TV Müsavat-ın canlı efirinin qonağı ReAL Partiyasının icra katibi, iqtisadçı ekspert Natiq Cəfərli olub.

Musavat.com xəbər verir ki, Natiq Cəfərli verilişdə Qarabağda baş verən hadisələri şərh edib.

Ətraflı videoda:

Azərbaycanın Qarabağ iqtisadi rayonunun bir hissəsində məskunlaşan rus sülhməramlılarının müvəqqəti məsuliyyət zonasında fəaliyyət göstərməyə çalışan erməni separatçı-terrorçularının növbəti dəfə silah daşıdığı üzə çıxıb.
TEREF.AZ xəbər verir ki, silah daşındığını təsdiqləyən görüntülər Xankəndi-Qeybalı-Xəlfəli yolunda qeydə alınıb.
Videodan da aydın görünür ki, rus sulhməramlılar qanunsuz erməni birləşmələrini müşayiət etməklə, onların “postları” arasında silah daşımasına yardım edirlər.

Qeyd edək ki, söhbət Ermənistandan silah gətirilməsindən yox, separatçı-terrorçuların daxildə “postlararası” sursat və şəxsi heyət daşımasından gedir. “Laçın” postu qurulduqdan sonra dövlət sərhədimizdən silah keçirilməsi mümkün deyil.

Bu addımların təxribata hesablandığını deyən hərbi-siyasi ekspert Həşim Səhrablı "Sherg.az"a vurğulayıb ki, Rusiyanın birbaşa Azərbaycana hücum əmri verəcəyini bəlkə də iddia edə bilmərik:

"Lakin fakt ondan ibarətdir ki, Kremlin bölgədəki qeyri-qanuni birləşmələri silahladırmaqla, rəsmi Bakıya qarşı özünə təsir vasitəsi yaradır. Yəni bu vasitə ilə Azərbaycanın müstəqil xarici siyasətinə müdaxilə etməyə və özünə uyğun qərarların verilməsinə çalışır. Təbii bölgədə olan etnik erməni separatçılar bunun üçün ən effektiv vasitədir".

Ekspertin sözlərinə görə, Ermənistandan bölgəyə silah daşınması mümkün deyil:

" Çünki Laçın yolunda nəzarət buraxılış məntəqəsi quraşdırılıb və hər şey bizim nəzarətimizdədir. Ancaq rus sülhməramlıları əllərində olan imtiyazlardan və rəsmi Bakının xoşməramlı niyyətindən istifadə edərək, bölgədəki problemlərin davamına çalışır.

O ki qaldı, silah daşınmasına yardım edən sülhməramlıların imtiyazlarının alınmasına, bu çoxdan labüd hall alıb. Hətta biz gecikirik də deyə bilərik.

Çünki rəsmi Bakının əllərində bu neqativ hallarla bağlı faktlar var. Ona görə də bundan istifadə edərək bölgədəki rus özbaşınalığına son verməliyik.

Bunu ən effektiv yolu isə rus sülhməramlı missiyasının BMT mandatının olmamasını əsas gətirərək bölgədən çıxarmaqdan ibarətdir".

Moskva Ermənistan-Azərbaycan prosesində Qərbin vasitəçiliyinin müsbət nəticələrini görmür.
Bakupost.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.
O qeyd edib ki, Qərb gündəmi yarımçıq qoyaraq Rusiya Federasiyasının nailiyyətlərini öz üzərinə götürmək istəyir.
Zaxarova bildirib ki, Qərbin səylərin heç bir konstruktivliyi və real nəticəsi yoxdur.
"Rusiya tərəfi nəticə verən addımları yüksək qiymətləndirir. Amma Qərbin timsalında, hələ ki, qiymətləndirəcək heç nə yoxdur", - o vurğulayıb.

Azərbaycanın Xankəndi şəhərindəki separatçı rejim yenidən fəallaşıb.

Belə ki, qondarma qurumun “təhlükəsizlik şurasının keçmiş katibi”, qanunsuz “hərbi birləşmənin keçmiş komandiri” Samvel Babayan yenidən meydanlara qayıdıb.

O, yenidən separatçı rejimdə “vəzifə” almağa çalışır. Hətta son keçirilən mitinqdə Samvel Babayanın “dövlət naziri” təyin olunmasını tələb edilib.

Separatçı rejimin “Milli Assambleyasının sədri” Artur Tovmasyan isə bu istiqamətdə müəyyən addımlar atacağını bildirib.

Həm Artur Tovmasyanın, həm də özünü qondarma rejimin rəhbəri adlandıran Araik Arutyunyanın Samvel Babayanla “siyasi məsləhətləşmələr” aparacağı da qeyd olunur.

Maraqlıdır ki, Azərbaycan və Ermənistan arasında sülh danışıqlarının getdiyi bir vaxtda Xankəndidə yeni bir qüvvə ortaya çıxıb.

Bəs bunun arxasında kim dayanır və nə hədəflənir?

TEREF.AZ-ın məlumatına görə, mövzu ilə bağlı Cebhe.info-ya açıqlama verən politoloq İlyas Hüseynov bildirib ki, hər dəfə Azərbaycanla Ermənistan arasında sülhə dair yaxınlaşma olanda bir sıra ssenarilər işə düşür:

“Yəni bir sıra pozucu fəaliyyətlər müşahidə olunur. Bu gün də biz proseslərin içindəyik. Onu da yaddan çıxarmayaq ki, Azərbaycanla sülh müqaviləsinin imzalanmasına dair tarixi anlar yetişəndə Ermənistan parlamentinə silahlı hücum oldu. Nəticədə parlamentin sədri və baş nazir güllələndi. Həmçinin, bir sıra deputatlar da terror aktının qurbanı oldu.

Xatırladım ki, 2016-ci ildə də belə bir an yetişəndə Ermənistanın radikal terrorçu "Sasna Tsrer" təşkilatının nümayəndələri İrəvanda polis idarəsinə basqın etdilər və ümumi daxili-siyasi gərginliyin yaradılmasına səbəb oldular. Sanki bu gün də Ermənistan Brüsseldə Azərbaycanın ərazi bütövlüyünü və suverenliyini tanıdıqdan sonra separatçı qurum daxilində müxtəlif pozucu fəaliyyətlərin şahidi oluruq. Burada Samvel Babayan aktuallaşma başlayır.

Bir müddət öncə Ruben Vardanyanın da sönük bir mitinq keçirdiyini qeyd etməliyik. Bununla yanaşı, Araik Arutyunyana qarşı müxtəlif planlar icra olunmaqdadır. Onun başqası ilə əvəz olunması və ona qarşı bir alternativin formalaşdırılması həm də İrəvanın siyasi kursuna bir müqavimət kimi qələmə verilir. Artıq separatçı qurum, Rusiya və Ermənistan arasında da müxtəlif fikir ayrılıqları olduğu görünür”.

Politoloq hesab edir ki, Xankəndidəki proseslərin arxasında Nikol Paşinyan və Rusiya ola bilər:

“Bu, Nikol Paşinyanın siyasi vizyonuna təsir etmək üçün də atılan addımdır. Paşinyan da burada iki məqsəd güdə bilər. Birincisi, baş verən neqativ halları əsas gətirərək, sülh müqaviləsini imzalamaq üçün hərəkətə keçə bilər.

Yəni sülh müqaviləsi imzalayaraq bütün bu proseslərin səngiməsinə çalışa bilər. İkinci ssenaridə isə Paşinyan baş verən daxili təlatümləri və narazılıqları əlində kart kimi istifadə edərək prosesi uzada bilər. O, əlbəttə ki, yaranan imkanlardan özü üçün fürsət kimi istifadə edəcək.

Ərazidə Rusiya sülhməramlılarının olduğunu da nəzərə almaq lazımdır. Təbii ki, Azərbaycan və Ermənistan arasında sülh müqaviləsi imzalansa, sülhməramlıların fəaliyyət müddəti bitdikdən sonra regionu tərk etməli olacaqlar.

Rusiya isə bütün təsir imkanlarını genişləndirmək üçün Xankəndidəki proseslərin arxasında dayan bilər. Müxtəlif kartları işə salaraq, regiondakı destruktiv niyyətlərini siyasi zəminə sürükləyə bilər. Ona görə də burada Rusiya faktoru da çox ciddi qəbul olunmalıdır”.

Azərbaycan Prezidenti İlham Əliyev atasının əsas vəsiyyətlərindən birini yerinə yetirdi: Qarabağı vətənə qaytardı.

Bunu "Report"un Rusiya bürosuna Dövlət Dumasının beynəlxalq məsələlər komitəsinin sədri, “LDPR” partiyasının lideri Leonid Slutski bildirib.

Deputat qeyd edib ki, Azərbaycan öz iqtisadiyyatını, sosial siyasətini, logistika infrastrukturunu gücləndirmək yolu ilə inamla gedir: “Azərbaycan Rusiya üçün etibarlı strateji tərəfdaşdır”.

O qeyd edib ki, Heydər Əliyev müasir Azərbaycanla fəxr edə bilərdi: “Azərbaycanın dahi oğlu Heydər Əliyevin anadan olmasından 100 il keçir və bu gün o, oğluna baxaraq, gördüyü işlərlə fəxr edə bilər. Azərbaycan postsovet məkanından çox-çox kənarda çiçəklənən iqtisadiyyata malik, enerji asılılığı olmayan müstəqil dövlətə çevrilib”.

“Ermənistanın Azərbaycana qarşı təxribatları davam edir. Əgər Qarabağda da mövqelərimiz atəşə tutulursa, deməli, durum dramatikdir. Əlbəttə, son təxribatlar Rusiyanın dəsti-xəttidir, onların planlarının tərkib hissəsidir”.

TEREF.AZ bildirir ki, bu sözləri Reyting.az-a professor Qabil Hüseynli istər Azərbaycan-Ermənistan şərti sərhəddində, istərsə də separatçı ermənilərin məskunlaşdığı və Rusiya hərbi kontingentinin müvəqqəti nəzarət zonasında olan Azərbaycan ərazilərindəki təxribatlardan danışarkən deyib.

Professor diqqətə çatdırıb ki, Ermənistanın baş naziri Nikol Paşinyan Rusiyanın təsiri altındadır.

Onun sözlərinə görə, Rusiya Ermənistan və Azərbaycan arasında sülhün əldə edilməsi prosesini pozmağa, Qarabağın dağlıq hissəsində yaşayan ermənilərin Azərbaycana inteqrasiyasının qarşısını almağa və bu bölgədə “ipləri” öz əlində saxlamağa çalışır.

Q. Hüseynlinin iddiasına görə, Rusiya son bir neçə ildə artıq üçüncü dəfədir ki, Azərbaycan ilə Ermənistan arasında danışıqlar prosesini pozmağa cəhd edir:

“Əslində Qərbdə də bilirlər ki, prosesi kim və nəyə görə pozmağa çalışır. Ümid edək ki, rusların bu istək və məqsədləri nəticəsiz olacaq və regionun gələcəyi naminə sülh danışıqları uğurla davam etdiriləcək”.

Professor bildirib ki, hazırda diqqət Bressel görüşünə cəmləşib: “Ermənistan baş naziri Nikol Paşinyan dünən bəyan edib ki, Brüsselə gedəcək, amma sülh sazişinin imzalanması üçün zaman lazımdır, çünki birgə sazişin üzərində işlənməlidir və s. Düşünürəm ki, Paşinyanın bu sözləri Rusiyanın maraqlarının həyata keçirilməsidir. Rusiya Paşinyanın əli ilə Brüssel prosesini pozur, onu nəticəsiz etməyə çalışır. Azərbaycanın mövqeyi isə son dərəcə qəti və açıqdır, təkliflərini irəli sürüb, sülhün əldə edilməsinin vacibliyini bəyan edib”.

Q. Hüseynli deyib ki, Kişinyovda Avropa Siyasi İcmasının növbəti görüşü çərçivəsində Azərbaycan və Ermənistan liderləri arasında görüş təklifi edilib. “Həmin görüşdə Makron və Almaniya kansleri Şoltsun da iştirak ehtimalı var. Daha doğrusu, Paşinyan çalışır ki, Makron da görüşdə olsun. Azərbaycan tərəfinin bu görüşdə iştirak edib-etməyəcəyi isə hələlik bəlli deyil. Amma aydındır ki, Bakı Makronun iştirakı ilə danışıqların aparılmasını dəstəkləmir, bunu istəmir. Odur ki, əgər prosesdə Makronun iştirakı ortaya çıxacaqsa, zənnimcə, Bakı bu görüşə qatılmayacaq”,- deyə Q. Hüseynli fikrini yekunlaşdırıb.