Avropa İttifaqı sammitində Rusiyanın dondurulmuş aktivləri ilə bağlı mühüm qərar qəbul olunub.

Musavat.con sammitin yekun bəyanatına istinadən xəbər verir ki, qərara əsasən Rusiya Ukraynadakı işğalçı müharibəni dayandırıb, Ukraynaya vurulan zərəri tam kompensasiya edənədək onun aktivləri dondurulmuş vəziyyətdə qalacaq.

Qərar bütün Aİ ölkələri üçün icrası məcburi xarakter daşıyır.

Sammitin bəyanatında deyilir ki, “Aİ qanunlarına əsasən, Rusiya Ukraynadakı müharibəni başa çatdırana və münaqişə nəticəsində dəyən “itkiləri kompensasiya edənə” qədər Rusiyanın aktivləri blokadada qalacaq. Avropa Şurasının (Aİ sammiti) qərarları Aİ təsisatları və onun bütün üzv dövlətləri üçün hüquqi cəhətdən məcburidir və yalnız başqa sammitin yekdil qərarı ilə yenidən baxıla bilər.

Musavat.com