 |
|
|
Qazaxıstanın Baş naziri Fəxri xiyabanda Ulu Öndər Heydər Əliyevin xatirəsini anıb.
Baş nazir Oljas Bektenov martın 3-də Fəxri xiyabana gələrək Ümummilli Lider, müasir müstəqil Azərbaycan dövlətinin memarı və qurucusu Heydər Əliyevin xatirəsini ehtiramla yad edib, məzarı önünə əklil qoyub.
Görkəmli oftalmoloq-alim, akademik Zərifə xanım Əliyevanın da xatirəsi anılıb, məzarı üzərinə çiçəklər düzülüb.
Musavat.com
"Vaşinqtona münaqişəni həll etmək üçün ABŞ və Rusiya ilə işləməyə hazır olan Ukrayna lideri lazımdır".
Bunu ABŞ-nin milli təhlükəsizlik üzrə müşaviri Mayk Vals deyib.
O, əlavə edib ki, Ukrayna münaqişənin həlli üzrə danışıqların tərkib hissəsi kimi ərazi güzəştlərinə hazır olmalıdır.
“Bu, şübhəsiz ki, təhlükəsizlik təminatları müqabilində hansısa ərazi güzəştləri olacaq. Bu, əvvəlki raundlarda müzakirə olunub. Zəmanətlər müvəqqəti deyil, daimi olmalıdır və Avropa onlara rəhbərlik etməlidir, deyə o bildirib. Bununla belə, Kiyev hələlik konkret təkliflərə hazır deyil və bu, Vaşinqtonda məyusluq yaradır" - Trampın köməkçisi əlavə edib.
Vals vurğulayıb ki, Ukrayna NATO-ya üzv olmayacaq, çünki bu, avtomatik olaraq ABŞ-ni münaqişəyə cəlb edəcək.(savashmedia.az)
"İranın ali rəhbəri Ayətullah Seyid Əli Xamenei İslam Respublikasının ABŞ ilə danışıqlar aparmasına qarşı çıxıb".
Oxu.Az IRNA-ya istinadən xəbər verir ki, bunu İran Prezidenti Məsud Pezeşkian deyib.
"Mən hesab edirdim ki, danışıqlar aparmaq daha yaxşıdır, ali rəhbər dedi ki, biz ABŞ ilə danışıqlar aparmayacağıq. Amma biz problemləri həll etmək üçün uyğun yollar tapmalıyıq", - deyə prezident vurğulayıb.
M.Pezeşkian əlavə edib ki, danışıqlara inanır, lakin ölkə S.Ə.Xamenei tərəfindən müəyyən edilmiş mövqedə qalacaq:
"Mənim öz qənaətlərim ola bilər, amma ali rəhbər istiqaməti müəyyən etdiyi halda, biz ona uyğunlaşmalıyıq".
Ukrayna prezidenti Vladimir Zelenski Böyük Britaniyanı tərk etməzdən əvvəl jurnalistlər vasitəsilə ABŞ-yə müsaj göndərib.
Mar 3, 2025 - 01:52
SAVASHMEDİA.az xəbər verir ki, o, ölkəsinin ABŞ ilə faydalı qazıntılar üzrə saziş imzalamağa hazır olduğunu bildirib.
“Bizim məqsədimiz keçmişdə baş verənləri müzakirə etmək deyil, biz konstruktivik. Əgər biz mədən sazişi imzalamağa razılaşmışıqsa, onu imzalamağa hazırıq. Əgər tərəflər hazır olsa, masa üzərində olan müqavilə imzalanacaq”.
Türkiyə Prezidenti Rəcəb Tayyib Ərdoğan, 2 mart 2025-ci il tarixində Londonda keçiriləcək Ukrayna mövzulu sammitə dəvət olunmuşdur. Lakin Prezident Ərdoğan sammitdə şəxsən iştirak etməyəcək; onu Türkiyənin xarici işlər naziri Hakan Fidan təmsil edəcək.
Sammitə, Ukrayna Prezidenti Vladimir Zelenski də daxil olmaqla, Almaniya, Fransa, İtaliya, Danimarka, Hollandiya, Norveç, Polşa, İspaniya, Finlandiya, İsveç, Çexiya və Rumıniya liderləri dəvət edilmişdir. NATO və Avropa Birliyi nümayəndələri də tədbirdə iştirak edəcəklər.
Bu sammit, ABŞ Prezidenti Donald Trump’ın Rusiya və Ukrayna liderləri ilə apardığı birbaşa danışıqlar və ABŞ ilə Rusiya xarici işlər nazirləri arasında keçirilən görüşlərdən sonra Avropada başlanan diplomatik prosesin davamıdır. 
Xarici işlər naziri Hakan Fidan, sammitdə Türkiyənin Ukraynanın ərazi bütövlüyünə, suverenliyinə və müstəqilliyinə dəstəyini təsdiqləyəcək və 2022-ci ilin mart ayında Rusiya və Ukrayna arasında birbaşa danışıqlara ev sahibliyi edən Türkiyənin gələcəkdə də bu rolu üstlənməyə hazır olduğunu vurğulayacaq.
Sarvan Səmədoğlu
TEREF
“Avropa böyük və tarixi sınaq qarşısındadır”.
“Report” xəbər verir ki, bunu Çexiyanın Baş naziri Petr Fiala “X”də yazıb.
O bildirib ki, Avropa təhlükəsizliyinin qayğısına qalmaqlıdır: “Bunu bizdən başqa heç kim etməz. Rusiyanın evlərimizdən cəmi bir neçə yüz kilometr aralıda genişlənməyə davam etməsini istəmiriksə, Ukraynaya hərbi dəstəyi artırmalıyıq. Davamlı və uzunmüddətli sülh istəyiriksə, yaxşı silahlanmalıyıq. Müdafiə xərclərini Ümum Daxili Məhsulun azı 3 %-nə çatdırmadan bu mümkün olmayacaq. Əksini deyən hər kəs Çexiyanın milli təhlükəsizliyini təhdid edir”.
Baş nazir bildirib ki, Avropa səylərini birləşdirməsə, şərtləri diktə etməsə, sonu yaxşı olmayacaq.
Ukrayna Prezidenti Volodimir Zelenski Böyük Britaniyanın Baş naziri Kir Starmerlə görüşüb.
Oxu.Az xəbər verir ki, bu barədə "Sky News" telekanalı məlumat yayıb.
Qeyd edək ki, Zelenski Ukraynaya dəstək üçün Avropa liderlərinin sammitində iştirak edəcək.
Almaniyanın xarici işlər naziri Annalena Barbok ölkəsini Ukraynaya dəstəyini dərhal artırmağa çağırıb.
Bu haqda “Reuters” məlumat yayıb.
“Mən Bundestaqda təmsil olunan bütün demokratik partiyaları əvvəllər bloklanmış Ukrayna üçün 3 milyard avro ayrılmasını təsdiqləməyə çağırıram”, - XİN rəhbəri bildirib.
Ukrayna prezidenti Vladimir Zelenski, ABŞ prezidenti Donald Tramp və vitse-prezident J.D.Vens arasında canlı efirdə qızğın mübahisə yaşanıb.
Sitat.info xarici mediaya istinadən xəbər verir ki, Zelenski De Vance-ə Ukraynanın hələ də özünü müdafiə etmək və Rusiyaya müqavimət göstərmək iqtidarında olduğunu bildirib, eyni zamanda, ölkənin bir çox problemlərinin olduğunu iddia edib.
Daha sonra onların arasında yüksək tonlarda mübahisə başlayıb.
Tramp söhbətə qarışaraq deyib ki, Zelenski onlara minnətdar olmalıdır. Çünki onun "əlində heç bir kart yoxdur" və Vaşinqtona "mən bunu istəyirəm - bunu istəyirəm" deyə bilməz.
Buna cavab olaraq Ukrayna prezidenti deyib ki, o, ABŞ-a “kart oynamaq” üçün gəlməyib.
Qapalı görüş başa çatıb, Ukrayna Prezidenti Vladimir Zelenski Ağ Evi erkən tərk edib və Trampla birgə mətbuat konfransı ləğv edilib.
Bu barədə “Röyters” məlumat yayıb.
Qeyd edək ki, Ukrayna Prezidenti Vladimir Zelenski Ağ Evdə ABŞ Prezidenti Donald Tramp və vitse-prezident Ceyms Devid Venslə az öncə başlayan görüşün ictimaiyyətə açıq hissəsi kifayət qədər gərgin olub və mübahisələr yaşanıb.
Daha sonra isə jurnalistlər otaqdan çıxarılıb və görüş qapalı davam edib.