“Allahdan həmişə özümə ruzi-bərəkət, can sağlığı arzulamışam. Heç vaxt ikinci dəfə ailə həyatı qurmaq istəməmişəm. Bəzən deyirlər ki, Gövhər xanım, maşallah heç qocalmırsınız, baxımlısınız. Soruşurlar ki, niyə 2-ci dəfə ailə həyatı qurmadınız? Neynirəm əri? Ər adamı qocaldır. Mənim ərə gedən vaxtım da deyil. Bir kişi ilə evin içərisində qala bilmərəm, ataram onu bayıra. Sərbəstliyə öyrəşmişəm”

DİA.AZ xəbər verir, bunu Moderator.az-a açıqlamasında əməkdar artist Gövhər Rzayeva deyib. O daha sonra əlavə edib.

“Bu qadınlar üçün çox ağır sənətdir. Qadın ailədə, övladlarının yanında olmalıdır. Vaxt-bivaxt gedib gəlirik, gecələr yuxusuz qalırıq. Kənardan baxana bəlkə də asan görünə bilər. Əsl halal qazanc biz musiqiçilərindir ki, zəhmət çəkirik, alın təriylə pul qazanırıq. Buna görə də övladlarımın bu sənətdə olmasını istəmədim. Özləri də istəmədilər, gərək insanın canından gəlsin. Qızım oxuyurdu, dedim ki, bu sənətdə akulalar var, səni udarlar. Onu sənətdən özüm uzaqlaşdırdım” deyə əməkdar artist bildirib.

Gövhər xanım bildirib ki, bir çox sənətkarlarla qonşu olub.
“Uşaqlarım balaca idi, anamın yanına qoyub işlərimə qaçırdım. Anam bu işlərdə mənə kömək edib. “Sovetski” məhəlləsində böyümüşəm, çox adam qorxudan məhəlləmizə gəlmirdi. Çünki oranın öz qayda-qanunları var idi. Zakir Mirzəyev, Aftandil İsrafilov, Firuzə İbadova, Nisə Qasımova, Zeynəb Xanlarova, Yaşar Nuri və s. sənətkarlar bizim məhəllədən çıxıb, qonşu olmuşuq. Bəzən deyirlər ki, uşağım kiməsə qoşuldu pis yollara düşdü. Qətiyyən belə deyil. Zorla heç kimi harasa aparmırlar” deyə sənətkar bildirib.

Gövhər Rzayeva efirlərdən narazılığını da dilə gətirib.

“Əvvəl efir repertuarı başqa idi, toy repertuarı tamam başqa. İndi efirlərdə ancaq toy mahnılarıdır. Başa düşürəm, kasıbçılıqdır, pul qazanmaq lazımdır. Amma sənəti də unutmaq olmaz” deyə musiqiçi deyib.

Qarmon ifaçısı sənətdəki qalmaqallardan da danışıb.

“Mənim heç kimdə işim yoxdur. Bir adam da deyə bilməz ki, Gövhərdən incimişəm. Hərənin öz işi, öz ev-eşiyi var. Məndən kimisə soruşanda çatışmazlıqlarını demirəm, onu tərifləyirəm. Bilirəm ki, bir kəlmə desəm, beşini də o qoyub çatdıracaq. Bu sənətə gələndə anam dedi ki, qulağını kar, gözünü kor, dilini lal et. Mən kiməsə pislik etməklə kimə neynirəm ki?! Haqsızlığı götürmürəm. Bir də görürsən ki, üzdə bir cürdür, arxada başqa cür” deyə əməkdar artist bildirib.

Ölkədə “TikTok”a giriş rəsmi şəkildə məhdudlaşdırılmasına baxmayaraq, bu qanunları görməməzliyə vurub müəyyən qadağan olunmuş proqramlar vastəsi ilə “TikTok” platformasına qeyri-qanunu girişlər edib, müxtəlif şoular keçirənlərin sayı durmadan artmaqdadır.

Bu dəfə keçirilən yarışda finala qalanlardan biri hamının tanıdığı, inzibati qaydada dəfələrlə məsuliyyətə cəlb olunan, hətta bir dəfə İnzibati Xətalar Məcəlləsinin 510 (xırda xuliqanlıq) və 535-ci (polisin qanuni tələbinə qəsdən tabe olmama) maddələri ilə barəsində 15 sutka müddətinə həbs qərarı verilən hamının (Baboş) ləqəbi ilə tanıdığımız Babək Cabbarovdur.

“Baboş” izləyicilər tərəfindən cinsi azlıq nümayəndəsi kimi tanınır, hətta bir neçə dəfə onun yayılan səs yazılarında da bunu özü etiraf etdiyi məlum olur. Digər finalçı isə, “Magerramov” ləqəbi ilə tanınan, söyüş və təhqirə görə “Baboş”dan heç də geri qalmayaraq dəfələrlə inzibati qaydada məsuliyyətə cəlb olunan, hətta 2 dəfə barəsində həbs qərarı çıxarılan Əmrah Məhərrəmovdur. Loru dildə desək, sosial şəbəkə istfadəçilərinin qəhrəmana çevirdiyi 2 “ZEK”in finalıdır.

Finalda isə “Baboş”a 50000 manata yaxın hədiyyə göndərildi. Əsasən də İstanbulda yaşayan iş adamı "İstanbul 100" ləqəbi ilə tanınan Tural Abbasovun göndərdiyi 40000 manatdan çox ona jest olması gündəm olub.

Oyun bitəndən sonra isə ara sakitləşmir. Digər dəstəkçilər “Baboş”un dəstəklənməsini qınayırlar. Həqiqətən qınanılası və biyabırçlıqdır. Bu məbləği Şəhid və qazi ailələrinə yardım etmək daha da faydalı olmazdımı?

Hələ bunlar azmış kimi, tərəflərin bir-biri ilə konfrans zamanı "İstanbul 100" ləqəbi ilə tanınan Tural Abbasov, əslən Naxçıvandan olduğu deyilən Fuad Hüseynov bütün Azərbaycan xalqını və çoxsaylı sosial şəbəkə izləyicilərini ağır söyüşlərlə təhqir edir. Fuad Hüseynov “Mənə bu Respubilkada nəisə deyə biləcək şəxsləri…” qurşağından aşağı söyüşlər söyməklə bir sözlə desən söyüşlərini dayandırmaq bilmir.

Ağlına yox, ağzına gələni danışan bu şəxs və şəxslərə görə Azərbaycan ərazisində "TikTok" platforması müvəqqəti olaraq məhdudlarşırılaraq qanunla girişinə qadağa qoyulub, amma görünür bəzi “papanın gül balaları” pullarına güvənərək bu platformadan rahatlıqla istifadə edərək hər kəsi istədiyi kimi söyüb təhqir edə bilər. Bunların da üfunət iyi verən söyüşlərini gənc nəsillər eşidib rahatlıqla həzm edəcək. Amma bunlar da qanunlardan rahatlıqla yaxa qurtara biləcək.

Çox maraqlıdır ki, ölkədə bəzi rəsmi qurumlar bunlara niyə nəzarət etmir? Sosial şəbəkədə dövriyyə edən bu pullar haradan gəlib hara getdiyini Vergilər Nazirliyi və hüquq-mühafizə orqanları hesabatını aparıbmı? Ümidvarıq təqdim edəcəyimiz bu faktlardan, bu görüntülərdən sonra aidiyyəti qurumlar hər hansı tədbirini əsirgəməyəcək. //azerbaycanrealligii.com//