 |
|
|
Paytaxtın Xətai rayonunda ağacların kütləvi məhv edilməsi prosesi davam edir. Demək olar ki, rayon ərazisində hər gün bir ekoterror hadisəsinə şahidlik etmək məcburiyyətində qalırıq.
Bizim.media xəbər verir ki, yaşıllıqların və ağacların məhv edilməsində işbazlar son vaxtlar "innovativ” üsula əl atırlar. Bu innovasiyanın "özəlliyi” ondan ibarətdir ki, qocaman ağaclar bir gecədə məhv edilmir. Ağaclar "əzablı ölümə” məhkum olunur.
Belə ki, 30-40 illik ağaclar daş tikilinin altına salınır. Beləcə, ağacların suvarılmasının, aqrotexniki qulluğun göstərilməsinin və ən əsası havalanmasının qarşısı alınır. Nəticədə, qocaman ağaclar işbazlar tərəfindən yeni metodlarla məhv edilir.
Bu metoddan istifadə edən işbazlar bu dəfə Əhmədli massivində Məzahir Rüstəmov küçəsində, 7 saylı poliklinikanın yaxınlığında ticarət şəbəkəsini genişləndirərək ən azı 3 qocaman ağacın "ölüm hökmü”nü veriblər.
Faktla bağlı aidiyyəti qurumlara müraciət edilib.
Lakin Xətai rayonunda son zamanlar tendensiya halını alan durumla bağlı daha əvvəl də məsələ qaldırmışdıq. Buna rəğmən, hələ də lazımi tədbirlər görülməyib.
Beyləqan RMX-nın direktoru Nurəngiz Bəşirova dövlətin qanunlarını pozaraq AR -sı Nazirlər Kabinetinin 180 saylı qərarına məhəl qoymayaraq yaşı 70-dən yuxarı olan işçilərlə əmək müqviləsi bağlayır...
Təfərrüat aşağıdakı videoda:
https://www.tiktok.com/@operativ_xeberler/video/7236471878133533953?_d=secCgYIASAHKAESPgo8bAajTnCyJMcWp%2B7PiVZpR98Xc3HjojfH22sfnKTp6YM4grhxNbGsml29n1lVJDl019aJW7XAwlUX7B6nGgA%3D&_r=1&checksum=bcdabc3bd18b7cbb46c916ed4c8c67f90c46c5403f50020cf884bf43834bcacb&fbclid=IwAR0VT3kr1dLqVsoNxQaEMeWMhjoX0Ru-UsgdqTljn0sUWdc26C4lfy4Hz1o&preview_pb=0&sec_user_id=MS4wLjABAAAABojqR5OeHdbBHTp2mQIGWkDFguHnVFEECaIYvvPN28VORLjC1ad06CaKrgCOwn-X&share_app_id=1233&share_item_id=7236471878133533953&share_link_id=156df7dc-f02d-4351-b2b9-716d1198c446&sharer_language=ru&social_share_type=0&source=h5_m×tamp=1684872420&u_code=da7efk7jeak6ik&ug_btm=b9081%2Cb7360&ugbiz_name=Main&user_id=6778897199205909509&utm_campaign=client_share&utm_medium=android&utm_source=facebook
Operativ Xəbərlər
Daşkəsən rayon sakini “Qaradaģ” postunda döyūlūb.
Bu haqda Dunyaninsesi.Az saytına video-şikayət göndərilib.
Daşkəsən rayonun Qabaqtəpə kənd sakini İsmayılov Rövşən Dilən oģlu bildirir ki,onu Baş Dövlət Yol Polis İdarəsi, Yol Patrul Xidməti Alayının 6-cı tağımının xidmət keçdiy iQaradağ postunda döyūblər.
Şikayətçi qeyd edərək bildirir ki, onu döyən 6 polis əməkdaşlarından yalnız ikisini tanıyır.Onlar Elvin və Elnur adlı polis əməkdaşlarıdır
Redaksiya olaraq inanıırıq ki DİN-in mūvafiq qurumları Qaradaģ postunun əməkdaşları tərəfindən sūrūcūnūn döyūlməsi faktını araşdırıb ictimaiətə açıqlama verəcəkdir.
Döyūlən sūrūcūnūn video-şikayətçini təqdim edirik:
Salyanda Milli Məclisin sabiq deputatı, general-leytenant Əliağa Hüseynov tərəfindən torpaq sahəsinin zəbt edildiyini bildirən “Samir 3” MMC-nin rəhbəri Əlövsət Həsənov rayonun Arbatan kənd bələdiyyəsinin sədri Aslan Fərəcova cavab verib.
Ə.Həsənov Pravda.az-a açıqlamasında bildirib ki, A.Fərəcovun dedikləri həqiqətəuyğun deyil.
Sahibkarın sözlərinə görə, ona torpaq sahəsinə məxsus aktın müddətinin bitməsi ilə bağlı rəsmi məktub göndərilməyib: “Əksinə, Aslan Fərəcov 18.05.2020 tarixində məktubla bildirib ki, istifadəmdə olan torpaqlar heç kimə icarəyə verilməyib. Mənə 2014-cü ildə keçirilən hərrac barədə heç bir məlumat verilməyib. İlkin istifadəçi kimi mən də hərraca dəvət almalı idim. Özləri etiraf edirlər ki, şəhadətnamə və sərəncam qüvvədədir və onun ləğvi üçün 20.07.2022 tarixində Daşınmaz Əmlakın Dövkət Reyestri Xidmətinin 13 saylı ərazi idərasinə şəhadətnamənin ləğvi üçün müraciət ediblər. Rədd cavab aldıqdan sonra Şirvan İnzabati Məhkəməsinə müraciət ediblər. Eyni mövzu ilə 103 hektar torpaq sahəsinə görə verilmiş şəhadətnamə üçün əsas olan Salyan Rayon İcra Hakimiyyəti başçısının 05.03.1998-ci il tarixli 71 saylı sərəncamın ləğvi üçün Şirvan İnzibati Məhkəməsinə müraciət edərək RİH-i məhkəməyə veriblər. Deməli, onlar özləri də təsdiq edirlər ki, mənə verilmiş 05.03.1998-ci il 71 saylı sərəncamı və şəhadətnamə qüvvədədir... Rəsmi məktub yazana kimi onlar cavabdan qaçıb və hərracın olduğunu məndən gizlədiblər”.
Fotoları təqdim edirik
Ölkənin aparıcı şirkətlərindən olan “Mətanət A” şirkəti keçmiş işçisinə ödəməli olduğu əmək haqqını ödəməkdən imtina edir.
Yeniavaz.com-a bu barədə “Mətanət A” şirkətinin keçmiş işçisi Vüqar Məmmədov şikayət ünvanlayıb.
Vüqar Məmmədov bildirir ki, o, 2017-2020-ci illərdə əmək müqaviləsi əsasında “Mətanət A” şirkətində satış təmsişçisi vəzifəsində işləyib.
Şikayətçi qeyd edir ki, işlədiyi müddətdə onun maaşından hər ay 10% həddində depozit tutularaq saxlanılıb. Lakin işdən çıxdığı zaman “Mətanət A” şirkəti həmin məbləği ona ödəməkdən imtina edib.
Səbəb kimi isə bildirilib ki, Vüqar Məmmədov işdən çıxdıqdan sonra başqa bir şirkətdə işə düzəlib və bunun işçi ilə imzalanan əmək müqaviləsinin tələblərinə zidd olduğu qeyd olunub.
Əmək müqaviləsində göstərilib ki, işçi işdən çıxdıqdan sonra 5 il müddətində rəqib şirkətlərlərlə əmək müqaviləsi bağlaya bilməz. Şirkət hesab edir ki, bu kommersiya sirrinin yayılmasıdır və buna görə keçmiş işçi cərimə ödəməlidir.
“Mətanət A” şirkətinə qarşı məhkəmədə iddia qaldırılıb
Şikayətçi Vüqar Məmmədov hüquqlarının pozulması səbəbindən Nərimanov Rayon Məhkəməsində “Mətanət A” şirkətinə qarşı iddia qaldırıb.
Bildirilir ki, “Mətanət A” şirkəti əmək müqaviləsi imzalandıqdan sonra bir nüsxəsini işçiyə təqdim etməyib və işçinin əmək müqaviləsində olan həmin maddədən xəbəri olmayıb.
Eyni zamanada qeyd olunur ki, əmək müqaviləsinə belə bir maddənin (İşdən çıxdıqdan sonra işçinin 5 il rəqib şirkətlərdə işləməsinə qadağa qoymaq) salınması Azərbaycan qanunvericiliyinin tələblərinə ziddir. Əmək Məcəlləsinin əmək müqaviləsindən bəhs edən müvafiq maddələrində (Maddə 7. və Maddə 8.) göstərilir ki, əmək müqaviləsinə işçinin hüquqlarını məhdudlaşdıracaq müddəalar salına bilməz. Əmək müqaviləsinı bu cür müddəaların salınmasının heç bir hüquqi əsası yoxdur. Üstəlik işçi əmək müqaviləsi qüvvədən düşdükdən sonra başqa bir şirkətdə işə düzəlib. Bildirilir ki, bu qeyri-qanuni yollarla vətəndaşın əmək hüquqlarına qadağa qoymaqdır.
Şikayətçi bildirir ki, işçilərdən hər ay 10% depozit tutulması qanunsuz olaraq həyata keçirilib və bu barədə əmək müqaviləsində heç bir qeyd yoxdur: “Əmək müqaviləsində göstərilib ki, işçi işdən çıxdıqdan sonra rəqib şirkətlərdə işə girdiyi zaman təzminat ödəməlidir. Əgər bunun bir hüquqi əsası varsa, o zaman niyə təzminatla bağlı məhkəməyə müraciət edilməyib. Bunun heç bir hüquqi əsasının olmadığnı bildikləri üçün təzminat iddiası qaldırmayıblar. İşçidən tutulan depozit pulunu verməmək üçün əmək müqaviləsinə qanunvericiliyə zidd olan belə bir müddəa salıblar”.
Bu, “Mətanət A” ilə bağlı ilk şikayət deyil
Onu da qeyd edək ki, “Mətanət A” şirkətiylə bağlı analoji şikayətlər daha əvvəl də mətbuatda yer alıb. Mətbuatda şirkətə qarşı bir-sıra ağır ittihamlar səsləndirilib. Bu barədə açıq internet resurlarda da geniş məlumatlar var.
Səslənən iddialara “Mətanət A” şirkətindən münasibət almaq cədlərimiz heç bir nəticə vermədi. Şirkətə məxsus olduğu bildirilən (+994 12) 404 14 34 telefon nömrəsinə dəfələrlə zəng etməyimizə baxmayaraq zənglərimizə cavab verən olmadı. Daha sonra şirkətin kadrlar şöbəsindən bildirdilər ki, onlar yalnız yazılı müraciətlərə cavab verirlər. Sullarımızı yazılı formada şirkətin info@matanata.com e-mail ünvanına göndərdiyimiz halda yenə də cavab ala bilmədik.
Məsələ ilə bağlı Dövlət Əmək Müfəttişliyinin mətbuat xidmətinə ünvanladığımız suallar da cavabsız qalıb.
Məlumat üçün bildirək ki, “Mətanət A” şirkəti 10.01.2000-ci ildə dövlət qeydiyyatına alınıb. Nizamnamə kapitalı 2 milyon 188 min 470 manat 74 qəpik olan şirkətin hüquqi ünvanı Nərimanov rayonu, Əliyar Əliyev, ev 67, m. 86-da yerləşir. “Mətanət A” şirkətinin sahibi Bəşirov Elxan Hidayət oğludur. Elxan Bəşirov haqqında da bugünə kimi yerli və xarici mətbuatda çoxsaylı iddialar (çirkli pulların yuyulması) yayımlansa da bu iddialara cavab verilməyib.
Gənclərin inkişafına töhfə vermək və onlara yol açmaq hər bir şəxsin borcudur.
Lakin pensiya yaşına çatan və hətta bu yaşı ötən bəzi şəxslər var ki, gənclərə yol açmaq yerinə bəzi üsullarla vəzifədə qalmağa çalışırlar. Bu şəxslərdən biri də Qəbələ rayon 1 nömrəli tam orta məktəbin direktoru Məhəbbət Rüstəmovadır.
O, pensiya yaşına çatmasına baxmayaraq, məktəb direktoru olaraq fəaliiyətini davam etdiririr.
Məhəbbət Rüstəmova vəzifədə qalmaq üçün bir il Qəbələ təhsil şöbəsi ilə, daha sonra əlavə olaraq bir il Şəki-Zaqatala Regional Təhsil İdarəsi ilə müqavilə bağlayıb, vəzifədə qalmağa müvəffəq olub.
Bu şəxs o qədər mühüm bir şəxsdir ki, təhsil idarəsi 2 ildir müqavilə bağlamağa məcbur olur?
Əldə edilən digər informasiyaya görə, bütün gəlir işlərində Məhəbbət Rüstəmova Qəbələ rayon təhsil sektorunun müdiri Arifə Bayramova ilə əlbirdir.
Digər bir məlumata əsasən isə, direktorun yüksək vəzifədə fəaliyyət göstərən qohumu var. Alınan informasiyaya görə, direktorun 2 ildir müqavilə bağlayaraq fəaliyyət göstərməsində həmin vəzifəli şəxsin rolu böyükdür.
TehsilMedia.az-a daxil olan digər bir məlumata əsasən, həmin məktəbin direktoru Məhəbbət Rüstəmova 2022-ci ilə qədər sinif otaqlarını repetitor müəllimlərə, kurslara 300-500 manat müqabilində icarəyə verib və ödənişli olaraq başqa şagirdləri buraya cəlb edib. Məhəbbət Rüstəmova tutduğu vəzifədən sui-istifadə edərək məktəbi öz biznesi kimi idarə edir.
Sözügedən faktlarla bağlı Qəbələ rayon 1 nömrəli məktəbin direktoru Məhəbbət Rüstəmova ilə əlaqə saxladıq.
O, işdə qalıb işləməyinin səbəbinin məktəbin uğurlu nəticələri ilə bağlı olduğunu dedi və bu məlumatların həqiqətə uyğun olmadığını söylədi.
P.S. Qeyd edək ki, məktəbdə yuxarı sinif şagirdlərinin əksəriyyəti dərslərdə iştirak etmir.
Bu da ondan xəbər verir ki, Məhəbbət Rüstəmova pul qarşılığında razılıq verir.
Mövzuya qayıdacağıq…
Qarşı tərəfin mövqe haqqını yenidən tanıyırıq.//siam.az
"Sən Heydər Əliyevin vaxtında vuruşmusan get evi də ondan istə. Mənim üçün döyüşməmisən ki, İlham Əliyev üçün döyüşmüsən də, köməyi də sənə o etsin".
Bu sözləri Siyəzən rayon sakini - İkinci qrup Qarabağ əlili Hidayət Quliyev "Kanal14"ün efirində canlı yayımlanan "Kamalın zamanı" proqramında deyib.
Onun iddiasına görə, Siyəzən rayon İcra Hakimiyyətinin başçısı Novruz Novruzovun qəbulunda olduğu zaman başçı ona belə deyib.
O, N.Novruzov ki, barəsində yerli medialarda kifayət qədər tənqidi materiallar yer alır.
Adı Ramiz Mehdiyevlə birlikdə çəkilən 69 yaşlı icra başçısının Vikipediyasına nəzər saldıqda ömrünün yarısını İcra Hakimiyyəti başçısı kürsülərində keçirdiyi aşkar görünür. Özü də İstər Lerik, istər Goranboy, istər Şabran, istərsə hazırda İcra başçısı olduğu Siyəzən rayonunda kifayət qədər vətəndaşları özündən narazı salıb. Hətta, vəzifəni o qədər "mənimsəyib" ki, onu vəzifəyə təyin edən şəxsi - ölkə başçısını belə unudub. Ona görə də vətəndaşa - özü də müharibə əlilinə deyir "mənim üçün döyüşməmisən ki, İlham Əliyev üçün döyüşmüsən, get sənə o kömək eləsin".
Hidayət Quliyev bildirir ki, "Evim olmadığı üçün köhnə uşaq bağçasında məskunlaşmışam. Özüm birinci Qarabağ müharibəsində vuruşmuşam. İkinci qrup əliləm. Müharibədə yaralandığım üçün əmək qabiliyyətimi itirmişəm. Çalışmaq, özüm üçün ev-eşik qurmaq imkanım olmayıb. Otuz ildir ailəmlə birlikdə köhnə, uçuq-sökük bağça binasında yaşayıram. Yağış yağanda demək olar ki, yaşadığım otağın içinə yağır.
Dəfələrlə Əmək və Əhalinin Sosial Müdafiəsi Nazirliyinə, Siyəzən rayon İcra Hakimiyyətinə müraciət etmişəm ki, məni yaşamaq üçün normal şəraitli bir evlə, otaqla təmin etsinlər.
Novruz Novruzov məni təhqir edir, mənə "başıxarab" deyib, qovur. Deyir, "Sən Heydər Əliyevin vaxtında döyüşmüsən, get evi də ondan istə. Məndə ev yoxdur. Mənim üçün döyüşməmisən ki, İlham Əliyev üçün döyüşmüsən, get köməyi də o eləsin".
Millət vəkilinə müraciət edirəm, o da icra hakimiyyətinə deyir. Ona görə də 30 ildir mən bu vəziyyətdə yaşamaq məcburiyyətində qalmışam. Novruz Novruzov vətəndaşları qəbul etmir. Avtomobili ilə birbaşa binanın qarajına girir, oradan da liftlə yuxarı - otağına qalxır. Üzünü belə göstərmir."
Bundan əlavə müharibə əlili bildirir ki, "Novruz Novruzovun tövləsi mənim yaşadığım yerdən milyon dəfə üstün şəraitlidir".
Qeyd edək ki, Hidayət Quliyevin iddiası ilə bağlı dəfələrlə Siyəzən rayon İcra Hakimiyyəti ilə telefon əlaqəsi saxlayıb məsələyə münasibət öyrənməyə çalışdıq.
Əvvəl, may ayının 11-də zəng etdik, dəstəyi qaldıran şəxs (adının çəkilməsini istəmədi) bildirdi ki, "idarədə heç kim yoxdur. Mən də şəkilləri düzəltməyə gəlmişəm. Siz nömrəni verin, mən bildirərəm, sizinlə əlaqə saxlanılar". Bundan sonra iki gün telefona cavab verən olmadı. Nəhayət iki gün sonra dəstəyi qaldıran oldu. Özünü növbətçi kimi təqdim edən şəxs də bizim telefon nömrəmizi götürdü ki, "indi iclasdadırlar, çıxsınlar nömrənizi verəcəm özləri yığacaqlar". Lakin, nə axşamı, nə ertəsi günü - ümumiyyətlə Siyəzən rayon İcra Hakimiyyətində heç bir kimsə mövqe bildirmədi. İki gün sonra yenidən zəng etdik. Bu dəfə də dəstəyi həmin şəxs qaldırdı və yenə də əlaqələndirəcəyi sözünü verdi, yenə də bir neçə gün gözlədik bizimlə əlaqə saxlayan olmadı.
Belə olan halda, biz təkrar Siyəzən rayon İcra Hakimiyyətinə zəng etdik. Bu dəfə isə dəstəyi özünü növbətçi kimi təqdim edən başqa bir şəxs götürdü və o söz verdi ki, qısa zamanda sizinlə əlaqə saxlanılacaq.
Belə də oldu. Aradan bir neçə dəqiqə keçmişdi ki, ümumi şöbənin müdiri bizimlə əlaqə saxladı. Məsələləri onun diqqətinə çatdırdıq.
Lakin, onun verdiyi cavab da ənənəvi oldu. Şöbə müdiri bildirdi ki, "Bizə nazirlikdən məktub gəlməlidir ki, o məktub əsasında biz bələdiyyəyə müraciət edək, ondan sonra vətəndaşa torpaq ayrılsın".
Yeri gəlmişkən, vətəndaş Hidayət Quliyev problemi barəsində seçicisi olduğu millət vəkili Sadiq Qurbanovun qəbuluna düşə bilmədiyi üçün onun köməkçisi Elnur bəyə də müraciət etdiyini demişdi.
Odur ki, "Kanal14"ün canlı efirində Sadiq Qurbanovun köməkçisi Elnur bəyə zəng etdik. Elnur bəy əvvəlcə çox aqressiv danışdı. Vətəndaşı ümumiyyətlə xatırlamadı və "bizim bütün vətəndaşların yanında başımız dikdi. Sadiq müəllim vətəndaşlarla hər zaman görüşlər keçirir, onlara əlimizdən gələn köməkliyi göstəririk" - deyə, öyündü də.
Halbuki, Hidayət Quliyev canlı efirdə Sadiq Qurbanovu yalnız seçkidən əvvəl bir dəfə gördüyünü demişdi.
Əlqərəz...
Biz Hidayət Quliyevin problemini təkrar deputatın köməkçisi Elnur bəyin diqqətinə çatdırdıq.
Elnur bəy çox əmin şəkildə, - "Sabah saat 10-da mənə zəng etsin, problem yoxdur, biz də öz adımızdan İcra Hakimiyyətinə bildirək. Əgər həllini tapmazsa, Sadiq müəllim aidiyyatı üzrə başqa addımları atacaq" - deyə bildirdi.
Hidayət Quliyev iki gün sonra yenidən redaksiyamıza zəng etdi və bildirdi ki, ertəsi gün deyilən saatda Elnur bəyə zəng edib, müraciətini bildirib və ondan sonra onu nə arayan olub, nə də hər hansı bir köməklik təklifi.
Təklif demişkən, "DogruXeber.az" informasiya agentliyinin baş redaktoru Kamal Əsgərov özü Əmək və Əhalinin Sosial Müdafiəsi nazirliyi ilə əlaqə saxlayıb, ikinci qrup Müharibə əlili Hidayət Quliyevin durumu barəsində məlumat, həmçinin bütün lazımi sənədləri təqdim edib.
Bundan sonra Hidayət Quliyev redaksiyamıza zəng edərək, ƏƏSMN tərəfindən ona zəng edildiyini, Sumqayıt şəhərində mənzil təklif edildiyini və onun da bu təklifi qəbul etdiyini bildirdi.
Növbəti yazılarımızda bu barədə daha ətraflı məlumat dərc edəcəyik.
Diqqətiniz bizdə olsun !
Son dövrlər ölkədə geniş şəkildə rüşvətxor məmurlar araşdırılır layiqli cəzaları verilir və müvafiq tədbirlər görülür. Amma hələdə "fərasətli" məmurların özbaşınalığının cəzasız qalması vətəndaşların narazılığına səbəb olur. Bu cür məmurlar hələdə hansısa yollarla vəzifədədirlər.
Bu cür "fərasətli" məmurlardan biri əvvəllər Ağcəbədi Su Melorasiya idarəsinin rəisi işləmiş yeyinti maxinasiyasına görə vəzifəli qohumların köməyi ilə həbsdən qorunaraq, işdən azad olunmaqla canını qurtaran sonradan Xocavənd ASC idərəsinə rəis təyin ediləm Malik Mirzəyevin necə təyin olunması haqqında etibarlı mənbədən faktlar daxil olub. Məlumatlı mənbə qeyd edir ki, Malik Mirzəyevin hazırki vəzifəsinə irəli çəkilməsində vəzifəli qohumları və "100"min civarında pul faktoru mühüm rol oynayıb. Onuda bildirirlər ki, idarə rəisi gələndən işçilərlə qul kimi davranır.
Özündən çox razı, təkkəbürlüdü və zabitəli davranışından söz deməyə işçilərin cürəti çatmır. (bu barədə səs yazısıda var) Söz yox, bir rayonda dövlət büdcəsini talayıb ,işdən azad olunub,bir müddət sonra yenidən bəh bəhlə digər rayonun eyni qurumunun idarəsinə rəhbər gəlmək hər oğulun işi deyil. Kişi özündən razı olmasın neyləsin. Qeyd edilir ki, Ağcabədidə idarənin, işçilərin idarə olunma ssenarisi Xocavənddə təkrarlanır. Burada da "monarxiya" qurub, despotik üsuli-idarə tətbiq edib.
Rəislə işçilər arasında interval çox böyükdür.İdarənin digər yüksək vəzifəli şəxsləri hər hansı bir əhəmiyyətli məsələnin həllinə heç bir köməklik edə bilməzlər. Hətta həmin problemin çözümü onların səlahiyyətləri daxilində olsa da belə, ən yaxşı halda cəsarət edib rəisdən xəfifcə xahiş edə bilərlər.
Çox vaxt xahiş etməzdən əvvəl ehtiyatlanırlar ki, birdən rəis hirslənər, necə deyərlər, "qaş düzəltmək əvəzinə vurub göz çıxararıq". Görün, indi sıravi su istifadəçiləri nə çəkirlər! Əlbət, rayonun suvarma təsərrüfatında tətbiq olunan despotik idarəetmə var. Bu yay mövsümündə su ehtiyatlarının səmərəli idarə edilməsi məsələsi məhz bir neçə iqtidarlı şəxsin qərarlarından asılı olacaq. Hətta Mirzəyevin özündən razılığı o səviyyəyə çatıb ki, idarənin tabe olduğu "Meliorasiya və Su Təsərrüfatı" ASC-nin rəhbərliyindən gələn göstərişləri də əldə rəhbər tutmağı şəninə sığışdırmır.
Qeyd edək ki,ASC-nin yeni sədri ZAUR RAUF OĞLU MİKAYILOV avropa təhsili görm üş ,idarəetmə üzrə yüksək təhsilli,savadlı bir kadr olmasına qəti.şübhəmiz yoxdur, "Azəbaycansayğı" məmur idarəetməsi ,vəsaitlərin özünün cibinə qoyub, necə işini gözə. soxmaq bacarıq barəsində Mikayılovun anlayış və təcrübəsi Mirzəyevdən qat-qat azdır.
Baxmayaraq onları həmyaşıd hesab etmək olar. Bu barədə Allahla danışaq Malik Mirzəyev daha "təcrübəlidir"Həmdə onun keçdiyi xüsusi məmur məktəbi var. Mikayılov Türkiyədə dövlət idarəçiliyinin təhsilini kitablardan və İqtisadçılardan dərs alanda(əminliklə dərsi əziyyətlə aldığını deyirəm.Çünki Türkiyə və Avropada təhsili, nə pul nədə vəzifəli qohumum tapşırığı ilə ala bilmirsən) Malik Mirzəyev rüşvətlə ali məktəbdə qiymətlərini yazdıraraq,restoranlarda yeyib içir,xəyalən gələcəkdə vəzifəyə keçib, dövlətin malının öz xeyrinə idarə olunmasının planın çəkirdi. Gələcəyinə görə özünün bahalı geyimi,zabitəli və səxavətli davranışı ,lazım olan "böyüklərin"sözünə qulaq asmağı, vəzifəli həmyerlilərinin diqqətini çəkir.
Zəruri qeyd:media araşdırmasına görə, Mirzəyev Malik keçmiş Agcəbədi rayon ,sonralar Masallı rayon icra başçısı işləmiş yol verdiyi ciddi nöqsanlara görə cənab Prezidentin sərəncamı ilə işdən azad olunan Şahin Məmmədovla eyni kənddəndirlər. Eyni zamanda Şahin Məmmədovun əmisi oğlu Əzən Məmmədovun qızının həyat yoldaşıdır.
Şahin Məmmədov Ağcəbədidə başçı oldiğu vaxt dövlət büdcəsindən külli miqdarda pul ayırtdır və Ağcabədi camaatına içmək üçün Qarabağ kanalından su çəkdirdi. Amma bu işlər büdcənin puluna deyil rayondakı sahibkarların hesabına edildi. Hətta o vaxt Bakupressin 5 il öncə çəkliş etdyi bir çəkliş var.
Şahin Məmmədova etiraz edib haqq verməyən el obasına xeyirli bir İş adamını şərlədib həbs etdirməyinə Avşar kəndinin camaatının etiraz videoreportajıdır. Şahin Məmmədov uzaq rayona başçı gedir daha sonra ordan, işində yol verdiyi nöqsanlara görə vəzifədən azad olunur.Mirzəyevin Melorasiya idarəsinin Ağcəbədi seriyası milyonluq yeyinti ilə bitir.
Mənbə qeyd edir ki, Ağıllı və fərasətli Malik Mirzəyev yaxın rayonlardan yalnız qocaman eyni zamanda büdcə yeyintisini məharətlə silməkdə təcrübəli icra başçılarından Eyvaz Hüseynovla işləməyi həmin vaxt daha məqsədəuyuğun sayır.Çünki bir zaman Eyvaz Hüseynov kimi təcrübəsi olan çox başçılar həbs olunsada, bir neçə qocaman hətta deyərdim ki, həbs olunan başçılardan daha çox rüşvətin tüğyan etdiyi,sakinlərin narazı olduğu barmaqla sayılan vəzifədə olan başçıdır.
Çünki, Eyvaz Hüseynov Məcburi köçkünlərə məxsus torpaqların mənimsənilməsi, xəstəxanaya dövlət tərəfindən ayrılan vəsaitin ələ keçirilməsi, ölü kartlar, subsidiya adı ilə dövlətdən xeyli miqdarda vəsait alınması və bu kimi hadisələr Xocavənd rayonuna 30 ilə yaxın rəhbərlik təcrübəsindən daha peşəkardır.
İndidə işğaldan azad olunmuş rayonların inkişafı və quruculuğuna dövlətin xüsusi diqqəti və ayırdığı pulları aradan çıxarmağı qocaman və təcrübəli başçıya Malik Mirzəyev kimi gənc,zabitəli və fərasətli bir kadr lazım idi. Rayon üçün xüsusən işğaldan azad olan rayon üçün Melorasiya idarəsi ən vacib idarədir.Su həyatdır,inkişafdır.Dövlət əhalinin kəndlərdə əkib becərmənin ,məhsulun bol olması üçün artezanlara,su nasoslarına ,içməli suyun təchizatının təmin olunması üçün bu işin tikintisi və yenilənməsinə milyonlarla pul ayırır.
Rayonun Melorasiya idarəsi gəlir gətirən əsas büddəcəsidir.Mirzəyev düşünür qardaşının Odur ki, vəzifəyə təklif olunan 100 min vermək üçün bütün əlaqələri ilə güc sərf edib, arzusuna çatır. Ölkə başçısı işğaldan azad olan torpaqlara quruculuq və kənd təsərüfatının inkşafı ,kəndlilərin iş yerlərinin olmasından ötəri su təminatı üçün dövlətin büdcəsindən xeyli vəsait ayrır.
Mirzəyev fürsəti əldən verməyərək başçının az müddətdə dahada etibarını qazanır.(Deyilənə görə Mirzəyevin qardaşı ilə Eyvaz Hüseynov yaxın dosturlar)Baş idarəyədə təqdimatı icra başçısı verir.Bircə özünə sədrin iclaslarında ağıllı və aktiv idarə rəisi kimi hesabatını vermək qalır.O bacarıqda Mirzəyevdə Allah vergisidir.
Əsas icra başçısıdır. Büdcəyə ayrılan vəsait beləcə aralarında bölünür. Zabitəli ,təkəbbürlü ,ordenli gənc idarə rəisi başçının tapşırığı ilə quruculuq və tikinti işlərinin vəsaitini nəticədə biçarə sahibkarların boynuna qoyur. Rayonda da sahibkarlıq əsasən əkinçilik,maldarlıqla inkişaf edir.Torpağıda ,heyvanıda becərməyə əsas su lazımdır.
Oda Mirzəyevin külli ixtiyarında olduğu üçün su ilə imtahan olunmaqdansa ,pullarını verməyi üstün tuturlar.Yoxsa Mirzəyev "Əjdaha"kimi" Simnar xanın" əmri ilə suyun qabağın elə kəsər ki,əkdikləri hədər,heyvanları susuz məhv olar.Çarəsiz razılaşmağa məcbur olurlar. Kim çox pul vəsati ilə yüklənirsə həmin sahibkarın mükafatı sadəcə ölkə başçısının rayona səfərində dövlətə dəstək üçün rayonda şəxsi biznesinin hesabına iş yerləri açan nümunə kimi ön planda təqdim edirlər.
Vəssalam.Bir balaca dediklərindən az pul verən sahibkar isə prezidentlə yaxından görüşməkdə nəsib olmur. Bu cür iş adamlarına isə kənardan başçının və Mirzəyev kimi idarə rəisinin guya dövlətin vəsaiti hesabına salınan parklar,çəkilən sular,quruculuq işlərini öz adlarından Prezidentə ağız dolusu təqdimatına baxıb köks ötürmək qalır.
Mənbə qeyd edir ki,Eyvaz Hüseynovun etibarını Mirzəyev bacarıq və səxavəti ilə qazanıb. Malik Mirzəyev rayonun başçısına daha səxavətlə aylıq "paket"verən və gələn qonaqların xərcini çəkən ən yaxşı məmurdur...Bəxti gətirən Malik Mirzəyev istər Ağcəbədidə işlədiyi vaxt istər Xocavənddə başçılar onu yuxarılara gənc və işini bilən kadr kimi təqdim ediblər.Hesabatın və xüsusi qüvvələrin gücü ilə dövlətimizin təltif etdiyi orden və mükafatlara nail ola bilib. Yazıda qeyd etdiklərimizi inanrıq ki, müvafiq dövlət qurumları yenidən ciddi araşdırma apararaq ,düzgün nəticə çıxaracaq.
Çünki, belə məmurıar ölkə başçısının uğurlu siyasətinə xələl gətirir ,hakimiyyətə xalqın inamını azaldır. Yazıda qeyd edilənləri faktlarla aidiyyəti qurumlara təqdim edə bilərik. Redaksiya olaraq bizdə öz növbəmizdə yazılanları araşdırırıq. Növbəti sayımızda Malik Mirzəyevin milyonlar dəyərində mülkləri və obyektlərini təqdim edəcik. Qarşı tərəfin mövqeyini işıqlandırmağa hazırıq. (Bakupress.Az)
Qarşı tərəfin mövqeyini işıqlandırmağa hazırıq.
AZƏRBAYCANREALLIĞI.COM
O, qanunsuzluqdan şikayət etdiyi üçün həbs edildiyini deyir
Hazırda həbsdə olan keçmiş iş adamı Rəşid Məmmədov şərlənərək həbs olunduğunu bildirir. O, bununla bağlı prezident İlham Əliyevə müraciət ünvanlayıb.
R.Məmmədov prezidentə ünvanladığı açıq müraciətində deyir ki, o, icarə ilə ona məxsus olan, Qubanın Zərdabi qəsəbəsində yerləşən torpaq sahəsində alma istehsalı və Rusiya bazarlarına idxalı ilə məşğul olub. 2022-ci ildən etibarən isə ona məxsus torpaq sahələrinin başqa-başqa şəxslərin adlarına rəsmiləşdirildiyini bilib.
“Bu şəxslər “Foodcity Agropark” MMC-nin təmsilçisi Şahin Əsgərovun adamlarıdır. Onlar bunu ona görə ediblər ki, ixrac edilən almanı öz məhsulları kimi göstərib, vergidən azad olsunlar. Mən torpaqlarıma dair qanunsuz icarə müqaviləsi bağlanılmasına görə Quba Rayon Zərdabi Bələdiyyəsinə müraciət etdim və həmin müqavilələrin ləğv edilməsini tələb etdim. Lakin, bələdiyyə bildirdi ki, həmin şəxslər özləri gəlib müqaviləni ləğv etməlidirlər. Mən məcbur olub həmin şəxslərlə görüşdüm. Mənim yerimə saxta müqavilə bağlayan Rza və Natiq mənə bildirdilər ki, onların rəhbəri Şahin Əsgərovdur və o, “Foodcity Agropark” MMC -nin təmsilçisidir. Dedilər ki, ağıllı olum, yoxsa həmin adam məni yox edər. Mən bununla bağlı rayon polisinə, prokurorluğa müraciət etdim, onlar da bildirdilər ki, “Foodcity Agropark” MMC-nin təmsilçisinə bata bilməzlər, mən yuxarıdan adam tapmalıyam”.
Məmmədov deyir ki, ona kömək istəməsi üçün DİN-in Baş Mütəşəkkil Cinayətkarlıqla Mübarizə İdarəsinin (BMCMİ) Əfqan adlı əməkdaşının nömrəsini veriblər. Zəng edib dərdini deyəndən sonra isə Əfqan onu görüşmək üçün Bakıya, Nərimanov parkına dəvət edib.
“Yanvarın 12-si görüş yerinə gəlib, ona zəng etdim. Ətrafdan dörd-beş nəfər hücum edib, məni yerə yıxdılar. Qolumu arxadan bağlayıb, döyə-döyə BMCMİ-nə gətirdilər. Orada Şahin Əsgərova ilişdiyimi deyib, irad bildirilər. Döyməyə başladılar. Əllərim, ayaqlarım, başım, gözüm, bütün bədənim qan içində idi. Onlar Şahin Əsgərova görüntülü zəng etdilər, ona məni göstərib “Sənin xətrinə dəyən belə olmalıdır” dedilər. Daha sonra məni rəis kimi təqdim edilən Müzəffər Həsənovun yanına apardılar, o da dedi ki, narkotik vasitənin mənə məxsus olmasını etiraf edim, mən bunu etmədim. Daha da şiddətlə döyməyə başladılar, ancaq yenə dediklərin etmədim. Bundan sonra, İnzibati Xətalar Məcəlləsinin 510-cu (Xırda xuliqanlıq) 535-ci (Polis əməkdaşının qanuni əmrinə tabe olmama) maddələrilə protokol tərtib edib Nərimanov məhkəməsinə göndərdilər. Qanın içində idim. Orada hakim Gültəkin Əsədovaya işgəncə izlərimi göstərsəm də, hakim barəmdə 15 sutka inzibati həbs qərarı verdi. Guya küçədə ünvansız söyüş söyüb, polisin əmrinə tabe olmamışam”.
Rəşid Məmmədov deyir ki, məhkəmədə halı pisləşdiyi üçün Akademik M.Ə.Mirqasımov adına Respublika Kliniki Xəstəxanasına aparılıb. Vəkilinə də təzyiq ediblər ki, həbsdən apellyasiya şikayəti verməsin.
Onun sözlərinə görə, 15 sutkalıq həbs müddəti bitdikdən sonra da BMCMİ ondan əl çəkməyib:
“15 sutkam tamam olanda məni buraxmadılar və oradan BMCMİ-yə gətirdilər. Orada rəsmiləşdirdilər ki, guya mən, Şahin Əsgərovun 7 adamından hədə-qorxu ilə pul tələb etmişəm, halbuki onların ifadələrindən başqa da işdə heç bir sübut yoxdur. Artıq 6 aya yaxındır ki, Şahin Əsgərov adlı şəxsin sifarişi ilə həbsdəyəm"- məktubda yazılıb.
Rəşid Məmmədov deyir ki, işgəncəyə məruz qalması ilə bağlı anası Gülər Məmmədova prokurorluğa müraciət etsə də, cinayət işi başlatmaqdan imtina olunub: “1 aprel 2023-cü tarixli, 344 saylı ekspertiza rəyi ilə müəyyən olundu ki, bədənimdə xəsarət izləri olub və bu izlərin yaranması dövrü həbs olunduğum dövrü əhatə edir, ancaq yenə Nərimanov Prokurorluğu cinayət işinin başlanmasını rədd etdi".
Rəşid Məmmədov məktubunun sonunda prezidentdən xahiş edib ki, ona qarşı ədalətsizliyə son qoyulmasına göstəriş versin.
Daxili İşlər Nazirliyi məsələ ilə bağlı münasibət bildirməkdən imtina edib.
“Foodcity Agropark” MMC ilə əlaqə saxlamaq mümkün olmayıb.
Rəşid Məmmədov 1 saylı Bakı İstintaq Təcridxanasında saxlanılır. O, Cinayət Məcəlləsinin 182-ci maddəsi ilə (hədə-qorxu ilə tələb etmə) ittiham olunur.
Yanvarın 12-də Nərimanov rayon Məhkəməsinin qərarı ilə onun barəsində 4 aylıq həbs qətimkan tədbiri seçilib. Bu müddətin 3 ay artırılması üçün BMCMİ Nərimanov rayon Məhkəməsinə müraciət edib.
/abzas.org/
Azərbaycanda vəzifədə uğur qazanmaq üçün heç də həmişə savad gərək olmur. Bəzən savadsız da "irəli gedə” bilir. Yaxud bəzən savadlının başqa "bacarıqları” da karyerada yüksəlmək üçün vacib ola bilir. Məsələn, bir sıra şəxslər var ki, onların yüksək vəzifəyə gətirilməsi məhz müəyyən bacarıqlarının olmasından qaynaqlanır. Daha konkret desək, bu adamlar işlədiyi qurumlarda dövlət vəsaitlərinin mənimsənilməsində əsas fiqurlar olurlar. Onlar korrupsiya sxemini yaradır və onun həyata keçirilməsini təmin edir. Belələrinə mediada "qara kassa”, "kölgə adam” və s. kimi adlar qoyulur. Onlar adətən rəhbərlərin tapşırıqlarının icraçısı kimi tanınsalar da, öz maraqlarına xidmət etməyi də unutmurlar. Beləliklə, həm qazandırır, həm qazanırlar.
Adı indiyədək çox hallanmayan, lakin xeyli böyük korrupsiya əməllərinin şübhəlisi kimi tanınan şəxslərdən biri də bir neçə gün əvvəl Binəqədi rayon icra hakimiyyəti başçısının birinci müavini vəzifəsindən çıxarılan Leysan Məmmədovdur. AFN.az-a L.Məmmədovla bağlı məlumat verən mənbə bildirir ki, müavin vəzifəsindən getdikdən sonra yeni vəzifəsi onu çox gözlətməyib. Belə ki, L.Məmmədovun Qarabağda gedən tikinti işlərində nəzarətçi olacağı bildirilir. Bu barədə onun özü ilə söhbətimizdə də təkzib etmədi. O haqda bir qədər sonra.
Onun haqqında apardığımız araşdırma zamanı olduqca maraqlı faktlar üzə çıxartdıq. Bakı Baş Tikinti İdarəsinin Təmir-Tikinti İdarəsində fəhlə kimi işə başlayan L.Məmmədov burada rəngsaz, baş mexanik, iş icraçısı, tikinti ustası işləyib, nəhayət rəis vəzifəsinə qədər yüksəlib. Tikinti sahəsində bir sıra vəzifələrdə çalışan "qəhrəmanımız” 1996-cı ildə Nazirlər Kabineti yanında Mənzil Kommunal Təsərrüfatı Komitəsinin nəzarət-təftiş idarəsində baş müfəttiş vəzifəsinə təyinat alıb.
Bir müddət burada işlədikdən sonra fəaliyyət sahəsini tamam fərqli sferaya dəyişib: 1998-ci ildən Əmək və Əhalinin Sosial Müdafiəsi Nazirliyinin nəzdində Dövlət Əmək Müfəttişliyinin Mərkəzi Aparatında nəzarət şöbəsində əmək müfəttişi kimi çalışmağa başlayıb. Əmək Müfəttişliyində 8 ilə yaxın bas müfəttiş vəzifəsində işləyəndən sonra 2006-cı ildə başqa bir sahəyə keçib: Gənclər və İdman Nazirliyinin Tikilməkdə Olan Obyektlərin Müdiriyyətinə direktor müavini. Burada uzun müddət - 2009-cu ildən 2021-ci ilin yayına qədər direktor vəzifəsində işləyib. Elə onun haqqında danışan mənbəmiz bildirir ki, fəaliyyətinin ən "məhsuldar” dövrü də məhz burada çalışdığı illər olub.
Böyük obyektlərin böyük işləri Leysan Məmmədova həvalə edilib
Rəsmi məlumatlara inansaq, 2006-ci ildən başlayaraq vəzifədən çıxarılana qədər Leysan Məmmədovun bilavasitə rəhbərliyi altında respublikamızın əksər bölgələrində onlarla gözəl memarlıq nümunəsi olan olimpiya idman kompleksləri tikilərək gənclərin istifadəsinə verilib. Mənbəmiz bildirir ki, L.Məmmədovun GİN-dəki vəzifəsindən azad olunma tarixi və səbəbi heç yerdə açıqlanmır. Onun yüksək keyfiyyətlə tikib təhvil verdiyi bildirilən obyektlər sırasında Şəmkir, Hövsan, İsmayıllı, Şağan Olimpiya İdman Kompleksləri (2009-cu il); Ağdaş, Göyçay, Balakən OİK-ləri, Kür Avarçəkmə müəssisəsi (2010-cu il); Tovuz, İmişli, Sumqayıt, Qəbələ Olimpiya İdman Kompleksləri (2011-ci il); Astara OİK, Səadət Sarayının çox yüksək səviyyədə yenidən qurulması, Tofiq Bəhramov adına Stadionun yenidənqurma işləri (2012-ci il); Qobustan İdman zalı, Şirvan, Xaçmaz, Qax, Saatlı, Göygöl , Ağcabədi, Abşeron, Neftaçala, Goranboy, Tərtər, Lənkəran, Yardımlı, Yevlax rayonlarında və Qala qəsəbəsində Olimpiya İdman Komplekslərinin tikintiləri (2013-cü il); respublikamızın bölgələrində çoxlu sayda idman zalları, gənclər evləri, futbol meydançaları və digər idman obyektlərinin adları çəkilir.
Bakıda keçirilən Birinci Avropa Oyunları üçün tikilən bütün obyektlərə nəzarəti də Leysan Məmmədov həyata keçirib.
Mənbəmiz bizə təklif edir ki, internet məlumatlarını kənara qoyub L.Məmmədovun fəaliyyəti dövründə Hesablama Palatasının hesabatlarını araşdıraq. Biz də tənbəllik etmədən qurumun həmin illərə dair hesabatlarına göz gəzdirdik. Məlum olur ki, palatanın 2013-cü ildəki fəaliyyətinə dair hesabatında Gənclər və İdman Nazirliyinə ayrılan, tikintisi 2011-2013-cü illərdə başa çatmış obyektlər üçün nəzərdə tutulan büdcə vəsaitlərinin istifadəsində korrupsiya hallarına yol verildiyi əksini tapıb.
Məsələn, Daşkəsən rayonunda Olimpiya İdman Kompleksinin tikintisi üzrə müəyyən tikinti-quraşdırma işləri yerinə yetirilir, lakin birdən-birə obyektin təyinatı dəyişdirilərək Gənclərin Təlim və İstirahət Mərkəzinə çevrilib. Tikinti işləri təzədən bu yöndə aparılır.
Hesablama Palatasının məlumatlarından aydın olur ki, 2 rayonda olimpiya kompleksinin tikintisi zamanı asfalt-beton işləri tamamlanmadığı halda bu obyektlər üzrə işlərin qəbulu haqqında akt bağlanıb. Bundan başqa, 5 rayonda olimpiya komplekslərinin tikilməsi prosesində bəzi inventar və avadanlıqlar obyektlərdə olmadığı halda qəbul aktlarına daxil edilib, 2 rayonda tikintisi başa çatmış kompleks istifadəyə verilsə də, dövlət qəbul komissiyasının aktlarının imzalanması bir ilədək gecikdirilib.Tikintisi başa çatmış 14 obyekt üzrə dövlət qəbul komissiyasının aktlarının başa çatdırılması tamamlanmayıb, 12 podratçı təşkilat üzrə kreditor borcun yaranmasına yol verilib.
Gənclər və İdman Nazirliyinin müvafiq dövrə aid məlumatına əsasən, 2012-ci ilədək ölkədə 33 OİK mövcud idi və onlardan 18-i istifadəyə tam hazır idi. Komplekslərdən 16-nı Gənclər və İdman Nazirliyi, 2-ni Qaçqınlarla İş üzrə Dövlət Komitəsi, 3-nü Milli Olimpiya Komitəsi, 12-ni isə müxtəlif özəl şirkətlər öz vəsaitləri hesabına tikib.
Ayrı-ayrı rayonlarda fərqli məbləğə tikilən OİK-lər...
Əsas məsələ isə ondan ibarətdir ki, L.Məmmədovun rəhbərliyi dövründə tikilən olimpiya idman kompleksləri ayrı-ayrı rayonlarda fərqli məbləğlərə başa gəlib. Məsələn, Sumqayıtda OİK-in tikintisinə 16 milyon manat, İmişlidə təxminən 13 milyon manat, Tovuzda, Göyçayda və Qəbələdə təxminən 12 milyon manat, İsmayıllıda 11,5 milyon, Ağdaş, Şağan və Hövsanda 10, 5 milyon, Şəmkir və Balakəndə 10 milyon, Biləsuvar və Kürdəmirdə 9,2 milyon, Füzuli və Oğuzda 8,5 milyon, Ağdamda 3,6 milyon, Sabirabadda isə 837 min manat vəsait xərclənib.
Bu obyektlərin bəzilərinin göstəriciləri bir-birinə çox yaxın olsa da, qiymətlər arasında ciddi fərq diqqəti cəlb edir. Məsələn, Sabirabadın Qalağayın kəndində tikilən komplekslə Göyçayda və Qəbələdə inşa olunan kompleksin tamaşaçı tutumu və infrastrukturu arasında cüzi fərq olmasına baxmayaraq, xərclənən vəsait arasında 12 dəfə fərq var. Bu o deməkdir ki, həmin OİK-lərin tikintisinə ayrılan vəsaitlərin ən azı 70-80 faizi mənimsənilib.
L.Məmmədovun fəaliyyət tarixçəsində fəxrlə vurğuladığı Avropa oyunları üçün obyektlərin tikintisinə rəhbərlik etməsidir. Avropa Oyunlarının keçirildiyi Su İdmanı Sarayının tikintisi 200 milyon manatdan çox, Bakı Stend Atıcılığı üzrə İdman Kompleksinin tikintisi 110 milyon manat, Avropa Oyunları Parkı 100 milyon manatdan bir qədər az məbləğə başa gəlib. Bu məbləğləri mərhum nazir Azad Rəhimov açıqlasa da, nazirliyin internet saytında bu məlumatlar yerləşdirilməyib.
Avropa Oyunlarından əldə edilən "gəlir”
Palatanın 2015-ci il büdcəsinin icrası haqda rəyində isə idman obyektlərinin tikintisinə xərclənən vəsaitlər haqda məlumat var. Məsələn, Su İdmanı Sarayının tikintisi - 20 milyon 499,7 min manata başa gəlib. Stend Atıcılığı üzrə İdman Kompleksinin sökülərək yenidən qurulması isə büdcədən 39 milyon 984,9 min manat aparıb. Avropa Oyunları Parkının tikintisi 8 milyon manata, BMX Velosipedi və Dağ Velosipedi yarışları üçün veloparkların tikintisi 7 milyon 648,0 min manata, Abşeron rayonunda Olimpiya İdman Kompleksinin tikintisi 597,9 min manata, Yardımlı rayonunda İdman Kompleksinin tikintisi 196,7 min manata başa gəlib.
Qurum açıqlayıb ki, 2015-ci ildə I Avropa oyunlarının keçirilməsi üçün idman infrastrukturlarının yaradılması, hazırlıq və digər təşkilati işlərlə bağlı investisiya xərcləri 1 milyard 329 milyon 184,5 min manat təşkil edib.
Hesablama Palatası dövlət büdcəsinə dair rəyində bildirilir ki, 2017-ci ildə idman obyektlərinin tikintisinə dövlət əsaslı vəsait qoyuluşundan 330 milyon 300 min manat vəsait ayrılıb.
2018-ci ildə isə yeni idman obyektlərinin tikintisi və yarımçıq qalanlarda tikintinin tamamlanması üçün gələn ilin büdcəsindən 244 milyon manat vəsait ayrılıb.
2019-cu ildə dövlət əsaslı vəsait qoyuluşu xərc maddəsi üzrə idman obyektlərinin tikintisinə 202 milyon manat xərclənib.
Pandemiya dövründə davam edən "şıdırğı” tikinti prosesi
Pandemiya dövründə nəzərdə tutulan idman yarışlarının cüzi hissəsi keçirilsə də bu istiqamətdə ayrılan pulların hamısı L.Məmmədovun rəhbərlik etdiyi idarə tərəfindən xərclənib.
Hesablama Palatası Palata Gənclər və İdman Nazirliyinin Tikilməkdə Olan Obyektlərin Müdiriyyətində 2020-ci ilin 20 oktyabrından 10 noyabrına qədər audit həyata keçirib. Audit seçilmiş obyektlərin tikintisinə başlanma tarixindən 01.10.2020-ci il tarixinədək olan dövrü əhatə edib.
Hazırlanan hesabata əsasən, dövlət büdcəsinin dövlət əsaslı vəsait qoyuluşu (investisiya xərcləri) üçün nəzərdə tutulan vəsait hesabına tikintisi 2020-ci ildə başa çatmış 5 obyekt üzrə Nazirliyə ayrılmış 70 milyon 894,3 min manat vəsaitə qarşı 70 milyon 807,13 min manat maliyyələşmə və 70 milyon 786,6 min manat kassa xərci aparılıb. 2019-cu ildə dövlət əsaslı vəsait qoyuluşundan ayrılan 197 milyon 207,7 min manatın 19 milyon 608,0 min manatı Olimpiya İdman Komplekslərinin tikintisinə yönəldilib. Auditə cəlb edilən obyektlərin tikintisinə 2012-2013-cü illərdə başlanıb, 2020-ci ildə tikinti-quraşdırma işləri başa çatdırılsa da, sənədləşmələrin ilin sonuna yekunlaşdırılması nəzərdə tutulub.
Məlum olub ki, başa çatdırılmamış qoyuluşların həcmi iki dövrdə ayrı-ayrı göstərilib. Belə ki, bu rəqəmlər 31.12.2019-cu il tarixinə maliyyə hesabatlarına əsasən 71 milyon 727,8 min manat göstərilsə də, Palataya təqdim olunan 24.02.2019-cu il tarixli məlumatda 55 milyon 832,9 min manat qeyd edilib.
01.10.2020-ci il tarixinə ayrılmış 8 milyon 159,3 min manat nəzərə alınarsa, yarımçıq qalmış tikintilərin başa çatdırılması üçün 40 milyon 471,1 min manat vəsait tələb olunurdu.
Audit zamanı o da məlum olub ki, auditlə əhatə olunan obyektlər (Lənkəran, Yardımlı, Beyləqan, Tərtər rayonlarında və Bakı şəhərində tikilən OİK-lər-red.) üzrə buraxılış layihələrini növbəlilik üzrə ayrıca əks etdirməklə, illər üzrə yeni və keçid layihələrin təsdiq edilmiş titul siyahıları, keçid layihələr üzrə bağlanmış müqavilələrin surəti, investisiya qoyuluşunun texnoloji strukturu, o cümlədən smetaya daxil edilən avadanlıq və qurğular barədə, layihə və layihənin əsas texniki və iqtisadi parametrlərini müəyyənləşdirmək üçün layihə qabağı aparılmış araşdırmalar barədə məlumatlar Dövlət İnvestisiya Proqramına daxil edilmək üçün İqtisadiyyat Nazirliyinə təqdim edilməyib. Auditlə əhatə olunan beş obyekt üzrə sifarişçi tərəfindən hazırlanmış binanın əsas texniki iqtisadi göstəriciləri, memarlıq həlləri, mühəndisi və texnoloji avadanlıqlara dair tələblər Layihə tapşırıqlarına daxil edilməyib.
Bundan əlavə, Dövlət Statistika Komitəsinin məlumatına ("Obyektlərin, əsas fondların istifadəyə verilməsi və əsas kapitala yönəldilmiş vəsaitlərdən istifadə edilməsi”) əsasən, 2019-cu ildə əsas kapitala 19 milyon 608,1 min manat, Maliyyə Nazirliyinin təqdim etdiyi hesabata (19 nömrəli əlavə) əsasən 197 milyon 207,7 min manat, Nazirliyin təqdim etdiyi hesabata əsasən isə 20 milyon 292,0 min manat büdcə vəsaiti yönəldildiyi göstərilib.
OİK-lərin tikintisi zamanı yol verilən pozuntular rəsmi hesabatlarda
Şəhərlər üzrə OİK-lərin tikintisində baş verən pozuntular haqda da rəsmi sənədlərdə məlumatlar var. Məsələn, Lənkəran şəhərində Olimpiya İdman Kompleksinin tikintisi obyekti üzrə şəhər tikililərinin hüdudlarında yaşıllıq ərazilərin xüsusi çəkisinin 40 faizdən az olmamaq şərti ilə qəbul olunmasına baxmayaraq, obyektin Baş Planı üzrə yaşıllıq ərazisinin sahəsi 28,8 faiz qəbul edilib.
Tərtər Olimpiya İdman Kompleksinin tikintisində bu göstərici müvafiq olaraq 25 və 21,39 faizdir.
Aşkarlanan digər nöqsan tikintilərin layihə sənədlərində tikintidə istifadə ediləcək tikinti materiallarının spesifikasiyasının (təsnifat və xarakteristikası) göstərilməməsidir. Həmçinin oObyektlərin layihə-smeta sənədlərinin tərtibi zamanı layihə iş həcmlərinin və iş növlərinin smeta sənədlərinə artıq daxil edilməsi nəticəsində 534 min 148,48 manat fərqin yaranmasına yol verilib.
L.Məmmədovun rəhbərlik etdiyi idarə tərəfindən "Dövlət Satınalmaları haqqında” qanunun bəzi tələblərinə tam əməl edilməyərək satınalma müqavilələri bağlanıb. Məsələn, Tərtər Olimpiya İdman Kompleksinin tikintisi üzrə Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən tikinti işlərinin yerinə yetirilməsi üçün bir mənbədən satınalma ilə bağlı müqavilənin bağlanmasına 28.02.2020-ci il tarixli məktubla razılıq verildiyi halda, podratçı təşkilatla 13.02.2020- ci il tarixində 645,7 min manat satınalma müqaviləsi bağlanıb. O cümlədən Lənkəran Olimpiya İdman Kompleksinin tikintisi üzrə malların (iş və xidmətlərin) satınalınması təcili tələbatın yarandığı səbəb kimi göstərilərək 30.01.2018-ci il tarixində bir mənbədən satınalma metodları tətbiq edilməsinə razılıq alınsa da, podratçı təşkilatla 2018-ci ilin may ayının sonunda, yəni 4 aydan sonra 4 milyon 585,0 min manat dəyərində satınalma müqaviləsi bağlanıb.
L.Məmmədovun idarəsi ilə podratçı təşkilatlar arasında 4 obyekt üzrə bağlanmış 8 satınalma müqaviləsinin 14.3-cü bəndində nəzərdə tutulan müddətlərdə işlərin yerinə yetirilməsi gecikdirilib və müqavilənin xüsusi şərtlərinin 8.1-ci bəndinin tələblərinə uyğun gecikdirilmiş 3513 günə görə hər gün üçün 0,01 faiz həcmində 2 milyon 88 min 705,7 manat cərimə hesablanması təmin olunmayıb. Tərtər rayonunda Olimpiya İdman Kompleksinin tikintisi üzrə 3 halda gecikdirilmiş günlərin sayı 892, hesablanmalı cərimənin məbləği 323 min 68,4 manat, Lənkəran Olimpiya İdman Kompleksinin tikintisi üzrə gecikdirilmiş günlərin sayı 2 halda 1584, hesablanmalı cərimənin məbləği 1 milyon 38 min 76,0 manat, Beyləqan Olimpiya İdman Kompleksinin tikintisi üzrə gecikdirilmiş günlərin sayı 1 halda 358, hesablanmalı cərimənin məbləği 590 min 700,0 manat, Yardımlı Olimpiya İdman Kompleksinin tikintisi üzrə gecikdirilmiş günlərin sayı 2 halda 679, hesablanmalı cərimənin məbləği 136 min 861,3 manat hesablanır.
Bundan əlavə, obyektlərin smeta sənədlərində qüvvədə olan tikinti norma və qaydaları ilə müəyyən edilən "Qiymətləndirici”lərin düzgün tətbiq edilməməsi nəticəsində 1 milyon 28 min 671,27 manat məbləğində qiymət fərqinin yaranmasına yol verilib, "İşlərin qəbulu haqqında Akt”lara (F№2) əlavə iş həcmi daxil edilərək, podratçı təşkilatlara ƏDV ilə 415 min 572,57 manat məbləğində artıq vəsait ödənilib. Beyləqan rayonunda Olimpiya İdman Kompleksinin tikintisi obyekti üzrə 170 min 583,0 manat, Bakı şəhəri F.Xoyski prospekti 98A ünvanında yerləşən Respublika Olimpiya Mərkəzinin təmir obyekti üzrə 63 min 662,0 manat, Tərtər rayonunda Olimpiya İdman Kompleksinin tikintisi obyekti üzrə 165 min 540,0 manat, Lənkəran şəhərində Olimpiya İdman Kompleksinin tikintisi obyekti üzrə 15 min 787,57 manat ödənilib.
Maliyyə vəsaitlərinin idarəedilməsi üzrə düzgün olmayan qərarların qəbul edilməsi nəticəsində Tərtər Olimpiya İdman Kompleksinin tikintisi layihəsi üzrə 2014-cü ilin dekabr ayından 2015-ci ilin iyul ayına qədər 554,5 min manat, 2015-ci ilin iyul ayından 2016-cı ilin fevral ayına qədər isə 356,6 min manat dövlət vəsaiti podratçı təşkilatın istifadəsində qalıb, digər podratçı təşkilata təqdim olunan "İşlərin qəbulu haqqında Akt”la (Forma №2) qəbul edilən işlərin dəyərindən artıq vəsait ödənilməsi səbəbindən 965,0 min manat debitor borcun yaranmasına yol verilib.
Audit zamanı o da üzə çıxarılıb ki, obyektlərin layihələri ilə smeta sənədlərində göstərilən iş həcmləri arasında 534 min 148,48 manat fərqin yaranmasına, "İşlərin qəbulu haqqında Akt”lara (F№2) əlavə iş həcmi daxil edilərək podratçılara ƏDV ilə 415 min 572,57 manat məbləğində artıq vəsait ödənilməsi hallarına yol verilib.
Gənclər və İdman Nazirliyi niyə susub?
Audit qrupu tərəfindən aşkar edilmiş faktlara (nöqsan və uyğunsuzluqlara) Gənclər və İdman Nazirliyi tərəfindən təqdim olunan cavab məktubunda verilən izahatlara və yuxarıda göstərilənlərə əsasən qeyd etmək olar ki, dövlət büdcəsindən auditi aparılan obyektlərin tikintisinə və əsaslı təmirinə ayrılan vəsaitlərin istifadəsinin audit meyarları ilə müqayisədə əhəmiyyətli uyğunsuzluq halları mövcuddur.
Beləliklə, Hesablama Palatası L.Məmmədovun rəhbərliyi altında böyük məbləğdə pulların faktiki olaraq mənimsənilməsi faktını aşkara çıxarıb. Auditdən sonra L.Məmmədov tərəfindən "İşlərin qəbulu haqqında Akt”lara (F№2) əlavə iş həcmi daxil edilərək podratçı təşkilatlara ƏDV ilə artıq ödənilmiş 415 min 572,57 manat məbləğində vəsait, Tərtər rayonunda Olimpiya İdman Kompleksinin tikintisi obyekti üzrə podratçı təşkilata artıq ödənilmiş 10 min 700,0 manat və Lənkəran şəhərində Olimpiya İdman Kompleksinin tikintisi obyekti üzrə podratçı təşkilata artıq ödənilmiş 15 min 787,57 manat vəsait dövlət büdcəsinə qaytarılsa da, Palata Gənclər və İdman Nazirliyinin rəhbərliyinə tövsiyə malların (işlərin və xidmətlərin) satınalınması, eləcə də dövlət büdcəsindən və büdcədənkənar dövlət fondlarından maliyyələşən təşkilatların maliyyə-təsərrüfat fəaliyyətində maliyyə qaydalarının pozulması, o cümlədən dövlət büdcəsindən və büdcədənkənar fondlarından, həmçinin məqsədli büdcə fondlarından ayrılan vəsaitdən təyinatı üzrə istifadə olunmaması ilə əlaqədar törədilmiş bəzi hüquqpozmalara görə müvafiq olaraq cinayət və inzibati məsuliyyətin müəyyən edilməsini tövsiyə edib. Lakin nazirlikdən hüquq-mühafizə orqanlarına hər hansı müraciət göndərilməyib.
2021-ci ilin aprelində A.Rəhimov vəfat edəndən dərhal sonra L.Məmmədov nazirlikdəki vəzifəsindən uzaqlaşdırılsa da, qısa müddətdən sonra Minatəmizləmə Agentliyinə aparat rəhbəri vəzifəsinə təyinat alıb. Mənbəmiz iddia edir ki, bu transferin səbəbi torpaqlarımızın işğaldan azad edilməsindən sonra illərlə davam edəcəyi gözlənilən aktiv minatəmizləmə prosesinin əsas aparıcı qüvvəsinin isə Minatəmizləmə Agentliyi olmasıdır. "Quruma həm büdcədən, həm də xarici yardımlar hesabına böyük məbləğdə pullar ayrılır və bu həcm getdikcə artacaq. L.Məmmədov burada rahat "işləyə” bilərdi”. Lakin bu dəfə o bacarmadı. Hesablama Palatasının auditorları L.Məmmədovu təzə vəzifəsinin başında daha tez "salamladılar”.
L.Məmmədov əməkdaşımızla söhbətində bildirib ki, bütün qeyd edilənlərlə bağlı aidiyyatı qurumlar araşdırma aparıblar və qərar verilib: "Əgər qərar mənim əleyhimə olsaydı, bugünkü gündə vəzifədə olmazdım. İndi də Qarabağda bir MMC-də nəzarətçi işləyəcəm".
P.S. Agentlikdə palatanın apardığı yoxlamalar, ortaya çıxan nöqsanlar, L.Məmmədovun ordan uzaqlaşması və sonrakı "karyerası” haqda növbəti yazımızda...
Mənbə: AFN.az