 |
|
|
Orta təhsilini Xırdalan şəhər 2 saylı tam orta məktəbdə alıb. Məktəbi fərqlənmə ilə bitirib. 642 bal toplayaraq Qafqaz Universitetinin Mexanika mühəndisliyi ixtisasına qəbul olub. Elə hər şey bundan sonra başlayıb. Müsahibimiz bu il “Gənclər üçün Prezident mükafatı”na layiq görülən Tariyel Ağazadədir. O, 2020-ci ildə Azərbaycan İnnovasiya Mükafatı üzrə “İlin influenseri” adına da layiq görülüb. 2022-ci ildə “İlin Ekosistem Lokomotivi” nominasiyası üzrə “İlin İnnovasiya Adamı” seçilib.
“Kaspi” qəzetinin müsahibi bu il “Gənclər üçün Prezident mükafatı”na layiq görülən Tariyel Ağazadədir.
“Əvvəl mühəndis olmaq istəyirdim”
T.Ağazadə deyir ki, onu innovasiya sahəsinə gətirən müəllimi olub: “Əvvəl mühəndis olmaq istəyirdim, daha sonra özümü innovasiya, startap sahəsində sınamağa qərar verdim. Müəllimimin şirkətində təcrübəçi olaraq işə başladım. Bir il orada fəaliyyət göstərdim. Təcrübə müddəti bitdikdən sonra elə həmin şirkətdə işə başladım. Daha sonra fəaliyyətimi proqram meneceri olaraq davam etdirdim. Əsası Türkiyədə qoyulmuş və qurucularından biri azərbaycanlı olan startapdan inkişaf üzrə menecer vəzifəsinə dəvət aldım. Orada bir il işlədim. Bu zaman müddətində startapda proseslərin necə getdiyini, biznesin necə qurulduğunu öyrəndim. Sonra Azərbaycanın böyük banklarının birindən iş təklifi gəldi. Orada innovasiya proqramı yaradılırdı və aparıcı mütəxəssis tələb olunurdu. İki ilə yaxındır onlarla çalışıram”.
Uğursuzluqdan dərs almaq
Tariyelin texnologiya sahəsində müxtəlif uğurları mövcuddur: “Əvvəldən texnologiya sahəsinə böyük həvəsim var idi. Universitet vaxtı fikirləşdim ki, özümə bloq yaradım. Bloqumu inkişaf etdirib texnologiya və startap paylaşan bir platforma yaratdım. Onu dövlət qurumuna satdıq. Bu, mənim ilk uğurlu biznes layihəm idi. Amma uğursuz olub fəaliyyətini dayandıranlar da mövcuddur. Sonra düşündüm ki, bu işə daha ciddi yanaşmaq və daha böyük investisiya lazımdır. Texnologiya, startap və innovasiya haqqında olan xəbər platformamı yaratdım. Hər bir uğursuzluq təcrübədir. Uğursuz hesab etdiyiniz layihə zamanınızı, maliyyənizi alır. Amma bunun qarşılığında sizə təcrübə verir ki, növbəti dəfə addım atanda həmin səhvi təkrar etməyəsiniz”.
Uğurlu olmaq üçün ölkənin fərqi yoxdur
Müsahibimiz uğurlu olmağın sirlərindən də danışdı: “Kimisə təqlid etmək, model kimi götürmək olar. Amma getdiyin yol mütləq fərqli olmalıdır. Bəzən deyirlər doğulduğun ölkədən asılı olaraq ya geridə, ya öndəsən. Amma mən düşünürəm ki, hər şey insanın özündən asılıdır. Hər bir insan atacağı addıma və verdiyi qərarlara görə nəticə alır. Hər uğurlu insanın məqsədləri, hədəfləri var. Həmin məqsədə getmək üçün kiçik hədəflərin olmalıdır. Onlara bir-bir çatmalısan. Belə olduqda yorulmadan, ruhdan düşmədən, motivasiyalı böyük məqsədə doğru irəliləyirsən. Mənim məqsədim var idi ki, Azərbaycanda texnologiya sahəsində elə bir media qurum ki, ən azı “TOP 3”də olsun, bir çox brendlərlə işləsin. Növbəti hədəf regionda bu uğuru böyütməkdir. Uzun vədəli məqsədlərdə milyonlarla insan tərəfindən istifadə olunan və qlobal səviyyədə fəaliyyət göstərən startap yaratmaq istəyirəm. Uğurlu olduqdan sonra şirkəti satıb qazancımdan investor kimi azərbaycanlı startapçılara yatırım etmək niyyətindəyəm”.
Startap həyatımızı dəyişir
Müsahibimizin sözlərinə görə, startap dünyada çox yayılsa da, Azərbaycanda yatırım ediləcək layihə yoxdur: “İstifadə etdiyimiz sosial şəbəkələr, taksi xidmətləri və sair - hamısı startapdır. Saniyələr içində milyonlar qazanırlar. Startap həm onu quran adamın, həm ondan istifadə edənlərin həyatını dəyişir. Azərbaycanda startapa daha çox cavan nəsil maraq göstərdiyinə görə bir az qeyri-ciddi yanaşırlar. Amma startap qətiyyən boş bir şey deyil, biznesdir. Ənənəvi biznes kimi market açırıq, restoran qururuq ki, o bizə pul qazandırsın. Startap da eyni məntiqə xidmət edir. Sadəcə, yeni bir şey yaradırsınız və o, insanların həyatını rahatlaşdırmalı, problemlərini həll etməlidir. Bizdə buna yarış kimi baxırlar. Bəzən yaradırlar ki, sırf mükafat alsınlar. Amma son illər atılan addımlar sayəsində insanların startap anlayışı yavaş-yavaş dəyişir, daha düzgün şəklə gəlir. Özəl qurumlar da yatırımlarını innovasiya sahəsinə edir ki, ölkəyə daha çox fayda versin. Azərbaycanda özəl investorlar bu sahəni öyrənib, startaplara yatırım etmək istəyirlər. Hazırda Azərbaycanda investorlarla bağlı problem yoxdur, əksinə, keyfiyyətli startaplar çatışmır. Əvvəl investor da yox idi, startap da”.
Həmçinin biznesin inkişafı üzrə menecer olan Tariyel Ağazadə deyir ki, startap qurarkən tələsmək olmaz: “Tövsiyə edərdim ki, startap quran, yaxud buna maraq göstərən insanlar məhz ekspert olduğu sahə ilə bağlı startap yaratsınlar. Çünki ekspert olduqları sahədə təcrübələri və əlaqələri var. Startapların 90 faizi uğursuz olur. Başlıca məqsəd pul qazanmaq, yaxud istifadəçi yığmaqdır. Baxmalıdırlar ki, startapdan pul qazanırlarmı? Yaxud kütlə yığdıqdan sonra qazanc gətirə biləcəkmi? Bu layihə insanlara lazımdırmı?”
“Özəl şirkətlər çoxlu yatırım edirlər”
Həmsöhbətimiz hər il ölkəmizi dünyada müxtəlif tədbirlərdə təmsil edir: “Ölkəmiz innovasiya və texnologiya sahəsində bir neçə il geridədir. Biz birbaşa onların səviyyəsinə gəlmək üçün radikal addımlar atmalıyıq. Məsələn, Çin inkişaf etməkdə olan ölkədir. Onlar bizdən daha geridə idilər. Texnologiya məsələsinə dövlət o qədər önəm verdi ki, inkişaf etmiş ölkələrdən də önə keçdilər. Tədbirlərdə görürdüm ki, daha maraqlı, kreativ, çətin məsələləri asanlaşdıran startaplar yaradırlar. Xarici ölkələrdə hər bir dövlət qurumunun innovasiya ilə bağlı işi var. Özəl şirkətlər də çoxlu yatırım edirlər. Özləri də startap qururlar, bu texnologiyaları araşdırmaq üçün laboratoriya yaradırlar. Ən bəyəndiyim texnologiya tədbiri İspaniyanın Barselona şəhərində baş tutub. Orada maraq dairəmdə olan ən son texnoloji cihazları təqdim edirlər”.
“Daha çox texnoloji kitablar oxuyuram”
Deyirlər ki, texnologiya ilə maraqlanan insanlar ruhsuz olur, insanlarla ünsiyyət qurmurlar. Tariyel isə deyir ki, buna peşəkar iş kimi baxdığına görə, onda belə deyil. Amma bir çox hallarda sosial media, virtual reallıq insanları real həyatdan uzaqlaşdırır: “Mən platformaya, sosial mediaya daha çox alət, qazanc mənbəyi kimi baxıram. Necə ustaların alətləri olur, mənim də alətim sosial mediadır. Bu alət məni real həyatdan qətiyyən uzaqlaşdırmır, əksinə, daha yaxşı yaşamaq, daha çox pul qazanmaq, inkişaf etmək, insanlarla tanış olmaq üçün vasitə olur. Ayda bir dənə kitab oxuyuram. O da məhz texnoloji, biznes sahəsində olur. Zamanında poetik şeirlər, romanlar oxumağım cəmiyyətə yararlı kadr olmağıma, danışığıma, hərəkətlərimə təsir edib. Amma hazırda vaxt itkisi olmaması üçün işimə tətbiq edə biləcəyim kitablara daha çox diqqət edirəm”.
“Hər il yeni telefon alırıq, amma...”
T.Ağazadənin fikrincə, ölkəmizdə texnologiyadan istifadə yüksək səviyyədə deyil: “Hər il yeni telefon alırıq, amma texnoloji yeniliyinə görə yox, sırf brendinə görə. Bəzən dünyada çox populyar olan yenilik bizim insanlar tərəfindən başa düşülmür. Mən bloqumda insanlara texnologiyanı, texnoloji yenilikləri sevdirmək üçün çox sadə, bəsit dildə izah edirəm. Videoları sadə dildə çəkdiyimiz, hamını nəzərə aldığımız üçün milyonlarla insan tərəfindən izlənilir. Platformada izləyicilərdən gələn maraqlı, texnoloji sualları cavablandırırıq. Ailə-məişət problemləri ilə bağlı sualları cavablandıranda milyonlarla izlənmə gəlir. Məsələn, “yoldaşımın xəyanətini necə tapım”, “telefonunu necə izləyim”, “parolunu necə qıra bilərəm”. Qeyri-qanuni olan şeyləri çalışırıq ki, səsləndirməyək”.
Bloqerlərə qazandıran da insanlardır
İlin influenserilə ölkəmizdə və dünyada məşhur olan influenserliyin sirləri haqqında da söhbətləşdik: “İnfluenserin mənası kütləyə təsir etməkdir. Texnologiya sahəsində kütlə bir az dardır. Çünki hamı bizim videoları izləyib başa düşə bilməz. Gözəllik, yemək mövzusunu sevən insanlar və o sahədə bloqerlər daha çoxdur. Amma texnologiya sahəsində barmaqla sayılacaq, heç 10 bloqer yoxdur. İzləyicimiz az olsa da, qiymətlərimiz onlardan daha bahadır. Çünki dünya brendləri ilə işləyirik, həmçinin kontent daha çətin əmələ gəlir. Brendlər də bizimlə işləməyə məcburdur, çünki başqa keyfiyyətli kontent yaradan yoxdur. Sadəcə, insanlar bloqerlərin bu qədər qazandığını başa düşmək istəmir. Amma onlara qazandıran da elə insanlardır. İnfluenserlər agentlik vasitəsilə işləyirlər, dövlətə vergi ödəyirlər. Daha sonra agentlik bloqerlərə qeyri-rəsmi və ya rəsmi pul köçürür”.
“TikTok”a qadağa qoyulanda heyifsilənirəm”
Tariyel “TikTok” platformasının düzgün istifadə olunmadığını, amma yavaş-yavaş vəziyyətin dəyişə biləcəyini düşünür: “TikTok” çox möhtəşəm bir platformadır, heç bir pis tərəfi yoxdur. “TikTok” istifadəçi sayına görə “Facebook”u da, “Instagram”ı da keçib. Bəzi ölkələrdə qadağa qoyulanda çox məyus oluram. Çünki yaradıcı insanların qazanc, tanınma mənbəyi, sadə insanların isə əyləncə mərkəzidir. Bizim tiktokerlər bu platformanı səhv istifadə edirlərsə, bu, onların günahıdır. “TikTok”da 100 minə yaxın izləyicimiz var. Telefon haqqında bir videomuz 1,7 milyon dəfə izlənilib. Nazirliklərin, qurumların “TikTok” səhifəsi var, öyrədici kontent yaradırlar. Azərbaycanda bu mövzuda dəyişmələr baş verir və daha keyfiyyətli kontentlər gəlir”.
İnsanlarımızın saflığından istifadə edirlər
Dünya ölkələrində müxtəlif konfranslarda olan müsahibimiz bildirir ki, bizdə bankçılıq digər ölkələrdən daha çox inkişaf edib. Azərbaycanda bank və maliyyə sahəsində startapların az olmasına, çox da inkişaf etməməsinə görə banklar bu məsuliyyəti üzərlərinə götürürlər və startap rolunu oynayırlar: “Bəzi ölkələrdə pul köçürmək, kart yaratmaq, proqram yükləmək üçün banka yaxınlaşmalı, rəsmi ərizə yazmalısan. Sadəcə, biz müqayisə edə, inkişafımızı görə bilmirik. Dünya ölkələrində kibercinayətkarlıq, hakerlik çox inkişaf edib, dələduzluqlar daha ciddi, çətin, düşünülmüş və ağıllı şəkildə baş verir. Ölkəmizdə isə insanların kartından pul çəkilməsi, şəxsi məlumatların, şəkillərinin oğurlanması, şantaj olunması son vaxtlar başlayıb. Bizdə daha çox insanların saf olmasından istifadə edirlər. Məlumatların paylaşılması, pullarının çəkilməsi insanlarımızın öz səhvidir. Rəsmi olmayan, məlumatları oğurlayan proqramları yükləyirlər. Bütün banklar bildirir ki, şəxsi məlumatlarınızı heç kimlə paylaşmayın, hətta bank əməkdaşları ilə də”.
Gördüyünüz işlərə dəyər verin
Son olaraq gənclərə tövsiyələr ilə söhbətimizi bitirdik: “Tövsiyəm odur ki, hansı sahədə olursunuz olun, amma işinizi keyfiyyətli görməyə çalışın. İşi yola versəniz, bilin ki, özünüzü yola verirsiniz. Maaşlı işlədiyiniz yerdə belə, işi düzgün görsəniz, oradan öyrənəcəksiniz. İkinci məsələ insanlara faydanız toxunmalıdır. İşlərlə bağlı paylaşımlar edin, görüşlərə gedin, maksimum faydalı olmağa çalışın”.
Azərbaycanda fantastik qiymətə mobil nömrə satılır.
TEREF lent.az-a istinadən bildirir ki,yerli saytların birində yerləşdirilən elanda mobil operatorlardan birinə məxsus nömrənin satış qiyməti fiziki şəxslər üçün 1 milyon 700 min manat təşkil edib.
Məlumatda bildirilib ki, bu nömrə hüquqi şəxslər üçün 17 milyon manatdır. Nömrənin sahibi Gəncə sakini olan İskəndər adlı şəxsdir. Nömrənin sahibi satış qiymətinə endirim etməyəcəyini bildirib.
Məqaləyə dair fotomateriallar:
Nəqliyyat qaiməsində qeyd olunmayan məhsullar aşkar edilib.
APA-nın Naxçıva bürosunun xəbərinə görə, İran İslam Respublikasından tranzit keçməklə yük gətirən "Reno” markalı yük nəqliyyat vasitəsinə Naxçıvan Baş Gömrük İdarəsinin "Naxçıvan Karqo Terminal” gömrük postunda gömrük baxışı keçirilib.
Baxış zamanı nəqliyyat qaiməsində qeyd olunmayan 1270 kq qarışıq ərzaq, müxtəlif qab-qacaq və mətbəx ləvazimatları, məişət əşyaları, tikinti materialları, eləcə də 16600 ədəd aksiz markası olmayan "Milano” markalı siqaret aşkar edilib.
Əlavə olaraq qaimədə qeyd olunan 2000 kq findıq yükü də nəqliyyat vasitəsində aşkarlanmayıb.
Azərbaycanda metro, taksi və avtobusdan istifadə edənlərlə bağlı rəqəmlər açıqlanıb.
Xezerxeber.az-ın xəbərinə görə, dövlət statistika komitəsinin yanvar-fevral ayları üzrə hesabatına görə, qeyd olunan dövrdə nəqliyyatçılar 294,4 milyon sərnişinə xidmət göstəriblər.
Bəs sakinlər daha çox hansı ictimai nəqliyyat növündən istifadə edirlər?
Ekspertlərin fikrincə, son üç ildə taksidən istifadə edənlərin sayı xeyli artıb. Hətta bu rəqəm statistika komitəsinin açıqladığı rəqəmlərdən daha çoxdur. Çünki belə məlumatlar taksi sifarişi bazalarından götürülür. Lakin bir çox bölgələrdə taksi operatorları fəaliyyət göstərmir, qeyri-rəsmi taksi daşımaları ilə məşğul olan xeyli sayda sürücü var. Bu səbəblə taksidən istifadə edənlərin sayı daha çoxdur. Bu göstərici isə digər ölkələrlə müqayisədə yüksəkdir. Taksidən istifadənin çox olmasına görə, Azərbaycan regionda liderlərdən hesab edilə bilər. Bu isə metro və avtobusun yetərli olmadığının göstəricisidir.
Mövzu ilə bağlı daha ətraflı videomaterialı təqdim edirik:
Artıq bir neçə gündür ki, müsəlmanlar üçün müqəddəs sayılan Ramazan ayı başlayıb.
Müqəddəs ayın ilk günlərindən restoranlarda iftar menyularının qiymətinin kəllə-çarxa qaldırıldığını müşahidə edirik. Məsələn, hazırda əksər restoranlarda qiymətlər 30 manatdan başlayıb, 95 manatadək davam edir. Bu isə ötən illə müqayisədə qiymətlərin xeyli artdığını göstərir.
Bəs vətəndaşlar bu qiymətlərlə razılaşırmı?
TV Musavat-ın əməkdaşları bu sualla Bakı sakinlərinə müraciət edib, onların rəyini öyrənib.
Hazırladığımız reportajı təqdim edirik:
Qaçqınların və Məcburi Köçkünlərin İşləri üzrə Dövlət Komitəsinin Mənzil İstismar Departamentinin Ağdam rayon Mənzil kommunal istismar sahəsinin rəisi Valeh Abdullayev barəsində Baş prokuror yanında Korrupsiyaya qarşı Mübarizə Baş İdarəsində cinayət işi başlanıb.
Hurriyyet.az-a bu barədə Baş Prokurorluqdan məlumat verilib.
Bildirilib ki, əməliyyat-istintaq tədbirləri ilə Valeh Abdullayevin müxtəlif şəxslərin işlə təmin olunması, təqaüd yaşına çatanların işdən çıxarılmaması, faktiki olaraq işə gəlməyən şəxslərə əməkhaqqı verilməsinə şərait yaradılması, təmsil etdiyi qurumun balansında olan mənzillərin başqa şəxslərin istifadəsinə verilməsi və digər bu kimi qanunsuzluqlar müqabilində onlardan təkrarən rüşvət istəməsinə əsaslı şübhələr müəyyən edilib. O, tələb etdiyi pul vəsaitlərini vətəndaşlardan alarkən cinayət başında yaxalanıb. Sadalanan qanunsuz əməllər əməliyyat-axtarış tədbirləri zamanı qeydə alınan videogörüntülər, Valeh Abdullayevin xidməti otağına keçirilmiş baxış nəticəsində götürülmüş sənədlər və digər sübutlarla təsdiqini tapıb.
Vurğulanıb ki, ilkin sübutlar əsasında Valeh Abdullayev Cinayət Məcəlləsinin 311.3.2 (rüşvət alma təkrar törədildikdə) və 312-1.1 (vəzifəli şəxsin qərarına qanunsuz təsir göstərmə - nüfuz alveri) maddələri ilə şübhəli şəxs qismində tutulmaqla ona həmin maddələrlə ittiham elan edilib, barəsində istintaq orqanının vəsatəti və ibtidai araşdırmaya prosessual rəhbərliyi həyata keçirən prokurorun təqdimatı əsasında məhkəmənin qərarı ilə ev dustaqlığı və vəzifədən kənarlaşdırma növündə qətimkan tədbirləri seçilib.
Qeyd olunub ki, hazırda qeyd edilən qanunsuz əməllərin törədilməsində hər hansı formada iştirak etmiş şəxslərin müəyyən edilərək məsuliyyətə cəlb edilməsi və digər halların yoxlanılması istiqamətində əməliyyat-istintaq tədbirlərinin həyata keçirilməsi davam etdirilir.
“Taksi sifarişi operatorları tərəfindən hər bir taksi sifarişi üzrə real vaxt rejimində ötürülən adsızlaşdırılmış məlumatların, o cümlədən sürücünün iş və istirahət rejimlərinə riayət olunmasına nəzarət məqsədilə sürücü barədə məlumatların siyahısı” təsdiq edilib.
Bu barədə Baş nazir Əli Əsədov müvafiq qərar imzalayıb.
Taksi sifarişi operatorları tərəfindən hər bir taksi sifarişi üzrə real vaxt rejimində ötürülən adsızlaşdırılmış məlumatların, o cümlədən sürücünün iş və istirahət rejimlərinə riayət olunmasına nəzarət məqsədilə sürücü barədə məlumatların SİYAHISI
Taksi sifarişi operatorları tərəfindən “AYNA” informasiya sisteminə aşağıdakı adsızlaşdırılmış məlumatlar real vaxt rejimində ötürülür:
1. taksi minik avtomobilinin hər bir statusuna uyğun olaraq tarix və vaxt;
2. taksi sifarişinin statusu (aktiv (sürücü sərnişini götürməyə gedir), imtina edilib (sifariş sərnişin və ya sürücü tərəfindən ləğv edilib), icra edilir (daşıma həyata keçirilir), icra edilib (daşıma başa çatıb);
3. taksi sifarişinin hər bir statusuna münasibətdə tarixi və vaxtı;
4. taksi sifarişi üzrə tətbiq olunan tarif, gediş haqqı və gediş haqqının ödənişi üsulu (nağd və ya nağdsız qaydada);
5. daşıyıcının vergi ödəyicisi kimi uçota alınması haqqında şəhadətnamə üzrə məlumat;
6. taksi minik avtomobilinin dövlət qeydiyyat nişanı;
7. taksi minik avtomobilinin yeri, marşrutu və sürəti;
8. taksi minik avtomobilinin sifariş statusu (boşdur, boşdur -sifarişi qəbul edir, məşğuldur - sərnişin daşıyır, məşğuldur - sərnişin daşımır və sifariş qəbul etmir);
9. taksi minik avtomobilinin sürücüsünün sürücülük vəsiqəsinin seriyası və nömrəsi;
10. taksi minik avtomobilinin sürücüsünün iş və istirahət vaxtının başlanğıc, son tarixi və vaxtı.
“Bakı-Sumqayıt yolu ən böyük problemli, ən çox tıxac olan yoldur. Burada saatlarla maşın dayanır, ölkənin şimalından, eyni zamanda, Abşeron rayonundan gələn avtomobillər sözün həqiqi mənasında sıx tıxac yaradır və bu, kifayət qədər çətinliklər törədir.
Bu yolun sağı, solu tikintilərlə əhatə olunub. Ona görə də ayrı-ayrı ölkələrin təcrübələrindən istifadə etmək olar”.
Bu sözləri deputat Fəzail Ağamalı Bizim.media-ya nəqliyyat sahəsindəki problemlərdən danışarkən deyib.
O, Bakı-Sumqayıt yolunda saatlarla yaşanan tıxacların hər gün təkrarlandığını və bunun üçün parlamentdə də təkliflə çıxış etdiyini vurğulayıb:
“Yaponiyada olanda görmüşəm ki, orada yüngül konstruksiyalı iki və ya üçmərtəbəli yollar çəkilib. Bundan istifadə etmək olar, düzdür, bir az bahalıdır, lakin Bakı-Sumqayıt yolundakı tıxacın aradan qaldırılmasının yeganə yolu budur. Çünki yolun daha da genişləndirilməsi mümkün deyil.
Nəzərə alsaq ki, həmin yol metronun “20 Yanvar” stansiyasına çatmamış körpüyə qədər 6 zolaqlıdır, körpüyə çatanda 3, tuneldən çıxandan sonra iki zolağa çevrilir. Bu da maşınların rahat hərəkəti üçün problem yaradır”.
Bundan başqa Milli Məclisin üzvü iki şəhər arasında metro xəttinin çəkilməsinin və şəxsi maşınların paytaxta buraxılmamasının tərəfdarıdır:
“Sumqayıta qədər yerüstü metro da çəkilə bilər. Bu da səmərəli nəticə verər. Metro olduqdan sonra Sumqayıtdan gələn şəxsi avtomobillərin Bakıya girişi məhdudlaşdırıla bilər. Hər hansı şəxs metro ilə Bakıya gələ, paytaxtda öz işini görüb, Sumqayıta qayıda bilər. Beləliklə sıxlığın qarşısı alınar”.
Məsələ ilə bağlı Avtosfer.az saytının baş redaktoru, nəqliyyat eksperti Elməddin Muradlı "Sherg.az"a bildirib ki, Milli Məclisdə nəqliyyat məsələləri üzrə müzakirə apararkən deputat Fəzail Ağamalı Novxanıda yaşadığını və iş yerinə gələndə 2 saat vaxt sərf etdiyini qeyd etdi:
"İndi isə açıqlama verir ki, Sumqayıtdan gələn şəxsi avtomobillər Bakıya buraxılmasın. Belə çıxır ki, Fəzail bəyin də maşını buraxılmamalıdır. Iclasda tıxac mövzusunu gündəmə gətirdi. Mən isə çıxışımda bildirdim ki, Novxanıya hər gün gedib gələndə Masazırdan keçirsiz. Yolun kənarında qanunsuz mənzillər tikiləndə, piyada səkilərinin üzərində hündürmərtəbəli binaların təməli qurulanda harada və nə işlə məşğul idiz? Niyə səsinizi çıxarmırdız? Qanunsuz tikilən binalara Fövqəladə Hallar Nazirliyi qaz verilməsinə icazə vermədikdə siz və sizin kimi bir neçə deputat parlamentdə məsələ qaldırırdı ki, qaz verilmədiyinə görə, sakinlər narazıdır. Hərçənd, heç sakinlərin çoxusu həmin binada yaşamırdı. Bina sahiblərinin əksəriyyəti sahibkarlıqla məşğul olan şəxslərdir. Maraqlıdır, tıxacdan narahat olanlar niyə həmin vaxt bu mövzunu gündəmə gətirmirdi? ”.
Ekspert vurğulayıb ki,tıxacı yaradanlar məmur-oliqarxlar, bir sıra deputatlar və bir növ onların ətrafındakı adamlardır:
"Harada gəldi bina tikir, yaşıllıqları məhv edirlər. Hörmətli deputat indi deyir ki, Sumqayıtdan gələn maşınlar buraxılmasın və nəticədə Fəzail müəllim rahat işə gələ bilsin. Bəs həmin adamlar insan deyil? Şəhərə nə ilə gəlsinlər? Maşınlarını hara atsınlar ki, deputatın rahatçılığı pozulmasın ”.
Dövlət qurumlarının statistikaları arasında ziddiyyət var :
1. İRİA deyir ki, ölkədə təxminən 220 aktiv startap var.
Ötən günlər təqdim etdikləri hesabatda da bu istiqamətdə açıqlamalar veriblər.
2. ASAN deyir ki, startapların sayı təxminən 80 ətrafındadır
Qurum startap ekosistemlərlə bağlı beynəlxalq vəziyyəti və reytinqi ölçən StartupBLink qurumunda Azərbaycanı təmsil edir. Bu statistika da həmin beynəlxalq reytinqdə görsənir.
3. Ötən il Prezidentin köməkçisi Şahmar Mövsümov son bir ildə startap sayının 3 dəfə artdığını bildirmişdi. Lakin hansı sayın 3 dəfə artdığını qeyd etməmişdi
4. Startup.az "Startap Azərbaycan" portalının bazasında 160-dək startapın olması görsənir
5. KOBİA açıqlayıb ki, ölkədə Startap şəhadətnaməsi alanların toplam sayı 135 -dir
Beləliklə, adi bir statistika göstərir ki , dövlət qurumları arasında startap və ekosistem infrastrukturun inkişafı ilə bağlı kommunikasiya və əlaqələr olduqca zəifdir.
Bu sahənin zəif inkişafı həm də bununla bağlıdır.
Normalda İRİA və KOBİA statistikaları da ASAN-nın söz sahibi olduğu StartupBlink-də öz əksini tapa bilərdi.Təəssüf ki hansısa səbəblərdən bu reallaşa bilmir.
Xatırladıram ki, Azərbaycan startap ekosistemin inkişafına görə StartupBlink reytinqində çox aşağı yerlərdədir, ötən il 100 ölkə arasında 84-cü yeri qazanmışıq.
Fikrimcə burada daha çox maliyyə resursları, daha çox komanda İRİA-ya məxsusdur, ondan gözləntilər daha çoxdur . Lakin son illərdə dinamika olsa da, hələlik bu sektorda gözləntilər özünü doğrultmayıb .
İRİA ölkədə startap və innovasiya sahəsində kordinasiya və resursların bir yerə cəmləşdirilməsi, mühitin inkişafı və effektivliklə bağlı səylərini gücləndirməlidir.
Osman Gunduz
TEREF
Azərbaycanda yollarda yol nişanlarının qurulması və onların lazımi vəziyyətdə saxlanılmasına nəzarəti Azərbaycan Yerüstü Nəqliyyat Agentliyi qismində Azərbaycan Respublikasının Rəqəmsal İnkişaf və Nəqliyyat Nazirliyi həyata keçirəcək.
Bu, Prezident İlham Əliyevin bu gün imzaladığı “Yol hərəkəti haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 1998-ci il 22 noyabr tarixli 24 nömrəli Fərmanında dəyişiklik edilməsi haqqında” fərmanda əksini tapıb.
“Yol hərəkəti haqqında” qanuna əsasən, yol nişanlanması müstəqil şəkildə, habelə yol nişanları və svetoforlarla birlikdə tətbiq olunur. Bu halda yol nişanlanmasına və yol nişanlarının tətbiqinə münasibətdə Azərbaycan Yerüstü Nəqliyyat Agentliyi qismində Azərbaycan Respublikasının Rəqəmsal İnkişaf və Nəqliyyat Nazirliyi (Daxili İşlər Nazirliyinin rəyi nəzərə alınmaqla), svetoforların tətbiqinə münasibətdə isə Daxili İşlər Nazirliyi məsul qurum kimi müəyyənləşib.