Milli Məclisin keçmiş vitse-spikeri Bahar Muradova Ailə, Qadın və Uşaq Problemləri üzrə Dövlət Komitəsinin sədri təyin ediləndən bu yana qurum 50 satınalma müsabiqəsi keçirib.

Bahar Muradova 12 mart 2020-ci ildə sözügedən komitənin sədri vəzifəsinə təyinat alıb. Onun təyinatı hakimiyyətin başlatdığı islahatlar kampaniyası dövrünə təsadüf edir.

Teref.az bildirir ki, Reportyor.info-nun araşdırması zamanı məlum olub ki, keçirilən satınalma müsabiqələri əsasən məişət zorakılığına, narkomaniyaya, korrupsiyaya qarşı mübarizə tədbirləri, uşaq problemləri, qurumun regionlardakı mərkəzlərinin təmiri və s. bu kimi Komitənin kompetensiyasında olan məsələlərlə bağlıdır.
Bağlanmış satınalma müqavilələrin toplam maliyyə dəyəri 10 274 276,52 AZN təşkil edir.
Tenderlərdə daha çox aşağıdakı şirkətlər qalib seçilib:
“Baku Holiday” MMC
“Bright Solutions” MMC
“Aqrolayn Qrup” MMC
“A ənd J Holding” MMC
“Şahdağ Mehmanxana” MMC
İqtisadiyyat Nazirliyi yanında Dövlət Vergi Xidmətinin reyestr məlumatlarına görə, “Baku Holiday” MMC 8 noyabr 2013-cü ildə qeydiyyata alınıb. Nizamnamə kapitalı 100 AZN olan şirkətin hüquqi ünvanı Bakı şəhəri Yasamal rayonu, Şəfayət Mehdiyev küçəsi, ev 95, mənzil 26-da yerləşir. MMC-nin qanuni təmsilçisi Rzayev Ramil Nurəddin oğludur.
Açıq mənbələrdə şirkət və qanuni təmsilçisi barəsində heç bir məlumata rast gəlinmir. Baxmayaraq ki, şirkət 10 ildir fəaliyyət göstərir.
Ramil Rzayev həm də “Baku Holiday Travel” MMC-nin qanuni təmsilçisidir. Bu şirkət turizm sektorunda fəaliyyət göstərir. Xarici ölkələrə, eyni zamanda ölkədaxili istirahət məkanlarına turlar təşkil edir.
“Baku Holiday” MMC ilə Komitə arasında bağlanan satınalma müqavilələrdə məişət zorakılığı ilə mübarizəyə dair 2020-2023-cü illər üçün Milli Fəaliyyət Planının beynəlxalq və regional təşkilatların iştirakı ilə beynəlxalq konfransın , narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019-2024-cü illər üçün Dövlət Proqramının 2023-cü ildə öhdəlikdə olan tədbirlərin və korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planının 2023-cü ildə öhdəlikdə olan tədbirlərin təşkilinin satın alınması nəzərdə tutulur.
Aydın olur ki, Komitə məişət zorakılığı ilə yanaşı narkomaniya və korrupsiyaya qarşı da mübarizə aparır. Bəs bu mübarizə nə dərəcədə effektivdir?
Reallıq göstərir ki, istər məişət zorakılığı, istər narkomaniya, istərsə də korrupsiya ilə bağlı vəziyyət heç də ürəkaçan səviyyədə deyil.
Təkcə məişət zorakılığı ilə bağlı mediada yayımalnan faktlar kifayət edir ki, bu sahədə vəziyyətin acınacaqlı olması barədə aydın təsəvvür yaransın.
Məsələnin maraqlı tərəfi budur ki, 2020-ci ildə məişət zorakılığını qurbanı olmuş qadınların sayı 41 nəfər olub. Onlar yaxınları tərəfindən qətlə yetirlib. 2021-ci ildə, yəni, Bahar Muradovanın 1 illik fəaliyyəti dövründə isə 70-dən artıq qadın məişət zorakılığının qurbanı olub. Bu barədə Mehriban Zeynalova mediaya açıqlamasında bildirib.
Təkcə 2023-cü ilin iyul ayında məişət zorakılığı ilə bağlı mediada yer alan materiallara diqqət etdikdə məlum olur ki, zərərçəkənlərin sayı 30-dan artıqdır.
Narkomaniya ilə bağlı da oxşar vəziyyətdir. Hər gün hüquq-mühafizə orqanları onlarla narkotik aludəçisi, eyni zamanda onun satışı ilə məşğul olanları həbs edir.
Ötən il ərzində narkotiklərlə əlaqəli 10493 fakt qeydə alınıb. 8 535 nəfər isə məsuliyyətə cəlb olunub. Bunlardan 228 nəfəri qadındır.
2023-cü ilin ilk 5 ayı ərzində isə narkotiklərlə əlaqəli 4 932 fakt qeydə alınıb.
Korrupsiya barədə isə danışmağa belə dəyməz. Demək olar ki, hər gün mediada korrupsiya faktları ilə bağlı məlumatlar dərc edilir.
O zaman sual olunur: Komitənin keçirdiyi tədbirlər niyə effektiv deyil?
Əlbəttə biz narkomaniya və korrupsiyaya qarşı məhz Komitənin mübarizə aparmalı olduğunu demirik. Hər iki sahədə vəziyyətin acınacaqlı olmasına görə də məsuliyyəti yalnız Komitənin üzərinə qoymaq niyyətindən uzağıq. Amma hər halda qurumun keçirdiyi tədbirlərin effekt vermədiyini söyləmək mümkündür.

Komitənin tenderlərində aktiv iştirak və adətən qalib seçilən “Bright Solutions” MMC ilə bağlanan satınalma müqavilələri də məişət zorakılığı və insan alverinə qarşı mübarizə tədbirləri ilə əlaqədardır.

“Bright Soıutions” MMC 25 yanvar 2022-ci ildə qeydiyyata alınıb. Nizamnamə kapitalı 10 AZN olan şirkətin hüquqi ünvanı Bakı şəhəri Binəqədi rayonu, Binəqədi qəsəbəsi, Mir Cəlal küçəsi, ev 123, mənzil 10-da yerləşir. MMC-nin qanuni təmsilçisi Nurməmmədov Zaur İnqilab oğludur.

Şirkət və qanuni təmsilçisi barəsində açıq mənbələrdə heç bir məlumata rast gəlinmir. Bu “Bright Solutions” MMC-nin yeni yaranması ilə bağlı ola bilər. Amma bu şirkət dövlət sifarişlərini icra etdiyi üçün şəffaf fəaliyyət göstərməlidir.

Yeri gəlmişkən, “Dövlət satınalmaları haqqında” Qanunun 6.2.1-ci maddəsinə görə satınalma müqaviləsinin icrasını təmin etmək üçün müvafiq sahədə peşəkarlığın, təcrübənin, texniki və maliyyə imkanlarının, işçi qüvvəsinin, idarəetmə səriştəsinin, etibarlığın olması vacibdir.

Bir ilin şirkətinin bu kriteriyaralara cavab verdiyi inandırıcı görünmür. Hər halda güclü maddi-texniki bazaya malik şirkətin ən azı internet səhifəsi olmalı idi.

Komitənin tenderlərində diqqətçəkən məqamlardan biri də “Şahdağ Mehmanxana” MMC və “A ənd J Liftinq” MMC-nin vaxtaşırı qalib elan edilməsidir.

“Sahdağ Mehmanxana” 6 may 1989-cu ildən fəaliyyət göstərir. Nizamnamə kapitalı 91 166 AZN, qanuni təmsilçisi isə Rəhmanlı Qəmbər Aydın oğludur.

Komitə ilə “Şahdağ Mehmanxana” MMC arasında bağlanan satınalma müqavilələri əsasən tədbirlərin təşkili ilə bağlıdır. Təkcə 2023-cü ildə tərəflər arasında bağlanmış müqavilələrin ümumi maliyyə dəyəri 1 289 976 AZN təşkil edir. Yəni, Komitə 2023-cü ildə “Şahdağ Mehmanxana” MMC vasitəsi ilə keçirdiyi tədbirlərə milyon yarım vəsait xərcləyib.

Bu tədbirlər haqqında mediada hər hansı məlumata rast gəlinmir.

“A ənd J Holding” MMC-yə gəlincə, şirkət 16 noyabr 2005-ci ildə qeydiyyata alınıb. Nizamnamə kapitalı 20 510 540 AZN-dir. Hüquqi ünvanı Bakı şəhəri Səbail rayonu, Murtuza Muxtarov küçəsi, ev 9, mənzil 30-da yerləşir. Şirkətin qanuni təmsilçisi Məhərrəmzadə Əlibala Səttar oğludur.

Araşdırmalarımız zamanı məlum olub ki, “A ənd J Holding” MMC təsadüfi şirkət deyil. Daha doğrusu, onun Komitənin tenderlərində qalib seçilməsi təsadüfi deyil.
Bu şirkətlə “Şahdağ Mehmanxana” MMC arasında bağlılıq var.

Məsələ burasındadır ki, “Şahdağ Mehmanxana” MMC 2015-ci ilə qədər ASC kimi fəaliyyət göstərib. 2015-ci ildə ASC-nin səhmləri satışa çıxarılıb. Səhmlərin satışı üzrə investisiya müsabiqəsində “A and J Liftinq” MMC qalib seçilib.

Aydın olur ki, “Şahdağ Mehmanxana” və “A ənd J Holding” əslində elə eyni şirkətdir. Bu arada qeyd edək ki, Komitə ilə “A ənd J Holding” arasında bağlanan satınalma müqavilələri də tədbirlərin təşkili ilə əlaqədardır. Yəni, “A ənd J Holding” “Şahdağ Mehmanxana” MMC-nin funksiyasını yerinə yetirir.
Görünür, “Şahdağ Mehmanxana” MMC-nin adı çox hallandığına, növbəti tenderlər “A ənd J Holding” MMC-yə verilib.
Komitənin tenderlərində vaxtaşırı qalib seçilən şirkətlər arasında “Aqrolayn Qrup” MMC-nin də adını çəkmək olar.
“Aqrolayn Qrup” MMC 13 iyun 2011-ci ildə qeydiyyata alınıb. Nizamnamə kapitalı 100 AZN olan şirkətin hüquqi ünvanı Bakı şəhəri, Xətai rayonu, N. Rəfiyev küçəsi, ev 11, mənzil 10-da yerəşir. MMC-nin qanuni təmsilçisi Əliyev Kənan Maarif oğludur.
Ondan əvvəl isə qanuni təmsilçisi Məmmədov Şəmsun Bəhrəm oğlu olub. Şirkətin yaradıldığı ildə təsisçilərinin Hacıyev Eldar Üzeyir oğlu və Mirzəyev Cəmil Yusif oğlu olduğu göstərilir.
Açıq mənbələrdə şirkət və qanuni təmsilçisi barədə heç bir məlumata rast gəlinmir. Bu isə şirkətin ciddi maddi-texniki bazaya malik olduğuna şübhə yaradır.
Digər tərəfdən, “Aqrolayn Qrup” MMC-nin adına 2020-ci ildə Dövlət Vergi Xidmətinin saytında işçilərinin əməkhaqqını ödəmək üçün dövlətdən kömək alanların siyahısında rast gəlinir.
Belə bir şirkətin tenderlərdə qalib seçilməsi maraqlıdır.
Adındakı “aqro” ifadəsinə görə bu şirkət məntiqlə kənd təsərrüfati sahəsində fəaliyyət göstərməlidir. Amma Komitənin məişət zorakılığı ilə bağlı tenderlərinin qalibi olur.
Fikrimizcə, Komitənin keçirdiyi tədbirlərin effektiv olmamasının səbəbi aydındır.
Kənd təsərrüfatı sahəsinə aid, tender əməliyyatlarında iştirak üçün yaradılan, qaranlıq məqsədlərə xidmət edən şirkətlərlə görülən işlər necə effektiv ola bilər ki?

Ədalət(siz) Muradov universitetə gəlməyən Qubad İbadoğlunu, sabiq nazir Əvəz Ələkbərovu necə baş müəllim təyin edib..? Ədalət Muradovun tərcümeyi-halında belə bir cümlə var: Azərbaycan Respublikası Prezidentinin 5 mart 2014-cü il tarixli Sərəncamı ilə Ədalət Cəlal oğlu Muradov Azərbaycan Dövlət İqtisad Universitetinin rektoru təyin edilib. Yəni 10 ilə yaxındır ki, ADİU-nun rektorudur.
Əlbəttə, Prezidentin sərəncamı müzakirə olunmur. Amma yeri gələndə Prezident özü də təyin etdiyi kadrlara iradlarını bildirir, hətta o kadrlar içərisində icra başçıları, nazirlər var ki, hazırda həbsxana həyatı yaşayır. Və Ədalət Muradov da istisna deyil.
10 ildir rektor olan Ədalət Muradov ADİU-nun ancaq adını dəyişib, UNEC qoya bilib, qalan sahələrdə böhran dərinləşməkdə davam edir. Ədalət Muradov, guya, islahatçı adı altında 10 ildə universitetdə ancaq yarıtmaz idarəçi kimi ad çıxara bildi. Yarıtmaz idarəçilik isə istər-istəməz o boyda universitet kollektivi arasında gərginlik yaradır.
Tanınmış iqtisadçı alim, sabiq millət vəkili Əli Əlirzayev haqlı olaraq Ədalət Muradova qarşı AĞIR İTTİHAMLAR səsləndirir: “1987-ci ildən Heydər Əliyevin yolundayam, addım-addım onun arxası ilə gedib yanında olmuşam, 20 il YAP-ın Siyasi Şurasının üzvü olmuşam, Milli Məclisin deputatı seçilmişəm, Əməkdar elm xadimi adını mənə Heydər Əliyev verib.
Cənab Prezident İlham Əliyev Türkiyədən Naxçıvana gələndə Heydər Əliyevin yanında onunla görüşmüşəm, indi də onun siyasətini dəstəkləyirəm. Yaxşı, bəs indiki bu Ədalət kimi “qəhrəmanlar” o vaxt harada idilər?”
Tanınmış alim Ədalət Muradovun təcrübəli alimləri uzaqlaşdırıb dost-tanışını vəzifələrə doldurmasına kəskin etiraz edir: “Təcrübəli kafedra müdirlərinin yerinə ciddi elmi tədqiqat aparmayan, özlərini hələ doğrultmayan, təsdiq etməyən elmlər namizədləri təyin edilir”. Ədalət Muradov rektor təyin olunandan sonra imtahanların qiymətinin dəfələrlə bahalaşması haqqında az qala bütün ölkə mətbuatı danışır, tələbələr açıq şəkildə deyirlər.
Məlumdur ki, Ədalət Muradov yüksək çinli məmurları universitetdə baş müəllim kimi işə qəbul edib, həmin şəxslər həm universitetdən, həm də məmur kimi dövlətdən maaş alıblar. Bu ciddi korrupsiya əməlidir. Və Ədalət Muradov bunu istintaqdan gizlədib. Bu hələ harasıdır..?
Rektor Ədalət Muradov partiya sədri, ölkəmizin əleyhinə xarici ölkələrdə əks təbliğat aparan, müxalifətçi Qubad İbadoğlunu universitetə neçə ildir ki, baş müəllim təyin edib. Hansı ki, Qubad İbadoğlu aylarla, illərlə ölkədən kənarda olur. Və bu yaxınlarda Qubad İbadoğlu türk düşməni Fətullah Gülənin tərəfdarı kimi ( saxta pul kəsmək ) ittihamı ilə həbs olundu. İndi istintaq niyə Ədalət Muradovu çağırıb soruşmur ki, ay Ədalət(siz), sən dövlətin pullarını niyə boş yerə xərcləyirdin...
Tam əminliklə demək olar ki, Ədalət Muradov özü də FETÖ haqqında düşünüb. Hələ bu harasıdır..? Universitetin 30-40 il iş təcrübəsi olan müəllimləri Prezidentə yazır: “Cənab Prezident! Siz həmişə haqqın və ədalətin yanında olmusunuz. Amma Azərbaycan Dövlət İqtisad Universitetinin rektoru Ədalət Muradovun adı ilə əməli uyğun gəlmir. Belə ki, onun Təhsil Nazirliyinə göndərdiyi təqdimat əsasında ötən il tələm-tələsik kafedra müdiri təyin edilmiş sabiq maliyyə naziri Əvəz Ələkbərova «Əməkdar müəllim» Fəxri adı verildi.
Təsəvvür edin ki, ADİU-da 1600-dən çox müəllim çalışır, onların böyük əksəriyyətinin 30, 40, hətta 50 il peşəkar müəllimlik stajı var. Amma onlar dura-dura universitetdə BİRCƏ SAAT DƏRS DEMƏMİŞ Əvəz Ələkbərov birdən-birə “Azərbaycanın Əməkdar müəllimi» Fəxri adına layiq görülür. Biz Sizə Əvəz Ələkbərovun tərcümeyi-halını göndəririk. Orada onun bircə saat belə bu universitetdə dərs dediyi yazılmayıb. Bəs necə olur ki, o, rektor Ədalət Muradovun təqdimatı əsasında bu fəxri adı alır?” Burası sözün bitdiyi yer…
Gündəlik Bakı

“Azərbaycan Coca‑Cola bottlers LTD” MMC tərəfindən 01 iyun 2023 - 24 avqust 2023-cü il tarixləri arasında təşkil etdiyi lotereya oyunun 10-cu turu keçirilib. Avqustın 10-da baş tutan lotereyada 600-dən çox uduş olub.

Lakin, bu dəfəki oyunun nəticələri sosial şəbəkələrdə ciddi müzakirələrə yol açıb. Beləki, sonu 953-lə bitən telefon sahibi 50-dən artıq uduşa sahib çıxıb.

Və təbii ki, ən qiymətli hədiyyələri qazananlar arasında bu nömrəyə dəfələrlə rast gəlinir. Təsadüfi deyil ki, məhz bu məqama görə sosial şəbəkə istifadəçiləri “Azərbaycan Coca‑Cola bottlers LTD”-ni karusel çevirməkdə günahlandırıblar.

Məsələ ilə bağlı ilkin olaraq Azad İstehlakçılar İctimai Birliyinin sədri Eyyub Hüseynovun fikirlərini öyrəndik. Teref.az yazır ki, Bizim.Media-ya açıqlamasında o bildirdi ki, satışı stimullaşdıran lotereya oyunlarında hər zaman ciddi pozuntular olur:

“Bir zamanlar məni də belə lotereya oyunlarına sədr kimi dəvət ediblər. Mən biləndə ki, bu lotereyalar qeyri-şəfvaf keçirilir, o komissiyalarda iştirakdan imtina etdim. Çünki, komissiya üzvlərinin heç bir səlahiyyəti, nəyəsə müdaxilə etmək hüququ yoxdur. Ümumiyyətlə, satışı stimullaşdıran lotereya oyunlarına ictimai nəzarəti həyata keçirən komissiyanın fəaliyyətini tənzimləyən heç bir hüquqi baza yoxdur”.

Eyyub Hüseynov konkret fakta da münasibət bildirib:

“Coco-cola” şirkətinin keçirdiyi lotereya barədə heç bir məlumatım yoxdur. Orda uduşa necə nəzarət edildiyi barədə nəsə deməyə çətinlik çəkirəm. Lakin, uduşların təxminən 1/10-nin eyni şəxsin qazanması təbii ki, ciddi şübhələr doğurur. Bu bütün hallarda loterayanın qeyri-şəfvaf keçirilməsinin sübutudur”.

Məsələ ilə bağlı “Azərbaycan Coca‑Cola bottlers LTD” MMC-nin möqeyini öyrənmək istədik. Lakin, şirkətin mətbuat katibi telefonlarımıza və sorğumuza cavab vermədi. Bununla belə şirkətin mövqeyini dərc etməyə hazırıq.

Ona görə də mövzunu diqqətdə saxlayacağıq.

Bakının Nizami rayonu, NZS qəsəbəsi, Oktay Vəliyev küçəsi, 2360 saylı məhəllədə Rzayev Elçin Həsənbala adlı bir qoçu peyda olub. Sakinlərin məlumatı əsasında öyrəndik ki, bu qoçu NZS ərazisində harda yaxşı bir boş yer gördüsə nəyin bahasına olur olsun mənimsəməyə çalışır və son nəticədə məqsədinə nail olur. Belə ki, bu adam əvvəlcə qürrələnir ki, mənim 0.5 milyon manat dəyəri olan "Galik"im var və Ekologiya Nazirliyi işçiləri məni görəndə baş əyirlər və salamlaşırlar. Ona görə də kimsə mənə irad tuta bilməz ki, sən niyə bu ağacları kəsirsən. Yaxşı edirəm. Ekologiya ilə danışmışam və işimi görürəm. Sizə nə." Bəli, qoçu E.Rzayev bir tərəfdən düz deyir. Əgər dediyi kimi ETSN rəhbərliyilə danışıbsa deməli, şəhərin ortasındakı ağacları kəsib yerinə bir neçə mişar daşı qoymaqla işini bitmiş hesab edə bilər. Hadisə yerindən çəkdiyimiz fotolar bunu bir daha sübut etdi. Qaldı cənab nazir Muxtar Babayevin bu məsləyə necə aydınlıq gətirməsinə, bizcə buna ehtiyac belə yoxdur. Çünki, Ulu öndərin portretləri önündə xüsusi poz vrib şəkil çəkdirməklə nazir vəzifəsini sözdə yerinə yetirmək olmaz! Gərək Ulu öndərin ağaclarımıza divan tulması ilə bağlı dediyinə də sözdə əməl edəsən. Bu da M. Babayevlik deyil. Yəni, cənab nazir sadəcə sözdə Ulu öndərin sadiq adamı kimi təqdim edir, əməldə isə Elçin kimi qoçulara icazə verir ki, get NZS qəsəbəsindəki ağacları kəs, obyektini tik. Təki hər iki tərəfin maraqlarına uyğun olsun.
Bir sözlə, gördüklərimizdən və aldığımız məlumatlardan belə nəticəyə gəlirik ki, ETSN rəhbəri sözdə və əməldə fərqli düşüncənin sahibidir. Sonda əziyyət çəkənlər isə cəmiyyətimiz və paytaxtımıza nəfəs verən ağaclarımız olur.

İFADETV.COM-un Araşdırma Qrupu

“Masallıda dövlət meşə fondu torpaqları qazılıb daşınır. Yerli ekologiya işçiləri isə buna göz yumur. Deyillər ki, guya onun 2025-ci ilə kimi Xammal Ehtiyyatları Agentliyindən icazəsi olduğu üçün bunu edə bilər. Halbuki, qazılan yerlərin əksəriyyəti dövlət meşə fondu torpağıdır və buna görə orada heç bir halda qazıntı aparıla bilməz”.

Aztoday.az xəbər verir ki, bu barədə “Ecofront” məlumat yayıb.

Məlumatda bildirilir ki, qazıntı işləri aparılan yerlər Masallıda “İsti Su” adlanan ərazidə olan Viləş çay yatağı ilə həmsərhəd olan meşə torpaqlarıdır. Qazıntı zamanı ərazidə mövcud olan təbii bərpa belə buldozerin bıçağının ağzına verilərək məhv edilib.

Qeyd edək ki, 11 saylı Regional Meşə Təsərrüfatı Mərkəzinin xidməti ərazisində tez-tez bu cür hallar yaşanır. Meşə ərazilərinin fərdi ev və obyekt tikmək üçün satılması ilə bağlı kifayət qədər faktlar var…

Qazıntı işlərinin görüntülərini təqdim edirik:

Bərdə rayon Qaradağlı kəndində məskunlaşmış Əlzamin Mamedov bildirir ki, onun bacısı oğlunun ayağı sınıb və o Bərdə rayon mərkəzi xəstəxanasına gətirilib. Onun sözlərinə görə həkim bacısı oğlunun ayağına dəmir mil qoymaq üçün onlardan 1100 manat pul istəyib. O bununla bağlı TƏBİB-ə müraciət etdikdən sonra lazımi avadanlıqlar qismən tapılıb.

Şikayətçi kanalımız vasitəsilə ölkə başçısı İlham Əliyevə müraciət edərək Bərdə rayon mərkəzi xəstəxanası haqqında bir tədbirlər görülməsini xahiş edir.

ZİRVƏ hazırlıq kursları barədə qurumun www.zirve.edu.az saytına daxil olaraq bəzi məlumatlara nəzər salırıq.
Çoxları elə bilir ki, Zirvə hazırlıq kursu ancaq şagirdləri ali məktəblərə hazırlayır. Amma qurumun saytında qeyd olunur ki, burada Abituriyent hazırlığı, Məktəbəqədər hazırlıq, Təkmilləşdirmə, MİQ hazırlığı, Magistr hazırlığı, Xarici dil hazırlığı, YÖS hazırlığı, Liseylərə hazırlıq, Kompüter hazırığı kursları fəaliyyət göstərir. Yəni söhbət adi bir hazırlıq kurslarından getmir. Üstəlik Zirvə kursunun az qala hər qəsəbədə, Bakıda, Sumqayıtda, Tovuzda və başqa bölgələrdə filialları fəaliyyət göstərir.
Yəqin oxucuda aydın təsəvvür yarandı ki, ZİRVƏ kursu dövlətimizin bütün ərazisində öz təhsil şəbəkəsini qurub. Zirvə Kurslarının Təsisçisi- Direktoru isə Rahib İmrahimovdur. Biz heç kimin fəaliyyətinə kölgə salmaq fikrində deyilik. Amma qardaş Türkiyədə baş verənlər bizi gənc dövlət olaraq həmişə düşündürməlidir. Amerikada oturub böyük bir casus şəbəkəsi quran Fətullah Gülən də ilk işlərini təhsil sahəsindən başlamışdır. Və Fətullah Gülən deyirdi ki, mən Türkiyədə kasıb balalarına sahib çıxacam, onların yüksək təhsil almasına dəstək olacam. Bizi qınamayın, eyni fikirlərə ZİRVƏ kurslarının saytında da rast gəlirik. “Zirvə Kursları "Ürəklər gülsün" layihəsinə qoşulub, aztəminatlı ailələrin övladlarına təmənnasız dərs keçir və s... İstər-istəməz eyni dəst-xətt yada düşür... Bir daha təkrar edirik ki, bizim kiminsə fəaliyyətinə kölgə salmaq fikirimiz yoxdur, bizi bu məsələdə dövlətimizin gələcəyi düşündürür... Və heç kimə sirr deyil ki, FETÖ layihəsi Azərbaycanda az qala təhsil sahəsinin bütün orqanlarına yerimişdi... neçə-neçə ali məktəbdə FETÖ-nün nümayəndələri fəaliyyət göstərir.
Biz əsas mövzudan kənara çıxmaq istəmirik, amma yazmağa məcburuq ki, FETÖ-nün nümayəndələri təkcə təhsil müəssisələrində deyil, nazirliklərdə, komitələrdə mövcuddur. Bir zamanlar, Kənd Təsərrüfatı Nazirliyində kimlərin FETÖ-yə qulluq etməsindən də danışılırdı. Yəni ZİRVƏ kurslarının nümayəndələri elə bilməsin ki, məqsədimiz ZİRVƏ ilə bağlıdır. Bu çox geniş mövzudur. Və bu məsələdə çox ayıq-sayıq olmalıyıq.
Unutmayaq ki, Səmərqənddə Türk dövlətlərinin keçirilən Zirvə Görüşündə Türkiyənin Prezidenti Rəcəb Tayyib Ərdoğan qardaş ölkəyə açıq təhdid hesab olunan FETÖ terror təşkilatı ilə mübarizədə digər türk dövlətlərinin də dəstəyinə ümid etdiyini bildirib. Və biz də bir Azərbaycan dövləti olaraq Türkiyəyə VƏFA BORCUMUZU verməliyik.
Bəli, redaksiyamıza daxil olan məlumata görə, ZİRVƏ kurslarının təsisçisi və direktoru Rahib İmrahimov baldızı Rita xanımı və digər yaxın qohumlarını, dostlarını quruma işə qəbul edərək, sanki ailə şirkəti, ailə məktəbi yaradıblar.
Yuxarıda qeyd etdiyimiz kimi bu “AİLƏ MƏKTƏBİ”nin nümayəndələri yaşadıqları ərazidə yeniyetmələri, gəncləri başlarına yığıb dini mövzularda təlimlər keçirlər, kimlərisə təbliğ edirlər, onları məktəblərə pulsuz hazırlaşdırırlar...
Bir sözlə, əsl FETÖ metodları... Biz ZİRVƏ rəhbərliyinin özəl həyatına qarışmırıq, Kürdəmir yolunda həyat yoldaşı Humay xanımla avtoqəza keçirib salamat qalmalarından və s bəhs etmirik. Bizi ancaq dövlətimizin gələcəyi maraqlandırır. Məlumdur ki, son vaxtıar hüquq-mühafizə orqanlarımız ölkəmizdəki FETÖ-çulara qarşı ciddi əməliyyatlar keçirib. Biz demirik ki, ZİRVƏ kurslarının rəhbərli Rahib İmrahimov FETÖ-çudur, amma bizə elə gəlir ki, ZİRVƏ kursları da ciddi nəzarətə götürülməli və orada yoxlamalar aparılmalıdır.

gundelik baki.com