 |
|
|
Türkiyəli məşhur model Ebru Şallının iş adamı Uğur Akkuşla evliliyinə son verəcəyi məlum olub.
Şallının ötən aylarda əri tərəfindən zorakılığa məruz qadığı iddia edilmişdi.
Onlar bundan əvvəl evliliklərində böhran yaşasalar da, yenidən münasibətlərinə şans vermişdilər.
Bu dəfə cütlüyün fikir ayrılıqları səbəbindən münasibətlərinin boşanma həddinə çatdıqları deyilir.
Əməkdar artist Babək Niftəliyevin "Range Rover” markalı avtomobilindən həyat yoldaşına məxsus əl çantası oğurlayan şəxs həbs edilib.
Qaynarinfo-nun məlumatına görə, müğənni həyat yoldaşı Sənubər Niftəliyeva ilə 23 may 2022-ci il tarixdə, saat 13:40-da Yasamal rayonu Ş. Qurbanov küçəsi 19 ünvanında yerləşən "Nizami Mall” ticarət mərkəzinə alış-verişə gedib. O, avtomobilini "Trend 34" mağazasının qarşısında saxlayıb.
Maşını düymə ilə işə salınıb-söndürüldüyü üçün o, avtomobildən enərkən mühərriki söndürdüyünü və qapıların avtomatik şəkildə bağlandığını düşünüb, bundan sonra mağazaya giriblər. Bu zaman muğam ifaçısının xanımı Sənubər Niftəliyeva özünə məxsus qara rəngli əl çantasını avtomobilin ön sərnişin oturacağının üzərində qoyub. 50 manat dəyərin olan çantada 920 manat pul olub.
Alış-verişdə pulu çatmayan müğənni təxminən yarım saat sonra avtomobilin yanına qayıdaraq, həyat yoldaşının çantasından pul götürmək istəyib. Lakin çantanın yerində olmadığını görüb. Bundan sonra DİN-in 102 məlumat xidmətinə məlumat verib.
Polisin apardığı araşdırma zamanı hadisəni 1991-ci ildə Bakı şəhərində anadan olmuş, əvvəllər məhkum edilmiş və 2022-ci ildə Milli Məclisin qəbul etdiyi Amnistiya aktına əsasən azadlığa buraxılan Səbuhi Səfərovun (soyad şərti) törətdiyi müəyyənləşib.
Məhkəmənin qərarı ilə Səbuhi Səfərov Cinayət Məcəlləsinin 177.1-ci maddəsində nəzərdə tutulmuş cinayət əməlini törətməkdə təqsirli bilinib, ona 6 ay müddətinə azadlıqdan məhrum etmə cəzası təyin edilib.
Babək Niftəliyev Qaynarinfo-ya açıqlamasında bildirib ki, hələlik dəymiş ziyan ödənilməyib. Hadisəni törədən şəxs isə cəzasını çəkəcək.
Ötən gün millət vəkili Fazil Mustafanın evinin önündə güllələnməsi ölkədə böyük rezonansa səbəb olub.
Məşhurlar da bu hadisəyə səssiz qalmayıb və buna münasibət bildiriblər.
Teref.az xəbər verir ki, mövzu ilə bağlı Yenisabah.az-a “Pişik” ləqəbi ilə tanınan müğənni Günel Ələkbərova açıqlama verib. O, F.Mustafa olayından xəbərdar olduğunu və artıq vətəndaş olaraq qorxduğunu bildirib:
“Fazil Mustafaya sui-qəsd olunması xəbərini sosial şəbəkələrdə gördüm. Hadisədən xəbərim var. İlk başda Fazil Mustafaya şəfa diləyirəm, Allah ona şəfa versin. Əslində bu sui-qəsd çox qorxulu bir şeydir. Biz ölkə olaraq belə şeylərə öyrəşməmişik. Bizdə terror, silahlı hücum, küçələrdə silahlı atışmalar, sui-qəsdlər olmayıb. Biz Rusiyada, Amerika ştatında yaşamırıq. Biz belə şeyləri xarici mətbuatın yaydığı xəbərlərdə və yalnız filmlərdə görmüşük. Amma son zamanlar bir-birinin ardınca ölkəmizdə bu cür hadisələrlə rastlaşırıq. Bu yaxınlarda İrandakı səfirliyimizə hücum oldu, silahlı şəxslər Bakıda marketlərin birinə daxil oldular, insident baş verdi, ölən, yaralananlar oldu. Bu kimi hallar bir vətəndaş kimi təbii ki, məni də qorxudur”.
Onun sözlərinə görə, millət vəkilinə qarşı bu sui-qəsd siyasi məqsəd daşıyır:
“Son vaxtlar insanlar aqressiv olublar, düzdür, amma düşünmürəm ki, Fazil Mustafa olayı sıravi bir vətəndaş tərəfindən törədilsin. Sıravi vətəndaşda silah haradandır? Yazıq sıravi vətəndaş heç yeməyə çörək ala bilmir. Hər halda, Fazil Mustafaya qarşı törədilən hadisə siyasətlə bağlıdır. Böyük ehtimalla bu terror siyasidir, ona görə bu haqda heç bir şey söyləyə bilmirəm, çünki məlumatım yoxdur”.
Xatırladaq ki, ötən gün evinin qarşısında silahlı hücuma məruz qalan millət vəkili Fazil Mustafa bu gün ikinci dəfə əməliyyat olunub.
Qeyd edək ki, deputat Fazil Mustafa ötən gün saat 21:51 radələrində paytaxtın Sabunçu rayonu, Zabrat qəsəbəsindəki evinin qarşısında güllələnib. “Kalaşnikov” avtomatı ilə açılan atəş nəticəsində deputat bədənin sağ çiyin qurşağını və sağ budun aşağı üçdə birini dəlib keçən güllə yarası alıb.
“Yeşilçam” serialında baş rolları paylaşan türkiyəli məşhurlar Afra Saraçoğlu ilə Çağatay Ulusoyun eşq yaşaması barədə söz-söhbətlər şou-biznes gündəminə düşüb.
Çağatay Ulusoy Duyğu Sarışınla 6 illik münasibətini yanvarda bitirib. Afra Saraçoğlu ilə eşq yaşadığı iddia edilən məşhur cütlüyə sosial şəbəkədə şərhlər bitib-tükənmir.
Afra Saraçoğlunun müsahibəsində Çağatayla aralarında müsbət enerji olduğunu deməsi bu barədə iddiaları daha da gücləndirib.
Məsələyə hələlik heç bir tərəfdən şərh bildirilməyib.
Mənbə: Haber Global
Xəbər verdiyimiz kimi, Rusiyada və MDB ölkələrində məşhurlaşan azərbaycanlı video bloqer Hüseyn Həsənov bir neçə həftə əvvəl "Instagram" hesabında keçirdiyi yarışda qalib gələn tacikistanlı 11-ci sinif şagirdi Ümidcan qiyməti 30 milyon rubl (təxminən 675 min manat) olan qırmızı rəngli lüks “Lamborghini Urus” avtomobilindən imtina edib.
Bizim.Media xəbər verir ki, bu haqda bloqer sosial şəbəkə hesabında məlumat verib.
Həsənov bildirib ki, 17 yaşlı qalib ondan “Lamborghini Urus” avtomobilin yerinə nəqliyyat vasitəsinin dəyəri olan 30 milyon rublu istəyib.
“Ümidcan məndən “Lamborghini Urus” avtomobilin yerinə pul istədi. Çünki, sözügedən nəqliyyat vasitəsi ona lazım deyil. Onun 17 yaşı var. Mən səni çox gözəl başa düşürəm. Mən Tacikistana gəldiyimdə mütləq şəkildə bu pulları hara xərclədiyini və nə aldığını izləyicilərə göstərəcəyəm”, - deyə Həsənov vurğulayıb.
Azərbaycan Respublikasının Xalq artisti Eyyubov Yaqubovun İsraildə böyük coşqu ilə keçən sonuncu konserti sosial şəbəkələrdə də maraqla qarşılanıb.
Populyar müğənninin Azərbaycanın 44 günlük savaşda qazandığı qələbə, Bütöv Azərbaycan, Turan Birliyi, İsraillə müttəfiqliklə bağlı fikirləri xüsusilə rəğbətlə qarşılanıb.
Eyyub bəy bildirib: “Vaxtilə Mikayıl Müşfiq, Hüseyn Cavid, Cəfər Cabbarlı kimi şəxsiyyətlər həqiqət uğrunda, Vətən uğrunda şəhid oldular. Və Turan uğrunda şəhid oldular. Və görürsünüz ki, qələbələr, torpaqlarımız işğaldan azad olundu. Bu hələ başlanğıcdır. İnşallah, hələ Azərbaycan daha da bütövləşəcək və bütöv bir Turan dövləti qurulacaq. Onların yanında bir dost kimi İsrail, yəhudilər də olacaq. Yaşasın Turan, Azərbaycan və İsrail dostluğu, qardaşlığı”.
“Üç övladım var. İki qızım – Nəfəs, Fatimə və İlkin adlı oğlum var. Fatimə ilə İlkin subaydırlar. İnsanın alnına nə yazılıbsa, o da olur. Nəfəs atasının razılığı ilə 16 yaşında ailə qurdu, qismət”.
Teref.az bizim.media-ya istinadən bildirir ki, bu sözləri müğənni Nəfəsin anası qonaq olduğu “Zaurla Günaydın” səhər şousunda deyib.
Sənətçinin anası bildirib ki, qızının müğənni olmasına atası qarşı çıxıb:
“Nəfəs kiçik yaşlarından müğənniliyə çox həvəsli idi. Sonradan atası ona problemlər yaratdı. Ancaq niyyətin hara, mənzilin də ora. Hazırda Nəfəsin iki övladı var. Nəvələrimə mən baxıram və hər zaman dəstəyəm.
Nəvələrimin dayəsi olsa da, anası da mən də qayğımızı onlardan əsirgəmirik. Nəfəs çox əziyyət çəkir. Çalışır ki, övladlarını necə lazımdır yaşatsın”.
Qeyd edək ki, Nəfəs illər əvvəl həyat yoldaşından boşanıb. Müğənninin atası isə dünyasını dəyişib. Nəfəs müsahibələrinin birində anasının gənc yaşlarında ailə qurduğunu, lakin daha sonra boşandığını etiraf edib. O, anası ilə eyni taleyi bölüşdüyünü söyləyib.
Bayden administrasiyası “TikTok” sosial platformasını ABŞ-nin milli təhlükəsizliyinə təhdid kimi görür.
Bizim.Media xəbər verir ki, bunu ABŞ-ın dövlət katibi Entoni Blinken bildirib.
Blinken qeyd edib ki, məhz bu səbəbdən “TikTok” bu və ya digər şəkildə aradan qaldırılmalıdır.
Türkiyəli müğənni Doğuş həyat yoldaşı, aparıcı Xoşqədəm Hidayətqızıdan şikayətlənib.
Hurriyyet.az xəbər verir ki, bu sözləri “Günaydın, Azərbaycan” verilişində qonaq olan aşıq Zülfiyyə İbadova söyləyib.
Doğuş isə həyat yoldaşının mətbəx bacarığı haqqında bunları deyib:
“Özü də təəccüblənir ki, necə bu qədər gözəl yemək bişirə bildim? İldə iki-üç dəfə yemək bişirdiyi üçün dadını ala bilmirəm”.
Onun dediklərinə Xoşqədəmin reaksiyası isə belə olub: “Bu, nə sözdür deyirsən? Yeməklərə, gördüyüm işlərə sevgi qatıram. Kompleksim yoxdur. Deyirlər ki, bütün günü oynayırsan. Öz evimdəyəm, niyə oynamayım”.
Britaniyalı müğənni-bəstəkar Ed Şiran haqqında “The Sum of It All” mini-sənədli serialının premyerası mayın 3-də “Disney+”da baş tutacaq.
Dörd epizoddan ibarət layihə Şiranın kəkələyən uşaqdan stadion inşa edən super ulduza qədər olan həyat səyahətini nümayiş etdirəcək.
Qeyd olunur ki, serialda musiqiçinin şəxsi arxivindən əvvəllər dərc olunmamış kadrlardan, həmçinin Şiran və ailəsi ilə yeni müsahibələrdən istifadə olunacaq.