"Şikayətim "CityNet"dəndir". DİA.AZ bildirir ki, bu barədə "Müştərinin Səsi" sosial qrupundakı paylaşımında Arzu Umud adlı istifadəçi giley edir.


Narazı vətəndaş daha sonra yazır: "İyun ayının 8-dən Azərbaycanda yaşamıram. Gəlmədən internet provayderini aradım, məlumat istədim. Deyildi ki istifadə etməsəniz, 3 ay ərzində baglanacaq avtomatik.

Baxıram ki bu gün borc yazılıb 18 manat. Qeyd edim ki iyulda ödəniş tələb olunmayıb. Normalda bir gün gec ödəniş edilməsə, internet vermirsiniz. Etmədiyiniz xidmət qarşılığında bu borcu niyə yazırsınız?"

İddia olunanlarla bağlı dia.az olaraq qarşı tərəfi də dinləməyə hazırıq...

İki iri məmurun barəmdə hazırladığı mürəkkəb kompozisiyalı həbs planı
Artıq bir neçə yerdən xəbər alıram ki, “xanın trolbaşısı” müxtəlif şəxslərə belə deyib: “Mənim şairə hörmətim var. Məqsədim ona cinayət işi açdırmaq deyildi. Mən sadəcə onun barəmdə səsləndirdiyi ittihamları üzərimdən atmaq üçün məhkəməyə baş vurmuşam”.
Əziz dostlar, eyni sözlər mənə də deyilib. Həmin şəxs ilk dəfə bu barədə fikirləri məhkəmənin hazırlıq iclasından əvvəl telefon danışığımız zamanı demişdi. Açığı, məni buna inandırmışdı da. Mən də hesab edirdim ki, o məni mülki ittiham qaydasında məhkəməyə verib və tələbi yaydığım məlumatı təkzib etməyimdir. Baxmayaraq ki, həmin tələbi yerinə yetirmək imkanım da yox idi, çünki necə deyə bilərəm ki, hörmətli “qızcığaz” şərhini verdiyim o statusu yazmayıb. Axı yazıb. Bununla belə, məhkəmədə aktiv mübarizə modu seçməyəcəyim, hakim nə qərar çıxararsa, ona etiraz etməyəcəyim, qərarı facebook və Ovqat.com-da heç bir şərh vermədən paylaşacağım barədə qarşı tərəflə razılaşmışdım.
Amma bunun sinsicə uydurulmuş yalan olduğunu məhkəmənin ilk iclasında öyrəndim. Anladım ki, bu yalanın məqsədi məhkəmə hökmünün oxunuşuna qədər mənim başımı qatmaq, öz aktiv müdafiəmi qurmağımın qarşısını almaqdır. Çünki mənə xüsusi ittiham qaydasında cinayət işi açılmışdı və 3 il həbsim istənilirdi. Bu həqiqəti məhkəmənin baş tutmayan ilk iclasında öyrəndikdən sonra hakimin gəlməsini gözləmədən zalı tərk edib, prosesə daha ciddi hazırlaşmağa qərar verdim.
Sözsüz ki, bu həqiqəti anlamağımın daha tutarlı əsasları da var idi. Məhkəmənin ilk iclasından hardasa 10 gün əvvəl qulağıma bir məlumat sızmışdı. Məlumata görə, ölkənin 2 güclü məmuru mənim 2 il həbsimə qərar vermişdilər. Bunun üçün hətta mürəkkəb bir plan da qurulmuşdu. Plana əsasən, “xan trolbaşısı”na mühüm bir rol həvalə ediləcək, o məni əvvəl təhqir və söyüş yağmuruna tutaraq təxribata çəkəcək (məlumatı alanda artıq planın ikinci mərhələsi tamamlanmışdı), sonra isə diffimasiya maddələri ilə məhkəməyə verəcəkdi. Amma mən bu maddələrlə həbs olunmayacaqdım. Çünki bu maddələrlə həbsim Azərbaycana beynəlxalq arenada nüfuz gətirməyə və nəticədə ölkə başçısının müdaxiləsi ilə azadlığa buraxıla bilərdim. Odur ki, məhkəmə məni ilk baxışdan yüngül görünən cəza ilə “mükafat”landıracaqdı. Amma bu, elə bir cəza olacaqdı ki, onun icrasından mütləq boyun qaçıracaqdım. Məhz bundan sonra planın növbəti mərhələsi dövriyyəyə girəcəkdi: mənə CM-nin 309-cu maddəsinə əsasən iş kəsiləcək və 2 il azadlıqdan məhrum ediləcəkdim.
Doğrusu, məhkəmədən əvvəl aldığım bu məlumata o qədər də inanmamışdım. Çünki mən bu hakimiyyətdə təmsil olunan şəxslərin (yeri gəlmişkən, aldığım məlumata görə, planın müəllifi “xan” həzrətləri deyil, onun yaxın dostlarıdır) bu qədər mürəkkəb plan quracaq səviyyədə ağıllı olduğunu düşünmürdüm. Bir də “xan trolbaşısı”nın məhkəmədən əvvəl söylədikləri mənə daha səmimi görünmüşdü. Məhkəmənin baş tutmayan ilk iclasında isə adını hələ ki, çəkmək istəmədiyim həmin 2 məmurun ağıl səviyyəsi barədə gəldiyim qənaətimdə nə qədər yanıldığımı anladım. Sən demə, bu məmurlar nəyi də bilməsələr, başqalarına torba tikmək məsələsində şeytana papış hörəcək qədər ciddi ağıl sahibləri imişlər, sadəcə mənim bundan xəbərim yoxmuş.
Hakimin son anda hətta məhkəmə hökmünü saxtalaşdıraraq ora “üzr istəmək” maddəsini salması da sözügedən 2 məmurun nə qədər ağıllı olduğunu göstərirdi. Bəli, həqiqətən də mən nəinki 2 il, hətta 10 il həbsdə yatmağa razı olaram, amma məni bir xanıma yaraşmayacaq qədər ən nalayiq küçə söyüşləri ilə söyən və söyüş kampaniyasını təşkil edən birisindən üzr istəmərəm.
Mənim son zamanlar aktiv şəkildə öz müdafiəmi təşkil etməyimin başlıca səbəbi də budur. Məqsədim üzərimdə qurulan mürəkkəb kompozisiyalı həbs ssenarisinin qarşısını almaq, uduzduğu halda hələ də əlini yerə vurmayan məlum komandanı ədalət və milli maraqlar qarşısında məğlubiyyətini etiraf etdirməkdir. İnşallah, bu hədəfimə çatmaq üçün lazım gələrsə, Avropa İnsan Haqları Məhkəməsinə qədər gedəcəyəm. Baxmayaraq ki, Avropa məhkəməsində mənim dosyamın adının “Heydər Oğuz Azərbaycana qarşı” olması ehtimalı yüksəkdir və bu ad ruhumu incidir, ən əsası isə bu kimi dosyalar Azərbaycanın əzəli düşmənləri olan güc mərkəzlərinin də işinə yarayır. Zatən Azərbaycandan başqa bütün xarici dövlətlərə, o cümlədən Rusiyaya, İrana, ermənilərə işləyən məlum komandanın əsas hədəflərindən biri də elə budur. Amma mən bir neçə pisin içərisindən ən yaxşı pisi seçmək məcburiyyətindəyəm və bu pisliyə ya Bakıda, ya Brüsseldə qalib gələcəyimə inanıram.
Yeri gəlmişkən, aktiv özünümüdafiə xətti tutmağımdan narahat olan çevrələr də son zamanlar şəxsimə ünvanladıqları müxtəlif açıq və subliminal mesajlarla məni mübarizəmdən yayındırmağa çalışırlar. Hətta bunun üçün yeni saxta profillər yaradıb subliminal mesajlarını onlar vasitəsilə çatdırırlar. Demək olar ki, məhkəmə prosesi ilə bağlı yazdığım hər statusun altına “6 ay nədir ki, cəzanı qəbul et və sus, yoxsa özünü daha çətin uçuruma yuvarladırsan” mahiyyətli ismarışlar yazılır, ünvanıma üstüörtülü şəkildə təhdidlər göndərilir. Mən hələlik həmin saxta profillərin kim tərəfindən idarə olunmasını müəyyənləşdirməyi Daxili İşlər Nazirliyinin öhdəsinə buraxır, bu barədə təxminlərimi dilə gətirmək istəmirəm. Amma bir gün onu da konkret faktlara əsaslanaraq açıqlayacağam.
Haqqımda həbs fərmanı verən 2 məmurun da adını Apellyasiya Məhkəməsinin gedişi sırasında açıqlamağı düşünürəm. Hələ ki, onlara əllərindən gələni 5 qaba çəkmək fürsəti verirəm.
Heyder Oguz
Teref.az

Azərbaycanda turistlərin itdiyi sirli yer...

Möcüzəvi təbiəti ilə göz oxşayan, eyni zamanda naməlum hadisələrin yaşandığı ərazi...

Teleqraf.com dəniz səviyyəsindən 1912 metr yüksəklikdə yerləşəm, tez-tez turistlərin itdiyi qeyri-adi yerlə bağlı məlumatları təqdim edir:

Daha ətraflı videoda:

Yaxud, məhkəmə hakimlərimizin əməllərindən Azərbaycan Respublikası Konstitusiya Məhkəməsinin sədri cənab Fərhad Abdullayevə son şikayətnamə…

Hörmətli Fərhad müəllim!

Bəzi məmurların əssasız olaraq müdafiəsində durduğu “Cənnət Park” MTK rəhbərliyinin 8 illik inadkarlıqla “Biləcəritəmirquraşdırma” QSC-yə məxsus metal boruları ələ keçirmə fəaliyyətindən bilirəm ki, xəbərdarsınız. Çünki məhz Sizin peşəkarlığınız və ədalətliliyiniz sayəsində sədri olduğunuz Azərbaycan Respublikası Konstitusiya Məhkəməsinin Plenumu bu məsələyə dair qəbul etdiyi Qərarı ilə artıq iki dəfədir “Biləcəritəmirquraşdırma” QSC-nin mülkiyyət hüququnu tanımışdır. Amma çox təəssüflər olsun, sonuncu dəfə- bir neçə ay əvvəl Ali Məhkəmənin Kommersiya Kollegiyasının hakimi Bəhmən Qəribovun sədrliyi ilə keçirilən iclasda qəbul edilən qərar 8 ildir davam edən bu lazımsız-əsassız və qanunsuz iddialar predmeti olan məhkəmə çəkişməsinin yenidən-3-cü dəfə Azərbaycan Respublikası Konstitusiya Məhkəməsinin Plenumuna çıxarılıb, bir daha icraata qəbul edilməsinə səbəb oldu.

Çoxillik jurnalist təcrübəmdən dəqiq bilirəm: nə qədər ki, Siz Azərbaycan Respublikası Konstitusiya Məhkəməsinin sədri kimi fəaliyyətdəsiniz, heç bir halda Milli Məclisdə təsdiqlənən və cənab Prezident İlham Əliyev tərəfindən imzalanmış qanunlarımız heç bir məmur və ya iş adamının hikkəsinə qurban verilməyəcək. Bu işdəki süni maraqlı tərəflər dəqiq bilməlidir ki, söhbət təkcə “Biləcəritəmirquraşdırma” QSC kollektivinin 8 ildir əsəbləri sınağa çəkilmir. Həm də Qanunlarımız meydana çəkilir, sözün hüquqi mənasında çarmıxa çəkilir. Axı necə ola bilər ki, Azərbaycan Respublikası Konstitusiya Məhkəməsi Plenumunun imzalandığı və rəsmi mətbuatda yayımlandığı andan heç bir müzakirə mövzusu olmayacaq Qərarı hansısa apellyasiya və ya inzibati, lap Ali məhkəmə hakimlərinin yeni məntiqsiz, əsassız hüquqi qərarı ilə «qüvvədən düşmüş» kimi yenidən müzakirə mövzusu olur??? Bu hakimlər özlərində məsuliyyət hiss etmirlər? Hansısa adı bəlli məmurun xahişi, telefon zəngi Prezident İlham Əliyevin imzaladığı Qanunlardan üstündürmü?

Fərhad müəllim, bu hakimlər Allahdan, Konstitusiya Məhkəməsinin Qərarlarından qorxmur, bunu anladıq. Bəs arxasında Fransanın, ABŞ-ın, Kanadanın… durduğu Ermənistanın 30 illik işğalına cəmi 44 gündə son qoymuş Ali Baş Komandan İlham Əliyevin qəzəbindən də qorxmurlar?!

Nəhayət, bu hakimlər və onları üzə, qanunlarımızı isə gücə salan məmurlar, eləcə də 8 ildir iş-gücünü atıb «Biləcəritəmirquraşdırma» QSC-nin halal mülkünü ələ keçirmək üçün min oyundan, saxta sənədlərdən… keçən «Cənnət Park» MTK rəhbərliyi düşünmürmü ki, Azərbaycan Respublikası Konstitusiya Məhkəməsinin Plenumunun Qərarını bəlkə 3-cü dəfə də heçə sayan hansısa bir məhkəmə hakimi tapılacaq?! Təbii ki, bu dəfə bunlar qətiyyən mümkün olmayacaq! Çünki Azərbaycan atalarının böyük bir fəlsəfi yükü olan məsəli var: deyirlər, atalar üçə kimi deyib! Bilməyənlər üçün izahlayım, bu həm də o deməkdir ki, kim məni birinci dəfə aldadıbsa, ona lənət, kim məni ikinci dəfə aldadıbsa, məni inandıranlara lənət! Yox, kim məni üçüncü dəfə aldadıbsa, onda mənə lənət!

Hörmətli Fərhad müəllim!

Dünyanın bir sıra ölkələrinin media qurumlarının üzvü və əməkdaşı, ən azı, Türkiyənin bir neçə nüfuzlu saytının köşə yazarı, eləcə də Avstraliyanın məşhur hərbi jurnallarından biri ilə əməkdaşlıq sayəsində Azərbaycanın 44 günlük müharibəsində dünyaya səs salan «Kukruznik» təcrübəsini ilk dəfə mediada işıqlandıran, Avstraliya Parlamentinə göndərdiyim rəsmi tarixi sənədlər əsasında «DQR»ı tanıma müzakirəsini donduran bir jurnalist kimi, tam əminəm ki, Sizin kimi vicdanlı, ədalətli hakimin sözü birdir: Qanun şahdır, Şah qanun deyil!

Qanunun üçüncü dəfə Şah olması ümidi ilə:

Asif MƏRZİLİ //tezadlar.az//

Bərdə rayonunda bir nəfərin xəsarət alması ilə nəticələnən yol-nəqliyyat hadisəsi baş verib.

“Report”un xəbərinə görə, hadisə Bərdə-Tərtər yolunun Bərdənin Zümürxan kəndi ərazisindən keçən hissəsində qeydə alınıb.

Belə ki, “Renault” markalı nəqliyyat vasitəsi idarəetməni itirərək yol kənarındakı ağaca çırpılıb.

Qəza nəticəsində avtomobilin sürücüsü müxtəlif dərəcəli bədən xəsarətləri alıb.
Avtomobil yararsız vəziyyətə düşüb.

Faktla bağlı araşdırma aparılır.

Hər birimiz gündəlik olaraq müxtəlif marketlərin müştərisi kimi bonuslardan yararlanırıq. Ancaq fikir versək görərik ki, əksər vaxt bonus kartları reklam edildiyi qədər faydalı deyil.

Əlbəttə ki, hər bir müəssisənin marketinq siyasəti və bonus qaytarmaq şərtləri fərqlidir. Bəzilərində ümumiyyətlə bonus kartı olmadan endirimdən faydalanmaq olmur.

Maraqlı məqam isə odur ki, əksər hallarda müştəriyə bəh-bəhlə bonus kartı təqdim edilir, haqqında bütün məlumatlar alınır. Lakin endirimlər haqqında məlumat verilsə də, bonusların itməsi, endirimlərin bitməsinə dair heç bir məlumat göndərilmir. Hərçənd ki, hər bir marketlər şəbəkəsi öz müştərilərini bonus kartından istifadəyə görə təyin edə bilir.

Bizim.media-nın redaksiyasına müraciət edən şikayətçilərdən biri iddia edir ki, bir çox marketlərdə tütün məmulatları və spirtli içkilərə görə ümumiyyətlə bonus verilmir.

Bəs qanunda bununla bağlı hansısa qadağa nəzərdə tutulubmu?

Hüquqşünas Zaur Quliyev bildirir ki, müəyyən qrup məhsullara görə ƏDV-nin qaytarılmaması nəzərdə tutulsa da, bonusun verilməsi ilə bağlı hər hansı bir məhdudiyyət yoxdur: "Qanunda əlavə dəyər vergisinin qaytarılması ilə bağlı tütün məmulatları, un və un məhsulları həmçinin digər nəzərdə tutulmuş məhsullara görə ƏDV-nin qaytarılmaması nəzərdə tutulub. Amma bonus sistemi mağaza və dükanların, eləcə də bankların özlərinin layihələridir. Qanunda bununla bağlı bir qadağa yoxdur. Ona görə də müştəri cəlb etmək üçün həmin layihələri həyata keçirilməsində supermarketlər tamamilə azaddırlar”.

Bəs bonus kartları müştəriyə verildiyi halda, ona bonusun düşmədiyi və ya kartdakı bonusun itəcəyi barədə niyə əvvəlcədən xəbərdarlıq edilmir?

Qida üzrə ekspert, restorator Məmməd Əhmədovun sözlərinə görə, marketlərdə bonus və müəyyən hədiyyələr xüsusi daxili proqramla müəyyən edilir ki, bir çox hallarda da düzgün olmayan hesablama aparılır: "Hər bir iaşə obyektinin istər restoranın, istərsə hər hansı market şəbəkəsinin, adi supermarketin belə marketinq siyasəti var. Onlar bununla bir növ müştəriləri cəlb edirlər. Bildirilir ki, "müəyyən miqdar alış-veriş edin sizə güzəşt ediləcək”. Bəlli bir tarixdə seçim aparılır və qalib müəyyənləşir. Yaxud müəyyən məbləğ qoyulur və həmin vaxtda hədiyyələr verilir. Təbii ki, bu prosesi izləmək çətindir. Onu müştəri özü də bilmir.

Hazırda kampaniya şəklində məsələn, 50 manatlıq alış-veriş edəndə 50 bonus və yaxud başqa endirim edilir. Bütün bu proseslər isə istehlakçının hüquqları qorunması şərtilə olmalıdır. Çünki istehlakçı ora gedirsə, qarşı tərəf də bunu təmin etmək məcburiyyətindədir”.

"Bonusun itəcəyi ilə bağlı müştəriyə məlumat verilməməsi qanun pozuntusudur”

Ekspert bildirib ki, buna yalnız aidiyyəti qurumlar nəzarət edə bilər. Məmməd Əhmədov həmçinin vurğulayıb ki, bəzi marketlər bonusun itəcəyi barədə müştəriyə məlumat göndərmirsə, bu, həmin marketlər şəbəkəsinin istehlakçıya qarşı etdiyi qanun pozuntusudur: "Hər bir müştərinin bonus kartı alarkən telefon nömrəsi, e-maili və haqqında digər məlumatlar alınırsa, sözügedən məlumatları da göndərməlidirlər. Çünki əgər o məlumat bazası varsa və endirimlər, müəyyən kampaniyalar haqqında insanlara məlumat göndərildiyi kimi, eyni o mexanizmlə də bonusun itməsi və s. kimi məsələlərə bağlı da istehlakçını - müştərini məlumatlandırmaq lazımdır”.

Azad İstehlakçılar Birliyinin sədri Eyyub Hüseynovun sözlərinə görə, Azərbaycan istehlakçıları bir ildə almadıqları mal üçün təxminən 500 milyon manat pul ödəyirlər: "Bonus kartlarına yüklənmələr haqqında problemlər istisna hal deyil. Çünki marketlər istehlakçıların ən çox aldadıldığı yerdir. Marketlərdə təkcə bu yox, insanların almadığı məhsula görə pul çıxılması və s. halları da baş verir”. (musavat.com)

Şovi istirahət mərkəzi sürüşmə nəticəsində tamamilə dağıldığı üçün artıq mövcud deyil.

Bu barədə Tbilisi meri Kaxa Kaladze bildirib.

“Deyə bilərik ki, Şovi artıq yoxdur. O, tamamilə dağılıb”, - deyə mer bildirib.

Şovi istirahət mərkəzindəki sürüşmə zamanı 17 nəfər ölüb.

"Hər zaman Antalya bölgəsinə yolum düşəndə fikirləşirəm, nə əcəb biz hotellərdə AI və UAI üsulunu tədbiq edə bilmirik?! Niyə SPA, fitnes, uşaq klubu, yay barı, qış barı anlayışları bizdə hər hansı bir hotelin yalnız 5 ulduz alması üçün qurulur və aylarla istifadəsiz qalır?!"

Bu fikirləri aktyor, ssenarist Azər Aydəmir sosial şəbəkədə bildirib.

Aktyor ölkəmizdəki turizm sektorundan gileylənib:

"Hər dəfəsində də turizm sahəsinə məsul şəxslər, tanışlarım mənə deyirlər ki, "O bizim üçün deyil", "Bizə hələ tezdir", "O mexanizm bizdə işləməz" və s. Tətil bitdi. İndi isə məni digər sual maraqlandırır: "Nə olub axı bizə?"" (News24.az)