Məlumdur ki, 70 illik sovet dönəmində özəl mülkiyyət, nəinki şəxsi zavod, fabrik, heç xırda bir sex də ola bilməzdi. Yəni dövlətin ərazisində nə vardısa hamısı dövlətə məxsus idi. 1991-ci ildə SSRİ-nin dağılması və müstəqil dövlətlərin elan olunması ilə LİBERAL-BAZAR İQTİSADİYYATINA keçid başladı. Yəni dövlətə məxsus olan zavodlar, fabriklər, xəstəxanalar, mağazalar özəlləşdirilməyə çıxarıldı.
Daha dəqiq desək, özəlləşdirmə adı altında dövlətə və xalqa məxsus olan əmlak kimlər tərəfindənsə özününküləşdirildi. Əlbəttə, biz bir media orqanı olaraq bazar-liberal iqtisadiyyatın əleyhinə deyilik, amma yüz illərlə yığılmış əmlakın təsadüfi adamlar tərəfindən ələ keçirilməsinin adı TALANÇILIQ idi. Ən dəhşətlisi isə çörək zavodlarının, ictimai nəqliyyatın və digər strateji sahələrin kimlərinsə əlinə keçməsi idi. Bu gün paytaxt Bakıda ictimai nəqliyyatın necə dözülməz halda olduğunu hamı gözəl bilir. Bu sahəni tez bir vaxtda özəlləşdirmək, paytaxt nəqliyyatını hansısa dələduzlara vermək olmazdı. Ən dəhşətlisi isə qida, ərzaq və çörək istehsalı ilə bağlı idi. Qısa bir vaxtda Bakıdakı çörək zavodları özəlləşdirildi və yerində kustar çörək sexləri yarandı. Və ona görə də, Bakıda və regionda fəaliyyət göstərən çörək zavodları ilə bağlı gündə nələr oxumuruq...
Çörəyin içindən mıx çıxdı...çörək kiflənib...çörək tavalarının dibinə maşın yağı sürtülür...və s... Belə çörək zavodlarından biri də “BİNƏ” çörək zavodudur. Bu gün BİNƏ çörək zavodunun Suraxanıda, Xəzər rayonunda, hətta uzaq İmişli rayonunda filialları fəaliyyət göstərir. “Binə” çörək zavodu haqqında mediada oxuyuruq. “Binə" çörək zavodundan ŞOK FAKTLAR “Bazarstore” marketlər şəbəkəsində satılan “Binə” çörək zavodunun məhsulları keyfiyyətsiz və zərərlidir... “Binə” çörək zavodu dövlətə və prezidentə qarşı iqtisadi sabotajla məşğuldur....çörəyin çəkisini azaldır...qiyməti qaldırır...
Əhalinin sosial vəziyyətini nəzərə almadan, Tarif Şurasının qərarı olmadan, qanunsuz şəkildə çörəyin qiymətini qaldıran “Binə” çörək zavodu nə dövlət orqanlarını sayıb, nə də dövlətin iqtisadi siyasətinə uyğun kurs götürüb. Hökumət ölkədə infilyasiyanın qarşısını almaq, əhalinin narazılığının böyüməməsi üçün layihələr həyata keçirmək istiqamətində addımlar atır. Amma bu cür müəssisələr şəxsi mənfəətini xalqın istəklərindən üstün tutaraq çörəyin qiymətini bahalaşdırır, çəkisini azaldır. Xəzər rayon sakini yazır ki, marketdən çörək alıb. Evdə çörək doğrandığı vaxt içindən təsbit edə bilmədiyi əşya çıxıb.
Başqa bir sakin yazır ki, "BİNƏ" zavodunun çörəyini aldım içindən qurd və ...uzun iplər çıxdı.... Bir başqası yazır ki, "BİNƏ" çörəyini aldım, içindən siçan nəcisi çıxdı... Görəsən o boyda AQTA-nın sədri Qoşqar Təhməzli hara baxır..? Bütün bunları bir kənara qoyaq.... "BİNƏ" çörək zavodunun məhsullarını satış məntəqələrinə daşıyan sürücülər var...
Mediada yayılan məlumatdan bəlli olur ki, onların çoxunun sürücülük vəsiqəsi yoxdur... Yəni çörək zavodunun rəhbərliyi bilərəkdən bu şəxslərə maşın etibar edib və nəticədə... "BİNƏ" çörək zavoduna məxsus avtomobilin sürücüsü ölümlə nəticələnən qəza törədib. Belə ki, məlumata görə, sürücülük vəsiqəsi olmayan adam zavodun məhsullarını daşıdığı zaman qəzaya səbəb olub.... Nəticədə 2 nəfər hadisə yerində ölüb, 4 nəfər müxtəlif bədən xəsarətləri alıb. Amma maraqlıdır ki, zavod rəhbərliyi hər hansı məsuliyyətə cəlb olunmayıb.... Vətəndaşlar haqlı olaraq soruşurlar ki, "BİNƏ" çörək zavodunun arxasında kim dayanır ki....bu qədər toxunulmazdır... //gundelik-baku.com//

Hurriyyet.az xəbər verir ki, “SHAURMA №1”-nın tanınmış şəbəkəsinin keçmiş direktoru Ceyhun Məhərrəmov bildirib ki, ona Standartlaşdırma, Metrologiya və Patent üzrə Dövlət Komitəsi tərəfindən 4 mart 2010-cu il tarixli (reyestr nömrəsi 2010 0274) “SHAURMA №1” nömrəli əmtəə nişanına hüququnun təsbit edilməsi həmin sertifikat ilə verilmişdir. Lakin vəkilinin araşdırması zamanı məlum olub ki, eyni zamanda, həm buraxılış tarixi, həm də reyestr nömrəsi ilə eyni olan sənəd Teymur İmamverdiyevə də verilib.

Deməli, ilkin olaraq, Ceyhun Məhərrəmovun Teymur İmamverdiyevə hüquqlarının könüllü keçməsi haqqında imza saxtalaşdırıb. Bundan sonra Teymur İmamverdiyev, Standartlaşdırma üzrə Dövlət Komitəsinin məsul şəxslərinin “köməyi ilə” əqli mülkiyyətə sahibliyi barədə saxta sənəd alaraq 3-cü şəxslər vasitəsilə onu öz adına keçirə bilib.

Buna görə, Ceyhun Məhərrəmovun yerinə çəkilən imza, ilkin olaraq ekspertizaya göndərilib, və əlyazma üzrə ekspert Şükür Hüseynovun rəyinə əsasən bilinib ki, “imza kobud şəkildə saxtalaşdırılıb”.

Bundan əlavə, Ümumdünya Əqli Mülkiyyət Təşkilatının Madriddə (İspaniya) yerləşən mənzil-qərargahı 3 mart 2010-cu il tarixli 2010 0274 reyestr nömrəli “SHAURMA №1”nömrəli əmtəə nişanı hüququn Ceyhun Məhərrəmova aid olduğunu təsdiq edən cavabı elektron məktub ilə göndərib. Həmçinin bu hüququn 2023-cü ilin oktyabr ayının sonuna qədər Belarus, Çin, İran, Qazaxıstan, Ukrayna və Rusiya ərazisində də tanındığı təsdiqlənib.

Nəzərinizə çatdıraq ki, əqli mülkiyyət hüququn “Əmtəə nişanları və coğrafi göstəricilər” üzrə “Sənaye Mülkiyyəti” bülletenində tanınması barədə sənədli sübutlar da vəkili tərəfindən əldə olunub.

Əqli Mülkiyyət Agentlik Ceyhun Məhərrəmovun sözlərini, yəni “SHAURMA №1”-nın şəriklərindən birinin qohumu Teymur İmaməliyevin adına “SHAURMA №1” əmtəə nişanının “yenidən rəsmiləşdirilməsinin” QANUNSUZ olduğunu təsdiqləyib.

Bundan əlavə, Ceyhun Məhərrəmov bildirib ki, “SHAURMA №1” əmtəə nişanının qanunsuz onun əlindən alınması və saxtalaşdırılması xəbəri məlum olduqdan sonra, o, ailəsinin və qonşularının gözü önündə vəhşicəsinə döyülüb. Məhkəmə-tibbi ekspertizası C.Məhərrəmovun sağlamlığına xəsarət yetirdiyini müəyyən etdikdən sonra Xətai prokurorluğunda xuliqanlıq maddəsi ilə cinayət işi açılsa da, bundan sonra isə bu iş ətrafında tamamilə anlaşılmaz manipulyasiyalar başlayıb: iş 36-cı bölmədən Xətai rayon polis bölməsinə, sonra camaatın indi də “qorotdel” adlandırdığı Bakı şəhər Baş Polis İdarəsinə, sonra prokurorluğa, sonra isə yenidən “qorotdel”ə qayıda-qayıda CM-nin 221.3-cü maddədən düşür sanksiyası ağır olmayan maddəyə. Nəticədə hakim Fuad Axundov işi 128-ci maddəyə tövsif edib və döyülmənin bütün iştirakçılarının 9 ay müddətinə şərti cəzası ilə cinayətkarların ürəklərini açıb. Eyni zamanda, Ceyhun Məhərrəmovu isə eyni maddə ilə cəzalandırmağı unudaraq onu köhnə maddə ilə (CM 221) bir il sınaq müddəti cəzalandırırlar. Bundan əlavə, bütün subutların olmasına baxmayaraq prokuror belə həmin qanunsuz tövsif ilə bağlı protest belə vermir. Hazırda isə Ceyhun Məhərrəmov hökmdən şikayət etdiyindən onun işi Ali Məhkəmədə baxılır.

Bunu da qeyd etmək yetər ki, C.Məhərromovu döyən məhkumlar elektron qolbaqlar olmadan ölkədə sərbəst dolaşaraq hər kəsi inandırır ki, onlar hər şeyə qadirdirlər, təkcə hakim və müstəntiqlər deyil, bütövlükdə qanunlar da onlara tabedir.

Aydın məsələdir ki, bütün bunlar saxtakarlıqla əmtəə nişanını sahibinin əlindən alan və özünü də döymələrinə rəğmən faktiki olaraq cəzalanmayan qanun pozanların gücünə yox, qanunun təntənəliliyinə inanmaq istəyənCeyhun Məhərrəmovu narahat etməyə bilməz.

Neçə illərdir bir media olaraq yazırıq ki, cənab Prezidentimizin dediyi kimi, Azərbaycanda neft-qaz sənayesinə alternativ olan, qeyri-neft sektoru, o cümlədən, aqrar sahə inkişaf etdirilməlidir. Ancaq və ancaq bu yolla Azərbaycanın gələcək iqtisadi inkişafını təmin etmək olar. Yoxsa neft-qaz tükənəndə ölkə dəhşətli duruma düşə bilər...
Onu da nəzərə almalıyıq ki, Azərbaycan tarixən aqrar ölkə olub, burada taxıl, pambıq, üzüm, çəltik, tütün, çay və digər aqrar sahələr inkişaf edib. Xoşbəxtlikdən müstəqillik dönəmində dövlətimiz də AQRAR sahəyə ciddi fikir verməklə yanaşı, dövlət tərəfindən bu sahəyə ciddi maliyyə dəstəyi verildi. Bu istiqamətdə yaranan şirkətlərdən biri də "AQRO-VEST" MMC-dir. “Aqro-Vest” MMC 2000-ci illərdən başlayaraq ölkədə fəaliyyətdədir. “Aqro-Vest” MMC fındıq və fındıq məhsulları (qovrulmuş və doğranmış fındıq, fındıq pastası, ağardılmış fındıq ləpəsi) ixrac edir. Bu şirkətin əsasında 2014-cü ildə yaradılmış "AQRO-VEST DC" MMC isə dünyanın bir çox ölkələrindən idxal etdiyi, eləcə də daxili istehsala aid olan gündəlik tələbat məhsullarının daşınmasını həyata keçirir. Bir sözlə, bu şirkət həm ölkəmizə qida məhsulları idxal edir, həm də ölkəmizin aqrar məhsullarını xarici ölkələrə ixrac edir.
Şirkətin saytında, həm də fb səhifəsində (https://www.facebook.com/AgroWestDc) insan haqqlarından, demokratiyadan, işə şəffaf qəbuldan, müasir mühasibatlıqdan, ixrac və idxal etdikləri qidaların keyfiyyətindən, müasir standartlara cavab verməsindən xeyli söhbət açılır. Amma...Əmması odur ki, əlimizdə olan rəsmi xəbərə görə, Azərbaycan Qida Təhlükəsizliyi Agentliyi bu ilin mart ayında “Aqro-Vest DC” MMC-yə məxsus ümumi çəkisi 37,5 ton müxtəlif növ qida məhsullarını tullantıların zərərsizləşdirilməsi poliqonunda məhv etdi. Bu, rəsmi məlumatdır. Belə məqamda adam “Aqro-Vest”in rəhbərlərindən soruşmaq istəyir ki, saytınızda, fb səhifənizdə keyfiyyətdən, sağlam qidadan danışırsınız, amma 40 tona yaxın qida məhsulu tərəfinizdən tullantı kimi məhv edilir. Buna nə deyirsiniz, cənablar...? Bu hələ harasıdır..?
Bir müddət əvvəl "Aqro-Vest“ə gömrük qaydalarını pozduğuna görə, inzibati protokol tərtib edilib və məsələyə məhkəmədə baxılır. Bundan başqa, şirkət ölkədən mal gətirmək adı ilə valyuta çıxarsa da, əvəzində ölkəyə lazım olan məhsullar gətirilməyib, valyuta isə geri qaytarılmayıb və daha nələr...
Şirkətin rəhbərliyi öz saytlarında şəffaf mühasibatlıqdan danışır... Amma mediada yazılanlardan bəlli olur ki, Azərbaycan fındığını Hollandiya, Belçika, Lüksemburq, Rusiya və başqa ölkələrə ixrac edən, yüz hektarlarla fındıq bağı olan, 800-dən artıq işçisi olan şirkətdə qara mühasibatlıq hökm sürür. Yeri gəlmişkən, şirkətin Zaqatala rayonunda böyük strukturu fəaliyyət göstərir, tamamilə avtomatlaşdırılmış dünya səviyyəli fındıq emalı zavodu, soyuducu anbarları, laboratoriyası, qonaq evi, Qusar rayonunda da fındıq bağları, anbarları var, bir sözlə, geniş bir şəbəkə. Və yüz milyonlarla ticarət dövriyyəsindən söhbət gedir. Amma şirkət vergidən külli miqdarda yayınır. Şirkətin keçmiş əməkdaşı deyir ki, bizə kağız üzərində, yəni rəsmi olaraq 300 manat maaş verilsə də, əslində 1500 manatdan çox pul alırdım.
Deməli, şirkətin direktoru cənab Anar Şərifov hər işçinin 1200 manatını vergidən gizləyib. Görün bu adam bu illər ərzində Azərbaycanın dövlət büdcəsinə neçə milyon ziyan vurub?
Şikayətçi deyir ki, şirkətin direktoru rəsmi sənədlərdə 500 manat maaş alır, əslində isə onun maaşı 15 000 manatdır. Şikayətçi onu da xüsusi olaraq qeyd edir ki, şirkətin mal dövriyyəsi real miqdarından ən azı 20 dəfə az göstərilir.
Təsəvvür edirsiniz, 20 DƏFƏ AZ... Bunları yazaq şirkət rəhbərliyinin ayağına... Bəs görəsən bu illər ərzində ölkənin müvafiq dövlət qurumları, İqtisadiyyat və Vergilər nazirliyi hara baxıb? Bax, əsas məsələ budur... //gundelik-baku.com//

...Oğuzda nə baş verir???

...Oğuz rayonu İcra Hakimiyyətinin Başçısı Qurbanov Eyvaz Daşdəmir oğlunun, qardaşının, qohumlarının qanunsuz əməlləri ilə bağlı yazıya keçməzdən öncə cənab başçının həyat yoluna nəzər salaq.
Deməli, qısaca qeyd edək ki, Eyvaz Qurbanov 1963-cü ildə Oğuz rayonunda anadan olub, orta məktəbi bitirəndə ali məktəbə daxil ola bilməyib və bir neçə il sonra, dəqiq desək 1984–1988-ci illərdə Azərbaycan Dövlət Bədən Tərbiyəsi İnstitutunda oxuyub. 1984–1999-cu illərdə Tofiq Bəhramov adına Respublika Stadionunun direktoru vəzifəsində işləyib, 2005–2010-cu illərdə isə Oğuz-Qəbələ seçki dairəsindən Azərbaycan Respublikası Milli Məclisinin deputatı olub, sonra deputat ola bilməyib və....20 aprel 2011-ci il tarixdən bu günədək Oğuz Rayonu İcra Hakimiyyətinin başçısıdır. Fikir verdinizmi, bu adam 1984-cü ildə 1-ci kurs tələbəsi olanda ölkənin ən böyük Republika Stadionunun direktoru olub. Bu necə ola bilərdi..? Sonra bu adam 5 il Oğuzun deputatı olub və etimadı doğrultmadığı üçün 2-ci dəfə deputat olmayıb və Oğuzun icra başçısı olub. İndi keçək icra başçısının 12 illik fəaliyyətinə.
Deməli, Oğuzun təbii meşələri, səfalı iqlimi və s haqqında az qala hamı bilir. Cənab başçı bu illər ərzində Oğuzun meşələrinin hesabına milyonlar qazanıb və yaşıllıqları məhv edib. Bu hələ harasıdır..? İcra başçısının qardaşı MAHİR QURBANOV Oğuz rayonunun Daşağıl çayının hövzəsində daş, qum-çınqıl istehsal edən şirkət sahibidir. Dəfələrlə Ekologiya Nazirliyi ona xəbərdarlıq etsə də faydası olmayıb. Mahir Qurbanov da qardaşı kimi ağacları məhv edir, ekologiyaya ciddi ziyan vurur, çayın təbii yatağını məhv edir.
İndi isə keçək icra başçısının qudası Elşad Yusifovun əməllərinə. Bəli, Eyvaz Qurbanovun qudası, maliyyə idarəsinin rəisi olan Elşad Yusifov dövlət vəsaitlərini talayır, tenderləri öz yaxın qohumlarına, dostlarına verirlər. Oğuzlular deyir ki, icra başçısı ancaq öz qohum-əqrəbası üçün çalışır. Rayonda təmir-tikinti, abadlıq adı altında milyonlarla dövlət vəsaiti mənimsənilir.
Təsəvvür edirsiniz, icra başçısı Calut yolunun üstündəki 3 hektar ərazini qanunsuz olaraq satıb. İcra başçısı Oğuzun mərkəzində özü üçün ikimərtəbəli böyük ticarət mərkəzi tikdirib.
Deməli, icra başçısının bütün obyektləri yaxın qohumlarının adınadır. Oğuzda bir qarış da boş torpaq qoymayıb. Hamısını qohumlarının adına özəlləşdirib. 5 hektar torpaq sahəsinin bir sotunu 5-6 min manatdan satır. Dövlətin Oğuzdakı yola ayırdığı 4.5 milyon manat mənimsənilib.
Bu adam özü Oğuzlu olsa da sanki bu yurda qənim kəsilib. İcra başçısının adamları gün ərzində Oğuz meşələrindən ən azı 20 «Kamaz» odun daşıyırlar. Bir «Kamaz» odunun qiyməti 600 manatdır. Dövlətin yol tikintisinə ayırdığı pulların hesabına icra başçısı Oğuzun kəndlərinin birində 3 mərtəbəli villa tikdirib. Rayondakı bütün yol, tikinti, inşaat, abadlıq işləri ancaq iki şirkətə verilir: “Rövşən Oğuz Qrup” və “Uğan” MMC. Bu şirkətlər də icra başçısının özünə yaxın şəxslərə məxsusdur. Biz hələ icra başçısının müavininin otributlarımıza qarşı olan hörmətsizliyindən danışmırıq.
Sözün qısası, icra başçısı, qardaşı və qudası 11 ildən çoxdur ki, Oğuzu məhv edir.
Növbəti yazımızda Oğuzun icra başçısı Eyvaz Qurbanov nə üçün rayonda tapılmlr yazısı dərc olunacaq. Bizi izləyin...
//gundelik-baku.com//

Ədliyyə Nazirliyinin Qeydiyyat və Notariat Baş İdarəsi hara baxır..?
Bu gün çoxları deyir ki, ölkədə müstəqil-özəl ekspertiza laboratoriyaları olmalıdır. Necə ki, bir neçə il əvvəl müstəqil notariusların olmasını arzulayırdıq. Və dövlətimiz müstəqil-özəl-xüsusi notariusların olmasına qanunla icazə verdi. Amma nəticədə ortaya o qədər problemlər çıxdı ki... Belə xüsusi notariuslardan biri də 6 saylı Notariat ofisidir.
Xüsusi notarius isə İmanov Ərəstun Loğman oğludur. Telefon: (012) 490-21-61 Ünvan: Xətai rayonu, Xocalı prospekti 24/A. Bəli, Bakı şəhəri Xətai rayonu 6 saylı Notariat ofiisinin xüsusi notariusu İmanov Ərəstun Loğman oğlunun qanunsuz əməllərinin sayı-hesabı yoxdur.
Təsəvvür edirsiniz, vətəndaşa Dövlət Yol Polisi İdarəsində deyirlər ki, sən şəxsi avtomobilini filankəsə etibarnamə əsasında vermisən. Vətəndaş deyir ki, mən elə adam tanımıram. Ancaq vətəndaşa 6 saylı Notariat ofiisinin xüsusi notariusu İmanov Ərəstun Loğman oğlunun möhür vurub təsdiq etdiyi etibarnaməni göstərirlər. Sonda nə olsa yaxşıdır..? Ərəstun İmanov deyib ki, mexaniki səhv olub, xırda xətadır… Ərəstun İmanova deyən lazımdır ki, belə mexaniki səhv olur..? Yaxşı, Ərəstun İmanov, həbsxanaya gedib məhkumun adından saxta alqı-satqı etibarnaməsi imzaladın və sonra evi 3 milyona satdılar, sən də öz haqqını aldın… Bu da mexaniki səhv olub..?
Ümumiyyətlə, 6 saylı Notariat ofiisinin xüsusi notariusu İmanov Ərəstun Loğman oğlunun adı mediada bir çox cinayətkar şəbəkənin işində hallanır. Bəli, Ərəstun İmanov vaxtilə “Texnikabank”ın sabiq rəhbəri olmuş, sonradan məhkum həyatı yaşayan Etibar Əliyevlə sıx əlaqədə idi…
Təsəvvür edirsiniz Ərəstun İmanovun təsdiq etdiyi alqı-satqı sənədlərində pul-məbləğ göstərilmir. Bu özü cinayətdir. Bundan əlavə Ərəstun İmanovun təsdiq elədiyi alqı-satqı sənədləri, etibarnamələrin çoxu saxtadır. Ümumiyyətlə, bu gün Azərbaycanda baş verən bir çox cinayət əməllərinin kökündə notariuslar dayanır. Görəsən, 6 saylı Notariat ofisinin rəhbəri Ərəstun İmanov şəxsiyyət vəsiqəsi təqdim etməyən mülkiyyətçinin adından başqa şəxsə əmlak etibarnaməsini necə verib..?
Təsəvvür edirsiniz, Ərəstun İmanov sürücülük vəsiqəsi ilə etibarnamə verirmiş… Görəsən, nə vaxtdan sürücülük vəsiqəsi şəxsiyyəti təsdiq edən sənəd kimi qəbul olunur, ay Ərəstun İmanov..? Vətəndaş yazır ki, qeyri-iş günü olduğu üçün, 6 saylı notariat ofisinə yanaşdım.
Şikayətçi deyir ki, həmin ofisin qabağında konkret iş və istirahət günlərinə dair qrafik yazılsa da, buna əhəmiyyət verən yoxdur: ”Əsasən maşın alverçilərinin daha çox müraciət etdiyi notariat olduğu üçün, məhz qeyri-iş günlərində həmin kontorda şıdırğı alver gedir. Mənə məhkəməyə yazdığım bir ərizə ilə bağlı imzamı təsdiqlətmək lazım idi. Yəni notarius həmin ərizədəki imzanın mənə məxsus olduğunu təsdiqləməliydi. Amma mənə dedilər ki, guya Ədliyyə naziri buna icazə vermir.
Şikayətçi sonra yazır ki, mən başqa bir kantorda 4 manat rüsum verib imzamı təsdiqlətdim, deməli Ərəstun İmanov nazirə də böhtan atır. Bütün bunlardan sonra ortaya sual çıxır: Ədliyyə Nazirliyinin Qeydiyyat və Notariat Baş İdarəsi hara baxır..? Niyə Ərəstun İmanov kimilərə nəzarət eləmir..?
P.S. Növbəti sayımızda "Bir neçə il öncə, Ərastun İmanov kimin adından istifadə edirdi və nə üçün media nümayəndələrinə Ərastun İmanov haqqında tənqidi yazı yazmaq qadağan edilmişdir" yazısı dərc olunacaq. Bizi izləyin...
/obyektiv.info/