 |
|
|
ABŞ Prezidenti Donald Tramp Vest Point Hərbi Akademiyasında keçirilən mərasimdə ölkəsinin böyük həcmdə hipersəs raketləri istehsal etməyə başladığını bildirib.
Bu barədə "RİA Novosti" məlumat yayıb.
Trampın sözlərinə görə, Birləşmiş Ştatlar bu cür silahları çoxdan hazırlayıb.
O həmçinin qeyd edib ki, ABŞ-nin hipersəs raketləri üçün texnologiyaları Barak Obamanın prezidentliyi dövründə oğurlanıb.
"Biz onun tərtibatçısı idik. O Obama administrasiyası zamanı oğurlanıb. Onu oğurlayıblar. Bunu kimin etdiyini bilirsinizmi? Bunu ruslar oğurlayıblar", - deyə Tramp bəyan edib.
Ukraynanın paytaxtı Kiyevdə bir sıra güclü partlayışlar qeydə alınıb.
Musavat.com xəbər verir ki, partlayışlardan əvvəl Ukrayna Silahlı Qüvvələrinin Hərbi Hava Qüvvələri şimal istiqamətindən ballistik raketlərin istifadəsi təhlükəsi barədə xəbərdarlıq etmişdi.
Bununla yanaşı, hazırda Kiyev vilayəti və digər şimal regionları pilotsuz uçuş aparatlarının (PUA) hücumuna məruz qalır.
Musavat.com
Rusiya ordusu "üçqat boğucu qısqac" taktikasına keçdi
Rusiya Silahlı Qüvvələri Ukraynada yeni hücum strategiyasına – "üçqat boğucu qısqac" (triple constricting grip) taktikasına keçib.
Musavat.com xəbər verir ki, bu barədə The Telegraph nəşri hərbi ekspertlərə istinadən məlumat yayıb.
Məlumata görə, bu taktika yavaş, lakin sabit irəliləyişə imkan yaradır və Ukrayna qüvvələrini ağır seçim qarşısında qoyur.
Taktikanın mərhələləri belədir:
Əsas mərhələ – yerüstü hücumlarla Ukrayna ordusu müdafiəyə məcbur edilir. Bu, onların manevr imkanlarını məhdudlaşdırır və mövqelərindən tərpənməyə qoymur.
İkinci mərhələ – FPV dronlar və minaatanlar döyüşə daxil olur. Onlar hərəkət imkanlarını daha da daraldır, həm də ehtimal olunan geriçəkilmə yollarını bağlayır.
Sonuncu mərhələ – Ukrayna müdafiəsinin əsas nöqtələrinə idarə olunan planerlərlə hava bombaları endirilir. Bu mərhələ düşmənin möhkəmlənmiş mövqelərini tam dağıtmağa yönəlib.
Ekspertlər qeyd edirlər ki, bu yanaşma Ukrayna hərbçilərini iki çətin seçim arasında qoyur: ya yüksək itkilərlə mövqeləri qorumaq, ya da geri çəkilərkən dron və aviasiya hücumlarına məruz qalmaq.
Bu yeni taktika cəbhədə Ukrayna ordusunun müqavimətini zəiflətmək və mövcud resurslarını tükətmək məqsədi daşıyır.
Toğrul İSMAYIL,
Musavat.com
Ukrayna dronları Rusiyanın Lipetsk vilayətinin Yelets şəhərində yerləşən "Energiya" müəssisəsinə hücum edib.
Musavat.com xəbər verir ki, bu barədə ASTRA telegram kanalı məlumat yayıb.
Məlumatda bildirilir ki, müəssisə kimyəvi enerji mənbələrinin, o cümlədən PUA-lar üçün akkumulyatorların, həmçinin aviasiya və donanma üçün akkumulyatorların istehsalı üzrə ixtisaslaşıb.
Regionun qubernatoru İqor Artamonov hücum nəticəsində Yeletsin sənaye zonasında yanğının baş verdiyini təsdiqləyib.
Hücum nəticəsində 8 nəfər xəsarət alıb. Bundan əlavə, PUA qalıqları Yeletsdə yerləşən beşmərtəbəli yaşayış binasının üzərinə düşüb, nəticədə 20 mənzilə ziyan dəyib.
İqbal RZAYEV,
Musavat.com
İyunun 22-də Moskva vilayətində azı 6 pilotsuz uçuş aparatı vurulub.
Musavat.com bildirir ki, bu barədə Moskva meri Sergey Sobyanin məlumat verib. Onun sözlərinə görə, PUA-ların qalıqları müxtəlif ərazilərə düşüb və hazırda həmin yerlərdə fövqəladə xidmətlər çalışır.
Narofominsk rayonunda PUA-nın vurulma anı videoya düşüb, Kolomna sakinləri isə azı 3 partlayış səsi eşitdiklərini bildiriblər.
Hadisə ilə əlaqədar Moskvanın Domodedovo və Jukovski hava limanlarının fəaliyyəti müvəqqəti dayandırılıb.
Son aylar Ukraynanın pilotsuz aparatlarının Rusiya ərazisinə dərinləşən hücumları müşahidə olunur. Ukrayna tərəfi bu hücumlarla bağlı rəsmi açıqlama yaymasa da, beynəlxalq müşahidəçilər bu hadisələri Kiyevin müharibəni Rusiya daxilinə keçirməsi kimi qiymətləndirirlər.
Musavat.com
Ukraynada yaşayan və ehtiyyatda olan polkovnik Elxan Nuriyev Ukrayna-Rusiya arasında son günlər baş verən proseslərdən danışıb.
Musavat.com xəbər verir ki, "Tv Musavat"ın canlı efirinə qatılan Nuriyev atəşkəs danışıqlarından və bundan sonra baş verəcək hadisələrdən bəhs edib.
O, bir sıra önəmli məqamlara toxunub, gedişatı təhlil edib.
Verilişdən həmin hissəni təqdim edirik:
Qanuna əsasən, doktorantura səviyyəsində əyani təhsil alan şəxslər təhsil müddəti ərzində hərbi xidmətə çağırılmır. Bu, dövlətin elmi və təhsili inkişaf etdirmək istiqamətində konkret addımlardan biridir. Ancaq bu hüquq yalnız təhsil müddəti ilə məhdudlaşdırılır və məzun olduqdan sonra şəxslər hərbi xidmətə cəlb oluna bilərlər.
Azərbaycanda doktorantura təhsili alan şəxslərin hərbi xidmətdən azad olunması ilə bağlı da mühüm tənzimləmələr qüvvəyə minib.
Səfərbərlik və Hərbi Xidmətə Çağırış üzrə Dövlət Xidməti Bizim.Media-ya açıqlamasında 2024-cü ilin sonlarında təsdiqlənmiş qaydalarla bağlı mühüm detalları xatırladıb:
“29 dekabr 2024-cü ildə Prezident İlham Əliyevin təsdiqlədiyi qərara əsasən, bakalavr təhsilini başa vuran şəxslər 24 yaşa qədər, magistratura pilləsini isə 26 yaşa qədər bitirməli və bitirməni təsdiq edən sənədi Dövlət Xidmətinə təqdim etməlidirlər. Əgər şəxs bu ardıcıllığı pozmadan doktoranturaya qəbul olunarsa, ona 3 illik təxirəsalınma hüququ verilir.
Həmin 3 il ərzində doktorant adını təsdiqləyən və elmi işini uğurla müdafiə edən namizədlər yalnız bu halda hərbi xidmətdən azad edilirlər. Əgər doktorant bu müddət ərzində elmi işini təsdiqləyə bilməzsə, təhsilini dondurmalı, hərbi xidmətini tamamlayıb, sonra təhsilini davam etdirməlidir”, – deyə bildirilib.
Qeyd edək ki, bu qaydalar doktorantura təhsili alan gənclərin həm təhsilini, həm də vətəndaşlıq borcunu balanslı şəkildə həyata keçirməsini təmin etmək məqsədi daşıyır.
Düşmən silahlanmağa davam edir, sülhə yox, savaşa hazırlaşır
İstənilən hərbi münaqişə həm də ona cəlb olunan və silah istehsalçısı olan ölkələr üçün ciddi sınaq sayılır. 44 günlük müharibədə Azərbaycanın qardaş Türkiyə və İsraildən aldığı modern silah və hərbi sistemlərin hamısı özünü doğrultdu, xüsusilə də “Bayraktar” dronları işğalçı erməni qüvvələri üçün kabusa çevrildi.
Təsadüfi deyil ki, qalibiyyətli Vətən savaşından sonra həm Türkiyənin, həm də İsrailin hərbi məhsullarının reytinqi xeyli artdı, onların alıcıları çoxaldı. Paralel olaraq Rusiya silahlarına bazarda tələbat azaldı.
Pakistanla Hindistan arasında az öncəki hərbi qarşıdurma Yeni Dehlinin uğursuzluğu və istifadə etdiyi silahların effektsizliyi ilə bitdi.
Məlum olduğu kimi, Ermənistan Hindistandan 702 milyon (başqa mənbələrə görə, 1.5 milyard) dollar dəyərində silah tədarükü ilə bağlı müqavilə imzalayıb. Artıq onların bir çoxu İrəvana çatdırılıb. Bu silahlar döyüş sınağından çıxa bilməyib. Bəlli olur ki, Hindistan silahlarının şöhrəti, yumşaq desək, şişirdilib.
Bəs bu baş verənlərdən sonra Ermənistan yenə Hindistandan silah və hərbi sistemlər almağa davam edəcəkmi? Azərbaycan bu məsələyə necə baxır? Hindistan silahlarından ehtiyatlanmağa dəyərmi?
Sona Əliyeva
Keçmiş millət vəkili, siyasi təhlilçi Sona Əliyeva “Yeni Müsavat”a bildirdi ki, Ermənistan və Hindistan arasında təxminən 2 milyard dollarlıq ilk böyük müqavilə 2020-ci ildə imzalanıb: “Hindistan yeni nəsil silahların bazarında özünə yer etməyə çalışır. Ancaq silah sənayesi Hindistan dövlətinin yox, dövlət büdcəsini talayan generalların əlindədir. Həmin generalların övladları isə silah istehsalı şirkətlərinə sahibdir. Dövlət büdcəsindən milyardlarla pul mənimsəyən bu generalların istehsal etdiyi silahlar isə ardıcıl sınaqlardan uğurla çıxa bilmir. Nəticə göz önündədir. Pakistanla beş günlük savaşda Hindistan silahları özünü doğrultmadı. Hətta onların silahları sosial şəbəkələrin Ermənistan seqmentində erməni istifadəçilərin lağ, məsxərə obyektinə çevrildi. İndi İrəvan da Hindistan silahlarının alınmasında tərəddüd edir. Hindistan müqavilə imzalayıb və özünə Ermənistan kimi yeni qurban axtarır ki, silahlarını satsın. Bu baxımdan, Ermənistana verilən Hindistan istehsalı olan silahlardan qorxmaq lazım deyil. Çünki Azərbaycanın silah sənayesi, üstəlik, tərəfdaş olduğumuz ölkələrdən aldığımız modern silahlar daha uğurlu, daha təkmildir. Yayılan son məlumatlara görə, Hindistan iyulda Ermənistana "Akaş" hava hücumundan müdafiə raket sistemlərinin 2-ci partiyasını göndərəcək. Ermənistan Hindistanla təxminən 710 milyon dollar dəyərində 15 “Akaş” raket kompleksinin alınmasına dair müqavilə imzalayıb. İlk sistemlər ötən ilin sonunda göndərilib. Bütün bunlar onu göstərir ki, Ermənistan sülhə yox, savaşa hazırlaşır. Bu silahlar Azərbaycanla yanaşı, Türkiyə və Gürcüstan üçün də təhlükə mənbəyidir. Çünki Ermənistan Türkiyə və Gürcüstan ərazilərinə qondarma iddialar irəli sürür. Ermənistan Azərbaycanla 44 günlük müharibə nəticəsində itirdiyi hərbi-texniki potensialı bərpa etmək cəhdi ilə son illər Fransa və Hindistandan silah almağa başlayıb. İrəvanın savaş hazırlıqları içərisində olduğunu göstərən digər amillər də var. İrəvan ABŞ, Yunanıstan, yunan Kipri və Çinlə də hərbi sahədə əlaqələr qurmaqda davam edir. Ermənistanı Hindistandan aktiv şəkildə silah idxal etməyə sövq edən əsas səbəb Yeni Dehlinin parametrlərinə görə Ermənistan ordusunun təchizat sistemləri ilə uyğun gələn Rusiya silah inkişaflarının modernləşdirilməsidir. Ermənistan 2024-2025-ci illər üçün Hindistandan daha 600 milyon dollar məbləğində silah almağı öhdəsinə götürüb. İrəvan artilleriya sistemlərinə və hava hücumundan müdafiəyə üstünlük verir. Hindistanın “Zen Anti-Drone System” (ZADS) şirkəti tərəfindən hazırlanmış pilotsuz uçuş aparatları əleyhinə sistemlərin Ermənistana tədarükü üçün 41 milyon dollarlıq sifariş gerçəkləşib".
Emin Həsənli
“Tərxis Olunmuş Hərbçilərin Gəncləri Maarifləndirmə” İctimai Birliyinin sədri, hərbi icmalçı Emin Həsənli Ermənistanın bir daha özünü təhlükəyə atmaq ərəfəsində olduğunu qeyd etdi: “Ermənilər vaxtilə aldıqları silahlardan çox danışırdılar. Sonluq məlumdur. Hazırda həmin silahlar Qənimətlər Parkındadır. Bir zamanlar "Ohanyan xətti"ndən ağızdolusu danışırdılar. Amma qəhrəman Azərbaycan Ordusu həmin xətti necə keçdi, darmadağın etdi, yaxşı gördülər. Yenə də bir səhv etsələr, bu dəfə Qənimətlər Parkının ərazisi daha da böyüyəcək. Azərbaycan həm Türkiyədən, həm də İsraildən ən müasir silahları alır. Bunu ermənilər də yaxşı bilir. Azərbaycanın aldığı silahlar 44 günlük Vətən müharibəsində çox uğurla sınaqdan keçdi. Amma Ermənistan tərəfin aldığı silahların müharibədə uğurla sınaqdan keçmədiyini yaxşı gördük. Halbuki Rusiyadan aldıqları silahlarla çox öyünürdülər, hərbi təlimlərində, paytaxtlarında keçirdikləri paradlarda nümayiş etdirirdilər. İndi də yenə hərbi və siyasi yöndə səhvlər etməyə davam edirlər. Erməni tərəfin Hindistandan aldığı silahlara gəlincə, bundan narahat olmayaq. Bizim aldığımız silahlar qat-qat güclüdür. Hindistan-Pakistan qarşıdurmasında hind silahlarının gücünü gördük".
Hərbi ekspert onu da qeyd etdi ki, bu cür hərəkətlərlə Ermənistan həm öz iqtisadiyyatına, həm də yarana biləcək sülh prosesinə zərbə vurur: “Ermənistan çoxdan etimadı itirib. Bu ölkənin nicat yolu Azərbaycan və Türkiyə ilə normal münasibətlər qurmaqdır. Fransanın və başqa ölkələrin tapşırıqlarını yerinə yetirməkdənsə, regionda qonşularla normal münasibətlər qursun”.
Cavanşir ABBASLI,
“Yeni Müsavat”
Müdafiə Nazirliyinin Təlim-Tədris Mərkəzinin (TTM) Tibb Xidmətinin sabiq rəisi, polkovnik Şahin Quliyev həbs edilib.
Oxu.az xəbər verir ki, Ş.Quliyev külli miqdarda rüşvət almaqda ittiham edilir.
Sabiq rəis barədə cinayət işinin istintaqı yekunlaşıb və iş baxılması üçün məhkəməyə göndərilib.
Azərbaycan Ordusunun hərbi hissələri üçün 195.596,10 AZN smartfon tipli mobil telefonların satın alınması ilə bağlı (Lot 2) tender elan edilib.
Musavat.com xəbər verir ki, söhbət 474 smartfon tipli mobil telefon qara orijinal adapter dəsti ilə birlikdə satın alınmasından gedir. Bu da bir mobil telefonun 412 manata başa gələcəyi deməkdir.
Qeyd edək ki, telefonlar Azərbaycan Respublikasında qeydiyyatdan keçməli və ən azı 1 il texniki zəmanətli olmalıdır.