 |
|
|
tən həftə Baş prokuror yanında Korrupsiyaya qarşı Mübarizə Baş İdarəsi tərəfindən Abşeron Rayon İcra Hakimiyyəti başçısının Mehdiabad qəsəbə inzibati ərazi dairəsi üzrə nümayəndəsi Əli Həsənov açılmış cinayət işi üzrə həbs edildi. Əli Həsənovun həbs edilməsinin səbəbi kimi onun Mehdiabad qəsəbəsində yerləşən kənd təsərrüfatı təyinatlı torpaq sahələrində fərdi yaşayış evlərinin tikintisinə icazələrin, müxtəlif məzmunlu arayışların verilməsi və ümumi himayədarlıq müqabilində çoxsaylı vətəndaşlardan rüşvət alması göstərilib.
O, Cinayət Məcəlləsinin (CM) 308.1 (vəzifə səlahiyyətlərindən sui-istifadə) və 311.3.2-ci (təkrar rüşvət alma) maddələri ilə ittiham olunur.
Qeyd edək ki, Abşeron rayonun bir çox qəsəbəsələrində kənd təsərrüfatı təyinatlı torpaq sahələrində qanunsuz fərdi evlərin və obyektlərin tikintisi artıq adi hal alıb.
Rayon İcra Hakimiyyətinin himayəsi və qəsəbə icra nümayəndələrinin havadarlığı altında son illər maklerlər tərəfindən minlərlə qanunsuz evin tikildiyi hər kəsin bildiyi faktdır. Abşeron rayonunda kənd təsərrüfatı təyinatlı torpaq sahələrində fərdi ev və obyektlərin ən çox tikildiyi ərazinin Masazır qəsəbəsi olması da mübahisə doğurmayan reallıqdır.
Yenicag.az xəbər verir ki, hazırda Masazır qəsəbəsində bəlkə də yüzlərlə heç bir sənədi olmayan, sadəcə, Abşeron Rayon İcra Hakimiyyətindən “icazə” verilən və qəsəbə icra nümayəndəliyinin “himayəsi” altında evlər tikilməkdədir. Masazırda tikilən bütün sənədsiz fərdi evlərin tikintisinə isə qəsəbə icra nümayəndəsi Şahlar Əsgərovun “nəzarət” etdiyi deyilir. Belə ki, qəsəbədə ev tikintisinə Abşeron Rayon İcra Hakimiyyətinin icazə alınmasında “vasitəçilik” səlahiyyəti məhz Şahlar Əsgərova məxsusdur. İddialara əsasən, hazırda Masazır qəsəbəsində sənədsiz fərdi ev tikintisi üçün tələb olunan rüşvətin məbləği 3 min manatdan başlayır.
Bildirək ki, Masazırda kənd təsərrüfatı təyinatlı torpaq sahələrinə aid ərazilərdə qanun tikilən, heç bir rəsmi icazə sənədi olmayan yüzlərlə fərdi evin inşasına nəinki göz yuman, hətta bu prosesə himayədarlıq edən şəxs qəsəbənin icra nümayəndəsi Şahlar Əsgərov olub. Abşeron rayonunun sabiq icra başçısı Zakir Fərəcovun dövründən Masazır qəsəbə icra nümayəndəsi vəzifəsini tutan Şahlar Əsgərov qanunsuz tikililərə himayədarlıq etməklə milyonçuya çevrilib. Təsəvvür edin ki, Masazır qəsəbəsində faktik Şahlar Əsgərova məxsus olan, ancaq qardaşının adına sənədləşdirdiyi onlarla obyektin olduğu bildirilir.
Əldə etdiyimiz məlumata görə, Şahlar Əsgərov Masazırdakı kənd təsərrüfatı təyinatlı torpaq sahələrində qardaşının vasitəsilə qanunsuz olaraq onlarla fərdi ev tikdirərək satdırıb. Vəzifə üzrə aylıq maaşı 800-900 manat olan qəsəbə icra nümayəndəsi Şahlar Əsgərovun bu yolla topladığı sərvətin 10 milyon manat civarında olduğu iddia edilir.
Qeyd edək ki, Baş prokuror yanında Korrupsiyaya qarşı Mübarizə Baş İdarəsi Masazır qəsəbəsində kənd təsərrüfatı təyinatlı torpaq sahələrində və digər ərazilərdə maklerlər tərəfindən hər gün tikilən qanunsuz fərdi yaşayış evləri ilə bağlı araşdırma apararsa, qəsəbənin icra nümayəndəsi Şahlar Əsgərovun həbsi qaçılmaz olacaq.
Xatırladaq ki, Şahlar Əsgrov Masazır qəsəbə kənd icra nümayəndəsi vəzifəsinə təyin olunmazdan əvvəl Abşeron rayonu Məhəmmədli kəndində icra nümayəndəsi işləyib. Məhəmmədi kəndindəki fəaliyyəti dövründə də ölkə mediasında Şahlar Əsgrovun qanunsuz tikinti işlərinə himayədarlıq etdiyi və sənədsiz torpaq sahələri satması ilə bağlı çoxsaylı məlumatlar yayılıb.
Mövzunu diqqətdə saxlayacağıq.