 |
|
|
“Ölkədə növbədənkənar prezident seçkilərinin keçirilməsi tamamilə qanunauyğundur və Konstitusiyanın müvafiq tələblərinə cavab verir”.
Bu sözləri Yenisabah.az-a açıqlamasında Milli Məclisin Yeni Azərbaycan Partiyasından (YAP) olan deputatı Elman Nəsirov deyib.
Millət vəkili növbədənkənar prezident seçkilərinin baş tutması fonunda 2024-cü ildə ölkədə bir sıra konstitusional dəyişiklərin də həyata keçiriləcəyi ilə bağlı yaranmış iddialara münasibət bildirib.
Xatırladaq ki, sosial şəbəkələrin Azərbaycan seqmentində gələn il ölkədə referendumun keçiriləcəyi ilə bağlı iddialar da geniş vüsət alıb.
E. Nəsirova görə, Azərbaycan Konstitusiyasının 101-ci maddəsinin I hissəsinin ilk cümləsində də qeyd olunub ki, “ölkədə növbədənkənar prezident seçkilərinin keçirilməsi yalnız ölkə Prezidentinin səlahiyyətində olan məsələdir”:
“Eyni zamanda Seçki Məcəlləsinin 179-cu maddəsində də eyni yanaşma var. Yəni məsələnin hüquqi tərəfi bəllidir və belə bir səlahiyyət Prezidentdə var. Növbədənkənar prezident seçkilərin keçirilməsi dünya praktikasında da tez-tez təsadüf olunan bir haldır. Ancaq bəzən sosial şəbəkələrdə hadisə və prosesləri qabaqlamaq tendensiyası da müşayiət olunur. Biz prezident seçkilərindən dərhal sonra referendum, ondan sonra isə növbədənkənar parlament seçkilərinin keçiriləcəyi ilə bağlı müzakirələrin getdiyini görürük. Bu məsələlər də cənab Prezidentin səlahiyyətinə daxildir. Referendumla bağlı da həm sosial şəbəkələr, həm də mətbuatda çoxsaylı müzakirələr olub. Bir sıra məsələlər var ki, onların referendum yolu ilə həlli vacibdir”.
YAP-çı deputatın sözlərinə görə, nəzərə alsaq ki, ölkə Prezidenti hərtərəfli və irimiqyaslı islahatlar kursunu həyata keçirib və onun da mühüm tərkib hissəsi siyasi islahatlardır, belə olan halda deyə bilərik ki, referendum keçirilə bilər, lakin bunun nə zaman keçiriləcəyi bəlli deyil və bu, ancaq cənab Prezidentin səlahiyyətində olan məsələdir:
“Bu məsələlər geniş müzakirə olunur. Referendum keçiriləcəyi təqdirdə, əgər birbaşa parlament seçkiləri ilə bağlı məsələlər müzakirə olunarsa, belə olan vəziyyətdə parlament seçkilərinin keçirilməsi də mümkün ola bilər, amma bunun nə zaman olacağını heç kim bilmir. Seçki Məcəlləsinə görə növbədənkənar parlament seçkilərinin keçirilməsi ancaq 2024-cü ilin noyabr ayına təsadüf edə bilər. Lakin bu olmasa, aidiyyəti üzrə 2025-ci ilin fevralında parlament seçkiləri keçiriləcək.
Fikrimcə, bu məsələyə ölkə başçısının məşhur ifadəsi ilə yanaşmaq lazımdır. Prezident İlham Əliyev daim söyləyir ki, o, nəyi necə və nə vaxt etməyi gözəl bilir. Ona görə də məsələyə elə bu prizmadan yanaşsaq, düzgün olar”.
Bu yaxınlarda səhhətimlə bağlı bir neçə tibb müəssisəsinə getdim.
Demək olar ki hamısında eyni vəziyyət.
Xəstə adam bilmir sağlamlığını fikirləşsin, yoxsa TƏBİB-in, sığorta sisteminin yaratdığı sistemsizliyin əziyyətini çəksin.
Deyirdik müasir texnologiyaların tətbiqi işləri asanlaşdırar.
Amma deyəsən səhiyyədə bu tərsinə olub. İcbari tibbi sığortanın tətbiqındən sonra dövlət səhiyyə müəssisələrinə axın artıb.
Bu isə xəstəxanalarda müəyyən sıxlığa səbəb olur.
Bir çox sağlamlıq ocağında apardığımız müşahidələrdən belə qənaətə gəlmək olur ki, vətəndaşlar xidmətlərdən yararlanmaq üçün saatlarla, bəzən isə günlərlə növbə gözləməli olurlar.
Xüsisilə də, yaşlı insanlar və azyaşlı uşaqlar üçün növbə gözləmək daha çox çətinlik yaradır.
Növbələrdə saatlarla dayanmaqla xəstələrin həm də əsəbləri korlanır.
Gah həkim yerində olmur, gah da kompüter sistemi işləmir.
Bu da bütüb prosesi iflic edir. Çoxsaylı növbələrin yaranmasına səbəb də elə bu kompyüter sisteminin nasazlığıdır..
Dəfələrlə tibb müəssisələrinə gedib şahidi olmuşuq ki, pasiyent sayı artan kimi kompüter qeydiyyat sistemi dayandırılır.
Guya nəsə donur,işləmir. 21-ci əsrdə, yüksək texnologiyalar dövründə TƏBİB-in və İcbari Tibbi Sığortanın bunu bəhanə gətirməsi çox gülüncdür.
Bu problem aylarla,illərlə düzəlmirsə,deməli elə adını çəkdiyimiz bu təşkilatlar öz işlərini düzgün yerinə yetirə bilmirlər.
Səhiyyə eksperiment sahəsi deyil. Poliklinikalara, xəstəxanalara sağlamlığı pozulmuş adamlar müraciət edir.
Onsuzda hərə bir cür həyəcan,stress keçirir. Sizin də yarıtmaz xidmətiniz onların dərdinin üstünə dərd gətirib əsəb gərginliyi yaradır.
Bu hallar çox zaman süni şəkildə yaradılır. TƏBİB, İcbari Tibbi Sığorta üzrə Dövlət Agentliyi qəsdən belə vəziyyət əmələ gətirərək əhalini özəl klinikalara üz tutmağa vadar edirlər. Çünki özlərinin də özəl səhiyyə obyektləri var.
Bu zaman bir sual yaranır.
Görəsən Azərbaycan Respublikası Milli Məclisinin Səhiyyə Komitəsinin sədri Əhliman Əmiraslanov cənabları hara baxır?
Səhiyyə ocaqlarında baş verən bu problemi görmürmü?
Görürsə, niyə bu məsələ gündəmdən kənarda qalır və öz həllini tapmır?
Bu gün müasir informasiya texnologiyalarının dövlət tibb müəssisələrinin fəaliyyətində rolu qeyri-qənaətbəxşdir.
Bildiyimiz kimi Səhiyyə və Tibbi sığortası sahəsində tibbi xidmətlərin keyfiyyətinə nəzarəti təmin etmək haqqında Prezident fərman imzalayıb və bununla bağlı aidiyyəti qurumlara xüsusi göstəriş verib.
Əfsuslar olsun ki, bu göstərişə məhəl qoyan yoxdur.
Biz bu mühüm problemi işıqlandırmaqla dövlət başçısından və aidiyyəti qurumlardan xahiş edirik ki,səhiyyə sahəsində yaşanan bu problemi nəzərə alıb vətəndaşların xidmətlərə əlçatanlığını təmin etsinlər.
Sima Babayeva
Teref. Xocanın Blogu
Səhifəmiz hamnın üzünə açıqdır
“Biz dünyada gedən prosesləri görürük. Rusiya-Ukrayna müharibəsi, Qəzzadakı döyüşlər, digər gərginliklər və s. hazırda mövcuddur”.
Bu sözləri yenisabah.az-a açıqlamasında Milli Məclisin deputatı Vahid Əhmədov deyib.
O, “Müsavat TV”nin efirindəki debat zamanı hakim partiya deputatı olan Elman Nəsirovun sərhədlərin bağlı qalması ilə bağlı səsləndirdiyi fikirlərə münasibət bildirib.
Xatırladaq ki, millət vəkili açıqlamasında sərhədlərin bağlı qalmasını Azərbaycan dövlətinin təhlükəsizlik məsələləri ilə əlaqələndirmişdi.
V. Əhmədov isə diqqətə çatdırıb ki, biz hələ Ermənistanla sülh müqaviləsi imzalamamış, sərhədlərimizi müəyyən etməmişik:
“Bütün bunların hamısı, əlbəttə ki, Azərbaycanın təhlükəsizliyinin təmin edilməsi üçün sərhədlərimizin bağlı qalmasını önə çıxarır. Bunu cənab Prezident də qeyd etmişdi. Sərhədlərin bağlı qalması dövlətin təhlükəsizliyinin təmin edilməsi üçün ciddi bir məsələdir.
Mənə də bununla bağlı müraciətlər olur. Çünki hamının təyyarə vasitəsilə gəlib-getmə imkanı yoxdur. Ona görə də bütün bu məsələlərə baxmayaraq, heç olmasa, sərhədin bir hissəsini xüsusi rejim altında açmaq olar. Mən təklif edərdim ki, Gürcüstan-Azərbaycan sərhədində müəyyən yumşalmalar həyata keçirilsin. Çünki Gürcüstan Azərbaycanın strateji müttəfiqidir, rəsmi Tbilisi ilə kifayət qədər sıx əlaqələrimiz var. Məhz bunun üçün də Gürcüstanla olan sərhəddə xüsusi rejim tətbiq etməklə insanların gediş-gəliş ilə bağlı müəyyən şərait yarada bilər”.
Millət vəkili söyləyib ki, sərhədlərin bağlı olması, həmçinin iqtisadiyyata da öz mənfi təsiri göstərir:
“İnsanlar var ki, sərhədyanı bölgələrdə yaşayır və o vaxtı mal mübadiləsi həyata keçirirdilər. Bu da həmin dönəmlərdə insanların həyat şəraitinə öz təsirini göstərirdi. Amma ümumi götürsək, əsas məsələ dövlətin təhlükəsizliyinin təmin edilməsidir. Amma müəyyən qədər yumşalmanın getməsi ilə bağlı variantlara baxmaq olar. Fikrimcə, Gürcüstan sərhədində xüsusi rejim tətbiq etməklə müəyyən qədər insanları buraxmaq mümkündür. Bu gün qonşularımızda da ciddi problemlər yaşanır. Ona görə də bu işdə tədbirlər həyata keçirilməlidir”.v
Mən Mirzəyeva Gülarə Hüseyn qızı 10 nəfərlik ailə üzvlərimizlə birlikdə Göyçay şəhəri M. Ə. Rəsulzadə küçəsində yerləşən 7 saylı Uşaq Bağçasında yaşayırıq. Belə ki, 1-ci Qarabağ müharibəsi iştirakçısı olan həyat yoldaşım Mirzəyev Ariz Əziz oğlu 2012-ci ildə Mehriban xanım Əliyevayanın şəxsən qəbulunda olmuşdu. O zaman hörmətli Mehriban xanımın göstərişi ilə biz hazırki qaldığımız yerə yerləşdirilmişdik. Həmin vaxtdan etibarən sözü gedən bağçada yaşayırıq. Lakin, bir neçə vaxtdır ki, bizi buradan çıxarmaq istəyirlər. Bağçanın müdirəsi Sevinc Abbasova bizdən tələb edir ki, Təcili bu yeri tərk eləməlisiniz. Bildirir ki, bu, Göyçay Rayon İcra Hakimiyyətinin və Təhsil Şöbəsinin tapşırığıdır. Buna görə dəfələrlə Göyçay Rayon İcra Hakimiyyəti başçısı Natiq Ağayevin qəbulunda olmuşuq. Artıq 5 gündür bizə verilən elektrik enerjisini belə kəsiblər. Axı rayonda fəaliyyət göstərən vəzifəli şəxslərə 11 nəfərlik ailəni ilin-günün bu çağında, qış vaxtı çölə atmağa kim icazə verib? Ölkə başçısı cənab İlham öz çıxışlarında "Dövlət hər bir vətəndaşına sahib çıxır" - bildirir. Biz də bu dövlətin vətəndaşları olaraq Ali Baş Komandanımıza güvənirik, hər zaman Onun yanındayıq. Mətbuat vasitəsilə də cənab İlham Əliyevdən və Mehriban xanım Əliyevadan çox xahiş edirik, bizə köməklik göstərəsiniz. Qarşıdan gələn prezident seçkilərində biz də var gücümüzlə Sizin yanınızdayıq. Uca Allah Yardımçınız olsun!
Teref. Xocanın Blogu
Səhifəmiz hamnın üzünə açıqdır
Azərbaycanın Niderlanddakı səfirliyində ulu öndər Heydər Əliyevin vəfatının iyirminci ildönümü ilə əlaqədar klassik musiqidən ibarət konsert proqramı keçirilib.
Bu barədə Azərbaycan səfiri Rəhman Mustafayev “X” sosial şəbəkə hesabında bildirib.
“Bu gün biz Haaqa diplomatik korpusunun üzvləri ilə birlikdə Nərgiz Əliyarovanın ifasında Azərbaycan klassik musiqisindən ibarət gözəl konsert proqramı ilə Azərbaycanın ümummilli lideri Heydər Əliyevin parlaq xatirəsini ehtiramla yad etdik. Qonaqlarımıza və istedadlı pianoçumuza çox təşəkkür edirik”, - diplomat qeyd edib.
Hava şəraitinin kəskin dəyişməsi nəticəsində xəstəxanalarda sıxlıq müşahidə olunur.
Bir çox respirator xəstəliklərlə həkimlərə müraciət edənlərin sayı isə gündən-günə artır.
Terapevtlər bu kimi halların qarşısının alınmasında sağlam qidalanma və yuxu rejiminə əməl etməyin vacibliyini vurğulayıb.
Ətraflı İTV-nin süjetində:
Azərbaycan Respublikasının Birinci vitse-prezidenti Mehriban Əliyeva rəsmi “Instagram” səhifəsində ulu öndər Heydər Əliyevin anım günü ilə əlaqədar paylaşım edib.
Paylaşımda deyilir:
“Heydər Əliyev. Xatırlayırıq, sevirik, hörmətlə anırıq”.
Azərbaycan Respublikasının Prezidenti İlham Əliyev Ulu Öndər Heydər Əliyevin anım günü ilə bağlı sosial şəbəkə hesablarında paylaşım edib.
Paylaşımı təqdim edirik:
Azərbaycan xalqının Ümummilli Lideri Heydər Əliyevin vəfatından bu gün 20 il keçir.
Ümummilli Liderin xatirəsi Azərbaycanda, eyni zamanda, xarici ölkələrdə ehtiramla yad edilir.
Heydər Əlirza oğlu Əliyev 1923-cü il mayın 10-da Naxçıvanda anadan olub.
1944-cü ildən təhlükəsizlik orqanları sistemində çalışan Heydər Əliyev 1964-cü ildən Azərbaycan SSR Nazirlər Soveti yanında Dövlət Təhlükəsizliyi Komitəsi sədrinin müavini, 1967-ci ildən isə sədri vəzifəsində işləyib, general-mayor rütbəsinə qədər yüksəlib. Həmin illərdə o, Leninqradda xüsusi ali təhsil alıb, 1957-ci ildə isə Azərbaycan Dövlət Universitetinin tarix fakültəsini bitirib.
Azərbaycan SSR Kommunist Partiyası Mərkəzi Komitəsinin 1969-cu il iyul plenumunda Heydər Əliyev Azərbaycan SSR Kommunist Partiyası Mərkəzi Komitəsinin birinci katibi seçilib.
1982-ci ilin dekabrında Sovet İttifaqı Kommunist Partiyası Mərkəzi Komitəsi Siyasi Bürosunun üzvü seçilən Heydər Əliyev SSRİ Nazirlər Soveti sədrinin birinci müavini vəzifəsinə təyin edilib, SSRİ-nin rəhbərlərindən biri olub.
Heydər Əliyev 1987-ci ilin oktyabrında Sovet İttifaqı Kommunist Partiyası Mərkəzi Komitəsi Siyasi Bürosunun və baş katib Mixail Qorbaçovun yeritdiyi siyasi xəttə etiraz əlaməti olaraq, tutduğu vəzifələrdən istefa verib.
Heydər Əliyev 1990-cı ilin 20 yanvarında sovet qoşunlarının Bakıda törətdiyi qanlı faciə ilə əlaqədar ertəsi gün Azərbaycanın Moskvadakı nümayəndəliyində bəyanatla çıxış edərək, Azərbaycan xalqına qarşı törədilmiş cinayətin təşkilatçıları və icraçılarının cəzalandırılmasını tələb edib. O, Dağlıq Qarabağda yaranmış kəskin münaqişəli vəziyyətlə bağlı SSRİ rəhbərliyinin ikiüzlü siyasətinə etiraz əlaməti olaraq, 1991-ci ilin iyulunda Sovet İttifaqı Kommunist Partiyasının sıralarını tərk edib.
1990-cı ilin iyulunda Azərbaycana qayıdan Heydər Əliyev ilk əvvəl Bakıda, sonra isə Naxçıvanda yaşayıb, həmin ildə də Azərbaycan Ali Sovetinə deputat seçilib. O, 1991-1993-cü illərdə Naxçıvan Muxtar Respublikası Ali Məclisinin sədri, Azərbaycan Respublikası Ali Soveti sədrinin müavini olub.
Heydər Əliyev 1992-ci ildə Yeni Azərbaycan Partiyasının Naxçıvan şəhərində keçirilmiş təsis qurultayında partiyanın sədri seçilib.
1993-cü il iyunun 15-də Azərbaycan Ali Sovetinin sədri seçilən Heydər Əliyev iyunun 24-də Milli Məclisin qərarı ilə Azərbaycan Respublikası Prezidentinin səlahiyyətlərini həyata keçirməyə başlayıb. 1993-cü il oktyabrın 3-də ümumxalq səsverməsi nəticəsində Heydər Əliyev Azərbaycan Respublikasının Prezidenti seçilib. O, 1998-ci il oktyabrın 11-də keçirilən növbəti prezident seçkilərində yenidən Azərbaycan Respublikasının Prezidenti seçilib.
2003-cü il oktyabrın 15-də keçiriləcək prezident seçkilərində namizədliyinin irəli sürülməsinə razılıq vermiş Heydər Əliyev səhhətində yaranmış problemlərlə əlaqədar seçkilərdə iştirakdan imtina edib.
Uzun müddət ABŞ-nin Klivlend klinikasında müalicə olunan Heydər Əliyev 2003-cü il dekabrın 12-də dünyasını dəyişib.
Fəxri Xiyabanda dəfn olunub.
Bakıda 2024-cü ildən etibarən Mənzil Kommunal İstismar Sahələrinin (MKİS) ləğv ediləcəyi haqqında məlumatlar yayılıb.
İddialara əsasən, bütün Mənzil Kommunal İstismar Sahələrinin (MKİS) ləğv edilməsi, onların funksiyalarının bələdiyyələrə verilməsi nəzərdə tutulub.
Bununla bağlı Bakı Şəhər Mənzil-Kommunal Təsərrüfatı Departamentindən Oxu.Az-ın sorğusuna cavab olaraq bildirilib ki, yayılan məlumatlar həqiqəti əks etdirmir:
“Mənzil Kommunal İstismar Sahələri 11 mindən artıq binanın idarəçiliyini təmin edir. Onlar ancaq müvafiq rəsmi qərar olarsa, ləğv edilə bilər. “JEK”lərin ləğvi ilə əlaqədar hazırda heç bir məlumat və rəsmi qərar yoxdur”.
"Şikayətim Sabunçu rayon icra hakimiyətindəndir.
Həyətimdə hasarın üstünə 2 daş əlavə edirdik ki, çöldən içəri görünməsin. İşə bir gün olardı ki başlamışdıq "Məhəllənin Google map numayəndəsi" (qonşu) xəbər çatdırıb və "Niva" markalı avtomobillə 2 nəfər yaxınlaşdı ki, bəs sizin xəbəriniz yoxdur... Cənab prezidentin əmri var, bütün tikinti-təmir işləri dayandırılıb.
Nə isə... işi dayandırdım. Səhər icra hakimiyyətinə yollandım və pul verəcəyim tədqirdə tikintiyə davam edə bilərəm, dedilər.
İndi sual edirəm: Cənab prezidentin əmrini bu icra başçısı vətəndaşdan pul almaqla niyə pozur?"
Mənbə: "Şikayətim Var" SQ
Təqdim etdi: DİA-AZ.COM (Ərsoyun Bloqu)
Səhifəmiz bütün maraqlı tərəflərin rəyləri üçün açıqdır...