Uşaq bağçasında nəinki bir ağac, hətta bir kol yoxdur, amma kağız üzərində bağbanlar var…
Nə qədər yazmaq olar ki, Azərbaycan cəmiyyətinin və dövlətinin gələcəyi uşaq bağçalarında, körpələr evində formalaşır.
Bəli, Azərbaycanın gələcək vətəndaşları məhz məktəbəqədər təhsil müəssisələrində yetişir. Amma...
Əmması odur ki, bu gün Elm və Təhsil Nazirliyinin yaydığı rəsmi məlumatı oxuyanda adam dəhşətə gəlir. Nazirliyin yaydığı rəsmi məlumatı olduğu kimi dərc edirik: “Bildiyimiz kimi, ölkə başçısının müvafiq sərəncamına əsasən, dövlət məktəbəqədər təhsil müəssisələri Elm və Təhsil Nazirliyinin tabeliyinə verilib.
Ötən bir il ərzində məktəbəqədər təhsil müəssisələrində sistemli təkmilləşdirmə işləri aparılıb, işçi heyətin məlumatları elektron bazalarda toplanılıb və təhlillər aparılıb. Məlum olub ki, dövlət məktəbəqədər təhsil müəssisələrində çalışan 11 300 NƏFƏR TƏRBİYƏÇİ -MÜƏLLİMDƏN 51%-nin ( 5800 NƏFƏR ) məktəbəqədər təhsil sahəsi üzrə müvafiq ALİ və ya ORTA İXTİSAS TƏHSİLİ YOXDUR.
Qeyd edək ki, "Məktəbəqədər təhsil haqqında” Azərbaycan Respublikasının Qanununa əsasən məktəbəqədər təhsil sahəsi üzrə ali və ya orta ixtisas təhsilli şəxslər tərbiyəçi-müəllim vəzifəsində çalışa bilərlər”.
Təsəvvür edirsiniz ölkənin gələcəyini yetişdirən TƏRBİYƏÇİLƏRİN yarıdan çoxunun nəinki ali təhsili, heç orta təhsili də yoxdur. Söhbət 5-10 nəfərdən deyil ee, 51 faizdən, 5800 nəfərdən gedir. Belə olan halda bu ölkənin gələcəyini özünüz təsəvvür edin. Nazirliyin yaydığı rəsmi məlumatda qeyd edilir ki, “Məktəbəqədər təhsil haqqında” Azərbaycan Respublikasının Qanununa əsasən məktəbəqədər təhsil sahəsi üzrə ali və ya orta ixtisas təhsilli şəxslər tərbiyəçi-müəllim vəzifəsində çalışa bilərlər.
Deməli, kimlərsə 5800 dəfə Azərbaycan Respublikasının Qanununa …o məsələ… Bu dünyada analoqu olmayan haldır ee…
Deməli, ortada 5800 cinayət əməli….rüşvət…var. Bax, buna görə də uşaq bağçaları barədə hər gün oxuyuruq ki, uşaqlara qarşı zorakılıq var… Çünki tərbiyəçi özü tərbiyəsizdir…adi təhsili yoxdur… Yaxud oxuyuruq ki, uşaqlara ayrılan qida və ərzaq məhsulları haradasa satılır, uşaqlar düzgün qidalanmır. Bəs nə gözləyirdiniz..?
Heç bir təhsili olmayan şəxs uşaq bağçasında işə düzələ bilibsə, deməli rüşvət verib. Yaxud uşaq bağçalarına ayrılan dövlət vəsaitini mənimsəyiblər. Elm və Təhsil Nazirliyi öz rəsmi açıqlamasında bir vacib məqama toxunmur. Söhbət uşaq bağçalarındakı, körpələr evindəki yüzlərlə, bəlkədə minlərlə “ölü canlardan” gedir.
Bəli, uşaq bağçalarında 5 tərbiyəçinin yerinə 2-si işləyir, qalan üçünün pulunu, əmək haqqını isə bağça müdiri alır. Yaxud bağçada 10 nəfər dayə olmalıdır, amma 4-ü işləyir, 6-sı isə “ölü candır”. Bütün bunlar hələ problemlərin cüzi bir hissəsidir.
Bəs görəsən, Bakı Şəhəri üzrə Təhsil İdarəsi ( müdir Mehriban Vəliyeva ) hara baxır..? Təhsil İdarəsində o boyda MƏKTƏNƏQƏDƏR TƏHSİLİN TƏŞKİLİ SEKTORU var, müdiri var, əməkdaşları var…bunlar hara baxırlar..? İndi onların hara baxdığın qeyd edək.
Təsəvvür edirsiniz, binanın 1-ci mərtəbəsində məktəbəqədər təhsil müəssisəsi yerləşir. Və onun həyətində nəinki bir ağac, hətta bir kol yoxdur. Amma kağız üzərində bir neçə bağbanı var, bağbanlar hər ay guya maaş alır və. s. Bakı Şəhəri üzrə Təhsil İdarəsinin Elgün və Rəşad adlı komissiya üzvləri var, gedib yoxlasınlar.
Bəli, binanın birinci mərtəbəsində yerləşən və 50-60 işçinin kağız üzərində çalışdığı məktəbəqədər tədris müəssisəninin işdən sonra qapısını bağlayıb gedirlər. Amma kağız üzərində 4 mühafizəçi var.
Bütün bunlar reallıqdır, bu dövlətin vəsaitini mənimsəməkdir, bu cinayətdir. Biz bir media olaraq ictimai nəzarətin güclü olmasının tərəfindəyik. Bəs dövlət orqanları, müvafiq dövlət qurumları hara baxır..? Bax, əsas məsələ budur.
gundelik baki.com

Şamaxı Rayon Polis Şöbəsinin təşkilatçılığı ilə Ulu Öndər Heydər Əliyevin 100 illik yubileyi münasibətilə tədbir keçirilib. Tədbir iştirakçıları əvvəlcə şəhər ərazisində Ümummilli Liderin abidəsini ziyarət edərək önünə gül dəstələri düzüb, əziz xatirəsini dərin ehtiramla yad ediblər.
Daha sonra polis şöbəsinin inzibati binasında davam edən tədbirdə ilk öncə Ümummilli Liderin, Azərbaycanın suverenliyi və ərazi bütövlüyü uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edilib.
Çıxış edənlər Heydər Əliyevin Azərbaycan xalqı və dövləti qarşısındakı əvəzsiz xidmətlərindən danışıblar, o cümlədən ölkəmizdə sabitliyin bərqərar olunmasında, xalqımızın təhlükəsiz şəraitdə yaşamasında Ulu Öndərin müstəsna xidmətləri barədə ətraflı məlumat veriblər.
Daha sonra dahi şəxsiyyət Heydər Əliyevin 100 illik yubileyi münasibətilə ağacəkmə aksiyası keçirilib. Şamaxı şəhəri ərazisində iqlim şəraitinə uyğun 150 şam ağacı əkilərək suvarılıb və onlara aqrotexniki qulluq göstərilib.

Ucar Rayon Polis Şöbəsində Ümummilli Lider Heydər Əliyevin anadan olmasının 100-cü ildönümünə həsr olunan tədbir keçirilib.
Əvvəlcə rayon ərazisində Ulu Öndərin abidəsi ziyarət edilib, önünə gül dəstələri düzülüb. Polis şöbəsinin inzibati binasında davam edən tədbirdə Ulu Öndərin və ölkəmizin ərazi bütövlüyü uğrunda canlarını fəda etmiş şəhidlərimizin əziz xatirələri bir dəqiqəlik sükutla yad edilib, Dövlət Himni səsləndirilib.
Tədbirdə çıxış edən şöbə rəisi, polis polkovniki Valik Vəlimətov Ümumilli Lider H.Əliyevin şərəfli və mənalı ömür yolundan, müstəqil dövlətimizin inkişafı və Azərbaycan xalqı qarşısındakı misilsiz xidmətlərindən söz açıb. Bildirib ki, məhz Ulu Öndərin həyata keçirdiyi uzaqgörən siyasət nəticəsində dövlətimiz yüksək templə inkişaf etmiş dövlətlər sırasında öz yerini tutaraq, böyük layihələrin icrasında yaxından iştirak etmiş, dünya miqyaslı tədbirlərin təşkilatçısı olmuşdur.
Daha sonra çıxış edənlər polis əməkdaşları Ulu Öndərin həyatından, Azərbaycanın inkişafı istiqamətində həyata keçirdiyi layihələrdən, böyük xilaskarlıq missiyasından danışıblar.
Sonda Ulu Öndərin həyat və fəaliyyətindən bəhs edən film nümayiş olunub.

“Azercell”-in növbəti fırıldağı ilə abunəçilərdən pul tutur. İndi də rouminq xidməti adı ilə abunəçilər soyur.

TEREF.AZ Tribunainfo.az-a istinadla xəbər verir ki, bu barədə AYB katibi, yazıçı Elçin Hüseynbəyli məlumat paylaşıb. O bildirib ki, bu hal artıq son iki aydır təkrarlanır:

“Son iki ayda mənə faktura məbləği təxminən 2-2,5 dəfə artıq gəlir. Azərsell-dən soruşuram ki, niyə belədir? Cavab nə olsa yaxşıdır? Müəllim, siz aprel və may ayları sərhədyanı rayonlara səfər etmisiniz və roumunqiniz açıq olduğuna görə avtomatik olaraq, İran mobil operatoruna qoşulmusunuz.

Ona görə də pul artıq yazılıb. Qəribədir. Mən öz ölkəmdə ola-ola mənə xarici tariflə pul hesablanır. Və o da məlum oldu ki, şikayətçi təkcə mən deyiləm. Bu, bir boşluqdur. Ya da İran mobil operatoru ilə əlaqədar olub havayı pul qazanırlar. Hər halda söz verdilər ki, bu boşluğu yrəhbərliyə çatdıracaqlar”.

Qarşı tərəfin də mövqeyini işıqlandıramağa hazırıq.

Bakı Apellyasiya Məhkəməsinin Cinayət Kollegiyasının növbəti hoqqabazlığı
İşgəncəgörən 1-ci dərəcəli Qarabağ qazisi “şübhəli şəxs” kimi “məhkəmə şousu”na çağırılır

1-ci dərəcəli Qarabağ əlilinin evindən 3 maşın polisin zoru ilə Nizami RPİ-nin 24-cü Polis Şöbəsində qollarının arxadan qandallanıb işgəncəyə uğradılmasında , 9 qabırğasının sındırılmasında, tibbi yardıma da qadağa qoyub , iki sutka yaralı durumda istintaq -işgəncə kamerasında həbs edilməsində insan hüquqları üzrə müvəkkil (ombudsman ) cinayət tərkibinin olmadığını prokurorluğa istinadla bildirir. Bəs prokurorluq, bəs məhkəmə? İnandırıcı deyil, amma prokurorluq və məhkəmə cinayəti nəinki ört-basdır edir, həm də cinayəti açıq şəkildə müdafiə edirlər.

Nizami rayon prokuroru Pərviz İbayev insanın qanunsuz olaraq azadlıqdan məhrum edildiyinə görə Azərbaycan Respublikası Cinayət Prosessual Məcəlləsinin 209.2.7 maddəsinə əsasən anında cinayət işi başlamalı olduğu halda , məhkəmənin qərarı olmadan həbsdə saxlanılan 1-ci dərəcəli Qarabağ əlilinin evində axtarış aparılmasına müstəntiq Qalib Kərimlinin vəsatəti əsasında təqdimat yazıb. (?) İnanmırsınızsa, Nizami məhkəməsinin hakimi Nigar Qədirlinin adından dələduz icra məmurlarının 05.09.2022-ci il tarixinə 14.10.2022-ci ildə tərtib etdiyi 5 (007)-422 /2022 saylı qərara baxa bilərsiniz. Qərarın ikinci abzasında yazılıb : “...03.09.2022-ci ildə Azərbaycan Respublikası Cinayət Məcəlləsinin 320.1 -ci maddəsi ilə şübhəli şəxs qismində tutulmuşdur , HAL -HAZIRDA NİZAMİ RPİ-NİN MSY-DƏ (MÜVƏQQƏTİ SAXLAMA YERİNDƏ) SAXLANILIR”. İstənilən prokuror, istənilən məhkəmə “CM-in 320.1-ci maddəsi ilə şübhəli şəxs qismində tutulma” absurdluğunu , özbaşınalığını bir qırağa qoyaq, MƏHKƏMƏ QƏRARI OLMADAN HƏBSDƏ SAXLANILMANI BİLƏN KİMİ CİNAYƏT PROSESSUAL MƏCƏLLƏNİN 209.2.7 MADDƏSİNƏ UYĞUN ANINDA CİNAYƏT İŞİ BAŞLAMALI DEYİLMİ? Yox, bizim məhkəmə hüquq sisteminin yazılmamış qanunları var axı! Hakim Nigar Qədirli Azərbaycan Respublikasının Cinayət Prosessual Məcəlləsinə istinad edib. Görün, necə: “ CİNAYƏT PROSESSUAL QANUNVERİCİLİYİNDƏ NƏZƏRDƏ TUTULMUŞDUR Kİ, (ŞƏXSİ MƏHKƏMƏ QƏRARI OLMADAN HƏBSDƏ SAXLAYIB) , YAŞADIĞI ÜNVANDA BAXIŞ, AXTARIŞ VƏ GÖTÜRMƏ İSTİNTAQ HƏRƏKƏTİ APARILMASI ZƏRURİDİR.”

05.09.2022-ci il tarixli bu geydirmə qərardan , verildiyi 14.10.2022-ci ildə apellyasiya şikayəti verilsə də, Bakı Apellyasiya Məhkəməsinin Cinayət Kollegiyası 8 aydır şikayətin məhkəməyə daxil olmadığını bildirib, cinayəti ört-basdır etməklə məşğuldu. Axırı, 05.05.2023-cü ildə hakim İlqar Murquzov 1-ci dərəcəli Qarabağ əlilini “şübhəli şəxs” kimi məhkəmə -məzhəkə şousuna çağırıb. Gerçəkdə bu çağırış eldə deyildiyi kimi, toydan sonra nağara yetkisi bağışlayır . 3 günə baxılmalı olan işə evin quldurluqla yağmalanmasından 8 ay sonra baxılmasından nəsə gözləməyə dəyər? Hələ bir “toydan sonra nağara” şousuna “şübhəli şəxs” qismində çağırılmağa baxın. Bəyəm məhkəmə bilmir ki, 8 ay “şübhəli şəxs” statusuna məhkum edilmək CPM-də nəzərdə tutulmur? Bir də onsuz da qərarın qüvvədə saxlanılacağı CPM -ə uyğun(suz) olacaq.

Azərbaycan reallığı : polis əlili, qocanı, uşağı, qadını, xanımı “şübhəli şəxs” kimi oğurlayıb işgəncə verib qoluqandallı həbs edir , prokuror evində axtarışa təqdimat verir, məhkəmə də təqdimatı təmin edir. “Şübhəli şəxs”in nə müdafiə hüququ var, nə də şikayət hüququ..Yalnız işgəncə görmək, qeyri – prosessual məcburiyyət tədbirinə uğramaq “hüququ” saxlanılır.

Məğrur BƏDƏLSOY

P. S. 8 aydan sonra da olsa, Bakı Apellyasiya Məhkəməsi işi “tapdı”. Nizami prokuroru Pərviz İbayevin 06.10.2022-ci il tarixli cinayət işinin başlanmasından imtina barədə qərarını isə 7 aydır Baş prokuror Kamran Əliyev, Bakı şəhər prokuroru Elşən Abbasov , Ombudsman “tapa bilmir”. Dövlət hesabına vəkil də yoxdur ki, “tapıntı sorğusu” versin.
/hurriyyet.az/