Azərbaycan çempionatında bir-birinə yumruq vuran futbolçular cəzalandırılıblar.

Bu, AFFA Region Liqası matçına təsadüf edib.

Belə ki, "Balakən” - "Goranboy Qala” görüşünün 57-ci dəqiqəsində birincilərin oyunçusu Ariz Teymurlu ilə ikincilərin üzvü Xəyal Qasımov əlbəyaxa olduqları üçün AFFA İntizam Komitəsi tərəfindən dördoyunluq diskvalifikasiyaya məruz qalıblar.

Bundan başqa, AFFA U-13 Liqasının EFA ilə görüşündə hakimi təhqir edən "Xəzər Bakı” komandasının baş məşqçisi Cəlal Həsənli üçoyunluq cəza ilə üzləşib.\\Report

SSRİ yığma komandasının məşhur qapıçısı Rinat Dasayev “Matç TV”-yə 1986-cı ildə Meksikada dünya çempionatında başına gəlmiş hadisəni danışıb.

Azpost.info-nun məlumatına görə, R.Dasayev deyib ki, çempionatın keçirildiyi Meksikada şərait pis deyildi. “Amma yemək özünəməxsus idi. Rus mətbəxindən istifadə etməyə cəhd edirdik. Amma yenə də yerli mətbəxin acı yeməklərəindən qaçmaq olmurdu. Mən meyvə yedim və allergiya tutdum. Oyunun başlanmasına bir gün qalmış xəstəxanaya apardılar. 12 saat iynə -sistemin altında yatdım”.

Həmin çempionatda keçirilmiş SSRİ- Macarıstan oyunu barədə danışan Dasayev deyib ki, rəqibə qarşı meydanda pressinq etmək əsas hədəf kimi qoyulmuşdu: “Topu tez almaq və qol vurmaq. Belə də elədik. Macarların küncdən zərbə nəticəsində başla cəmi bir zərbəsi yadda qaldı. Qalan oyun biizm diqtə altında keçdi. Bütün qollar gözəl vuruldu”.

Həmin oyunda SSRİ Macarıstana 6 top vurmuşdu. 1986-cı il çempinatında SSRİ səkkizdə bir finala çıxa bilmişdi. Burada əlavə vaxtda Belçikaya məğlub olmuşdu.

Rinat Dasayev sovet futbolunun populyar adlarından sayılır. Özünün müxtəlif vaxtlarda verdiyi müsahibələrində maraqlı məsələlərə toxunub.

Dasayevin müsəlman valideynləri onu dini inanclarının ciddi ənənələri altında böyüdüblər. Qitə Xokkey Liqasının rəsmi saytına müsahibəsində Dasayev demişdi ki, uşaqlıqdan bəri inanclı insan olub və oyunlar zamanı həmişə “Quran” kitabını özü ilə götürüb.

Komanda yoldaşları, məşqçilərin ağlına da gəlmirdi ki, Rinatın ehtiyat əlcəkərinin olduğu çantada mollanın ona hədiyyə etdiyi “Quran” kitabını saxlayır.

Məşqçi Konstantin Beskov Dasayevin inancına hörmət edərək onu bayram günlərində məscidi ziyarət etməsinə icazə verirdi.

Amma məşhur idmançıların dini görüşlərini açıq nümayiş etdirməsi sovet vaxtı bəyənilmirdi. Bununla bağlı Dasayevin Dövlət Təhlükəsizliyi Komitəsinə də çağırıblar. Düzdür, idmançı töhmət və xəbərdarlıqla canını qurtara bilmişdi: “Sən başa düşməlisən ki, əgər Qərbdə qəzetlər bu barədə yazsalar böyük qalmaqal qopacaq. Düşmən radioları bunu bütün dünyaya yayacaq”-deyə DTK-nın zabiti ona demişdi.
“Ailəm inanclı idi. Mən özüm də uşaq vaxtından inanclı böyümüşəm. Evdə həmişə “Quran” olub. Həmişə mənə kömək olub. Komandada hamı bilirdi ki, mən məscidə gedirəm. Sovet vaxtında buna yaxşı baxmırdılar. Bir dəfə yüksək vəzifəli məmur mənə dedi: “Mənə məscidə getmək olar, sənə yox- Ona görə ki, sən hamının gözü qarşısındasan”-deyə əfsanəvi qapıçı deyib.

“O zaman çox şey eləmək olmazdı. Məsələn, məşq zamanı zarafat etmək olmazdı”-deyə Dasayev bildirib.

Cəzadan qurtulmasına qapıçıya ümumxalq məhəbbəti rolunu oynamışdı.

Rinat məscidə getməyə davam edirdi. Amma çalışırdı ki, adamların az olduğu zamana təsadüf etsin.

“Quran”ın olduğu çantasını isə İspaniyada oyunların birində oğurladılar. Qələbə qazandıqdan sonra bir -birini təbrik edən zaman Dasayevin qapıdan uzaqlaşması orada qoyduğu çantanın oğurlanması ilə nəticələnib. Ondan sonra Dasayev final fitinə qədər çantasını əlindən buraxmırdı.

Rinat Dasayev Avropa Çempionatının gümüş mükafatçısı, Olimpiya oyunlarının bürünc mükafatçısı, ikiqat SSRİ çempionu olub.

Məşhur qapıçı ötən il 65 yaşını qeyd edib.

“Qarabağ”ın 2023/24 mövsümündə avrokuboklarda qazancı müəyyənləşib.

Azərbaycan çempionu indiyə qədər 9 milyon 582 min avro gəlir əldə edib.

Bunun yalnız 200 mini UEFA Çempionlar Liqasının təsnifat mərhələsində qazanılıb. Qalan məbləğ UEFA Avropa Liqasındakı çıxışdan əldə edilib. İkinci dərəcəli klub turnirinin qrup mərhələsinə adlamaq 3 milyon 630 min avro qazanca səbəb olub. Son 10 ildə avrokuboklardakı reytinqinə görə isə daha 2 milyon 376 min avro klubun büdcəsinə köçürülüb.

Qrupda ikinci yeri tutmaq “Qarabağ”a 550 min, pley-offa yüksəlmək isə 500 min avro qazandırıb.

Qurban Qurbanovun rəhbərlik etdiyi komanda Avropa Liqasında 1/8 finala yüksələrsə, daha 1,2 milyon avro gəlir əldə edəcək. Ağdamlılar bunun üçün pley-offda Portuqaliyanın “Braqa” klubunu üstələməlidirlər. Azərbaycan çempionu turnirin qalibi olarsa, mövsümlük qazancı 23 milyon 982 min avro təşkil edəcək.

Qeyd edək ki, “Qarabağ” “Braqa” ilə ilk oyunu fevralın 15-də səfərdə, cavab görüşünü isə 22-də evdə keçirəcək.

İtaliya kubokunun 1/4 final mərhələsində “Latsio” və “Roma” üz-üzə gəlib.

Görüş İtaliyanın paytaxtındakı “Olimpiko” stadionunda baş tutub.

Oyunda yeganə qolu 51-ci dəqiqədə “Latsio”nun yarımmüdafiəçisi Mattia Zakkani penalti zərbəsini dəqiq yerinə yetirərək vurub.

90+5 və 90+6-cı dəqiqələrdə meydan sahiblərinin futbolçusu Pedro kobud hərəkətinə görə iki sarı vərəqə alaraq meydandan kənarlaşdırılıb. 90+10-cu dəqiqədə Serdar Azmun eyni səbəbdən birbaşa qırmızı vərəqə alıb.
Beləliklə də, “Latsio” “Roma”nı tək qolla keçərək İtaliya kubokunun yarımfinalına yüksəlib.

“Bavariya” Palinyanın transferini təxirə salıb
“Bavariya” Joao Palinyanın transferindən imtina edib.

İdman.biz xəbər verir ki, Münhen klubu bu planı yaya kimi təxirə salıb.

“Fulhem”də çıxış edən portuqaliyalı yarımmüdafiəçi “Bavariya”nın əsas transfer hədəflərindən biridir. Amma Konrad Laymerin zədələnməsindən sonra münhenlilərin mərkəz müdafiəçisi axtarışına çıxmağa vadar edib. Komanda “Tottenhem”dən Erik Dayeri keçidini həll etmək istəyir.

Qeyd edək ki, Palinyanın “Fulhem”lə 2028-ci ilin yayına kimi müqaviləsi var. Onun transfer qiyməti 60 milyon avro dəyərləndirilir.

İngiltərə Liqa Kubokunun ilk yarımfinal matçı baş tutub.

“Riversayd” stadionunda “Midlsbro” London “Çelsi”si ilə qarşılaşıb.

Oyunda gözləntilərin əksinə olaraq meydan sahibləri 1:0 hesabı ilə qalib gəliblər.
Matçın yeganə qolu 37-ci dəqiqədə vurulub. “Midlsbro”nun 21 yaşlı yarımmüdafiəçisi Hayden Ris Hekni fərqlənib.

Bu komandalar arasında cavab oyunu yanvarın 23-də Londonda keçiriləcək. İkinci yarımfinalda isə “Liverpul” və “Fulhem” üz-üzə gələcək.

“Kəpəz” futbolçusu Elnur Cəfərovu I Liqa klubu “İmişli”yə icarəyə verib.

Oxu.Az xəbər verir ki, bu barədə Gəncə təmsilçisinin Mətbuat Xidməti məlumat yayıb.
Yarımmüdafiəçi cari mövsümün sonuna kimi “İmişli”də oynayacaq.

Əfsanəvi alman futbolçu Frans Bekkenbauer 78 yaşında vəfat edib.

O, futbolçu karyerası ərzində Almaniyanın “Bavariya” və “Hamburq” klublarında, həmçinin ABŞ-nin “Nyu York Kosmos” komandasında çıxış edib.

Ümumilikdə, Frans bütün turnirlərdə 620 oyun keçirib, 74 qol vurub və 75 məhsuldar ötürmə edib.

Mənbə: Championat.com

“Real Madrid”də “Arandina” ilə görüşdə debüt edən Arda Güler üçün Bundesliqa klublarından icarə təklifləri gəlib.

Məşhur italyan insayder Fabrizio Romano başda Bundesliqa olmaqla bəzi klubların Arda Güleri icarəyə götürmək üçün “Real Madrid”ə müraciət etdiyini yazıb. İspaniya mediasında Ardanın icarəyə göndəriləcəyi barədə iddialar dərc edilsə də, “Real”ın təklifləri rədd etdiyi bildirilir.

Məlumata görə, Arda Güler mövsümün sonuna qədər “Real”ın heyətində yer alacaq. Məlumata görə, Arda Gülerə maksimum güvənən “Real Madrid” texniki rəhbərliyi “Uşaq heç yerə getmir” deyə cavab verib.\\Metbuat.Az

“Beşiktaş” klubu Fernandu Santuşun baş məşqçi təyin olunduğunu açıqlayıb.

Qeyd olunur ki, 69 yaşlı məşqçi ilə 2025-ci ilin yayına kimi müqavilə imzalanıb.

2023-cü ilin sentyabrında Santuş ötən ilin yanvarından bəri rəhbərlik etdiyi Polşa millisinin baş məşqçi postunu tərk edib. Bundan əvvəl o, 8 ildən çox Portuqaliya millisi ilə işləyib və bu komanda ilə 2016-cı il Avropa Çempionatının və 2018/2019 Millətlər Liqasının qalibi olub.
Xatırladaq ki, “Beşiktaş” 18 turdan sonra 29 xal toplayaraq Türkiyə çempionatının turnir cədvəlində altıncı pillədə qərarlaşıb.

Mənbə: sport-express.ru