 |
|
|
Ermənistanda NATO nümayəndələrinin iştirakı ilə təlimlər keçirilib. Bu barədə Brunssum Birləşmiş Müttəfiq Komandanlığından bildirilib.
“Fevralın 17-dən 21-dək “təşəbbüs”ün birinci mərhələsi Brunssum Birləşmiş Müttəfiq Komandanlığının nümayəndə heyətinin Ermənistan Respublikasına səfəri çərçivəsində keçirilib. Bu kollektiv təlim Ermənistan-NATO əməkdaşlığını genişləndirmək məqsədini daşıyır”, - deyə məlumatda qeyd olunub.
Əksər erməni hərbi ekspertlər hesab edirlər ki, Ermənistanın NATO-ya inteqrasiyası çətindir, üzvlük isə yaxın müddətdə xəyaldır. Bu, onunla əsaslandırılır ki, bu gün Ermənistan ərazisində Rusiyanın hərbi bazası mövcuddur və bu bazanın yaxın perspektivdə çıxarılması mümkün deyil. İkincisi, Ermənistan faktiki olaraq Kollektiv Təhlükəsizlik Müqaviləsi Təşkilatının (KTMT) hələ də üzvüdür, baxmayaraq ki, bu qurumda fəaliyyətini dondurub. Lakin yaxınlarda KTMT-dən rəsmən çıxması çətindir. Politoloqlar isə hesab edirlər ki, bununla Ermənistan hakimiyyəti əslində Rusiyanın əsəblərini tarıma çəkir ki, bu da ölkə üçün yaxşı heç nə vəd etmir.
Azərbaycan Milli Məclisinin üzvü Ceyhun Məmmədov da bu yanaşma ilə razılaşır. Deputat mövzu ilə bağlı AYNA-nın suallarını cavablandırarkən deyib ki, Ermənistanın növbəti hədəfi və məqsədi NATO-ya üzv olmaqdır:
- Şübhəsiz ki, bu, ağır prosesdir. NATO-ya qəbul olmaq elə də asan məsələ deyil. İllərdir Ukrayna Alyansa üzv olmaq istiqamətində addımlar atır, çalışır, amma müsbət nəticəyə nail ola bilməyib. Əvəzində, Rusiya ilə müharibə vəziyyətinə düşdü, hələ də müharibə davam edir. Nəticəsini də biz indi müşahidə etməkdəyik. Ermənistan da son illərdə, xüsusilə də İkinci Qarabağ müharibəsindən sonra tamamilə Rusiyadan uzaqlaşmaq, Qərbə inteqrasiya kursu götürüb ki, əsas hədəflərdən biri də NATO-ya üzv olmaqdır.
Nə qədər ki, Rusiya-Ukrayna müharibəsi davam edir, hansısa anlaşma yoxdur, İrəvan bu zaman kəsiyindən istifadə etmək, maksimum yararlanmaq istəyir. Ermənistan qısa zamanda Avropa təsisatlarına üzv olmaq istəyir. İrəvan bu gün Ermənistanın təhlükəsizliyinin qarantı kimi Qərbi görür. Bu baxımdan, davamlı olaraq Ermənistanda ABŞ-la birgə hərbi təlimin, NATO ilə təlimin şahidi oluruq. Hazırda baş tutan hərbi təlimlər də bu qəbildəndir. Qərb ölkələrinin, xüsusilə də Fransanın hərbçiləri, hərbi mütəxəssisləri Ermənistan ordusunun gücləndirilməsinə, NATO-ya inteqrasiyasına çalışırlar. Bu gün Ermənistan Qərb üçün ən önəmli dövlətlərdən biridir. Hesab edirəm ki, Qərbin Ermənistanla bağlı bu siyasəti hələ uzun müddət davam edəcək.
- Səbəb nədir?
- Səbəb odur ki, Qərb Ermənistandan gələcəkdə Rusiyaya, Türkiyəyə, İrana və Azərbaycana, elə Gürcüstana qarşı da istifadə etmək niyyətindədir. Qərb siyasiləri yaxşı bilirlər ki, bölgədə ancaq alət rolunda Ermənistan çıxış edə bilər. Ermənistan ordusunun gücləndirilməsi, onun yeni silahlarla təchiz edilməsi də buna hesablanıb. Ermənistanın Baş naziri Nikol Paşinyan “bizim məqsədimiz ölkəmizin müdafiəsini gücləndirməkdir” desə də, faktlar bunun əksini deyir. Birincisi, Ermənistan müdafiə yox, hücum silahı ilə silahlanır. İkincisi, Azərbaycana qarşı revanş çağırışları hər keçən gün bir az da artır. Eyni zamanda, Ermənistan sülhdən hər vəchlə yayınma siyasətini davam etdirir. Rəsmi Bakının qanuni, beynəlxalq hüquqa əsaslanan tələbləri var ki, İrəvan bu tələbləri yerinə yetirməkdən imtina etməkdədir. Bu isə onu göstərir ki, Ermənistan yeni müharibə niyyətindədir. Buna da Ermənistanı təhrik edən Qərbdəki havadarlarıdır.
Eyni zamanda, dediyim kimi, Ermənistandan Rusiyaya, İrana və Türkiyəyə qarşı lazım olan zaman istifadə etməyə çalışırlar. Bu isə Ermənistana ziyandan başqa heç nə verməyəcək. Uzun illər Rusiyanın forpostu, aləti olan Ermənistan anlamalıdır ki, onu Moskva xilas edə bilmədi, yeni ağası Qərb də onu xilas edə bilməyəcək.
- Ermənistanın bu addımlarına Rusiyadan sanki səssizlik var...
- Rusiyanın kobud desək, başı hələ ki, Ukrayna münaqişəsinə qarışıb. Amma Moskvadan İrəvana zaman-zaman xəbərdarlıqlar edilir. Hesab edirəm ki, Rusiya Erməniostan məsələsinə yenidən qayıdacaq. Ukrayna münaqişəsində atəşkəs anlaşmasının ola biləcəyi gözləntiləri var. Əgər bu, baş verərsə, Rusiyanın nəzərini cəmləyəcəyi ölkə Ermənistan olacaq.
- Buna havadar olan Qərbin reaksiyası necə olacaq?
- Biz hazırda əsas Qərb ölkəsi olan ABŞ-ın Rusiya ilə münasibətlər sisteminə yenidən baxdığını, loyallıq göstərdiyinin şahidiyik. Donald Tramp administrasiyasının Ukrayna məsələsinə yanaşması da artıq demək olar ki, bəllidir. Həmçinin ABŞ-la Avropa İttifaqı arasında münasibətlər getdikcə gərginləşir, uçurum daha da artır. Avropa İttifaqı Ermənistana sabah dəstək versə belə, bu, təhlükəsizlik çətiri baxımından yetərli olmayacaq. Biz bunu Ukraynaya dəstəyin timsalında görürük.
Ermənistan bu gün bütün imkanlarından istifadə etməklə ABŞ-la əlaqələri gücləndirməyə və təhlükəsizlik çətiri almağa çalışır. Amma Vaşinqtondan müsbət cavab hələ ki, yoxdur. İnandırıcı deyil ki, Rusiya ilə münasibətlər sistemində dönüş edən Ağ Ev Ermənistana görə Rusiya ilə münasibətlərin pozulmasına razı olsun. ABŞ yaxşı bilir ki, bir ölkədə Rusiyanın hərbi bazası varsa, ona təhlükəsizlik qarantı vermək problematikdir. Ona görə də, hesab edirəm ki, Qərbə inteqrasiya yolunu tutmuş Ermənistanın bundan sonrakı vəziyyəti daha mürəkkəb olacaq.
"Son uçuşa gedəndə yolda mehriban danışa-danışa, şirin dillə apardım ötürdüm ikinci terminala. Saat 6 idi. 12-də yenidən gedib qarşılamalı idim. Qismət olmadı. Son reysdə Allah müşayiət edib cənnətə apardı".
Bu sözləri Milli Qəhrəman Hökümə Əliyevanın həyat yoldaşı Etibar Əliyev "İTV Xəbər Yekun"a müsahibəsində deyib.
E.Əliyev müsahibəsində xanımının itkisindən sonrakı həyatını, onunla bağlı xatirələrini bölüşüb.
Qeyd edək ki, Hökümə Əliyeva Prezident İlham Əliyevin 29 dekabr 2024-cü il tarixli sərəncamı ilə AZAL-a məxsus "Embraer 190" tipli sərnişin təyyarəsində (red.-Bakı-Qroznı reysini həyata keçirərkən) baş verən qəza zamanı xidməti vəzifələrinin yerinə yetirilməsində, sərnişinlərin həyatının xilas edilməsində yüksək peşəkarlıq, şücaət və fədakarlıq göstərdiyinə görə ölümündən sonra "Azərbaycanın Milli Qəhrəmanı" adına layiq görülüb.
Vaşinqtonda Hadson İnstitutunun baş elmi işçisi Riçard Vaytz Amerikanın Səsinə müsahibədə ABŞ və Rusiya arasında yüksək səviyyədə görüş və Birləşmiş Ştatların Ukraynada müharibəyə son qoymaq üçün səyləri haqda danışıb.
Fevralın 19-da Səudiyyə Ərəbistanının paytaxtı Ər-Riyadda Rusiya və ABŞ nümayəndə heyətləri arasında bir neçə illik fasilədən sonra ilk danışıqlar baş tutub. Tərəflər digər məsələlərlə yanaşı, Ukrayna münaqişəsini də müzakirə ediblər. 4,5 saat davam edən danışıqlardan sonra Rusiyanın xarici işlər naziri Sergey Lavrov bildirib ki, ölkələr diplomatik münasibətləri bərpa etmək barədə razılığa gəliblər. ABŞ dövlət katibi Marko Rubio isə qeyd edib ki, Ukrayna münaqişəsi həll edildikdən sonra Qərb ölkələri Rusiyaya qarşı sanksiyaları ləğv etməli olacaqlar.
Görüşdən üç gün əvvəl ABŞ Prezidenti Donald Trampın Rusiya Prezidenti Vladimir Putin və Ukrayna Prezidenti Volodimir Zelenski ilə telefon danışığı, aparılan müzakirələr, sonra verilən bəyanatlar onu göstərir ki, Ağ Ev adminstrasiyası Ukrayna münaqişəsini faktiki olaraq, alver predmetinə çevirib. Ukrayna müharibəsinin həlli ilə bağlı Ukraynasız və Avropasız danışıqlar aparılması maraqlı tərəflərin narazılığı ilə müşahidə olunur. Prosesin bu cür davam etməsinin hansı nəticələrə gətirib çıxarması barədə proqnozlar müxtəlifdir.
Mövzu ilə bağlı AYNA-ya danışan “Şərq Qərb” Strateji Araşdırmalar Mərkəzinin rəhbəri, Amerikada yaşayan azərbaycanlı politoloq Ərəstun Oruclu deyib ki, Ukrayna üzlərindən ABŞ-Rusiya sövdələşməsi Avrasiyanın geosiyasi mənzərəsini əsaslı şəkildə dəyişə bilər:
- Çünki burada söhbət təkcə Trampın Rusiyaya və Putinə ünvanlanan xoş münasibət ifadə edən mesajlardan deyil, həmçinin ABŞ administrasiyasının atdığı real addımların da qlobal və regional gücləri öz siyasətinə korrektələrə məcbur etməsindən gedir. Lakin hesab edirəm ki, əvvəlcə Ukrayna siyasəti kontekstində ABŞ-Rusiya, daha dəqiq desək, Tramp-Putin münasibətləri və onların arxasında duran bəzi məqamlara diqqət yetirmək vacibdir. Burada detallar bəsit görünə bilər, amma bu, heç də reallıqları inkar edə bilməz. Trampın xarici siyasət, xüsusilə də mövcud münaqişələr kontekstində ən çox istifadə etdiyi "sövdələşmə" sözünə təsadüfi yanaşılmamalıdır. Çünki əks halda onun xarici siyasətinin konturlarını və prioritetləri yanlış ünvanlarda axtarılmış olar. Bunun üçün həm də həmin siyasətdə kimin açar rolu oynadığının ilk növbədə nəzərə alınması zəruridir. Həmin şəxs isə Trampın qolf oyununda tərəfdaşı olan Nyu-York biznes aləminin nümayəndəsi Stiven Vitkoffdur. Bəzi ABŞ mənbələrinin iddiasına görə həm də Trampın qızı Tiffaninin qayınatası olan və Tramp tərəfindən ABŞ-ın Yaxın Şərq üzrə xüsusi elçisi təyin edilmiş Vitkoff bundan əvvəl heç bir siyasi və ya diplomatik fəaliyyətdə olmayıb. Amma buna baxmayaraq o, təkcə Yaxın Şərq məsələlərində deyil, elə Rusiya-Ukrayna müharibəsinə dair danışıqların aparılması işində xüsusi səlahiyyətlərə malikdir.
Vaşinqtonla Moskva arasında danışıqların başlanğıcında Rusiyaya səfər edən ilk ABŞ rəsmisi də məhz Vitkoff olub. Halbuki həmin məsələyə dair Vaşinqtonunu ayrıca bir nümayəndəsi olan Keyt Kelloq var. Vitkoffdan fərqli olaraq keçmiş Pentaqon general-leytenantı Kelloq Trampın əvvəlki prezidentliyi dövründə də administrasiyada təmsil olunub.
Kelloq ABŞ Milli Təhlükəsizli Şurasında müxtəlif vəzifələrdə çalışıb, həmçinin Trampın milli təhlükəsizlik üzrə müşaviri vəzifəsini icra edib. Kelloq öz funksiyasında Ukraynaya səfərlərdə olsa da, amma Prezident Zelenskiyə ABŞ-ın sülh danışıqları kontekstində Ukraynanın nadir metallar ehtiyatının yarısına sahib olmaq təklifini Kelloq deyil, Tramp administrasiyasının maliyyə naziri Skott Bessent gətirib. Görünür, Tramp bunu ya Kelloqa etibar etməyib, ya da Kelloq özü Trampın çirkli alverlərində iştirakdan imtina edib.
- Yəni Tramp adminstrasiyası münaqişə üzərində alverlə məşğuldur...
- Əlbəttə, məqsəd budur. Tramp administrasiyasının Rusiyanın hərbi təcavüzü nəticəsində çətin duruma düşmüş Ukraynanın sərvətlərinə sahib çıxmaqdan başqa məqsədi yoxdur. Tramp və onun başına yığışan dəstənin bircə hədəfi var: daha çox pul toplayıb ABŞ şirkətini köhnə korporasiyaların nəzarətindən çıxarıb öz nəzarətinə götürmək. Bu adamların heç birinin siyasəti anlayışı belə yoxdur. Hətta yaxın zamanlarda Rusiya ilə də düşmən olacaqlar. Məsələn, sanksiyalar altında olan 300 milyard Rusiya aktivlərindən böyük pay istəyəcəklər. Hər şey bu qədər sadədir.
Elə Zelenskiyə təklif olunan "sülh planı”nda da ölkəsinin təhlükəsizliyinə dair ABŞ tərəfindən heç bir təminat və öhdəlik yox idi. Odur ki, Zelenskinin onu rədd etməsində, o cümlədən də Ukraynasız Ukraynaya dair ikitərəfli ABŞ-Rusiya danışıqlarını tanımaması da tamamilə təbiidir. Çünki həmin danışıqların predmetinin nədən ibarət olduğu artıq heç kəsdə şübhələr və suallar doğurmur. O cümlədən də ABŞ-ın Avropa tərəfdaşılarında, NATO-da və bu qurumun əsas güclərindən olan Türkiyədə. Görünən həm də budur ki, elə həmin danışıqlarlarla eyni vaxtda Parisdə Avropa Birliyindəki Ukraynaya müttəfiq ölkələrin sammitinin keçirilməsi və Zelenskinin Ankaraya səfəri də təsadüfi deyildi.
Trampın Ukraynaya dair "sövdələşməsi", onun soyqırıma məruz qalmış Qəzza əhalisini köçürərək yerində rivyera yaratmaq təklifi, hərbi cinayətkar olan İsrailin Baş naziri Benyamin Netanyahuya ağır aviabombaların verilməsi üzərindən qadağanı götürməsi, başqa bir hərbi cinayətkar Vladimir Putinlə alverə getməsi ABŞ-ı ən yaxın tərəfdaşları olmuş ölkələrdən təcrid etməkdədir.
Bu mənada Ər-Riyad danışıqlarının və Trampın Zelenskinin ünvanına yağdırdığı təhqir, hədyan və böhtanların ardınca ABŞ-ın ən yaxın müttəfiqi olmuş Böyük Britaniyanın Baş naziri Keir Starmerin Zelenskiyə dəstək zəngi ən əyani göstəricidir. Tramp administrasiyası son 80 ildə mövcud olmuş Avroatlantik təhlükəsizlik sistemini sürətlə dağıtmaqdadır.
- Bunun zərərləri nə ola bilər və çıxış yolu nədir?
- Çox böyük zərərləri proqnozlaşdırıla bilər. Bu, qlobal təhlükəsizlik sahəsində yarana biləcək boşluğun ən müxtəlif totalitar, ekstremist və militarist rejimlər tərəfindən doldurulmasına, müxtəlif bölgələrdə silahlı qarşıdurmalara və qlobal xaosa gətirib çıxara bilər. Odur ki, indiki şəraitdə və şərtlər çərçivəsində Ukrayna məsələsi ətrafında yeni ittifaqın yaradılması tarixi zərurətə çevrilir. Həmin zərurət isə bir neçə geosiyasi yeniliklər üçün zəmin yarada bilər. Birincisi, Ukrayna məsələsində mövqeləri üst-üstə düşən ölkələrin daha sıx əməkdaşlıq quraraq ABŞ-sız koalisiya yaratmasıdır. Buraya Rusiya “beşinci kolon”unun nəzarətində olan Macarıstan və Slovakiya kimi ölkələr xaric olmaqla digər bir çox Avropa ölkələri, Kanada və Türkiyə daxil ola bilər.
Yeri gəlmişkən, xarıtlatmaq lazımdır ki, belə imkanlar məhdud deyil və ABŞ-ın iştirakı olmadan mümkündür. Məsələn, Ukraynanı dəstəkləyən ölkələrin birgə hərbi büdcəsi Rusiyanın hərbi büdcəsindən azı 4 dəfə çoxdur. Eyni zamanda, ən azı Almaniya-Böyük Britaniya-Fransa aparıcı üçlüyü texnoloji cəhətdən də Rusiyadan xeyli irəlidədir. İkincisi, yeni geosiyasi reallıq Türkiyə ilə Avropa Birliyi arasında mövcud olan və əməkdaşlığa maneələr yaradan ziddiyyətlərin də minimuma enməsinə səbəb ola bilər. Türkiyə isə elə bu günün özündə sürətlə güclənməkdə olan hərbi sənayeyə malik NATO ölkələrdəndir və Avropanın cənub-şərq cinahında sabitliyin əsas təminatçısıdır. Bundan başqa Türkiyə Qara dəniz və Şərqi Aralıq dənizi hövzələrində söz sahibi olmağa can atan ciddi regional oyunçudur. ABŞ mənbələrinin Türkiyə müdafiə nazirliyinə istinadla verdiyi məlumata görə Ankara hal-hazırda 31 hərbi gəminin inşası ilə məşğuldur ki, bu da Türkiyəni hər iki dəniz hövzəsində söz sahibinə çevirməyə hədəflənib.
Onların arasında su tutumu 30 min ton olan təyyarədaşıyan gəmi də var ki, bu da Türkiyəni ABŞ və Çindən sonra belə hərbi gəmiyə malik olan 3-cü ölkəyə çevirəcək. Bundan başqa Ankaranın hərbi sənayesi təyyarə, PUA, hava hücumundan müdafiə sustemləri sahəsində də ciddi çalışmalar həyata keçirməkdədir.
Üçüncüsü, ordu qüvvələri sayına və döyüş qabiliyyətinə görə Ankaradan geridə qalan Avropa Birliyi ölkələrinin xırda sentimentləri kənara ataraq indiki mərhələdə Ankaraya texnoloji və maliyyə yardımı göstərəcəyi halda bu, Avrasiya bölgəsində yeni geosiyasi formatın və hərbi-siyasi alyansın yaranmasına gətirib çıxara bilər.
Lakin ABŞ siyasətinin öz məcrasına qayıdacağı da qaçılmazdır. Bu halda da onun Avropa tərəfdaşlarının yeni əməkdaşlıq formatı Brüssel-London-Ankara-Ottava birliyinin əlində növbəti Tramp kimilərindən sığortalanmaq üçün ciddi bir arqument olacaq. Bütün bunlar isə yalnız bir halda mümkün olacaq. Tramp siyasi virusunun aparıcı Avropa ölkələrində yayılmasının qarşısı alınacaqsa.
Həmsöhbətimiz uzun illərdir ki, Rusiyada yaşayan xalq artisti Sərxan Sərxandır.
-Sərxan bəy, necəsiniz. Rusiyanın qarlı və şaxtalı günlərində vətən üçün darıxmırsınız ki?
-Əhvalım əladır. Rusiyanın şaxtası məni qorxutmur, öyrəşmişəm. 50 ildir ki, burada yaşayıram. Ona görə də Moskvanın şaxtası mənə əzab vermir.
-Azərbaycana neçə müddətdir ki, gələ bimirdiniz. Deyəsən, pandemiya buna mane olurdu…
– Niyə gələ bilmirdim ki?! Həmişə gəlib gedirdim. Yollar açılandan sonra da gəlmişəm. Sonuncu dəfə dekabr ayında Azərbaycanda oldum.
-Azərbaycana hər gəlişinizdə hansı dəyişiklikləri müşahidə edirsiniz?
– Tez-tez gəlirəm deyə bu dəyişiklikləri o qədər də hiss etmirəm. Uzun illər olmayanda isə fərqli olur. Əsas olan xarici dəyişiklik deyil, daxili dəyişiklikdir. Vacib olan sosial həyat, insanların yaşayışdır. Xarici dəyişikliyə qalanda əclaf da qəşəng kostyum geyinib gözəl görünə bilər.
Lakin daxilində isə elə əclaf olaraq qalacaq. Ona görə də həyatda hər şey harmoniyada olmalıdır. Binalar, küçələr gözəlləşirsə, yaşayış, sosial vəziyyət də dəyişməlidir. Bunu mən vətəndaş kimi deyirəm. Mən insanların zövqlərinin, münasibətinin dəyişməsinə baxıram.
– Sosial vəziyyətdən söz düşmüşkən Rusiyada dolanmaq çətin deyil ki? Bildiyim qədəri ilə toylara da getmirsiniz.
-Mən toylara getmirəm. Əsas istiqmətim 70-ci illərdən səhnə olub. Mənim toy repertuarım yoxdur. Mən səhnədən zövq alıram. Toylara gedənləri də qınamıram. Haradansa pul qazanmalıdırlar. İndi konsertlər zəifdir, qastrol səfərləri yoxdur. Nə ilə dolansınlar. Estrada müğənniləri məcburdurlar ki, toylara getsinlər.
Mən isə martın 7-də Bakıda Rəşid Behbudov adına Teatrda konsert verəcəyəm. Ona görə də mənim pulum mənə çatır, maddi çətinliyim yoxdur. İnsan yaşlandıqca tələbləri azalır. Cavan adamdan soruşursan ki, nə istəyirsən? Deyir, maşın, ev və.s. Mənə indi havayı maşın versələr, götürmərəm.
-Niyə?
-Çünki maşına baxmaq çətindir. Heyif deyil ictimai nəqliyyat. Taksidən, metrodan istifadə edirəm. Çox rahatdır.
-Həmişə belə sadə insan olmusunuz, yoxsa yaşın gətirdiyi bir sindromdur?
-Həri, həmişə.
Musavat.com
Cənubi Koreyanın “The Chosun Daily” nəşri Rusiya Federasiyasının tərəfində vuruşan və Ukraynada əsir düşən KXDR snayperindən müsahibə alıb.
Şimali Koreyalı snayper Rinin 26 yaşı var, lakin o, 10 ildir ordudadır. Deyir ki, o, “yeganə oğuldur və ağır xəstə olan valideynlərindən çox narahatdır: "Pxenyan tutulmağımdan xəbər tutsa, onlar paytaxtdan qovula bilər. Məni guya Rusiyaya oxumağa göndərmişdilər, amma sonda Kursk yaxınlığında döyüşməyə gətirdilər".
Onun bölməsi KPASOF (KPA Xüsusi Əməliyyat Qüvvələri) Kursk bölgəsinə göndərilib. O, iddia edir ki, yalnız hadisə yerinə çatan kimi onlara hərbi əməliyyatın qaçılmaz olması barədə məlumat verilib. Rinin sözlərinə görə, qrupda 2500-ə yaxın Şimali Koreya əsgəri olub.
İnfraqırmızı sensor sayəsində hətta gecələr də hədəf tapan “şeytan dronları” ilə mübarizə aparmalı olduq. Rinin əsgər yoldaşlarının əksəriyyəti pilotsuz təyyarələr və artilleriya zərbələri nəticəsində həlak olub. Rinin özünün qolunda və çənəsində yaralar var.
"Bizim pilotsuz uçan aparatlarla mübarizə aparmaq bacarığımız yox idi. Biz əmin idik ki, Ukrayna ordusundakı bütün dron operatorları Cənubi Koreya əsgərləridir", - Ri deyir.
Çənə zədəsi səbəbindən Ree bərk yemək yeyə bilmir. O, sıyıqla kifayətlənməyə məcbur olur. Ailəsi üçün qorxur, amma artıq sığınacaq üçün müraciət edərək Cənubi Koreyaya getməyi düşünür.
Ri əmindir ki, Şimali Koreya xarici əlaqələri korlamamaq üçün şimali koreyalıların müharibədəki iştirakını rəsmən inkar edir. Amma reallıq belədir: "Mənimlə gələnlərin demək olar ki, hamısı öldü. Mən tək qaldım".
Baku TV-nin "Baku Aktual" verilişinin yeni buraxılışı yayımlanıb.
Verilişin budəfəki buraxılışında Avropada çörəyə və şirniyyatlara həşərat sürfələrindən hazırlanmış unun əlavə edilməsi mövzusu müzakirə edilib.
Hansı qidalara böcək tozu qatılır? Çörəyin ağ və yumşaq olması üçün ona qatılan ziyanlı maddələr hansılardır?
Dünyanın bir çox yerlərində həşəratlar müntəzəm olaraq yeyilir. Bəs biz buna hazırıq?
Proqramın qonaqları - çörək texnoloqu Kamil Əliyev, diyetoloq-həkim Leyla Zülfüqarlı, biologiya üzrə fəlsəfə doktoru, dosent Təmraz Təmrazov, texnika üzrə fəlsəfə doktoru, dosent Eldəniz Bayramovla bu və digər suallara aydınlıq gətirilib.
Ətraflı videomaterialda:
“O müğənni restorana gəlib gedəndən sonra oranın müdiri bizimlə işləmək istəmir”
Aktyor Elvin Ağayev ilə aktrisa Elvina Atakişiyeva Musavat.com-un qonağı olub.
Məşhur cütlüklə onlara yazılan tənqidi fikirlərdən, ailə münasibətlərindən və Elvin Ağayevin xəstə olmasından danışdıq.
Müsahibəni təqdim edirik:
- Efirdə belə bir açıqlama verdiniz ki, bizə yazırlar, kaş Elvin ölərdi, niyə Azər öldü. Bu açıqlamanızdan sonra reaksiyalar necə oldu?
Elvina: Təbii ki, bu açıqlamanı üzülərək etdik. İnsanların Elvini günahkar çıxarması ailə olaraq bizi çox incidirdi. İstədik ki, insanlar şərh yazarkən bir daha düşünsünlər. O açıqlamamızdan sonra bizə dəstək mesajları gəldi. Bu, bizi sevindirdi ki, insanlar bizi anladı.
- Amma qınayanlar da oldu ki, özlərini reklam edirlər.
Elvina: belə reklam olar? Biz o ağrıları yaşamışıq və hər dəfə dərdimizi yeniləyən, bizi üzən şərhlər gəlir. Biz sadəcə istədik ki, insanlar hiss etdiklərimizi anlasın.
- Bəs xəstəlik sizə nə öyrətdi və həyatınızda nə dəyişdi?
Elvin: Xəstəlik, pis hadisə olanda insan ilk olaraq sevdiklərinə baxır. Bizə də sevənlərimiz, ailəmiz dəstək oldu. Ən önəmlisi xalqımız bizə maddi və mənəvi kömək oldu. Mənim ayağa qalxmağımda xalqımızın böyük dəstəyi var. Təbii ki, Allah mənim sağalmağımı istədi. Mən möcüzə sayəsində sağaldım.
Öyrəndik ki, bu gün kiminsə sözünə, fikrinə görə yaşamaq olmaz. Həyat hər an bitə bilər. Biz öz doğrularımızla yaşayırıq. Uğur qazanmaq üçün biz bir-birimizə yetirik.
- Sizcə, bu cür şərhlər yazan, pisliyinizi istəyən kimlərdir? Onlar arasında sənət yoldaşlarınız varmı?
Elvin: Bizi sevməyənlər də var. Yəqin ki, bunların içərisində sənət yoldaşlarımız, ətrafımızdakılar və ya qohumlarımız da var. Amma onlar içərisində sənət yoldaşlarımızın olduğunu bilirik. Çalışdığımız restoranların birində bizə dedilər ki, bir müğənni bura gəlib gedəndən sonra müdirimiz sizi çağırmaq istəmir. O, sənətə bizdən öncə gəlib. Onun bizimlə nə işi var? Bir az da bizim işlərimizə müdaxilə etsə, adını açıqlayacağıq.
- “Əlvida xoşbəxtlik” serialında çəkilirsiniz. Xarici serialdan götürülmədi və daha çox “Sadakatsız” ilə müqayisə edirlər. Sizi digərlərindən fərqləndirən nədir?
Elvin: Dünya praktikasında bu var. Ssenarisi tutan filmləri, serialları başqa ölkələr də alır. “Əlvida xoşbəxtlik” serialının ssenarisi bizdən əvvəl 7-8 ölkədə çəkilib. Serialda da ər-arvadı oynayırıq. Tamaşaçı bizi bu serialda sevdi. Hətta xəyanət səhnəsini dedilər ki, sizə yaraşmır. Halbuki bu, bir işdir.
- Ər-arvad olaraq birlikdə çalışmaq ailə münasibətlərinizə mənfi təsir etmir?
Elvina: Qəti şəkildə mənfi təsir etmir. Biz bir-birimizdən güc, ideya alırıq. Uğurlu olmağımızın əsas səbəblərindən biri də budur ki, biz birlikdəyik, cütlük olaraq ön plandayıq. Eyni əziyyəti çəkirik. Büdcəmiz də birdir. Tək çətinliyi isə qısqanclıqdır. Bu isə nadir hallarda yaşanır.
- Dediniz ki, büdcəmiz birdir. Evin büdcəsini kim idarə edir?
Elvin: Bizim büdcə Elvinada olur. Şəxsi fondum yoxdur. Məsələn: Sürpriz etmək üçün Elvinadan pul gizlədim gərək. Bu da bizim ailə qaydalarına ziddir. Amma Elvina pulu çox yaxşı idarə edir. Demək olar ki, xərcləmək üçün pulu arvadımdan alıram.
- Fikir ayrılıqları yaşayırsınızmı? Sizə görə ideal cütlük necə olmalıdır?
Elvin: Fikir ayrılıqları olur. Həmfikir olsaq, daim ailə və iş həyatı uğurlu olmaz. Fikrimizin üst-üstə düşməməsi bizi uğurlu edir. Bəzən mübahisələr də edirik. Amma bir sevgini möhkəm edən iki insanın eyniliyi yox, fərqliliyidir.
- “Sus” klipinizi təqdim etdiniz. Siz ilk oxumağa başlayanda deyənlər vardı ki, bunlar da oxuyur. Bəs tamaşaçıların reaksiyası necədir? Sənət yoldaşlarınızdan siz müğənniliyə başlayandan sonra münasibəti kəsənlər oldumu?
Elvin: İlk dəfə oxuyanda insanlar bir az yadırğadı. Uğursuz olsaydıq, müğənnilik etməzdik. Bəzən mahnımızı, bəzən geyimimizi bəyənmədilər. Amma ümumi olaraq ifalarımız sevildi.
Elvina: Sosial mediada aktiv olsaq da, yutubda aktiv deyilik. Bu, mahnılarımızın baxış sayına təsir. Amma insanlar “Sus” mahnımızı bilmirlər biz oxuyuruq, dinləyirlər. Təsadüf nəticəsində bilirik ki, dinləyiblər, sevirlər.
Könül İbrahim
Musavat.com
Siyasi ekspert Elçin Alıoğlu "Tv Musavat"ın canlı yayımının qonağı olub.
Musavat.com xəbər verir ki, ekspert Trampın Rusiyanı çökdürəcəyini bildirib.
Verilişdən həmin hissəni təqdim edirik:
Mənim Nikol Paşinyanla bağlı müsbət düşüncəm yoxdur.
Bunu Ermənistanın Respublika Partiyasının sədr müavini Armen Aşotyan deyib.
Nikol Paşinyanın Münxen səfəri ilə bağlı sualları cavablandıran Armen Aşotyan səfərdən ümidli olmadığını dilə gətirib.
“Məndən soruşursunuz bu səfərdən nə kimi gözləntim var. Gözlənti özü müsbət anlam daşıyan ifadədir, mənim isə Paşinyanla bağlı müsbət düşüncəm yoxdur. Mən sadəcə bu görüşün nəticələri barədə fikirlərimi bölüşə bilərəm. Daha əvvəlki Davos, Vaşinqton, Paris səfərləri kimi bu da Ermənistanın maraqları üçün boş səfər olacaq. Elə təbliğat baxımından da. Hətta daha bir biabırçılıq barədə eşidəcəyimiz ehtimalını da istisna etmirəm. Paşinyanın adı konfransın heç bir rəsmi proqramında yer almayıb. Onun ölkə xaricində səviyyəsi o qədər aşağıdır ki, təşkilatçılar onu heç ikinci dərəcəli panel iclaslara da qoşmayıblar.
Və sonda, Paşinyana deyin ki, Münxen küçələrində velosiped sürməsin. Təhlükəlidir”, – deyə Aşotyan bildirib.