 |
|
|
“Müdafiə sahəsində əməkdaşlıq tərəfdaşlığımızın önəmli istiqamətlərindən biridir. Birgə hərbi təlimlər və hərbi-texniki sahədə layihələr silahlı qüvvələrimizin potensialını gücləndirib”.
Bu fikirləri Prezident İlham Əliyev Türkiyə Prezidenti Rəcəb Tayyib Ərdoğan və Pakistanın Baş naziri Məhəmməd Şahbaz Şərif ilə Zirvə görüşündə səsləndirib.
Dövlət başçısı qeyd edib ki, bizim hərbi əməkdaşlığımız geniş coğrafiyada sülhü və sabitliyi gücləndirir.
ABŞ administrasiyası Afrika Komandanlığını (AFRICOM) ləğv etməyi düşünür.
“Report” xəbər verir ki, bu barədə “Reuters” məlumat yayıb.
AFRICOM komandiri, general Maykl Lenqli bu barədə Afrikanın bir neçə ölkəsinin hökumətini artıq xəbərdar etdiyini bildirib.
“Mən bir sıra müdafiə nazirləri və bir neçə prezidentlə danışmışam, onlara demişəm ki, biz qiymətləndirmə aparırıq”, - agentlik onun sözlərindən sitat gətirib.
General qeyd edib ki, Afrika ölkələrinin hökumətləri bu məsələ ilə bağlı fikirlərini Vaşinqtondakı səfirləri vasitəsilə çatdırmalıdırlar: “Mən dedim ki, yaxşı, əgər biz sizin üçün bu qədər önəmliyiksə, bizə bildirin, görək nə edə bilirik”.
Ukrayna ilk dəfə olaraq Rusiya hədəflərinə qarşı “Qoqol-M” adlı yeni tip FPV pilotsuz təyyarə daşıyıcılarından istifadə edib.
Bu barədə Forbes jurnalı məlumat yayıb.
Məlumata görə, “Qoqol-M” bir cüt FPV hücum dronunu daşıya bilən, təkrar istifadə oluna bilən pilotsuz uçuş aparatıdır. Onun maksimum uçuş məsafəsi təxminən, 300 kilometr olaraq qiymətləndirilir. Aparatın FPV dronları hədəfə çatdırmaq və yönəltmək imkanlarını təmin edən yarı avtonom süni intellekt sistemi ilə təchiz olunduğu bildirilir.
Forbes qeyd edir ki, Ukrayna tərəfi hazırda aylıq 50-yə qədər “ana” PUA və 400-ə qədər birdəfəlik FPV zərbə dronu istehsal etmək gücünə malikdir. Bununla belə, jurnal “Qoqol-M” sisteminin döyüşdəki effektivliyini dəqiq qiymətləndirməyin hələ mümkün olmadığını bildirir.
Ukrayna və Rusiyanın müharibədə ölən və yaralananların sayı artıq ABŞ-nin İkinci Dünya müharibəsindəki itkilərini üstələyib.
TNS xəbər verir ki, barədə ABŞ prezidenti Donald Trampın xüsusi nümayəndəsi Keyt Kelloq bildirib.
“Prezident Tramp tamamilə haqlıdır, bu qətlləri dayandırmalıyıq. Rəqəmlər bunların kütləvi qətllər olduğunu göstərir. Hər iki tərəfdən itkilər artıq 1,2 milyondur. Bu, dəhşətlidir. Bu, İkinci Dünya müharibəsindəki itkiləri üstələyir”, - o deyib.
“Rusiyanın Ukraynaya qarşı davam etdirdiyi müharibə hamımızın təsəvvür etdiyindən daha uzun sürə bilər.”
“Bild” nəşrinin məlumatına görə bunu Almaniya kansleri Fridrix Merz deyib.
Qəzetin qeyd edib ki, kansler atəşkəsə nail olmaq üçün uğursuz cəhdləri nəzərə alaraq bu qənaətə gəlib.
“Aydındır ki, Putin danışıqlarla bağlı təklifləri zəiflik kimi görür. Hətta Vatikanda görüş təklifi belə Rusiya rəhbərliyi tərəfindən müsbət qarşılanmasa, o zaman biz yəqin ki, bu müharibənin hamımızın istədiyindən və ya təsəvvür edə biləcəyindən daha uzun sürəcəyini qəbul etməli olacağıq”, – Merz bildirib.
Fələstinin radikal HƏMAS hərəkatı ABŞ-nin Qəzza zolağında atəşkəs şərtləri ilə bağlı təklifi ilə razılaşmayıb.
TNS xəbər verir ki, bu barədə ABŞ Prezidenti Donald Trampın xüsusi elçisi Stiven Uitkoff “Axios”un müxbiri Barak Ravidə bildirib.
“Ağ Evin xüsusi elçisi Stiven Uitkoff HƏMAS-ın onun girovlar və atəşkəs ilə bağlı təklifiylə razılaşdığına dair iddiasını təkzib edib”, jurnalist “X” sosial şəbəkəsində yazıb.
Onun sözlərinə görə, Uitkoff fələstinli radikalların hərəkətlərini məyusedici və tamamilə qəbuledilməz adlandırıb.
17:46
HƏMAS ABŞ Prezidentinin xüsusi nümayəndəsi Stiv Uitkoffun Qəzza zolağında atəşkəs barədə təklifini qəbul edib.
TNS xəbər verir ki, bu barədə “Reuters” agentliyinə qruplaşmaya yaxın olan fələstinli rəsmi şəxs bildirib.
Bildirilib ki, 10 girovun azad edilməsini və 70 günlük atəşkəsi nəzərdə tutan yeni təklif vasitəçilər vasitəsilə HƏMAS-a çatdırılıb.
"Rusiya Ukrayna ərazisinə yeni hücum əməliyyatları hazırlayır".
Oxu.Az xəbər verir ki, bu barədə Ukrayna Prezidenti Volodimir Zelenski xalqa müraciətində deyib.
Onun sözlərinə görə, Moskva müharibənin bundan sonra da davam etməsinə ümid edir:
"Əminəm ki, tərəfdaşlarımızın kəşfiyyat xidmətləri belə məlumata malikdirlər, onlar da belə faktları görürlər, onların göz yummamaları və yuxarılara məruzə etmələri vacibdir".
Tatarıstanın Alabuqa şəhəri hazırda Ukrayna dronlarının kütləvi hücumuna məruz qalır.
Axar.az yerli mediaya istinadən xəbər verir ki, hazırda şəhər üzərində hava hücumundan müdafiə sistemləri işləyir.
Bundan əlavə, Rosaviasiya Nijnemaks aeroportunu müvəqqəti bağlayıb.
Qeyd edilir ki, şəhərdə “Şahid” PUA-larının istehsal edildiyi müəssisə fəaliyyət göstərir.
Kiyevə hərbi yardım davam edərsə, Ukraynanın demək olar ki, bütün ərazisi bufer zona olacaq.
Axar.az xəbər verir ki, bunu Rusiya Təhlükəsizlik Şurasının sədr müavini Dmitri Medvedyev Teleqram kanalında yazıb.
Medvedyev həmçinin qərbdə kiçik bir hissə istisna olmaqla, demək olar ki, bütün Ukrayna ərazisinin bufer zona olaraq göstərildiyi video paylaşıb.
Qeyd edək ki, Vladimir Putin hökumət üzvləri ilə görüşdə Rusiya-Ukrayna sərhədi boyunca təhlükəsizlik bufer zonasının yaradılması ilə bağlı qərar verildiyini açıqlayıb.
Ukrayna "DeepStrikeTech" şirkəti tərəfindən hazırlanan və İran istehsalı olan "Shahed" dronlarına vizual olaraq bənzəyən yeni "Batyar" adlı pilotsuz təyyarələrin istehsalına başlayıb.
"Batyar"ın uçuş məsafəsi 800 kilometrə qədərdir və 18 kiloqramlıq döyüş başlığı daşıyır.
Məlumata görə, bu, Ukrayna ordusunda istifadədə olan ilk "Shahed" üslubunda dron deyil. "UAS SETH" adlı daha kiçik və optik sistemlə təchiz olunmuş dron artıq cəbhəboyu hədəflərə qarşı zərbələr üçün istifadə olunur.
Bununla belə, hər iki dron yalnız vizual baxımdan "Shahed-136"ya bənzəyir və onun məsafə və yükdaşıma imkanlarına malik deyil.