 |
|
|
Almaniyanın cənubunda daşqın: Sakinlər təxliyə olundular - VİDEO
Nəticədə damba və su bəndi dağılıb. Sakinlər ərazidən təxliyə ediliblər.
Bu barədə Auqsburq hakimiyyət orqanlarından məlumat verilib.
Yerli administrasiyanın saytında qeyd olunub ki, Burqvalden kəndində damba, Didorf icması ərazisində isə su bəndi sıradan çıxıb. Lakin artıq Bavariyanın beş rayonunda - Ayxax-Fridberq, Auqsburq, Qyunsburq, Noy-Ulm və Pfaffenxofen-an-der-İlmdə fövqəladə vəziyyət elan edilib.
Almaniyanın cənubunda bir çox bölgələrdə çayda suyun səviyyəsinin yaxın saatlarda artmağa davam edəcəyi və rekord səviyyəyə çata biləcəyi gözlənilir. Bavariyanın bir neçə məntəqəsində sakinlərin təxliyəsi elan edilib. Münhen, Breqens və Sürix, Ulm, Auqsburq arasındakı hissələrdə qatarların hərəkəti dayandırılıb.
Qeyd edək ki, "Kvirina" siklonu Almaniyanın cənubuna güclü yağışlar gətirib və bu da öz növbəsində daşqınlara səbəb olub. Bavariyanın və Baden-Vyurtemberqin bəzi ərazilərində bir gündə bir kvadratmetrə 130 litrdən çox yağış düşüb.
Yaxın 48 saat ərzində meteoroloqlar Bavariyada Konstans gölü bölgəsində, Saksoniya və Tyurinqiyanın cənub bölgələrində güclü yağışların yağacağını proqnozlaşdırırlar.
Bakıda güclü külək fəsadlar törədib.
Bakupost.az -ın xəbərinə görə, paytaxtın Səbayel rayonu, Xaqani bağının ətrafında külək iri ağaclardan birini aşırıb. Xoşbəxtlikdən xəsarət alan olmayıb.
Bu barədə görüntülər sosial şəbəkədə paylaşılıb.
Bakının Neftçilər prospektində açılan yeni ticarət mərkəzi “Crescent Mall” xoşagəlməz hadisə baş verib.
News24.az-ın xəbərinə görə, hadisə ilə bağlı sosial şəbəkələrdə video görüntülər yayılıb.
Yayılan görüntülərdən aydın olur ki, azyaşlı bir uşağın ayağı eskalatorlarda sıxışıb. Görüntülərdə ərazidə olan vətəndaşların uşağa və valideyninə köməyə etdiyi görünür.
Məsələ ilə bağlı “Crescent Mall”un məlumat mərkəzi ilə əlaqə saxladıq. Hadisə barəsində ətraflı məlumat veriləcəyi bildirildi.
Qazaxda gənc toyuna bir gün qalmış özünü asıb.
TEREF Trend-ə istinadən xəbər verir ki, hadisə rayonun Orta Salahlı kəndində baş verib.
Belə ki, dünən kənd sakini 27 yaşlı Əhliman Omarovun meyiti həyətlərindəki çardaqdan asılı halda tapılıb.
İntiharın səbəbi hələlik müəyyənləşdirilməyib.
Sözügedən şəxsin bu gün toyu olacaqmış.
Faktla bağlı araşdırma aparılır.
Azərbaycanda yeni dələduzluq növü yaranıb. Belə ki, evini kirayəyə verən şəxs bir neçə aydan sonra onun satıldığını öyrənib. Dələduzlar evi sata bilmək üçün Rusiyada saxta etibarnamə hazırlayaraq, birneçə evi bu üsulla satmağa nail ola biliblər.
Qeyd edək ki, ölkədə vətəndaşlar alternativ gəlir mənbəyi kimi kirayə evdən, obyektdən gələn gəlirə üstünlük verirlər. Yəni kimin imkanı varsa, daşınmaz əmlak alır ki, heç olmasa oradan gələn gəlirlə dolana bilsin. Yeni dələduzluq növü də evi, obyekti olan şəxsləri dilemma qarşısında qoyub. İndi vətəndaş evini kirayə verməyə qorxur ki, “it gedər, ip də gedər”…
Hüquqşünas Ramil Süleymanov Bizimyol.info xəbər portalına açıqlamasında bildirib ki, Rusiya ilə Azərbaycan arasında “qarşılıqlı hüquqi yardımlaşma” deyilən bir müqavilə imzalanıb.
“Ümumiyyətlə, bir sıra MDB ölkələri ilə Azərbaycan arasında, o cümlədən Azərbaycanla həmin ölkələrin notariatları arasında bu razılıq var və notariat xidmətləri bir-birini tanıyır”-deyə hüquqşünas bildirib.
Ramil Süleymanov maraqlı bir nüansa da toxunub. Hüquqşünas bildirib ki, Azərbaycan tərəfindən verilən kirayə müqaviləsinin əsasında, bəzən mülkiyyətçilərdən etibarnamə də alırlar. Bu etibarnamə, qeydiyyata düşmək və yaxud kommunal xidmətlərinin ödənişlərinin edilməsi üçün alınır.
“Bu. əlbəttə ki, yolverilməzdir”-deyən hüquqşünas vurğulayıb ki, burada əslində Daşınmaz Əmlakın Kadastrı və Reyestrində də müəyyən boşluqlar var.
“Dələduzlar sistemdə olan boşluqlardan kifayət qədər yararlanaraq, bu qanunsuz əməlləri həyata keçirirlər”- deyə Ramil Süleymanov qeyd edib.
Hüquqşünas bildirib ki, hazırkı vəziyyətdə zərərçəkmişlər evi alan alıcılardır.
“Belə hallarla qarşılan zaman ev sahibləri, mənzili kirayə verən şəxslər və evi əllərindən çıxmış şəxslər prokurorluğa müraciət etməlidir. İndiki halda Daxili İşlər Nazirliyi tərəfindən verilmiş bəyanatda göstərilmişdir ki, 3 nəfərdən ibarət qrupun bir nəfəri yaxalanıb və onun barəsində cinayət işi açılacaq. Mülkiyətçi indiki halda mənzilini geri ala biləcək və həmin şəxslər məsuliyyətə cəlb olunduqdan sonra, onların barəsində Azərbaycan Respublikasının Cinayət Məcəlləsinin 178-ci “dələduzluq” maddəsi ilə cinayət işi başlanılır. Artıq həmin şəxslər cinayət məsuliyyətinə cəlb olunacaq və bundan sonra aldadılmış şəxslər, zərərçəkmiş şəxs olduqlarına görə mülki iddiaçı qismində həmin şəxslərdən ödəmiş olduqları pulları geri tələb edəcəklər. Burada ümüd yoxdur ki, onlar pullarını geri ala bilsinlər. İstənilən halda, gərək bu addımları atdıqları zaman fikirləşəydilər”-deyə hüquqşünas bildirib.
Ramil Süleymanov vurğulayıb ki, burada mənzilin mülkiyyətçisinin də müəyyən günahı var.
“Mənzilini kirayə verən şəxs özü mütəmadi yoxlamalar həyata keçirməlidir və əmlaklarını siyahı ilə təqdim etməlidir. Ayda ən azından bir dəfə də olsa, həmin əmlakına baxış keçirməlidir. Şəxs mütləq qaydada mənzili kirayə vermiş olsa belə, həmin ərazidəki qonşularla mütəmadi əlaqə saxlayaraq mülkünün vəziyyəti ilə bağlı məlumat əldə etməlidir”-deyə hüquqşünas bildirib.
İyun ayında yay fəslinin ilk ayı üçün xarakterik olan hava şəraiti və temperatur rejimi səciyyəvidir. Lakin bəzi günlərdə əsasən şimal və qərb ərazlərindən daxil olan siklonların təsiri nəticəsində hava şəraiti qeyri-sabit keçir. Bu təsir temperatur şəraitində də özünü göstərir. Həmçinin əsasən dağlıq və dağətəyi rayonlarda yüksək temperatur fonunda formalaşan güclü konvektiv hava axınları qısamüddətli leysan yağışlara, ildırım-dolu prossesinin yaranmasına şərait yaradır.
Bu ilin iyun ayında ölkə ərazisində havanın orta aylıq temperaturunun və aylıq yağıntının iqlim normasına yaxın, bəzi yerlərdə isə bir qədər yüksək olacağı gözlənilir. Aylıq yağıntının miqdarında da bu tendensiyanın olacağı, yağıntının miqdarının iqlim normasına yaxın, bəzi ərazilərdə isə bir qədər çox olacağı ehtimal olunur.
Birinci ongünlüyün ilk günlərində şimal-qərb küləyinin güclənəcəyi, əsasən dağlıq və dağətəyi rayonlarda arabir yağıntılı keçəcəyi gözlənilir.
Bakıda və Abşeron yarımadasında havanın orta aylıq temperaturunun 23-25 dərəcə isti olacağı gözlənilir ki, bu da iqlim normasına yaxın və bir qədər yüksəkdir. Gecələr havanın temperaturu 19-24 dərəcə isti, gündüzlər 28-33 dərəcə isti, bəzi günlərdə isə 35-38 dərəcə isti olacağı gözlənilir. Aylıq yağıntının miqdarının iqlim normasına yaxın olacağı gözlənilir (norma 9-12 mm).
Naxçıvan şəhəri, Culfa, Ordubad, Sədərək, Şahbuz və Şərur rayonlarında havanın orta aylıq temperaturu 22-25 dərəcə isti olacağı gözlənilir ki, bu da iqlim norması daxilindədir. Gecələr havanın temperaturu 18-23 dərəcə isti, gündüzlər 28-33 dərəcə isti, bəzi günlərdə isə 35-38 dərəcə isti olacağı gözlənilir. Aylıq yağıntının miqdarının iqlim normasına yaxın olacağı gözlənilir (norma 21-35 mm).
Xankəndi, Şuşa, Goranboy, Xocalı, Xocavənd, Ağdam, həmçinin Daşkəsən-Gədəbəy rayonlarında havanın orta aylıq temperaturunun 18-20 dərəcə isti olacağı gözlənilir ki, bu da iqlim normasına yaxındır. Gecələr havanın temperaturu 12-17 dərəcə isti, gündüzlər 18-23 dərəcə isti, bəzi günlərdə isə 29-34 dərəcə isti olacağı gözlənilir. Aylıq yağıntının miqdarının iqlim normasına yaxın olacağı gözlənilir (63-130 mm).
Şərqi Zəngəzur: Cəbrayıl, Kəlbəcər, Qubadlı, Laçın, Zəngilan rayonlarında havanın orta aylıq temperaturunun 18-20 dərəcə isti olacağı gözlənilir ki, bu da iqlim normasına yaxındır. Gecələr havanın temperaturu 12-17 dərəcə isti, gündüzlər 18-23 dərəcə isti, bəzi günlərdə isə 28-33 dərəcə isti olacağı gözlənilir. Aylıq yağıntının miqdarının da iqlim normasına yaxın olacağı gözlənilir (norma 38-86 mm).
Qazax, Gəncə, Ağstafa, Şəmkir, Tovuz, Ceyrançöl, Tərtər, Füzuli rayonlarında havanın orta aylıq temperaturunun 22-25 dərəcə isti olacağı gözlənilir ki, bu da iqlim normasına yaxın və bir qədər yüksəkdir. Gecələr havanın temperaturu 18-23 dərəcə isti, gündüzlər 27-32 dərəcə isti, bəzi günlərdə 35-38 dərəcə isti olacağı gözlənilir. Aylıq yağıntının miqdarının iqlim normasına yaxın olacağı gözlənilir (46-58mm).
Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında havanın orta aylıq temperaturunun 21-23 dərəcə isti olacağı gözlənilir ki, bu da iqlim normasına yaxın və bir qədər yüksəkdir. Gecələr havanın temperaturu 17-22 dərəcə isti, gündüzlər 23-28 dərəcə isti, bəzi günlərdə 30-35 dərəcə isti olacağı gözlənilir. Aylıq yağıntının miqdarının iqlim normasına yaxın olacağı gözlənilir (norma 18-179 mm).
Yevlax, Göyçay, Ağdaş, Kürdəmir, İmişli, Ağcabədi, Mingəçevir, Beyləqan, Sabirabad, Saatlı, Şirvan, Hacıqabul, Zərdab, Salyan, Neftçala rayonlarında havanın orta aylıq temperaturunun 24-27 dərəcə isti olacağı gözlənilir ki, bu da iqlim normasına yaxın və bir qədər yüksəkdir. Gecələr havanın temperaturu gecə 18-23 dərəcə isti, gündüzlər 29-34 dərəcə isti, bəzi günlərdə 36-39 dərəcə isti olacağı gözlənilir. Aylıq yağıntının miqdarının iqlim normasına yaxın, bəzi yerlərdə isə bir qədər çox olacağı gözlənilir (norma 12-49 mm).
Masallı, Yardımlı, Lerik, Lənkəran, Biləsuvar, Astara, Cəlilabad rayonlarında havanın orta aylıq temperaturunun 18-23 dərəcə isti olacağı gözlənilir ki, bu da iqlim normasına yaxındır. Gecələr havanın temperaturu 17-22 dərəcə isti, gündüzlər 27-32 dərəcə isti, bəzi günlərdə 34-36 dərəcə isti olacağı gözlənilir. Aylıq yağıntının miqdarının iqlim normasına yaxın olacağı gözlənilir (norma 29-47 mm).
“Nar” 1 iyun-Uşaqların Beynəlxalq Müdafiəsi Günündə “YAŞAT” Fondunun təşkilatçılığı ilə keçirilən “Hədiyyə Karvanı” layihəsinin gerçəkləşdirilməsinə dəstək olub.
Bu çərçivədə mobil operator Fondla birgə ölkə boyunca bütün şəhid ailələrindən olan 1700-dən çox uşağa bayram münasibətilə müxtəlif hədiyyələr təqdim etməklə onların bayramını təbrik edib. Vətən qarşısındakı mənəvi borcunu daim yerinə yetirən “Nar”ın bu layihədə başlıca məqsədi vətən üçün canlarından keçmiş qəhrəman şəhidlərimizin əmanətlərini sevindirmək və onların inkişafına dəstək olmaqdır. Layihə haqqında qısa hesabat videosunu buradan izləyə bilərsiniz.
Qeyd edək ki, “Nar”ın korporativ sosial məsuliyyət istiqamətinin əsas hissələrindən birini milli mənəvi irsin qorunması təşkil edir. Bu istiqamətdə “Nar” şəhid və qazi ailələrinə xüsusi diqqətin göstərilməsi və işğaldan azad edilmiş ərazilərdə uğurlu layihələrin həyata keçirilməsini daim diqqət mərkəzində saxlayır. Mobil operatorun dəstək olduğu sosial layihələr haqqında buradan ətraflı məlumat əldə edə bilərsiniz.
Hazırda 2,2 milyon abunəçiyə yüksək keyfiyyətli rabitə xidmətləri göstərən “Nar” son 5 ildə Müştəri Loyallığı İndeksinə görə ölkədə lider mobil operatordur. Mobil operator müştəriyönümlülük strategiyasına sadiq qalaraq sərfəli qiymət qarşılığında üstün xidmət təqdim edir.
İğdır bələdiyyəsi Azərbaycan məhsullarının satışına qadağa qoydu
Son 30 ildə hər mövsüm Naxçıvandan gətirilən turp, tərxun, üzüm yarpağı, cəfəri, reyhan kimi təzə göyərtilərin İğdırda satışına qadağa qoyulub.
Hurriyyet.az xəbər verir ki, bu barədə İğdırın yeni bələdiyyə sədri qərar qəbul edib.
Qəfil verilən qadağa qərarı İğdırlıların da ciddi narazılığına səbəb olub.
Hər mövsüm təzə göyərti alan Türkiyə vətəndaşları indi kənardan gətirilən oxşar məhsulları xeyli baha qiymətə almaq məcburiyyətində qalacaqlarını deyirlər.
İllərdir bu məhsulları sərfəli qiymətə satan Naxçıvandan olan satıcılar isə sözügedən qərardan sonra qazancını itirib.
İğdır sakinləri Türkiyənin müvafiq dövlət qurumlarına müraciət edərək, problemi təcili həll etməyə çağırıb.
Sakinlərin sözlərinə görə, Naxçıvandan gətirilən göyərtiləri satan şəxslər üçün münasib yerin ayrılması həm vətəndaşların narazılığını aradan qaldıracaq, həm də satıcıların işinə qayıtmasına şərait yaradacaq.
"Səlahiyyətli şəxslər bu problemi diqqətdən kənarda qoymamalıdır və ən qısa zamanda həll etməlidirlər", - deyə İğdır sakinləri bildirib.
Mehmet Nuri Güneş
Qeyd edək ki, bu il Türkiyədə keçirilən bələdiyyə seçkilərində kürd əsilli Mehmet Nuri Güneş İğdırın yeni bələdiyyə sədri seçilib. O, HEP, DEP, ÖZDEP, HADEP və DEHAP kimi erməni-kürd əsilli partiyalarda fəal rol alıb.
Mehmet Nuri Günəş 21 yanvar 2010-cu ildə Türkiyə Jandarması tərəfindən keçirilən əməliyyat çərçivəsində saxlanılıb. O, Ərzurum 2-ci Ağır Cəza Məhkəməsinin qərarı ilə 8 il 9 ay həbs cəzası alıb.
Xəbər verdiyimiz kimi, Qusar Rayon İcra Hakimiyyətinin başçısı Şair Balaşərif oğlu Alxasov bu gün vəzifəsindən azad edilib.
TEREF xəbər verir ki, Şair Alxasov 1958-ci ildə Qusarın Çətkün kəndində anadan olub. 1985-ci ildə Azərbaycan İnşaat Mühəndisləri İnstitutunu inşaat mühəndisi ixtisası üzrə bitirib. Əmək fəaliyyəti dövründə "Azərelektroterm" İstehsalat Birliyində tikinti işləri üzrə müdir müavini, tikinti trestinin müdiri, Bərpaçı-A MMC-nin prezidenti, bir sıra tikinti şirkətlərinin rəhbəri vəzifələrində çalışıb.
Digər məlumata əsasən, Şair Alxasov Prezident Administrasiyasının sabiq rəhbəri Ramiz Mehdiyevin kadrı idi.
Ramiz Mehdiyevin istefaya göndərilməsindən sonra onun digər kadrları kimi, Şair Alxasovun da yola salınacağı barədə xəbərlər yayılırdı. Maraqlı bir məqam da odur ki, Şair Alxasov 2007-ci ildə Qusar Rayon İcra Hakimiyyətinin icra başçısı postuna təyinat alandan sonra onu kollektivə Ramiz Mehdiyevin kürəkəni İlham Əliyev təqdim edib. Şair Alxasov icra başçısı olduğu illərdə Ramiz Mehdiyevin özünün və ailə üzvlərinin Qusarın Çiləgir kəndində dəbdəbəli malikanələri tikilib. Belə iddialar var ki, malikanələrin tikintisinə Şair Alxasov şəxsən rəhbərlik edib.
Həmin malikanələrdən biri Qusar-Laza yolunun kənarında, meşənin içinə qədər uzanan 40 sotluq ərazidə tikilib. 3 mərtəbəli malikanə Ramiz Mehdiyevin kürəkəni İlham Əliyevə məxsusdur.
Malikanənin fotolarını 2020-ci ildə Ramiz Mehdiyevin qızı Kamilə Əliyeva sosial şəbəkə hesabından paylaşmışdı. Bloger Həbib Müntəzir isə Kamilə Əliyevanın paylaşdığı fotoları ictimailəşdirmişdi.
Həmçinin eyni kənddə Ramiz Mehdiyevin özünün də ayrıca hovuzlu böyük malikanəsi var. Mehdiyevlərin şimal zonasında 100 hektarlarla ölçülən torpaq sahələri də var. Ümumiyyətlə, şimal zonası uzun illər Mehdiyevlərin nəzarəti altında olub və orada torpaqların qanunsuzluqla ələ keçirilməsi həyata keçirilib.
musavat.com
Bəs şagirdlər 20-25 gün məktəbə nəyə gedirlər?
Dərs ilinin başa çatmasına iki həftə qalıb. Lakin müşahidələrdən belə məlum olur ki, artıq may ayının 3-cü həftəsindən başlayaraq əksər məktəblərdə bir sıra dərsliklər yığılıb. Qeyd edək ki, ötən illərdə də bu cür hal müşahidə olunurdu, baxmayaraq ki, ölkədə tədris ili iyunun 15-də başa çatır.
Beləliklə, suallar yaranır ki, may ayının 3-cü həftəsindən başlayaraq, məktəblərdə dərsliklər yığılırsa, şagirdlər 20-25 gün məktəbə nəyə gedirlər? Dərsliyi olmayan şagird məktəbdə nə öyrənir, ümumiyyətlə, öyrənə bilərmi? Həmçinin bu müddət ərzində müəllimlərin fəaliyyəti nədən ibarət olur?
Məsələnin bu tərəfini nəzərə alaraq, bir çox valideynlər, hətta müəllimlər tədris ilinin 1 sentyabr - 31 may tarixləri arasında keçirilməsinə çağırış edirlər.
Xatırladaq ki, Azərbaycanda 2004-cü ilə qədər dərslər sentyabrın 1-i başlayıb, may ayının sonu başa çatırdı. 2004-cü ildən isə Azərbaycanın bütün təhsil müəssisələrində dərslərin sentyabrın 15-dən başlayıb, iyunun 15-nə qədər davam etdirilməsi qərara alındı.
Bəs tədris ilinin hansı vaxt başlayıb, hansı vaxtda bitməsi daha optimaldır?
Təhsil eksperti Elşən Qafarov mövzu ilə bağlı “Yeni Müsavat”a danışıb:
“Öncə onu qeyd etmək istərdim ki, ümumiyyətlə, təhsilin bütün pillələrində, xüsusilə də məktəbəqədər ümumtəhsildə hüquqi normativ sənədlər çatışmır, olanlar da reallığı əks etdirmir. 2024-cü ildir, amma hələ də dövlət məktəblərinin nizamnaməsi yoxdur. Bəs nizamnamə nədir? Nizamnamə odur ki, məktəbin fəaliyyətinə əsaslanır. Bu gün qarşımıza çıxan bütün problemlər nizamnamədə göstərilir və məktəb məhz həmin nizamnamə əsasında idarə edilir.
O ki qaldı dərsliklərin hansı vaxtda yığılmasına, şagirdlərin sinifdən-sinfə keçməsi ilə bağlı 1 may 2014-cü ildə 522 saylı əmr təsdiq edilib. Həmin əmrdə göstərilir ki, qiymətləndirmə tədris ilinə 2 gün qalmış başa çatmalıdır. Yəni Böyük Summativ Qiymətləndirmə (BSQ) iyunun 11-də keçirilməlidir. Bu məntiqlə dərsliklər iyunun 12-13-də yığılmalıdır. Amma ənənəvi olaraq dərsliklər artıq 3-cü həftədən başlayaraq yığılmağa başlayır.
Burada problemin kökü ondan ibarətdir ki, Dövlət İmtahan Mərkəzi bütün məktəblərdə aparıcı sinif olan buraxılış siniflərinin imtahanlarını heç bir səbəb olmadan tədris ilinin başa çatmasına 10-12 həftə qalmış həyata keçirir. İmtahanlardan sonra da buraxılış siniflərinin şagirdləri məktəbə gəlmir, bu da digər siniflərin də davamiyyətinə təsir edir.
Beləliklə də mart ayından başlayaraq məktəblərdə davamiyyət axsamağa başlayır. İntizam səviyyəsi aşağı olan məktəblərdə davamiyyətlə bağlı heç bir tədbir görülə bilmir, gəlməyən uşaqlar da bəzən dərslikləri məktəbə təhvil vermir, dərsliklər arada itib-batır, ona görə də məktəb may ayının 2-ci həftəsindən başlayaraq dərslikləri yığmağa başlayır. Lakin nizam-intizamı güclü olan məktəblərdə dərsliklər tədris ilinin son günlərində yığılır.
Dərsliyin yığılması da o deməkdir ki, artıq həmin fənlər tədris olunmur. Bəzən deyilir ki, guya dərslər təkrarlanır, bu yalandır. Ümumiləşdirici, yekunlaşdırıcı təkrar iyunun 12-13-dən olur. Tədris proqramlarında konkret olaraq iyunun 11-nə qədər mövzular var və həmin mövzular tədris olunmalıdır. Beləliklə, əgər dərsliklər yığılırsa, formal olaraq dərslərin tədrisi dayandırılır. Bu çox ciddi məsələdir. Çox təəssüf ki, bu gün təhsil idarəsi orqanları tədris prosesinə tam nəzarət edə bilmirlər".
Təhsil eksperti tədris ilinin hansı vaxt başlayıb, hansı vaxtda bitməsinin daha optimal olması ilə bağlı da şərh verib:
“Burada məsələ tədris müddətində deyil. Belə ki, beynəlxalq təcrübəyə baxanda əksər ölkələrdə tədris müddəti 36 həftədir, bizdə isə 34 həftədir. Bu nöqteyi-nəzərdən hətta beynəlxalq təcrübədən geri qalırıq. Ötən il nazir da qeyd etdi ki, təhsil sentyabrın 1-dən başlayıb mayın 31-də bitsə, imtahanlar dövrünü də, eləcə də BSQ-ləri iyunun birinci iki həftəsinə keçirmək olar. Biz ekspertlər də hər zaman bunu təklif edirik. Sözün doğrusu, hələ də başa düşə bilmirəm ki, kim və hansı səbəbdən tədrisin sentyabrın 15-dən başlayıb, 15 iyunda bitməsini təklif etdi. Bunu anlamaq olmur”