Gəncə şəhər sakini Həsənova Cənnət Niyaz qızı tərəfindən “Hürriyyət” qəzetinin redaksiyasına şikayət məktubu daxil olub. Şikayətçi Əmək və Əhalinin Sosial Müdafiəsi Nazirliyinin rəhbər şəxslərinə etiraz edir:

“Mən, Həsənova Cənnət Niyaz qızı, bildirim ki, 59 yaşım var, tək yaşayıram. Heç kəsdən köməyim yoxdur, yataqxanada yaşayıram. Evimin şəraiti də yoxdur.

Başımla bağlı ciddi xəstəliklərdən əziyyət çəkirəm, iş qabiliyyətim yoxdur. Bunu həkim sənədləri ilədə sübut edə bilərəm. Bədənimin bəzi yerlərində “qrija” əmələ gəlib. Xəstəliklərimin sayı-hesabı yoxdur. Amma Əmək və Əhalinin Sosial Müdafiəsi Nazirliyinə bunu sübut etmək qeyri-mümkündür.

Gəncədə xəstəlik kağızları “od qiymətinə” satılır. Ciddi yoxlanış olsa görərlər ki, şəhərin 50-60 faizi qrupla pensiyaya çıxıb. Yəqinliklə deyirəm ki, həmin şəxslər heç bir qrupa layiq deyillər. Gördüklərim bunu mənə bir daha sübut edir.

Onu da bildirim ki, ürəyim də artıq mənimlə “savaşa başlayıb”. Yəni o da yaşamaq üçün mənə “savaş açıb”. Müalicə etməliyəm, imkan yoxdur. Bu qədər xəstəlikləri olan kimsəsiz qadına heç bir yardım olunmur. Nazirlik o qədər sağlam adama əlillik dərəcəsi verib ki, həqiqi əlillər qıraqda qalıb.

Əmək və Əhalinin Sosial Müdafiəsi Nazirliyinə bir sualım var. Mənim bildiyimə görə, əlillik dərəcəsi verilən şəxslər xəstə olmalıdır. Harda, hansı qanunda yazılıb ki, sağlam şəxslərə əlillik verilməlidir? Qanun bunu deyirsə, belə çıxır ki, illərim boşa gedib. Kaş, sağlam vaxtı mən də pulumu verib, hansısa qrupu almış olardım.

2019-cu ildə Birinci vitse-prezident Mehriban xanım Əliyevanın tapşırığı, Gəncə Səhiyyə İdarəsinin göndərişi Respublika Klink Xəstəxanasında müalicə aldım. Oradan mənə sənəd verdilər ki, iş qabiliyyətim yoxdur. Gəncə şəhərində isə məndən istənilən məbləğə gücüm çatmır, bu səbəbdən də xəstəliklərimi təsdiqləmirlər.

Aprel ayının 11-dən iyul ayının 16-na kimi xəstəxanada yatdığım müddəti 20 gün kimi yazıblar”.

Haşiyə olaraq qeyd edək ki, 6 ay öncə Mehralıyeva Anarə Paşa qızının 1-ci qrup əlilliyinin saxta olduğu haqda redaksiyamıza məlumat daxil olmuşdu. Qarşı tərəfi qanunsuz yolalrla əlillik almaqda ittiham edən mənbə bildirirdi ki, Anarə Mehralıyeva əlillik dərəcəsini qohumunun vasitəsilə alıb. Yənin onun “ömürlük əlil” təyin olunmasına səbəb qohumu olub. Məsələ ilə bağlı nazirliklə əlaqə yaradıb, məlumatı dəqiləşdirmək istədik. 6 aylıq araşdırmadan sonra nazirlik adıçəkilən xanıma 2-ci qrup əlillik dərəcəsi təyin edib.

Təəssüflə qeyd edirik ki, belə neqativ hallar çoxdur. Bu kimi insanlar komissiyadan necə keçir və yaxud kimlər keçirir, bütün bunlar araşdırılmalı və ciddi nəzarət olunmalıdır.

98 saylı Bərdə Tərtər seçki dairəsində deputatlığa namizəd Xanlar Fətiyev Seçki Məcəlləsinin əsas müddəalarını pozaraq, qeyri qanuni üsullara əl ataraq seçki təbliğat və təşviqatımıza mane olmağa çalışır , öyrədilmiş təxribatçı şəxsləri görüşlərimizə göndərərək görüşlərimizi pozmağa cəhd edir.

Pravda.az-ın xəbərinə görə, bunu həmin seçki dairəsi üzrə namizədliyi qeydə alınan Əlil Qadınlar Cəmiyyətinin sədri Məhluqə Rəhimovanın səlahiyyətli nümayəndəsi Rəşad Quliyev bildirib.

"Xanlar Fətiyevə xəbərdarlıq edirəm və ona bildirirəm: qanunun tələblərini pozma, Seçki Məcəlləsinin qaydalarına riayət et və xalqın səsini qazan. Digər qanunsuz fəaliyyətlərini kənara burax. Əks halda qanun qarşısında cavab verməli olacaqsan. Xanlar Fətiyevin "təbliğatçıları" polisin adını və rayon rəhbərliyini ləkələməyə, onların adından vətəndaşlara, bizə dəstək verən insanlara hədə qorxu gəlir, şantaj yolu ilə onları bu yoldan çəkindirməyə çalışırlar. Bərdə Rayon Polis Şöbəsinin rəisi Ənvər müəllimin, Bərdə Rayon İcra Hakimiyyətimin başçısı Vidadi İsayevin adı ilə sui-istifadə edərək vətəndaşları bizə dəstək verməkdən çəkinməyə məcbur edirlər. Xanlar Fətiyevi bu yoldan çəkinməyə, qanunsuzluğa yol verməməyə səsləyirəm, əks halda seçki qanunvericiliyinin tələblərinin pozulmasına səbəb olmaq, birbaşa seçki məcəlləsinin pozulması, seçki prosesinə birbaşa müdaxilə halı kimi dəyərləndirilərək məsuliyyət daşıyacaq", - o qeyd edib.

Xəbər verdiyimiz kimi, SOCAR-ın keçmiş vitse-prezidenti Bədəl Bədəlovun YAP tərəfindən deputatlığa namizədliyi irəli sürülüb. Onun 96 saylı Goranboy-Naftalan seçki dairəsindən namizədliyi qeydə alınıb.

Həmin dairədən olan vətəndaşlar Bədəl Bədəlovun deputatlığa namizədliyinin irəli sürülməsinə etiraz ediblər.

Vətəndaşlar Bədəl Bədəlovun SOCAR-ın keçmiş prezidenti Rövnəq Abdullayevin dəstəyi ilə namizədliyinin verildiyini bildiriblər.

Məsələ ilə bağlı Bədəl Bədəlov Manşet.Az-a açıqlama verib.

"Siz kimsiniz, məni yığmısınız? Nömrəmi haradan almısınız? Kim? Rövnəq Abdullayev mənə dəstək verib?...",- Bədəl Bədəlov bu adı eşidən kimi telefonu dərhal bağlayıb.

Qeyd edək ki, Bədəl Bədəlovun SOCAR-ın keçmiş prezidenti Rövnəq Abdullayevin yaxın adamı olduğu bildirilir.

1 Sentyabr- parlament seçkiləri ilə bağlı təşviqat kampaniyası bir neçə gündür ki, davam edir.

Prosesə qatılan YAP başda olmaqla ölkənin əksər siyasi partiyaları ilə yanaşı müstəqil namizədlər də seçicilərlə görüşür.

Deputatlığa namizədlərin seçicilərlə görüşündə bir məqam xüsusi diqqəti çəkir.

Belə ki, kiçik seçici qrupları ilə görüşdə məntiqlə həmin şəxslərin problemlərinin öyrənilməsi, buna dair vədlərdən danışılmalı olduğu halda ancaq sosial şəbəkələrdə yayılan məlumatlarda başqa şeydən söhbət gedilir.

Məsələn 123 Saylı Kəlbəcər Seçki Dairəsindən hökumətin dəstəklədiyi namizəd Mircəlil Qasımlı özünün seçicilərlə görüşündə yalnız 44 Günlük Müharibədən bəhs edir.

Hara gedir, eyni yazılı çıxışı oxuyub oradan aralanır.

Sanki torpaqları o azad edib və bu onun şəxsi uğurlarına yazıldığından özünün piarında istifadə edir.

Sitat: “Mircəlil Qasımlı bildirmişdir ki, 44 Günlük müharibədə Azərbaycan öz suverenliyini bərpa etdi, torpaqları işğaldan azad etdi. Artıq ölkəmizdə başqa bir dövr- həmin ərazilərin bərpası gündəmdədir”.

Bunu acqarnına AzTV-dən onsuz da hər gün eşidir.

Sənin işin vəkili olmaq istədəyin insanın problemlərini öyrənmək, hansısa vəd verməkdir.

Ancaq Mircəlil əlində aidyyatı orqanlara vurduğu teleqram və şikayət ərizələrinin bir topa qəbzi ilə yanına gələn seçicinin maraqlarını kənara atır.

Məsələn o, deyə bilər ki, mən deputat olanda ayrı-ayrı özəl ali məktəblərdə təhsil alan kəlbəcərli tələbələrin təhsil haqlarında müyəyyən güzəştlər üçün həmin təhsil ocaqlarının rəhbərliyindən şəxsi xahişdə buluna bilərəm.

Yaxud, mıhkəmə-hüquq sisteminin qeyri-adekvat münasibəti ilə üzləşən həmyerlilərinin probleminə biganə qalmayacağına dair vədlər verə bilər.

Bu sadəcə bir nümunədir.

Təəssüf ki, Əli Məsimli, Fazil Mustafa, Qüdrət Həsənquliyev, Zahid Oruc və digər namizədlər kimi təşviqat kampaniyası aparan yoxdur.
Gununsesi.info

Azərbaycanda dələdzuluq işi ilə məşğul olan bəzi şəxslərə dövlət vəzifəsində işləyən məmurların himayə etməsi barədə müxtəlif məlumatlar mövcuddur.
AzFakt.com-a daxil olan məlumata görə belə məmurlardan biri də Lənkəran Gömrük Postunun rəisi Firdovsi Əbilovdur. Belə ki, gömrük işçisinin vəzifəsindən istifadə edərək Sadıqova Lyudmila Adil qızı adlı bir dələduz xanımı himayə etdiyi iddia edilir. Qeyd edək ki, adı dələduzluqda hallanan Lyudmila Sadıqova son işlədiyi yerdə sahibkarın 50 min manata yaxın vəsaitini mənimsəyərək qaçıb.
Bildirilir ki, Lyudmila Sadıqova əməlləri barədə hüquq mühafizə orqanlarına şikayətlər edilməsinə baxmayaraq, hansısa gizli əl onu törətdiyi cinayət əməlinin cəzasından yayınmağa köməklik edir. Məlumata görə Lyudmila Sadıqovanı himayə edən məhz Lənkəran Gömrük Postunun rəisi Firdovsi Əbilovdur. Deyilənə görə Lyudmila Sadıqova hazırda Lənkəran rayonunda yaşayır.
Məsələ ilə bağlı araşdırmamız davam edir.
Qarşı tərəfin mövqeyini dərc etməyə hazırıq.

Bizim dairədən vətəndaşlarla görüşləri təkcə mən keçirirəm. Bu görüşlər icra hakimiyyətinin təşkil etdiyi görüşlər deyil. Canlı və real görüşlərdi. Bu ərazilərdə, xüsusilə Xəzər rayonu Binə qəsəbəsi, Qala qəsəbəsində əsas problem sudur. İnsanlar susuz qalıb. Bakıda, paytaxt şəhərdə, XXI əsrdə su problemi olmamalıdır. Xəzər rayon icra başçısı problemi atır “Azərsu”yun üstünə, “Azərsu” atır icra başçısının üstünə. Təsvir edin, “Azərsu” nümayəndəsi gəlib bildirib ki, sizin küçədə şəhid yoxdu deyə bura su çəkmirik. Bu deyiləcək sözdü? Bu dərəcədə biabırcı vəziyyətdir.

Bu sözləri Tribunainfo.az-a AĞ Partiyanın 13 saylı Xəzər İkinci Seçki Dairəsindən deputatlığa namizədi Əhəd Məmmədov bildirib. O qeyd edib ki, burada insanlar icra hakimiyyətindən, “Azərsu”dan şikayətçidirlər: “Su yox, yol problemi bitmək bilmir, bir az yağış yağan kimi palçıq əlindən hərəkət etmək mümkün deyil. Sakinlər deyir, ayrı-seçkilik edirlər, hansı küçədə şəhid varsa, oranı düzəldirlər, yol çəkirlər. Bundan əlavə, qeydiyyatsız evlər çoxdur. Sakinlər heç bilmirlər ki, küçələri necə adlanır. Sabah bu insanlar harada, necə səs verəcək? Mən artıq neçənci görüşdür ki, keçirirəm, ancaq bu problemlərdən danışılır.
Minimum rəqabətli seçki olsa, şəffaf keçirilsə mən özümün seçiləcəyini düşünürəm. Bu təkcə özümə aid deyil, AĞ Partiyanın Xəzər rayon təşkilatı partiya daxilində ən güclü təşkilatlardandır. Bizim Xəzər rayonu təşkilatımız hələ seçkidən əvvəl suya görə 2 min imza yığmışdı. Yəni bu rayonda bizim partiyanı yaxşı tanıyırlar. Liderimizin də populyarlığı, özümüzün fəaliyyəti şanslarımızı artırır”.

Rəqibləri barədə danışan Ə.Məmmədli bildirib ki, bu dairədə bir real rəqibim var, o da Gülşən xanım Paşayevadır: “Onun isə heç bir fəaliyyəti yoxdur. Dostlar bir videosunu göstərdi mənə ki, onu da icra başçısı təşkil edib. Ağ avtobusla, ağ səliqəli geyinmiş uşaqlarla qapalı bir yerdə görüş keçirib. Orada məlum məsələdir ki, müəllimləri və sair yığıblar. Bu xanım seçicilərlə bir dəfə də görüşməyib. Qapalı yerdə, icra başçısının təşkil etdiyi görüş görüş deyil. Bu, inzibati resursların hesabına təbliğat görüntüsüdür.

Mən mediadan da istifadə edərək Gülşən xanım Paşayevanı debata çağırıram. Harada istəyir görüşək, yeri də özü seçsin, hətta öz istədiyi jurnalisti moderator seçsin, debata çıxaq. Xəzər rayonunun problemlərindən tutmuş Respublikanın problemlərinə qədər danışaq, debat edək. İnsanlar da tanısın, qiymət versinlər”.