 |
|
|
"ABŞ-nin şərq sahili üzərində görünən və çoxalan uçan naməlum obyektlər qravitasiya ilə idarə olunur. Belə texnologiyalara yalnız ABŞ və Çin malikdirlər".
Oxu.Az-ın verdiyi məlumata görə, bu barədə "Tesla Cybertruck"u partladan Metyu Livelsbergerin mediaya sızan elektron məktubunda qeyd olunub.
O, ABŞ-ni öz ekzotik silahlarını və texnologiyalarını gizlətməkdə günahlandırıb.
Məktubda xəbərdarlıq edilib ki, ölkə boyu müşahidə olunan dronlar, əslində, Pekinin gücünü nümayiş etdirmək məqsədilə Atlantik okeanı vasitəsilə buraxılan Çinin qravitasiya aparatlarıdır. Livelsberger bu dronların qeyri-məhdud yükqaldırma qabiliyyətinə malik olduğunu vurğulayaraq, onu milli təhlükəsizliyə görünməmiş təhlükə kimi təsvir edib.
O, Çinin ABŞ-nin şərq sahilinə hücuma hazırlaşdığı barədə gümanını da bölüşüb.
Xatırladaq ki, ABŞ-nin Nyu-Cersi də daxil olmaqla bir sıra ştatının sakinləri gecələr səmada onlarla dronun görünməsindən narahatlıqlarını bildiriblər. Yerli hökumətlər federal hökumətdən və hərbçilərdən baş verənləri araşdırmağı tələb ediblər. Lakin Pentaqon naməlum dronların uçuşlarında aşkar təhlükə görmədiyini və PUA-ların xarici dövlətlərə məxsusluğuna dair sübutların olmadığını vurğulayıb. Bununla belə, hadisələrin inkişafının izlənəcəyinə vəd verilib.
Yeri gəlmişkən, 18 ili Xüsusi Təyinatlı Qüvvələrdə olmaqla 19 ildən çox hərbi xidmətdə olan Livelsberger Yeni ilin ilk günlərində Las-Veqasda Trampın hotelinin yaxınlığında "Tesla Cybertruck"ı partladıb, özü də orada ölüb.
Sonxeber.az
“1988-ci ildən Qarabağda arvadı gözəl olan erməni kişiləri sərbəst gəzə bilmirdi”.
TEREF Konkret.az - a istinadən xəbər verir ki, bu sözləri erməni bloqer Roman Baqdasaryan bildirib.
O daha sonra fikirlərini belə davam etdirib:
“Amma indi gözəl erməni qadınları Paşinyanın dövründə öz ərləri ilə Ermənistanın küçələrində sərbəst gəzə bilirlər. Yüzlərlə gözəl, yaraşıqlı, əndamlı erməni xanımları ordunun birinci şəxslərinin, yüksək çinli məmurların tələsinə düşürdülər. Hadrutun ordu komandiri, digər daşnaklar gözəl erməni qızlarının ərlərini ya müharibəyə göndərirdilər, ya da öldürürdülər və sonradan izah verirdilər ki, guya onları snayper vurub. Və ərləri öldürülmüş erməni qadınlarla sekslə məşğul olurdular.
O dövrdə yüzlərlə erməni öz gözəl qızlarını qorumaq üçün Qarabağdan qaçmışdı. 35 il ərzində yeganə lider Paşinyandır ki, onun dövründə gözəl xanımlara sərbəstlik, azadlıq verilib. İndi gözəl erməni qadınlarını zorlayanlar erməni kanallarında Paşinyana dərs deməyə çalışırlar.
Dediklərim bir həqiqətdir ki, yüzlərlə erməni ona görə öldürülüb ki, arvadları gözəl olub”.
Ermənistanın keçmiş prezidenti Levon Ter-Petrosyanın 1993-cü ildə erməni milli hərəkatının hərbi qolu olan “Yerpaka” üzvləri qarşısında etdiyi çıxışında səsləndirdiyi fikirlər, onun “demokrat” imicinin nə qədər yanlış olduğunu bir daha ortaya qoyur.
Ter-Petrosyanın açıqlamaları ermənilərin planlı şəkildə Azərbaycan əhalisinə qarşı həyata keçirdiyi sistemli etnik təmizləmə siyasətini təsdiqləyir.
Ter-Petrosyan çıxışında açıq şəkildə bildirib:
“Biz Ermənistanı azərbaycanlılardan təmizlədik, Artsaxı təmizlədik. Erməni xalqının son 600 ildə edə bilmədiyini siz etdiniz.”
Musavat.com sitatın davamını təqdim edir: "Biz Ermənistanı təmizlədik azərbaycanlılardan, biz Artsaxı təmizlədik. Erməni xalqının son 600 ildə edə bilmədiyini siz etdiniz ( könüllü hərbi dəstələri nəzərdə tutur) .
Biz Ermənistanı azərbaycanlılardan ona görə təmizlədik ki, onlar bizə hədəflərimizə çatmağa əngəl olacaqdılar. 170 min azərbaycanlı 3 rayonda çoxluq təşkil edirdilər. Zəngəzur boyu da çoxsaylı idilər. Biz onları təmizləməsəydik həmin bölgələrdə problemlər yaşayacaqdıq, SSRİ dağılan kimi.
Azərbaycanda Dağlıq Qarabağdan kənarda yaşayan 300 min ermənilərin köçüb Ermənistana gəlməsi də bizə lazım idi. Onlar orada qalsaydılar Azərbaycan girov kimi onlardan bizə qarşı istifadə edib tarixi missiyamızı gerçəkləşdirməyə qoymayacaqdılar.
Üstəlik, bununla biz demoqrafik problemimizi həll etdik.
Etnik təmizləmə və məkrli planların etirafı
Ter-Petrosyanın dedikləri, Ermənistanın Azərbaycan və Türkiyəyə qarşı apardığı etnik təmizləmə siyasətinin necə planlı şəkildə həyata keçirildiyini ortaya qoyur. O, azərbaycanlıların Ermənistan və Zəngəzurdan qovulmasını, SSRİ-nin dağılmasından sonra ermənilərin “problemlər yaşamasını” önləmək məqsədilə etdiklərini etiraf edir. Eyni zamanda, Azərbaycanın müxtəlif bölgələrində yaşayan ermənilərin Ermənistana köçürülməsini “Azərbaycanın girov kimi istifadə etməsinin” qarşısını almaq üçün vacib bir addım kimi göstərir.
Bu çıxış, təkcə Ermənistandakı etnik təmizləmənin arxasında duran sistemli planları deyil, həm də Qarabağ münaqişəsi zamanı Ermənistanın bölgədə apardığı işğalçı siyasətin mahiyyətini bir daha təsdiqləyir.
Ter-Petrosyan təkcə Ermənistanın deyil, bütün ermənilərin tarixində ən təhlükəli liderlərdən biridir. Onun Azərbaycana qarşı həyata keçirdiyi təxribatlar və millətçi planlar Sumqayıt hadisələrindən tutmuş, Azərbaycanın müxtəlif bölgələrində baş verən "poqrom"lar və etnik qırğınlarla nəticələnmişdir. Özünü “demokrat” kimi təqdim etməyə çalışan bu şəxs, əslində adi qatildir və antitürk siyasətinin ən bariz nümayəndəsidir.
Musavat.com Levon Ter-Petrosyanın bu çıxışından video parçanı təqdim edir. Onun səsləndirdiyi fikirlər Ermənistanın regionda apardığı siyasətin mahiyyətini və niyyətini bir daha üzə çıxarır.
Mənbə: https://www.youtube.com/watch?v=JR4yhACAICE&ab_channel=AlbertIsakov
Musavat.com
ABŞ Prezidenti Co Baydenin əlində və çənəsində qəribə göyərtilər müşahidə edilib.
Bu barədə "Daily Mail" xəbər verib.
Bildirilir ki, bu vəziyyət ciddi xəstəlikdən xəbər verə bilər.
"Bayden qorxunc görünürdü. Sanki alt dodağını bərk əzib, tamamilə şişmiş və göyərmiş vəziyyətdə idi", - deyə nəşrdə vurğulanıb.
Məqalə müəllifləri, həmçinin ABŞ televiziya kanallarının şərhçilərinin fikirlərini də təqdim ediblər. Ekspertlərdən birinin fikrincə vəzifəsini yanvarın 20-də tərk edəcək ABŞ prezidenti insult keçirmiş ola bilər.
Moldova hakimiyyəti bir sıra ölkələrin, o cümlədən Ermənistan və Rusiya aviaşirkətlərinin fəaliyyətinə qadağa qoya bilər.
“Qafqazinfo” xarici KİV-ə istinadən xəbər verir ki, ölkənin İnfrastruktur və Regional İnkişaf Nazirliyi müvafiq layihənin müzakirəyə çıxarılmasını təklif edib.
Bildirilir ki, belə bir qərarın məqsədi milli qanunvericiliyi Avropa İttifaqının normalarına uyğunlaşdırmaqdır.
Siyahıya Rusiya, Ermənistan, Əfqanıstan, Qırğızıstan, Tanzaniya, Konqo, İran, Liviya və Sudan da daxil olmaqla 20-dən çox ölkənin aviaşirkətləri daxildir.
ABŞ-ın yeni seçilmiş prezidenti Donald Tramp koronavirusa görə Çindən trilyonlarla dollar təzminat tələb edəcək.
Bunu Avropa Parlamentinin keçmiş üzvü, Krit Universitetinin Aİ institutlarının professoru Notis Marias bildirib.
“Mən güman edirəm ki, Tramp ABŞ və ümumilikdə Qərbin Rusiyaya qarşı sanksiyalar tətbiq etməsi və Rusiya hökumətinin 300 milyard dollardan çox vəsaitinin dondurulması “nailiyyətlərindən” istifadə edərək, indi çəkinmədən Çindən koronavirus səbəbindən dəymiş ziyana görə kompensasiya tələb edəcək. Koronavirusdan", - deyə Marias bildirib.
Xatırladaq ki, daha əvvəl ABŞ konqresmenləri koronavirusun laboratoriya mənşəli olduğunu açıqlayıb və Çini günahlandırıblar.(Bizim.media)
ABŞ PKK terror təşkilatının Suriya qolu olan YPG-yə dəstək çərçivəsində bu ölkənin şimalındakı Kobani şəhəri yaxınlığında hərbi baza tikir.
Bu barədə “Sabah” qəzeti məlumat yayıb.
“Yerli mənbələr ABŞ-nin qonşu İraqdakı bazanı tərk etdiyini, beton bloklar və digər materialları isə Kobani kimi də tanınan Əyn əl-Ərəbə göndərdiyini bildiriblər”, - qəzet yazıb.
Həmçinin bu ərazidə işləyən jurnalistlər bildiriblər ki, beton konstruksiyaların tikintisi üçün lazım olan bloklar üzərində ABŞ bayraqları olan 13 yük maşını ilə Kobaniyə gətirilib.
“Sabah” xatırladıb ki, ABŞ daha əvvəl bu həftənin əvvəlində onlarla “Bradley” tipli piyadaların döyüş maşınını, hava hücumundan müdafiə sistemlərini və zirehli texnikanı əraziyə yerləşdirib.
Qəzet onu da yazıb ki, Türkiyə hökuməti Ankaranın PKK və YPG ilə bağlı addımlarında Suriyanın yeni administrasiyasına güvənir. Eyni zamanda, Türkiyə bölgədəki kürd qruplaşmalarının silahı yerə qoymayacağı təqdirdə, hərbi əməliyyatlara başlayacağını bəyan edib. (Report)
Amerika Birləşmiş Ştatlarının gələcək Prezidenti Donald Tramp Rusiya lideri Vladimir Putini dayandırmağa qadirdir.
“UNIAN“ xəbər verir ki, bu Ukrayna Prezidenti Volodimir Zelenski bildirib.
Zelenski qeyd edib ki, o, artıq ABŞ-ın seçilmiş prezidenti ilə bir neçə dəfə danışıb. Onun fikrincə, Tramp “güclü və gözlənilməzdir”.
“Mən istərdim ki, prezident Trampın gözlənilməzliyi ilk növbədə Rusiya Federasiyasına aid olsun. İnanıram ki, o, həqiqətən də müharibəni bitirmək istəyir. Bunun doğru olduğuna inanıram”, – Zelenski əlavə edib.
Suriya həbsxanaları və düşərgələrində qalan İŞİD terrorçularının vətəndaş olduqları ölkələrə göndərilməsi lazımdır.
Bu barədə Türkiyə xarici işlər naziri hakan Fidan Belçikanın xarici işlər naziri Bernard Quintin ilə birgə mətbuat konfransı zamanı bildirib.
O qeyd edib ki, bu məhbusların uzun zamandır cəza alamamaları və gələcəklərinə dair qərarın verilməməsi bölgə üçün təhlükə mənbəyinə çevirilib.
H. Fidan, həmçinin, Türkiyənin Suriya hökumətinə bu həbsxana və düşərgələrin nəzarət altına alınması məsələsində yardım etməyə hazır olduğunu vurğulayıb: “Türkiyə olaraq, həm bu böhranın çözülməsi, həm də Türkiyənin təhlükəsizlik narahatlıqlarını aradan qaldırmaq, həm də Suriyanın milli və ərazi bütövlüyünü, başda kürdlər olmaqla, orada olanların təhlükəsizliyini təmin etmək üçün təkliflərimiz hazırdır”.
Türkiyəli nazir Suriyada başlayan yeni dövrdə Türkiyənin bütün etnik və dini qrupların qoruyucusu olduğunu da əlavə edib. Onun sözlərinə görə, hər hansı tərəfin zülmə məruz qaldığı təqdirdə Ankara lazımi addımlar atacaq.
Rusiya Xarici İşlər Nazirliyinin rəsmi nümayəndəsi Mariya Zaxarova Polşanın 2025-ci ildə Kalininqrad vilayəti ilə sərhədə qoşunların daşınması üçün yol çəkmək planlarını ələ salıb.
"Artıq içməyə başlamısan, yoxsa nə?" – o, öz Telegram kanalında Polşa Daxili İşlər Nazirliyinin rəis müavini Maçey Duşçikin müvafiq bəyanatına cavab olaraq yazıb.
Duszczyk əvvəllər "Financial Times"-a müsahibəsində bildirib ki, yaxın aylarda Varşava da Kalininqrad bölgəsinə aparan yeni yol çəkiləcək və bu, Polşa qoşunlarına mümkün təhlükəsizlik pozuntularına daha tez çatmasına imkan verəcək.
Dekabrın ortalarında Polşa prezidenti Anjey Duda sülhməramlı kontingentin tərkibində Polşa hərbçilərinin Ukraynaya göndərilməsinə icazə verib.