Ağıllı insanlar susmağın dəyərini, nə vaxt danışacağını və nə vaxt susmağın daha yaxşı olduğunu seçmək bacarığını başa düşürlər.

TEREF Lent.az - a istinadən xəbər verir ki, lakin ağıllı insanlarda 9 şey var ki, bunu heç kimə demirlər.

Şəxsi nailiyyətlər​​​​​​


Ağıllı insanların öz nailiyyətləri ilə öyünməyi xoşladığına dair ümumi bir yanlış fikir var. Ancaq bu, həqiqətdən uzaqdır. Uğurlarını daim nümayiş etdirməyə ehtiyac duymurlar və məmnun olmaq üçün başqalarının razılığından asılı deyillər.

Uğursuzluqlar

Həyat eniş-yoxuşlarla dolu bir sahil gəmisi kimidir. Ancaq ağıllı insanlar rəğbət və ya diqqət axtarmaq üçün uğursuzluqlarından istifadə etmirlər. Əksinə, onlar uğursuzluqlarını irəliyə doğru irəliləmək üçün fürsətlər kimi görürlər, daha böyük zirvələrə çatmaq üçün pilləkən kimi istifadə edirlər.

Gələcək planlar

Psixologiyanın kəşflərinə görə, beynimiz tamamlanmamış və ya yarımçıq qalmış işləri uğurla başa vurduqlarımızdan daha yaxşı xatırlamağa meyllidir. Planları haqqında danışarkən insanlar tez-tez bu planların artıq başa çatdığını hiss edərək, onların şüurunda hazırlıq və ya tamamlanma illüziyası yaradır.

Şəxsi inanclar

Ağıllı insanlar başa düşürlər ki, hər kəs öz fikrini söyləmək hüququna malikdir. Xüsusilə siyasət, din və ya digər mübahisəli mövzularla bağlı şəxsi inanclar müzakirə üçün son dərəcə həssas ola bilər. Bu mövzuları müzakirə etmək çox vaxt lazımsız münaqişələrə və gərgin vəziyyətlərə səbəb ola bilər.

Onların bilik mənbəyi

Ağıllı insanlar daim öyrənməyə can atdıqları üçün çox vaxt zəngin biliklərə malikdirlər. Maraqlıdır ki, onlar tez-tez bilik mənbələrini özlərində saxlayırlar ki, bu da onlara lazım olduqda tez bir zamanda məlumat əldə etməyə kömək edir.

Xeyirxahlıq nümayiş etdirir

Bəlkə də yaxşı bir iş görməkdən daha məmnunedici bir şey yoxdur. Birinin gününü bir az da yaxşılaşdıra bildiyiniz üçün sevinc hissi həqiqətən təsir edici və ruhlandırıcıdır. Həqiqətən də ağıllı insanlar tez-tez bu cür xeyirxah əməllər edirlər, lakin bunu ictimaiyyətə çatdırmamağı seçirlər.

Qorxular və zəifliklər

Ağıllı insanlar başa düşürlər ki, hər kəsin öz qorxuları və zəif cəhətləri var. Bununla belə, onlar bu daxili maneələri gizli saxlamağa, diqqəti cəlb etmək vasitəsi kimi istifadə etməməyə meyllidirlər, çünki bunların şəxsi cəhətlər olduğunu başa düşürlər.

Onların tək vaxtları

Ağıllı insanlar tək vaxtlarına yüksək qiymət verirlər. Düşünməyə, istirahətə və öz üzərlərinə işləyərək keçirdikləri bu zamanın gücünü dərk edirlər.

Onların məqsədi

Nəhayət, ağıllı insanlar öz məqsədləri, arzuları və planları haqqında açıq danışa bilirlər, lakin onların həyatdakı məqsədləri adətən başqalarına açıqlamayıb, bunu özlərində saxlamağa üstünlük verirlər.

Bir müddət Sovet İttifaqında istehsal olunmayan və heç vaxt istehsal olunmayacaq məhsulların reklamları peyda oldu. Minlərlə xəyal məhsullarının reklamları nümayiş etdirilirdi. Soruşursan niyə?
Bizimyol.info "webtekno"ya istinadən xəbər verir ki, 1967-1991-ci illər arasında Sovet İttifaqının yeganə reklam agentliyi minlərlə reklam hazırladı. Dərc olunan reklamlarda dövlət şirkətlərinin istehsal etmədiyi və istehsal etmək niyyətində olmayan məhsulların təbliği aparılırdı.

İsti hava duşları, ikiqat tualet oturacaqları, xırda doğranmış toyuq... Ən azı 6000 reklam çəkilib. Belə bir şeyin məqsədi nə ola bilər?

Əslində səbəb kommunizmdir

İstehlakçı yönümlü kapitalist cəmiyyətində reklam, rəqiblərin məhsullarını deyil, insanları sizin məhsulunuzu almağa məcbur etməkdir. Ancaq kommunist sistemində rəqabət olmadığı üçün televiziya reklamlarının məqsədi qıtlıq yaşamağa alışmış əhaliyə bolluq hekayəsini göstərməkdir.

Bu səbəbdən Sovet İttifaqı mövcud olmayan minlərlə dəbdəbəli məhsulu reklam edirdi. Axı məhsullar real olsa belə, aclığın geniş yayıldığı ölkədə satıla bilməzdi. Ona görə də reklamların işlək olub-olmaması heç kimin vecinə deyildi.

İnsanlar bu reklamlarla özünü yaxşı hiss edirdi

Reklamların keyfiyyəti də önəmli deyildi. Reklamlar sovet adamlarının diqqətini kilometrlərlə qaz xətlərindən, supermarketlərin boş rəflərindən bir neçə dəqiqəlik də olsa ayırıb aparırdı. Onların dünyası; Günəşin parladığı və gözəl musiqinin səsləndiyi bir atmosferlə dəyişirdi.

Sosial Demokrat Partiyasının üzvü Hardi Volmer bu reklamlarla bağlı bunları deyib: “Sovetlərdə hər şeyin sabit dəyəri var idi. Qalan hər şey real olması planlaşdırılan rəqəmlərə uyğunlaşdırılırdı. Ona görə də hər bir sovet şirkəti öz büdcəsinin 1%-ni reklama xərcləməli idi”.

Qadir, Bizimyol.info

Qeyd olunanlar təsdiqini taparsa bu halda SOCAR Petrolium (rəhbəri cənab Abdulla Tağıyev) tərəfindən ARƏM Maddə 9 (Əmək müqaviləsi üzrə işçinin əsas hüquqları) Maddə 89. (Tam iş vaxtı və onun müddəti), Maddə 90. (Həftəlik tam iş vaxtının müəyyən edilməsi),Maddə 207. (Əməyin mühafizəsi normalarını və qaydalarını müəyyən edən qanunvericilik),Maddə 209. (Əməyin mühafizəsinin əsas prinsipləri), Maddə 215. (Əməyin mühafizəsi sahəsində mülkiyyətçinin və işəgötürənlərin vəzifələri) ,Maddə 222. (Sağlam və təhlükəsiz əməyin mühafizəsi şəraitinin təmin edilməsi) pozulduğu üçün sahə üzrə məsul şəxs(şəxslər) ARƏM maddə 310 (Bu Məcəllə ilə müəyyən olunmuş hüquqları pozmağa görə məsuliyyət) əsasən cəzalanmalıdır.
Şikayət gecə 23.39.-da daxil olub. Düzdür işçi şikayəti yazarkən ünvanı düz seçməyib. Yəni şirkət rəhbəri cənab Abdulla Tağıyevin səlahiyyətlərinə aid olan məsuliyyəti, problem həllini məndən xahiş edir. Problem mövcudluğu, bu halda qanun pozuntusunun məsuliyyəti haqda bir həftə əvvəl də yazmışdım. Cənab sahə üzrə məsul şəxslər! Özünüz 15 gün gecə gündüz yanacaq məntəqəsində yaşaya bilərsiniz? Qətiyyən. Bəs bu işçilər?
-Müəllim burda leysan yağışları, qorxulu ildırımlar çaxır. Tək,bir nəfərəm. ,Burda iki nəfər edin ki, Gece bizdə istirahət edək ,ikimiz də ayda 600 manat alaq amma rahat olaq.Gecə satış səhər satış .Şahdağda iki maşın artıq olan kimi kömək zad gönderirsiz. Xahis edirəm Azpetrol sistemi yaradin. Növbəyə 2 operator verin. Tək alinmir döze bilmirəm.
- Bu yazı Qarabağ zonasında 8 rayonda yerləşən yanacaqdoldurma məntəqələrində işləyən işçilərin fəryadıdi
SOCAR Petroleum Füzuli , Cəbrayıl , Laçın , Kəlbəcər , Şuşa, Xankəndi, Ağdam, Hadrut rayonlarında hər məntəqəyə 1 nəfər işçi qoyub ayda 800 azn verirlər .deyirlər gecə gündüz işlə .
Gecə gündüz müştərilər gelir.Dünən də dəhşətli hava şəraiti
Bunu etsinlər, 2 nəfər işçi həm kömək olsun həmdə iş düzgün getsin.
Bakida necə işləyirlər qrafik saat orda da ele olsun Onsuz da dövlət mecburi köçkünləri orda işlə təmin etmək istəyir. .Goturün 2 nəfər işçi ayda 550 - 550 azn verin .Yoxsa alınmır. Yaxşı da alver olur dövriyyəsi de var.Bunu niyə etmirlər bilmirəm . Bu yazı Qarabağ zonasında 8 rayonda işləyən işçilərin fəryadıdi !
Qeyd: Adətiniz üzrə başlayacaqsınız bunu kim yazdı? Əksinə axtarın ki,belə şəraiti işçi üçün kim yaratdı və niyə? Bir də ki,gecə gündüz işləyən içşçiyə 800 manat vermək həm Allaha, həm də bəndəyə xoş getməz.Axı həyat bumerenqdır,bunun geriyə qayıtmağı da var.
Mirvari Gahramanli
TEREF

Qurban bayramı tətilində Lənkərana üz tutan turistlərin sayı ötən illərə nisbətdə daha çox olub.

Artıq bir çox istirahət mərkəzlərində 100 faiz yerlər 10 gün öncədən bron edilb.

Lənkəranda fəaliyyət göstərən istirahət mərkəzləri Qurban bayramında ən çox paytaxtdan gələn qonaqları qəbul edir.

Bayram tətilində İsmayıllıya üz tutanlar da az deyil. Bu rayonda fəaliyyət göstərən istirahət mərkəzlərində canlanma müşahidə olunur.

İsmayıllıya gedən yolların təmiri ilə əlaqədar gediş-gəliş narahat olsa da gələn turistlərin sayı azalmayıb.

Qiymətlərə gəlincə, şəraitindən asılı olaraq günlük hotel qiymətləri 50- 200 manat təşkil edir. Verilən məlumata görə, qiymətlərdə bahalaşma müşahidə edilmir.

Mövzu ilə bağlı daha ətraflı videomaterialda:

Bizim.Media

Bahar ƏŞ -dən yenə şikayət daxil olub. Problemləri qisa qeyd edirəm. Bəlkə neftin Azərbaycan dövlətinə məxsus olduğunu, orda çalışan işçilərin Azərbaycan vətəndaşı olduğunu, və ən əsası bu şirkətdə ölkəmizin pozulan qanunvericiklərinə hörmətlə yanaşıb araşdırma aparasınız ????
- Əmək haqqı:
Neftin istismarinda əməyi olmayan kabinet işcisi dəfələrlə cox pul alir, işçilər isə olduqca aşağı. Bunlar gələndən sohra 14 il ərzində əmək haqlarımız bir dəfə də olsun artırılmayıb. Əksinə 20% azaldılıb və dəfalərlə cörak pulu ,gecə pulu sutkaliq verilən pullar kəsilib.Bununla əlaqədar dəfələrlə idarənin maliyyə şöbasinin rəhbəri Rasul müəllimə nə qədər də desək hər dəfə deyir pulumuz yoxdur
- VÖEN-lə işləyən (Xidməti Müqavilə) işcilər Əmək Müqaviləsi ilə işləyən işcilərdən cox maş alirlar .Bildiyim qədər bu işçilərin sayı 100-ə yaxındır.Həmən işcilər fəhlə ,usta .çilingar ,qaytnaqçı işləyir
Qeyd: _ Azərbaycan Respublikasının Əmək Məcəlləsinin tələblərinə əsasən əmək münasibətlərinə daxil olan bütün işçilərlə bu Məcəllədə nəzərdə tutulan qaydada Əmək müqaviləsi bağlanmalıdır. Əmək münasibətlərinin mülki hüquqi müqavilələrlə rəsmiləşdirilməsi qadağandır.☝
İş şəraiti
işcilərin şəraitini görsəniz inanmazsiniz hər gun işcilər elə maşinlarla estakadaya aparilir ki, sanki təsavvür etməzsiniz ki bular hansi əsirdə yaşayir ? İş şəraiti dözulməz həddə catib ogurluq baş alib gedir
Çixarilan neftin düzgün hesabati aparilmir. Hasilat azalıb. ƏŞ öhdəliklərini yerinə yetirmir.
Qeyd: Bununla əlaqədar Dövlət Statistika Komitəsinin " Hasilat sənayesində şəffaflıq üzrə məcmu hesabat"-na nəzər saldım.
Neft hasilatı min ton :
2019 - 36,3
2020- 28,1
2021 - 26,4
2022- 23,3
Gördüyünüz kimi hasilat düşüb.
Şəffaflıq
Hesabatda bu xərclər göstərilmir.( məxfilik adı altında gizlədilir)
Sığorta haqları- x
Əmək haqqı xərcləri----x
Sosial sığorta ayrımları-x
Maliyyə xərcləri-x
DSMF-ə ödənişləri--x
Neft quyularının sayı--x
Qaz quyularının sayı--x
Qeyd: Araşdırma başqa ƏŞ üzrə də aparılacaq.
Qeyd;“Bahar Enerji” Əməliyyat Şirkəti: ARDNŞ( 20%paya malik) və “Bahar Enerji Limited” (80% paya malik)arasında bağlanmış 22 dekabr 2009-cu il tarixli Saziş və 27.04.2010-cu il tarixli Azərbaycan Respublikası Qanunu ilə təsdiq edilmiş “Xəzər dənizinin Azərbaycan sektorunda Bahar yatağının və Qum-dəniz yatağının daxil olduğu blokun kəşfiyyatı, bərpası, işlənməsi” hasilatın pay bölgüsü Sazişi əsasında 01.10.2010-cu il tarixdən fəaliyyət göstərir. Bu müqavilə üzrə ARDNŞ tərəfdaşı kimi Virgin adalarında qeydiyyatdan keçmiş Bahar Energy Ltd şirkəti çıxış edir. Bahar Enerji -nin təsisçisi Greenfields Petroleum Corporation isə Kayman adalarında qeydiyyatdan keçib. “Bahar Enerji” Əməliyyat Şirkətinin prezidenti Con Harkins, benefisiar sahibi " ??"
Mirvari Gahramanli
TEREF

Müharibə veteranlarına verilən 80 manat müavinətin artırılması ilə bağlı təklifə artıq cavab verilib. Maliyyə nazirinin müavini Azər Bayramov bunun aktual məsələ olduğunu söylədi. Qeyd edildi ki, bu məsələyə büdcə zərfi ilə bir yerdə baxılmalıdır. Bu ilin büdcə dürüstləşməsində bunun nəzərə alıb-alınmamasını isə öncədən demək olmur.

Bunu Teleqraf.com-a Milli Məclisin İqtisadi siyasət, sənaye və sahibkarlıq komitəsi üzvü, deputat Vahid Əhmədov deyib.

O qeyd edib ki, verilən təklifi hökumət mütləq nəzərə almalıdır:

“Əslində bu təklifi tək mən irəli sürməmişəm. Ümumiyyətlə, əksər millət vəkilləri 2020-ci ildən bu məsələni səsləndirib. Ona görə də, bu məsələ həllini tapmalıdır. Millət vəkili olaraq qəbullarda oluruq, insanlarla görüşürük. Bu məsələ də həmişə qaldırılır. Deyirlər ki, “niyə biz 80 manat almalıyıq? Niyə, bu məbləği artırmırsınız və s”.

Deputat vurğulayıb ki, parlamentdə bu məsələ həmişə səsləndirilib:

“Ötən gün də Milli Məclisdə komitə iclasında mən və digər deputat həmkarlarım Əli Məsimli, Elnur Allahverdiyev, Vüqar Bayramov bir daha bu məsələyə toxunduq. Məsələ həllini tapmalıdır. Bunu hökumət və digər strukturlar bilir”.

Vahid Əhmədov Əmək və Əhalinin Sosial Müdafiəsi Nazirliyindən olan narazlığına da aydınlıq gətirib:

“Kifayət qədər ərizələr var. Həmin ərizələri nazirliyə göndərirəm. Onlardan müəyyən cavablar gəlir. Amma ünvanladığm məsələlərin əksər hissəsi demək olar ki, öz həllini tapmır. Ötən gün iclasda bunu qeyd etmişəm. Bu yaxınlarda Quba rayonu Paşaoba kəndindən bir qazi gəlmişdi. Ayaq üstə dayana bilmirdi, əsirdi, atasının köməyi ilə güclə ayaqda dururdu. Onunla bağlı nazirliyə neçə dəfə müraciət ediblər. Amma məsələlər həll olunmayıb. Mən də Anar Bayramovu (Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri) yığdım, xahiş etdim ki, bu adamı bir daha komissiyadan keçirin. Amma nə olsun, komissiyaya salsalar da etiraz veriblər ki, ona düşmür. Bu cür hadisələr kifayət qədərdir”.

Təhsilin səviyyəsinin aşağı düşməsi ilə bağlı min cür mülahizə irəli sürmək olar. Amma bəzən adi fakt bütün mənzərəni çılpaqlığı ilə ortaya qoyur. Məsələn, iyunun 8-də ibtidai sinif müəllimləri üçün təkrar sertifikatlaşdırma imtahanı zamanı iştirakçıların 1209-u sadə sualın öhdəsindən gələ bilməyib. Onlar 509052-nin sözlə ifadəsini tapmayıblar. Təxminən bu qədər iştirakçı da “fəaliyyət” sözünün düzgün yazılışını təxmin etməyi bacarmayıb. İndi görün ki, vəziyyət nə qədər ağırdır. Bizim uşaqlara kimlər dərs keçir? Təhsilin səviyyəsinin xeyli aşağı düşməsi başqa mənzərə yarada bilməzdi.
Bizimyol.info xəbər verir ki, Azərbaycan postsovet məkanında ali təhsillilərin sayına görə axırıncı yeri tutur. Deyəsən, təhsil funksionerləri bu məsələyə həssas yanaşmağa başlayıb. Buna görə də ali təhsillilərin sayı süni şəkildə artırılır. Hər il ali məktəblərə qəbul yerlərinin sayı artrılır.

Uzağa getməyək, 2015-ci ili xatırlayaq. Onda tam orta təhsil alanların sayı 88,3 min nəfər idi. Ali məktəblərə isə 27,1 min nəfərin qəbul olmasına şərait yaradılmışdı. Yəni təxminən 30 faiz qəbul imkanından söhbət gedirdi. Zamanla faiz artırıldı. Məsələn, 2019-cu ildə tam orta təhsil alanların sayı 80 min nəfəri güclə keçdiyi halda, ali təhsil ocaqlarına 35 minə yaxın abituriyentin qəbul olmasına imkan verilirdi.

Bu il təxminən 100 min şagird məktəbi bitirir. Keçən il say 98 min 403 olmuşdu. Qəbul planının isə 60 min olduğu məlumdur. Təsəvvür edirsiniz, göstərici 60 faizi də keçir. Kimə lazımdır belə göstərici? Kimə nəyi göstərmək istəyirik? 100-150 balı zülmlə toplayan abituriyentlərin ali məktəblərə doldurulması hansı məntiqə söykənir? Sonra da gileylənəcəyik ki, 509052-ni yaza bilmirlər.

Sadəcə, ali təhsilli işsizlər ordusu yetişdiririk. Ölkənin indiki iqtisadi durumunda bu mənzərəyə heç ehtiyac yoxdur. Az qala şagirdlərin hamısına ali məktəbə daxil olmağa şərait yaradılır. Nə var ki, göstərici yüksəlsin. Ali məktəbə qəbul olanların hamısı da oranı uğurla başa vurur.

Təhsil funksionerləri, heç olmasa, inkişaf etmiş ölkələrin təcrübəsinə baxsın. Universiteti başa vurmaq üçün tələbə gecəsini gündüzünə qatır. Nüfuzlu universitetlərə qəbul olanların az qala yarısı oranı bitirə bilmir. Çünki ali məktəbdə gerçək bilik əldə etmək üçün, sözün əsl mənasında can qoymalısan. Biz isə statistikanı süni şəkildə yaxşılaşdırmağın dərdindəyik.