Meşə yanğınları Fransanın cənub-qərbindəki Jironda bölgəsində böyük fəsadlar törədib. Son məlumata görə, alov 6 000 hektardan çox ərazini tamamilə məhv edib.

Meşə yanğınları yaşayış evlərini yararsız hala salıb, minlərlə sakin təxliyə edilib.

Qeyd edək ki, bu il Fransa öz tarixinin ən quraq dövrlərindən birini yaşayır.

Konqo Demokratik Respublikasının şərqindəki Şimali Kivu əyalətinin Butembo şəhərindəki həbsxanadan 800-dən çox məhbus qaçıb.

Butembodakı Kakvanqura həbsxanasına “Mai-Mai Kata Katanqa” üsyançı qruplaşması hücum edib.

Hücum zamanı üsyançılar 874 məhbusun saxlandığı həbsxananın gözətçi və kamera qapılarını sındıraraq 800-dən çox məhbusun qaçmasına kömək ediblər.

“Mai-Mai Kata Katanqa” üzvləri ilə təhlükəsizlik qüvvələri arasında baş verən qarşıdurmada 2 polis və 1 üsyançı həyatını itirib.

Təhlükəsizlik qüvvələri şəhərin şimal-şərqinə doğru qaçan məhbusların tutulması üçün əməliyyata başlayıb.

Qeyd edək ki, Gedeon Kyunqu Mutanqanın rəhbərlik etdiyi separatçı “Mai-Mai Kata Katanqa” qrupu ölkənin ən zəngin əyaləti olan Katanqanın müstəqilliyi uğrunda mübarizə aparır. Qafqazinfo.az

"Azərbaycan Hava Yolları" aviaşirkətinin Bakı-İstanbul marşrutu üzrə həyata keçirilən reysdə problem yaranıb.

TEREF bildirir ki, bu barədə sərnişinlər Manşet.az-a məlumat veriblər.Onlar bildiriblər ki, əvvəlcə təyyarəyə mindirilsələr də bir saat sonra düşürülüblər.Sonra avtobuslarla digər əraziyə aparılıblar.Terminalın isə qapısı bağladılıb.Hadisə ilə bağlı "Azərbaycan Hava Yolları" aviaşirkətindən sərnişinlərə məlumat verilmir.

Sıfırdan başlayaraq zəngin olan insanların demək olar ki, hamısının oxşar xarakterlərə sahib olmaları təsadüf deyil.

Öz səyləri ilə sərvət qazanan 177 nəfərin özəlliklərini 5 il ərzində araşdıran Tomas C.Corleyə görə insanın gündəlik vərdişləri onun işlərindəki uğuruna təsir edir.

TEREF.AZ həmin araşdırmanın nəticələrinə əsasən zəngin olmağın sirlərini təqdim edir:

Zənginlər hər gün ən azı 15 dəqiqə müxtəlif mövzular barədə düşünürlər. Zəngin üçün uğurun ilk açarlarından biri düşünməkdir.

Məsləhətçiləri təcrübələrini paylaşaraq zənginlərin daha çox pul qazanmasına və həyatlarını proqramlaşdırmalarına kömək edir.

Zənginlər tənqid edilməkdən qorxmurlar. Yeni şeylər öyrənmək üçün başqalarının fikirlərinə dəyər verməli olduqlarının vacibliyinə inanırlar.

Onlar düşündüyümüz qədər cəsarətli deyillər. Zənginlərin də qorxduqları məqamlar var. Lakin nə qədər təmkinli davransalar da, risk olmadan sərvət qazana bilməyəcəklərini də bilirlər. Riskləri hesablayıb, səhvlərin faizini ən aza endirməyə çalışırlar.

Varlılar başqalarının uğur qazanmasına kömək edərkən özlərinin daha böyük uğur qazanacaqlarına inanırlar. Əsasən də, özləri kimi bacarıqlı insanlara dəstək verirlər.

Kim nə deyirsə desin, heç vaxt hədəflərindən vaz keçmirlər və nəticə əldə etmək üçün çox çalışırlar. Güclü istəyin olması onların üçün əyləncə mənbəyidir. İstəkləri uğrunda səhv etməkdən belə çəkinmirlər.

Daim oxuyurlar. Zənginlər kitab və ya qəzet oxumağı sevirlər. Gündə ən azı yarım saat bu məşğuliyyətlərinə sərf edir və daha çox bilgi əldə etməyə çalışırlar. Əsasən də, işlərində uğur qazanmış insanların bioqrafiyalarını, şəxsi inkişaf və tarix kitabları sevirlər.

Varlıların 76 faizi gündə ən azı yarım saat və bəzən daha çox idman edir. Qaçır, gəzir, velosiped sürür və digər idman növləri ilə məşğul olurlar. “Sağlam beyin sağlam bədəndə olur” devizi zənginlər üçün ən vacib sözə çevrilib.

Zənginlərin əksəriyyəti müsbət xarakterə sahib olurlar. Çünki uzun müddətli uğurun təməlində gələcəyə müsbət duyğularla yanaşmaq durur. Zənginlər də adətən, şən və duyğularına nəzarət edə bilən insanlar olurlar.

Varlı insanların özləri kimi dostları da bacarıqlı olur. Çünki onlar hədəflərinə çatan insanlarla dostluq etməyə üstünlük verirlər. Ancaq neqativ insanlardan uzaq durur, özlərinə oxşayan insanlarla sosiallaşmağı sevirlər.

İmkanlılar üçün xarici görünüş və digər insanlar üzərində yaradılan təsir önəmlidir. Sosial həyatdakı vacib qaydaları bilirlər, hər zaman şux görünürlər.

Pullu şəxslərin fərqli sahələrə investisiyaları və bir neçə gəlir mənbələri var. Onların 65 faizi milyon dollar qazanmamışdan əvvəl bir neçə sahədə işə başlayıb.

Zənginlərin 50 faizi səhər tez yuxudan oyanır. Hətta işə başlamamışdan 3 saat əvvəl oyanmış olurlar. Nəticədə, gərgin iş günündə daha aktiv olurlar.

Nə istədiklərini deməkdən və kömək istəməkdən çəkinmirlər. Rədd edilməkdən qorxmurlar. İstədiklərinin arxasınca gedirlər. (publika.az)

Yeni Qvineyada yerli sakinlər ağlagəlməz hadisənin şahidi olublar.
Bakupost.az xəbə verir ki, onlar Papua sahillərində köpək balıqlarının sahilə, quruya çıxıb, yemək axtardığını görüblər.
Pişikgözlü adlanan köpək balığı növü quruda üzgəclərinin köməyilə sürünməyi öyrənib.
Bu növ köpək balıqları adətən ac olanda, qida tapmayanda sahilə çıxır, amma onların az qala pinqvin kimi gəzməsi heç vaxt görülməyib.
İnformasiyanın şayiə və ya gerçək olmasını yoxlamaq üçün alim və təbiət mühafizəçisi Forrest Qalante Solomon adalarına şəxsən gedərək, pişikgözlülərin sahildə gəzişini müşahidə edib.
Bu dəniz elmləri tarixində ilk dəfə idi ki, köpək balığının quruda gəzişi rəsmən sənədləşdirilib.
Alimlər hesab edir ki, bu köpək balıqları təkamül keçərək, digər köpək balıqlarının çatmadığı qida mənbələrinə çatmaq üçün üzgəclərindən pəncə kimi istifadə etməyi öyrəniblər.

Moskvanın Lublino rayonunda fövqəladə hadisə baş verib: iş zamanı baş verən leysan nəticəsində 13 nəfər quyuya düşüb.

Axar.az xəbər verir ki, onlardan altısı quyudan özbaşına çıxa bilib. Xilasedicilər 4 nəfəri xilas ediblər, daha 3 nəfər hazırda axtarışdadır.

Qeyd olunub ki, işçilər Krasnodarskaya küçəsində kanalizasiya lyukunu bərpa edərkən güclü yağış yağmağa başlayıb. Su axınları onları yerin altına çəkib.

Hazırda Moskva xilasediciləri daha üç nəfərin axtarışlarını davam etdirirlər. Çox güman ki, yağış suları onları Moskva çayına aparıb.

İtkin düşənlərin gənclər olduğu bildirilir.