Son illər ərzində apardığımız sorğunun nəticələrinə əsasəsən ən çox narazılıqlar bölgələrdəndir desək, yanılmarıq. Rayon və şəhərlər arasında Bərdə şəhərinin xüsusi ilə adı hallandğı heç kimə sirr deyil. Əlbətdə ki, narazılıqlara şərait yaradan məmurların bir qismi yerli icra hakimiyyətində çalışan başçının müavinləri və digər sahənin rəhbər şəxsləridir.
Gundemxeber.az dosye.org-a istinadla xəbər verir ki, adı hallanan Bərdə rayonu konkret İcra Başçının müavini – Sosial-iqtisadi inkişafın təhlili və proqnozlaşdırılması şöbəsinin müdiri İlham Məmmədov üçün sanki gəlirli bir ticarət obiyektidir. Onu da nəzərinizə çatdıraq ki, ölkə mətbuatı bu şəxs haqqında kifayət qədər dəlil və sübütlar ictimayətə təqdim etməklə bir növ məmur fironluğunu ifşa edib. Üzün illər müavin vəzifəsini zəbt edən İ. Məmmədov öz gəlir mənbəyini artırmaqla sahibkara çevrilib.
Qanunla nəzərdə tutulan dövlət məmuru heç bir halda sahibkarlıqla və bizneslə məşğul ola bilməz. Lakin İ. Məmmədov dövlətin qanunlarını saya almır, eyni zamanda çəkinmədən dövlət vəsaitlərini aidiyyəti üzrə deyil, öz istədiyi formada xərcləyir. Sadaladıqlarımız ciddi nöqsanlara şərait yaradan şəxs isə Bərdə Rayon İcra Hakimiyyəti (RİH) başçısı Vidadi İsayevdir. Çünki, icra başçının məlumatı olmadan digər məmurlar bilə-bilə öz həyatlarını risk altına atmazlar.
Digər tərəfdən bütün mənimsəmə və korrupsiya hallarına rəvac verən və bu istiqamətdə planlar cızan şəxs Vidadi İsayevin olduğu məlumdur. Məhz onun “dabrosundan” sonra müavinlər dövlət vəsaitlərini öz aralarında bölür. Bundan sonra İlham Məmmədov və digər məmurlar fürsətdən lazımı qaydada istifadə edir. Əgər, doğrudan da V. İsayev iddialarımızı qəbul etmirsə, deməli cənab prezident İlham Əliyevin etimadını doğrultmur və sui istifadə hallarına yol verir. Yox, əgər həqiqətəndə qəbul edirsə, deməli oliqarxa çevrilən İ. Məmmədova dövlət vəsaitlərini mənimsəmə üçün şərait yaradır.

Müavinlər arasında ən zəngin ad qazanan İ. Məmmədov çox istərdik ki, ölkə mətbuatına deklarasiya təqdim etsin. Aldığı əmək haqqı ilə sahib olduğu mülklər arasında nə kimi fərqin olduğunu aidiyyətli dövlət qurumları daha aydın şəkildə görə biləcək. Cənab prezidentin min əzab-əziyyətlə formalaşdırdığı dövlət büdcəsi bir ovuc məmurlar tərəfindən tarimar edilir. Ümüd edək ki, Bərdə İcra Başçının müavini – Sosial-iqtisadi inkişafın təhlili və proqnozlaşdırılması şöbəsinin müdiri İlham Məmmədov dövlətimizə vurduğu zərərə görə cavab verməli olacaq. İnanaq ki, ömrünün belə bir çağında nə İlham Məmmədov, nə də ki, Bərdənin “firon” rəhbəri Vidadi İsayev, Qoca Səmədov, Alimpaşa Məmmədov və digər məhbus həyatı yaşayan məmurlar kimi dəmir barmaqlar arasında sorğu-suala çəkilməyəcək. Dövlət başçısına və dövlətimizə kələk gələn məmurların aqibəti göz önündədir…Araşdırmalarımız davam edir…Məqalədə adı hallanan şəxslərin mövqeyini dərc etməyə hazırıq.
Gundemxeber.az

Xatırladaq ki, bir neçə il bundan əvvəl aktualxeber.az saytında “Kollec direktoru təhsil ocağını bazara çevirib” və “Kollecdə direktorun müəllimə bacısının şok əməlləri” başlıqlı məqalələr dərc etmişdik. Həmin yazılarda BDU-nun nəzdindəki Bakı İqtisadiyyat və Humanitar Kollecinin o zamankı direktoru Rüxsarə Əliyevan təhsil ocağını rüşvət yuvasına çevirməkdə ittiham edilirdi. O zaman R.Əliyevanın tələbələrdən müxtəlif adlar altında pul toplanması adi hal almışdı. Bundan əlavə, kollecdə “ölü ştatlar” var idi. R.Əliyevanın qohum-əqrəbasının, dost-tanışının bir çoxunun adı kollecdə gedirdi. Hər ay onlar üçün dövlət büdcəsindən maaş ödənilir və kollecdə bu şəxsləri tanımırdılar. Kollec direktoru tələbələrdən alınan pulları bacısının əliylə toplayırdı. Təsəvvür edin ki, bir vaxtlar direktor süpürgəçi Fazilə xanımın maaşını belə mənimsəyibmiş. Pul yığımı kompaniyası o qədər geniş vüsət almışdı ki, bu proseslərə tədris hissə işləri üzrə direktor müavini İradə xanım, Həmkarlar İttifaqının sədri Tamara Rüstəmova da cəlb olunmuşdular. Kollecdə baş verənləri tam nəzarətdə saxlamaq üçün R.Əliyeva daha da irəli gedərək bacısı Sədaqəti və qardaşı Elxanı ümumi nəzarət üçün yanına gətiribmiş. Direktorun qardaşı Elxan kadrlar və mühasibatlıq şöbəsinin işinə nəzarəti tam əlinə götürübmüş. Sədaqət xanım isə pul yığımı kompaniyasında həm iştirak edir, həm də ümumi prosseslərə nəzarət edir. Onun bir neçə adamdan iş düzəltmək və s. işlər adı altında böyük məbləğlər aldığı üçün polisə düşdüyü də deyilirdi. Diqqət cəlb edən məqamlardan biri də kollec direktoru Rüxsarə Əliyevanın ad günü münasibətilə müəllimlərdən pul toplaması idi ki, bu ənənə bu gün də davam edir.

Belə ki, Rüxsarə Əliyevanın işdən azad olunmasından sonra, yəni 2021-ci ildən Bakı Dövlət Universitetinin nəzdində İqtisadiyyat və Humanitar Kollecinin direktoru olan Səhər Orucovanın 12 noyabrda ad günü olacaq. Yeni direktor da köhnə ənənəni pozmayaraq müəllimlərə və şöbə müdirlərinə tapşırıb ki, ad gününə ancaq qızıl alsalar hədiyyə kimi qəbul edə bilər. Bundan əlavə yeni direktor pul yığmağın da təzə üsullarını icad edibdi. Məsələn zəif oxuyan tələbələri özünə məxsus kursda ödənişli əsaslarla, hər fənndən 60 manat olmaqla oxumağa məcbur etdirir. Ora adı düşməyənlərin isə qiymət almaları müşkülə çevrilir. Ona görə də tələbələr məcburən kursa yazılmalı olurlar. Pul yığanların isə sadəcə adları dəyişibdi. S.Orucovanın özü ilə BDU-dan gətirdiyi Günay və Gülnar bacıları direktorun əsas adamı kimi həm pul yığımına baxırlar, həm də kursa gedəcək tələbələrə nəzarət edirlər. Bundan əlavə qapıda tələbələrin telefonlarını yığmaq adıyla qapıda duran nəzarətçi sumkadakı suları, şirniyyatları, təbii şirələri “müsadirə edərək” zibil qutularına atırlar. Məqsəd isə birdir. Direktora məxsus olan və akt zalının yanında yerləşən keçmişdə anbar olmuş, indiki gizli şəkildə işlətdiyi şirniyyat sexində bişirilənlərin satılmasıdır. Çünki acmış tələbə məcbur qalıb oradan nəsə almalıdır. Kollecin bufeti yeni təmir olunanda yemək gətirmək qadağan deyilmiş. Sex açıldlqdan sonra bu qadağalar qüvvəyə minibdi. Bütün yuxarıda qeyd etdiyimiz faktları tələbələr sosial şəbəkələrdə paylaşıblar. Səhər Orucovanın sürücüsü Kamil və keçmiş təsərrüfat müdiri Elnurun əməllərini isə yazmağa mentalitetimiz yol vermir. Ümidvarıq ki, yazdıqlarımız BDU rəhbərliyi və Elm və Təhsil Nazirliyi üçün də maraqlı olacaqdır və tezliklə lazımi tədbirlər görərək günahkarları da cəzalandıracaqlar.
Mövzuya qayıdacağıq və yazıda adları keçən şəxsləri də dinləməyə hazırıq. //aktualxeber.az//

Bu ilin fevral ayında Gəncə Şəhər Birləşmiş Xəstəxanasının direktoru vəzifəsinə təyin olunan İlkin İsmayılov dayanmadan tender elan edir. Müsabiqə 753 min 950, 5 AZN manat məbləğində yeməkxana və mətbəx ləvazimatları, yumşaq inventar, yataq ləvazimatları və xüsusi geyimlər, bərk inventar, maşın, avandanlıq və aksesuarların satın alınması ilə bağlı keçirilib.

Hələlik xəstəxanada bu avadanlıqların verilib-verilməməsi haqqında məlumatımız yoxdur. Amma müqavilələrdən aydın olur ki, yumşaq inventar, yataq ləvazimatları və xüsusi geyimlərin satın alınması ilə bağlıdır. Müqavilənin maliyyə dəyəri 144 815 AZN-dir.

Maliyyə dəyəri 21 225 AZN təşkil edən digər müqavilə isə yeməkxana və mətbəx ləvazimatlarının satınalması ilə bağlıdır.

Digər 3 tenderə gəlincə, maşın, avandanlıq və aksesusarların satın alınması ilə bağlı imzalanacaq müqavilənin maliyyə dəyəri 488 305,5 AZN, bərk invertarların satın alınması ilə bağlı imzalanıb müqavilənin maliyyə dəyəri isə 99 605 AZN-dir.

Bundan öncə Gəncə Şəhər Birləşmiş Xəstəxanasının Laborator tibbi xidmətlərin satın alınması üçün elan etdiyi tender 3.000.000 AZN məbləğindədir.





Tenderin başlama tarixi 18.07.2023-cü il, bitmə tarixi isə 31.12.2023-cü ilə təsadüf edir.

Qısa bir müddətdə yenə tender sorğusu keçirən Gəncə Birləşmiş Xəstəxanasına 08.08.2023 cü il tatixli Dəftərxana və təsərrüfat malları 169.998,32 AZN min manatlıq satınalma edib və qalib müəyyən olunubdur.

Ümumilikdə 3 milyon 923 min manatlıq avadanlıq alınması barədə elan olunub, qalib müəyyən olunmağına baxmayaraq, bu qədər avadanlığın alınması sual altındadır.

Gəncə Şəhər Xəstəxanaları, poliklinikaları yeni avadanlıqlarla müasir inventar, yataq ləvazimatları və xüsusi geyimlər, bərk inventar, maşın, avandanlıq müasir yeməkxana və mətbəx ləvazimatları olduğu halda, bu qədər satınalmanın, tenderin məbləğinin 3 milyondan daha artıq olması və onun hansı istiqamətdə xərclənməsi sual doğurur. //hurriyyet.az//

Teref.az oalaraq müstəqil areaşdırmaçı jurnalist Cavanşir Həsənlinin yeni araşdırmasını oxuculara təqdim edirik.
Cavanşir Həsənli yazır:
Möhtərəm şeyximiz Hacı Allahşükür Paşazadənin vaxtilə Çexiyada sahib olduğu şirkət onun Avropadakı yeganə lövbəri deyilmiş. "Aynur KV" S.r.o. ilə bağlı sənədlər mətbuatda və sosial şəbəkələrdə geniş rezonans doğurandan sonra şirkəti MP İNTERNATİONAL S.r.o. adı ilə oğlunun adına yenidən qeydiyyatdan keçirən cənab Paşazadə az sonra onu birdəfəlik başlamaq məcburiyyətində qalmışdı. Lakin möhtərəm şeyximizin 2016-cı il noyavrın 22-də Maltada qeydiyyatdan keçirdiyi ticarət gəmiçiliyi şirkəti hələ fəaliyyətini davam etdirir.

Sənədlərə görə "MP TRADE SHIPPING LIMITED" Maltanın SANTA VENERA SVR 9033 ünvanında C78249 saylı lisenziya ilə qeydiyyatdan keçib. Onun təsisçisi isə şeyx həzrətlərinin oğlu, Türkiyə vətəndaşı, İstanbulun Beşiktaş səmti, LEVAZIM MAH. SELEN SOK., SEBA FLORA SITESI 7, BLOCK NO.2G Ic KAPI NO. ünvanında qeydiyyatda olan Məhəmməd Paşazadədir. Şirkətin Maltadakı ünvanında isə Məhəmməd Paşazadənin gəmiçilik şirkəti ilə yanaşı Türkiyədə yaşayan məşhur işadamı Mübariz Mənsimova məxsus çoxlu sayda gəmiçilik şirkəti qeydiyyatdadır. Sənədlərdən məlum olur ki, 2017-ci ilin iyunun 6-da Mübariz Mənsimova məxsus ARMADA VOYAGER SİX gəmiçilik şirkəti öz səhmlərini Allahşükür Paşazadənin oğlunun adına olan MP TRADE SHIPPING LIMITED-ə keçirib. ARMADA VOYAGER SİX Mərkəzi Amerikada, Karib dənizindəki Sent-Kits və Nevis ada dövlətində qeydiyyatdadır, eyni adla Türkiyədə də fəaliyyət göstərir və Palmali şirkətlər qrupuna daxildir.
MP TRADE SHIPPING LIMITED-in okeanlarda neçə gəmiyə sahib olduğu və hansı ölkənin bayrağı altında üzməsi ilə bağlı təəssüf ki, heç bir məlumat yoxdur.
Cavanşir Həsənli
Teref.z olaraq məqalədə qaldırılan iddialarla bağlı qarşı təfəin mövqeyini dərc etməyə hazırıq!
Teref.az

Bu səlahiyyət sahibinin, böyük yeyinti və mənimsəmə faktları ilə, Respublika Prokurorluğunun ağır ittihamı altında olması barədə, bir müddət öncə, sensasion rəsmi məlumat yayılsa da, o, günü bu günədək azadlıqda, rahat kreslolu öz vəzifəsi başındadır
İcra başçısı Zakir Fərəcovun işlədib, milyonlarla halal pullarını borclu qaldığı iş adamlarına, aldadaraq yalandan verdiyi saxta “Zəmanət məktubu” ilə, şöbə müdiri ağır bir cinayətə də “qol qoymuş olub”: “Kor-kor, gör-gör” — bu, belədir!
Şikayətçi iş adamları, şəhər rəhbəriylə bərabər, ciddi ittiham altındakı şöbə müdirinin adını da, hər yerdə, həmişə, əsas günahkar kimi, xüsusi olaraq qeyd edirlər
Ölkənin əksər media vasitələri kimi, araz.az xəbər portalı da, Sumqayıtda yüksək məsuliyyət tələbli gərgin, önəmli və gözəgəlimli işlər görən, lakin milyonlarla halal pullarını indiyədək tam olaraq ala bilməyən bir qrup iş adamının, şəhər rəhbərliyi tərəfindən başlarına gətirilən oyunlar barədə çox yazılar verib. Bu barədəki əksər yazılarda, öncə, xüsusi olaraq vurğulanıb ki, icra başçısı Zakir Fərəcovun iş adamlarına qarşı haqsızlığı ucbatından baş verənlər, səs-küy yaradan xoşagəlməz bir qalmaqal olaraq, uzun zamandır, ölkə gündəmindən düşməyən sensasion olaylar sırasında “özünə möhkəm yer tutub”, sanki tərpədilməsi belə mümkünsüzdür! Ölkənin üçüncü bu böyük şəhərinin ictimai nüfuzuna xələl gətirən məyusedici bu qalmaqalın getdikcə şiddətlənməsinə rəvac verən əsas amillər sırasında isə, sensasion “Zəmanət məktubu” faktoru öndə durur. O “Zəmanət məktubu” ki, xoşagəlməz fəsadları barəsində ölkə mətbuatı ilə bərabər, araz.az xəbər portalı da, çox yazılar dərc edib. Bütün yazılarda xoşagəlməz fəsadlı bu faktorun əsas günahkarı kimi, Sumqayıt Şəhər İcra Hakimiyyətinin şöbə müdiri Gündüz Əliyevin adı çəkilir.Ümumiyyətlə, dəhşət ondadır ki, Zakir Fərəcovun adıyla bağlı olan bütün borc qalmaqallarında Gündüz Əliyevin adı onunla qoşa çəkilir. Hətta onun lmzası olan və həmin borcları təsdiqləyən rəsmi sənədlərdə 50 milyondan belə söhbət gedir. Bütün bunları, araz.az-ın adıyla apardığımız araşdırmalar zamanı üzə çıxarılan və dəhşət doğuran həqiqət və reallıqlar da sübut edir. Daha doğrusu, bütün borc sənədlərində bu adamın imzasının olması və adının hallanması qaranlıq çox məqamları ortaya çıxarır. Bu zaman, əsas məsələ isə ondan ibarət olur ki, başçı qanunsuz həyata keçirdiyi fırıldaq və saxtakarlıq dolu bütün maliyyə və tikinti əməliyyatlarında onu irəli verir. Ən maraqlısı, eləcə də bunun daha bir inkarolunmaz təsdiqi də odur ki, Gündüz Əliyev bir müddətdir İcra Hakimiyyətinin Ərazi İdarəetmə və Yerli Özünüidarəetmə Orqanları ilə iş Şöbəsinə başçılıq etdiyindən, onun nə tikinti, nə də maliyyə işlərinə əl qoymasına, səlahiyyət baxımından heç bir hüququ da çatmır. Di gəl ki, bu ilin mart ayında, hətta törətdiyi qanunsuz əməllərə görə, necə deyərlər, “el görkü” olaraq, icra başçısının əmri ilə, başçı müavini, həmçinin İcra Hakimiyyətinin Şəhər Təsərrüfatı Şöbəsinin müvəqqəti müdiri vəzifələrindən azad olunan, bundan sonra da, bu böyük vəzifəyə təyinatı verilən bu şəxsin, Sumqayıtdakı səs-küylü və sensasiya doğuran kredit borcu ilə bağlı, olduqca ciddi “Kalyon” olaylarından tutmuş, Sumqayıt şəhərinin girişində, daha çox isə, Dənizkənarı Bulvarının yenidən qurulması zamanı həyata keçirilən təmir-tikinti işlərindən sonra yaranmış 10 milyonlarla manat borc qalmaqalında əsas günahkarlardan biri kimi, birbaşa, adı keçir. Bunu, elə, həmin yenidənqurma işlərini tam olaraq rəhbərlik etdikləri tikinti şirkətlərinin nümayəndələrinəböyük məsuliyyət hissi ilə gördürən, lakin günü bu günədək, işləyərək qazandıqları milyonlarla halal pullarını tam olaraq ala bilməyən, buna görə, adları icra başçısı və onun əlaltıları olan digər önəmli vəzifə sahibləri ilə qalmaqallarda qoşa hallanan onlarla tanınmış şirkət rəhbərləri də təsdiq edirlər ki, bütün danışıqları Zakir Fərəcovla yanaşı, həm də Gündüz Əliyevlə aparıblar. Elə, yalan “Zəmanət Məktubu”nu da, yalvarış xarakterli xahişlərlə və yalan vədlərlə, o, həmin sahibkarlara da imzalatdıra bilib. Konkret desək, Sumqayıtın abadlıq-quruculuq işlərində çalışan sahibkarların icra başçısı Zakir Fərəcovdan halal zəhmət pullarını indiyədək tam olaraq ala bilməmələrinin əsas günahkarı, həmin “Zəmanət Məktubu”nun müəllifi Gündüz Əliyevdir. Yeri gəlmişkən, onu da qeyd edək ki, belə yalan “Zəmanət Məktubu” kimi saysız-hesabsız “rəsmi sənədlərlə”, Gündüz Əliyev, təkcə bu 10 nəfərdən çox iş adamının deyil, həm də, onlar kimi çoxlarının başına “torba tikib”.Bu barədə, ölkə başçısının adına da, dəfələrlə ünvanladıqları şikayət xarakterli müraciətlərində həmin sahibkarlar bildiriblər ki, icra başçısının təklifiylə abadlıq və yenidənqurma işləri üçün tenderlərə qatılıblar. 2016-cı ilin mart ayından isə, Sumqayıt Şəhər İcra Hakimiyyətinin başçısı Zakir Fərəcovun dəvəti ilə, onunla birgə razılaşma əsasında bu proseslərə girişiblər. Tenderlər şəhərin müxtəlif sahələrindəki abadlıq-quruculuq işləri ilə bağlı olub. Sahibkarlar öz şikayətlərində xüsusi olaraq onu da vurğulayıblar ki, Zakir Fərəcov, onda, xüsusi olaraq, yeni bulvarın üzərində dayanıb. Hımişə deyib ki, bu işdə ona hamı dəstək olsun və yeni bulvar istifadəyə veriləndən sonra, guya, Bakı Şəhər İcra Hakimiyyətinin başçısı təyin olunacaq.Beləcə, uzun bir proses dövründə onlar pul almadan bütün işləri başa vurublar. Hətta tikinti rəhbərləri onu da xüsusi olaraq vurğulayırlar ki, Zakir Fərəcovun sözlərinə inanaraq, təmir-tikinti və yenidənqurma işləri ilə əlaqədar lazım olan avadanlıq və tikinti materiallarını nisyə alıblar. Sonradan pullarını tələb edərkən, açıq-aşkar Zakir Fərəcovun onlardan yayındığını görüblər. Bu ciddi məsələdə isə, onun daha çox qabağa verdiyi Gündüz Əliyev olub.Bu yerdə, dəyərli oxucularımızın diqqətinə onu da çatdırırıq ki, bu ciddi məsələ ilə bağlı araşdırmalarımız zamanı, həmin sahibkarların, üzləşdikləri bu xoşagəlməzliklərin təəssüf doğuran əksi olan və xeyli müddət öncə, sosial şəbəkələrdə və Facebook səhifələrində paylaşdıqları iki maraqlı açıqlamalarını da ortaya çıxarmışıq. Burada onların birinin əksini, maraqlıdır deyə, hər ikisinin mətnini nöqtə-vergüllərinə toxunmadan, elə, yazının bu yerində də veririk:


“22.02.23-cü il tarixdə Sumqayıt şəhərinin icra başçısı Zakir Fərəcovun dəvəti ilə, İcra Hakimiyyətində olduq. Bizə bildirdi ki, hal-hazırda icra hakimiyyətinin vəsait verməyə imkanı yoxdur: “Siz bizə məktub verin ki, aramızdaolan borc bağlanmışdır. Prezident Aparatı tərəfindən möhkəm təzyiqlər var. Aradaolan anlaşılmazlığı, süni də olsa, aradan götürək, 24 — 25 fevral tarixində sizə vəsaitödəniləcəkdir. Dediyi tarixdə, dəfələrlə, zəng etsək də, telefonu açmadı. Onagörə də, arada olan anlaşmanı etibarsız hesab edirik. Vəsaitin ödənilməsini tələb edirik. Bu vəsaitdə bütün işçilərin zəhməti və haqqı var. Bütün sənədlər təqdim edilsə də, 23.02.23 tarixdə, 2.900. 000 manata qarşı, yalnız, 30.000 manat ödəmişdir. Çox təəssüflər olsun ki, vəsaitin ödənişi primitiv üsulla həyata keçirilmişdir. 15.000manat Gündüz Əliyevin əliylə, 15.000 manat isə, onların belə qalmaqallarda media tərəfindən dəstəkçisi olan bir qəzet Baş redaktorunun vasitəsi ilə ödəniş etmişdir. Qalan vəsait ödənilməmişqalmışdır. Onu da bildiririk ki, verdiyimiz zəmanət məktubu tam etibarsızdır. Bizə heç bir vəsait ödənilməmişdir. Vəsaitimizi tələb edirik. Xahiş edirik, vəsaitin verilməsində köməklik göstərəsiniz!Yazdıqlarımıza, aşağıdakı iş adamları qoşulur və imzaları ilə təsdiq edirlər:Qasımov Hümmət, Məmmədov Mirhüseyn, Mirzəyev Şükür, İsayev İsrayıl, Məmmədov İbrahim, Əliyev İslam, Abbaszadə Vüqar, Qədirov Vüsal, NəsibovMurad, Seyidov Taleh, Qasımov Zamiq, Cəfərov Şahin, Məmmədov Fərman,Həsənov Elnur, Məmmədov Miribrahim, Həmidov Saatxan, Şirinov İmran,Mansurov Çingiz, Abbasov Əkbər”.“Goranboy rayonu, Xanqərvənd kəndi.İş adamı Verdiyev Müqayis Cəmil oğlundan:— Hörmətli Kərəm müəllim! Zakir Fərəcovun Sizə təqdim etdiyi zəmanətməktubu tam saxtadır. Bizə yalvardı ki, 1-ci Vitse-Prezidentin komandası ilə yola getmir. Guya, onu işdən azad etmək istəyirlər. Zəmanət məktubu verək ki, vəsaitlər ödənib. Onlardan canını qurtarsın. Sonra bizə bu vəsaitləri ödəyəcək və əlavə işlər də verəcək.Dəfələrlə, zəmanət məktubunun ləğv olunması barədə Zakir Fərəcovarəsmi məktubla və şəxsən özünə bildirmişik. O, bu hərəkətləri ilə, yalnız özünütəmizə çıxarmaq istəyir. Xahiş edirik, Zakir Fərəcov vəsaitin ödənilməsi barədə ya bank sənədi, ya da başqa bir sənəd göstərsin. Gördüyü işlərin hamısı saxtadır.fəhlələrin alacağının da otuz faizini tələb edirdi. Bizə bildirir ki, maliyyəvəziyyəti çox pisdir. Bütün əmlakları əlindən alınıb. Onu da xahiş edir ki, bizimgöndərdiyimiz teleqramları Zakir Fərəcova göndərməyin. Özünüz tədbir görün.İmza:150 nəfərlik kollektiv adından”.Elə, bunlar da, icra başçısı Zakir Fərəcovun Gündüz Əliyevi belə qalmaqal doğuran ciddi məsələlərdə irəli verməsini bir daha təsdiq edir. Onun bu və bu kimi bəd əməlləri barədə, ölkə mətbuatı kimi, araz.az xəbər portalı da nələr yazmayıb?! Bu yaxınlarda, rəsmi şəkildə 1 milyon manatdan çox mənimsəmədə ittiham olunandan sonra isə, barəsində dərc edilən yazıların sayını daha da çoxaltmışıq. Yazılarımızda xüsusi olaraq vurğuladımız kimi, barəsində xüsusi ittiham qaydasında cinayət işi açılan bir məmur öz vəzifəsində qala bilməz. Lakin Gündüz Əliyevi qoruyan havadarı, Sumqayıtın oliqarxı kimi özünü tanıdan icra başçısı Zakir Fərəcovdur deyə, bu mümkün olub. Bir də ki, külli miqdarda mənimsəmədə təqsirləndirilən Gündüz Əliyevi Zakir Fərəcov necə qorumasın ki, qanunsuz topladığı haram milyonların əksəriyyətini Gündüz Əliyevin əliylə “qoltuğunda gizlətməyə” nail olub. Elə, onun, imzaladığı “Zəmanət Məktubu” ilə, bir-neçə sahibkarı aldadaraq, milyonlarla halal pullarını verməyən Zakir Fərəcovdan uzaqlaşdırmaq üçün, onların “başlarına açdığı oyunları” götürək; Ölkə mətbuatında bu barədə nələr yazılmayıb?! Di gəl ki, onun xətrinə dəyən tapılmır ki, tapılmır! Bir daha deyirik, Sumqayıt Şəhər İcra Hakimiyyətinin məsul işçilərindən biri kimi, vəzifə kreslosuna elə pərçimlənib ki, onu yerindən tərpətmək də mümkün deyil. Hətta böyük yeyinti və mənimsəmə faktları ilə ağır ittiham altında olan Gündüz Əliyev, indi də, Sumqayıt Məhkəməsində bəraət aldığını aləmə car çəkməkdən belə çəkinmir. Axı, açılan cinayət işində 1 milyon manatdan çox mənimsəmədə ittiham olunan şöbə müdirinə, məhkəmə bəraət verə bilərmi?! Yeri gəlmişkən, onu da qeyd edək ki, icra başçısı və onun cinayət ortağı olan Gündüz Əliyev, əvvəlcədən düşündükləri iyrənc metodlarından həmişə yararlanmaqla, bəzi iş adamlarını hədələməklə, bəzilərini polis idarələrində, həbsxana divarları arxasında işgəncələrə məruz qoydurmaqla,.. istəklərinin çoxuna çatıblar da. Hətta susdura bilmədikləri iş adamlarını müdafiə edən dövlət strukturlarının və mətbu orqanların rəhbərlərinə də, əzələ nümayiş etdiriblər. Bunun acı nəticəsidir ki, onların indiyədək bu barədə əlaqədar dövlət qurumlarının rəhbərlərindən tutmuş, ölkə başçısına belə ünvanladıqları şikayət məktublarına ciddi bir reaksiya olmayıb, heç yerdən onlara kömək edən də tapılmayıb. Ümumiyyətlə, Zakir Fərəcovun özünün və Gündüz Əliyev kimi vəzifə sahibləri cinayət ortaqlarının mövcud qanunlarımız çərçivəsinə sığmayan bəd əməlləri barədə, ölkənin mətbu orqanları ilə bərabər, araz.az xəbər portalı da, dəhşət doğuran fakt və sübutlarla zəngin çox yazılar verib. Əksəriyyəti isə, iş adamlarını boş vədlərlə aldadaraq, Sumqayıtda abadlaşdırma, təmir-tikinti işlərinə cəlb etmələri və sonradan onlara çatacaq milyonlarla halal qazanc pullarını verməkdən imtina edən icra başçısının haqsız əməlləri barəsindədir. Həmin yazılarda xüsusi olaraq o qeyd olunub ki, rəhbərlik etdikləri şirkət və firmaların xəttiylə Sumqayıtın girişində, əsas yolunda və ayrı-ayrı yerlərində, daha çox, Dənizkənarı Bulvarda gördükləri yüksək məsuliyyət tələb edən alqışalayiq yenidənqurma, təmir-tikinti, abadlaşdırma və müasir stildə yaşıllaşdırma işlərinə görə, onlara çatacaq milyonlarla halal qazanc pullarını tam olaraq indiyədək ala bilməyiblər. Əlləri hər yerdən üzülən iş adamları, məcburiyyətdən, son ümidlərlə ölkə başçısına, dəfələrlə, şikayət xarakterli Müraciət də ünvanlayıblar. Lakin reaksiya indiyədək görünməyib. Açıq-aydın görünür ki, Zakir Fərəcovu və ətrafındakı Gündüz Əliyev, Adil Xudadatov, Hümbət Məmmədxanov… kimi yüksək vəzifəliləri düz yola qaytarmaq yuxarıların maraqlarına uyğun deyil. Niyə, nə səbəbə? Bəli, bütün deyilənlərin hər biri, indiyədək, ortaya çoxsaylı belə sualların çıxmasına səbəb olmaqdadır. Elə, bunlara görədir ki, mövzu ciddi olaraq qəbul olunur və daim diqqətimizdədir. Bu mövzu ətrafında baş verənləri qələmə almaq üçünsə, həmişə hazırıq. Qarşı tərəfin də mövqeyini dinləyə bilərik, lakin bunu etmək istəmir. Bizsə, mövzuya qayıdacağıq və dəyərli oxucularımızın araz.az-ı izləmələrini məsləhət görürük!Malik MİRZƏ, Fərhad MƏMMƏDOV,Səməndər QURBANOV,araz.az xəbər portalının xüsusi müxbirləri.

araz.az xəbər portalı.

Əvvəllər orta məktəblərdə rüşvətə səbəb kimi ilk növbədə əməkhaqqının aşağı olmasını bəhanə edirdilər. Bu gün diaqnostik qiymətləndirmədən (DQ) keçmiş, sertifikasiyadan yüksək bal yığmış müəllimlərin əməkhaqqı ölkə üzrə götürülən orta maaş səviyyəsinə gəlib çatıbdır. Məsələ burasındadır ki, hazırda məktəb direktoru və direktor müavinlərinin əməkhaqqı məktəblərdəki şagird sayına uyğun olaraq dəyişir ki, bu da ümumilikdə 1000 manatdan yuxarıdır. Eyni zamanda, əməkhaqqının artırılması ilə yanaşı, peşəkarlığın artırılması üzərində işləmək, o cümlədən, direktor və direktor müavini imtahanlarının şəffaf keçirilməsinə çalışmaq əsas şərtlərdən biridir. Rüşvəti yaradan səbəblərdən biri də yaranmış sistemsizlikdir. Ümumtəhsil məktəblərində konkret olaraq hansısa bir məsələ ilə bağlı nazirlik tərəfindən işlənmiş sistem yoxdur. Tərəflər var – təhsilalan, təhsilverən, təhsilalanların valideynləri və s…

Ancaq konkret olaraq bu proses sistem halında deyil. Ona görə də neqativ halların olması üçün şərait yaranır. Həmin şəraitdən də rüşvətə meyilli olan müəssisə rəhbərləri istifadə edirlər. İstifadəyə meyilli rəhbərlərdən biri də 252 nömrəli məktəb-liseyin direktoru Eldəniz Əkbərovdur. Əmək fəaliyyətinə 2001-ci ildə 149 №-li tam orta məktəbdə Azərbaycan dili və ədəbiyyat müəllimi kimi başlamış Eldəniz müəllim 2005-ci ildən həmin məktəbin təlim-tərbiyə işləri üzrə direktor müavini, 2016-cı ildə 136№-li tam orta məktəbə direktor vəzifəsinə yüksəlmiş, 2021-ci ildən isə Bakı şəhəri 252 nömrəli məktəb-liseyin direktoru vəzifəsində çalışır.
Bu şəxs işlədiyi məktəblərdə həmyerlilərini, əslən Lerik rayonundan olanları yanına yığaraq son zamanlar özünə əməlli-başlı sərvət toplamağa müvəffəq olubdu. Bu isə təhsil müəssisəsinin kollektivinin haqlı narazılığına səbəb olubdu. Lakin direktor pedoqoji heyətin narazılığına əhəmiyyət vermədən öz bildiyini etməkdə israrlıdır. Onun bir vaxtlar Bakı Şəhəri üzrə Təhsil İdarəsinin müdiri olmuş və indi də Şəmkir RİH başçısı olsa da təhsil sahəsində sözü keçən Rəşad Tağıyevin himayəsinə arxalandığını iddia edən məlumatlı şəxsin sözlərinə görə, məhz elə bu səbəbdən də Eldəniz Əkbərov əmindir ki, onun barəsində müvafiq qurumlara ünvanlanan şikayətlərə əhəmiyyət verilməyəcək. Deyilənlərə görə, bu il də müəllimlər günü münasibətilə 252 nömrəli məktəb-liseydə yenidən yığım həyata keçirilibdi. Bildirilir ki, baş tutan “yığım əməliyyatı” məhz direktorun tapşırığına əsasən reallaşdırılıbdı. Təbii ki, bu da şagirdlərin və onların valideynlərinin ciddi narazılığına səbəb olubdu. Deyilənlərə görə, onlar məsələ ilə bağlı Bakı Şəhəri üzrə Təhsil İdarəsinə şikayət etsələr də, himayədarı onun əməllərini ört-basdır etməyə, Eldəniz Əkbərovu mümkün təhlükələrdən sığortalamağa müvəffəq olubdu.

Yeri gəlmişkən, məsələ ilə əlaqədar aktualxeber.az-a daxil oan informasiyalarda o da deyilir ki, E.Əkbərov hansısa maraqlarına görə, valideynləri məhz axşam saat 18:00-dan sonra qəbul edir. Bu qəbulun nə ilə bağlı olduğuna gəlincə isə deyilənlərə görə, bu tip görüş valideynlərə elə-belə başa gəlmir. Onu da nəzərinizə çatdıraq ki, yeni dərs ilinin başlaması ərəfəsində bir sıra orta məktəblərdə ciddi problemlər yaşanmışdı. Məktəbə qəbulla bağlı direktorlar əsasən birinci siniflərə yerləşdirmədə əməlli-başlı əziyyət çəkmişdilər. Amma deyilənə görə, Eldəniz Əkbərov heç bir əziyyətlə üzləşməyibdi. Çünki onun direktor olaraq öz prinsipləri var və şagirdi məktəbə necə qəbul etmək kimi məqamlarda bu “prinsiplər” ortaya atılır. Bu zaman nə valideyn narazı qalır, nə də direktor… Əslində isə, valideynin “əziyyəti” və “təşəkkürləri” olur. Çünki direktora bir neçə dəfə “təşəkkür etmək” məcburiyyətində qalırlar. Deyilənlərə görə, o, məhz həmin “təşəkkürlər” hesabına ən son model iki bahalı avtomobil və 2 mənzil əldə edibdi.

Bütün növ saytların yığılması - EMBLEM.AZ
saytlarin yigilmasi
Bir maraqlı məqama da diqqət edək ki, özünü oliqarxlara bənzədən Eldəniz Əkbərovun 3 katibəsi var. Direktorun Səbinə Yusifova adlı katibəsinin adı işdə xadimə getsə də onun əlinə süpürgə aldığını görən olmayıb. E.Əkbərovun 136 saylı orta məktəbdən özü ilə gətirdiyi Bəhruz adlı gözətçini özünə “cangüdən” kimi işlədir. Kimsə narazılıq edəndə Bəhruz həmin adamı işdən çıxarmaqla hədələyir. Son zamanlar isə rüşvəti direktorun təsərrüfat işləri üzrə müavini (təsərrüfat müdiri) Hüseyn Həsənovun əliylə alır. Liseydəki rüşvətxorluğa görə digər məktəblərə yerdəyişmə edən şagirdlərə görə məktəbdə şagird sayı azalıbdı və 5 günlük dərs sisteminə keçilibdi. Ümidvarıq ki, tezliklə Elm və Təhsil Nazirliyi tərəfindən həmin məktəbdə ciddi yoxlamalar aparılacaq və qanunsuzluq edən günahkarlar da cəzalandırılacaqlar.

Qarşı tərəfi də dinləməyə hazırıq.

Mənbə:aktualxeber.az

Üç il əvvəl, pandemiyanın tüğyan etdiyi dövrdə Sumqayıt şəhərinin 42-ci məhəlləsində fəaliyyət göstərən kənd təsərrüfatı məhsullarının satışı yarmarkası 53-cü məhəllədə yeni inşa olunan kənd təsərrüfatı məhsullarının satışı mərkəzinə köçürüldü. Buna səbəb kimi yarmarkanın əvvəlki yerində satıcıların gigiyena qaydalarına əməl etməməsi və avtomobillərin süni tıxac yaratması göstərildi..

Bildirilirdi ki, iki hektar ərazidə yaradılan satış mərkəzində ətraf rayonlardan olan 700 sahibkar həftənin şənbə-bazar günləri öz kənd təsərrüfatı məhsullarını satışa çıxara biləcək.

Köçürülmənin ilk günlərindən başlayaraq şəhər sakinləri sosial şəbəkələrdə məsələyə öz münasibətlərini bildirməyə başlamışdılar.

Huseyn Narimanov: “Orda yarmarka olmaz”; Yusuf Abidli: “Yarmarkanın da şələsi belində gəzir də”; Elshen Quliyev: “Siz bura yarmarka deyirsiz. Heç də qiymətləri bazar qiymətlərindən aşağı deyil”; Gülara Fazılova: “Bunlar da bu yarmarkanı təzə gəlin kimi gəzdirirlər. Daha haralara köcməyib”; Etibar Rzayev: “Heç bilmirlər nə edirlər. Pul dəli edib məmurları. 50 yer dəyişib. Adı yarmarka, əslində bazar”; Aliye Aliyeva: “Yarmarkada kəndlini görmürük, hamısı alverçidi, çəkidə də aldadırlar, keyfiyyətdə də”: Etibar Rzayev: “Sumqayıtda yarmarka yoxdu. Bunlar hamısı bazardı. Pulunu ver, yer al. Hamısı alverçidi”: Azad Qahramanov: «bəli, eyni adamlardı, sezondan asılı olaraq bu gün balıq satır, sabah göbələk, o biri gün mandarin”; Prosta Rafıq: “Yazıq kəndin adı var. Kəndli yer tapır kı, orada?”

Bəzi müştərilər isə yaxşı olacağına ümid edərək yarmarkanın yeni ünvanını bir-birlərinə başa salırdılar: Rauf Hilaloğlu: “Sumqayıt, Saray körpüsünün aşağısında, Qalib Denyarov: “Daş bazarı tərəf”.

İstehlakçılar necə təxmin etmişdilər, elə də oldu. Maşın sıxlığı əvvəlki kimi tıxac yaratmasa da, bazar ərazisinə daxil olan avtomobillərdən 1 manat pul yığmağa başladılar.

Əslində möhürü olmayan bu qəbzlərin heç bir hüquqi əsası yoxdur

Antisanitariya, gigiyena qaydalarına əməl edilməsində də heç bir irəıliləyiş olmadı. Axı, deyildiyi kimi, satıcıların əksəriyyəti eyni adamlardı, alverçilərdi. Üstəgəl, yaxınlıqdakı daş bazarının, baş daşı sexlərinin, çınqılın tozu-dumanı da açıq şəraitdə satılan mal və qoyun əti, quş əti və balıq, süd məhsullarının (yağ, süd, qatıq, şor, pendir və s.) üstünə qonmağa başladı.







Dəryaz qəzetinin redaksiyamıza daxil olan məlumata görə, yarmarkada 1000-ə yaxın piştaxta var. Rəhbər şəxs əslən cəbrayıldan olan Yasin adlı universitet müəllimidir. İdarəetmə işləri ilə əsasən köməkçisi Əlisəfa adlı şəxs və Yasinin iki oğlu məşğul olur. Standarta görə masada 2 kvadrat/metr tutmalı olan piştaxta əslində 1,5 kvadrat/metrlik sektorlara bölünərək ticarətçilərə günü 16 manatdan icarəyə verilir. Yığılan pulların tam olaraq vergiyə cəlb olunmasında şəffaflıq yoxdur. Piştaxtaları həmişəki alverçilər bron eləyiblər, birində özləri işləyir, digərlərini isə məhsullarını satmaq üçün kənddən gələnlərə iki dəfə artıq qiymətə (32 manata) icarəyə verirlər ki, bu da qiymətin süni artımına səbəb olur.
Yasəf bəri başdan hər bir piştaxta üçün 500 manat pul alıb alverçilərə verir.
Bütün bu və digər məsələlərə münasibətini öyrənmək üçün oktyabrın 24-də Yasin müəllimə zəng vurduq. Yasin müəllim yarmarkada qeyd etdiyimiz neqativ halların olduğunu təkzib etdi. Bununla bərabər, qeyd etdi ki, yarmarkanın gəlirləri onun yerini təşkil edən Sumqayıt Şəhər İcra Hakimiyyətinə gedir, Sumqayıt Mənzil Kommunal Təsərrüfatı Birliyinin yarmarkada xidmət edən süpürgəçilərinə məvacib ödənilir və s. Həmçinin yarmarkadakı vəziyyəti birgə müşahidə etmək üçün bizi həftənin şənbə günü üçün (28 oktyabr) yarmarkaya dəvət etdi. Adını çəkdiyimiz kənd əsilli narazı ticarətçiləri də tanımadığını dedi.

Şənbə günü yarmarkaya getdik. Düzü, elə fikirləşirdik ki, rəhbərlik heç olmasa, monitorinq xatirinə bəzi nöqsanları aradan qaldırmaq üçün işçilərinə göstəriş verər. Amma yox, yenə həmin xoşagəlməz, hətta məlumatda təsvir olunandan da əcaib vəziyyətin şahidi olduq. Hərçənd, Yasin müəllimi yerində tapmadıq, xəstə olduğunu deyib görüşdən yayındı.

Satıcılarla söhbətimiz əsnasında onlar da, yazdıqlarınızı təsdiqlədilər. Onu da əlavə etdilər ki, hətda ötən həftələrdə radio ilə elan verməyə görə 5 manat əlavə pul aldılar.

Yasin müəllimin «yığılan pullar İcra Hakimiyyətinə çatır» fikrinə aydınlıq gətirmək üçün Sumyıt şəhər icra hakimiyyətinin mətbuat xidmətinin şöbə müdiri Eyvaz müəllimlə əlaqə saxladıq. O, bildirdi ki, «yarmarkadan yığılan pulların onlara heç bir aidiyyatı yoxdur». Biz də redaksiya olaraq, Qida Təhlükəsizliyi Agentinə, İqtisadiyyat Nazirliyi Yanında Vergilər Xidməti idarəsinə və digər qurumlara ünvanladığımız suallara cavab aldıqdan sonra mövzuya yenidən qayıdacağıq.

Belə çıxır ki, cavabdeh Sumqayıt şəhər rəhbərliyidir.

Deryaz.az

Qazax-Tovuz Regional Təhsil İdarəsinin Ağstafa Rayonu üzrə Təhsil Sektorunun tabeliyində olan şəhər məktəblərinin birində təhsil üçün utancverici hadisə baş verib...

Belə ki, Mediaxeberleri.Az-a daxil olan məlumata görə, məktəblərin birində (olayla bağlı rəsmi araşdırma aparıldığından ad çəkmirik-red.) ibtidai sinif müəlliməsi birinci sinif şagirdini döyür, sonra isə məktəbin dəhlizində sürüyür ki, direktorun kabinetinə gətirsin. Bu hadisəni isə təlim-tərbiyə işləri üzrə direktor müavini telefonu vasitəsi ilə lentə alır. Direktorun kabinetində özlərini mələk kimi, göstərib yenidən hadisəni lentə alırlar. Şagirdin müəllimi tərəfindən döyülməsini bilən valideyin, sektor müdirinə şikayət edir. Ağstafa rayonu üzrə təhsil sektorunun müdiri Mədət Zeynalov valideyini xoş qarşılayır və məktəb direktoru, bu əməli törədənlərlə bağlı ölçü götürüləcəyini bildirir. Hadisədən bir neçə gün keçməsinə baxmayaraq məsələ həllini tapmayıb. Valideyin çarəsiz durumda qalıb, nə edəcəyini bilmir. Valideyn Ağstafa Rayon Prokurorluğuna rəsmən müraciət edib.

Bundan sonra qanunlarımızın aliliyini məktəbin direktoru, təlim-tərbiyə işləri üzrə direktorun müavini və sinif rəhbəri başa düşərlər.

Uşaqların qayğısına qalmaq və onları tərbiyə etmək valideynlərlə bərabər təhsil işçilərinin də borcudur. Bu borcun yerinə yetirilməsinə isə dövlət nəzarət edir.
Hələ ki, istintaqın gedişinə mane olmamaq üçün susqunluğumu qoruyuram. Vaxtı gələndə hadisə ilə bağlı ətraflı məlumat yayımlanacaq…

Məsələ ilə bağlı qarşı tərəfin də mövqeyini dinləyə bilərik. Mövzunu diqqətdə saxlayacağıq.