"Avroviziya" Beynəlxalq Mahnı Müsabiqəsinə bir ay qalmış demişdim ki, təmsilçilərimiz finala keçə bilməyəcək. Nəticə də elə oldu. Düşünürəm ki, Avropa üçün gələn il maraqlı personaj müğənni Nərmin Kərimbəyova ola bilər. Çox gözəl mahnıyla ölkəmizi təmsil edə bilər".

Bu sözləri Teleqraf.com-a açıqlamasına məşhur stilist Anar Ağakişiyev deyib.

Stilist işlədiyi türk məşhulardan əldə etdiyi gəlirdən də danışıb: "Hər həftə Türkiyəyə gedirəm. Həftədə üç dəfə orada toy mərasimim olur. Üç ildir ki, Demet Akalın və Bülent Ersoyu bəzəməyə gedirəm. Sübut edə bilərəm ki, pulsuz heç kimə heç nə etmirəm. Mənə çox təkliflər var. Aşağı qiymətə getmirəm. Bülent Ersoy biletsiz 1200 manat göndərib. Biletimi də alıb verirlər. Mən 1500-3000 manata gedirəm"

Anar Ağakişiyev "Xarici ölkədə eviniz varmı" sualına isə "Kim deyir ki, mənim Avropada evim yoxdur. İnşallah Amerikadan da ev alacam. Amma hələ ki, ora uzaqdır",- deyə cavab verib.

Qeyd edək ki, "Avroviziya-2023" mahnı müsabiqəsində "Tell me more" mahnısıyla Tural və Turan Bağmanov qardaşları birinci yarımfinalda səhnəyə çıxıblar. Onlar müsabiqənin final mərhələsinə çıxa bilməyiblər.

Bir neçə saat əvvəl, dostum Hacıbəy Heydərli ilə televiziyaların birində canlı yayımlanan verilişin qonağıydıq. Mövzu “Tik-Tok”dakı maliyyə maxinasiyaları idi. Verilişə bir neçə gün əvvəl Türkiyədə saxlanılan və sonra azadlığa buraxılan tanınmış “Tik-Tok”er Səfər Eyvazovu canlı qoşdular.
Səfər dedi ki, o studiyada bir jurnalist var… Dərhal kameralar məni çəkdi. Aparıcı sual verdi: Məhəmmədəli Qəriblini deyirsən? Şübhələrin mənə getməyi əsaslı idi. Çünki həmin adamla mənim aramda bir neçə dəfə qalmaqal olub. Son hadisələr bir daha göstərdi ki, mən haqlı olmuşam.
Səfərin cavabı hamını təəccübləndirdi. Dedi ki, yox, Hacıbəyi nəzərdə tutur və hansısa verilişdə həmkarımızın səsləndirdiyi fikirdən əsası olmayan bir narahatlığını ifadə etdi.
Mənə ən maraqlı gələn Hacıbəyin ona verdiyi cavab oldu: “Deyəsən, Məhəmmədəliyə gücü çatmır, mənim adımı çəkir”.
Etiraf edim ki, Səfərin bu cavabı çoxlarının ürəyincə olmadı.
Məqsəd Səfərlə məni üz-üzə gətirib, ciddi qalmaqal yaradıb həm reytinq yığmaq, həm də prosesi idarə edən birinin yanında xal qazanmaq idi. Həmin çevrə bir güllə ilə iki hədəfi vurmaq istəyirdi. İş burasındadır ki, milyonlarla pulu dövr etdirən Azərbaycandakı “Tik-Tok” mafiyasının əli hər yerə uzana bilib.
Onların başlıca məqsədi, əməllərindən məlumatlı olan, bunu ictimailəşdirməkdən çəkinməyən jurnalistlərin linc edib, hörmətdən salmaqdır. Səfər Eyvazov ayıq düşdüyü üçün, bu dəfə “tırkaya” getmədi. Əvvəl asanlıqla onu belə provakasiyalara çəkə bilirdilər. Hacıbəyin cavabı isə planın ifşa olunmasına verilən ən aydın izah idi…
Məhəmmədəli Qəribli
Teref.az

Tanınmış azərbaycanlı müğənninin 12 saatlıq əməliyyat zamanı ürəyi dayanıb - VİDEO

Müğənni Bahar Lətifqızı ölümlə üz-üzə qalıb.

Teref.Az bizim.media-ya istinadən bildirir ki, sənətçi qonaq olduğu "Günün sədası" verilişində bildirib ki, əməliyyat zamanı ürəyi dayanıb.

"12 saatlıq əməliyyat keçirdim. Həkimimin savadı nəticəsində sağ qaldım. 12 saatlıq əməliyyatda ürəyim dayandı. Ürəyimə defibrillyator aparatı qoşuldu (ağır ürək aritmiyalarının elektropulse terapiyası üçün tibbdə istifadə olunan cihaz). O aparat vasitəsi ilə məni ayıltdılar.

Bircə onu bilirəm ki, Allah məni nə qədər sevirmiş. Canımı Allaha fəda etməyə hazıram. Allah bu dəqiqə övladlarımı almaq istəsə, üsyan etmərəm. Çünki Allahın varlığına çox inanıram.

Məhz buna görə də mən ayaq üstəyəm. Oğlumun 12 yaşı var, deyirdi ki, getmə əməliyyata, qorxuram sənə bir şey olar. Allahım balalarım üçün məni qorudu", - deyə Bahar vurğulayıb.