Jurnalist Səbuhi Abbasov deputat Anar Məmmədov haqqında maraqlı paylaşım edib.

AzFakt.com həmin fikirləri olduğu kimi təqdim edir: “Bu deputatı, yəqin ki, tanıyırsınız, 96 saylı Goranboy-Naftalan Seçki Dairəsindən 2020-ci ildə seçilib. Necə seçilib, onu goranboylular, naftalanlılar çox gözəl bilirlər. Sözüm o deyil, Parlamentin “P”sından xəbəri olmayan bu şəxs surətlə tikinti maqnatına çevrilməkdədir. Və bunları dövlət büdcəsinə qənim kəsilməklə edir. Adamın şəxsən rəhbərlik etdiyi “Amazon” şikəti Qarabağdakı tenderlərə özünü soxuşdura bilib. Ayrı-ayrı şəxslərin texnikalarını işlədir, dövlətdən pulunu alır, sonra texnika sahiblərinə qırıq-salxaq texnikaları təhvil verir, qara qəpik vermədən. Çox yaxın insandan kran sifariş verib, rəsmi müqavilə bağlanıb, aylıq icarə müəyyəb edilib, 4 ay sonra kranı gətirib tullayıblar həyətlərinə, özünə də bir qəpik verməyiblər. Anar Məmmədov özü də qaynatası Qulam kişi ilə “Amazon” şirkətinin ofisində oturur. Bu özbaşınalıqlar birbaşa YAP-dakı islahatları puç edir, yeni kadrlara olan inamı sıfıra endirir. Ən əsası, Ali Baş Komandanın xalq arasındakı nüfuzunu xərcləyir, həm də Qarabağ adı ilə… Dünyadaka baş verən geosiyasi proseslərə baxın, bizim yeni kadrlarımıza baxın. Bunlarnan sizcə hara qədər getmək olar? Qarabağ adı ilə millətin qanını soran kim olursa olsun, xəyanətkardır. Deputatın biznes fəaliyyəti tam başqa mövzudur. Əl-qərəz, məsələ məhkəmədədir. Anar Məmmədovun qanunsuz fəaliyyəti, mülkləri, avtomobilləri, eyni zamanda, qeyd etdiyim özbaşınalığın məhkəmə müstəvisinə daşınması, məhkəmə prosesi: bir sözlə, geniş yazı gəlir…”

Səslənən ittihamlarla bağlı Anar Məmmədovun da fikirlərinə yer verməyə hazırıq.

“Lerik Broyler” MMC-yə məxsus Lebro Quşçuluq Kompleksi Lerikin Piran kəndi başda olmaqla ətraf yaşayış məntəqələrində vəziyyəti dözülməz hala gətirib.

AzToday.az xəbər verir ki, deputat İqbal Məmmədova məxsus müəssisə illərdir tullantı mallarını sanitar normalara zidd qaydada yandıraraq üfünət iyinin yayılmasına səbəb olur.

Sakinlər dəfələrlə Ekologiya və Təbii Sərvətlər Nazirliyinə və Qida Təhlükəsizliyi agentliyinə şikayət etsələr də, heç bir ciddi tədbir görülməyib.

Şirkətin qanuni təmsilçisi İqbal Məmmədovun qardaşı oğlu Orxan Nərimanlıdır.

Bir il əvvəl Naxçıvan MR Mədəniyyət Nazirliyində ciddi yoxlamalar olub. Yoxlamaları Ali Məclis və MR Maliyyə Nazirliyi aparırıb.
Ovqat.com-a bu barədə məlumatı kod adı “Mədəni Qara Pişik” olan mənbəmiz verib.
Mədəni “Qara Pişiy”in iddiasına görə, ötən ilki yerli yoxlamalarda da xeyli saxtakarlıqlar aşkarlanıb. “Məsələn, musiqi məktəb müəllimlərinə əlavə dərs saatlarının yazılması kimi. Hansı ki, o dərs saatlarından ixtisas müəllimlərinin belə, xəbəri olmayıb. Bu yalançı dərslərə ritmika, üzündən oxu, konsertmeysterlik, müşayiət və s. kimi fənnlər daxildir. Hərəsinə 24 saat yazılaraq, külli miqdarda vəsait mənimsənilmişdi”, - mənbəmiz bildirir.
Araşdırmalar zamanı Mədəniyyət Nazirliyində xeyli bankomat kartının da aşkarlandığını bildirən həmsöhbətimiz bundan başqa, müəllimlərin dərsinə əlavə saatların yazılmasından tutmuş dərsə gəlməyən şagirlərə qədər bir çox saxtakarlıqların müəyyənləşdirildiyini bildirir: “Amma bu yoxlamaların nəticəsində yenə olan müəllimlərə oldu. Yoxlamalardan sonra müəyyənləşdirilən artıq dərslər silindi, büdcədən mədəniyyətə ayrılan vəsait xeyli azaldıldı. Yoxlamalarda aşkarlanan saxtakarlıqların fakturası bir neçə nəfərə kəsildi. Ötən ilki yoxlamar nəticəsində Musiqi kollecinin müdiri Günay Əliyeva, Mədəniyyət şöbəsinin müdiri Təranə Qasmova, Nazirliyin Aparat rəhbəri Leyla Əlimərdanova, Flarmoniyanin müdiri Səməd Əsgərov vəzifəsindən uzaqlaşdırıldı. Hər kəs gözləyirdi ki, bu cəza tədbirlərindən sonra Natəvan Qədimova lazımi dərslər çıxaracaq. Fəqət Nazirliyin rəhbərliyi yenə əvvəlki qazanclarını götürmək üçün başqa bir çarələr tapdı. Bu səfər müəllimlərin dərs saatı azaldıldı, yenə hər bir müəllimin üzərinə əlavə dərs saatları yazıldı və mənimsənildi”.
Bildirilir ki, Naxçıvan rəhbərliyi sözügedən yoxlamaları təkcə “kadr islahatları” ilə sonuclandırmayıb. Bəzi “struktur islahatları” da aparılıb. Təbii ki, Naxçıvanvari şəkildə. Məsələn, Musiqi kolleci Mədəniyyət Nazirliyindən alınıb Naxçıvan Dövlət Universitetinə verildi. Məqsəd guya, Musiqi kollecində təhsilin keyfiyyətini yüksəldib Konservatoriya səviyyəsinə qaldırmaq idi. Amma Vasif Talıbov həzrətləri deyəsən fərqində deyil ki, nəyisə hardansa kəsib başqa yerə yapışdırmaqla keyfiyyət dərəcəsini yüksəltmək mümkün deyil. Bu, sadəcə Həsənin adına Həsqo deməyə bənzəyir.
Yeri gəlmişkən, Musiqi kollecində aparılan yoxlamalar zamanı o da müəyyənləşdirilib ki, bu təhsil ocağında dərs deyən müəllimlərin heç birinin ali savadı yoxdur. Onlar sadəcə həmin kollecdə 7 il orta-ixtisas təhsil aldıqdan sonra elə eyni məktəbə müəllim vəzifəsinə işə götürülüblər. Belə deyək, şagird orta məktəbi bitirən kimi müəllimlik etmək hüququ qazanıb. Görünür, cənab “xan” həzrətləri kolecdəki bu biabırçılığı ört-basdır etmək üçün onu NDU-nun bir fakültəsinə çevirib ki, şagirdlər orta-ixtisas sertifikatı yox, ali məktəb diplomu alsın və bu biabırçılıq gözəgörünməz olsun.
Mənbəmizin iddiasına görə, ötən il ortaya çıxan bu saxtakarlığa baxmayaraq, Natəvan Qədimova hələ də öz vəzifəsinə davam edir: “Deyilənlərə görə, ondan “haqq”ını alıb vəzifəsində saxlayıblar. “Haqq”ın kimə çatdığını özünüz düşünün. Gəzən söz-söhbətlərə inansaq, Natəvan xanım ötənilki yoxlamalarda “Boz kardinal”a borclu qaldığından öz vəzifəsini qoruyur. Borcunu qaytardıqdan sonra onu təmtəraqla yola salacaqlar. Əgər bu informasiyalar doğrudursa, belə çıxır ki, hazırda mədəniyyət sahəsindən yığılan pullar Natəvan xanıma yox, “Boz kardinal” Azər Zeynalova gedir. Azər Zeynalov da təbii ki, o pulları tək xərcləmir. Böyük ehtimalla “qazanc”ının böyük hissəsini özündən yuxarıya ötürür”, - mənbəmiz qeyd edir.
Həmsöhbətimiz Natəvan xanımın hələ də nazir postunda oturmasını əsas gətirib soruşur: “Bəllidir ki, bu gün cənab sədr bir çox naziri ən müxtəlif bəhanələrlə işdən qovur. Bəs nəyə görə, Natəvan Qədimova adlı bu şəxsə bu qədər rüşvətin, saxtakarlığın aşkarlanmasına baxmayaraq, “gözünün üstündə qaşın var” deyən yoxdur. Natəvan xanımın arxasında kim var?”.
Ümidvarıq ki, mədəni “Qara Pişik”in bu haqlı suallarına Naxçıvan rəhbərliyi aydınlıq gətirəcək.

“Teafond” QTSC-nin direktoru Şamil Ağayev Teatr Xadimləri İttifaqının İdarə Heyətinin sədri Azərpaşa Nemətovu saxtakarlıqda ittiham edir…

29 dekabr 2006-cı ildə prezident İlham Əliyev 222-IIIQ saylı “Teatr və teatr haqqında Azərbaycan Respublikası Qanunu”nu imzalayıb. 98 maddəlik qanunda faktiki olaraq, milli teatrımızın inkişafı adına hər şey demokratik biçimdə öz yerindədir. Prezident İlham Əliyev 18 may 2009-cu il tarixdə “Azərbaycan teatrı 2009-2019-cu illərdə” Dövlət Proqramı”nın təsdiq edilməsi haqqında 277 saylı sərəncamı ilə mədəniyyətə və teatra verdiyi dəyəri daha da gücləndirib.

Ölkənin “Ana Teatrı”nı kim bərbad hala salıb?

Azərbaycan Milli Teatrının siması Akademik Dövlət Dram Teatrı hesab olunur. Ancaq bu qocaman teatrın direktoru, bədii rəhbəri və baş rejissoru statusunu daşıyan Azərpaşa Nemətovun kəraməti sayəsində 145 illik böyük ənənələri olan Akademik Teatr “Kukla Teatrı”na çevrilib. Bunun səbəbi odur ki, Azərpaşa Nemətov uzun illər “Gənc Tamaşaçılar Teatrı”nda işlyib. Bu teatrın profili gənclər və uşaqlar üçün tamaşalar hazırlamaq olub. Halbuki, Akademik Teatrımız çağdaş teatrın estetik-fəlsəfi, sosial-ictimai xarakteri ilə zamanın ritmini irəli sürməlidir. Bu düşüncə ilə teatr prosesinə təkan verməlidir. Zamanın ritminin fəlsəfi baxımdan və şüuraltı qatlarının sosiumunu anlatmağı önə çəkməlidir. Bütün bunları Azərpaşa Nemətov bilmirsə, deməli Akademik Teatrındakı problem elə onun özüdür.

Teatr Xadimləri İttifaqı və “Aktyorlar Evi” nədən boş məzarlığa çevrilib?

2003-cü ildə Azərpaşa Nemətov Azərbaycan teatrı və kinosunun müqtədir sənətkarı, xalq artisti Həsənağa Turabov dünyasını dəyişdikdən sonra, 1866-cı ildən fəaliyyət göstərən bu qocaman sənət ocağının, Teatr Xadimləri İttifaqının sədri vəzifəsinə keçdi. Elə bu dönəmdən başlayaraq, “Aktyorlar Evi”nin çırağı da söndü. Daha doğrusu “səssiz məzarlığa” çevrildi. Ona görə ki, Teatr Xadimləri İttifaqı və “Aktyorlar Evi”nə rəhbərlik edən Azərpaşa Nemətov və onun “komandası” istedadsız adamlardan ibarət idi. Onlar istedadlı rejissorlardan, dramaturqlardan və təbii ki, aktyorlardan çox qorxurlar. Bununla yanaşı, ölkə teatrlarının festivallarının keçirilməsi və mədəni mühitimiz üçün gərəkli olan digər addımlar da dolayı yolla yasaq edildi.

Teatr Xadimləri İttifaqı Koronavirusla Mübarizəyə Dəstək Fonduna vəsait köçürüb - AZƏRTAC

Əlbəttə, Azərpaşa Nemətov adını daşıyan vətəndaşla ilgili bizim hansısa bir sorunumuz yoxdur. Biz onun daşıdığı ictimai yükə uyğun olmadığını dilə gətiririk. Ona görə ki, hər bir xalqın mədəniyyətinin inkişafı həm də onun mədəni səviyyəsinin ölçüsü hesab olunur. Ortabab düşüncə tərzi ilə böyük sənət iddiasında bulunmaq hər zaman fəlakətlərin təməli sayılıb. Biz bu fəlakətləri gördüyümüz üçün Azərpaşa Nemətovu zaman-zaman tənqid etmişik. 20 ilə yaxındır Teatr Xadimləri İttifaqının sədri olduğu dönəmdə bircə dəfə də olsun teatr xadimlərinin problemləri ilə ilgilənməyib. O, bu qurumu da özünün biznes obyektinə çevirib. Halbuki, qanunla Teatr Xadimləri İttifaqına məxsus mülkiyyətin satılması, hədiyyə edilməsi və icarəyə verilməsi, eyni zamanda bu qurumun rəhbərliyinə təyinat ancaq qurultayın səlahiyyətindədir.

Ancaq Teatr Xadimləri İttifaqının (TXİ) əvvəllər idarə heyətinin sədri və bu gün ümumi rəhbərliyin sədri statusu ilə Azərpaşa Nemətov qanunsuzluq edərək qurumun fəaliyyətində çoxsaylı problemlərin yaranmasına səbəb olub. Belə ki, onun əməlindəki cinayət tərkibinə daxil olan məsələlərdən biri də “TeaFond”a məxsus olan əmlakı vaxtilə Bakı şəhəri Daşınmaz Əmlakın Reyestri Xidmətinin sabiq rəhbəri Arif Qaraşovla əlbir olaraq, “Muradlı” şirkətinə satıblar. Beləliklə, şəhərin mərkəzində dəyəri milyonlarla dollar olan 67 sot ərazi zəbt edilib. Axı “TeaFond” QTSC ləğv olunmayıb, Ədliyyə və keçmiş Vergilər Nazirliyində qeydiyyatı olan bir şirkətdir. Bununla yanaşı, şirkət gəlirindən hər ay dövlətə vergi ödəyir.

Məhkəmənin ədalətsiz qərarı…

Bütün cinayətləri görən “Teafond” İKM-in rəhbərliyi hüquq pozuntusunun qarşısını almaq və öz əmlakına sahib çıxmaq üçün yenidən məhkəməyə müraciət edir. AR İqtisad Məhkəməsi hakimlər S.Seyidova, A. Hüseynov və R. Ataşovadan ibarət tərkibdə işə baxaraq “Teafond” İKM-nin iddiasını təmin edir. İqtisad Məhkəməsinin 5-6 fevral 1998-ci il tarixli 24/11-30 saylı qətnaməsi və xüsusi qərardadı ləğv edilərək “Teafond” QTSC-nın hüquqi statusunu bərpa edir. Bu qətnamədən sonra Bakı Şəhəri İHTİ və MHQİ TXİ-nə verdiyi 000588 saylı qeydiyyat vəsiqəsini ləğv etməli idi. Hakim S. Seyidova qeydiyyat vəsiqəsini ləğv etmək barədə idarənin rəisi Arif Qaraşova məktub göndərsə də qarşı tərəf əvvəlki qanunsuz əməllərini davam etdirərək hər şeyi qulaq ardına vurub. İqtisadi Məhkəməsinin qeyd edilən qətnaməsində göstərilir ki, 3 saylı dəyirman kompleksinin binası TXİ- nin deyil, “Teafond” QTSC-nin əmlakıdır. Beləliklə, TXİ- İH 8/1 saylı qərarı qəbul edərkən müstəqil hüquqi şəxs kimi “Teafond”-un hüququnu pozmuşdur. Baxmayaraq ki, TXİ 26 iyun 1996- cı il tarixli 01 saylı əqdlə 3 saylı dəyirman binasının “Teafond” İKM-yə məxsus olduğunu yazıb və möhürlə təsdiq edib. Qeydiyyatı bərpa olunan “Teafond” QTSC-nın rəhbərliyi TXİ-nə verilmiş QYM seriyalı 000588 saylı qeydiyyat vəsiqəsinin ləğv olunması, “Teafond” QTSC-nin 3 saylı dəyirman kompleksinə hüququnun tanınması, həmin mülkiyyət hüququnu təsdiq edən şəhadətnamə verilməsinin Tİ X və MHQİ-nin üzərinə qoyulması və TXİ-nin 3 saylı dəyirman kompleksindən çıxarılması barədə qərar çıxarılması iddiası ilə 1 saylı İqtisad Məhkəməsinə müraciət edir. Hakim Ülvi Mayilovun sədirliyi ilə keçən prosesdə qeyri-adi hadisə baş verir. Yerli məhkəmə 18 noyabr 2002-ci ildə çıxartdığı 1833/5-346 saylı qətnaməsinə əsasən Azərbaycan məhkəmələrinin tarixində ilk dəfə Ali Məhkəmənin qərarını ləğv edir. Beləliklə də məhkəmənin sifarişlə hərəkət etməsi faktı ortaya çıxır.

Ülvi Mayilov məhkəmədə kobud qanun pozuntusuna yol vermiş və məhkəmədə öz həllini tapmış Ali Məhkəmənin qərarı ilə təsdiq olunmuş və Ədliyyə Nazirliyində 2055 saylı Şəhadətnamə verildiyi gündən qüvvəyə minməsinə baxmayaraq hakim cavabdeh tərəfindən məhkəməyə təqdim olunmuş qarşılıqlı iddianı rədd etmək əvəzinə, vəzifəli şəxslərin sifarişlərini yerinə yetirib. Belə ki, Prezident Administrasiyası humanitar məsələlər şöbəsinin sabiq müdiri Fatma Abdullazadə hakim Ü. Mayilova zəng edərək ona təzyiq göstərib. Nəticədə Ü.Mayilov belə əcaib qətnamə çıxartmaq məcburiyyətində qalır. Onun çıxartdığı qətnamədə göstərilən bir sıra faktlar əslində iş materiallarında yoxdur.

Tarixi saxtakarlıq…

Qətnamədə qeyd edilir ki, həmin binanın dəyərini ödəmək üçün Az TXİ-nin müraciətinə əsasən keçmiş SSRİ TXİ tərəfindən vəsait ayrılmış, həmin vəsait Azərbaycan Teatr Xadimləri İttifaqının hesabına köçürmüş sonradan TXİ-nin hesabından guya “Teafond” İB hesabına köçürülmüşdür. Halbuki iş materiallarında bu faktları təsdiq edən heç bir sənəd yoxdur. Ü. Mayilov yazir ki, TXİ-nin sədrinin 12 noyabr 1990-ci il tarixli sərəncamı ilə “Teafond” İstehsalat Birliyinin hesabına köçürülmüşdür. Halbuki, iş materiallarında bu faktları təsdiq edən heç bir sənəd yoxdur. Ü. Mayilov yazır ki, TXİ sədrinin 12 noyabr 1990-ci il tarixli sərəncamı ilə “TeaFond” İB-nin hesabındakı həmin vəsaitdən 372.880 manat 12 dekabr 1990-cı il tarixli 60 saylı ödəniş tapşırığı ilə “Teafond” İB hesabından Taxıl Məhsulları Nazirliyinin hesabına ödənilib. Vəsait SSRİ TXİ tərəfindən deyil, keçmiş Oktyabr rayon bankından istehsalatı genişləndirmə fondundan köçürülüb. Hakim isə bir-birinə zidd qərar çıxarıb. Bundan başqa dəyirman binasının yerləşdiyi torpaq sahəsi 1990-cı ilin iyulunda 90/262 saylı aktla TXİ-yə təhvil verilmişdir. 10 oktyabr 1990-cı il tarixdə Az TXİ –nin adına inşaat pasportu verilmişdir. Amma hakim onu nəzərə almır ki, 90/262 saylı akt TXİ –yə 3 saylı dəyirman binasında Mədəniyyət Ticarət Mərkəzi yaratmaq üçün “Tikinti Pasportu” verilib. Bakı şəhər Baş Memarlıq İdarəsi pay torpağı ayırmaqla məşğul olmur. Belə hüquqa zidd qərardan narazı qalan “Teafond”QTSC-nın rəhbərliyi bir daha məhkəməyə müraciət edir. İqtisad Məhkəməsi iddiaya baxaraq 25 fevral 2003-cü ildə 758 A / II -220 saylı qətnamə qəbul edib. Hakimlər E. Nağıyeva, R. Ataşova və A. Hüseynovdan ibarət məhkəmə tərkibi bu dəfə də ciddi qanunsuzluqlara yol verib. İlk növbədə hakimlər əvvəlki prosesdə Ülvi Mayilovun buraxdığı səhvlərin iş materiallarında olub olmadığını araşdırmayıblar. İkincisi, prosesdə iştirak edən hakimlər “Teafond” QTSC ilə TXİ arasında davam edən əvvəlki məhkəmə baxışlarında da iştirak ediblər. Sədr E. Nağıyeva TXİ ilə “Teafond” İKM arasında baş verən 02 aprel 1998- ci il tarixli məhkəmə prosesində, Baş Prokurorluğun protestindən 29.09.1998-ci il tarixli İqtisad Məhkəməsinin Rəyasət Heyətində hakim R. Ataşova TXİ ilə “Teafond” QTSC arasında baş verən 07.03.2002-ci il tarixli məhkəmə prosesində, eləcə də A Hüseynov həmin prosesdə hakim kimi iştirak ediblər. Müasir Azərbaycan qanunvericiliyinə görə bir prosesdə iştirak edən hakimin aidiyyatı iş üzrə başa çatmış məsələyə yenidən baxmaq hüququ yoxdur. Buna baxmayaraq hakimlər E. Nağıyeva, R. Ataşova və A. Hüseynovdan ibarət tərkib prosesdə iştirak edərək “Teafond” QTSC-nin apellyasiya şikayətinin təmin edilməməsi və 1 saylı yerli İqtisad Məhkəməsinin 1833/5-346 saylı 18 noyabr 2002- ci il tarixli qətnaməsinin dəyişdirilmədən saxlanılması barədə qətnamə çıxarıblar. Göründüyü kimi hal-hazırda Ali məhkəmənin qüvvədə olan bir-birinə zidd iki qərarı var. Birinci qərarda hakimlər S. Seyidova, A. Hüseynov və Rəbiyyət Ataşova. Ziddiyyətdə olan qətnamədə hakimlər E. Nağıyeva, A. Hüseynov və R. Ataşova. Belə qətnamələr heç bir ölkədə yoxdur.

Şamil Ağayev pozulmuş hüquqlarına görə məhkəmələrdə davasını davam etdirir

“Teafond” QTSC-nin direktoru Şamil Ağayevin dediyinə görə, Teatr Xadimləri İttifaqının sədri A.Nemətovun yol verdiyi qanun pozuntuları bununla bitmir: “Azərpaşa Nemətov mənim işdən çıxarılmağım haqda saxta sərəncam verib. 25 oktyabr 1994-cü il, 27 saylı sərəncamda göstərilir ki, guya mən öz ərizəmə əsasən işdən azad edilirəm. Əslində mən heç bir ərizə yazmamışam və indiyə qədər TXİ üzvü olaraq qalıram. A. Nemətov qanunsuz olaraq sədri olduğu təşkilatda işləməyən qohumları Arif, Sevil, Nərminə Nemətlovların təyyarə ilə gediş haqqını TXİ-nin hesabına ödəyib. Bu cinayətlərə hüquq mühafizə orqanları biganə qalmamalı və layiqli qiymət verməlidir. Çünki A. Nemətov mənim işdən çıxarılmağım barədə saxta sərəncam verməklə AR Əmək Məcəlləsini pozub. A. Nemətov həmçinin TXİ ilə “Natavan” firma mağazası arasında bağlanmış 28. 08. 1997- ci il tarixli müqavilənin şərtlərini pozduğuna görə ARCM – nin 172 və 194 –cü maddələri ilə onun özünə qarşı cinayət işi qaldırılmışdır. Bundan başqa, A. Nemətov Ali İqtisad Məhkəməsinə yazır ki, guya “Teafond” İKM-nin QTSC çevrilməsi barədə iclasda tamam başqa qərarlar qəbul edilib. QTSC-nın dövlət qeydiyyatından keçirilməsi üçün Ədliyyə Nazirliyinə müraciət məqsədi ilə iclas isə ümumiyyətlə olmayıb. Lakin Səbail rayon Prokurorluğunun apardığı araşdırma A. Nemətovun yalanını üzə çıxarıb”.

(Ardı var)

“Hürriyyət”

Siyəzən şəhərinin Cəfər Cabbarlı küçəsində yaşayan, iş adamları Əzizov Qəhrəman Hüseynbala oğlu, Ağamalıyev Samir Qüdrətəli oğlu və Babək küçəsi 49 “B”, mənzil 1-də yaşayan Əliyev Habil Ramazan oğlu tərəfindən başda Prezident İlham Əliyev olmaqla on yeddi dövlət qurumuna bir sahibkar kimi onlara qarşı törətdiklrəi dələduzluq əməllərinə görə hazırda Siyəzən RPŞ-də barələrində araşdırma aparılan Abşeron rayonun Aşağı Güzdək qəsəbə sakinləri olan Dostiyev Nuxbala Hüseynbala oğlu və oğlu Dostiyev Araz Nuxbala oğlu ilə müsəntiq, polis kapitanı Nabil Abdullayevlə gizli sövdələşməsinin dərhal qarşısının alınması, işə ədalətli baxılmasını digər savadlı, nəfsitəmiz, təcrübəli müstəntiqə həvalə edilməsi və şikayət etdiklərinə görə müxtəlif vəzifəli şəxslərin adından istifadə edərək hədə-qorxu gələn Nuxbalanın qardaşı oğlu Nazimin cinayət əməlinə hüquqi qiymət verilməsi barədə şikayət məktubu unvanlanıb.
Aktualinfo.org Siyəzən sakini olan sahibkarların birgə imzaladığı müraciəti olduğu kimi təqdim edir:

Sizin bölgələrimizin sosial-iqtisadi inkişafı ilə bağlı verdiyiniz tapşırıqlar, qəbul etdiyiniz proqramlar uğurla icra olunur və nəticələr göz önündədir. Görülən işlər regionlarımıza göstərdiyiniz diqqət və qayğının nəticəsidir. Biz sahibkarlar Siyəzən rayonunun timsalında da bunun şahidi oluruq. Ölkədə ərzaq istehsaının artırılması ilə bağlı qəbul etiyiniz dövlət proqramlarının icrası üçün biz sahibkarlar da əlimizdən gələn işləri görməyə çalışmışıq. Lakin çox təəssüflər olsun ki, regionumuzda konkret olaraq quş əti istesalı ilə qəbul etdiyiniz Dövlət Proqramına töhfə vermək istədiyimiz zaman ata-oğuldan ibarət dələduz dəstə və onlara himayəçilik edən şəxslərin bizə qarşı törətdikləri iqtisadi cinayətkarlıqdan sonra istehsalımızı dayanırmağa məcbur olmuşuq. Belə ki, bz sahibkarlar Siyəzən şəhərində ailə üzvlərmizlə birlikdə 10 ilə yaxındır ki, broyler cücələrini istehsal edib satmaqla məşğul omuşuq. İstehsal zamanı biz Abşeron rayonu, Aşağ Güzək qəsəbəsində yaşayan baytar- həkim Dostiyev Nuxbala Hüseynbala oğlu və onun oğlu olan Dostiyev Araz Nuxbala oğlundan cücələr üçün tələb olunan dərman prepratlarını nağd pulla alıb istifadə edirdik.
Bu ilin fevralın əvvəlində Nuxbala mənim (Hacı Qəhrəman Əzizovun) mobil telefonuna zəng edərək dedi ki, Hacı Qəhrəman bilirəm ki, sənin toyuq sexin var. Mən səndən böyük partya toyuq almaq istəyirəm. Mənim tanışlarımın böyük firması var. Onlara gündəlik 5000-7000 arası kəsmək üçün diri toyuq vermək lazımdır. Cavab vedim ki, bu qədər sayda mənim imkanım yoxdur. Nuxbala bildirdi ki, Siyəzəndəki digər tanışlarından təşkil edə bilərsən. Nuxbala özünün Hacı olmasını və mənim də Hacı olmağımı, Allah adamı olmağımızı bildirərək ona kömək etməyimi dönə dönə xahiş etdi. Həmdə tam əmin etdi ki, göndərilən toyuqların pulunu hər 10 gündən bir nağd şəkildə ödəyəcəkdir. Mən də yaxın tanışım olan, Siyəzən şəhər sakini Ağamalıyev Samir Qüdrətəli oğlundan Nuxbala üçün onun sexindən toyuq təşkil etmsini xahiş etdim. Samir razlaşdı.Nuxbalnın oğlu Araza 61 572 manatlıq toyuq təşkil edərək 21-28 fevral 2022-ci il tarixlərində sənəd üzrə MERCEDES markalı, 99 VV 832 dövlət qeydiyyatlı, Sehran adl sürücüyə məxsus yük avtomobili vasitəsilə tanışı olan “ALTAY Q.Z.” fimasına daşımışdır. Nuxbalanın oğlu Araz bizdən həmin tarixlərdə ( 22-28 fevral 2022-ci il) Anar adlı sürücüyə məxsus olan 90 KC 680 dövlət qeydiyatlı Ford markalı yük avomobili vasitəsilə 36 891 manatlıq toyuq məhsulunu nisyə aparmışdır. Ümuilikdə, Nuxbala oğu Azər vasitəsilə bizdən 98 463 manatlıq mal alıb aparmışdır. Sonradan bizə məlum oluşdur ki, elə həmin ərəfədə və vaxtda, yəni 2-8 fevral 2022-ci il tarixlərində Araz digər Siyəzən şəhər sakini olan Habil Ramazan oğlu Əliyevdən də bizim xəbərimiz olmadan ona da vədlər verərək 29 000 manatlıq toyuq məhsulunu alıb aparmış və bu günə qədər müxtəlif bəhanələrlə pulunu verməmişdir. Biz sahibkarlar Nuxbaladan verdiyimiz malların pulun tələb etdikdə o 10 aydır ki, müxtəlif bəhanələr uyduraraq pulu verməkdən yayınırdı. Əvvəlcə mart ayında yalandan dedi ki, guya oğlu Araz itkin düşübmüş, sonradan dedi oğlum tapılıb, amma firma pulu vermir, onun yerinə pul əvəzi RANGER ROVER avtomobilimi verim. Razılaşdıq. Sabahı günü Nuxbala dedi ki, maşın satıldı. O biri aylarda təklif etdi ki, yaşadığı Aşağı Güzdək qəsəbəsində 10 sot torpağı varmış, onu 50000 manat hesablamaqla pul əvəzi vermək istəyir. Yenə razılaşanda dedi, düzəlmir. Bir sözlə, Nuxbala Siyəzənə gəlib bizə toyuq-cücə dərman preparatları satdığı zaman biz sahibkarların nə qədər toyuq isthsal etdiyimizi əvvəlcədən bilirmiş və bizim məhsulları etimadmızdan süi-istifadə etməklə, məhsulun hamısının yüksək qiymətə və nağd formada satacağına inandıraraq əmlaklarmızı ələ keçirmiş və külli-miqdarda ziyan vurmuşdur. (Yəni, Nuxbala bu dələduzluq planını əvvəlcədən planlaşdıraraq oğlu Araz vasitəsilə çox dəqiqliklə icra etmişdir) Biz, digər sahibkar Samirlə, Nuxbala və oğlu Arazn bizə qarşı törətdiyi dələduzluq əməlinə görə DİN-nin Baş Mütəşəkil Cinaytkarığa qarşı Mübarizə İdarəsinə ərizə ilə müraciət etdik. Araz dərhal saxlanıldı və 3 saatdan sonra bizə məlum olmayan səbəbdən sərbəst buraxıldı. İki gündən sonra isə Nuxbalanın qardşı oğlu Nazim mən Qəhrəmana zəng edərək hədə-qorxu gəldi ki, “Siz kim olursuz mənim adamlarımdan şikayət edirsiniz. Elə etməyin ki, sizin özünüzü tutub basdırım içəri…və s. hədə-qorxular” Nazım bizimlə çox aqressiv danışdı. Bu adam sanki kiməsə arxalanırmış kimi qeyd etdi ki, gedin hara istəyirsiniz şikyət edin, Axırına baxarıq”.( səs yazıları əlavə edilir) Elə Nuxbala da bizə telefonda bu sözləri dedi ki, gedin kimə istəyirsiniz şikayət edin. Pul yoxdur. Bəhanəsi də bu oldu ki, məşhur generala məxsus olan “ALTAY Q.Z.” MMC firması guya bunların təhvil verdikləri toyuqların pullarını vermirmiş. Lakin sahibkar Habil Əliyevin Siyəzən RPŞ-nə əvvəl verdiyi ərizə araşdırılarkən müstəntiq Binəqədi rayonu, Novxanı qəsəbəsində yerləşən “ALTAY Q.Z.” MMC-də olarkən mühasibatlıq Habildən alınan 29000 manatlıq təhvil verilən mala görə Araza bütün pulların ödəniş qəbzləri təqdim edilmişdir. Bu fakt bir daha sübut edir ki, Dostiyevlər ailəsi bizlərdən aldıqları cəmi 120 min manatlıq malları “ALTAY Q.Z.” MMC-yə təhvil verib bütün pulları nağd formada 10 gün ərzində alsalar da, biz 3 sahibkarlara son 8 ayda 1 qəpik də olsa pul verməyiblər. Yəni açıq-aşkar dələduzluq cinayəti törədiblər.
Nuxbala barəsində apardğımız xüsusi araşdırmalardan məlum oluşdur ki, bu adam ali təhsilli baytardır. Abşeron rayonun Aşağı Güzdək qəsəbəsinin girəcəyində şəxsi evi və həytində toyuq ferması var. Yaşadığı evlə üz-üzə isə şəxsi yem dəyirmanı var. Ayrıca yem və baytar dükanları da var. Nuxbala dəyirmanda işlətdiyi gəncləri qanunsuz istismar edir, onlarla heç bir əmək müqaviləsi bağlamadan gecə-gündüz işlədir. Özü Qobustan rayonu Qaracüzlü kəndində pasport qeydiyyatındadır. O da məlum oldu ki, oğlu Araz istər yaşadığı qəsəbədə, istəsə də başqa yerlərdə cücə dərmanı satdıqları şəxslərdən və maqazinlərdən pul alıb və bir müddət yoxa çıxır. Elə bu gün də, Araz neçə vaxtdır ki, “YOXA” çıxıb. (Görünür, bizim onu Siyəzən polisinə verməyimizdən duyuq düşüb və aradan çıxıb.) Nuxbala bizim əmlakları hər kq-nı 2 manat 85 qəpiyə alacağına söz versə də, oğlu Araz bizdən əldə etdiyi məhsulların hamısını fevral ayının 2-dən 28-dək “ALTAY Q.Z.” firmasının anbardarı Bayramov Toğrula 2 mant 55 qəpik olmaqla sənəd üzrə təhvil vermşdir. Yəni, bizdən aldığı toyuq məhsulunu hər kq-da 30 qəpik ziyanına satmaqla nəticədə əldə etdiyi pulun hamısını mənimsəmək olmuşdur. Beləliklə, Nuxbala və oğlu Arazın əsas hədəfi biz sahibkarların etimadından süi-istifadə eməklə nisyə əldə etdiyi məhsulu daha aşağı qiymətə satmaqla alıcı “ALTAY Q.Z.” firması ilə əvvəlcədən gizli sövdələşərək hər iki tərəfin xeyrinə iş görmüşdür. Yəni bu dələduz dəstənin əvvəlcədən niyyəti bizdən əldə etdiyi məhsulu baha qiymətə satıb gəlir əldə etmək yox, elə hamısını dəyər dəyməzinə satıb əldə etdiyi pulların hamısını mənimsəmək olmuşdur. Və belə də etmişdir.
Nuxbala sonda mənə pulun əvəzinə 60 ton buğda kəpəyi də təklif etmişdir. Cavab vermişdim ki, mənim bu məhsulu saxlamağa anbarım yoxdur. O da məlum olmuşdur ki, Nuxbala və oğlu bizdən dələduzluqla əldə etdikləri pulları Qobustan rayonundakı Qaracüzlü kəndində ailələrinə məxsus pay torpağında və əlavə icarəyə götüdükləri torpaq sahələrində taxıl əkininə böyük sərmayə qoymuşlar. Yəni, bu adam 60 ton kəpək itehsal edibsə, bu o demkdir ki, Nuxbala həm də 240 ton buğda da isehsal etmişdir. Digər məlumata görə Nuxbala xarici ölkədən sifarişlə hazırlatdığı, dəyəri 170 000 manat olan CİP avtomobilini də özünə gətizdrmişdir. Məqsədi isə bu avtomobillə bizi kimi digər rayonlarda olan sahibkarlarla görüşə gedib özünü imkanlı və nüfüzlü şəxs kimi təqdim edərək nisyə mal əldə etməkdir. Bizə o da məlum olmuşdur ki, Nuxbala və oğu Arzın adına hal- hazırda heç bir əmlak qeydə alınmamışdır. Yəni, bu dələduz dəstə özləini əvvəlcədən sığortalamaq üçün adlarında olan bütün daşnar və daşınmaz əmakların hamısını ( hazırda yaşadıqları evi, toyuq fermasını, un dəyirmanını, 2 ədəd FORD markalı yük avtomobillərini, hazırda idarə etdiyi OPEL markalı avtomobili və s. ) özləri faktiki istifadə etsələr də yaxın adamarının adlarına sənədləşdirmişlər. Bu da onu əyani sübut edir ki, ata-oğuldan ibarət dələduz dəstə törətdikləri çoxsaylı dələduzluq əməllərinə görə mühakimə ediləcəkləri halda, əmlakları müsadirə edilməsin. Yəni, onların bu əmələri bir daha sübut edir ki, Dostiyevlər ailəsi bizi kimi çoxaylı adamlara qarşı törətdikləri qanunazidd əməllərə görə nəhayət bir gün cavab verməli olacaqlarını peşəkar olaraq əvvəcədən hesablamışlar və yaxşı blirlər. Bizlərə o da məlumdur ki, Nuxbalanın dəstəsi nəinki bizim Siyəzən rayonunda, eləcə də digər qonşu rayonlarda da bizi kmi sahibkarlara qarşı da dələduzluq əməlləri törətmişər və törətməkdə davam edirlər. Bir sözlə, bu ailə hazrda da cəmiyyət və dövlət üçün çox təhükəlidir və dərhal qarşıları alınmalıdır. Budur, Araz fiziki şəxs olaraq vergi ödəyicsi kimi “ALTAY Q.Z” firması ilə bağladığı saxta müqaviləyə əsasən təkcə biz 3 fiziki şəxs olan sahibkarlardan dəlduzluq yoluilə əldə etdiyi cəmi 120000 manatlıq məhsulu bu ilin fevral ayında satmasına baxmayaraq əldə etdiyi gəlirdən vergi verməmişdir. Eləcə də, fiziki şəxs olaraq Azərbaycanın şimal rayonlarında və Abşeron rayonu ərazisində fəaliyət göstərən toyuq sexlərinə satdıqları toyuq-cücə dərman preparatlarına görə əldə etdikləri gəlirdən illərdir ki, vergi verməmişlər. Yəni, bu ata-oğul təkcə biz sahibkarlara qarşı deyil, eləcə dövlətə qarşı da klli-miqdarda vergilərdən yayınmaqla dələduzluq etmişlər.
Nuxbala mən Habil Əliyevdən aldığı 29000 manatlıq malı 2-8 fevral tarixlərində “ALTAY Q.Z.” MMC-yə məxsus böyük yük avtomobili vasitəsilə aprmışdır. Mart ayına mənə məlum olmuşdur ki, Araz və Nuxbala Siyəzən rayonun Yenikənd kəndində kiçik sahibkarlar olan xalaoğulları Azərdən 4300 manatlıq, Bəhruzdan isə 8000 manatlıq diri toyuq götürsə də 6 aydır onlara da 1 qəpik verməmişdir. Biz birlikdə şikayət etməyə hazırlaşanda Arazın çoxbilmiş vəkili dərhal işə qarışmış və 4300 və 8000 manat pulu ödətdirmişdir ki, mən Habilin 29000 manat pulunu verməsinlər. Onlar yerli polislə gizli sövdələşərək bu işin mülki məslə olmasını mənə rəsmən xatırlatmışlar. Eləcə də Nuxbala Zarat qəsəbəsində böyük yem dəyirmanından da 37000 manatlıq yem nisyə götürərək pulunu vermirmiş. Çoxsaylı şikayətlərdən sonra, yəni 7 aydan sonra dələduz dəstə pulların 33000 manatını ödəməyə məcbur olmuşdur.

Biz , Qəhrəman Əzizov və Habil Əliyev Dostiyevlərin və onlara himayədarlıq edən qardaşoğlu Nazimin qanunsuz hərəkətləri barəsində bu ilin sentyabrın 8-də Baş prokuror cənab Kamran Əliyevin Siyəzən rayonunda vətəndaşları qəbulu zamanı şəxsən ərizə ilə müraciət etmişik. Cənab baş prokuror Kamran müəllim şikayətimizi dinləyib cavab verdi ki, “Narahat olmayın, Sizin haqqınız çatacaqdır.” Mən, Qəhrəman sentyabrın 9-da dərhal Siyəzən rayon Prokurorluğuna da rəsmi müraciət etdim. Sağ olsunlar, ərizəmi dərhal ( 10 sentyabrdan) araşdırlması üçün Siyəzən rayon Polis Şöbəsinin polis kapitanı, müstəntiq Nabıl Abdullayevin icraatına verdilər. Budur, 2 aya yaxındır ki, cənab müstəntiq məndən və qarşı tərəfin vəkilinin izahatını almaqla hələlik işini bitmiş hesab edir. Nə üzləşmə aparır, nə yükləri daşıyan sürücülərdən izahat alınır, nə hadisə yerinə baxış keçirilir, nə alıcı təkilat olan “ALTAY Q.Z.” nin anbardarı Toğrul Bayramovdan izahat alır, nə Samiri, nə də Habil Əliyevi də bir zərəçəkən kimi dəvət etmir. Əksinə, müstəntiq N. Abdullayev özünü qarşı tərəfin vəkili kimi apararaq bizi borclu çıxarmağa çalışır. Bizi ittiham edir ki, Siz Dostiyevlərə ölü toyuqlar vermisiniz. Müstəntiqi başa sala bilmirik ki, sənədə əsasən Araz Dostiyev malı bizdən sayıb təhvil alıb və sayıb “ALTAY Q. Z.” firmasının anbardarı Toğrul Bayramova təhvil verib. Bu nə sözdür indi ortaya atırsınız? Eyni zamanda 2 aydır ki, müstəntiqə zəng edib görüşmək və araşdırmanın gedişatı ilə maraqlanmaq istəyirik. O isə hər dəfə bir bəhanə ilə, gah avtoqəza yerinə getməli olduğunu, gah digər cinayət yerinə getməli olduğunu uyduraraq bizimlə görüşdən qaçır. Telefonumuza cavab vermir. Bir sözlə, onun bu hərəkətləri deməyə əsas verir ki, müstəntiq dələduz dəstə ilə gizli sövdələşib və “Cinayət işinin rəd edilməsi” barədə qərar verib gizlədəcəkdir. Baxmayaraq ki, bu iş baş prokuror cənab Kamran Əliyevin şəxsi nəzarətindədir. Ona görə də yuxarıda qeyd edilənləri nəzərə alaraq dövlətimizin başçısı çox hörmətli İlham Əliyevdən, baş prokuror cənab Kamran Əliyevdən və daxili işlər naziri cənab Vilayət Eyvazovdan çox xahiş edirik ki, Dostiyevlər ailəsi tərəfindən bizim əmlaklarımızın qanunsuz mənimsənilməsilə bağlı hazırda Siyəzən rayon Polis Şöbəsində müstəntiq Nabıl Abdullayev tərəfindən nəticəsi əvvəlcədən bəlli olan və aparılan formal araşdırmanın digər savadlı, peşəkar və nəfsitəmiz müstəntiqlə həvalə edilərək davam etməsinə köməklik göstərəsiniz. Əvvəlcədən minnətdarlığımızı bildiririk.
Haci shexs ves 11.jpg
Habil Əlyev sexs ve 1.jpg
Samr Qüdreteli shex ves 11.jpg
Hesabat senedi.jpg
Qaime Qehreman 11.jpg
Qaime qehremn 33.jpg
Aktualinfo.org