"Kütləvi massivlər “özbaşına tikililər” adı altında konsepsiya da işlənib, təsdiq olunacaq".

Redaktor.az xəbər verir ki, bunu Milli Məclisin Aqrar siyasət komitəsinin iclasında Torpaq Məcəlləsində dəyişikliyin müzakirəsi zamanı İqtisadiyyat Nazirliyi yanında Əmlak Məsələləri Dövlət Xidmətinin şöbə müdiri İlqar Həbiyev deyib. Onun sözlərinə görə, növbəti mərhələdə özbaşına yaşayış massivlərinin formalaşdırılması ilə bağlı kütləvi kateqoriya dəyişiklikləri, icazələr və sənədləşdirmə məsələlərinə münasibət bildiriləcək.

Bəs görəsən, konsepsiya hazırlanarkən hansı nüanslar nəzərə alınacaq?

Mövzu ilə bağlı danışan əmlak məsələləri üzrə ekspert Elnur Azadov bildirib ki, ilkin mərhələdə sənədləri nisbətən qaydasında olan evlərin qeydiyyatı mümkün olacaq:

“İlkin mərhələdə sənədi qaydasında olan evlərin qeydiyyatına başlanacaq. Məsələn, bələdiyyə tərəfindən verilmiş sənədlər, digər sərəncamlar və digər hüquqi sənədlər əsas götürüləcək. Ümumiyyətlə, heç bir sənədi olmayan evlərə isə bu şamil olunmayacaq. Ona görə ki, belə evlərin heç bir qanuni əsası yoxdur. Hazırda yalnız Əmlak Məsələləri Dövlət Xidmətinin sənədləşmə apara bildiyi evlərin qeydiyyata alınması mümkündür. Sənədləşməsi mümkün olmayan evlərin sökülməsi və sakinlərin başqa ərazilərə köçürülməsi həcm olaraq həddən artıq böyük bir prosesdir”.

Ekspertin fikrincə, paytaxın müxtəlif ərazilərində yerləşən və qeydiyyatı mümkün olmayan evlərlə bağlı problem olduqca ciddidir:

“Elə ərazilər var ki, oradakı evlər inşaat və yaşayış normativinə uyğun tikilməyib. Məsələn, Bakının “Şanxay”, “NZS”, Keşlə, Yasamal və Alatava kimi ərazilərindəki evlər o qədər bir-birinə sıx tikilib ki, hər hansı fövqəladə hal zamanı yanğınsöndürən maşın müdaxilə edə bilmir. Bu kimi yerlərdə olan evlərə sənədin verilməsi o deməkdir ki, dövlət artıq öz normativlərini qorumur. Digər tərəfdən, bu evlərin sökülməsi məsələsi daha da qəlizdir. Əslində, bu illərdir davam edən ciddi bir problemdir. Ən yaxşı yol tikinti şirkətlərini həmin ərazilərə yönəltməkdir ki, orada şirkətlər hər bir vətəndaşla məsələni individual formada həll edə bilsinlər. İndi ən mühüm məsələ odur ki, tikinti şirkətləri də belə böyük həcmdə söküntüləri həyata keçirə bilməz. Həmçinin tikinti şirkətləri üçün bu ərazilər o qədər də əlverişli deyil. Düşünürəm ki, bu illər boyu həll olunmamış məsələ kimi qalacaq”.(yenisabah.az)

Bizi Telegram-da izlə

"İlk dəfə sürətli sərnişin qatarlarına Ucar və Ləki stansiyalarında dayanacaq verilir".

Oxu.Az xəbər verir ki, bunu "Azərbaycan Dəmir Yolları" QSC-nin ictimaiyyətlə əlaqələr şöbəsinin rəhbəri Sənubər Nəzərli deyib.

O bildirib ki, ötən ilin sonunda Azərbaycana çatdırılmış dörd ədəd "Flirt" qatarı artıq tam istismara hazırdır:

"Bu gün Ucar və Ləki stansiyası istiqamətində rəmzi səfər təşkil edilir. İstər Ucar, istər Ağdaşın ətraf rayonlarının 100 minə yaxın sakini üçün sürətli sərnişin qatarlarından istifadə etmək əlçatan olacaq".

O əlavə edib ki, qatar müasir tələblərə cavab verir:

"Qatarda bar-vaqon var, o cümlədən fiziki məhdudiyyətli insanlar üçün xüsusi oturacaqlar var. Burada velosipedlərin saxlanması üçün yer təşkil edilib. Qatarın innovativ təhlükəsizlik sistemi var, bu da sərnişinlərin mənzilbaşına rahat və təhlükəsiz çatmasına imkan verir".

Bazar günü 2023-cü ildə keçirilmiş sertifikatlaşdırma imtahanında müvafiq keçid balını toplamayan ibtidai sinif müəllimləri üçün təkrar sertifikatlaşdırma imtahanı təşkil olunub. Bu imtahanda 6 464 ibtidai sinif müəllimi iştirak edib.

Təhsil İnstitutu ibtidai sinif müəllimləri üçün təkrar sertifikatlaşdırma imtahanınds istifadə olunmuş ixtisas suallarını ictimaiyyətə açıqlayıb.

Qurum, həmçinin sualların neçə nəfər tərəfindən düzgün yazılması barədə də məlumat yayıb.

Sosial şəbəkələrdə yüzlərlə müəllimim sadə sualları düzgün cavanlaşdıra bilməməsi müzakirələrə səbəb olub.

Belə ki, ibtidaidən sinif müəllimlərinin 33 faizi – 1209-u 509052 ədədinin sözlə düzgün yazılışını tapa bilməyib.

Qeyd edək ki, 3424 nəfər i5ibtidai sinif müəllimi imtahanda keçid balını toplaya bilməyib.

Sözügedən sualı təqdim edirik:


(Modern.az)

Qeyd olunub ki, ölkə üzrə dövlət ümumi təhsil müəssisələrini əhatə edən monitorinqlər "Məktəblinin dostu"nun iştirakı ilə həyata keçirilir.
İyunun 14-də ümumi təhsil müəssisələrində keçiriləcək "Son zəng" tədbirlərinin təşkili, eyni zamanda təhlükəsizliyin təmin edilməsi ilə bağlı monitorinqlərə start verilib.
Bununla bağlı Məktəbəqədər və Ümumi Təhsil üzrə Dövlət Agentliyi məlumat yayıb.
Qeyd olunub ki, ölkə üzrə dövlət ümumi təhsil müəssisələrini əhatə edən monitorinqlər "Məktəblinin dostu"nun iştirakı ilə həyata keçirilir. Monitorinqlərin keçirilməsində məqsəd "Son zəng" tədbirləri ilə bağlı hazırlanan və təhsil müəssisələrinə göndərilən təlimatların icra vəziyyətinin ölçülməsi, eləcə də şagirdlərin nizam-intizam qaydaları və təhlükəsizliyinin təmin edilməsi istiqamətində görülən işlərlə tanış olmaqdır.

Bakı Dövlət Universitetinin (BDU) keçmiş rektoru Abel Məhərrəmovun adı hallan torpaq qalmaqalı ilə bağlı növbəti məhkəmə prosesi baş tutmayıb.

Qaynarinfo-nun əldə etdiyi məlumata görə, prosesin baş tutmaması hakimlərin işə çıxmaması ilə bağlı olub. Bu baxımdan, iclas iyunun 24-nə təxirə salınıb.

Məlumat üçün deyək ki, iş hazırda apellyasiya mərhələsindədir. Apellyasiya şikayətini iddiaçı Nazim Əmirov verib. Onun şikayətinə hakim Fuad Məmmədovun sədrliyi ilə baxılır.

Nazim Əmirov ehtiyatda olan polkovnik-leytenantdır. Polkovnik-leytenantın iddiasına görə, Abel Məhərrəmov ona məxsus torpaq sahəsini ələ keçirib. Nazim Əmirov iddia etdiyi ərazi keçmiş rektorun xanımı Rəhimə Mahmudovanın adına rəsmiləşdirildiyi üçün polkovnik-leytenant onu da məhkəməyə verib.

Birinci instansiya məhkəməsi Nazim Əmirovun iddiasını təmin etməyib. Bu baxımdan, o, apellyasiya şikayəti verib.

Bəzi mağazalarda, restoranlarda və iaşə obyektlərində ödəniş pos-terminal ilə deyil, kartdan-karta köçürməklə təklif olunur. Son vaxtlar belə hallarda artım müşahidə edilir. Bu isə müştərilər üçün əlavə çətinlik yaradır. Bu hallarda qəbzlər verilmədiyinə görə, vətəndaşın şikayəti olsa belə onun hüquqlarını müdafiə etmək mümkün olmur.

Bəs bu halların yayılması nə ilə bağlıdır? Analoji vəziyyətlə üzləşən vətəndaşlar nə etməlidir?

Mövzu ilə bağlı Yenisabah.az-a danışan hüquqşünas və iqtisadçı-ekspert Əkrəm Həsənov bildirib ki, bu, həmin ictimai iaşə obyektlərinin açıq-aşkar vergidən yayındığını göstərir:

"Əlbəttə, bu konkret olaraq vergidən yayınmadır. Belə halda ödəniş həmin ictimai iaşə obyektinin sahibkar hesabına deyil, hansısa fiziki şəxsin hesabına daxil olur və heç bir vergi də yoxdur. Bu açıq şəkildə vergidən yayınmadır və müştərilər bununla bağlı şikayət edə bilər”.

Hüquqşünas Vergi Məcəlləsində belə hallarla bağlı sahibkarlara müəyyən cərimə və sanksiyanın nəzərdə tutulduğunu diqqətə çatdırıb:

"Azərbaycan Respublikasının Vergi Məcəlləsində bununla bağlı sanksiyalar var. Sadəcə, bu halda vergi orqanına məlumat vermək lazımdır. Vergidən yayınmanın cəriməsi gizlədilən məbləğin 50 faizini təşkil edir”.

Ölkənin aparıcı banklarından biri olan “Paşa bank” ASC uşaq bezlərinin və təmizlik məhsullarının satışı ilə məşğul olan “Vəlioğlu-2018” MMC-yə (VÖEN – 1404335481), “Top Supermarket” MMC-yə (VÖEN – 1102410791) və 5 fiziki şəxsə (Vüsal Əhmədov, Zaur Əkbərov, Gülçöhrə Mustafayeva, Zülfüqar Həsənov və Sənan Babayev) qarşı məhkəmə iddiası qaldırıb.

Yeniavaz.com xəbər verir ki, məhkəmə iddiası Bakı Kommersiya Məhkəməsinin hakimi Kənan Hüseynovun icraatına verilib.

Bildirilir ki, məhkəmə iddiası kredit müqaviləsi üzrə mübahisələrlə bağlı qaldırılıb. Məhkəmə iddiasında 4 şirkətin – “Avromed Company” QSC, “Davudoğlu NN” MMC, “Zeytun Pharmaceuticals” MMC və “Qədiroğlu” MMC-nin adı maraqlı şəxs kimi keçir.

Məlumat üçün bildirək ki, barəsində iddia qaldırılan hər iki şirkətin qanuni təmsilçisi eyni şəxsdir – Əkbərov Vəli Kazım oğlu.

“Vəlioğlu-2018” MMC-nin qeyri qida məhsullarının topdan satışı ilə məşğul olduğu bildirilir. Şirkət Türkiyə istehsalı olan “Predo baby” uşaq bezlərinin, Kanadanın “Green Gate” şirkətinə məxsus “Lexi” təmizlik məhsullarının, İndoneziya istehsalı “Kris” sabunlarının, “Actodermanol” dezinfeksiya məhsulunun Azərbaycandakı rəsmi distribütorudur.

Onu da qeyd edək ki, 10 gün əvvəl “Xəzər TV” də “Vəlioğlu-2018” MMC barəsində məhkəmə iddiası qaldırıb.

Barəsində iddia qaldırılan hər iki şirkətin dövlət büdcəsinə vaxtında ödənilməyən böyük həcmdə vergi borcları da var. 10 gün əvvəl (30 may 2024-cü il tarixinə) dövlət büdcəsinə 932 min 959 min 3 qəpik vergi borcu olan “Vəlioğlu-2018” MMC-nin hazırda (10 iyun 2024-cü il tarixinə) 72 min 746 manat 94 qəpik vergi borcu var.

“Top Supermarket”MMC-nin isə dövlət büdcəsinə (10 iyun 2024-cü il tarixinə) 179 min 295 manat 95 qəpik vergi borcunun olduğu bildirilir.