Şəmsəddin Əliyev: “Əgər qohumlardan onu kiminsə görməsi ehtimalları varsa, iş təzələnə bilər”

Kürdəmir rayonu, Bağman kənd sakini Cəbrayılov İlqar İsrayıl oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi bildirir ki, qardaşı 2016-cı ildə naməlim şəxslər tərəfindən oğurlanıb, hələ də tapılmır:

“Mən, Cəbrayılov İlqar İsrayıl oğlu, yazaraq qardaşım Cəbrayılov Vüqar İsrayıl oğlu 1973-cü ildə Kürdəmir rayonun Bağman kəndində anadan olub. Ailəlidir, 3 uşağı var.

2016-cı ildə qardaşım maşınını satıb, təxminən 30-35 baş quzu aldı. O, bu quzuları kökəldib, Bakıda Elməddin adlı qəssaba satdı. Qəssab pulunu ödəməmişdi. Demişdi ki, gələrsən haqq-hesab edərik. Onun dediyinə görə, qardaşım qəssabdan pulunun böyük hissəsini alıb, müəyyən qədər borc qalıb.

2016-cı il, oktyabrın 13-də qardaşım Vüqar Cəbrayılov səhər tezdən Bakı şəhəri, Sabunçu rayonu, Ramana qəsəbəsindən - bacımgilin evindən çıxaraq, qalıq pulunu almaq üçün qəssabın yanına gedib. Qəssab da deyib ki, hələ səhərdir, ət satmamışam, biraz gözlə, nə satsam pulunu sənə verərəm. Bu zaman qardaşım bildirib ki, mən rayona gedirəm, qalan pulu əmim oğlu Cəbrayılov Yaşar Eldar oğluna verərsən. Həmin vaxt əmim oğlu da qəssabxananın yanına gəlib. Vüqardan soruşub ki, hara gedirsən? Qardaşım da Kürdəmirə gedəcəyini bildirib. Deyib ki, getmə, sabah maşınla mən də rayona gedəcəm, birgə gedərik. Qardaşım isə deyib ki, işləri ilə əlaqədar rayona gözləyə bilməyəcək. Əlavə edib ki, Elməddində (qəssabda – müəl.) pulum var, gələndə o pulu da alarsan.

Nə qədər pul olub, onu bilmirəm. Qəssabın dediyinə görə, həmin vaxt qardaşıma zəng gəlib, o, çölə çıxıb. Sonra içəri keçərək, “mən gedirəm” deyib. Ondan sonra qardaşımdan xəbər yoxdur”.

Bu da həmin insanların silahlarını gətirib polis bölmələrinə verilməsində öz təsdiqini tapır” - Şəmsəddin Əliyev

Qeyd edək ki, məsələ ilə bağlı keçmiş polis rəisi, "Polisə Dəstək” İctimai Birliyinin sədri Şəmsəddin Əliyevlə söhbətləşərək, hadisənin mahiyyətini araşdırmağa çalışdıq:

“Bu şəxs 2016-cı ildən itkin düşüb. Əgər yaxınları, doğmaları xəbərsiz itkin düşməsi ilə bağlı şəkilli və yazılı şəkildə ərazi üzrə polis orqanlarına məlumat veriblərsə, təbii ki, həmin polis şöbəsində itkin düşmə ilə bağlı müvafiq iş açılır. Müəyyən müddətdən sonra onun axtarışı ilə bağlı işlər həyata keçirilir. Amma müəyyən müddət ərzində tapılmazsa, şəxsiyyəti ilə, harda olması ilə bağlı bir məlumat daxil olmazsa, bu halda onun itkin düşmüş hesab edilməsi və yaxud da onun ölmüş elan olunması ilə bağlı məhkəməyə edilən müraciətlərə baxa bilər. Əgər məhkəmənin vətəndaşın itkin düşməsi və yaxud ölmüş elan olunması ilə bağlı qərarı varsa, o, ölmüş və yaxud itkin düşmüş hesab olunur.

Keçmiş zamanlarda, yəni sovet dönəmində itkin düşmüş şəxs 6 ay müddətində doğmalarına hər hansı bir məlumat ötürə bilməzsə və onunla bağlı hər hansı məlumat yoxdursa, bu halda o, qətlə yetirilmiş kimi dəyərləndirilərdi. Onun haqqında qəsdən adam öldürmə kimi cinayət işi açılardı. Müəyyən istintaq aparılırdı. İstintaqın nəticəsi olmazsa, müəyyən müddətdən sonra işin istintaqı dayandırılar və hansı bir hərəkət edilməzdi. Amma yalnız və yalnız yeni açılmış hallara görə cinayət işi təzələnə bilərdi”.

Ş.Əliyev vurğulayır ki, Əgər həmin itkin düşmüş şəxsin yaxın adamları istinataqı aparan orqana - polis və ya prokurorluq orqanlarına məlumat verərlərsə ki, bu insanı filan yerdə görüblər - avtobusda, nəqliyyat vasitələrində və s. o halda həmin şəxslərin müraciəti əsasında işin istintaqı təzələnə bilər:

“2016-cı ildə bu günə işin üzərindən 8 il keçib. Böyük ehtimalla, belə qənaətə gəlmək olar ki, vətəndaş qətlə yetirilib. Qəsdən, yoxsa ehtiyatsızlıqdan, bunu ehtimal etmək çətindir. Burada çox fərziyələr işlətmək mümkündür. Amma bütün hallarda versiya söyləmək istəmirəm. Şübhəsiz, yəqin ki, ərazi üzrə cinayət istintaqı gedib. Fakt olaraq hazırda dayandırılıb. Biz istinatqın gedişinə müəyyən mənada maneə ola bilərik. Yəni o faktlar - ehtimallar ki var, onları məcrasından yayındıra bilərik. Düşünürəm ki, əgər doğurdan da qohumlardan onu kiminsə görməsi ehtimalları varsa, bununla bağlı müvafiq orqanlara şikayət etsələr, iş təzələnə bilər. Amma mənim ehtimalım belədir ki, əgər xəstəliyi, anlaqlı vəziyyətdə olmasına dair hər hansı şübhələr yoxdursa, deməli, bu adamı qətlə yetiriblər. Amma bütün hallarda bununla bağlı hər hansı məlumat varsa, işin istintaqı yenilənə bilər”.

Aynurə İSMAYIL

Redaksiyadan: Aidiyyəti qurumların mövqeyini dərc etməyə hazırıq.

Xocalı rayonu, Cəmilli kənd sakini Cavadov Habil Əsgər oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, “Baku Steel Company” QSC -nin rəhbər şəxsləri ona qarşı haqsızlıq edir:

“Mən, Cavadov Habil Əsgər oğlu, 1974-cü il noyabrın 6-da Xocalı rayonunun Cəmili kəndində anadan olmuşam. Orta təhsilliyəm , öhdəmdə iki azyaşlı övladım var. Qızım bu il ADA Universitetinə qəbul olub, 14 yaşlı oğlumun isə psixoloji problemi var, özünü normal idarə edə bilmir. Özüm isə yüksək şəkər, yüksək təzyiq, ürəyin işemiyası, ürəkdə damar tıxanıqlığı, sol qolumda sümük yeyilməsi və s. xəstəliklərdən əziyyət çəkirəm.

2003-cü ilin aprel ayının 15-dən “Baku Steel Company” şirkətində əmək fəaliyyətinə başlamışam. İşlədiyim 20 ildən artıq müddətdə həmişə məsuliyyətli olmuşam, üzərimə düşən işi layiqincə, qüsursuz şəkildə yerinə yetirmişəm. Bir sözlə, işlədiyim müəssisəni “ata ocağım” kimi bilmişəm.

Təxminən 2016-cı ildə bizə sex rəisi təyin olunan Əliyev Anar adlı şəxsin mənə qarşı etdiyi təzyiq və təhdidləri nəticəsində uzunmüddətli stress yaşamışam. Nəticədə, özüm də bilmədən şəkər xəstəliyinə tutuldum.

2018-ci il, avqust ayının 4-də işdə olduğum zaman qəflətən halım pisləşərək, komaya düşmüşəm. Respublika Xəstəxanasının reanimasiya şöbəsində həkimlərin ciddi-cəhdi nəticəsində 3 gündən sonra komadan ayıla bildim. Hazırda “İnsulin”dən asılı şəkərli diabet xəstəsi olmaqla, yüksək təzyiq, ürəyin işemiyası, ürəkdə 40 faiz damar tıxanıqlığı, sol qolumda sümük yeyilməsi və s. bu kimi xəstəliklərdən əziyyət çəkirəm.

4 ildir səhhətimlə əlaqədar yüngül işə keçirilməm üçün zavod rəhbərliyinə saysız-hesabsız ərizələrlə müraciət etsəm də, bu günə kimi müsbət cavab ala bilməmişəm. Üç ilə yaxındır müraciətlərim susqunluqla qarşılanır, sanki kar və kor olublar. Nəhayət, 2023-cü ilin dekabr ayında məhkəməyə müraciət edəcəyimi bildirdikdə, həkimdən sənədlər tələb etməyə başladılar. Bütün həkim sənədlərini, epikrizlərimi təqdim etdim. Lakin yenə də mənim məsələm öz həllini tapmadı.

Son çarə kimi, aidiyyəti üzrə Nərimanov Rayon Məhkəməsinə müraciət etdim. Qarşı tərəfin vəkili həkim məsləhət komissiyasının rəyini gətirməyimi istədi. Onu da gətirib sentyabrın 18-də, son məhkəmə iclasında məhkəməyə təqdim etdim. Qarşı tərəfin vəkili bildirdi ki, mən bu sənədi yox, ekspert komissiyasının rəyini təqdim etməliyəmmiş. Halbuki, söhbət mənim xəstəliyimdən gedirsə, bütün sənədlər, epikrizlər, həkim məsləhət komissiyasının rəyi mənim xəstəliyimi tam olaraq təsdiq edir.

Artıq üçüncü məhkəmə prosesi başa çatıb, hələ də yekun məhkəmə qərarı verilməyib. Növbəti məhkəmə, oktyabrın 9-na təxirə salınıb. İş hakim Səbinə Nuriyevanın icraatındadır.

Qeyd edim ki, 14 yaşlı oğlumun xəstəlik probleminin olması yoldaşımın da işləməsinə imkan vermir. Uşaq Abşeron Rayon Xəstəxanasında, nevraloji şöbədə problemli uşaq kimi qeydiyyatdadır.

Onu da bildirim ki, haqqında bəhs etdiyim sex rəisi Əliyev Anarın mənimlə ədavət aparmasının səbəbi, onun məni öz ərizəm əsasında işdən çıxarılmağıma etiraz etməyim olmuşdur. Yəni onun bu təklifini qəbul etmədikdə, mənə qarşı sərt təhdidlər etmişdir. Bu təhdidlərdən sonra yaşadığım stress nəticəsində yuxarıda qeyd etdiyim xəstəliklərə tutulmuşam.

Bilirəmki, möhtərəm Prezdentimiz İlham Əliyev və Birinci vitse-prezident Mehriban xanım Əliyeva bu kimi neqativ hallardan xəbər tutsa, dərhal tədbir görər, qarşısını alardı.

Bu məktubu yazmaqda məqsədim səlahiyyətli şəxslərdən işimlə bağlı kömək istəməkdir”.

Məsələ ilə bağlı “Baku Steel Company” QSC ilə əlaqə saxlamağa çalışsaq da, zənglərimiz cavabsız qaldı.

Sentyabrın 21-də Gəncə şəhərində "VMR Estetik" klinikasında mədəkiçiltmə əməliyyatı keçirən və həmin klinikada müalicə alan, Gəncə şəhər sakini 1993-cü il təvəllüdlü G.Bayramovanın sentyabrın 28-də öldüyü bildirilir.

Məsələ ilə bağlı “VMR” estetik klinikasının rəhbəri Vüsal Həsənov “Cebheinfo.az”-a açıqlamasında bildirib ki, Gəncə filialında mədəkiçiltmə əməliyyatı olmayıb:

“Mediada yayılan məlumata görə, bizim klinikamızda Gəncə şəhər sakini 1993-cü il təvəllüdlü G.Bayramova adlı xəstə əməliyyatdan 1 həftə sonra vəfat edib.

Lakin bizim klinikamızda mədəkiçilitmə əməliyyatı olmayıb. Ümumiyyətlə, mədəkiçiltmə əməliyyatı etmək üçün 180 kvm sahə, lazımı avadanlıqlar və şərait olmalıdır. Bizim klinikamızda bunları etmək üçün lazımi imkanlar yoxdur. Bu səbəbdən də mədəkiçiltmə əməliyyatının olması mümkün deyil”.

O qeyd edib ki, məsələ ilə bağlı əlaqədar qurumlara da müraciət edib:

“Klinikamınızla bağlı həqiqəti əks etdirməyən məlumatlara görə bu gün səhər saatlarında (dünən) prokurorluğa getməli oldum. Məsələ barəsində hüquqi tədbir görülməsini tələb edəcəyəm”.

Qeyd edək ki, sözügedən xəbəri İlk olaraq "unikal.org" saytı yayıb.

"İranda Azərbaycan səfirliyinə hücum edən şəxsin cəzasını alması istiqamətində danışıqlar davam edir".

"Report" xəbər verir ki, bunu baş prokuror Kamran Əliyev jurnalistlərə açıqlamasında söyləyib.

Onun sözlərinə görə, bu, prosessual məsələdir: "İndi qarşı tərəfin qərarı təsdiqləməsi gözlənilir".

Qeyd edək ki, 2023-cü il yanvarın 27-də Azərbaycanın Tehrandakı səfirliyinə terror hücumu olub. Terroru törədən İran vətəndaşı Yasin Hüseynzadə "Kalaşnikov" markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı da hücumun qarşısını alarkən yaralanıblar.

Azərbaycanda yüksək vəzifədə işləyən 70 yaş və yuxarı ən yaşlı İcra başçılarının siyahısı:

1) Zaqatala rayonunun icra başçısı Mübariz Əhmədzadə - 77 yaş
2) Şuşa şəhərinin icra başçısı Bayram Səfərov - 73 yaş
3) Qobustan rayonunun icra başçısı Adil Məmmədov – 72 yaş
4) Xocalı rayonunun icra başçısı Şahmar Usubov – 71 yaş
5) Qubadlı rayonunun icra başçısı Malik İsaqov - 71 yaş
6) Ağcabədi rayonunun icra başçısı Rafil Hüseynov - 71 yaş
7) Siyəzən rayonunun icra başçısı Novruz Novruzov - 70 yaş
8) Füzuli rayonunun icra başçısı Alı Alıyev - 70 yaş
9) Sumqayıt şəhərinin icra başçısı Zakir Fərəcov - 70 yaş

Azərbaycanda yüksək vəzifədə işləyən 70 yaş və yuxarı ən yaşlı məmurların siyahısı:

1) Baş nazirin müavini Yaqub Eyyubov - 79 yaş
2) Azərbaycan Respublikasının Əqli Mülkiyyət Agentliyinin İdarə Heyətinin sədri Kamran İmanov - 78 yaş
3) Ailə, Qadın və Uşaq Problemləri üzrə Dövlət Komitəsi sədrinin müavini Sədaqət Qəhrəmanova - 75 yaş
4) Xarici işlər nazirinin müavini Mahmud Məmmədquliyev - 75 yaş
5) Azərbaycan Prezidenti yanında Təhlükəsizlik Şurasının katibi Ramil Usubov - 75 yaş
6)BDYPİ-nin rəisi general-mayor Ramiz Zeynalov - 73 yaş
7)Fövqaladə hallar nazirinin müavini, general-leytenant Faiq Tağızadə - 72 yaş
8) İqtisadiyyat nazirinin müavini Sahib Ələkbərov - 72 yaş
9) Elm və təhsil nazirinin müavini Firudin Qurbanov - 72 yaş
10) DİM-in sədri Məleykə Abbaszadə - 71 yaş
TEREF

Sumqayıt şəhərində yanğınla nəticələnən partlayış baş verib.

İqtisadiyyat.az report-a istinadən xəbər verir ki, hadisə şəhərin 15-ci məhəlləsində yerləşən 2 saylı yataqxanada qeydə alınıb.

Hadisə yerinə Fövqəladə Hallar Nazirliyinin (FHN) Dövlət Yanğından Mühafizə Xidmətinin canlı qüvvəsi və texnikası cəlb olunub.

Sakinlər binadan təxliyə edilib. Yanğın söndürülüb və ətraf ərazilərə keçməsinin qarşısı alınıb.

Hadisəyə ilkin səbəb kimi qaz balonun partlaması göstərilir. Araşdırma aparılır.

Livanda Hizbullah Hərəkatının Mərkəzi Şurasının üzvü Nabil Kauk öldürülüb.

Tribunainfo.az-ın xəbərinə görə, bu barədə İsrail Ordusunun mətbuat xidməti məlumat yayıb.

Qeyd edilib ki, Nabil Kauk İsrail Hərbi Hava Qüvvələrinin sentyabrın 28-də hədəfə yönəlik dəqiq aviazərbəsi nəticəsində öldürülüb.

“Mətanət – A” şirkəti məhkəməyə üz tutdu

“Mətanət – A” şirkəti vətəndaşa qarşı alqı-satqı müqaviləsi ilə bağlı iddia qaldırıb. Tribunainfo.az məlumat verir ki, Bakı Kommersiya Məhkəməsində Yusif Allahverdiyev barəsində işə baxılıb. Prosesə hakim Günay Həşimova sədrlik edib.

Qərbi Azərbaycan Xronikası layihəsi çərçivəsində sənətşünaslıq üzrə fəlsəfə doktoru Elçin Əlibəylinin təqdimatında "İrsimiz" rubrikasının növbəti buraxılışı hazırlanıb.

"Bizanslıların bazarının yerləşdiyi Zərkənddə Rumbasar yolu" adlı bugünkü buraxılış Göyçə mahalının Basarkeçər (Vardenis) rayonu ərazisində yerləşən Zərkəndin tarixi, irsi, abidələri və mədəni nümumələri araşdırılıb.

Bildirilib ki, kəndin yaranma tarixi XV əsrin sonuna (1480), XVI əsrin əvvəlinə (1510) təsadüf edir. Kəndin ilk adı 1890-1892-ci illərə qədər Qamışlı bulağın adı ilə bağlıdır.

Süjetdə Qədim Kalafalar kəndinin yerində 1480-ci ildə salınmış Zərkəndin adı ilə bağlı əhvalata toxunulur: "Kəndin bir qrup ağsaqqalları qonşu Qızılvəng kəndinə qız elçiliyinə gedirlər. Elçilik zamanı, ağsaqqallardan biri elçi adamlarına bildirdi ki, bura Qızılvəngdir. Bu kəndə qız almağa gələn elçilərin qızılı gərək bol olsun. Elçi adamlarından biri tez cavab verərək bildirib ki, zər bizdə zibil kimidir. Elçilik vaxtı baş verən əhvalat mahalda bütün kəndlərə yayılır. Hadisə ilə əlaqədar kəndin adı Qamışlı bulaqla bərabər Zərzibil adlandırılmağa başlanıb. Kəndin ikinci adı 1890-1892-ci illərdən 1935-ci ilin yanvarın 3-nə qədər Zərzibil olub. Kəndin üçüncü adı olan Zərkənd sözünün mənası "Zər" "Qızıl" "Kənd" isə "Oba" və yaxud da "El" mənasını bildirir. 1935-ci ilin yanvarın 3-dən 1988-ci ilin dekabrına qədər Zərkənd olub".

Qeyd olunur ki, kənddə 1831-ci ildən 1988-ci ilədək azərbaycanlılar yaşayıb. Kənd rayon mərkəzi Basarkeçərdən 17 kilometr məsafədə yerləşir. 1935-ci il yanvarın 3-də kəndin adı Zərkənd, 1991-ci il aprelin 19-da isə kəndin adı Kut qoyulub.

Süjetdə 1800 il əvvəl şaxta üsulu ilə çıxarılan qızılın fılizdən təmizlənib emal olunduğuna, bizanslıların bazarının yerləşdiyi Zərkənddə Rumbasar yoluna, Qoros türk tayfalarının məskunlaşdığı qədim yaşayış yerinin qalıqlarına aydınlıq gətirilir.

Ümumiyyətlə, "İrsimiz" layihəsinin məqsədi Qərbi Azərbaycanın mahal və kəndlərində itməkdə olan irsimizin qorunub saxlanılması, yaşadılması və təbliği kənd sakinləri, tarixçilər, etnoloqlar, etnoqraflar, folklorşünasların dəlil və söhbətləri ilə böyük türk izlərinin araşdırılmasıdır.

Xatırladaq ki, Qərbi Azərbaycan Xronikası layihəsinin məqsədi tarixi torpaqlarımızın adının yaşadılması, tanıdılması, həmçinin azərbaycanlıların ermənilər tərəfindən deportasiyaya məruz qoyulmasından, həmin ərazilərdə mövcud olmuş, lakin adı silinən toponimlərin, saysız-hesabsız yeraltı və yerüstü maddi mədəniyyət nümunələri - qədim yaşayış məskənləri, nekropollar, kurqanlar, qala, saray və istehkam qalıqları, karvansaralar, körpülər, qəbirüstü sənduqələr, xaçdaşlar, at-qoç heykəlləri, məbəd, kilsə, məscid, pir və ocaqların üzə çıxarılması, həmin ərazinin təmiz oğuz-türk məskənləri olduğunu təsdiq edən faktların dünya ictimaiyyətinə çatdırılmasıdır.

Həmçinin Prezident İlham Əliyevin Qərbi Azərbaycanla bağlı dediyi "XX əsrin əvvəllərinə təsadüf edən xəritə bir daha onu göstərir ki, Qərbi Azərbaycan tarixi Azərbaycan diyarıdır, şəhərlərin, kəndlərin adları Azərbaycan mənşəlidir və biz yaxşı bilirik ki, indiki Ermənistan ərazisində tarix boyu Azərbaycan xalqı yaşayıb. İndi əsas vəzifə ondan ibarətdir ki, dünya ictimaiyyəti də bunu bilsin", - fikrini əsas tutaraq, Qərbi Azərbaycan İcmasının hazırladığı Qayıdış Konsepsiyasından irəli gələn vəzifələrin təbliğidir.

Bundan əlavə, Qərbi Azərbaycanla bağlı tarixçilərin, araşdırmaçıların düşüncələrini, deportasiyaya məruz qalmış şəxslərin həyat hekayəsini işıqlandırmaqdır.