündən iş görmək heç bir ölçüyə sığmır!.. Əgər qardaşım o ərazini satmışdısa, Mikayıl İsmayılov onun sağlığında yerləşəydi həmin əraziyə, niyə ölümünü gözləyirdi?!. Yaxud, sənəd mənim adımadı, yeri alanda sənədin sahibinə xəbər edəydilər! Bunlar olmayıbsa, deməli, heç bir alqı-satqıdan söhbət gedə bilməz.
Digər tərəfdən, icarədə olan torpağı icarədar sata bilməz, torpağın əsas mülkiyyətçisi bələdiyyədir. Əgər, icarədar müqavilənin şərtlərini pozarsa, yaxud könüllü torpaqdan imtina edərsə, o zaman müqaviləyə xitam verilər. Amma bunlar özbaşına hər şeyi həll ediblər, hətta sənədin bazasını siliblər. Əlbəttə, bu cinayətdə əsas səbabkar bələdiyyə sədridir, sonra isə sənədin bazasını silən məmur, ardınca da Mikayıl İsmayılov.
Əlimdə olan sənədlərin hələlik bir hissəsini mətbuata ötürməklə, bu haqsızlığın ictimailəşməsini istəyirəm. Əgər qarşı tərəflər günahlarını etiraf edib, haqqıma qovuşmağa mane olmayacaqlarsa, məhkəməyə müraciət etməyəcəyəm. Əks təqdirdə, həm məhkəməyə, həm Ölkə Başçısına, həm də ali hüquq-mühafizə orqanlarına birbaşa və mətbuat vasitəsilə müraciətlərimi ləngitməyəcəm. Torpaq həm də qürur məsələsidir”.
Mövzuda adı çəkilən şəxslərin də açıqlamalarını dinləməyə və yaymağa hazırıq.
Mövzuya qayıdacağıq. //xezerinformasiya.com//