Xalq artisti Cavan Zeynallı ilə ailə qurmaq üçün Lətifə adlı xanım efirə çıxıb.

Sözügedən hadisə “Elgizlə izlə” verilişində baş verib.

Lətifə C.Zeynallının gənc yaşlarından pərəstişkarı olduğunu söyləyib:

“Siz əsl cazmensiz. Siz royalda mükəmməl ifa edirsiniz. Cavan müəllim çox alicənab, gözəl insandır. Allah Röya xanıma rəhmət eləsin. Çox üzüldüm və məyus oldum onun vəfatına. Cavan müəllim sadiq və vəfalıdır. İnsanlar sizi çox sevirlər”.

Onun bu sözlərinə isə C.Zeynallı belə cavab verib:

“Ayrı yolu yoxdur. Mən uşaqlıqdan beləyəm. Mən tək deyiləm. Mənim həm Qusarda, həm də Bakıda qohumlarım var. Onlar mənimlə ünsiyyətdə olurlar, zəngləşirik, görüşürük. Evimə gəlib yeməklər bişirirlər. Hərdən mən özüm yemək hazırlayıram. Bizim Lətifə xanımla münasibət qurmağımıza zaman, vaxt lazımdır. Siz isə tələsirsiniz. Bu işlər tələsməklə olmur”.

Mənbə: musavat.com

“Qalmaqalın içindən çıxırdım ki, ora düşməyim (gülür). İndi verilişim yoxdur deyə başım sakitdir. Amma hazırlaşıram. İmmunitetim hazırdır. Bütün sinir sistemim pisləşmişdi. Elə səhhətimdəki problemlər bundan sonra yarandı. Hər verilişdən sonra zənglər gəlirdi ki, bunu və bunları niyə efirə verdiniz?”

Bizim.Media-nın məlumatına görə, bu sözləri aparıcı Afaq Gəncəli qonaq olduğu “10-da görüşək” səhər şousunda deyib.

Televiziya ulduzu aparıcısı olduğu maqazin verilişinə görə ölümlə hədələndiyini açıqlayıb:

“Uzağa getməyək, Türkiyə və Rusiyanın maqazin verilişlərinə baxanda hamımız deyirik ki, nə gözəldir, ulduzların şəxsi həyatından tutmuş, villasını, qarderobunu, evində çalışan işçisinə qədər hər şeyini göstərirlər. Hamıya bunlar maraqlı gəlir və onlardan danışırlar. Sıra gəlir, çatır bizə. Hər birimizin həyatında nələrsə baş verə bilər. Biz insanıq, ikinci dəfə ailə həyatı da qura, evimizdə hər şeyi göstərə də bilərik. Bizdə hər şey təəccüb və heyrətlə qarşılanır və dərhal “olmaz” sözü deyilir. Əgər biz hər şeyi olduğu kimi, normal qəbul etsək, real həyatda hamımız hər şeyi artıqlaması ilə ifratına qədər belə hər şeyi qəbul edirik. Amma sıra təqdimata gəlib çatanda “aydan arı, sudan duru” məsələsi ortalığa çıxır. Sənin abırın imkan vermir ki, ona deyəsən ki, ay insan, bu axı belə deyil. Amma o utanmır sənə desin ki, bu belə deyil. Çox çətin məsələlərdir. Hətta mənə zəng vurub, ölümlə hədələyiblər. Sən çıxıb bunu desən, biz səni öldürəcəyik. Bunlar boş söhbətlərdir”.

Qeyd edək ki, Afaq Gəncəli illər əvvəl ATV kanalında 10lar” və “ATV maqazin 10larla” şou-biznes xəbərlərindən ibarət olan verilişlərin aparıcısı olub. Afaq ATV kanalından ayrılıb fəaliyyətini “Xəzər” kanalında davam etdirdikdə “Şourum” maqazin verilişinin aparıcısı olub.

Daha sonra veriliş yayımdan qaldırılıb. Afaq üç ilə yaxın həmkarı Tural Əsədovla “Səhər mərkəzi” verilişini aparıb. Səhhəti pisləşdikdən sonra aparıcı verilişdən ayrılmaq məcburiyyətində qalıb.

"Mənim üçün apardığım verilişin maraqlı olması önəmlidir. Nəinki bəzənib-düzənim, pomada vurum, çıxım efirə, camaat da desin ki, "nə deyəcək ki, o bizə?". Həddindən artıq efirdən öncə görünüşünə vaxt sərf edən aparıcılar var. Onlar peşkar deyil. Müəyyən vaxt çərçivəsində aydındır ki, saçı da düzəldərlər, amma həddən aşırı: Bu pencəyin rəngi xoşuma gəlmədi, filan pomada yox, bunu belə edək, saçımı bir az da buraq, havalı edək. İllər ərzində təcrübələrimə əsaslanaraq deyirəm ki, belə aparıcılar efirdə yadda qalmayıblar, orada deyillər".

Axşam.az bildirir ki, bu sözləri aparıcı Aytən Səfərova "Mirinin dibçəyi" yutub layihəsində deyib. O, verilişlərinin reytinqlərinə və aparıcıların proqramlarda müğənnilərin şəxsi həyatlarına toxunmasına münasibət bildirib:

"Bəzən də baxırsan ki, ağzının danışığını bilməyənlər, "adə", "hıı" deyə danışanlar olurlar reytinqdə. Bəlkə də insanlar ona sirk kimi baxır. Bu gün brifinqlərə jurnalistlər çağırılır, bəzən qurumlardan deyirlər ki, sual verməyin. Sən brifinqə jurnalisti çağırmısansa, ona bunu necə deyə bilərsən? Deməli, jurnalistə hörmət etmirsən. Mən olsam orada çıxıb deyərəm ki, jurnalistin işi sual verməkdir. Və məni narahat edən sualı verərəm. Bu gün qurumların münasibəti də, bilmirəm naşı jurnalistləri çox görüblər, peşəkar olmayan müxbirləri görüblər. Bəzən gənc nəsilə deyirsən ki, bunu elə yox belə et, görürsən ki, xətrinə dəyir. Polad döyüldükcə bərkiyir. Elə bilirsiniz, məni 26 ildə tənqid etməyiblər, ağlamamışam? Efirlərdən kənarlaşdırılmışam, ağlamışam da. Amma bu günə qədər bir dənə də olsun reytinq verməyən veriliş aparmamışam. Aydındır ki, aparıcın görkəmi səliqəli olmalıdır. Amma verilişin məğzi olmalıdır, məzmununu düşünmək lazımdır.

Aparıcı var, deyir ki, studiyam pisdir, ona görə reytinq az gəlir. Xeyr, sən bir çəlləyin içində efir apar, əgər maraqlı danışırsansa, ağzını açanda faktlara əsalanırsansa, söz azadlığı olsa da, söz özübaşnalığı olmamalıdır. Dünyanın istənilən yerində azadlıq müəyyən çərçivəyə qədərdir. İnsanın öz daxili çərçivəsi olmalıdır. Filankəsin anası, bacısı demək, şəxsi həyata müdaxilə jurnalistika deyil. Heç kimin ixtiyarı yoxdur, ailə içinə, şəxsi işə qarışsın".

Aytən "aparıcı Zaur Kamal və ya başqası olsun, qoyur sənət adamını qabağına şəxsi həyatından tut hər şeyə toxunur" sualına belə reaksiya verib:

"Bayaq dediniz, bayağılıq. Bax, bu odur. Zauru efirə çıxaran adamlar var. Bu qədər".

Müğənni Nazənin ATV kanalında yayımlanan “Rəngarəng səhər” verilişinin qonağı olub.

Hurriyyet.Az xəbər verir ki, Nazənin 8 qardaşından 5-ni itirməsindən bəhs edərkən ağlayıb. Müğənni bildirib ki, iki qardaşını itirməsi ona daha çox təsir edib.

Aparıcı-aktrisa Aysel Nazim şəxsi həyatı ilə bağlı heç yerdə danışmadığı faktları açıqlayıb.
Yenicag.az-a danışan aktrisa başına dəhşətli hadisələr gəldiyini, ona cadu olunduğunu, ailəsinin də buna görə dağıldığını deyib:

“Həyat yoldaşımın yaxın qohumlarından biri paltarımı aldı ki, geyinim, sonra qaytaracam. Paltarımı geri alandan sonra ağır xəstəlik keçirtdim, yatağa düşdüm. Həmin ərəfədə bətnimdəki üçaylıq körpəmi itirdim. Hara gedirdimsə, həkimlər əlac edə bilmirdi. Yuxuda bir nurani insan mənə dedi: “Sənin paltarına cadu olunub ki, xəstəlik tapasan, ailən dağılsın”.

Həqiqətən də paltarıma baxdım ki, ləkə var, dedilər ki, qurd yağı çəkiblər. Buna görə də ikinci övladıma hamilə olanda hamıdan gizlətdim. Qorxdum ki, yenə cadu edərlər və övladımı itirərəm. Dəfələrlə həyat yoldaşımla aramızda qovğalar yaşandı, bir neçə dəfə ayrılıb-barışdıq. Axırda ailəmiz dağıldı. Amma mənə pislik edən həmin qadının da başına olmazın müsibətlər gəldi, onun da ailəsi dağıldı. Cadu-piti etdirən insan sonda özü də ziyan çəkir”.