ABŞ və Ukrayna Prezidentləri Donald Tramp və Volodimir Zelenski Ağ Evdə görüşüblər.
Bu barədə “RBC Ukraina” məlumat yayıb.
Onların mediaya açıqlamaları və iki ölkə arasında faydalı qazıntılar üzrə çərçivə sazişinin imzalanma mərasimi olacaq.

Fransa prezidenti Emmanuel Makron amerikalı həmkarı Donald Trampı Ukrayna lideri Vladimir Zelenskini ABŞ-a görüşə dəvət etməkdən çəkindirib.

Demokrat.az xəbər verir ki, bu barədə BFMTV məlumat yayıb.

Nəşr qeyd edir ki, görüş demək olar ki, uğursuz alınıb. Amerika tərəfi Zelenskinin fevralın 28-i cümə günü baş tutmalı olan Vaşinqtona səfərini ləğv edib. Məlumata görə, Makronun çağırışından sonra vəziyyət dəyişib. Dünən Ukrayna prezidenti Vladimir Zelenskinin cümə günü Vaşinqtona gələcəyi bildirilirdi.

PKK terror təşkilatının Suriya qolu kimi tanınan PYD-nin lideri Salih Müslimdən Türkiyədə həbsdə olan lideri Abdullah Öcalanın çağırışını dəstəkləyib.

"Biz silahı yerə qoymağa hazırıq. Əgər siyasi qrup kimi fəaliyyət göstərməyimizə icazə verilərsə, bu çağırışı qəbul edirik", - deyə Salih Müslim qeyd edib.

Qeyd edək ki, Öcalan daha əvvəl tərəfdarlarını silahı yerə qoyaraq təslim olmağa çağırıb.

Bəs PKK-nın diplomatik həllə meyillənməsi realdırmı, yoxsa bu, vaxt qazanmaq üçün taktiki addımdır?

Politoloq Zeynal Əmrəliyev mövzunu bu cür şərh edib:

"PKK diplomatik yolla bitə bilməz. Bu adamları bağışlasalar onların məclisə yolu açılacaq. Leyla Zana, Pərvin Buldanı qəbul etmək olmur, digərləri necə qəbul ediləcək? Əgər bu məsələ siyasi müstəvidə qəbul ediləcəkdisə niyə Səlahəddin Demirtaşa həbsdədir? Niyə Demokratik Toplum Partiyası, Barış və Demokratiya Partiyası kimi siyasi kürd partiyalarının fəaliyyətinə qadağa qoyuldu? Öcalanın sağında əyləşmiş Ahmet Türkə baxın, adam hər bələdiyyə seçkilərində Mardin Böyükşəhər Bələdiyyəsinin sədri seçilir, sonra hökumət onun sədrliyini PKK ilə yaxınlıq səbəbindən ləğv edir, yerinə qəyyum təyin edir. PKK - nın siyasi yolla bitirilməsi xülyadan başqa bir şey deyil. İdeoloji olaraq zərbə vurulması da boş söhbətdir. PKK kənar dövlətlər və Türkiyənin şərqində formalaşmış feodal tayfa qruplarının hökumətə təzyiq vasitəsi kimi istifadə etdiyi, maddiyyat üzərində fəaliyyətini davam etdirən silahlı qrupdur.

21 mart 2013 - cü ildə Diyarbəkirdə Novruz mərasimində Abdullah Öcalanın məktubu oxunmuşdur. Məktubda PKK Türkiyə sərhədlərini tərk etmək çağırışı edilirdi. Həmən ilin 25 aprelində təşkilatın faktiki lideri Murad Karayılan jurnalistlərlə böyük bir mətbuat konfransı keçirir və 8 maydan etibarən geri çəkiləcəklərini bildirir. 26 iyunda Ərdoğan Türkiyə Ziyalılar Fondunun üzvləri ilə Baş Nazirlik binasındakı görüşündə PKK - nın onları aldatdığını, sadəcə 15 faizinin geri çəkildiyini bildirir. PKK isə 9 sentyabrda geri çəkilməni dayandırır. Bundan sonra PKK - nın liderlərindən olan Cəmil Bayık verdiyi açıqlamada "Öcalan orda çarmıxa çəkilmiş vəziyyətdədir. Onun hansısa plan qurmaq, danışıq aparmaq gücü yoxdur. Onun hər hərəkəti, danışığı, sözü kamera vasitəsi ilə izlənilir. Əgər olan qurulacaqsa bunu biz edəcəyik, Öcalan deyil" şəklində açıqlama vermişdir".

Politoloqun fikrincə, kürdlər içində Öcalanın nüfuzu, böyük gücü olsa da, ona əsir kimi baxırlar:

"Öcalan öz siyasi varlığını sonlandırıb, tarix olub. Artıq Abdullah Öcalan yoxdur. PKK üçün o, ölü kimi bir şeydir. Onun şəxsiyyətinə hörmət edirlər, onun haqqında əfsanəvi rəvayətlər danışırlar, lakin tarixi şəxsiyyət kimi baxırlar. 26 ildir həbsdə olan birinin sözünə heç kim etibar etməz. Bir kürd siyasi hərəkatı var, bu gerçəyi heç kim dəyişdirə bilməz, açıq etiraf edək, onun rəhbəri Abdullah Öcalan deyil, onun rəhbəri hazırda həbsdə olan Səlahəddin Demirtaşdır. 2019 - cu ili xatırlayın, Əkrəm İmamoğlu İstanbulu necə qazandı? Əgər PKK siyasi səhnəyə dönərsə bu Demirtaşın gücünə güc qatacaq.

Ümumiyyətlə, Türkiyənin siyasi həyatında bundan sonrakı rolu Hakan Fidan və Əkrəm İmamoğlu, müəyyən qədər də Fateh Ərbakan və Səlahəddin Demirtaş kimi şəxslər oynayacaqlar. Bu 4 şəxsi ciddi şəkildə izləmək lazımdır". \\Musavat.com

Ukrayna artıq NATO-ya üzvlüyü yaddan çıxara bilər.
“Report” xəbər verir ki, bunu ABŞ Prezidenti Donald Tramp Ağ Evdə jurnalistlərlə söhbətində vurğulayıb.

Amerika liderindən Rusiya-Ukrayna münaqişəsinin həlli üçün Vaşinqtonun Moskvadan hansı güzəştlərə gedəcəyinə aydınlıq gətirməyi xahiş ediblər. "Bunu indi sizə demək istəmirəm. Amma deyə bilərəm ki, NATO-nu unuda bilərsiniz".

İran regionda təsirini artırmaq istəyir. Zəngəzur dəhlizi ilə bağlı “qırmızı cizgilərini” mütəmadi olaraq xatırlatması da bu səbəbdəndir.
Bu sözləri Ermənistanın Sankt-Peterburqdakı sabiq baş konsulu, politoloq Vardan Akopyan deyib.
“Zəngəzur dəhlizinin Türkiyə ilə İran arasında münaqişəyə səbəb ola biləcəyi istisna edilmir. İran və Rusiyanı birləşdirən budur və neo-osmanlılığa müqavimət qüvvəsi Rusiya-İran tandemidir, çünki Osmanlı İmperiyası bərpa olunarsa, ona qarşı heç bir yol qalmayacaq. Tramp da bunu başa düşür, amma bu, ona təsir etmir”, - o bildirib.
Akopyanın fikrincə, ABŞ Cənubi Qafqazı Rusiyaya verəcək, amma müəyyən razılaşmalarla:
“ABŞ Rusiyanın Cənubi Qafqazda dominant mövqeyini tanıyacaq. Əvəzində Suriya və Fələstinin problemlərini həll edəcək”.

Politoloq Aytən Qurbanova "Sherg.az"a bildirib ki, Ermənistan tərəfinin növbəti ittihamı açıq şəkildə təxribat xarakteri daşıyır:

"İran rəsmiləri bu günə qədər verdikləri bəyanatlarda "qırmızı xətt" ifadəsini Zəngəzur dəhlizi ilə bağlı mövqelərinin əsas prinsipi kimi vurğulayıblar. Lakin bu dəhlizin İranın maraqlarına və müəyyənləşdirdiyi "qırmızı cizgi"yə hansı aspektdə zidd olduğu barədə məntiqli və əsaslı izahlar təqdim etmirlər. Bu isə sadəcə İranın gizli niyyətlərinin əksi kimi qiymətləndirilə bilər. Osmançılıq məsələsinə gəldikdə, Türkiyənin regiondakı mövcudluğu sülh və sabitliyə töhfə verə biləcək əsas amillərdən biri kimi dəyərləndirilməlidir. Çünki Türkiyə Azərbaycan ittifaqının güclənməsi və Türk Dövlətləri Təşkilatının (TDT) koordinasiyalı fəaliyyəti təkcə İranı deyil, bir çox ölkələri narahat edən mühüm faktorlardandır. Onların gizli planlarını həyata keçirə bilməməsi və Cənubi Qafqazda süni münaqişə ocağı yaratmaq cəhdlərinin qarşısının alınması bu prosesin əsas istiqamətlərindən biridir".

Politoloq Tramp administrasiyasının Cənubi Qafqaz məsələsində Rusiyaya güzəştə gedəcəyini düşünmür:
"Doğrudur, son dövrlərdə Rusiya və ABŞ arasında müəyyən dərəcədə əməkdaşlıq tendensiyası müşahidə edilir. Xüsusilə, Rusiya-Ukrayna müharibəsində atəşkəsin əldə olunması ilə bağlı aparılan danışıqlar bu istiqamətdə dəyərləndirilə bilər. Lakin NATO çərçivəsində ABŞ-nin əsas strateji tərəfdaşlarından biri məhz Türkiyədir. Bu baxımdan Türkiyənin regiondakı mövcudluğu artıq Şuşa Bəyannaməsi ilə hüquqi zəminə oturdulub.
Regional təhlükəsizlik kontekstində Azərbaycanın maraqlarına zidd hər hansı addımın atıla bilməyəcəyini ABŞ, Rusiya və regionda maraqlı olan digər qüvvələr də aydın şəkildə anlayırlar".

Siyasi partiyalarla dövlət orqanları arasında konstruktiv əməkdaşlığın inkişaf etdirilməsi, eləcə də siyasi dialoq mühitinin təşviq olunması məqsədilə Prezident Administrasiyası tərəfindən fevralın 25-də “Hilton Baku” hotelində dəyirmi masa təşkil olunub.

Referans.az xəbər verir ki, dəyirmi masada Milli Məclis Aparatının, Mərkəzi Seçki Komissiyasının, Ədliyyə və Maliyyə nazirliklərinin, Hesablama Palatasının, 25 siyasi partiyanın nümayəndələri, həmçinin tanınmış alimlər, politoloqlar, siyasi şərhçilər, internet televiziya kanalları və onlayn media subyektlərinin nümayəndələri iştirak ediblər.

Tədbiri giriş sözü ilə açan Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev ötən dövr ərzində mövcud istiqamətdə görülmüş işlər haqqında danışaraq, Prezident İlham Əliyevin təşəbbüsü ilə ölkədə davamlı olaraq müxtəlif siyasi qüvvələr arasında konstruktiv əməkdaşlıq, sağlam siyasi dialoq və ümummilli məsələlərdə həmrəylik mühitinin təşviq olunduğunu bildirib.

Azərbaycan Prezidenti, Müzəffər Ali Baş Komandan İlham Əliyevin rəhbərliyi ilə 44 günlük Vətən müharibəsində qazanılan şanlı Qələbənin bütün dünya azərbaycanlılarının qürur mənbəyi olduğunu xüsusi vurğulayan Administrasiya rəsmisi qeyd edib ki, qızıl hərflərlə yazılmış bu unudulmaz tarix dövlətimizə ərazi bütövlüyü və suverenlik bəxş etməklə Azərbaycan xalqının yaddaşına əbədi həkk olunub.

Yeni siyasi konfiqurasiya haqqında söhbət açan Ə.Vəliyev dövlət idarəetməsinin davamlı inkişafı naminə cəmiyyətdə mövcud potensialın səfərbər olunmasında siyasi partiyaların rolunu vurğulayaraq, sağlam əməkdaşlıq mühitinin sabitliyi və tərəqqini təmin edən əsas amillər olduğunu ifadə edib. Administrasiya rəsmisi 2022-ci ilin dekabrında qəbul edilmiş “Siyasi partiyalar haqqında” Qanunun əhəmiyyətindən danışarkən bildirib ki, yeni Qanun ölkənin partiya sisteminin keyfiyyətcə daha böyük inkişafına zəmin yaratmaqla, bütün siyasi partiyaların ilkin imkanlarını tarazlaşdırıb və partiyaların yeni siyasi konfiqurasiyanın formalaşması prosesində aparıcı instituta çevrilməsinə xidmət edib.

2024-2025-ci illərdə keçirilən Prezident, parlament və bələdiyyə seçkilərində siyasi partiyaların fəal iştirakı haqqında danışan Ə.Vəliyev partiyaların mütləq əksəriyyətinin seçkilərdə iştirakını demokratik münasibətlərin təzahürü kimi dəyərləndirib və bu iştirakçılığın partiyaların siyasi institut kimi daha da təkmilləşməsinə və inkişafına müsbət təsirlərini qeyd edib.

Tədbirdə çıxış edən dövlət orqanlarının nümayəndələri – Milli Məclis Aparatının rəhbəri Fərid Hacıyev, Mərkəzi Seçki Komissiyası sədrinin birinci müavini Rövzət Qasımov, ədliyyə nazirini müavini Abiddin Hüseynov, maliyyə nazirinin müavini Azər Bayramov, Hesablama Palatası sədrinin müavini Nəsir Sadıqov siyasi partiyaların fəaliyyətinin tənzimlənməsinin müxtəlif aspektlərinə toxunaraq, dövlətin mövcud istiqamətdə gördüyü işlər barəsində ətraflı məlumatlar veriblər. Tədbirdə siyasi partiya üzvlərinin reyestrinin aparılması, bu sahədə qanunvericilikdə edilmiş son dəyişikliklər, siyasi partiyaların seçkilərdə fəal iştirakı, partiyalara dövlət büdcəsindən ayrılan maliyyə yardımları, bu yardımların xərclənməsi, hesabatlılıq, partiya sədrlərinin mediadakı fəaliyyəti, onların siyasi dialoqun dərinləşməsi prosesində rolu və digər bu kimi məsələlər geniş müzakirə olunub.

Daha sonra siyasi partiya (Yeni Azərbaycan Partiyası sədrinin müavini – Mərkəzi Aparatın rəhbəri Tahir Budaqov, Vətəndaş Həmrəyliyi Partiyasının sədri Sabir Rüstəmxanlı, Böyük Quruluş Partiyasının sədri Fazil Mustafa, Ədalət, Hüquq, Demokratiya Partiyasının sədri Qüdrət Həsənquliyev, Haqq Ədalət Partiyasının sədri Əli İnsanov, Azərbaycan Demokratik Maarifçilik Partiyasının sədri Elşən Musayev, Azərbaycan Xalq Partiyasının sədri Pənah Hüseyn, Milli Cəbhə Partiyasının sədri Razi Nurullayev, Azərbaycan Ümid Partiyasının sədri İqbal Ağa-zadə, Azərbaycan Milli İstiqlal Partiyasının sədri Arzuxan Əlizadə, Ana Vətən Partiyasının sədri Fəzail Ağamalı, Böyük Azərbaycan Partiyasının sədri Elşad Musayev, AĞ Partiyasının sədri Tural Abbaslı, Azərbaycan Demokrat Partiyasının sədri Sərdar Cəlaloğlu, REAL Partiyası Siyasi Komitəsinin sədri Natiq Cəfərli, Müasir Müsavat Partiyasının sədri Hafiz Hacıyev), elm (AMEA-nın Fəlsəfə və Sosiologiya institutunun direktoru İlham Məmmədzadə) və media (“Yeni Müsavat” Media Qrupunun rəhbəri Rauf Arifoğlu) nümayəndələri çıxış edərək müzakirə olunan məsələlərə öz münasibətlərini ifadə edib, cəmiyyəti narahat edən məsələlərin daha səmərəli həllinin tapılmasında siyasi partiyaların rolunu vurğulayıblar.

Tədbir iştirakçıları birmənalı olaraq bəyan ediblər ki, milli maraqlar və milli birliyin qorunması naminə ölkənin bütün vətənpərvər və intellektual qüvvələrinin səfərbər olması zəruridir. Tədbirdə çıxış edən siyasi partiyaların sədrləri və təmsilçiləri ümummilli məsələlərdə hər zaman açıq əməkdaşlığa hazır olduqlarını bildirərək cəmiyyətin parçalanmasına yönəlmiş istənilən təxribatı sərt şəkildə qınayıblar.

Tədbir dövlət orqanlarının təmsilçiləri tərəfindən siyasi partiya nümayəndələrinin çoxsaylı suallarının cavablandırılması və müzakirələrlə davam edib.

İştirakçılar bu qəbildən olan tədbirlərin mütəmadi təşkilinin və hər bir siyasi təsisatın belə təşəbbüslərdə fəal iştirak etməsinin faydalı olacağını dilə gətiriblər.

Tədbirdə aşağıda adları qeyd edilən siyasi partiyalar iştirak edib:

Yeni Azərbaycan Partiyası

Vətəndaş Həmrəyliyi Partiyası

Böyük Quruluş Partiyası

Ana Vətən Partiyası

Ədalət, Hüquq, Demokratiya Partiyası

Demokratik İslahatlar Partiyası

Azərbaycan Demokratik Maarifçilik Partiyası

Milli Cəbhə Partiyası

Azərbaycan Milli İstiqlal Partiyası

Böyük Azərbaycan Partiyası

REAL Partiyası

Haqq Ədalət Partiyası

Azərbaycan Ümid Partiyası

Azərbaycan Demokrat Partiyası

Azərbaycan Xalq Partiyası

Vəhdət Partiyası

Ədalət Partiyası

Klassik Xalq Cəbhəsi Partiyası

Milli Dirçəliş Hərəkatı Partiyası

AĞ Partiyası

Azad Vətən Partiyası

Müasir Müsavat Partiyası

Gələcək Azərbaycan Partiyası

Yeni Zaman Partiyasıa

ABŞ prezidenti Donald Tramp tezliklə Rusiya lideri Vladimir Putin və Ukrayna prezidenti Vladimir Zelenski ilə görüşə bilər.

Reyting.az xəbər verir ki, bunu Ağ evin mətbuat katibi Karolin Levitt “Fox News” telekanalında deyib.

“Biz bu görüşlərin çox tezliklə baş tutacağını gözləyirik, xüsusən də prezident Zelenski ilə”, - K. Levitt əlavə edib.

Onun sözlərinə görə, Tramp həm də ABŞ və Ukrayna arasında mineral ehtiyatlar üzrə sazişin imzalanmasına nail olmaq istəyir. Levitt vurğulayıb ki, Tramp Zelenskinin müqaviləni imzalamasını gözləyir, çünki Amerika vətəndaşlarının Ukraynaya verdiyi dəstəyi nəzərə alsaq, bu, “düzgün iş” olardı.

“Amerikalılar olmasaydı, Ukrayna bir dövlət kimi artıq mövcud deyildi”, - Ağ evin mətbuat katibi qeyd edib.

"Biz Rusiya ilə iqtisadi inkişafla bağlı bir sıra sazişlər bağlamağa çalışırıq. Rusiyada bizə lazım olan nadir metallar var".

Oxu.Az xarici KİV-ə istinadən xəbər verir ki, bunu ABŞ Prezidenti Donald Tramp fransalı həmkarı Emmanuel Makronla danışıqlardan sonra bəyan edib.

O, bildirib ki, tezliklə Putinlə görüşəcək.

"Əgər hər şey yoluna düşsə, Moskvaya gələcəyəm. 9 May üçün hələ çox erkəndir. Amma tezliklə Putinlə görüşəcəyəm. Mən Ukraynaya heç kimin kömək etmədiyi qədər kömək edirəm. Biz Ukraynadakı müharibəni bir neçə həftə ərzində bitirə bilərik", - deyə ABŞ prezidenti vurğulayıb.

Tramp bildirib ki, Avropa qoşunlarının Ukraynaya sülhməramlı kimi göndərilməsində heç bir problem görmür. O, Kiyevin öz torpaqlarının bir hissəsini geri ala biləcəyinə ümid etdiyini bildirib.

Trampa görə, Ukraynadakı müharibə üçüncü dünya müharibəsinə çevrilə bilər və ABŞ belə bir nəticənin qarşısını almaq niyyətindədir.

Öz növbəsində, Makron da Avropa dövlətləri tərəfindən Ukraynaya təhlükəsizlik zəmanətləri verilməsini mümkün hesab edib.

"Avropa Ukraynaya təhlükəsizlik zəmanətləri verməyə hazırdır. Lakin dondurulmuş Rusiya aktivlərinə əl qoymaq mümkün deyil, çünki bu beynəlxalq hüququ pozur. Qoşunların göndərilməsi üçün plan hazırlanıb. Onların mütləq cəbhə xəttində yerləşməsi vacib deyil, onlar təhlükəsizlik zəmanəti kimi prosesdə iştirak edəcəklər", - Makron qeyd edib.

Xəbər verdiyimiz kimi, Fransa prezidenti Emanuel Makron ABŞ-a səfər edib.

Hurriyyet.Az xəbər verir ki, Makronun avtomobili Ağ Evin girişinə tərəf yaxınlaşanda ABŞ prezidenti Donald Tramp onu qarşılamayıb.

Fransa prezidenti maşından düşüb, jurnalistlərə əl yelləyib və təkbaşına içəri daxil olub.