ABŞ-da daimi yaşamaq, işləmək imkanı yaradan “Greencard” lotereyasının nəticələri açıqlanıb. Bakupost.az xəbər verir ki, tanınmış aktyor Səfa Mehdi qaliblər sırasında yer alıb. Sosial şəbəkə hesabında paylaşım edən gənc aktyor ölkəni tərk edəcəyini bildirib: “Greencard cavabları çıxdı. Bizə də yol görsəndi, əziz izləyicilər. Hər şey üçün təşəkkür edirəm, artıq bu ölkəyə məni bağlayacaq bir şey qalmadı. Əlvida, dostlar”.
Oğuzhan Koç və Demet Özdemirin boşanacağı tarix bəlli olub.
Cütlük növbəti həftənin bazertəsi günü evliliklərini sonlandıracaqlar. Ötən ilin avqustunda ailə quran sənətçilər Adalar məhkəməsində səhər saat 10-da hakim qarşısına çıxacaq.
“Son 2 ildə görün nə qədər sənətkarlarımızı itirdik. Məni ən çox yandıran Baloğlan Əşrəfovun ölümü oldu. Onun ölümü ilə heç cür barışa bilmirəm. Allaha xoş getməz, sitəm etmək olmaz. Amma onun ölümü mənə o qədər pis təsir edib ki. Əvvəllər rayona gec-gec gedirdim. İndi tez-tez gedirəm ki, onu bəhanə edib, gedib həmdə ziyarət edim. Gedəndə də ziyarət edirəm, gələndə də. Bəzən yuxuma da girir, amma yadımda qalmır. Zöhrə Abdullayeva, Aslan Hüseynov, Arif Quliyev və s. sənətkarlarımız dünyalarını dəyişdilər. Pandemiya görün bizdən kimləri aldı. Hər insan gündə 3 dəfə öz ölümünü yadına salsa, vallah pislik etməz. Pisliklə dünyanı tutub, hara gedəcəksiniz? Mahnı üstündə qırğın edirlər, ay bala, goruna aparacaqsan?! Mahnı oxunmaq üçündür də. Mənim mahnılarımı bütün el-aləm oxuyur. Halal xoşları olsun. Mahnı oxunduqca yaşayır. Müğənnilər tanıyıram ki, kimlərsə onların mahnılarını oxuduqlarına görə məhkəməyə veriblər. Ayıbdır!”
DİA.AZ bildirir ki, bunu Moderator.az-a açıqlamasında tanınmış və sevilən müğənni Nazənin Salayevadeyib. Sənətçi kiçik oğlu Orxanın qısqanc olduğunu bildirib.
“Kiçik oğlum Orxan qısqanc idi. Adımı daşıyan nəvəm Nazəninə görə qısqanclıq edirdi. İndi Nazəninlə ulduzu barışıb, balaca Rəhimlə yola getmir. Tək böyüyən uşaqlar axı aqressiv olurlar. Orxan bir az nisbətən şıltaqlıqlarını qoyub kənara. Əvvəlki Orxan deyil. Əvvəl otağına buraxmırdı uşaqları. Mənə göz-qaş edirdi ki, getsinlər. Bilmirəm hansı sənətin sahibi olacaq?! Elə yaş dövrüdür ki, hələ fikirləri dağınıqdır. Gecə başqa sənət deyir, səhər başqa sənət” deyə müğənni bildirib.
“Fəxri adınız yoxdur. Bu sizin üçün önəmlidir?” sualına müğənni belə cavab verib.
“Xeyr, fəxri adın mənim üçün heç bir önəmi yoxdur. İnsana ad bir dəfə valideyni tərəfindən verilir. Siz heç eşitmisiniz ki, desinlər Amerikanın xalq artisti? Dünyanın heç bir yerində belə şey yoxdur. Bu Sovetdən qalma ən-ənədir. Birinin maaşı 60 manatdır, birinin maaşı 120 manat. Sözün düzünü deyim ki, heç gözləntim də yoxdur. Xalq bizi sevir. Xalqın sevimli müğənnisi adı hər şeydən üstündür. Əlbəttə ki, dövlətin verdiyi fəxri ad daha şirin olur. Bəzən hansısa sənət yoldaşlarım inciyir. Vallah, Allahın qismətində varsa veriləcək, yoxdursa verməyəcəklər. Buna görə məyus olmağa dəyməz” deyə sənətçibildirib.
"Tik-Tok" sosial şəbəkəsində özünü xeyriyyəçi kimi tanıdan Hüseynov Xəqani (Xaqocan) həbs edilib. Teref.az "shownews.az”a istinadən xəbər verir ki, Nərimanov Rayon Məhkəməsinin qərari ilə H. Xəqani 10 sutka azadlıqdan məhrum edilib.
Müğənni Ülviyyə Namazova qalmaqallı “Evli bir insan sevirəm” mahnısı haqda paylaşım edib. DİA.AZ “Sherg.az”a istinadla xəbər verir ki, bununla bağlı o, İnstaqramda video paylaşıb. “Bəziləri bu mahnını sevmir, deyirlər, ailə dağıdan mahnıdır. Daha xəbərləri yoxdur ki, bəziləri evli ola-ola namusdan dəm vururlar, uşaqları gözü yaşlı qoyurlar. Bunu subay bir etsə, adamı yandırmaz. Evli ola-ola min hoqqadan çıxanlar edir. Bu bir mahnıdı və sevilir, dinlənilir”, - deyə, Namazova bildirib.
Aktyor Həsrət Həsrətov "Komedixana"dan gedən aktyorlar haqqında danışıb.
O, "Günaydın, Azərbaycan" proqramında vaxtı ilə "Komedixana" kollektivi ilə qalmaqal yaşayan aktrisa Firuzə Balayevaya da söz "atıb".
Həsrətov bu həmkarları haqda bu sözləri deyib:
"Gələnə də, gedənə də qapımız açıqdır. Bizim komandada işləmək çətindir. Ənvər elə bir nizam-intizam qaydaları qoyub ki, ondan heç kim küsüb gedə bilməz. Sağlam rəqabət var. Kimsə rəqabətə dözür, kimsə yox. Bu onların şəxsi işidir. Biz heç kimi yola salmırıq".
Ənvər Həsənov da həmkarının fikirlərini təqdiqləyib. Bundan başqa, aparıcı Xoşqədəm Hidayətqızının "Ən bahalı aktyor kimdir?" sualına Həsrət "Müşviq Şahverdiyevdir. Onun da işi məhkəmədədir. Rəqəm açıqlamayaq, amma hələ 5 məhkəməsi var" - cavabını verib.
Qeyd edək ki, Firuzə Balayeva "Səhərin səsi" verilişində qonaq olarkən "Komedixana" haqqında "Mən ağıllı insanlarla işləməyi sevirəm, bir az "şiti çıxarılan" yer mənlik deyil" kimi fikirlər səsləndirmişdi.
"İnstaqramda, Tiktok-da nə paylaşırsan deyirlər ki, "bu evli deyil, bunun iki uşağı yoxdur bəs?!".
Milli.Az xəbər verir ki, bunu meyxanaçı Pərviz Bülbülə Tolikin aparıcısı olduğu verlişdə Türkanın ona qarşı qısqanclığı olduğu ilə bağlı sualı cavablandırarkən bildirib.
Bülbülə bu mövzuda efirlərin birində qarşılaşdığı hadisəni xatırladıb:
"Efirlərin birində qonaq oldum. Bir xanım ifaçı sağımda oturmuşdu, bir xanım ifaçı solumda. Hər ikisi duet oxuduğum ortaqlar idi. Aparıcı sual verdi ki, "Bəs, sən bezmədin bu duet ortağı qızları dəyişməkdən?", dedim "sən bezmədin evdəkinin vermədiyi sualı verməkdən?".
Xəbər verdiyimiz kimi, tanınmış stilist Anar Ağakişiyev Xalq artisti Aygün Kazımovanı təhqir edib. Bakupost.az xəbər verir ki, onun Xalq artisti ilə bağlı fikirləri sosial şəbəkələrdə birmənalı qarşılanmayıb və tənqid olunub. Stlist müzakirələrə cavab olaraq bildirib ki, Ayügn Kazımova da illər öncə onu təhqir edib: “İllər öncə ATV kanalında yayımlanan “Xeyir ola” verilişində canlı yayımda məni təhqir edib, ələ sala-sala “kosoy Anar” deyib. Önəm vermədim. Lakin yenə də anlayıram ki, hər bir insana yerində cavabını vermək lazımdır. Mən susduqca elə bilir ki, həmişə susacam. İllər keçir, bu, davam edir. Haqqımda dosta, tanışa təhqiredici səsli mesajlar söyləyir. Nə vaxta qədər susacam? Öz aləmində mənə ləqəb qoyub -“kosoy””, - deyə stilist instaqram storisində vurğulayıb.
“Müğənni həmkarlarımın bəziləri çox lazımsız hərəkətlər edirlər. Vallah mən onlara həmkarlarım deməyə utanıram. Bir-birlərini gözləri götürmür, onun sözü bunun boğazından keçmir. Onlar bədbaxt, yazıqdırlar. Hələ də özlərini tapmayıblar. Özünü tapan, nə istədiyini bilən insanlar heç vaxt bunu etməzlər. Səslə yox, estetik, kobud əməliyyatları ilə rəqabət aparırlar. Hamı bir-birinə oxşayır. Radioda eşidirsən ki, müğənni oxuyur, səsi 100 müğənninin səsinə bənzəyir. Səsləri də eynidir, səs aparatı vasitəsilə düzəldirlər. Öz üslubları, tərzləri yoxdur. Çalışırlar ki, kimlərisə yamsılasınlar. Bəzən o dediyim müğənnilərlə bir məclislərə düşürəm. İstər-istəməz bir yerdə oluruq. Söhbətləri ancaq plastik əməliyyatdır. O deyir ki, burnumu kəsdirmişəm, bu deyir ki, başqa yerimi. Sənətlə yox, özləri ilə məşğuldurlar”.
TEREF.AZ bildirir ki, bunu Moderator.az-a açıqlamasında tanınmış müğənni Səidə Dadaşova deyib.
“Dünya ulduzu, mənim də çox sevdiyim Maykıl Cekson öz mahnılarını yazdıranda onu psixoloqlara, həkimlərə, və s. sənət sahiblərinə dinlətdirib, daha sonra ortaya çıxarırdı. Bu hələ dünya ulduzudur. Bunu o edirsə, biz kimik ki? Bizim cılız müğənnilər, müğənniciklər onun yanında heç kimdir! Mən mahnılarımı ilk əvvəl atama dinlədərdim. Aslan Hüseynova dinlətdirərdim. İndi onları həyat yoldaşım əvəz edir. Onun da musiqidən başı çıxır. Müğənni güvəndiyi insanla gərək məsləhətləşsin. Zövqlər müxtəlifdir. Mənim zövqümə qalsaydı başqa mahnılar ifa edərdim. Biz insanlar üçün çalışırıq. Müğənnilər çalışır ki, trenddə qalsınlar. Əsas trend yox, ürəklərdə, yaddaşlarda qalmaqdır” deyə müğənni bildirib.
Müğənni atası, xalq artisti Rafael Dadaşovdan da danışıb.
“Məni atam həmişə belə mərd, sözü üzə deyən, haqqı tələb edən biri kimi görmək istəyirdi. Yaxşı ki, onun istədiyi kimi övlad oldum. Atamın çoxlu şeirləri var. Çox istərdim ki, onları kitab halında çap edim. Tək əldən səs çıxmır. İnanıram ki, mənə dəstək olacaqlar. Atam özü getdi, amma ona qarşı olan böyük sevgi hələ də yaşayır. Yazdığı şeirləri bəzən gizlədirdi. Mən gedib baxmaq istəyirdim. Deyirdi ki, “qızım, onlara dəymə, o mənim özəlimdir”. İlhamə Quliyeva, Manana, Lalə Məmmədova və s. müğənnilər atamın yazdığı mahnıları ifa ediblər” deyə müğənni bildirib.
Bu gün Audiovizual Şuranın onlayn formatda növbəti iclası keçirilib.
İclasda "İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin və Azərbaycan Respublikası Audiovizual Şurasının birgə fəaliyyətinə dair 2024-cü ilədək Tədbirlər Planı"na uyğun olaraq hər iki orqan tərəfindən reklam yayımları ilə bağlı həyata keçirilən monitorinqlərin nəticələri müzakirə olunub.
Antiinhisar və İstehlak Bazarına Nəzarət Dövlət Xidməti tərəfindən Azərbaycan Respublikası Audiovizual Şurasına ünvanlanmış müraciətlərə əsasən həyata keçirilmiş audiovizual proqramlarının monitorinqi nəticəsində bir sıra televiziya redaksiyalarının efirində "Reklam haqqında" Azərbaycan Respublikasının Qanununun 29.5-ci maddəsinin tələbinin (hamiləliyin süni yolla pozulması və süni mayalanma üzrə tibbi xidmətin reklamı qadağandır) pozulması faktı qeydə alınıb. Belə ki, 25 aprel, 26 aprel və 27 aprel 2023-cü il tarixlərində "Xəzər TV", 28 mart, 04 aprel və 26 aprel 2023-cü il tarixlərində "ATV", 28 mart 2023-cü il tarixində "ARB", 10 mart 2023-cü il tarixində "Dünya TV" televiziya redaksiyalarının efirində süni mayalanma üzrə tibbi xidmətin reklamına yol verilməsi halları aşkarlanıb.
Aparılan müzakirələrdən sonra Azərbaycan Respublikası Audiovizual Şurası "Xəzər TV" MMC-yə, "Azad Azərbaycan" Müstəqil Tele-radio Kompaniyasına, "ARB 24" MMC-yə, "Dünya" Müstəqil Televiziya və Radio Şirkəti Redaksiyasına bir daha belə halın təkrarlanacağı təqdirdə ciddi inzibati sanksiya tətbiq ediləcəyi ilə bağlı xəbərdarlıq edib.