Ortalıq 45 ildir həyat yoldaşımla birlikdə AMEA-da çalışırıq. Torpağımıza düşmən saldırısı başlayan ilk
gündən aspiranturada təhsilimi, elmi işimi atıb, iki körpə uşaqlı ailəmi Allahın ümidinə qoyub,
Qarabağ uğrunda savaşa getmişəm, AMEA üzrə yeganə 1-ci dərəcəli Qarabağ əliliyəm, Səhiyyə
Nazirliyinin rəyi ilə respublikadan kənarda müalicəyə ehtiyacım var. Ağdərədə döyüşlərdə olanda
kimya doktoru həyat yoldaşım televiziya ilə verilən şəhid olmağım xəbərindən stress keçirib, 2-ci
dərəcəli əlildir. Qarabağda başım döyüşlərə qatılanda AMEA İşlər İdarəsi iki körpə uşaqlı ailəmi 1979-
cu ildən yaşadığımız Şərifzadə küçəsindəki yataqxanadan çıxzrı, yataqxananı AMEA-ya aidliyi olmayan
şəxslərə satıblar. Həmin binanın yerində tikilın evdən isə mənzil almağımıza da AMEA İşlər İdarəsi
qadağa qoyub.
Mənzil problemimizin çözülməsindən yana AMEA-nın bütün prezidentləri , görkəmli elm xadimləri ,
millət vəkilləri əllərindən gələni ediblər. Akademik- prezident- deputat Fəraməz Maqsudov,
akademik-deputat Cəlal Əliyev millət vəkili kimi bir neçə dəfə deputat sorğusu ilə BŞİH-ə, ƏƏSMN-ə
müraciət etsələr də, sonuc belə olub ki, BŞİH işlədiyim Neft Kimya Prosesləri İnstitutunun ( NKPİ )
tikdiyi evdən mənə nəzərdə tutulan ikiotaqlı mənzili öz balansına keçirib.(?) Bu barədə AMEA
prezidenti, akademik Mahmud Kərimovun müraciətinə cavab olaraq 24.10.2002 tarixli məktubla
NKPİ-nin direktoru , akademik Musa Rüstəmov məlumat verib. Özbaşınalığa baxın, hər tikilən
binadan 10-15 mənzil müharibə əlillərinə, şəhid ailələrinə ayrılmalı olduğu halda, hər hansı qurumun
tikdiyi evdən ilk növbədə həmin qurumun müharibə adamları mənzillə təmin olunmaları qanun
olduğu halda, 1-ci dərəcəli Qarabağ əlili ailəsinə ayrılan mənzili BŞİH ələ keçirib.(?) “BŞİH-də fərasətə
bax!”
Vurğuladığım elm adamlarının hamısı dünyasını dəyişib, amma sağları da var! Şair demiş, ölən ölüb,
qalan sağlar bizimdir! Milli Aviasiya Akademiyasının rektoru, akademik Arif Paşayev üç dəfə AMEA
prezidenti, akademik Akif Əlizadəyə müraciət edib. Birinci iki dəfə - 2013-cü ilin fevralında vitse-
prezident, hazırkı AMEA prezidenti İsa Həbibbəyli müraciəti İşlər İdarəsinə ünvanlayıb və orada it-
bata salıblar. Yenidən müraciətimə cavab olaraq akademik Arif Paşayevin 20.05.2015 tarixli, 280
saylı məktubunun surəti özümə də verilib.
2015-ci ilin sentyabrında AMEA prezidenti, akademik Akif Əlizadənin sədrliyi ilə Rəyasət Heyətinin
video-çəkilişlə iclası keçirilib və prezident bildirib ki, Şərifzadə küçəsində tikilən evdən 1-ci dərəcəli
Qarabağ əlilinin alim ailəsinə mənzil ayrılacaq. 2017-ci ildə mənzil bölgüsü olub və işlər müdiri Fətəli
Abdullayevin, müavini Sərdar Əliyevin, prezidentin , vitse-prezidentlərin yataqxana sakinləri üçün
nəzərdə tutulan mənzilləri özlərinə, sürücülərinə, katibələrinə götürmələri məlum olub. Bu
sətirlərin yazarının qəbul hüququna da , məhkəmə müdafiəsi hüququna da işlər müdiri və müavini
qadağa qoyduğundan , özbaşınalıqdan müdafiə hüququ pozulub. 1-ci vitse- prezidentin məktubuna
cavab olaraq işlər müdirinin müavini AMEA-da yaradılan mənzil komissiyasının hər həftə toplaşdığını
2019-cu ilə kimi bildirib. 2019-cu prezident postuna akademik Ramiz Mehdiyevin gəlməsi ilə işlər
idarəsinin işləklərinə və işlərinə son qoyulub. Yeni rəhbərlik problemin çözülməsinə çalışsa da, bu yol
“covid-19 “asqırıb”. İsa Həbibbəyli prezident olandan Şərifzadədəki mənzil özbaşınalığını tarixə
atmaq çabaları başlayıb.
Çıxış yolu kimi hüquq yoluna üz tutanda isə hüquq müdiri Kamal Əliyevin yataqxana komendantı
Azər Qiliyevlə “şifahi bazarlığı” üzə çıxıb. Səbail məhkəməsinin hakimi İlkin Rüstəmli iddiaçı Qarabağ
əlilinin 40-a yaxın sənədini, vəsatətini, ərizəsini bir yana atıb, cavabdehin nümayəndəsinin saxta
məlumatını əsas tutub. 21.06.2023 tarixli qətnamə hələ verilməyib, amma cavabdehin işdə yeganə
“sübutu” kimi Kamal Əliyevin şifahi sorğusuna yataqxana üzrə baş mütəxəssis Azər Quliyevin
07.06.2013 tarixli əllə yazılan mənim heç vaxt yataqxanada qeydiyyatda olmamağım və
yaşamamağım haqqında saxta cavabının portalda yerləşdirilməsi hər şeyi ortaya qoyur. Özbaşınalığa
baxın, 45 ilin AMEA işçilərinin hüquqlarına dünənin AMEA yataqxana hüquq mütəxəssisləri kağız
parçası ilə qadağa qoyurlar. Lap heç yaşamamışam, savaşdan başım açılmayıb, bəyəm mənzillər yalnız
prezidentlərə, vitse-prezidentlərə , işlər idarəsinin sürücülərinə, katibələrə verilməlidir?
Belə görünür, yenə də son söz Avropa İnsan Hüquqları Məhkəməsinin olacaq...
Məğrur Bədəlsoy

Yenixeber.org: Redaksiyamıza Cəbiyeva Validə Eldar qızının müraciəti daxil olub. Müəllif müraciətində Azərbaycan Respublikası Qida Təhlükəsizliyi Agentliyinin Quba-Xaçmaz Regional Bölməsində işləyən oğlunun sektor müdiri tərəfindən təhqir olunub, döyülməsindən və bu hadisənin rəhbərlik tərəfindən təqdir olunmasından bəhs edir. Müraciətdə yer alan iddialarla bağlı qarşı tərəfləri dinləmə istəsək də, olmadı...

Aktuallığını nəzərə alıb, müraciəti olduğu kimi dərc edirik.

Oğlum 2022-ci ilin avqust ayının 18-dən müfəttiş köməkçisi işlədiyi Azərbaycan Respublikası Qida Təhlükəsizliyi Agentliyinin Quba-Xaçmaz Regional Bölməsində iş otağında 28.12.2022-ci il tarixdə sektor müdiri tərəfindən döyülüb. Şərəf və ləyaqətinin alçaldılmasına etiraz olaraq 29.12.2022-ci il tarixdə işdən çıxma ərizəsi yazıb və ərizəsində bunları qeyd etməklə işdən çıxmışdır. Hadisə son iki ayda sektor müdirinin oğlumu hər gün təhqir etməyə başlaması sonucunda yaranıb. Bu zaman sektor müdiri hətta oğlumun şəxsi ləyaqətinə toxunan ifadələr belə işlədib. Dəfələrlə oğlumu iş otağına buraxmayıb. Sektor müdirinin təhqirləri dözülməz olduğu üçün oğlum mənə işdən çıxmaq istədiyini bildirdi. Mən dəfələrlə oğlumun iş yerinə gedərək, rəis Zaur Fərzəliyevə, “inzibati” şöbənin sektor müdiri Elçin Rüstəmova sektor müdirinin dövlət işçisinə yaraşmayan hərəkət və təhqirlərini bildirib, bu səbəbdən oğlumun işlədiyi sektorun dəyişdirilməsini xahiş etmişəm. Lakin heç bir tədbir görülmədi. Bütün bunlar adi bir hal kimi qarşılandı. Oğlum şəxsən özü rəis Zaur Fərzəliyevin və Elçin Rüstəmovun yanına gedib, sektor müdirinin təhqirlərinin dözülməzliyini bildirib. Nəticə olmadı. Cəzasızlıqdan həvəslənən sektor müdirinin bu hərəkətlərinə son qoyulması üçün oğlum onunla danışmaq üçün həyətə çıxmasını xahiş edib. Lakin oğlumun “........... müəllim, bir dəqiqə Sizi olar?” müraciətinə sektor müdiri həmişəki kimi çox kobud surətdə, təhqiramiz ifadələr işlədib. Hər vaxt təkrar etdiyi “sən mənim üçün ölüsən” ifadəsindən sonra oğlum artıq dözə bilməyib “sən özün öl” ifadəsini işlədib.
Oğlumun səssiz qalmağına adət edən sektor müdiri bu sözlərindən çox əsəbiləşib, üzərinə hücum edib, oğlum sektor müdirinin üzərinə gəldiyini görüb, çevrilib getmək istəyib, bu zaman sektor müdiri arxadan ona çatıb gicgahından yumruq vurub. Oğlum qaçıb bayıra çıxıb, lakin ürəyinin döyüntüləri artdığı və gözləri qaranlıq gətirdiyi üçün qaça bilməyib. Oğlumun ürəyində uşaqlıqdan problem var, bu səbəbdən otağın qapısının yanında dəhlizdə divara söykənib qalıb. Bundan sonra də sektor müdiri otaqdan dəhlizə əşyalar ataraq, oğlumu təhqir etməyə davam edib. Yəqin ki, bunları təhlükəsizlik kamerasında izləyən AQTA-nın Quba-Xaçmaz Regional Bölməsinin rəisi Zaur Fərzəliyev tez oğlumu və digər işçiləri otağa salıb. Oğlum dəfələrlə polisə, yaxud mənə zəng etmək istəsə də, rəis mane olub. Nəhayət oğlum fürsət tapıb mənə zəng edib. Mən təcili oğlumun iş yerinə getmişəm. Lakin məni saatlarla oğlumun yanına buraxmayıblar. Mənim ağlamağımı kənardakı adamların görməməsi üçün məni başqa otağa apardılar. Orada saatlarla bizim şikayət
etməməyimiz üçün rəis və digər işçilər məni dilə tutublar. Sonra da oğlum, sektor müdiri və digər işçilərin saxlanıldığı otağa məni gətirdilər (Oğlumu bayıra çıxmağa qoymurdular). Rəis təkidlə oğlumu və sektor müdirini barışdırmaq istəyirdi. Bu hadisəni “polisə xəbər verməməyi, bunun onun rəhbərliyində olan Bölmədə rəis və sektor müdirinin karyerası üçün pis nəticələnəcəyini” bildirirdi. Oğlumun şərəf və ləyaqətinin alçaldılması isə rəisin vecinə deyildi.
Oğlum döyüldükdən sonra mənə və oğluma Z.Fərzəliyev saatlarla təkid edərək “şikayət etməməyimiz” tələb edilirdi. Belə anladıq ki, müdir işçini istər döyər, istər söyər, işçinin nə həddinə cavab qaytarsın!!! Beləliklə, mən və oğlum günahkar olduq, hətta oğlumu döyən müdirdən çox günahkar olduq. Əlaqədar orqanlar oğlumun “sən özün öl” cavabının nalayiq söz olduğunu, müdirin nüfuzuna xələl gətirdiyini, bu sözlərin müdiri təşviq etdiyi qənaətinə gəldilər. Lakin bu sözün – “sən mənim üçün ölmüsən” ifadəsinin məhz birinci müdirin ağzından çıxdığını oğlumun özünü müdafiə vəziyyətində son zərurət halında “sən özün öl” cavabını qaytardığını nəzərə almadılar. Mən möhtərəm hüquqşünaslarımızdan bu barədə mülahizələrini, hüquqi yanaşmalarını bildirmələrini xahiş edirəm. “Sən özün öl” cavabı doğrudanmı müdirin nüfuzunu aşağı salır? Bu
cavaba görə müdir tərəfindən döyülmüş işçi qanun qarşısında günahkardır? “Sən mənim üçün ölmüsən” ifadəsi necə olur ki, müdirin ağzından çıxanda adi söz olur?
“Sən özün öl” cavabı isə oğlumun ağzından çıxanda nalayiq sözə çevrilir?!Bu hadisədə AQTA-nın rəhbərliyi tərəfindən rəis Zaur Fərzəliyevin laqeydliyinə və vəzifə səhlənkarlığına hüquqi qiymət verilməyib. Məhz onların vəzifə səhlənkarlığı və sektor müdirinə himayədarlıq etmələri səbəbindən bu hadisə baş verib. Onlar hadisə baş verdikdən sonra belə, hüquq mühafizə orqanlarına və yuxarı icra orqanına xəbər verməyiblər. Bu hal AQTA-nın rəhbərliyinin tamamilə nəzərindən “yayınıb”. Halbuki, hadisə baş verən zaman rəis Z.Fərzəliyev inzibati binada, iş yerində olub.
Mən oğlum günahkarın qanuni yollarla cəzalandırılması üçün əlaqədar orqanlara müraciət etdik. Bax ondan sonra 2-ci ağır zərbəni – mənəvi zərbəni aldıq: Müraciətlərimizin qarşılığında oğlumu günahlandırdılar ki, niyə müdirinə “sən özün öl” qarşılığını – cavabını vermisən?! Hüquq müstəvisində etdiyimiz bütün müraciətlərin nəticəsi bu oldu: müdirin “sən mənim üçün ölmüsən” ifadəsi adi sözdür, oğlumun “özün öl” cavab qaytarması isə nalayiq sözdür?!!

AQTA-nın Quba-Xaçmaz Regional Bölməsinin rəhbərliyi bu hadisə barəsində həm hüquq orqanlarını, həm də öz rəhbərliyini məlumatlandırmayıb. Məhz biz – oğlum və mən əlaqədar təşkilatlara müraciət etmişik. Rəis Zaur Fərzəliyev isə bu hadisəni ört-basdır etməkdən əlavə, həmin hadisəni kollektiv müzakirə etməyib, hətta oğlumu döyən müdiri hüquq orqanlarında rəsmi surətdə müdafiə edib. Bu qeyd etdiyimiz hadisəni təsdiq edən AQTA-nın Quba-Xaçmaz Regional Bölməsinin inzibati binasında mövcud olan videomüşahidə kameralarının görüntülərini biz heç cür əldə edə bilmədik.
Dəfələrlə etdiyimiz yazılı müraciətlərə baxmayaraq həmin hadisənin baş verdiyi gün Bölmənin inzibati binasına koridorunda və həyətində quraşdırılmış videomüşahidə kameralarına həmin günə aid görüntülərini əldə etmək istəsək də həmin görüntələr bizim üçün əlçatmaz oldu. Buna səbəb həmin görüntülərdə mənim
qeyd etdiyim hadisəni tam təsdiq olunmasıdır. Lakin etdiyimiz bütün rəsmi müraciətlərə baxmayaraq AQTA-nın rəhbərliyi və əlaqədar orqanlar bizə həmin görüntüləri vermədi.
Hadisənin bu sonluqla bitməsinin səbəbkarı AQTA-nın Quba-Xaçmaz Regional Bölməsinin rəisi Zaur Fərzəliyevdir. Məhz onun vəzifə səhlənkarlığı və işçilər arasında nizam-intizam olmaması və Fərzəliyevin vəzifə səlahiyyətlərindən istifadə edərək müdirə qarşı tərəf tutması sonunda oğlum iş yerində təhqir olunub, döyülüb. Azərbaycan Respublikası CM-nin 308.1-ci maddəsi: “Vəzifə səlahiyyətlərindən sui-istifadə, yəni vəzifəli şəxsin xidməti vəzifələrinin icrası ilə əlaqədar özü və ya üçüncü şəxslər üçün qanunsuz üstünlük əldə etmək məqsədilə öz qulluq səlahiyyətlərindən qulluq mənafeyinə qəsdən zidd olaraq istifadə etməsi və ya qulluq mənafeyi tələb etdiyi halda istifadə etməməsi fiziki və ya hüquqi şəxslərin hüquqlarına və qanuni mənafelərinə, yaxud cəmiyyətin və ya dövlətin qanunla qorunan mənafelərinə mühüm zərər vurduqda – iki min manatdan dörd min manatadək miqdarda cərimə və ya üç ilədək müddətə müəyyən vəzifə tutma və ya
müəyyən fəaliyyətlə məşğul olma hüququndan məhrum etmə və ya iki ilədək müddətə islah işləri və ya üç ilədək müddətə azadlığın məhdudlaşdırılması və ya əmlakı müsadirə olunmaqla üç ilədək müddətə azadlıqdan məhrum etmə ilə cəzalandırılır”.
Hətta Cinayət Məcəlləsində vəzifə səlahiyyətlərindən sui-istifadə hallarına hüquqi qiymət verilib. Lakin mən AQTA-nın rəhbərliyinə dəfələrlə müraciət edib, günahkarların – Z.Fərzəliyevin və müdirin cəzalandırılmasını tələb etsəm də heç bir tədbir görülməyib, heç bir cəza tədbiri görülməyib! Bu hadisələrdən gəldiyim nəticə bu oldu: bəzi idarə rəhbərləri və vəzifəli şəxslər aşağı vəzifədə çalışan tbeliyindəki işçiləri təhqir etməkdən zövq alır, ləyaqətini qorumaq məqsədi ilə cavab qaytaran işçini isə “dikbaşlığına” görə hər vasitə ilə cəzalandırmaqdan çəkinmirlər!!!

Göyçay rayon sakini, Vətən müharibəsi qazisi Axundov Araz Azər oğlu tərəfindən aidiyyəti qurumlara və Göyçay Rayon İcra Hakimiyyəti başçısı Natiq Ağayevə ünvanlanan müraciətdə deyilir:

"Mən Göyçay rayon sakini Axundov Araz Azər oğlu Vətən müharibəsi qazisiyəm. Müharibədə yaralansam da, əlillik dərəcəsi ala bilməmişəm.Təxris olunandan bəri heç yerdə işləmirəm. Dəfələrlə Göyçay Rayon İcra Hakimiyyətinə müraciət etsəm də, məni işlə təmin etmirlər. Bundan öncə verdiyim şikayətdə Hikmət Süleymanov tərəfindən incidildiyimi qeyd etmişdim, lakin onun haqqında heç bir tədbir görülmədi. Doğrusu H. Süleymanovun qəbulundan düşən zaman Arxitektura və Memarlıq Şöbəsinin müdiri Ayaz Səfərəliyevin kabinetinə girmişdim. Təəssüflər olsun ki, o da heç bir köməklik göstərməmişdi. Mühafizə polisindən 5 (beş) manat pul yollayaraq, "Mənim buna gücüm çatır" , - demişdi. Mən heç ondan belə edəcəyini gözləmirdim. Sanki o, ağadır, mən isə onun qapısında dilənən dilənçi. Xeyir, imkan verməyin ki, Azərbaycanın bütövlüyü uğrunda sağlamlığını itirmiş şəxs düşmənin önündə əyilmədiyi halda, bəzi məmurlar qarşısında mənən sınsın, pərişan olsun.

Onu da vurğulayım ki, Göyçay Rayon İcra Hakimiyyəti başçının birinci müavini həmin gün mənə xeyli ərzaq yardımı göstərmişdi. Sonuncu video müraciətimdə isə müalicələrim üçün yardım istədim. Şübhəsiz ki, rayon rəhbərliyi dəstək olmadı. Bankdan 1000 (min) manat faizli kredit götürərək müalicələrimə xərclədim. Əvvəlkinə nisbətən səhhətimdə ağrılar azalıb. Gəl ki, müalicələrimi mütləq şəkildə davam etdirməliyəm.

Hazırda o qədər çarəsiz durumdayam ki, nə edəcəyimi özüm də bilmirəm. Anam ağır xəstədir. Adam nə qədər məmur qapısında dilənər?! Artıq insanlara ağız açmaqdan üzüm utanır. Göyçay "Şəhər Təsərrüfatı Birliyi"ndə kommunal işlər mövcuddur.

Mətbuat vasitəsilə aidiyyəti qurumlardan və Göyçay Rayon İcra Hakimiyyəti başçısı Natiq Ağayevdən xahiş edirəm, məni sözü gedən idarədə işlə təmin olunmağıma köməklik göstərəsiniz."

Abşeron rayonu Ceyranbatan qəsəbəsinin Təbrik məhəlləsində antisanitariya vəziyyəti hökm sürür.

Bu barədə Qaynarinfo-ya həmin ərazidə yaşayan jurnalist Mürtəza Bünyadlı bildirib.

Onun sözlərinə görə, məhəllədə zibil aşıb-daşır. Müvafiq qurumlar isə heç bir tədbir görmür:

“Son ilyarım ərzində Ceyranbatanda zibil məsələsi ciddi problemə çevrilib. Xüsusilə də Abdin Fərzəliyevin Abşerona icra başçısı təyin olunduğu vaxtdan sakinlər bu problemlə üzləşiblər. Demək olar ki, zibilxanalar günlərlə, hətta bəzən 10 gün ərzində təmizlənmir. Aşıb-daşan zibil qutuları boşları ilə əvəzlənmir”.

Jurnalistin sözlərinə görə, problemlə bağlı Ceyranbatan qəsəbəsinin icra nümayəndəliyinə və bələdiyyəyə müraciət edilsə də, nəticəsi yoxdur:

“Onlar məsuliyyəti Abşeron rayon Mənzil-Kommunal Təsərrüfat Birliyinin üzərinə atırlar. Guya zibillərin günlərlə yığılmaması Mənzil-Kommunal Təsərrüfat Birliyində maşın çatışmazılığı və ya maşınların nasaz olması ilə əlaqədardır. Problem dəfələrlə müxtəlif meda orqanlarında işıqladırılsa da, nəticəsi olmayıb. Hamısı ötür-ötür oyunu oynayır. Nəticədə sakinləır əziyyət çəkir. Zibillərin vaxtında yığışdırılmaması antisanitariyaya səbəb olub. Yayda ərazidə üfunətdən dayanmaq olmur. Zibillikdə qidalanan küçə itləri uşaqlara, qadınlara böyük təhlükə yaradır. Düzdür, indi məktəblər bağlanıb, amma dərs vaxtlaırnda uşaqlar təkbaşına həmin ərazidən keçərək məktəbə getməkdən qorxurlar. Çünki küçə itləri onlara hücum edir”.

Sosial şəbəkələrin, dövri mətbuatın problemlərin həll olunmasında ciddi və effektiv təsirə malik olduğu bir dövrdə insanlar tərəfindən cinayətin əlamətlərini əks etdirən məlumatların hüquq-mühafizə orqanlarına göndərməzdən əvvəl kütləvi informasiya vasitələrinə (KİV) göndərilməsi hallarına tez-tez rast gəlinir. KİV-lərin cəmiyyətdə təsirinin artması ilə əlaqədar, yayılan məlumatlara cinayətkarlıqla mübarizədə istinad olunması praktikada artıq geniş yayılmşdır.
Təcrübədə bəzən cinayətin baş vermə halları və ya cinayətə hazırlıq hərəkətləri kimi faktlar KİV əməkdaşlarının peşə fəaliyyəti ilə əlaqədar bilavasitə onlar tərəfindən aşkar edilir, bəzən isə, həmin faktlar foto və ya video çəkiliş, səs yazısı və s. vasitələrlə maddi daşıyıcılarda əks olunur.
Cinayət prosessual hüququndan məlum olduğu kimi, cinayət təqibi üzrə icraatın açılması, cinayət işinin başlanılması üçün müvafiq səbəb və əsaslar olmalıdır. Azərbaycan Respublikasının Cinayət Prosessual Məcəlləsinin 209-cu maddəsinə görə, qanunda nəzərdə tutulmuş səbəblər və əsaslar olduğu bütün hallarda təhqiqatçı, müstəntiq və ya ibtidai araşdırmaya prosessual rəhbərliyi həyata keçirən prokuror dərhal cinayət işi başlamalıdır. Cinayət işinin başlanması üçün səbəblər dedikdə, səlahiyyətli dövlət orqanlarının cinayətin edilməsi haqqında aldıqları qanunla müəyyən edilmiş məlumat mənbələri, əsaslar dedikdə isə, cinayətinm əlamətlərinin mövcud olmasını göstərən faktiki məlumatlar başa düşülür. Cinayət işinin başlnaması üçün səbəb kimi törədilmiş və ya hazırlanan cinayət haqqında fiziki şəxs tərəfindən verilən ərizə, hüquqi şəxsin (vəzifəli şəxsin) və ya KİV məlumatları, yaxud bu məlumatların təhqiqatçı, müstəntiq və ya prokuror tərəfindən bilavasitə aşkar edilməsi ola bilər.

(Rafael Mustafayevin vətəndaşdan rüşvət aldığını əks etdirən səs yazısı)

“Prokurorluq haqqında” Azərbaycan Respublikası Qanunuun 20-ci maddəsində göstərilir ki, prokurorluqda cinayət barədə ərizə, şikayət və məlumatlara təxirəsalınmadan baxılır. Lakin Azərbaycan reallığında prokurorluq cinayət haqqında KİV-də yayılan, hətta KİV rəhbəri tərəfindən rəsmi müraciət formasında prokurorluğa ötürülən məlumatlara ya ümumiyyətlə baxmır, yaxud da gec baxır. Gecikmə isə cinayəti törədən şəxsə cinayəti ört-basdır etmək, faktları saxtalaşdırmaq, özünə “alibi” təşkil etmək, ən nəhayət, qaçıb xarici ölkədə gizlənmək, daha ağır cinayət törətmək üçün vaxt və fürsət verə bilər.
Sadiq oxucularımız ötən həftə saytımızda dərc olunmuş “Xocavənd icra hakimiyyəti və KTN 57 gün erməni əsirliyində qalan ll qrup Qarabağ əlilinin haqqını yeyir…” sərlövhəli birinci, sonra isə “KTN-nin Dövlət Aqrar İnkişaf Mərkəzinin Xocavənd idarəsinin direktoru rüşvət aldığını və seyfdə saxladığını gizlətmir” başlıqlı ifşaedici səs yazısı ilə müşayiət olunan məqalələri xatırlayarlar.
Həmin yazılarda söhbət l -ci Qarabağ müharibəsi zamanı düşmən tərəfindən əsir götürülərək 57 gün erməni girov saxlanılmış, bu müddət ərzində dəhşətli işgəncələr yaşamış, Xocavənd rayon Qaradağlı kənd sakini, ll-ci qrup Qarabağ əlili Şirinov Elşən Elman oğlunun indi də Xocavənd rayonunun bir qrup yerli məmurları tərəfindən üzləşdiyi haqsızlıqlardan və süründürməçilikdən gedirdi.

Elşən Şirinov üzləşdiyi problemlərdən dolayı onu süründürməçiliyə salan, haqqını mənimsəyən Kənd Təsərrüfatı Nazirliyinin Xocavənd rayon Dövlət Aqrar İnkişaf Mərkəzinin (DAİM) direktoru Rafael Mustafayevlə aralarında baş verən mübahisəni əks etdirən səs yazısını da redaksiyamıza təqdim etmiş, biz də öz növbəmizdə ictimailəşdirmişdik. Artıq həmin səs yazısı ilə həm oxucularımız, həm də aidiyyəti üzrə səlahiyyətli şəxslər tanışdırlar.
Qeyd edək ki, Elşən Şirinova Xocavənd rayon İcra Hakimiyyətinin başçısının 14 avqust 2014-cü il tarixli, 56 nömərli Sərancamına əsasən kənd təsərrüfatı məhsullarının istehsalı ilə məşğul olmaq üçün Xocavənd rayon Ağburun kəndi ərazisindən icarə yolu ilə 100 (bir yüz) hektar torpaq səhəsi ayrılaraq, 15 (on beş) il müddətində istifadəsinə verilmişdir. Həmçini, icarəyə verilmiş torpaq sahəsinin yerquruluşu planı da, Dövlət Torpaq və Xəritəçəkmə Komitəsinin Xocavənd rayon şöbəsi tərəfindən də hazırlanmış və təsdiq edilmişdir.
Xocavənd rayon İHB-nın 14.08.2014-cü il tarixli, 56 saylı sərəncamına əsasən bağlanmış 15.08.2014-cü il tarixli 10 saylı icarə müqaviləsinə əsasən, Şirinov Elşən Elman oğlu Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin 6 saylı Ərazi İdarəsi tərəfindən də həmin torpaq sahəsi üzərində mülkiyyət hüququnu təsdiq edən çıxarış əldə etmişdir. Son 2 ilə qədər Elşən Şirinov dövlətin əkin üçün ayırdığı subsidiyalardan yararlansa da, artıq 2 ildir ki, subsidiyaları ala bilmir. Daha doğrusu, KTN -nin Dövlət Aqrar İnkişaf Mərkəzinin direktoru Rafael Mustafayev ondan 5000 (beş min) manat rüşvət istəyir. O da tələb olunan rüşvəti vermədiyi üçün subsidiyadan məhrum edilib.
Elşən Şirinov həmçinin iddia edir ki, onun 100 hektar əkin sahəsinin Xocavənd Rayon İcra Hakimiyyətinin başçısı Eyvaz Hüseynov zəbt edib əkdirib. Torpaq sahələrinin koordinatları üst-üstə düşdüyü üçün R.Mustafayev “mübahisəli yerdir, ölçdürüb qanuni sənəd gətirin” deyir.
Elşən Şirinov haqlı olaraq sual verir ki, “necə olur, başçının, DAİM direktorunun, onların övladlarının yüzlərlə hektar torpaq sahələri mübahisəli olmur, amma zəhmətkeşlərin torpaqları “mübahisəli” olur?”
Məqalələrimizdə məsələ ilə bağlı qarşı tərəfin mövqeyini dinləməyə və dərc etməyə hazır olduğumuzu bildirmişdik. Amma nədənsə qarşı tərəfin də, prokurorluğun da reaksiyası ləngiyir.

P.S. Qeyd edək ki, Rafael Mustafayevin nazirlikdəki yüksək postda əyləşən adamı, əslində “qoruyucu mələyi” Rafail Quliyevd olduğu bildirilir. Vurğulanır ki, indiyə qədər Rafael Müstafayevin bütün qanunsuz əməllərini ört-basdır edən şəxs məhz adaşı R. Quliyev olub. urğulayaq ki, son günlərə qədər R. Quliyev Kənd Təsərrüfatı Nazirliyinin aparat rəhbəri vəzifəsində çalışıb. O, bir neçə gün əvvəl nazir Məcnun Məmmədovun əmri ilə vəzifəsindən azad edilərək, Aqrar Xidmətlər Agentliyinin sədr müavini təyin edilib.

Ramin Məhəmmədoğlu
RealMedia.az

Saatlı rayonu, Babək küçəsi, ev 64-də yaşayan Mirzəyev Sabit Abbas oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi çarəsiz vəziyyətdə olduğunu və xəstə atasına yardım edə bilmədiyini bildirir:

"Mən, Mirzəyev Sabit Abbas oğlu, yazaraq sizdən xəstə atam Mirzəyev Abbas Bahadır oğlu üçün kömək istəyirəm. Bizim bu çarəsizliyimizə dövlət qurumları göz yumur. Xahiş edirəm, problemimizi işıqlandırın.

Məlumat üçün bildirim ki, atam Abbas 14 ildir xəstədir. Həkimlərin qoyduğu diaqnoza əsasən, ikitərəfli infakt, əsəb pozğunluğu, sol ayağında hissiyatsızlıq, sağ qolunuda əməliyyat zamanı inkişafdan dəyanma var. Həmçinin, başından da əməliyyat olub.

Xəstəlik sənədlərini 1aydır ki, Sabirabad xəstəxnasına vermişik. “Komissiyadan keçən kimi sizə məlumat veriləcək”, - dedilər, amma hələ xəbər yoxdur. Nə sənədləri geri verirlər, nə də əlilik verilir.

Ailədə 7 nəfərik, yaşayış yerimiz yaxşı deyil. Bunlar bir yana, gözümün qabağında günü-gündən əriyən atamın iynə-dərmanlarını almaqdan əziyyət çəkirəm. Maddi problemlərim çoxdur, təkcə aptekə 2500 manat borcum var. Atam yer xəstəsidir, bir istəkan suyu da özü içə bilmir. Belə xəstəyə sosial müavinat vermirlər, “düşmür” deyirlər.

2 il bundan qabaq həkim gətirdik, dedi ki, vaxtına az qalıb, nə hörmətiniz var edin. Özü çox əziyyət çəkir bu vəziyyətdə. Mən övlad olaraq ona borcumu maddi sıxıntıma görə ödəyə bilmirəm.

Sizin sayt vasitəsilə cənab Prezidentə və Birinci vitse-prezidentə müraciət edirəm. Yataq xəstəsi olan insana əlillik və penisya verilmirsə, bəs kimə düşür?

Xəstəxanalar od qiymətinədir, sığorta ilə xəstəyə demək olar ki, baxılmır. Dövlət tərəfindən də dərman vermirlər ki, əlilliyi yoxdur.

Cənab Prezident, xahiş edirəm tapşırıq verin, evə nümayəndə gəlib yoxlanış keçirilsin. Əgər bu xəstə özünü idarə edə bilirsə, mən razıyam, Sahil Babayev məni məhkəməyə versin”.

Məsələ ilə bağlı Dövlət Tibbi Sosial Ekspertiza və Reabilitasiya Agentliyinin İctimaiyyətlə əlaqələr şöbəsinin müdiri Tural Qurbanovla əlaqə saxladıq. Onun sözlərindən məlum oldu ki, Mirzəyev Abbas Bahadır oğlunun tibb müəssisəsi tərəfindən “Forma-88” sənədi 20.06.2023-cü il tarixdə, yəni dünən rəsmiləşdirilib və əlillik altsisteminə daxil edilib.

“15 iş günü ərzində elektron sistem üzərindən qiymətləndirilmə yekunlaşdıqdan sonra vətəndaşın sistemdə qeyd olunan əlaqə nömrəsinə yekun məlumat göndəriləcək”, - deyə, o bildirdi.

Lənkəran Ağır Cinayətlər Məhkəməsi narkobaronun sifarişini yerinə yetirəcəkmi..?
Xeyli vaxtdır ki, Azərbaycanda ən qalmaqallı, səs-küylü məhkəmə prosesi gedir və bütün ölkə mediası, eyni zamanda cəmiyyətimiz bu prosesin necə bitəcəyini səbrsizliklə gözləyir. Ulu Öndər əbəs yerə demirdi: “Dövlət iki şeydən sarsıla bilər: günahkar cəzasız qalanda və günahsıza cəza veriləndə”. Yəni söhbət kiminsə rüşvət almasından-filandan getmir, dövlətin sarsılmasından gedir. Müzəffər Prezidentimiz cənab İlham Əliyev isə Ali Məhkəmənin yeni binasının açılışında demişdir: “Bura ƏDALƏT sarayı olmalıdır”. Ədələtsizlik gec-tez cəmiyyəti məhvə doğru aparar.
Sözün qısası, Şirvan Apellyasiya Məhkəməsində baş verənlər heç bir məntiqə, qanuna sığmır. Xatırlatma üçün qeyd edək ki, bir müddət əvvəl Şirvan regionunda özünü müxalifətçi, blogger adlandıran, əslində regionda narkoticarətin başında dayanan İqbal Mikayılov və onun sürücüsü, sağ əli olan, narkotik şəbəkəsinin rəhbərləri ilə əlaqəli olan, narkotacirlər arasında kod adı "BNT" kimi tanınan Samir Qasımov Şirvan rayon polis əməkdaşlarının fədəkarlığı, cəsarəti nəticəsində həbs edilir. Və qısa vaxt sonra azadlığa buraxılırlar. Bu barədə biraz sonra.
Məlumdur ki, bütün dünya əsrin bəlası olan, “ağ ölümlə”, narkomaniya ilə, narkoticarətlə mübarizəyə qalxıb, hər gün tonlarla narkotik maddələr aşkar olunur...hər gün dəstə-dəstə narkotacirlər həbs olunur. Bu işdə Azərbaycanın güc nazirlikləri, Daxili İşlər Nazirliyi, Dövlət Təhükəsizlik Xidməti bütün gücü ilə mübarizə aparır. Amma... Şirvan Apellyasiya Məhkəməsinin sədri Vəli Abdullayevin göstərişi ilə hakim İsmayıl Əhmədov məşhur narkotacirləri açıb azadlığa, ev dustaqlığına buraxır.
Yuxarıda qeyd etdiyimiz kimi uzun illər Şirvan regionunda nakotik maddələrin satışına nəzarət edən, məşhur narkotacirlər İqbal Mikayılovu, Samir Qasımovu Şirvan Polis İdarəsinin əməkdaşları min bir əziyyətlə həbs edir, onların barələrində məhkəmənin qərarı ilə həbs qətimkan tədbiri seçilir, onlara Cinayət Məcəlləsinin ən ağır maddəsi ilə, ( CM 234.4.3 ) ilə cinayət işi açılır, istintaq-filan, sonda Şirvan Apellyasiya Məhkəməsi hər ikisini azadlığa, ev dustaqlığına buraxaraq, narkotik satışını davam etdirmələrinə şərait yaradır.
Təsəvvür edirsiniz, Azərbaycan Respublikasının Cinayət Məcəlləsinin 26-cı fəsilində NARKOTİK VASİTƏLƏRİN VƏ PSİXOTROP MADDƏLƏRİN QANUNSUZ DÖVRİYYƏSİ İLƏ ƏLAQƏDAR CİNAYƏTLƏR hissəsində qeyd olunub. Maddə 234. Qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma cinayətinə görə, əmlakı müsadirə olunmaqla 5 ildən 12 ilədək müddətə azadlıqdan məhrum etmə ilə cəzalandırılır.
Bəli, Şirvan Apellyasiya Məhkəməsinin sədri Vəli Abdullayevin göstərişi ilə hakim İsmayıl Əhmədov hər iki narkotaciri açıb azadlığa, ev dustaqlığına buraxır. Bu olay məhkəmə-hüquq sistemi tarixində analoqu olmayan haldır. Ən dəhşətlisi odur ki, bu məsələdə Şirvan şəhər prokurorluğunun nümayəndəsi, dövlət ittihamçısı da susur. Bütün bu baş verənlər ölkə mediasında, sosial şəbəkələrdə yayılır və cəmiyyətimiz haqlı olaraq düşünür ki, bu dərəcədə ədalətsizlik, qanunsuzluq ola bilərmi..? Yəni dövlətin və millətin mənafeyini iki narkotacirin marağına qurban verirlər. Tam məsuliyyətlə demək olar ki, bu dövləti cinayətdir, adi cinayət işi deyil. Burada bir həssas məqam da var. Vəli Abdullayev əslində Azərbaycan polisinin nüfuzuna zərbə vurur və hamı düşünür ki, polis həbs elədi, amma məhkəmə sədri Vəli Abdullayev açıb buraxdı. Başqa bir həssas məqam odur ki, bu olay digər narkotacirlərə də “güc-qüvvət” verir, onlar da İqbalın və Vəli Abdullayevin vasitəsilə azadlıqda qalacaqlarını düşünürlər. Yəni bir məhkəmə qərarı az qala ölkəni silkələyəcək qədər dəhşətlidir. Bu məsələyə ölkənin bütün ziyalıları, ictimai xadimlər, deputatlar münasibət bildirməlidir.
Sözün qısası, Şirvan Apellyasiya Məhkəməsinin “bədnam” qərarına yaxın zamanda Lənkəran Ağır Cinayətlər Məhkəməsində baxılacaq. Məlumat üçün qeyd edək ki, Şirvan Apellyasiya Məhkəməsi Lənkəran Ağır Cinayətlər Məhkəməsinin yurisdiksiyasına daxildir.
Bəli, məlumata görə, narkobaron Samir Qasımovla bağlı cinayət işinə Lənkəran Ağır Cinayətlər Məhkəməsinin hakimi Nahid Hüseynovun sədrliyi ilə baxılır.
Təsəvvür edirsiniz, Cinayət Məcəlləsinin ən ağır maddəsi ( CM 234.4.3 ) ilə cinayət işi açılan şəxs azadlıqda gəzir. Təkcə azadlıqda gəzmir ee... Şahidlərin dediyinə görə, Samir Qasımov məhkəməyə ağ kostymda, narıncı qalstukda gətirilir, sanki karol-zaddır. Və İqbal Mikayılov hər yerdə deyir ki, 50 min vermişəm, Samirə məhkəmə bəraət verəcək. İqbal Mikayılov təkcə bunu deməklə kifayətlənmir, özünün xaricdəki müxalifətçi dostları vasitəsilə bloggerlərə saxta informasiyalar ötürür, məhkəməyə, hüquq-mühafizə orqanlarına təzyiq etmək istəyir. İqbal Mikaylov Vəli Abdullayevin qərarını təsdiqlətdirmək, hətta Samirə bəraət almaq üçün Lənkəran Ağır Cinayətlər Məhkəməsindəki hakim dostu Nizami Fərzi oğlu Quliyevin imkanlarından da istifadə edir. Biz hakim Nizami Quliyevə deyirik ki, oğlun hərbi xidmətdə olarkən etdiyi rüsvayçı əməlləri gözün önünə gətir. Sonda Samir Qasımovun məhkəmə prosesinə sədrlik edən hakim Nahid Nəsir oğlu Hüseynovun və bu işdə “rol oynamaq” istəyən Nizami Quliyevin həyat yollarını oxuculara təqdim edirik. Qoy, bütün ölkə onları tanısın. Nahid Hüseynov: 2012 – 2014 Müdafiə Nazirliyinin Hüquq İdarəsinin 6-cı təhqiqat bölməsində təhqiqatçı, ədliyyə leytenantı 2014 – 2016 Şirvan Apellyasiya Məhkəməsində hakim köməkçisi 2016 – 2019 Qusar rayon prokurorluğunda müstəntiq 2019 – 2020 İmişli rayon prokurorluğunda böyük müstəntiq 2020 – 2022 Azərbaycan Respublikası Baş prokuroru yanında Korrupsiyaya qarşı Mübarizə Baş İdarəsinin İstintaq İdarəsində mühüm işlər üzrə müstəntiq 2022 - h/h Lənkəran Ağır Cinayətlər Məhkəməsinin hakimi Nizami Quliyev 1982 – 1990 Cəlilabad Rayon Məhkəməsində iclas katibi, məhkəmə icraçısı, məhkəmə iclas katibi 1990 – 1997 Kəlbəcər Rayon Məhkəməsində hakim 1997 – 2000 Saatlı və Cəbrayıl rayon məhkəmələrində hakim 2000 – 2007 Salyan Rayon Məhkəməsinin sədri 2007 – 2012 Bərdə Rayon Məhkəməsinin sədri 2012 - h/h Lənkəran Ağır Cinayətlər Məhkəməsinin hakimi.
Bəli, bütün sadaladıqlarımızı biz oxuculara təqdim etdik. Bu yazının geniş şərhini isə yaxın günlərdə verəcəyik. //gundelik-baku.com//

Sosial şəbəkələrin, dövri mətbuatın problemlərin həll olunmasında ciddi və effektiv təsirə malik olduğu bir dövrdə insanlar tərəfindən cinayətin əlamətlərini əks etdirən məlumatların hüquq-mühafizə orqanlarına göndərməzdən əvvəl kütləvi informasiya vasitələrinə (KİV) göndərilməsi hallarına tez-tez rast gəlinir. KİV-lərin cəmiyyətdə təsirinin artması ilə əlaqədar, yayılan məlumatlara cinayətkarlıqla mübarizədə istinad olunması praktikada artıq geniş yayılmşdır.
Təcrübədə bəzən cinayətin baş vermə halları və ya cinayətə hazırlıq hərəkətləri kimi faktlar KİV əməkdaşlarının peşə fəaliyyəti ilə əlaqədar bilavasitə onlar tərəfindən aşkar edilir, bəzən isə, həmin faktlar foto və ya video çəkiliş, səs yazısı və s. vasitələrlə maddi daşıyıcılarda əks olunur.
Cinayət prosessual hüququndan məlum olduğu kimi, cinayət təqibi üzrə icraatın açılması, cinayət işinin başlanılması üçün müvafiq səbəb və əsaslar olmalıdır. Azərbaycan Respublikasının Cinayət Prosessual Məcəlləsinin 209-cu maddəsinə görə, qanunda nəzərdə tutulmuş səbəblər və əsaslar olduğu bütün hallarda təhqiqatçı, müstəntiq və ya ibtidai araşdırmaya prosessual rəhbərliyi həyata keçirən prokuror dərhal cinayət işi başlamalıdır. Cinayət işinin başlanması üçün səbəblər dedikdə, səlahiyyətli dövlət orqanlarının cinayətin edilməsi haqqında aldıqları qanunla müəyyən edilmiş məlumat mənbələri, əsaslar dedikdə isə, cinayətinm əlamətlərinin mövcud olmasını göstərən faktiki məlumatlar başa düşülür. Cinayət işinin başlnaması üçün səbəb kimi törədilmiş və ya hazırlanan cinayət haqqında fiziki şəxs tərəfindən verilən ərizə, hüquqi şəxsin (vəzifəli şəxsin) və ya KİV məlumatları, yaxud bu məlumatların təhqiqatçı, müstəntiq və ya prokuror tərəfindən bilavasitə aşkar edilməsi ola bilər.

(Rafael Mustafayevin vətəndaşdan rüşvət aldığını əks etdirən səs yazısı)
“Prokurorluq haqqında” Azərbaycan Respublikası Qanunuun 20-ci maddəsində göstərilir ki, prokurorluqda cinayət barədə ərizə, şikayət və məlumatlara təxirəsalınmadan baxılır. Lakin Azərbaycan reallığında prokurorluq cinayət haqqında KİV-də yayılan, hətta KİV rəhbəri tərəfindən rəsmi müraciət formasında prokurorluğa ötürülən məlumatlara ya ümumiyyətlə baxmır, yaxud da gec baxır. Gecikmə isə cinayəti törədən şəxsə cinayəti ört-basdır etmək, faktları saxtalaşdırmaq, özünə “alibi” təşkil etmək, ən nəhayət, qaçıb xarici ölkədə gizlənmək, daha ağır cinayət törətmək üçün vaxt və fürsət verə bilər.
Sadiq oxucularımız ötən həftə saytımızda dərc olunmuş “Xocavənd icra hakimiyyəti və KTN 57 gün erməni əsirliyində qalan ll qrup Qarabağ əlilinin haqqını yeyir…” sərlövhəli birinci, sonra isə “KTN-nin Dövlət Aqrar İnkişaf Mərkəzinin Xocavənd idarəsinin direktoru rüşvət aldığını və seyfdə saxladığını gizlətmir” başlıqlı ifşaedici səs yazısı ilə müşayiət olunan məqalələri xatırlayarlar.
Həmin yazılarda söhbət l -ci Qarabağ müharibəsi zamanı düşmən tərəfindən əsir götürülərək 57 gün erməni girov saxlanılmış, bu müddət ərzində dəhşətli işgəncələr yaşamış, Xocavənd rayon Qaradağlı kənd sakini, ll-ci qrup Qarabağ əlili Şirinov Elşən Elman oğlunun indi də Xocavənd rayonunun bir qrup yerli məmurları tərəfindən üzləşdiyi haqsızlıqlardan və süründürməçilikdən gedirdi.

Elşən Şirinov üzləşdiyi problemlərdən dolayı onu süründürməçiliyə salan, haqqını mənimsəyən Kənd Təsərrüfatı Nazirliyinin Xocavənd rayon Dövlət Aqrar İnkişaf Mərkəzinin (DAİM) direktoru Rafael Mustafayevlə aralarında baş verən mübahisəni əks etdirən səs yazısını da redaksiyamıza təqdim etmiş, biz də öz növbəmizdə ictimailəşdirmişdik. Artıq həmin səs yazısı ilə həm oxucularımız, həm də aidiyyəti üzrə səlahiyyətli şəxslər tanışdırlar.
Qeyd edək ki, Elşən Şirinova Xocavənd rayon İcra Hakimiyyətinin başçısının 14 avqust 2014-cü il tarixli, 56 nömərli Sərancamına əsasən kənd təsərrüfatı məhsullarının istehsalı ilə məşğul olmaq üçün Xocavənd rayon Ağburun kəndi ərazisindən icarə yolu ilə 100 (bir yüz) hektar torpaq səhəsi ayrılaraq, 15 (on beş) il müddətində istifadəsinə verilmişdir. Həmçini, icarəyə verilmiş torpaq sahəsinin yerquruluşu planı da, Dövlət Torpaq və Xəritəçəkmə Komitəsinin Xocavənd rayon şöbəsi tərəfindən də hazırlanmış və təsdiq edilmişdir.
Xocavənd rayon İHB-nın 14.08.2014-cü il tarixli, 56 saylı sərəncamına əsasən bağlanmış 15.08.2014-cü il tarixli 10 saylı icarə müqaviləsinə əsasən, Şirinov Elşən Elman oğlu Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin 6 saylı Ərazi İdarəsi tərəfindən də həmin torpaq sahəsi üzərində mülkiyyət hüququnu təsdiq edən çıxarış əldə etmişdir. Son 2 ilə qədər Elşən Şirinov dövlətin əkin üçün ayırdığı subsidiyalardan yararlansa da, artıq 2 ildir ki, subsidiyaları ala bilmir. Daha doğrusu, KTN -nin Dövlət Aqrar İnkişaf Mərkəzinin direktoru Rafael Mustafayev ondan 5000 (beş min) manat rüşvət istəyir. O da tələb olunan rüşvəti vermədiyi üçün subsidiyadan məhrum edilib.
Elşən Şirinov həmçinin iddia edir ki, onun 100 hektar əkin sahəsinin Xocavənd Rayon İcra Hakimiyyətinin başçısı Eyvaz Hüseynov zəbt edib əkdirib. Torpaq sahələrinin koordinatları üst-üstə düşdüyü üçün R.Mustafayev “mübahisəli yerdir, ölçdürüb qanuni sənəd gətirin” deyir.
Elşən Şirinov haqlı olaraq sual verir ki, “necə olur, başçının, DAİM direktorunun, onların övladlarının yüzlərlə hektar torpaq sahələri mübahisəli olmur, amma zəhmətkeşlərin torpaqları “mübahisəli” olur?”
Məqalələrimizdə məsələ ilə bağlı qarşı tərəfin mövqeyini dinləməyə və dərc etməyə hazır olduğumuzu bildirmişdik. Amma nədənsə qarşı tərəfin də, prokurorluğun da reaksiyası ləngiyir.

P.S. Qeyd edək ki, Rafael Mustafayevin nazirlikdəki yüksək postda əyləşən adamı, əslində “qoruyucu mələyi” Rafail Quliyevd olduğu bildirilir. Vurğulanır ki, indiyə qədər Rafael Müstafayevin bütün qanunsuz əməllərini ört-basdır edən şəxs məhz adaşı R. Quliyev olub. urğulayaq ki, son günlərə qədər R. Quliyev Kənd Təsərrüfatı Nazirliyinin aparat rəhbəri vəzifəsində çalışıb. O, bir neçə gün əvvəl nazir Məcnun Məmmədovun əmri ilə vəzifəsindən azad edilərək, Aqrar Xidmətlər Agentliyinin sədr müavini təyin edilib.

Ramin Məhəmmədoğlu
RealMedia.az -ın baş redaktoru

Bu qanunsuzluqları Səttar Möhbalıyev görmür ?
Milli Məclisin sədr müavini, Vətəndaş Həmrəyliyi Partiyasının sədr müavini Fəzail İbrahimlinin qardaşı, Rövşən İbrahimli ilə bağlı yazıya keçməzdən öncə vitse-spikerin barəsində ölkə mediasında yayılan xəbərlərə nəzər salaq. Yayılan xəbərlərdən bəlli olur ki, Fəzail İbrahimlinin FHN-də yüksək vəzifə tutan oğlu Tural İbrahimli 100 min dollar dəyəri olan avtomobili ilə vətəndaşı vuraraq xəsarət yetirib.
Mediada Tural İbrahimlinin zəngin həyat tərzindən bəhs edilir. İstər-istəməz sual doğur ki, bu cavan oğlanda bu qədər pul haradandır..?
Vitse-spiker Fəzail İbrahimli dəfələrlə parlamentdə çıxışı zamanı məmurları tənqid edən jurnalistlərin susdurulmasını tələb edib. Jurnalistlər haqlı olaraq soruşur ki, görəsən Fəzail İbrahimlinin oğlunun 100 min dollarlıq avtomobilinin mənbəyini soruşmaq nə vaxtdan qanunsuz hesab olunur..?
Sözün qısası, Milli Məclisin sədr müavini Fəzail İbrahimli ilə bağlı mediada yayılan köhnə xəbərlərdən sonra onun qardaşı Rövşən İbrahimli ilə bağlı yeni xəbərə keçək. Bir neçə saat öncə redaksiyamıza daxil olan məlumata görə, Azərbaycan Təhsil İşçiləri Həmkarlar İttifaqının Yasamal rayon təşkilatının yeni sədri Rövşən İbrahimli vitse-spikerin qardaşıdır. Məsələyə aydınlıq gətirmək üçün qurumun https://yasamal.atiahi.org/ saytına daxil olduq.
Təsəvvür edirsiniz, saytın SEÇKİLİ ORQANLAR bölümündə KOMİTƏ ÜZVLƏRİ, RƏYASƏT HEYƏTİNİN ÜZVLƏRİ, TƏFTİŞ KOMİSSİYASININ ÜZVLƏRİ siyahısında bir nəfərin adına rast gəlmədik. Görəsən bu necə qurumdur, bunun saytı nəyə lazımdır..?
Sözün qısası, daxil olan məlumatdan bəlli olur ki, Azərbaycan Təhsil İşçiləri Həmkarlar İttifaqının Yasamal rayon təşkilatının sabiq sədri Elçin Həmidov bir müddət əvvəl dünyasını dəyişib. Kollektivin yüksək dəyər verdiyi mərhum Elçin Həmidovun dəfnindən bir müddət sonra onun kabinetində Fəzail İbrahimlinin qardaşı Rövşən İbrahimli gəlib oturub. Kollektivin üzvləri deyir ki, məlum olduğu kimi Azərbaycan Təhsil İşçiləri Həmkarlar İttifaqının və rayon təşkilatlarının üzvləri, sədrləri seçki yolu ilə müəyyən olunur. Bəs görəsən, heç bir seçki olmadan Rövşən İbrahimli necə Yasamal rayon təşkilatının sədri ola bilərdi..?
Söhbət təkcə rayon təşkilatının sədrindən getmir, yuxarıda qeyd etdiyimiz kimi, həm KOMİTƏ ÜZVLƏRİ, həm RƏYASƏT HEYƏTİNİN ÜZVLƏRİ, həm də TƏFTİŞ KOMİSSİYASININ ÜZVLƏRİ kollektiv tərəfindən seçki yolu ilə müəyyən olunmalıdır. Təəssüf ki, bütün bu prosedur qaydaları olmadan, Rövşən İbrahimli hazıra-nazir kimi gəlib oturub sədrin kabinetində. Görünür qardaşı Fəzail İbrahimliyə arxayın olan Rövşən İbrahimli üçün heç bir qanun-qayda, prosedur-zad yoxdur. Adam istəyir ki, Fəzail müəllimdən soruşsun ki, ay professor, bəs hər yerdə seçkidən-zaddan danışırsan..?
Daxil olan məlumatdan o da bəlli olur ki, Rövşən İbrahimli Yasamal rayonundakı 53 saylı məktəbin arxasındakı kabinetdə oturur... Görəsən bütün bu baş verən qanunsuzluqlara Azərbaycan Həmkarlar İttifaqları Konfederasiyasının sədri, Azərbaycan Respublikası Milli Məclisinin deputatı, Fəzail İbrahimlinin deputat həmkarı Səttar Möhbalıyevin münasibəti necədir..?
Yasamal təşkilatının üzvləri Səttar Möhbalıyevdən xahiş edir ki, qurumun rəhbər heyəti seçki yolu ilə müəyyən olunsun.
Təsəvvür edirsiniz, uzun gərgin əmək fəaliyyətindən sonra Yasamal rayonundakı 7000-ə yaxın təhsil işçisi həmkarlar hesabına istirahət etmək, müalicə olunmaq üçün putyovkalar gözləyir. Rövşən İbrahimlinin başı isə nəyə qarışıb bilən yoxdur... Daha doğrusu, Rövşən İbrahimlinin başı qarışıb axşamlar restoranlarda yeyib-içməyə, müxalifət qəzetlərini maliyyələşdirməyə və daha nələrə...
Bəli, bir zamanlar Əlikram Hümbətovların, Cəmil Həsənlilərin ətrafında dolananlar bu gün Həmkarlar Konfederasiyasında lövbər salıb. Amma bilmirlər ki, yerində qulağı var. Atdıqları hər bir addım dövlətimiz tərəfindən araşdırılır. Biz bütün məsələlərin araşdırılması üçün əlimizdən gələni edəcəyik. Mövzu fikirləşdiyimizdən də çox maraqlı olduğu üçün araşdırmalarımız davam edir.
Bizi izləyin. Qarşı tərəfin mövqeyini dərc etməyə hazırıq.
gundelik baki.com
Teref.az olaraq məqalədə qaldırılan iddialarla bağlı qarşı tərəfin mövqeyini dərc etməyə hazırıq!
Teref.az