 |
|
|
Mədəniyyət Nazirliyinə tabe olan bölgə teatrlarında yanvar ayının maaşları hələki verilməyib.
DİA.AZ bildirir ki, bununla bağlı Bizim.Media-ya teatrların özlərindən şikayət daxil olub. Bildirilib ki, fevral ayının ilk ongünlüyü olmasına baxmayarq hələ də ötən ayın maaşlarını almayıblar. Nazirliyə tabe olan qurumlarda əməkhaqqının gecikdirilməsinə səbəb rəhbərlikdəki kadr dəyişkliyi ilə əlaqələndirilir.
Mədəniyyət Nazirliyinin sözçüsü Nuridə Allahyarova Bizim.Media-ya açıqlamasında gecikdirilən maaşların artıq verilməyə başlanıldığını deyib. Nazirlik rəsmisi əməkhaqqının gecikmə səbəbi barədə məlumat verməyib.
Qeyd edək ki, Mədəniyyət naziri vəzifəsini nazirin birinci müavini Adil Kərimli icra edir. O bu vəzifəyə ötən ilin dekabr ayında təyin olunub.