Türkiyədə zəlzələ bölgəsində yardım aparan maşınlar Konayda tıxacda qalıblar.

Tıxacın uzunluğu 10 km təşkil edib.

Bunu əks etdirən görüntüləri yerli telekanallar yayıb.

Müdaxilədən sonra 6 saat bağlı qalan yolun qismən açıldığı bildirilib. Tıxacda ambulansların da olduğu qeyd edilib.

İsgəndərun limanında baş verən yanğın söndürülüb.

Bu barədə Türkiyə Müdafiə Nazirliyindən məlumat verilib.

Bildirilb ki, zəlzələdən sonra naməlum səbəbdən alışan konteynerlərdəki yanğın dünəndən başlayaraq gecə boyu davam edib və kifayət qədər böyük sahəni əhatə edib.

Prezident İlham Əliyevin tapşırığına uyğun olaraq, Türkiyədə baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarına dəstək məqsədilə Fövqəladə Hallar Nazirliyinin növbəti yardımları və xilasetmə qrupu qardaş ölkəyə yola salınacaq.
Bu barədə Fövqəladə Hallar Nazirliyindən bildirilib.
Belə ki, təyyarə və Fövqəladə Hallar Nazirliyinə məxsus xüsusi təyinatlı nəqliyyat vasitələri ilə yola salınacaq humanitar yardıma dağıntılardan ziyan çəkmiş insanların yerləşdirilməsi üçün çadırlar, yataq dəstləri, qızdırıcılar, masalar, oturacaqlar və digər avadanlıqlar daxildir.
Digər təyyarə ilə Fövqəladə Hallar Nazirliyinin növbəti axtarış-xilasetmə qrupu göndəriləcək.
Hazırda humanitar yardım və xilasetmə qrupunun yola salınması üçün hazırlıq işləri görülür.

Azərbaycan və Birləşmiş Ərəb Əmirliklərinin sürücülük vəsiqələri qarşılıqlı olaraq tanınacaq.

Gununsesi.info xəbər verir ki, Milli Məclisin Hüquq siyasəti və dövlət quruculuğu komitəsinin sabah keçiriləcək iclasının gündəliyinə daxil edilən “Azərbaycan Respublikasının Daxili İşlər Nazirliyi ilə Birləşmiş Ərəb Əmirliklərinin Daxili İşlər Nazirliyi arasında sürücülük vəsiqələrinin qarşılıqlı tanınması və dəyişdirilməsi haqqında” Anlaşma Memorandumunun təsdiq edilməsi barədə” qanun layihəsində əksini tapıb.

Layihəyə əsasən, Azərbaycan Respublikasının Daxili İşlər Nazirliyi ilə Birləşmiş Ərəb Əmirliklərinin Daxili İşlər Nazirliyi arasında sürücülük vəsiqələri qarşılıqlı tanınacaq və dəyişdiriləcək.

Türkiyədə fevralın 6-da baş verən zəlzələ nəticəsində ölənlərin sayı 4 544-ə çatıb.

Bu barədə Fövqəladə Halların İdarə Olunması Agentliyi (AFAD) məlumat yayıb.

Təbii fəlakət nəticəsində 26 721 nəfər yaralanıb.

Sağ qurtarılanların sayı isə 8 500 nəfərə yaxındır.

Türkiyədə zəlzələdə ölənlərin sayı 2379 nəfərə çatıb. Bu barədə Türkiyə Prezidentinin köməkçisi Fuat Oktay məlumat verib.

Zəlzələ nəticəsində 14 483 nəfər yaralanıb.

Bildirilib ki, təbii fəlakət zamanı 6 217 bina dağılıb.

Sağ qurtarılanların sayı isə 7 840 nəfərdir.

Tbilisi şəhər məhkəməsi Gürcüstanın eks-prezidenti Mixeil Saakaşvilinin səhhətinə görə həbsdən azad edilməsi tələbini rədd edib.

KONKRET.az xəbər verir ki, iclasda müvafiq qərarı hakim Giorgi Arevadze elan edib.
Bununla da Saakaşvilinin vəkili Şalva Xaçapuridzenin eks-prezidentin cəzanın icrasından azad edilməsi və ya hökmün təxirə salınması barədə vəsatəti təmin edilməyib.

Türkiyədə baş verən zəlzələdən sonra axtarış-xilasetmə işləri zamanı xilasedicilər 9 saat sonra dağıntılar altından bir körpə çıxarıb.

Hatayın İskenderun rayonunda olduğu iddia edilən körpənin 9 saat sonra xilasedicilər tərəfindən dağıntılar altından xilas edildiyi görüntülənib.

Xilasedicilər və vətəndaşlar böyük sevinc yaşayıb.

Xatırladaq ki, episentri Türkiyənin Kahramanmaraşın Pazarcık rayonunda olan 7,7 bal gücündə zəlzələ 10 vilayətdə hiss olunub.

Türkiyədə baş verən zəlzələdə ölən və yaralananların sayı artıb.

Teref.az xəbər verir ki, bu barədə AFAd-ın yaydığı məlumatda qeyd olunub. Təbii fəlakət nəticəsində ölənlərin sayı 1651 nəfərə çatıb. 11 119 nəfərin isə yaralandığı bildirilib.

Türkiyədə baş verən 7,5 bal gücündə növbəti güclü zəlzələdən sonra Malatyada bir çox bina yenidən zərər görüb.

Malatyada axtarış-xilasetmə işlərinə kömək edən deputat Vəli Ağbabanın sözlərinə görə, xilasedicilər də dağıntılar altında qalıblar.

“Dünən gecə uçan binanın düz yanında uçmayan bina var idi. Dağıntılar altından insanları çıxardıq. Təxliyədən təxminən 20 saniyə sonra uçmayan bina axtarış-xilasetmə işləri aparılan binanın üzərinə çökdü. Təəssüf ki, axtarış-xilasetmə qrupu dağıntılar altında qalıb”, - deyə o, “Twitter” hesabında bildirib.