 |
|
|
"Oğluma görə çox darıxıram. ABŞ-a onun yanına tez-tez gedirəm. Bu ay o qədər təyyarə bileti almışam ki, artıq gələn ayın "avansı"nı yavaş-yavaş ödəməyi bitirirəm. İşdən söylədilər ki, dörd gün istirahət edə bilərsən. Düşündüm yenidən oğlumun yanına gedim, sonra biletin pulu yadıma düşdü. Özümə dedim ki, getmə".
Teref.Az bizim.media-ya istinadən bildirir ki, "Çiçək" ləqəbi ilə məşhurlaşan teleradio aparıcısı Şəhla Vakkas qonaq olduğu "Səhər mərkəzi" verilişində deyib.
ABŞ-da oxuyan oğlundan söz açan teleradio ulduzu onun təhsilindən danışıb:
"Oğlum iyunda səkkizinci sinifi bitirir. Qalan təhsilinin dörd ilini də ABŞ-da yekunlaşdıracaq. Amma verəcəyi imtahanlardan çox şey asılıdır. ABŞ-da imtahan verdi, sonra başladı ağlamağa. Hərçənd oğlum ingilis dilini səlist bilir və bu dildə təhsil alır... Dedi ki, yerlə göy qədər fərq var. Yəni ingilis dilini mükəmməl bilən uşağım gedib ABŞ-da imtahan verəndə, sən demə, heç nə bilmirmiş.
Söylədi ki, heç zaman düşünməzdim ki, belə bir suallarla - sinonim-antonimlərlə və bu tərz sözlərlə qarşılaşım. Ona görə buradan valideynlərə demək istəyirəm ki, əgər övladınızın istəyi xaricdə məktəb oxumaqdırsa, mütləq o üzrə övladlarınızı yönəldin. Çünki çox fərq var. Elə bil ki, hər şeyi biz sıfırdan başlayırıq. Çox fərq var".
Çiçək bildirib ki, oğlunu oxumağa məcbur edib:
"Oğluma deyirəm ki, görsəydim ki, səndə baş yoxdur, hansısa sənəti öyrənməyə yönəldərdim. Gedərdin avtomobil ustası olardın və sairə. Nəyə istedadın varsa, o üzrə də sənət seçərdin. Amma baxıb görürəm ki, oğlumda riyaziyyat başı var. Ona görə mən oğlumu silkəyə-silkəyə oxutmuşam. Hamı mənə söyləyirdi ki, özünə yazığın gəlsin.
Övladım ağlayırdı, mən ağlayırdım... Amma düşünürəm ki, istədiyimə nail oldum. Çox şükür! Valideynlərə buradan səslənirəm ki, qızlar özləri oxuyur. Amma oğlan övladlarından vaz keçməyin. Tutun, onları silkələyin. Bu çox vacibdir".
Sosial şəbəkədəki paylaşımlarına görə tez-tez müzakirə olunan müğənni Roza Zərgərli bu dəfə açıqlaması ilə diqqət çəkib.
DİA.AZ-ın Lent.az-a istinadən məlumatına görə, o, “Şou-Mall” verilişində qonaq olarkən, Xalq artisti Polad Bülbüloğlu ilə rəqs etməsi barədə danışıb.
Onun fikrincə, Polad Bülbüloğlu çıxış edən zaman onun səhnəsinə girmək tərbiyəsizlikdir:
"O, oxuyanda mən kulisdə oynayırdım. Bütün xalq artistləri, görkəmli sənətkarlar arxamdan itələdi ki, səhnəyə çıx. Yoxsa, mən səhnəyə çıxmağa utanardım. Sənətkardır, onun səhnəsinə girmək tərbiyəsizlikdir. Yəni mən elə sayıram. Amma hərə bir tərəfdən dedi, çıxdım. O da məni gördü, bildi ki, elə addım atmaram. Ziyafətdə də çox gözəl sözlər dedi, çox fəxr etdi.
Bu, mənim üçün ən böyük tərifdir. O, mənim üçün ən böyük şöhrət idi. Çünki uşaqlıqdan pərəstişkarı olmuşam. Bundan başqa, dahi Bülbülün yadigarıdır. Ona toxunmaq, salamlaşmaq, bir foto çəkdirmək əbədi bir yadigardır”.
Qeyd edək ki, Roza Zərgərli Qazaxıstanda TÜRKSOY-un keçirdiyi konsert zamanı Xalq artisti Polad Bülbüloğlu ilə birgə rəqs etmişdi.
Xərçəng xəstəliyinə yoluxduğu deyilən Əməkdar artist, müğənni Aygün Bəylərin yeni fotosu yayılıb.
Teref.az lent.az-a istinadən xəbər verir ki, fotonu onun həmkarı Nigar Camal öz sosial şəbəkə hesabında paylaşıb.
Nigar paylaşıma "Belə bir sənətkarla bir arada olmaq, onun səsini dinləmək elə özü bayramdır! Sizi çox sevirəm, Aygün xanım! Yaxşı ki, Azərbaycan incəsənətində sizin kimi dəyərli bir sənətkar var", - deyə, yazıb.
Qeyd edək ki, 4-cü dərəcəli xərçəng xəstəsi olması deyilən Aygün Bəylər 6 aydır sağalıb.
Xatırladaq ki, ötən ilin dekabr ayında Prezident İlham Əliyev Əməkdar artist Aygün Bəylərə ev hədiyyə edib.
Sosial media hesablarının oğurlanması və ya müxtəlif yardım kampaniyaları zamanı dələduzların qurbanına çevrilməsi son günlər xeyli aktivləşib.
Sosial şəbəkədən dələduzluq üçün istifadə edən bir qrup şəxslər insanların inamından istifadə edərək onlara həm maddi, həm də mənəvi ziyan vurular.
Elan saytları, sosial şəbəkə hesablarının oğurlanması, işə düzəltmək, kimsəsizlərə yardım etmək adıyla bir çox insan sosial şəbəkədə qurbana çevriliblər.
Sosial şəbəkədə birmənalı qorunmaq mümkün olmsa da, lakin bəzi məqamları bilmək dələduzların qarşısını almağa yarım edir.
Ətraflı AZTV-nin videomaterialında izləyə bilərsiniz:
Azərbaycanın builki “Avroviziya” mahnısı təqdim olunub.
Mahnı “Avroviziya”nın rəsmi “Youtube” səhifəsində yayımlanıb.
Xatırladaq ki, “Avroviziya-2023” mahnı müsabiqəsi bu il 9-13 may tarixlərində Böyük Britaniyanın Liverpul şəhərində keçiriləcək. “Avroviziya-2023” Beynəlxalq Mahnı Müsabiqəsində Azərbaycanı TuralTuranX dueti təmsil edəcək.
"Şikayətim Elmi-Tədqiqat Travmatologiya və Ortopediya İnstitutunda qeyri-rəsmi çalışan rezident Ağa Mirməhəmməd Mirhaşım oğlundandır. 16.12.2022-ci il, 21:30 radələrində yoldaşım Ceyhun Heydərov avtomobil qəzası keçirmiş elə həmin gün Travmatologiya İnstitutuna müraciət etmişdir. İlkin baxış və rentgen müayinələrindən sonra özünü həkim kimi təqdim edən Ağa Mirməhəmməd rentgen nəticələrini düzgün oxuya bilməmiş və yoldaşımı arxayın edərək heç bir sınıq olmadığını, əzilmə və sıyrıq olduğunu demiş, xəstəni evə yola salmışdır". DİA.AZ bildirir ki, bu sözlər şikayətçi Gülyaz Əbilova-Heydərovanın müraciətində yer alıb.
Narazı vətəndaş daha sonra bildirir: "Bir neçə gün sonra ayağın göyərdiyini və şişdiyini gördüyümüz üçün yenidən Travmatologiya İnstitutuna müraciət etmişik. Bu dəfə bir digər həkim travmatoloq 16.12.2022-ci ildə çəkilmiş elə həmin rentgen nəticələrinə baxaraq ayağın topuq nahiyəsində sınıq olduğunu aşkar etmiş. Təkrar KT müayinəsi etdirmiş və sınıq olduğunu tam dəqiqliklə təsdiqləmişdir. (Eyni zamanda tam əmin olmaq üçün özəl klinikalardan birinə də müraciət etmişik)
Sınıq ilk gün Ağa Mirməhəmməd tərəfindən aşkarlanmadığı və dəqiq diaqnoz qoyulmadığı üçün sınıq yerdəyişmiş və nəticədə yoldaşım Ceyhun Heydərov 30.12.2022-ci ildə əməliyyat keçirmişdir.
Əməliyyatdan bir neçə gün sonra Ceyhun Heydərov çox sakit və təmkinli bir şəkildə həmin şəxslə əlaqə saxlayıb, etdiyi səhvin nəticələrini özünə bildirmək istəyərkən şəxs-Ağa Mirməhəmməd Mirhaşım oğlu həkim peşəsinə və insanlığa sığmayan ifadələr işlədərək xəstəni təhqir edir, hədələyir, videodan da gördüyünüz kimi kriminal avtoritet kimi danışır, xəstəni və yaxınlarını "görüş"ə dəvət edir. Zərərçəkmişə "Sənin əməliyyat olunmuş ayağını sındıraram (gerisini ifadə etməyə tərbiyəm yol vermir)" deyir. Ailə böyüklərimiz onunla əlaqə saxlamaq istəyərkən yenə eyni tərzdə hədə-qorxu gəlir, asıb-kəsməklə hədələyir.
Qeyd edim ki, yoldaşım Tip 2 Diabet olduğunu üçün əməliyyat və sonrakı proses çox çətin və həyəcanlı keçdi. Əgər həmin gün doğru diaqnoz qoyulsa zərərçəkmiş əməliyyat olunmayacaqdı. Hələ də xəstə sağalmayıb.
Bu insan isə etdiyi səhvi etiraf edib üzrxahlıq etməksəndə, küçə ifadələri işlədir.
Bu şəxs hal-hazırda International Medical Center klinikasında travmatoloq-ortoped kimi çalışır. Diqqətli olun və tanıyın.
Yazdığı tövsiyə vərəqəsində isə nə adını doğru qeyd edib nə də nömrəsi var.
Qeyd edim ki, bu haqda Elmi-Tədqiqat Travmatologiya və Ortopediya İnstitutunun rəhbərliyinə və
Azərbaycan Respublikası Səhiyyə Nazirliyinə yazılı şəkildə rəsmi müraciət etsək də hələ heç bir nəticə əldə edə bilməmişik".
İddia olunanlarla bağlı teref.az olaraq qarşı tərəfi də dinləməyə hazırıq...
