Oklahoma ştatından olan şəxs avtomobillərin və zinət əşyalarının qiymətini cəmi bir dollara endirmək üçün hökumətin hərrac saytını sındırıb.

Bu barədə “CBS News” federal prokurorlara istinadən məlumat yayıb.

Minnesota Dairə Prokurorluğunun bildirdiyinə görə, 41 yaşlı Evan Ceyms Coker, hökumətə məxsus aktivləri satmaq üçün Ümumi Xidmətlər Administrasiyası tərəfindən onlayn hərraclarla bağlı bir sxemdə fırıldaqçılığına görə məhkum edilib.

Əyalət vəkili Endryu Luger bildirib ki, hərraclar Minnesota ştatının Eagan şəhərindəki serverlər vasitəsilə onlayn rejimdə keçirilir.

25 fevral və 6 mart 2019-cu il tarixləri arasında Coker GSA saytında bir neçə avtomobil və zərgərlik hərraclarında iştirak edib. Prokurorlar mətbuata açıqlamasında bildiriblər ki, onun təklifləri qəbul edildikdən sonra Coker pay.gov saytını sındıraraq hər bir məhsulun qiymətini bir dollar edib.

Ümumilikdə, o, hərracda 19 dollar ödəməklə 19 auksion malı, o cümlədən 8327 dollara olan “Ford Escape” hibridini, 9000 dollar təklif edilən “Ford F550” pikapını cəmi 1 dollara alıb. /Publika.az