“Əgər Zəngəzur Dəhlizi yaradılarsa, o zaman Ermənistanın cənub bölgələri ilə əlaqəsi kəsiləcək”. JAMAZ.İNFO xəbər verir ki, bu iddia ilə iranlı ekspert İsmayıl Əlixan çıxış edib.

“Pars Today” nəşrinə verdiyi açıqlamasında Əlixan onu da deyib ki, dəhlizin açılmasından sonra ermənilər İrana keçmək üçün Azərbaycanın da raszılıq və icazəsini almalı olacaqlar.

Ekspert qeyd edib ki, Ermənistan Azərbaycana cənubdan, İranla sərhəddə ərazi versə, İranla qonşu olmaqdan çıxacaq. “İran Ermənistanla ən qısa ümumi sərhədə malikdir. Bu cəmi 38 km təşkil edir. Bu, İran və Avropa arasında əlaqə qapısıdır və böyük əhəmiyyət kəsb edir”.

Qeyd edək ki, bu olduqca məntiqsiz və əsassız yanaşmadır. Çünki Zəngəzur Dəhlizinin açılması Ermənistanla İran arasında əlaqələrin kəsilməsi anlamı daşımır. Bu sadəcə, İranın başqa bəhanə tapa bilməməsinin göstərəcisi olmaqla yanaşı, həm də məsələyə başqa don geyindirmək cəhdidir.

Xəbər verildiyi kimi, Ukrayna Putinin "sülhməramlı"ların nəzarətində olan Azərbaycan ərazilərinə göndərdiyi milyarder "desant"ı Ruben Vardanyanı axtarışa verib. Ukraynanın sanksiya tətbiq edilən şəxslərin siyahısına daxil etdiyi Ruben Vardanyan “dərhal saxlanılaraq Ukrayna və NATO ölkələrinin hüquq-mühafizə orqanlarına təhvil verilməli” şəxs kimi qeyd edilib. Lakin erməni milyarderin hansı səbəblərdən axtarışa verildiyi bizim üçün qaranlıq qalıb...

Avropanın nüfuzlu "EU Reporter" analitik portalı “Aİ üçün təhlükə: Putinin əlaltısı Cənubi Qafqazda müharibəyə hazırlaşır” başlıqlı məqaləsini məhz Ruben Vardanyanın Qarabağdakı təxribatçı fəaliyyətinə və ümumiyyətlə, Rusiyanın burada Azərbaycan, Güney Qafqaz, Ukrayna və Avropa İttifaqına qarşı gördüyü işlərdən bəhs edir.

TEREF.AZ həmin məqaləni kiçik ixtisarla Moderator.az-a istinadla oxucuların nəzərinə çatdırır:

“Bu yaxınlarda ABŞ Rusiya kəşfiyyatı ilə əlaqəli qrupun yeddi aparıcı üzvünə Rusiyanın Moldovada destruktiv təsir kampaniyalarında və sabitliyi pozma əməliyyatlarında oynadıqları rola görə sanksiya tətbiq edib. Ən azı bir nəfərin qara siyahıya əlavə edilməsinə təcili ehtiyac var – hazırda “sülhməramlı” kimi görünən Rusiya hərbçilərinin bazasına çevrilmiş Azərbaycan torpaqlarında tanınmamış separatçı qurumun keçmiş “dövlət naziri” Ruben Vardanyanın...

Ötən həftə Ukrayna Məxfi Xidməti ("SSU") Vardanyanı saxlamağa və Ukrayna hakimiyyətinə və ya hər hansı NATO ölkəsinin səlahiyyətlilərinə təhvil verməyə çağırıb. Onun adı “Myrotvorets” ("Sülhməramlı") məlumat bazasında yer alıb. Orada ukraynalılar Rusiyanın işğalını dəstəkləyənlərin siyahısını təqdim edirlər.

Vardanyan Kremlə yaxın fəaliyyəti ilə məşhurdur. Xatırladaq ki, Ruben Vardanyanın 2005-2022-ci illərdə ofşor şirkətlər vasitəsilə çirkli pulların yuyulması və Putinin ətrafının ən nüfuzlu adamlarına (məsələn, Sergey Rolduqinə) pul köçürməsi ilə məşğul olduğu bildirilib. Həmin dövrdə o, Rusiya Federasiyasının prezidenti və hökuməti yanında “ekspert şuraları”nda, yalnız Putinə yaxın adamlar üçün əlçatan olan vəzifələrdə çalışıb. Eyni zamanda, Vardanyan 2011-ci ildə Rusiya Federasiyasının "Sberbankı"nın tərkibinə daxil olan “Troyka Dialoq” investisiya bankına da rəhbərlik edib.

2019-cu ilin martında Avropa İttifaqı parlamentinin üzvləri Vardanyanın “Troyka Dialoq”un rəhbəri kimi fəaliyyətinin araşdırılmasını tələb ediblər.

Bu günlərdə Vardanyanın və onun “Troyka Dialoq”unun adı ofşor şirkətlər mövzusu ilə bağlı yenidən gündəmə gəlib: Mütəşəkkil Cinayətkarlıq və Korrupsiyaya Qarşı Mübarizə Mərkəzi (OCCRP) “Troyka Dialoq”un ofşor şirkətlərin geniş şəbəkəsi yaratdığını inandırıcı şəkildə sübut edib. Bu şirkətlər Rusiyadan pulların yuyulması, nağdlaşdırılması və ya qeyri-qanuni çıxarılmasında ittiham olunan digər şirkətlərlə əməkdaşlıq ediblər. Söhbət 76 şirkətdən keçən 4,6 milyard dollardan gedir...

Bu gün Qarabağdakı separatçı anklavda “dövlət naziri” vəzifəsindən azad edilsə də,“Putinin pul kisəsi” hələ də Cənubi Qafqazda Rusiya qazı və neftinin əsas enerji təchizatı alternativlərindən biri olan Azərbaycan üçün qeyri-sabitlik mənbəyi yaratmaqla məşğuldur...

Qəribədir ki, ukraynalılar bunu avropalılardan və amerikalılardan daha yaxşı başa düşürlər. Ukrayna kəşfiyyat xidmətləri yalnız Cənubi Qafqazda Rusiyaya pilotsuz təyyarələr və raketlər verən İranla bağlı işləmir. Ukraynalılar başa düşürlər ki, Aİ-yə sabit enerji təchizatına təsir edən istənilən məsələ onlara ağır zərbə vura bilər.

Vardanyan bu yaxınlarda Qarabağdakı separatçıları silaha sarılmağa çağırıb: "Biz sona qədər döyüşəcəyik. Son həddi keçilib: siz ya "Artsax"ın müdafiəsinə qalxın, ya da bütün erməni xalqına qarşı". Bu çağırış Aİ və ABŞ-ın Ermənistan və Azərbaycan arasında sülh nizamlanmasına nail olmaq səyləri fonunda edilib...

“Sülhməramlılar (anklavdakı rus hərbçiləri - red.) “Artsax”ı dəstəkləyən qüvvədir... Onların burada daha çox sayda və daha uzun müddət qalması üçün biz çox iş görməliyik”, - Vardanyan belə deyib.

Mayın əvvəlində Rusiyayönlü mitinqdə o, Putinin Cənubi Qafqazda təsirini saxlamaq üçün bir vasitə kimi rus qoşunlarının iştirakının zəruriliyi ideyasını açıq şəkildə irəli sürüb.

Ukrayna kəşfiyyatının məlumatına görə, Rusiya hərbçiləri Qarabağdakı separatçıları Çinin yüzlərlə “DJI Mavic 3” kəşfiyyat və zərbə vuran pilotsuz təyyarələri ilə təmin edib. Onlar minaatan kimi partlayıcı qurğuları atmağa imkan verən bombardman sistemləri ilə təchiz olunublar. Həmin silahların separatçılara verilməsi əmrini Rusiya Federasiyası Baş Qərargah rəisinin müavini Aleksey Kim verib. Onlardan təxribatlar üçün istifadə oluna bilər, məsələn, Bakı ilə İrəvan arasında sülh danışıqlarını sabotaj etmək və ya Qərbə qaz nəqlini əngəlləməklə regionda yeni müharibəyə başlamaq məqsədi ilə.

Bu təhlükənin qarşısını almaq vaxtıdır; Vardanyana qarşı nəinki sanksiya tətbiq etməyin, həm də onu İnterpol və digər Qərb təhlükəsizlik xidmətlərinin axtarışına çıxarmağın vaxtı çatıb”.

Zəruri şərh:

Moderator.az Ruben Vardanyanın Qarabağa daxil olduğu ilk gündən – 2022-ci il sentyabrın 1-dən Azərbaycan XİN-ə onun ölkəmizin ərazisindən uzaqlaşdırılması üçün təcili və qəti tədbirlər görülməsi üçün müraciət edib. Lakin təəssüf ki... Həmçinin Putinin milyarder desantının “dövlət naziri” vəzifəsindən azad edildiyi 23 fevral 2023-cü il tarixindən bəri də mütəmadi olaraq Vardanyanın Qarabağda və Ermənistanla sülhyaratma prosesi qarşısında böyük əngəl və təhlükə olduğunu vurğulayıb...

“Mövcud çətinliklərə baxmayaraq Azərbaycanın minalarla çirklənmiş ərazilərinin artıq onda birini təmizləyib”.

APA xəbər verir ki, bunu Piyadalar Əleyhinə Minaların Qadağan Olunması üzrə Konvensiyanın 2023-cü il sessiyalararası görüşündə iştirak edən Azərbaycan Respublikası Xarici İşlər Nazirliyinin xüsusi tapşırıqlar üzrə səfiri Elşad İsgəndərov deyib.

Səfir, həmçinin, Ermənistanın beynəlxalq humanitar hüququn tələblərini pozaraq Azərbaycana hələ də dəqiq mina xəritələrini verməkdən boyun qaçırdığı vurğulanıb. Bu xüsusda, beynəlxalq həmrəyliyin göstərilməsinin vacibliyi, həmçinin ölkəmizin beynəxalq təşkilatlarla əməkdaşlığa hazır olduğu tədbir iştirakçılarının diqqətinə çatdırılıb.

Qarabağdakı separatçılar “Ria Novosti”nin “ABŞ Bakı ilə dialoq tələb edir, əks təqdirdə antiterror əməliyyatı keçiriləcək” xəbərdarlığına dair iddiasına münasibət bildirib: deyirlər ki, “mövcud şəraitdə münaqişənin dialoq yolu ilə həlli real deyil”;
Məlumatda iddia olunan “üçüncü ölkələrdə dialoq” da Azərbaycanın gündəliyinə daxil deyil.
Separatçılar üçün iki dəfə Bakıda reinteqrasiyanı müzakirə etmək təklifi verilmişdi, artıq nə bu təklif, nə də dialoq gündəmdə deyil.
Təslim olmaq tələbi var və yalnız bu halda amnistiya haqda müzakirə aparıla bilər.
Separatçıların “dialoqdan” imtina etməsi isə problemi fərqli yollarla həll etmək baxımından rəsmi Bakıya sərf edir.
Asif Nərimanli

Bu gün Ermənistan hərbçilərinin “Laçın” postunda sərhədçimizi yaralaması da daxil olmaqla, müxtəlif istiqamətlərdə təxribatları ABŞ-ın İrəvandakı səfirliyinin dünənki çağırışını gündəmə gətirib.

Ötən gün səhər saatlarında ABŞ-ın Ermənistandakı səfirliyi diplomatik korpusun əməkdaşlarına və onların ailə üzvlərinə Azərbaycanla həmsərhəd rayonlara hər hansı qeyri-vacib səfərləri qadağan etmişdi.

Səfərlərin qadağan olunduğu yerlər isə Ermənistanın Tavuş, Göyçə, Cermuk və Zəngəzur vilayətləridir.

Politoloq Elxan Şahinoğlu qeyd edib ki, bu, Vaşinqtonun Ermənistan ordusunun təxribatı haqqında əvvəlcədən məlumatlı olduğunu təsdiqləyir:

“ABŞ İkinci Qarabağ müharibəsinin başlanmasından bir neçə gün əvvəl də vətəndaşlarına oxşar xəbərdaqlıq etmişdi. ABŞ kəşfiyyatı dünyanın hər yerində olduğu kimi Cənubi Qafqazda da fəaldır, təsadüfi deyil ki, ABŞ-ın keçmiş SSRİ məkanında ən böyük səfirliyi Ermənistandadır”.

Beynəlxalq Qırmızı Xaç Komitəsi (BQXK) Laçında sərhəd-buraxılış məntəqəsindən keçməklə Rusiya sülhməramlılarının müvəqqəti nəzarətində olan Azərbaycan ərazilərindəki ermənilərə yardım gətirib.

Beynəlxalq təşkilatın Qarabağa humanitar yardım daşıyan nəqliyyat vasitələrinin sözügedən məntəqədən növbəti keçidi ilə bağlı videogörüntülər yayılıb.

Lakin burada bir addım gözdən yayınmır. Belə ki, BQXK öz missiyasının icrasında Qarabağda yaşayan mülki şəxslərin avtomobillərindən istifadə edir. Məhz bu addım onların fəaliyyəti ilə bağlı şübhə yaradır.
Daha ətraflı Baku TV-nin süjetində: