Dövlət Miqrasiya Xidmətində hüquq mühafizə orqanları tərəfindən əməliyyat keçirilib. Bu barədə "DİA-AZ"ın əldə etdiyi informasiyalardan aydın olur ki, əməliyyat nəticəsində qanun pozuntuları, rüşvət və korrupsiya halları araşdırılıb və nəticədə həbs olunanlar var. Eyni zamanda bir neçə nüfuzlu məmur vəzifəsindən araşdırılıb ki, onların da həbs olunacağı istisna deyil.

"DİA-AZ"ın məlumatına görə, vəzifəsindən uzaqlaşdırılanlar arasında Dövlət Miqrasiya Xidmətinin daxili nəzarət şöbəsinin rəisi Emin Həsənov da var. Qeyd edək ki, bu günə qədər adı müxtəlif qalmaqallarda hallanan Emin Həsənov Prezident Administrasiyasının Dövlət nəzarəti şöbəsinin müdiri postunu tutan Kərəm Həsənovun qardaşı oğludur.

Kərəm Həsənov

Məlumatı verən mənbə iddia edir ki, vəzifəsindən uzaqlaşdırılanlar da Emin Həsənovun çevrəsidir və görünəni odur ki, hələlik qardaşı oğlunu həbsdən qoruyan Kərəm Həsənov onun vəzifə mövqelərini də qoruya bilməyib. Amma nə zamana qədər və Emin Həsənov həbsdən yayına biləcəkmi? Bunu zamanla görəcəyik.

Əlavə bilgilərimiz olacaq. Bizi izləməyə davam edin...

Gəncə Şəhər Birləşmiş Xəstəxanası yeni tenderlər elan edərək, 2 milyondan çox maliyyə əldə olunubdur.
Milyonluq tenderlərin aqibəti hansı istiqamətdə səmərəli xərclənməsi hələlik aydın deyil. Amma onu da, qeyd edək ki, tender elanlarında Gəncə Birləşmiş Xəstəxanası gündəmi zəbt edibdir.

Hesablama Palatasının Audit yoxlanışı nəticəsində maliyyə pozuntusu tapılaraq, nəticədə Baş Prokurorluğa kimi gedib çıxmışdır. Araşdırma zamanı qeyd olunan tibb müəssisəsinin vəzifəli şəxsləri tərəfindən işçilərə qanunla nəzərdə tutulandan artıq əməkhaqqı ödənilməsi, işə çıxmayan şəxslərə əməkhaqqı hesablanması və digər yollarla dövlət büdcəsinə mənimsənilməsinə əsaslı şübhələr müəyyən edilmişdir.

Tibb müəssisəsinin il ərzində tenderlərini hesablasan, bir il ərzində 5 milyondan artıq tender elan edərək maliyyə əldə olunur. Son zamanlarda Gəncə Şəhər Birləşmiş Xəstəxanasının vətəndaşlara etdikləri xidmət o qədərdə qənayətbaxış deyil.
Sığorta şöbəsinin əməkdaşlarının vətəndaşlarla kobud rəftarı, həkim növbəsinə verilən çeklərin çətinliklə əldə olunması, şəkərli diabet xəstələrinə şəkər iynələrinin az verilməsi, digər xroniki xəstələrin və s. xəstəliyi olan vətəndaşların dərmanla təmin olunmaması hallarına rast gəlinir.

Əgər həqiqətəndə tender elan edib maliyyə əldə olunursa, onun nəticəsi olmalıdır. Nəticə göz qabağındadır.
Gəncə Şəhər Birləşmiş Xəstəxanasının tabeçiliyində olan 3 sayı Xəstəxanaya, Abbas Səhhət adına xəstəxanaya və digər Poliklinikalara ayrılan təmirə, avadanlıqa nəzərdən keçirəndə yenilik görünmür.

Aşağıda Tenderlərin siyahısını tqdim edirik:

Məbləğ: 1.935.353,81
Rayonlararası İstehsalat Kombinatı
Gəncə Şəhər Birlşmiş Xəstəxanası Z.Məmmədov adına xəstəxanada əsaslı təmir işlərinin satın alınması.
Nizamnamə Kapitalı 20.00 azn, Qanuni təmsilçi Soltan Baxışov Dursun oğlu

Məbləğ: 15.841,5 azn "Life Elektroniks" MMC
Kartriclərin doldurulması və tez sıradan çıxan hissələrinin dəyişdirilməsi.
Nizamnamə Kapitalı: 10.00 azn Qanuni təmsilçi Elçin Həsənov Rasim oğlu

Məbləğ: 24.113,3 azn
"lokal Group" MMC
Generatorlara texniki xidmət
Nizamnamə Kapitalı 10.00 azn, Qanuni təmsilçi Səlim Səlimov Əmirxan oğlu

Məbləğ: 89.950 azn
"Tibb Texnikasının Təmiri"MMC
Oksigen qovşaqlarına texniki xidmətin göstərilməsinin satın alınması
Nizamnamə Kapitalı: 10.00 azn Qanuni təmsilçi Qabil Quliyev Adil Oğlu...
--Sabina Babanli
TEREF olaraq məqalədə qaldırılan iddialarla bağlı qarşı təfəində mövqeyini dərc etməyə hazırıq!
TEREF

Azərbaycan Respublikası Gənclər və İdman Nazirliyi Qaraçuxur idman zalının tikintisi üzrə tikinti-quraşdırma işlərinin (əlavə işlər-düzəliş) davam etdirilməsi məqsədilə işlərin satın alınması üzrə bir mənbədən satınalma metodu ilə keçirdiyi açıq tenderə yekun vurub. Müsabiqənin qalibi “RTZ” Məhdud Məsuliyyətli Cəmiyyəti olub və tərəflər arasında 470.757,28 manat məbləğində satınalma müqaviləsi bağlanılıb. Məlumat dövlət satınalmalarının vahid internet portalında 06.12.2024-cü ildə dərc edilib.

Qeyd edək ki, Gənclər və İdman Nazirliy 06.12.2024-cü ildə “RTZ” Məhdud Məsuliyyətli Cəmiyyəti ilə Bülbülə idman zalının tikintisi üzrə işlərin (lll mərhələ) davam etdirilməsi məqsədilə işlərin satın alınması üzrə də 504.160,71 manat məbləğində satınalma müqaviləsi bağlayıb.

Azərbaycan Respublikasının İqtisadiyyat Nazirliyi 25.12.2018-ci ildə “RTZ” Məhdud Məsuliyyətli Cəmiyyətinə tikintisinə icazə tələb olunan bina və qurğuların tikinti-quraşdırma işləri, beton və dəmir-beton konstruksiyaların quraşdırılması, metal konstruksiyaların quraşdırılması və fasad işləri üzrə lisenziya verib.

Buna baxmayaraq Gənclər və İdman Nazirliyinin satınalma Komissiyası “Dövlət Satınalmaları Haqqında” Qanununun tələblərini elə bir mənbədən satınalma metodu ilə keçirdikdə pozub. Sözügedən qanunun 49-cu maddəsinə görə49.1.1. satınalma predmeti yalnız hər hansı konkret təchizatçıda olduqda və ya hər hansı konkret təchizatçı həmin satınalma predmeti üzərində xüsusi hüquqlara malik olduqda və satınalma predmetinin əvəzedicisi və alternativi olmadıqda; 49.1.2. satınalma predmetinə təcili tələbat yarandıqda. Göründüyü kimi Gənclər və İdman Nazirliyi xüsusi hüquqlara malik olmayan bir MMC ilə satınalma müqaviləsi bağlamışdır ki, bu əsaslı şübhələrə yol açır.

Rəsmi, Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında RTZ” (VÖEN: 1400440411) Məhdud Məsuliyyətli Cəmiyyətinin 02.05.2001-ci il tarixdə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 40 manat olan MMC-nin hüquqi ünvanının , BAKI ŞƏHƏRİ NƏSİMİ RAYONU, BƏŞİR SƏFƏROĞLU, ev 191, m. 26-27, qanuni təmsilçisi kimi isə Ağayev Rahim Fazil oğlu qeyd olunub.

Reyestr məlumatlarına görə MMC 2006-cı ilə qədər TAM ORTAQLI RTZ FİRMASI kimi fəaliyyət göstərib. MMC-nin təsisçisi və ilk qanuni təmsilçisi Babayev Nəsrulla Natiq oğlu olub. Daha sonra Məmmədov Zabit İlyas oğlu 2018-ci ilə qədər, ondan sonra Ağayev Rahim Fazil oğlu MMC-nin qanuni təmsilçiləri olub.

Apardığımız ətraflı araşdırma zamanı məlum oldu ki, MMC-yə rəhbərlik etmiş şəxslərdən biri, Məmmədov Zabit İlyas oğlu hal hazırda “Silk Way Holding”ə məxsus olan “Silk Vey Vest Aviaşirkəti” MMC-nin (Silk Way West Airlines) Müşahidə Şurasının sədrinin 9 müşavirindən biridir. Sədrin idman üzrə müşaviri Hüseynov Fikrət Akif oğlu bu ilin sentyabr ayına qədər qədər Gənclər və İdman Nazirliyində futbol sektorunun müdiri və AZAL-a məxsus futbol klubunda rəhbər vəzifəsində çalışıb. MMC-nin Gənclər və İdman Nazirliynin iki tenderinin qalibi olması bununla əlaqəli olma ehtimalını artırır.

MMC-nin hazırki qanuni təmsilçisi Ağayev Rahim Fazil oğlu “Premier Audit və Konsaltinq” Məhdud Məsuliyyətli Cəmiyyətin direktorudur.

“RTZ” Məhdud Məsuliyyətli Cəmiyyətin təsisçisi Babayev Nəsrulla Natiq oğlu kimdir? Elektron medianın 2016-cı ildə yaydığı məlumatda 38 yaşlı Nəsrulla Natiq Oğlu Babayevin Bakıda Salatın Əsgərova küçəsi, ev 156 ünvanında qeydiyyatda olduğu, 2006-cı ildə Kiprdə qurulan “Vanmec Limited” şirkətinin də təsisçi və direktorlarından biri olduğu bildirilir. Nəsrulla Babayevin atası Natiq Babayev məşhur neftçi-mühəndis Nəsrullah Babayevin oğludur. Anası Dilarə Məmmədəliyeva isə 2007-ci ildən 2 saylı Bakı Baza Tibb Kollecinin direktorudur. Qeyd edək ki, Dilarə Məmmədəliyeva 1990-1992-ci illərdə 2 saylı Bakı Baza Tibb Məktəbinin tədris-hissə müdiri, 1992-2006-cı illərdə tədris-tərbiyə işləri üzrə direktor müavini, 2006-2007-ci illərdə isə direktor əvəzi vəzifələrində çalışmışdır.

Apardığımız araşdılrma zamanı məlum oldu ki, Nəsrulla Babayevin təsisçisi olduğu “RTZ” Məhdud Məsuliyyətli Cəmiyyəti 28.12.2020-ci ildə Dilarə Məmmədəliyevanın direktoru olduğu 2 nömrəli Bakı Baza Tibb Kollecinin keçirdiyi 34.042,56 manat dəyərində kotirovka sorğusunun qalibi olub.

Göründüyü kimi “RTZ” Məhdud Məsuliyyətli Cəmiyyəti 2 nömrəli Bakı Baza Tibb Kollecdə kotirovka sorğusunu təsadüfən udmayıb. Elə Gənclər və İdman Nazirliyndən bir gündən 1 milyon manata yaxın dəyəri olan iki tenderin qalibi olması da təsadüfə oxşamır.

Aktualinfo.org

Təhsil Nazirliyi daha bir bahalı tenderini reallaşdırmağa hazırlaşır. Tribunainfo.az xəbər verir ki, nazirliyin Təsərrüfat Hesablı Əsaslı Tikinti və Təhcizat İdarəsi müsabiqənin nəticəsini açıqlayıb.
Belə ki, İdarə bir sıra təhsil müəssisələrində istilik sistemləri və elektrik təchizat üçün avadanlıqların alınıb-quraşdırılması işlərinin satınalınmasını həyata keçirəcək. Bu məqsədlə nazirlik 10.866.100,8 manatlıq satınalma müqaviləsi imzalayıb. Həmin işləri isə “RRM TƏMİR-TİKİNTİ” MMC reallaşdıracaq.
Tribunainfo.az-ın açıq mənbələr üzərindən apardığı araşdırma zamanı məlum olub ki, “RRM TƏMİR-TİKİNTİ” MMC Təhsil Nazirliyi ilə əvvəldən yaxşı münasibətə çalik olub. Daha doğrusu, Emin Əmrullayev nazir təyinatı aldıqdan sonra bu şirkətin Təhsil Nazirliyinin tender işlərinə yolu açılıb. Ona qədər isə “RRM TƏMİR-TİKİNTİ” MMC sözügedən qurumun heç bir tenderinin iştirakçısı olmayıb.
Qeyd edək ki, sözügedən şirkət hələ bu ilin yanvarında Təhsilin İnkişafi Fondunun keçirdiyi 4 tenderdən ikisinin qalibi olub. Belə ki, “RRM Təmir-Tikinti” QSC bu iki tenderə görə, 6 521 535 manat pul alıb.
2023-cü ilin oktyabrında isə Təhsil Nazirliyinin Təsərrüfat Hesablı Əsaslı Tikinti və Təchizat İdarəsi “Respublika ərazisində bir sıra təhsil müəssisələri üzrə yanğın əleyhinə su hovuzlarının tikintisi və əsaslı təmiri işlərinin satınalınması” tenderini də “RRM Təmir Tikinti” MMC-yə verib. Bu zaman isə nazirlik MMC –yə 1 428 909 manat ödəyib.
Elə keçən ilin yayında da bir başqa tender sözügedən şirkətə verilib. 20.08.2023-cü ildə keçirilmiş tenderdə ölkə məktəblərində bir sıra avadanlıqların alınması üçün “RRM Təmir Tikinti” ilə Təhsil Nazirliyi arasında 497679 min manatlıq satınalma müqaviləsi imzalanıb.
Xatırladaq ki, “RRM Təmir-Tikinti” QSC 2020-ci ildə yaradılıb, nizamnamə kapitalı 2 010 AZN təşkil edir. Şirkətin qanuni təmsilçisi Elnur Hümmətov Zahid oğludur. Hüquqi ünvanı Z1122, Bakı şəhəri Yasamal rayonu, Əsəd Əhmədov, ev 2B, m. 61 ünvanında yerləşir.

Bildiyiniz kimi qarşıdan 29 yanvar Bələdiyyə Seçkiləri gəlir. Bir çox rayonlarda artıq Bələdiyyə Sədrləri "seçilib"
Belə ki, həmin şəhərlərdən biri də Şirvan şəhəridir.
Redaksiyamıza göndərilən məlumatda bildirilir ki, Şirvanda seçkilərə hazırlıq səviyyəsi sıfıra bərabərdir. Çünki insanların seçkiyə inamı qalmayıb. Artıq hər kəs gələcək Bələdiyyə Sədrinin kim olacağını bilir.
İddialara görə Şirvan şəhərinin icra başçısı İlqar Abbasov artıq Bələdiyyə Sədri və müavinləri üçün "haqq-hesab" edib.
Ortada üç nəfər şəxsin adı hallanmasına baxmayaraq, onların arasında ən iddialı çıxış edən Azərenerjidə mühafizə rəisi işləyən Teymur Məmmədov adlı şəxsdir. Xatırlatma üçün qeyd edək ki, Teymur Məmmədovun həyat yoldaşı Gülmirə Məmmədova 10 nömrəli tam orta məktəbin keçmiş direktorudur. O işində verdiyi nöqsanlara və korrupsiya qalmaqalına görə işindən azad edilib.
Ən yaxınlarının, ailəsinin adı korrupsiya qalmaqalında keçən bir adamın Bələdiyyə Sədri kimi təyin olunması uğurlu seçim olmasa da, görünür ki, İlqar Abbasov sadəcə puluna baxır. Bunu biz iddia etmirik. Mənbəmiz bildirir ki, Teymur Məmmədov çayçı və restoranlarda bəhbəhlə qeyd edir ki, başçı ilə haqq-hesab eləmişəm, bu il sədr özüm olacam.
Müavin postuna gəldikdə isə, icrada şöbələrin birində çalışan Ceyhun adlı şəxsin adı hallanır.
GundemXeber.Az qeyd edir ki, İcra Başçısı İlqar Abbasov ətrafına sağlam adamlar yığmaq əvəzinə, harada qalmaqallı şəxs varsa onları yığır.
İddialar arasında İlqar Abbasova bu seçkilərlə bağlı ümumilikdə 50, 30 və 20 min manat pul çatdırılıb.
Bəs görəsən Prezident Administrasiyası Bələdiyyələrlə İş üzrə Şöbənin rəhbərliyinin və Cənab Prezident İlham Əliyevin Şirvanda baş verən bu özbaşınalıqlardan xəbəri varmı?
Teymur Məmmədov adlı şəxsi Şirvan sakinlərinin neçə faizi tanıyır? Yazıda adıkeçən şəxslərin Şirvanın taleyüklü məsələlərində, sosial həyatında nə kimi effektiv rolu olub?
Maraqlıdır, Teymur, Ceyhun və Bərxudar üçlüyünü İlqar Abbasovla bağlayan tərəf yalnız maddi bağlardır, yoxsa ortada bizim də bilmədiyimiz başqa məsələlər var?
Mənbəmizin verdiyi daha bir məlumatda isə qeyd olunur ki, İlqar Abbasovun bu hərəkətləri barədə yüksək post daşıyan məmurlardan biri ölkə rəhbərliyinə, Prezident Administrasiyasına, Korrupsiyaya Qarşı Baş Mübarizə İdarəsinə detallı faktları göndərib.
Anlaşılan odur ki, bu seçki həm də İlqar Abbasovun sonunu gətirə bilər və onun qalan ömrünü dəmir barmaqlıqlar arxasında keçirmək ehtimalı var.

Azərbaycanda son vaxtlar bir çox dövlət qurumları tərəfindən keçirilən satınalmalarda yol verilən qanun pozuntuları barədə çox yazılır. Avqust ayına qədər İqtisadiyyat Nazirliyinin tabeliyində fəaliyyət göstərən, artıq Azərbaycan Prezidenti yanında Antiinhisar və İstehlak Bazarına Nəzarət Dövlət Xidməti satınalmaların azad rəqabət şəraitində keçirilməsinə nə qədər can atsa da arxasında gözügörünməz qüvvələrin olduğu bir çox şirkətlər demək olar hər gün bir satınalmanın qalibi olur. Bu da satınalmalarda şəffaflıq prinsiplərinin pozulmasına gətirib çıxarır. Bu Tibbi Ərazi Bölmələrini İdarəetmə Birliyinə (TƏBİB) tabeli, paytaxtımızda və rayonlarda yerləşən xəstəxanaların keçirdiyi satınalmalarda özünü daha çox biruzə verir.

Qeyd edək ki, dövlət satınalmalarının vahid internet portalını son aylar zəbt edən şirkətlərin biri də “SAR TRADE” Məhdud Məsuliyyətli Cəmiyyətidir. Bu şirkət 2024-cü ildə Tibbi Ərazi Bölmələrini İdarəetmə Birliyinə (TƏBİB) tabeli xəstəxanaların keçirdiyi 30-a yaxın tender və kotirovka sorğusunun qalibi olub. Bunlardan bəzilərini diqqətinizə çatdırırıq.

MMC bu müddət ərzində Tovuz rayon Mərkəzi Xəstəxanası ilə müxtəlif növ inventarların satınalınması üzrə 13.511, “Respublika Pediatriya Mərkəzi” ilə maşın və avadanlıqların əsaslı və cari təmiri xidməti üzrə 186.831,76, Göygöl rayon Mərkəzi Xəstəxanası ilə avadanlıqların təmiri üzrə 15.806,1, “M.Ə.Əfəndiyev adına Xətai Tibb Mərkəzi” ilə tibbi cihazların alışı üzrə 27.523,96, Şəki rayon Mərkəzi Xəstəxanası ilə sair İnventarların alınması üzrə 28.449,8, “M.Ə.Əfəndiyev adına Xətai Tibb Mərkəzi” ilə oksigen məntəqəsinin təmiri üzrə 6.065,2, “Sabunçu Tibb Mərkəzi” ilə üxtəlif növ tibbi və qeyri-tibbi inventar mallarının satın alınması üzrə 76.484,06, “Respublika Təcili və Təxirəsalınmaz Tibbi Yardım Mərkəzi” ilə tələb olunan müxtəlif növ avadanlıqların təmiri üzrə 63.838, Saatlı rayon Mərkəzi Xəstəxanası ilə tibbi və qeyri tibbi avadanlıqların əsaslı və cari təmiri üzrə 40.750,36, “Respublika Təcili və Təxirəsalınmaz Tibbi Yardım Mərkəzi” ilə tələb olunan tibbi və qeyri tibbi Inventarların satınalınması üzrə 79.709, Füzuli rayon Mərkəzi Xəstəxanası ilə müxtəlif növ avadanlıqların təmir xidməti üzrə 71.648,42, Ağdaş rayon Mərkəzi Xəstəxanası ilə tibbi avadanlıqlar üçün ehtiyat hissələrinin satınalınması və avadanlığın təmiri üzrə 32.459,44, “Sumqayıt Tibb Mərkəzi” ilə avadanlıqların təmiri və quraşdırılması xidməti üzrə 138.771,78, Hacıqabul rayon Mərkəzi Xəstəxanası ilə müxtəlif növ avadanlıqların satınalınması üzrə 11.557,04, Şirvan şəhər Mərkəzi Xəstəxanası ilə sair torpaq, tikili və avadanlıqların satın alınması üzrə 21.948, “Sumqayıt Tibb Mərkəzi” ilə proqram təminatı üzrə 4.484, Qazax rayon Mərkəzi Xəstəxanası ilə tələb olunan müxtəlif növ avadanlıqların alınması üzrə 95.950,99, Neftçala rayon Mərkəzi Xəstəxanası ilə tələb olunan müxtəlif növ avadanlıqların alınması və quraşdırılması üzrə 54.754,89, Şəki rayon Mərkəzi Xəstəxanası ilə oksigen stansiyasına təmir və servis xidməti üzrə 15.251,5, Xaçmaz rayon Mərkəzi Xəstəxanası ilə maşın və avadanlıqlar üzrə 106.383,26 manat məbləğində satınalma müqavilələri bağlayıb.

Amma Tibbi Ərazi Bölmələrini İdarəetmə Birliyinə tabeli bu xəstəxanalardan fərqli olaraq Hacıqabul rayon Mərkəzi Xəstəxanası “SAR TRADE” MMC -nin uyğunluq göstəricilərinə tam cavab vermədiyini aşkar edib. 03.12.2024-cü ildə Hacıqabul Rayon Mərkəzi Xəstəxanası “SAR TRADE” MMC -ni şərtlər toplusunda mütləq likvidlik əmsalının 1.9-dən az olmaması tələb edilsə də, “Sar Trade” MMC sözügedən tələbi yerinə yetirmədiyinə görə və qiymət təklifi verərkən əsas şərtlər toplusunda qeyd olunmasına baxmayaraq təklifdə malların adlarını, markalarını və istehsalçı ölkəni qeyd etmədiyi üçün “Dövlət satınalmaları haqqında” Azərbaycan Respubikasının Qanununun 35.1.1 maddəsinə əsasən təchizatçı və (və ya) subpodratçı uyğunluq göstəricilərinə cavab vermədiyi və 35.1.5-ci maddəsinə əsasən təchizatçının təqdim etdiyi təklif formal tələblərə uyğun olmadığı üçün bu maddələri nəzərə alaraq açıq tender metodu üsulu ilə satınalma müsabiqəsindən kənarlaşdırmışdır.

Bu məlumatlar isə “SAR TRADE”MMC-nin uyğunluq göstəricilərinə cavab vermədiyini,malların adlarını, markalarını və istehsalçı ölkəni qeyd etməməklə saxtakarlığa yol verdiyini bir daha təsdiq edir.

Açıq internet axtarış sistemləri üzərindən apardığımız araşdırmada məlum oldu ki, “SAR TRADE” MMC (VÖEN 1402598961) Dövlət Vergi Xidmətinin Bakı şəhəri Lokal Gəlirlər Baş İdarəsində 09.09.2013-cü ildə dövlət qeydiyyatına alınıb. Nizamnamə kapitalı 10 manat olan şirkətin hüquqi ünvanı BAKI ŞƏHƏRİ NƏRİMANOV RAYONU, QƏDİRBƏYOVA, ev 8A, BLOK 1, m. 37 -də yerləşir. MMC-nin qanuni təmsilçisi Kərimov Muxtar Kərim oğludur.

Reyestr məlumatlarında MMC-nin ilk adı 2020-ci ilə qədər “S AND B ENGINEERING SOLUTIONS”, 2024-cü ilin may ayına qədər “SAR MEDICAL” olub. Təsisçisi Niftəliyev Cabir Hüseynqulu oğludur.

Qeyd edək ki, “SAR TRADE” MMC -nin təsisçisi Niftəliyev Cabir Hüseynqulu oğlu həm də “Clinic Medical” MMC-nin qanuni təmsilçisidir. Elektron mediada 29 Avqust 2024-cü ildə yayılan məlumata görə “Clinic Medical” Məhdud Məsuliyyətli Cəmiyyəti valyuta tənzimi qaydalarını pozduğuna görə barəsində Azərbaycan Mərkəzi Bankı (AMB) tərəfindən İnzibati Xətalar Məcəlləsinin 430.4-cü maddəsinə ( avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə) əsasən cərimə protokolu tərtib edilib.

Bundan əlavə MMC-nin adının tez-tez dəyişdirməsi bir sıra şübhəli məqamların olduğunu ortaya çıxardı.Apardığımız araşdırma zamanı məlum oldu ki, hazırda “SAR TRADE” MMC -nin “SAR MEDICAL” kimi də adı bir çox şübhəli satınalmalarda hallanır.

Göründüyü kimi Tibbi Ərazi Bölmələrini İdarəetmə Birliyinə tabeli Xəstəxanaların əksəriyyəti satınalmaların təşkili zamanı “Dövlət Satınalmaları Haqqında” Azərbaycan Respublikası Qanununun bir çox tələblərinə riayət etməmiş, “SAR TRADE”MMC-nin uyğunluq göstəricilərini və təqdim etdiyi malların etibarlığını nəzərə almamışdır. Bu da keçirilmiş tender prosedurunda saxtakarlıq hallarına yol yerildiyinə əsaslı şübhələr yaradır.

Ümumiyyətlə, görəsən “SAR TRADE” MMC-nin qalib olduğu satınalmaları respublikanın şimalından cənubuna, şərqindən qərbinə həyata keçirməyə müvafiq lisenziya və müqavilə ilə işləyən işçiləri, maddi-texniki bazası varmı? Bu şirkət haqqında açıq mənbələrdə heç bir məlumata rast gəlinmir. Son bir neçə ayda onlarla satınalmanın qalibi olan MMC-nin nə sosial şəbəkə hesabı, nə də bir veb-səhifəsi yoxdu. Maddi texniki bazası, işçi qüvvəsi barədə də həmçinin.

Görsənən odur ki, MMC-nin günün tələblərinə uyğun heç nəyi olmasa da güclü arxası var. Bu ya Tibbi Ərazi Bölmələrini İdarəetmə Birliyində oturur, ya da Antiinhisar və İstehlak Bazarına Nəzarət Dövlət Xidmətində.

Aktualinfo.org

"Keçmiş millət vəkili, hazırkı Suraxanı Rayon İcra Hakimiyyətinin başçısı olan Adil Əliyevin çox məmurlardan fərqli olaraq, ən azından heçolmasa qayğıya ehtiyacı olan şəxslərə mehriban münasibəti, xoş davranışları ilə mənəvi dəstək olduğunu düşünərək, onu təqdir etmişik. Amma yanılmışıq..." "DİA-AZ" bildirir ki, bu sözləri hazırkı icra başçısından narazılıq edən sakinlər deyir.

Sakinlər daha sonra yazır: "Adil Əliyev başçı təyin olunandan sonra elə bil dəyişdi. Bu gün onun qəbuluna düşmək olmur. Rayonda rəsmən özbaşınalıq hökm sürür.

Hər yerdə təzə başçının adamları pul yığır. Başqa heç nə tanımır. Artıq yorulmuşuq. Adil Əliyev belə davam edərsə, camaat Prezidentdən kömək istəyəcək..."

Qeyd edək ki, müraciətdə Adil Əliyevin adından pul tələb edən məmurların adları çəkilir. Müəyyən araşdırmadan sonra daha geniş müraciət mətnini təqdim edəcəyik. Bizi izləyin...

Bu Neftçala rayon İcra Hakimiyyətinin başçısı QAZİ DÜŞMANI Mirhəsən Seyidovdu. Bunun Qazilərə "göstərdiyi qayğı" Qazilər üçün problem yaratmaqdan ibarətdir. Qazilərə əkin üçün verdiyi torpaq sahəsini əllərindən almaq üçün, öncə çobanların qoyun sürülərinə otlatdırıb, onları məhkəməlik etmək, verdiyi torpaq sahəsin sonradan Qazilərldən alıb Şəhid ailəsinə verib, onları üz-üzə qoymaqdır.
TEREF yazır ki, bunu Qarabağ Qaziləri İctimai Birliyinin üzvü qazi Mübariz Abbasov öz sosial şəbəkə profilində paylaşıbş Daha sonra Mübariz bəy yazır:
Bu şəxs Dövlətin buna verdiyi vəzifəsindən sui istifadə edərək, Dövlət idarəsini özü üçün, istirahət mərkəzinə, ticarət abyektinə çevirib.
Biz Qazilər torpaq üstündə yatıb, düşmanla topqar uğrunda dava edəndə bu uşaq idi, isti beşiyində yatırdı, sosqa davası edirdi. İndi böyüyüb kişi olub Qaziləri saymır. Altı aydır atası yaşında Qazilər bunun qəbuluna düşə bilmir, kişinin Qaziləri qəbul etməyə vaxtı olmur. Əslinə qalanda isə Qazilərə yaşatdığı problemlərə görə, qarşılarına çıxmağa cürəti çatmır.
Bidə ki, hardan vaxtı olsun, başı qarışıb Qazilərə verdiyi torpağı onların əllərindən almağa, torpağ ticarəti edib sərvət toplamağa.
Necə deyərlər belə bir məsəl var, əziyyətin çəkən Hüseyin xan, keyfini görən Həsən xan. Bizim işimizdə ona dönüb. Torpağ uğrunda sağlamlığını itirən Qazilər, topağdan yararlanan, sərvət qazanan Mirhəsən.
Mübariz Abbasov
Qarşı tərəfində mövqeyini dərc etməyə hazırıq!
TEREF