Bu ilin yanvar-noyabr aylarında Azərbaycandan xarici ölkələrə 610 min 27 ton miqdarında, 628 milyon 1 140 ABŞ dolları dəyərində meyvə-tərəvəz ixrac edilib.

Valyuta.az rəsmi məlumatlara istinadən xəbər verir ki, ixrac olunan məhsul ötən ilin eyni dövrü ilə müqayisədə miqdar ifadəsi ilə 31 min 713 ton (5%), dəyər ifadəsi ilə 13 milyon 187 min dollar (2%) azdır. Ötən ilin eyni dövründə Azərbaycandan xarici ölkələrə 641 min 740 ton miqdarında, 641 milyon 188 min ABŞ dolları dəyərində meyvə-tərəvəz satılıb.

Qeyd edək ki, bu ilin bəhs olunan dövründə ixrac olunan meyvə-tərəvəz ümumi ixracın 2,58 faizini, qeyri-neft sektoru üzrə ixracın 20,32 faizini təşkil edir.