www.dunyapress.info

Gəncədə QOÇULUQ EDƏN MƏMUR VAR... - GİLEY

Yaradılıb 08.10.2022 13:55 | Baxış sayı: 257

Dövlət Sosial Müdafiə Fondunun Gəncə Şəhər Şöbəsində rəsmən özbaşılnalıqdır. DİA.AZ bildirir ki, bu, aşağıda təqdim edəcəyimiz faktdan da aşkar şəkildə görünür.

Gəncə şəhər sakini Musayeva Aygül bildirir ki, qanunsuz olaraq Dövlət Sosial Müdafiə Fondunun Gəncə Şəhər Şöbəsi tərəfindən işdən çıxarılıb. DİA.AZ xəbər verir ki, Fondun rəhbəri ona könüllü olaraq ərizə yazıb işdən çıxmalı olduğunu bildirib.

Daha ətraflı aşağıdakı videoda:

İddia olunanlarla bağlı dia.az olaraq qarşı tərəfi də dinləməyə hazırıq...

Facebook-da paylaş

Elm və Təhsil Nazirliyinin keçirdiyi tender müsabiqəsinin qalibi “Element YT” Qapalı Səhmdar Cəmiyyəti olub.
Teref.AZ yeniavaz.com-a istinadla xəbər verir ki, nazirliyin Təsərrüfathesablı Əsaslı Tikinti və Təchizat İdarəsi yanğın mühafizə sistemlərinin alınıb-quraşdırılması xidmətinə görə “Element YT” QSC-yə 15 milyon 144 min 749 manat 40 qəpik ödəyəcək.
Məlumat üçün bildirək ki, 2 min manat nizamnamə kapitalı olan “Element YT” QSC-nin qanuni təmsilçisi Paşayev Mətləb Allahverdi oğludur. Şirkət 16 yanvar 2016-ci ildə dövlət qeydiyyatına alınıb.
Qeyd edək ki, ötən günə (7 oktyabr) olan məlumata görə, “Element YT” QSC-nin dövlət büdcəsinə 226 manat 13 qəpik vergi borcu var.
Xatırladaq ki, vergi borcu olan şirkətlərin tenderdə iştirakı “Dövlət Satınalmaları haqqında” Qanunun 6.2.5-ci maddəsinin tələblərinə görə qadağandır.

Facebook-da paylaş

ƏDALƏTİN BUMU, UNEC? - "Bura universitetdi yoxsa təhdid məkanı?"

Yaradılıb 08.10.2022 10:34 | Baxış sayı: 146

DİA.AZ: - Keçən günlərdə Sevin Əhmədova adlı şikayətçinin təhsil aldığı ali məktəb barəsində gileyini təqdim etmişdik:

UNEC tələbəsi məsuliyyətsizliyin qurbanına çevrilib... - "Qırmızı diplomdan məhrum olunuram..."

DİA.AZ bildirir ki, sözügedən şikayətçi hələ də probleminin qaldığını, vəziyyətinin isə daha da gərginləşdiyini qeyd edir:

"Keçən gün paylaşmışdım, İqtisad universitetinin magistratura pilləsini bitirmişəm və 58 E balımı 81 B etməklə müəllim izahat yazmışdı. Rektor Ədalət Muradovun 3 gün öncə 08.10.2022-ci il tarixi üçün qəbuluna yazılmışdım və köməkçisi qeydiyyata alaraq öncədən bildirdi ki qəbula gəlmək üçün zəng edib xəbər bildirəcək. Elə həmin gün öncə İqtisad Universitetinin İctimaiyyətlə əlaqələr şöbəsinin əməkdaşı Səmayə xanım mənlə əlaqə saxlayaraq məsələnin araşdırıldığını bildirdi. Mənə zəngində elektron müraciətimdə icraçı Fariz müəllimin olduğunu qeyd etmişdi. 26.07.2022-ci il tarixində qaynarxett@unec.edu.az , rector@unec.edu.az , unec@unec.edu.az ünvanlarına müraciət etmişəm və heç bir cavab gəlməyib. Daha sonra 16.08.2022-ci il tarixində yenidən qeyd etdiyim elektron ünvanlara təkrar müraciət etmişəm və öncəki kimi heç bir cavab verilməmişdir. Hətta facebook səhifəsində belə müraciətlərim oxunulmuş və cavablandırılmamışdır. 05.10.2022-ci il tarixində dos., i.f.d. Hüseynli Aytən Təyyar qızı mənə zəng edərək, özü də daxil olmaqla, i.e.d., professor Kəlbiyev Yaşar Atakişi oğlunun, Hüseynov Rəşad Aktiv oğlunun və mənim iştirakımla məsələni aydınlaşdırmağa universitetə (4-cü korpus, Semaşka) dəvət etmişdi, saat 19:30 üçün. Deyilən saatda deyilən yerdə oldum və heç kəs yox idi. Saat 8-də Aytən xanım və Yaşar müəllimin iştirakı ilə məsələni “aydınlaşdırmağa” çalışdıq. Elmi rəhbərim olan Hüseynov Rəşad müəllim isə gəlməmişdi. Bu məsələdə Yaşar müəllim mənə bildirdi ki, hər şeyi öz üzərimə götürürəm. Hara gedirsən get şikayət elə. Məni, məsələni aydınlaşdırmağa yox, təhdidə çağırmışdılar belə düşdüm. Bu gun səhər tezdənnən İqtisad universitetinin ictimaiyyətlə əlaqələr şöbəsinin müdiri xanım Elnarə Məmmədova mənlə əlaqə saxlayaraq mənim müraciətimin cavablandırıldığını bildirmişdi. Elektron müraciət etmişəm lakin HEÇ BİR CAVAB gəlməyib ama universitet Elektron müraciətin icrasına “cavab verildi” qeyd edib. Hanı o cavab? Mən RƏSMİ olaraq heç bir cavab almamışam. Və müraciətimin vaxtından 2 ay 10 gündən artıq vaxt keçir. Saat 16:00 olardı Elnarə xanım yenidən mənlə əlaqə saxlayaraq REKTORUN QƏBULUNDAN ADIMIN SİLİNDİYİNİ QEYD ETDİ. Halbuki Rektorun köməkçisi Amil bəy mənim 6-cı gün qəbulda olacağımı bildirmişdi. ADIM NİYƏ SİLİNİB AXI? Amil bəy isə öz növbəsində məni növbəti ayın görüşünə adımı yazılmağını təklif etdi. NİYƏ AXI BU QƏDƏR UZADILIR? KİMLƏRDİ ƏNGƏL OLAN?? Saat 17:00 radələrində isə i.e.n., dos. İsayev Söhrab Zülfüqar oğlu mənə zəng edərək, Rəşad müəllim və i.f.d. Hümbətova Suqra İnqilab qızı ilə əlaqə saxladığını bildirərək onların izahatdan xəbərləri olmadığını bildirmişdir. Bu gün 19:30 radələrində universitetə gedərək Suqra xanımında iştirakı ilə Söhrab müəllimin yanında oldum. Və gözümün içinə baxa-baxa Suqra xanım izahatın olmadığını bildirdi və heçnə görməmişəm dedi. Budur düzgünlük? İzahatı yazdıran şəxs izahatın olmadığını deyir. Suqra xanım öz növbəsində adını bir daha paylaşarsam məni məhkəməyə verəcək deyə bildirdi. Universitetdi yoxsa təhdid məkanı?"

İddia olunanlarla bağlı dia.az olaraq qarşı tərəfi də dinləməyə hazırıq..

"Xəstəxanalar sadəcə pul silmək üçündür" - “Semaşko”da DƏHŞƏT

Yaradılıb 08.10.2022 10:20 | Baxış sayı: 224

“Bacımı içəridə yatağa bağlayıblar ki, birdən buradakı vəziyyətə dözməyib, evə gedər”.

Xalqxeber.az yenicag.az-a istinadla xəbər verir ki, bu sözləri xəstə bacısının yerləşdirildiyi Respublika Klinik Xəstəxanasında üzləşdiyi xoşagəlməz mənzərələrə və ümumilikdə səhiyyə sisteminin fəaliyyətinə etiraz edən “Qanun” nəşriyyatının direktoru Şahbaz Xuduoğlu deyib.

Onun sözlərinə görə, indiki şəraitdə xəstə yaxınlarının müalicə və müayinə üçün kifayət qədər xərci çıxsa da, səhiyyə sisteminin düzgün idarə edilməməsi xəstələrin sağalmasına və düzgün diaqnoz qoyulmasına əngəllər törədir:

“Bacımın vəziyyəti ağırdır. Dünən gördüm. Neçə vaxtdır, halını yanına gedənlərdən soruşurdum. Dünən ürək etdim, həm də içimdə bir bağın dartıldığını hiss etdim. Hələ Respublika Klinik Xəstəxanasına yerləşdiriləndə yanına getdim, amma reanimasiyada olduğu üçün görə bilmədim. Xəstəxanaya yox, elə bil tövləyə gəlmişdim. Dedilər, bacımı içəridə yatağa bağlayıblar ki, birdən buradakı vəziyyətə dözməyib, evə gedər. Bir müddət xəstəxananın dəhlizində gözlədim, yanımda iki nəfərin cansız bədənini apardılar. Qohumların hönkürtüsü adamın ürəyini parça-parça edirdi”.

Ş.Xuduoğlu bacısının elə o gecə özəl xəstəxanaya köçürüldüyünü, təmizlik və xidmətin yüksək olmasına baxmayaraq ödənişlərin büdcələrini aşdığını qeyd edib:

“Analizlər, diaqnozlar, dərmanlar, həkimlər: pul sel kimi gedir. Bacımı oradan çıxardır. İndi evdə gündəlik heç də az xərci olmayan həkim nəzarətindədir. Həm də məlum oldu ki, xəstəxanalarda bacımın xəstəliyinin nədən ibarət olduğu dəqiq müəyyənləşməyibmiş. Orada bir müalicə, burda tamam başqa müalicə…”

“Milyonlar ayrılsa da, təhsili kimi səhiyyəsi də mənzillərə köçüb. Xəstəxanalar isə sadəcə pul silmək üçündür”, – deyə Şahbaz Xuduoğlu vurğulayıb.

XalqXeber.Az

1 saylı Sumqayıt Şəhər Xəstəxanasında ŞOK ÖZBAŞINALIQ - VİDEO

Yaradılıb 08.10.2022 10:18 | Baxış sayı: 133

Sumqayıt sakini həkim səhlənkarlığından şikayət edib.

Xalqxeber.az sonxeber.az-a istinadən xəbər verir ki, 1 saylı Sumqayıt Şəhər Xəstəxanasının Travmatologiya şöbəsində çalışan həkim- cərrah Fuad Ağayev Bəxtiyar Hüseynov adlı şəxsin qolunu kəsib.

Şikayətçinin sözlərinə görə, həkim sol qolunu əməliyyat edən zaman sağlam sümüyünün kəsdiyini deməyib:

"Düşünürdüm ki, Fuad həkim qolumu əməliyyat edəndən sonra tez sağalacam. Yenidən işləyib ailəmi dolandıracam. Ancaq tam əksi oldu, sən demə, mənim əziyyətim irəlidə imiş".

B. Hüseynov qeyd edib ki, əməliyyatdan bir il keçsə də, qolunda şiddətli ağrılar var:

"Həkim qolumda sümük çatmadığı üçün ayağımı əməliyyat edib sümük götürmüşdü. Əvvəl sümük bitməli, sonra qoluma qoyulan plastiki çıxartmalı idi. Ancaq əməliyyatdan bir ay sonra həkim qolumu rentgen etdi və plastiki götürəcəyini dedi. Mən qolumda əyrilik hiss edirdim, hətta qolumun əyri bitdiyini söylədim. Ancaq həkim əhəmiyyət vermədi. Artıq bir il keçsə də, qolumda şiddətli ağrılar var. Qolumu hərəkət etdirə bilmirəm. Ağrıkəsicilərlə yaşayıram".

Sozügedən məsələ ilə bağlı videogörüntünü təqdim edirik:

XalqXeber.Az

Şəhid atası başçıdan GİLEY EDİR - MÜRACİƏT

Yaradılıb 08.10.2022 10:16 | Baxış sayı: 143

Qobustan rayonu Ximilli kəndinin sakini Mustafayev Eyvaz Qoşqar oğlu ölkə rəhbərliyinə müraciət ünvanlayıb. Bir nüsxəsi də DİA.AZ-a daxil olan müraciətdə deyilkir:

"Mənim hazırda 87 yaşım var. 2017- ci ildən ev almişam, 2018- ci ildən qeydiyyatdayam. Əmək veteraniyam, təqaüdçüyəm, şəhid atasıyam. Taxil səpmək üçün icarəyə torpaq sahəsi götürməyə görə 2018-ci ildən bu günə qədər aidiyyatı üzrə müraciətlər eləmişəm, ancaq müraciətlərimə əməl etməyiblər. Bu il avqstun 15-i Qobustan rayon icra başcisinin qəbulunda olmuşam. Göstəriş verdi ki, torpaq verin şəhid atasına,taxil səpmək üçün.Kəndin rəhbərləri həll etmədilər 1 ay gözlədim sentyabrn 12-si təkrar bir də başçının qəbulana getdim və qəbul etdi.Köməkcisinə göstəriş verdi ki, get yerində həll et. İcranin köməkcisi kəndə gəldi məni dəvət etdi kənd icra nümayəndəliyi də, yerli bələdiyyə də raziliğini bildirdilər. 4 hektar bələdiyə köməkcisinə dedi ki get yeri göstər. Pirsahad çayinin yaninda ən axrinci sərhəddə, tullantı yerdə mənə yer göstərdilər. İcra başçısının köməkçisi Eldar məni apardi 300 metr aralı və dedi ki, həmin yerdi 2 hektar yarimdi. Mən sonra ölüçdürdum həmin yer 1.5 hektara qədərdi. Lakin mənə göstərilən yeri şumlamaq üçun yol olmadığından nə traktor, nə də kambayn getmir . 4 il süründürməçilikdən sonra bir Şəhid atasi kimi mənə göstərilən bu mədəniyyətsizliyi özümə təhqir sayiram. Və dövlət başçısından xahiş edirəm ki, Qobustan rayonundakı məmurlarınız mən - Şəhid atasını, əmək veteranını, təqaüdçünü açıq aşkar məsxərəyə qoyurlar, rəsmən dolayırlar, yaxşı yerlərin hamısını özlərinə götürüb taxıl əkir, yerdə qalanını isə kənar şəxslərə satırlar. Mənə isə heç kimə lazım olmayan, qobu-qandaqlı uzaq bir yeri 4 ha adı ilə əvvəl 2.5 ha kimi vermək istəyirlər. Amma faktiki 1.5 ha yerdir. Bir sözlə, icra başçısının köməkçisi Eldar da, kənd icra nümayəndəsi də, bələdiyyə də hamısı yalançıdırlar. Başda İcra başçısı olmaqla bu adamlar öz əməllərindən utanmalıdırlar ki, məni kimi yaşlı bir şəhid atasını araya qoyurlar, Məsxərə edirlər, artislik edirlər. Xahiş edirəm məmurlarınıza başa salın ki, şəhid ailəsini oğlum Akifin qanı tökülmüş bir parça torpağa görə 4 il yollarda süründürməzlər. Bu yaramaz hərəkətləri nə insanlığa, nə müsəlmançılığa , nə də vicdanı olan məmura yaraşmaz.
Qeyd edim ki, 1994 ci ilde Fizuli rayonun Alxanlı kəndi urunda 12-si yanvarda torpağin müdafiəsi uğrunda Oğlum Mustafayev Akif Eyvaz oğlu şəhid olub. Bakı şəhərində oğumun adını əbədiləşdirmək üçun küçə adı verilib və xatirə lövhəsi vurulub".
Məsələ ilə bağlı bütün əlaqədar qurum və şəxsləri dia.az olaraq dinləməyə hazırıq....

XalqXeber.Az

Səlim Müslümov pulyığanı Fuad Əlizadə öz gücünü hardan alır? - İLGİNC GƏLİŞMƏ

Yaradılıb 08.10.2022 09:24 | Baxış sayı: 181

Rüşvət və mənimsəmə əməllərinə görə barəsində cinayət işi başladılan sabiq nazir Səlim Müslümovun vaxtilə qohumlarını da bu işə qatdığı məlum olub.

“Kriminalqafqaz”ın məlumata görə, bununla bağlı 2013-2018-ci illərdə Əmək və Əhalinin Sosial Müdafiəsi Nazirliyində İqtisadiyyat şöbəsinin müdiri olmuş Şəlalə Cəfərova etiraf edib. Belə ki, həmin müddətdə S.Müslümov Ş.Cəfərovanı xidməti otağına dəvət edərək Dövlət Sosial Təminat Xidməti, Dövlət Tibbi-Sosial Ekspertiza və Reabilitasiya Xidməti və Aparat üzrə olan satınalmalardan “otkat”ın ona verilməsinə göstəriş verib. O da vəzifəsində qalmaq üçün S.Müslümovun tələbi ilə razılaşıb. 2014-2018-ci illərdə aylıq pullar Şəlaləyə verilib. O isə həmin pulları Səlim Müslümova xidməti otağında çatdırıb. Satınalmalar üzrə "otkat"ın miqdarı 20 % olub.

Qeyd olunan dövr ərzində mal, iş və xidmətlərin alınması üçün ƏƏSMN və tabeli qurumları tərəfindən bağlanmış müqavilələr əsasında ödənilmiş vəsaitlərin ümumilikdə 4.369.355 manatı onlardan nağd şəkildə alınaraq müqavilə bağlanıldığı vaxtdan həmin ilin sonunadək Səlim Müslümova xidməti otağında verib.

Bundan əlavə, istintaq zamanı Şəlalə Cəfərova Səlim Müslümovun yeyinti əməllərində qohumluq əlaqələrindən də istifadə etdiyini deyib. Onun sözlərinə görə, məcburi dövlət sosial sığorta haqlarının toplanması qaydalarına əsasən DSMF-nin auditoru İqtisadiyyat Nazirliyinin əməkdaşı ilə birlikdə Bakıda müxtəlif şirkətlərdə yoxlamalar keçirirmişlər. DSMF-nin Bakı şəhərində hüquqi şəxslərlə iş üzrə departamentinin audit şöbəsinin müdiri isə Fuad Əlizadə olub. Hansı ki, Fuad Əlizadə sabiq nazir Səlim Müslümovun dayısı qızının əridir. Bakıdakı şirkətlərdə yoxlamalar məhz Fuad Əlizadənin kurasiyasında olub. Onun rəhbərlik etdiyi şöbənin işçiləri yoxlamaları həyata keçirirərək həmin şirkətlərdən qanunsuz alınmış pulları Fuad Əlizadəyə veriblər. O isə həmin pulları öz müdiri Şiraslan Əsədovun vasitəsilə Səlim Müslümova çatdırıb.

Xatırladaq ki, Səlim Müslümov 2021-ci ilin fevralında Dövlət Təhlükəsizliyi Xidməti (DTX) tərəfindən saxlanılıb. O, Dövlət Sosial Müdafiə Fondunun sədri (2002-2013) və nazir (2013-2018) işlədiyi dövrlərdə 27 milyon manatlıq rüşvətalma, mənimsəmə və israfetmə əməllərinə görə ittiham olunur. Sabiq nazir həmin puldan 20 milyon manatını istintaq dövründə ödəyib. 8 milyon manatlıq əmlakı üzərinə isə həbs qoyulub.

Ovqat.com-un əlavəsi

Qeyd edək ki, bu yazıda adı keçən Fuad Əlizadənin Səlim Müslümovun pulyığanı olması barədə məlumatı ilk dəfə Ovqat.com hələ 4 il bundan əvvəl yazmışdı. Daha sonra da dəfələrlə bu faktı qələmə almağımıza baxmayaraq hansısa sehrli əl adı dillər əzbəri olan, media orqanlarının səhifələrindən düşmən həmin adamı qoruyur. Bərabər işlədiyi bütün nazirlər, komitə sədrləri işdən çıxarılır, həbs edilir, amma Fuad Əlizadəyə «gözün üstə qaşın var» deyən tapılmır. Ümidvarıq ki, istintaq əvvəl Səlim Müslimovun, sonra isə Səfər Mehdiyevin pulyığanı vəzifəsini məharətlə icra edən bu toxunulmaz şəxsin arxasında hansı qüvvələrin dayandığını da aşkara çıxaracaq. Əks halda, himayədarlar kənarda qaldığı halda, hansısa məmuru cəzalandırmaq bataqlığı qurutmaq yerinə milçək övlamağa oxşayar ki, bu da istintaqın obyektivliyinə kölgə sala bilər.

İstintaqa kömək etmək məqsədi ilə 2018-ci ildə qələmə aldığımız həmin yazıdan bəzi sətirləri bir daha diqqətə çatdırırıq.

"Maraqlıdır ki, “dayısı” ilə bərabər ƏƏSMN-dən işdən uzaqlaşdırılmasının üzərindən 6 ay keçməmiş Fuad Əlizadə Gömrük Komitəsində yeni vəzifəyə təyin olunub. Üstəlik, yeni vəzifə “dayı” himayəsindəki işindən heç də aşağı vəzifə deyil. ƏƏSMN-nin yanında Dövlət Əmək Müfəttişliyi Xidmətinin rəisi vəzifəsindən Dövlət Gömrük Komitəsinin Maliyyə və Təchizat İdarəsinə rəis təyin olunan Fuad Əlizadənin hansı keyfiyyətinə görə bu cür sıçramasına şərait yaradıblar, yəqin ki, bu sualın ən düzgün cavabını ancaq gömrük generalı Səfər Mehdiyev bilir. Görünür, Fuad Əlizadənin ƏƏSMN-də qazandığı təcrübəni Dövlət Gömrük Komitəsinə daşıması general Mehdiyevə hava-su kimi lazım imiş.

Bəs bu təcrübə nədən ibarətdir?

Əldə etdiyimiz məlumata görə, yeni nazirin (Sahil Babayev) qələmini qıracağı gözlənilən ikinci şəxs Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin rəisi Fuad Əlizadə ola bilər.

Bildirilir ki, Fuad Əlizadə keçmiş nazir Səlim Müslimovun bacısının kürəkənidir. Daydayısının bütün qara işlərini və xaricdəki biznesini idarə edən Fuad Əlizadə 26 mart 1980-ci ildə Naxçıvan şəhərində anadan olub.

1996-2000-ci illərdə Azərbaycan Dillər Universitetinin filologiya fakültəsində təhsil alıb və ingilis dili ixtisasına yiyələnib...

2004-2006-cı illərdə Naxçıvan Dövlət Universitetinin Pedaqoqika nəzəriyyəsi və tarixi fakültəsində təhsilini davam etdirərək magistr dərəcəsini alıb.

2005-ci ildə Azərbaycan Respublikası Dövlət Sosial Müdafiə Fondunun Mərkəzi aparatının Beynəlxalq əlaqələr və strateji araşdırmalar şöbəsinə böyük məsləhətçi vəzifəsinə təyin olunub. Maraqlıdır ki, bu vəzifəyə təyin olunandan sonra Fuad Əlizadənin ikinci təhsilini almaq istəyi ortaya çıxıb. O, bu dəfə meylini başqa xarici dil öyrənməyə deyil, iqtisadiyyata salıb və 2005-2007-ci illərdə Azərbaycan Dövlət İqtisad Universitetinin maliyyə və kredit fakültəsində oxuyub. 1 elmi məqalənin və 5-dən artıq məqalənin müəllifidir.

Heç bir hüquqi savadı olmamasına baxmayaraq, 2005-ci ildən etibarən Fuad müəllimin sorağı Azərbaycan Respublikası Dövlət Sosial Müdafiə Fondunun Bakı şəhəri üzrə Hüquqi şəxslərlə iş departamentindən gəlib. O, bu departamentdə audit sektorunun müdiri vəzifəsində çalışıb və vəzifəsini 2013-cü ilə qədər davam etdirib.

2013-cu ildə isə “daydayısı”nın yanında gözlənilməz zirvələr fəth etməyə başlayan Fuad Əlizadə həmin ilin 14 noyabrında Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin rəis müavini vəzifəsinə təyin olunub. Üzərindən 5 ay keçməmiş isə bir az da böyüyüb. Əmək Müfəttişliyi Xidmətinin rəisi vəzifəsinə keçib və dayısı vurulana qədər o vəzifədə çalışıb.

Dövlət qulluğu baş müşaviridir.

Məlumatlı mənbənin bildirdiyinə görə, Fuad bütün bu yüksəlişinə görə daydayısı Səlim Müslimova borcludur. Səlim Müslimovun köməkliyi ilə 2012-ci ildə "Dövlət qulluğunda fərqlənməyə görə" medalıyla da təltif olunub. Görünür, “qara kassa” işini yaxşı mənimsədiyi üçün bu yüksək titula layiq bilinib".

Ovqat.com

Facebook-da paylaş

Rektorun səs yazısı yazıldı: “Hamınızı pis günə qoyacam” - ÖZBAŞINALIQ!

Yaradılıb 07.10.2022 14:32 | Baxış sayı: 306

Azərbaycanda daha bir təhsil işçisinin səs yazısı yayılıb. Bu dəfə Azərbaycan Texnologiya Universitetinin (UTECA) rektoru vəzifəsini icra edən Yaşar Ömərovun tabeliyində çalışan işçiləri təhdid edən audioyazısı ortaya çıxıb.

DİA.AZ yenisabah.az-a istinadla xəbər verir ki, Yaşar Ömərov vəzifəsinin icrasına başlayandan dərhal sonra keçmiş rektor Akif Süleymanova yaxınlığı ilə tanınan bütün kadrları işdən azad etməyə başlayıb.

Sözügedən audioyazıdan aydın olur ki, o, hətta universitetin xanım əməkdaşlarını da təhdid edib. Yaşar Ömərov əməkdaşları keçmiş rektora xəbərçilik etməkdə suçlayaraq, onlardan öz ərizələri ilə işdən getmələrini tələb edir:

“Hələ 2 həftə buradayam. Gedib bu şad xəbəri Akif müəllimə çatdıra bilərsiniz. Yaxşısı budur ki, ərizənizi yazıb öz xoşunuzla işdən gedin, yoxsa sonra hamınızı pis günə qoyacağam”.

Həmin səs yazısını təqdim edirik:

Dinləmək üçün bura tıklayın...

Sabirabadda dövlət səhiyyəsi baş direktorun biznesinə çevrilib - Tədbir görüləcəkmi?

Yaradılıb 07.10.2022 14:29 | Baxış sayı: 240

Ənvər Limanov Sabirabad rayon Rayon Mərkəzi Xəstəxanasında idarə etdiyi korrupsiya ilə Bursada imarət sahibi olub...

Sabirabad rayon Rayon Mərkəzi Xəstəxanasıdan, daha doğrusu xəstəxananın baş direktorundan şikayətlər bitib tükənmir. Sabirabad səhiyyəsinin göstərdiyi yarıtmaz xidmətdən şikayətçi olan vətəndaşlar qeyd edirlər ki, Ənvər Lumanov və “komandası”nın sayəsində Sabirabad Xəstəxanasında icbari tibb sığortdan əsər əlamət qalmayıb. Sakinləri bildirirdi ki, Sabirabad xəstəxanalarında, tibb məntəqələrində vətəndaşlar üçün hər bir xidmət pulludur və bu zaman sığortası olan xəstələr üçün belə istisnalar tanınmır. Mərkəzi Xəstəxanada və tibb məntəqələrində fəaliyyət göstərən şöbələr, o cümlədən həkimlər isə baş direktora aylıq “hesab” verirlər.

Xatırladaq ki, AzFakt.com olaraq bir müddət öncə Sabirabad rayon Rayon Mərkəzi Xəstəxanasıda baş direktor Ənvər Lumanov və digər şəxslərin əlbir olaraq səhiyyə ocağını korrupsiya yuvasına çevirmələri haqqında məlumatlar dərc etmişdik və bütün bu məlumatlar birbaşa vətəndaşların şikayətlərinə əsaslanırdı.

Sabirabad sakinlərinin saytımıza göndərdikləri yeni məlumatlarda isə daha ilginc faktlar öz əksini tapıb. Həmin məlumatlarda vurğulanır ki, xəstəxanada işə qəbul məsələsinə kadrlar şöbəsinin müdiri Yasəf Cavadov baxır. İşə girmək istəyənlər Yasəf Cavadovla görüşərək, onunla “razılaşırlar”. Misal üçün xəstəxanada sürücü işləmək 8-10 min, xadimə işləmək 2-3 min, tibb bacısı işləməyin qiyməti isə 4-5 min manat arasında dəyişir. Bildirilir ki, işə girmək üçün bütün pul məsələlərini baş direktor Yasəf Cavadova həvalə edib. Həmçinin işə girmək istəyənlərlə Yasəf Cavadovun vasitəçiliyini isə baş tibb bacısı həyata keçirir.

Bundan başqa Ənvər Lumanovun qanunsuz yollarla əldə etdiyi vəsaitlər hesabına Türkiyənin Bursa şəhərində imarət aldığı deyilir. Bu barədə Lumanovun yaşadığı Əhmədabad kəndində bilməyən yoxdur. Kənd sakinləri bildirirlər ki, baş direktorun ailəsi yay aylarındaTürkiyəyə gedərək Bursadakı imarətlərində yaşayırlar.

Həmçinin qeyd edilir ki, Ənvər Lumanovun digər qazanc yerlərindən biri də yaşadığı Əhmədabad kənd həkim məntəqəsidir. Adı çəkilən həkim məntəqəsinin müdiri isə baş direktorun qardaşı Əhməd Lumanovdur. Məhz koronvirus infeksiyasının vüsət aldığı vaxtlarda (2020-ci ildən 2021-ci ilin yarsına kimi) Əhmədabad kənd həkim məntəqəsində də vətəndaşlara tibb yardımın göstərilməsi üçün çalışan, adı olub özü olmayan və yüksək əmək haqqı yazılan tibb işçiləri olub.

Digər məlumatda bildirilir ki, Ənvər Lumanov Sabirabad Xəstəxanasının baş direktoru keçəndən sonra, vaxtı ilə Əhmədabad kənd icra nümayəndəsi işləyən və 2014-cü ildə rüşvət ittihamı ilə həbs olunan qardaşı Alim Lumanova Əhmədabad kəndində böyük mağaza tikdirib. Qeyd edək ki, icra nümayəndəsi Alim Lumanov dövlət tərəfindən Əhmədabad kənd sakinləri üçün tikilən evləri rüşvətlə satdığına görə həbs olunub və məhkəmə tərəfindən 8 il cəza alıb.

Sabirabad sakinləri bildirirlər ki, rayon xəstəxanasındakı rüşvətin, özbaşınalığın qarşısının alınmasının yeganə yolu baş direktor Ənvər Lumanovun, baş həkimi İkram Allahverdiyevin, baş direktorun maliyyə işləri üzrə müavini Bayram Mikayılovun, mühasib Rasim Vəliyevin, kadrlar şöbəsinin müdiri Yasəf Cavadovun və digər aidiyyatı şəxslərin vəzifədən uzaqlaşıdırlmasıdır. Yəni TƏBİB və Səhiyyə Nazirliyi Sabirbad xəstəxanasının rəhbərliyinə vicdanlı, korrupsiyadan uzaq, vətəndaşına, dövlətinə bağlı kadrları təyin etməldir.

Saytımıza verilən digər məlumatda isə bildirilir ki, Sabirabad xəstəxanasında rüşvət sistemi quran şəxslərdən biri də vaxtıilə xuliqanlığa görə həbs edilən və korrupsiya faktlarına görə vəzifəsindən qovulan baş direktorun müavini Bayram Mikayılovla şöbələrin birinin tibb bacısıdır.

Bu barədə növbəti yazımızda oxucularımıza ətraflı məlumat verəcəyik. (AzFakt.com)

XalqXeber.Az

“Korrupsiyadan şikayət etdim, rəis dedi ki, bəs direktor nə ilə dolansın?” - Ağcabədidə tam XAOSDUR!

Yaradılıb 07.10.2022 10:53 | Baxış sayı: 241

Ağcabədi rayonu Hindarx qəsəbə Uşaq Musiqi Məktəbinin direktor müavini, tar müəllimi Zöhrab Hüseynov haqsızlıqla üzləşdiyini deyir.

Bu barədə müəllim Meydan TV-yə danışıb.

Onun sözlərinə görə, on ildir ki, məktəbdə iyirmi dörd saat olmaqla dərs deyib.

Bir neçə ay öncə isə məktəbin direktoru İlkin Ağalarov onun dərs saatlarını yarıbayarı azaldıb:

“Direktor mənə bildirdi ki, bundan sonra dərs saatlarım 24 deyil, 7-8 olacaq. Səbəbini soruşanda dedi ki, bu, Regional Mədəniyyət İdarəsinin rəisi Qalıb Həsənovun tapşırığıdır. Üzərindən bir müddət keçəndən sonra, avqustun 30-da keçirilən iclas zamanı öyrəndim ki, sən demə, direktor bəzi müəllimlərə 32, hətta 36 dərs saatı yazaraq, pulları özü götürürmüş”.

Direktor müavini deyir ki, məsələ ilə əlaqədar Ağcabədi Regional Mədəniyyət İdarəsinin rəisi Qalib Həsənovla görüşüb:

“Ona bildirdim ki, ortada belə bir korrupsiya faktı var. Qalib Həsənov da direktoru müdafiə etdi ki, bəs nə ilə dolanmalıdır? Rəisin bu açıqlamasından sonra məəttəl qaldım. Düşündüm ki, Qalib Həsənov direktorla əlbir olduğu üçün onu müdafiə edir”.

Şikayətçi Prezident Adminstrasiyasına, Korrupsiya qarşı Mübarizə İdarəsinə, Mədəniyyət Nazirliyinə, Maliyyə Nazirliyinə, Dövlət Təhlükəsizlik Xidmətinə, Ağcabədi Rayon Prokurorluğuna, Dövlət Təhlükəsizlik Xidmətinin Ağcabədi rayon şöbəsinə məktub yazsa da, müraciətinə baxılmadığını deyir:

“Korrupsiya qarşı Mübarizə İdarəsindən cavab gəlib ki, şikayətim Mədəniyyət Nazirliyinə göndərilir. Məsələni niyə özünüz araşdırmırsınız? Mədəniyyət Nazirliyi də şikayəti Regional İdarəyə göndərəcək. Bununla olayın üstünü ört-basdır etmək istəyirlər”.

Zöhrab Hüseynov iddia edir ki, məktəb direktoru ona hədə-qorxu gəlir:

“Zəng edib, ailəmi təhdid etdi ki, sən öl, gör, sizin başınıza nə oyun açacağam. Əfsuslar olsun ki, mən bu qədər yerə müraciət edəndən sonra ortada heç bir nəticə yoxdur. Ciddi araşdırma aparılmır, həmin şəxslər cəzalandırılmır”.

Musiqi məktəbinin direktoru İlkin Ağalarov məsələyə ancaq rəsmi müraciətdən sonra cavab verəcəyini desə də, Meydan TV-nin sorğusunu cavablandırmayıb.

Ağcabədi Regional Mədəniyyət İdarəsi də Meydan TV-nin sorğusuna cavab verməyib.

Mədəniyyət Nazirliyinin Daxili nəzarət və audit şöbəsindən Meydan TV-yə bildirilib ki, məsələ ilə bağlı araşdırma aparılır:

“Araşdırmanın nəticəsi bəlli olduqdan sonra ictimaiyyətə məlumat verilə bilər”.

Elm və Təhsil Nazirliyi yanında İctimai Şuranın üzvü İlqar Orucov Meydan TV-yə açıqlamasında bu kimi hallarla rastlaşmadığını və buna çox təəccübləndiyini deyib:

“Elm və Təhsil Nazirliyinə, həmçinin İctimai Şuraya belə halların baş verməsi ilə bağlı heç vaxt şikayət daxil olmayıb. Hər zaman vətəndaşlara – müəllimlərə, şagirdlərə- təhsilin bütün subyektlərinə müraciət edirik ki, qanunsuz tələblər, pul yığma halları, yaxud da direktorların özbaşınalığı ilə bağlı hər hansı bir faktlar olduğu təqdirdə, bizə dərhal müraciət etsinlər. Bu kimi hallar olduğu təqdirdə, yalnız rəsmi müraciət olduqda, bunu araşdırmaq mümkündür”.

Şura üzvü həmçinin deyib ki, müəllimlərə əlavə dərs saatlarının verilməsi, istisna hallarda, vakansiya vasitəsilə edilə bilər:

“Ümumiyyətlə, müəllimin maksimum neçə saat dərs deməsi, minimum saatın nə qədər olması ilə bağlı normalar var. Bütövlükdə bunlar konkret normalar çərçivəsində tənzimlənir”.

2021-ci ilin dekabrında mədəniyyət naziri Anar Kərimov demişdi ki, musiqi məktəblərində qeyri-şəffaf prosedurlar mövcuddur. Nazir musiqi müəllimlərinin işə qəbulu prosesinin Dövlət İmtahan Mərkəzinin (DİM) səlahiyyətinə verilməsi təklifini irəli sürmüşdü:

“Bu istiqmatədə yeni bir yol xəritəsi cızmaq istəyirik. Müəllimlərin işə qəbulu ilə bağlı müəyyən meyarlar, metodologiya tətbiq edilsin. İstəyirik ki, bu prosesə ixtisaslaşmış qurumları, həmçinin Dövlət İmtahan Mərkəzini cəlb edək. Mədəniyyət Nazirliyi isə prosesdən kənarda dayansın”.

Məsələni şərh edən təhsil eksperti Nabatəli Qulamoğlu Meydan TV-yə deyir ki, müəllimlərə dərs bölgüsü onların işə qəbul imtahanında topladığı ballara nisbətən verilməlidir:

“Məntiqi izahı budur ki, savadlı müəllim daha çox dərs deməlidir. Bu, əmr şəklində deyil, nazirin tövsiyəsidir. Dəfələrlə vurğulamışam ki, direktorlar nazirə formal tabedirlət. Məktəb direktorları icra başçıları ilə hesablaşırlar. Məktəblərdən yığılan pulların əsas hissəsi direktorlar tərəfindən icra başçılarına verilir. Çünki təhsil şöbələrinin müdirlərinin namizədliyini rayonun icra başçısı verir. Məhz buna görə də direktorlar özbaşınalıq edirlər”.

Ekspert hazırda Azərbaycanda dövlət sektorunun 80-ci illərdəki kimi fəaliyyət göstərdiyini deyir:

“Yəni o vaxt dövlət kolxoz və sovxozlara pullar tökürdü ki, vəziyyəti dirçəldib, qaydaya salsınlar. Pulları isə anbardar, kolxoz sədri, briqadir yeyirdi. Bu dəqiqə dövlət sektoru, yəni bizim məktəblər həmin vəziyyətdədir. Özbaşınalıqdır, əsas səbəbi də yeyintidir. Aşkarlıq yoxdur, şikayət edirsən, baxan yoxdur. Bütün sahələrdə vəziyyət acınacaqlıdır. Məktəbin direktoru özündən yuxarı orqana – birinci növbədə icra başçısına pul çatdırır. O, arxayındır, çünki arxası var. Məktəb direktoru vəzifəsinə elə adamları seçirlər ki, onlar hər oyundan keçsinlər, hər şeyi bacarsınlar. Yaxşı rüşvət toplaya bilsinlər, onu çatdıra bilsinlər. Müəllimlərin üzərində yumruğu olsun”. //Meydan TV//

211 saylı məktəbdə 11-ci sinif LƏĞV OLUNUB? - Belə deyilsə, bəs bu NƏDİR?

Yaradılıb 07.10.2022 10:51 | Baxış sayı: 347

DİA.AZ: - Yuxarı sinif şagirdləri arasında dərsdən yayınma hallarının aşağı siniflərlə müqayisədə daha çox olduğunu hər kəs bilir. DİA.AZ xatırladır ki, bu günlərdə Gədəbəy Rayon İcra Hakimiyyətinin başçısı Orxan Mürsəlov rayon məktəblərində şagirdlərin dərsə davamiyyəti və dərs prosesinin hansı səviyyədə təşkil edilməsini öyrənmək məqsədilə Arıqıran kənd tam orta məktəbində olub.

Məktəbdə 1-ci növbə dərs saatında 201 şagirddən yalnız 55-i siniflərdə olub. Məktəb direktoru və dərsdə olmalı olan bəzi müəllimlər, həmçinin 11-ci siniflər üzrə 55 şagirddən heç biri məktəbdə olmayıb. Şagirdlərin əksəriyyətinin isə digər şəhər, rayonlarda yaşayan və rayonla əlaqəsi olmayan şəxslər olduğu da müəyyən edilib.

Qeyd edək ki, yuxarı siniflərdə dərsə davamiyyətin zəif olmasına ölkənin əksər məktəblərində rast gəlinir. Eyni zamanda, müşahidələr göstərir ki, xüsusilə 9-cu sinifdən başlayaraq valideynlər kütləvi şəkildə öz övladlarını təhsil aldığı məktəbdən çıxararaq daha ucqar təhsil müəssisələrinə yerləşdirirlər. Hətta bunun üçün məktəb rəhbərliyi ilə valideynlər arasında müəyyən sövdələşmələrin olduğu da bildirilir.

DİA.AZ bildirir ki, ən acınacaqlı mənzərə isə Bakı məktəblərindədir desək, yanılmarıq... Elə DİA.AZ-a göndərilən videolardan da anlaşılanı budur ki, Bakıda yerləşən 211 saylı orta məktəbdə 11-ci siniflərin dərs otaqları bomboşdur. Elə bir təəssürat yaranır ki, sanki bu məktəbdə 11-ci siniflər ümumiyyətlə ləğv olunub.

Onu da qeyd edək ki, elə dünən bir yazı ilə çıxış edərək sözügedən təhsil ocağı ilə bağlı araşdırmaya başladığımızı bəyan etmişdik:

211 saylı məktəbdə QARA KASSA VƏ DAHA NƏLƏR... - İLGİNC İDDİALAR...

Bu araşdırmalarımız davam etdiyi bir ərəfədə redaksiyamıza oxuculardan biri 211 saylı məktəbdə 11-ci siniflərin dərs otaqlarından videofaktları redaksiyamıza yollayıb. Onlardan bəzilərini təqdim edirik:

Qeyd edək ki, redaksiyamıza 10-ya yaxın videomaterial göndərilib. Araşdırmalarımızla bağlı və həm də sözügedən faktla əlaqədar qarşı tərəfin də münasibətini öyrənməyə çalışacağıq.

Bizi izləməyə davam edin...