 |
|
|
Mərdan Camalov rayonda iş yerlərini pulla satır...
Zərdab rayonu zibil işində batıb gedir...”Kommunal”da isə 300-dən çox işçi maaş alır...
Əvvəl coğrafiya müəllimi, sonradan zavodda “svarşik” olan, 4 uşaq atası Mərdan Camalovun daha sonra, yəni 2005-2019-cu illərdə Şirvan Şəhər İcra Hakimiyyətinin başçısı vəzifələrində işləməsi barədə çox yazılıb. Mərdan Camalovun rəsmi tərcümeyi-halında 4 uşaq atası olması yazılıb, amma...
Əmması odur ki, Mərdan Camalovun şəxsiyyət vəsiqəsində yazılıb ki, subaydır. Mərdan müəllimin həqiqətənmi 4 övladı var…? Bəlkə, 5, bəlkə 2 övladı var..? Bəs Tərxanım xanımla olan izdivacdan dünyaya gələn Həsən və Hüseyni hansı siyahıya yazaq..? Bunlar rəsmi nikah dövründə doğulub, yoxsa...? Bu barədə də çox yazılıb...
Mərdan Camalovun Şirvanda icra başçısı olarkən turbanı yeməsi əsl möcüzədir... Ötən əsrin 80-ci illərində, yəni gorbagor Mixayil Qorbaçovun verdiyi Aşkarlıq və Yenidənqurma dalğasında televiziyalarda müxtəlif verilişlər açılmışdı.
Həmin verilişlərin birində tokla məzələnən Əli var idi, sonra şüşə yeyən adamı nümayiş etdirirdilər. Adam millətin gözünün qarşısında stəkanı xarta-xart basıb yeyirdi. İnsanlar dəhşətə gəlirdi. Adamlar nə biləydi ki, bir neçə ildən sonra Mərdan Camalov kimi icra başçıları nəinki stəkanı, hətta qaz, su turbalarını "basıb yeyəcəklər". Özü də neçə kilometr...
Bəli, Mərdan Camalov mərhum nazir qardaşı Yavər Camalovun sayəsində bir müddət Azəriqaz-da işləmişdir. Ona görə də Azəriqaza-a məxsus yeraltı qaz turbalarının xəritəsin əla bilirdi. Və Şirvanda icra başçısı işləyərkən bütün xalqın, cəmiyyətin, dövlət qurumlarının gözü qarşısında 3000 metr uzunluğunda , iridiametrli qaz turbalarını rayon prokurorunun razılığı ilə doğrayıb satırlar. Bu biznesə hətta o zamankı baş prokuror Zakir Qaralov da şərik olur. O zamandan Mərdan Camalov sözün həqiqi mənasında milyonçu olur. Məsələ turba ilə bitmir. Mərdan Camalov Şirvanın o zamankı prokuroru ilə birgə rayon ərazisindəki, beton zavoduna gedən dəmir yolu relslərini də doğrayıb satdırır. Təsəvvür edirsiniz, bu boyda milyonlara sahib olan adam nəyin davasını edir ?
İnanmaq olmur ee.. Deyilənlərə görə, rayonun baş həkimi hər ay ona aylıq verir. Pandemiya dövründə aylıq azaldığı üçün Mərdan baş həkimi hamının qarşısında təhqir edir və utanıb-qızarmadan özü gedib xəstəxanadakı xəstələri sayır ki, görsün baş həkim buna atır yoxsa, yox ...
Bəli, bu boyda cinayət əməllərinə baxmayaraq, qardaşı, o zamankl Müdafiə Sənayesi naziri Yavər Camalova görə, Mərdana söz deyən tapılmır.
Təsəvvür edirsiniz, bu adam Qarabağ qazilərinə əlil avadanlıqları hazırlayan Əlillərin Bərpa Mərkəzindən aylıq tələb edir ? Daha nə yazasan, nə deyəsən ?
Mərdan Camalovun mal-mülkü, biznesi, avtomobilləri, Baklı şəhərindəki onlarla mənzili, ölkənin hər yerində villaları, ”Ambassador” oteli, “Niaqara” restoranı, ”Veqas”, “Niaqara” şadlıq sarayı, “Olimpik Star” əyləncə mərkəzi, “Qızıl Tac” şadlıq sarayı və daha nələri barədə danışmağa dəyməz, çünki çox yazılıb.
Təsəvvür edirsiniz, Zərdabda əməliyyat keçirilir, icra nümayəndəsi, bələdiyyə sədri həbs olunub, icra hakimiyyətinin baş memarı saxlanılıb, amma Mərdan Camalov tort yeyən kimi özünü aparır. Guya ki, bu cinayət əməllərindən onun xəbəri olmayıb... Hələ bu harasıdır, bu barədə Mərdan Camalovdan soruşan müxbirə deyir ki, əə, özünüzdən Amerika çıxartmayın, nə həbs-zad, mən öz yerimdəyəm, mən onları 1 ay əvvəl işdən çıxartmışdım, saytlar bilmir ki, Allah göydən baxır. Sevinənin Allah öz başına gətirsin... Bu adam sanki kənd arvadları kimi qarğış edir... Və deyir ki, mən öz yerimdəyəm. Biz isə deyirik ki, Mərdan müəllim, sən layiq olduğun yerdə deyilsən, səni yaxın zamanda layiq olduğun yerə aparacaqlar...
Bir məsələni də xüsusi olaraq qeyd edək. Mərdan Camalov hər gün DYP-nin müşaiyəti ilə pərdəli şəxsi avomobildə işə, evə başqa yerlərə gedib-gəlir. Sən kimsən axı, yoldaş Mərdan Camalov ? Zərdab rayonu Böyük Dəkkə kənd sakini Şəhid atası Abdullayev Rasim Tapdıq oğlu deyir ki, oğlum xüsusi təyinatlı kəşfiyyatçı olub, orden-medalları var. Qalan söhbətu şəhid atasının öz dilindən oxuyaq: “Erməninin etdiyi vəhşiliyi təbii qarşılayırıq çünki onlar bizim tarixi düşmənlərimizdir. Ancaq Zərdab rayon icra başçısı Mərdan Camalovun bizim ailəyə qarşı etdiyi insanlığa yaraşmayan hərəkətlər bizi çox sarsıtdı.
Biz icra başçısı Mərdan Camalovun bu hərəkətlərini şəhid ruhuna təhqir hesab edirik. Mənə təyin edilmiş 2-ci qrup əlilliyim qanunsuz olaraq dayandırıldı. Buna görə işlə təmin olunmaq üçün həyat yoldaşımda məndə Məşğulluq Mərkəzində qeydiyata alındıq. Ancaq hər dəfə tez bir zamanda işlə təmin olunacaqsınız deyə-deyə bir ildən çoxdur ki, bizi süründürməçliyə məruz qoyublar. Prezident cənab İlham Əliyevin xüsusi tapşırığı var ki, şəhid ailələri növbədən kənar işlə təmin olunmalıdırlar. Ancaq Zərdabda bu əksinədir çünki rayonun yarıtmaz icra başçısı var. Mərdan Camalov qəbul etməsi üçün İcra Hakimiyyətində olan zaman müavin Pərvin Mahmudova bizi qəbul etdi. Həmin vaxt mənimlə birlikdə qəbula qaynım 1-ci qrup Qarabağ müharibəsi əlili Qaraoğlan Mustafayev də getmişdir. Həmin vaxt İcra başçısının müavini Pərvin Mahmudova öz otağına Şəhid ailələri və qazilərlə iş şöbəsinin müdiri Zinhar Bayramovu çağırdı. Və Mərdan Camalovun şöbə müdiri bizə “Çaqqal…” deyərək bizə hücum elədi, bizi döymək istədi…” Şəhid atası deyir ki, bu həyasızlığı və tərbiyəsizliyi isə icra başçısı Mərdan Camalov qəsdən təşkil etmişdir: “İcra başçısı Mərdan Camalov iş yerlərini pulla satır deyə mənim kimi imkansız şəhid ailəsi heç vaxt işlə təmin olunmayacaq. Zərdab rayonu zibil işində batıb gedir, təmizlik işləri vaxtlı-vaxtında aparılmır. Ancaq kommunal müəssisələr idarəsində üç yüzdən çox işçi var. Bütün bu neqativ vəziyyəti Mərdan Camalov yaratmışdır.
Mətbuat vasitəsi ilə Prezident cənab İlham Əliyevə və Mehriban xanım Əliyevaya müraciət ünvanlayıb xahiş edirəm ki, bizi təhqir etdirib döydürmək istəyən tərbiyəsiz icra başçısı Mərdan Camalovun və onun buyruq qulu olan Zinhar Bayramovun barəsində ciddi tədbir görəsiniz. Həyat yoldaşımın və mənim işlə təmin olunmağıma köməklik göstərəsiniz”.
Əlaqə telefonu; (051) 776-18-21
gündelik baki.com
Hələ də ümid edirik ki, bu məqalənin yayımlanmasından sonra ən azından cənab Nazir problemin araşdırılması yöndə, məhz tabeliyində olan vəzifə sahiblərinə lazımi tapşırıqlarını verəcək
Hər kəsə məlumdur ki, ölkəmizin ərazisində yaşayan hər bir vətəndaşın hüququ ilə bağlı məsələlər Azərbaycan Respublikası Konstitusiyasının 52-ci maddəsində öz əksini tapıb. Yəni, bu maddədə göstərilir ki, Azərbaycan dövləti ilə siyasi-hüquqi bağlılığı, habelə qarşılıqlı hüquq və vəzifələri olan hər kəs Azərbaycan Respublikasının vətəndaşı hesab olunur və həmin şəxs dövlətə münasibətdə bir sıra hüquqlara malikdir. Belə ki, Azərbaycan Respublikasının vətəndaşı olan hər kəs dövlət qurumlarından ona aid hüquqların müdafiəsini, qorunmasını, təşkil olunmasını və s. tələb etmək hüquqlarına malik olur. Bütün bunlar Azərbaycan Respublikası Konstitusiyasının 52-ci maddəsində öz əksini tapsa da, haqqında bəhs etdiyimiz Şamaxı rayonu, Muğanlı kənd sakini mərhum Rəcəbov Yadigar Ağadadaş oğlu (Yadigar Rəcəbov 05 avqust 2022-ci il tarixdə dünyasını dəyişmişdir) və onun ailə üzvləri Azərbaycan Respublikası Konstitusiyasının onlara verdiyi hüquqlardan istifadə etmələrinə baxmayaraq, 2014-cü ildən pozulmuş hüquqlarının bərpasına heç cür nail ola bilməyiblər. Yəni, redaksiyamıza çatdırılan məlumatlarda bildirilir ki, 2012-ci ilin mart ayında rayonun Muğanlı kəndində torpaq sürüşməsi hadisəsi baş verir və 62 ailə torpaq sürüşməsi hadisəsinin fəsadları ilə üz-üzə qalsalar da, 47 ailənin fərdi yaşayış evi və həyətyanı torpaq sahəsi tam yarasız vəziyyətə düşür. Hadisədən dərhal sonra Azərbaycan Respublikasının Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin “Azərinşaatlayihə” İnstitunun və Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin mütəxəssisləri yerli icra hakimiyyəti orqanı nümayəndələrinin iştirakı ilə fərdi yaşayış evlərinə və həyətyanı torpaq sahələrinə birlikdə baxış keçirirlər. Həmin vaxt yarasız vəziyyətə düşmüş evlərlə bağlı bu dövlət qurumlarının əməkdaşları tərəfindən akt da tərtib olunur və 47 ailəyə daha təhlükəsiz ərazidə yeni fərdi yaşayış evlərinin tikilməsi və buna görə Tikintidə Təhlükəsizliyə Nəzarət Dövlət Agentliyinin “Azərinşaatlayihə” İnstituna layihə-smeta sənədlərinin hazırlanması barədə göstəriş də verilir.WhatsApp Image 2022 10 18 at 16.45.28
Qeyd edək ki, torpaq sürüşməsi hadisəsindən sonra yerli icra hakimiyyəti orqanları nümayəndələrinin iştirakı ilə 47 ailədə yaşayan sakinlərin siyahısı dəqiqləşdirilir və onların sayı barədə toplanmış məlumatlar aidiyyatı üzrə dövlət qurumlarına təqdim olunur. Layihə-smeta sənədləri hazırlandıqdan sonra fərdi yaşayış evlərinin inşaasına başlanılır və 2014-cü ildə evlər zərərçəkən ailələrə təhfil verilir. Tərtib olunmuş siyahıda mərhum Yadigar Rəcəbov və onun ailə üzvləri (7 nəfərdən ibarət) 46-cı sırada olsalar da, inşa olunmuş evlər sakinlərə təhvil verilərkən bu ailəyə ev verilmir. Belə olan halda mərhum Yadigar Rəcəbov ailə üzvləri adından möhtərəm Prezidentə, FHN-nə, Şamaxı RİH Aparatına bir neçə şikayət ərizəsi göndərir və baş verən ədalətsizliklərlə bağlı aidiyyatı dövlət qurumlarını lazımınca da məlumatlandırır. Diqqəti cəlb edən hal o olur ki, evlər paylanılarkən Rəcəbovlar ailəsinə verilməli olan ev hansısa maraqlar əsasında başqa bir ailəyə verilir. Yadigar Rəcəbovun etdiyi şikayətlər əsasında isə, həmin evə yerləşdirilmiş ailə üç gündən sonra Şamaxı RİH əməkdaşlarının iştirakı ilə evdən çıxarılır və ev 8 il ərzində boş qalır. Bugünlərdə Rəcəbovlar ailəsindən redaksiyamıza çatdırılan məlumatlarda bildirilir ki, vaxtilə həmin evdən çıxarılmış ailə təqribən ayyarım bundan öncə Şamaxı RİH əməkdaşlarının himayədarlığı altında təkrar həmin evə yerləşdirilir. Bütün bunlar da onu sübut edir ki, Rəcəbovlar ailəsinə təhvil verilməli olan evlə bağlı yaşanan problemin kökündə, məhz Şamaxı RİH əməkdaşlarının oynadıqları “oyun qaydaları” durur.
Onu da bildirək ki, Muğanlı kəndində torpaq sürüşməsi hadisəsi 2012-ci ilin mart ayında baş verir və tərtib olunmuş siyahı əsasında inşa olunmuş fərdi yaşayış evləri 2014-cü ildə zərərçəkən ailələrə təhvil verilir. Həmin vaxtlar Yadigar Rəcəbovun ailəsinə ev verilmir. Səbəb də o qeyd olunur ki, guya evlər paylanana qədər Yadigar Rəcəbovun və onun ailə üzvlərinin yaşadıqları evlə bağlı nə Fövqəladə Hallar Nazirliyinin, nə də ki, Ekologiya və Təbii Sərvətlər Nazirliyinin mütəxəsisləri tərəfindən akt tərtib olunmamışdır. Bu yöndə akt tərtib olunmadığından ilkin siyahıda Yadigar Rəcəbovun və onun ailə üzvlərinin adları siyahıda olsa da, az sonra onların adlarının siyahıdan çıxarıldığı bildirilir. Digər səbəb də o göstərilir ki, Azərbaycan Respublikasının Fövqəladə Hallar Nazirliyinin, Ekologiya və Təbii Sərvətlər Nazirliyinin mütəxəssisləri yerli icra hakimiyyəti orqanı nümayəndələrinin iştirakı ilə 03 mart 2014-cü il tarixdə bu ailəyə məxsus fərdi yaşayış evinə viziual texniki baxış keçirilmiş və həmin vaxt müvafiq akt da tərtib olunmuşdur. Tərtib olunmuş aktda Yadigar Rəcəbovun ailəsinə məxsus fərdi yaşayış evinin qəzalı vəziyyətdə olması qeyd olunmuşdur. Yəni, verilən cavablarda bildirilir ki, yeni akt tərtib olunana qədər tikilmiş evlər vətəndaşlara paylanılmışdır. Əslində bu cür yanaşmalar, verilən belə bir cavablar baş aldatmaqdan başqa bir şey deyil. O halda ortaya belə bir sual çıxır ki, axı torpaq sürüşməsi hadisəsi 2012-ci ilin mart ayında baş verir? Nədən həmin vaxtlarda Yadigar Rəcəbovun və onun ailə üzvlərinin yaşadıqları evin sağ-sol hissəsində yaşayan qonşuların evlərinə baxış keçirilir və akt da tərtib olunur? Amma, Yadigar Rəcəbovun və onun ailə üzvlərinin yaşadıqları evə vizual baxış keçirib akt tərtib etmək 03 mart 2014-cü il tarixdə, yəni iki il sonra həyata keçirilir? Deməli, belə bir yanaşmaların, başaldadıcı cavabların verilməsinin arxasında hansısa maraqlar durur.
Hörmətli oxucular! Artıq bir neçə dəfədir ki, araz.az xəbər portalı olaraq yaşanan belə bir problemin varlığını geniş ictimaiyyətin diqqətinə çatdırırıq və problemin araşdırılması məqsədilə, hətta aidiyyatı dövlət qurumlarına məktublar da göndəririk. Düzdür, ilk vaxtlar elə düşünürdük ki, bu mövzu ilə bağlı məqalə yayımlanarkən cənab Kəmaləddin Heydərov Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyi əməkdaşlarının Şamaxı RİH Aparatında vəzifə sahibi olan bəzi vəzifə sahibləri ilə əlbir olub oynadıqları “oyun qaydaları”nı şəxsi nəzarətinə götürəcək və qısa zaman kəsiyində 7 nəfərdən ibarət Rəcəbovlar ailəsinin üz-üzə qaldıqları problem ədalətli həllini tapacaq. Təəssüflər olsun ki, bu heç də belə olmadı.
Qeyd edək ki, bugünə qədər verilən cavab məktublarında qeyd olunub ki, Yadigar Rəcəbovun və onun ailə üzvlərinin yaşadıqları evə 03 mart 2014-cü il tarixdə vizual baxış keçirimiş və bununla bağlı akt da tərtib olunmuşdur. Tikintidə Təhlükəsizliyə Nəzarət Dövlət Agentliyi və Şamaxı RİH Aparatı tərəfindən verilən başaldadıcı cavab məktublarına aydınlıq gətirilməsi məqsədilə, adı çəkilən bu dövlət qurumlarına ünvanladığımız məktublara yenə də oxşar cavablar verilir. Yəni, ünvanladığımız suallara Tikintidə Təhlükəsizliyə Nəzarət Dövlət Agentliyindən lazımi cavabı əldə edə bilmədiyimizdən, bir neçə gün bundan öncə cavab əldə etmək istədiyimiz suallara aydınlıq gətirilməsinə köməklik göstərilməsi üçün Azərbaycan Respublikasının Prezidenti cənab İlham Əliyevə, Azərbaycan Respublikasının Birinci vitse-prezidenti Mehriban xanım Əliyevaya, Baş Nazir cənab Əli Əsədova və Fövqəladə Hallar Naziri cənab Kəmaləddin Heydərova rəsmi qaydada məktubla müraciət etmək məcburiyyətində qaldıq. Düşünürük ki, ünvanlanan məktublar əsasında Tikintidə Təhlükəsizliyə Nəzarət Dövlət Agentliyindən lazımi cavabı əldə etməyi bacaracağıq. Biz hələ də belə bir düşüncəyə sahibik ki, bu məqalənin yayımlanmasından sonra ən azından cənab Kəmaləddin Heydərov problemin araşdırılması yöndə, məhz tabeliyində olan vəzifə sahiblərinə lazımi tapşırıqlarını verəcək. Qarşı tərəfin də mövqeyini dinləyə bilərik.//araz.az xəbər portalı.
Biz bir media olaraq bütün araşdırma yazılarımızda təkcə problemləri sadalamaqla kifayətlənmirik. Və daha çox çalışırıq ki, problemin yaranma səbəblərini ortaya qoyaq, vətəndaşlara məsələ ilə bağlı hüquqi bilgilər verək. Ki, aldadılan vətəndaşlarımız az olsun, vətəndaşlar öz hüquqlarını müdafiə edə bilsin və s.
Ona görə də Mənzil-Tikinti Kooperativləri ( MTK) ilə bağlı oxucularımıza qısa bir bilgi verək. Mənzil-Tikinti Kooperativləri nədir?
Mənzil-Tikinti Kooperativləri fiziki və hüquqi şəxslərin üzvlüyə əsaslanan könüllü birliyidir. Mənzil-Tikinti Kooperativləri istehlak kooperativləri olmaqla, üzvləri əmlak pay haqları hesabına çoxmənzilli binanın tikilməsində, yenidən qurulmasında və müəyyən dövr ərzində binada yaşayış və qeyri-yaşayış sahələrinin idarə edilməsində iştirak edirlər. Mənzil-Tikinti Kooperativlərindən mənzil alarkən alıcı nələrə diqqət etməlidir?
Alıcı ilə kooperativ arasında müqavilə imzalanarkən:
1. Alıcı, kooperativin ortaq (assosiativ) üzvlüyünə qəbul edilməsi barədə kooperativ üzvlərinin ümumi yığıncağının protokolundan çıxarış tələb etməli;
2. Kooperativin müqaviləsini imzalayacaq vəzifəli şəxsin koopertivə məxsus əmlakı satmaq səlahiyyətinə malik olub-olmamasını aydınlaşdırmalı;
3. Alıcı almaq istədiyi mənzilin məhz müqavilədə göstərilən ünvanda, mərtəbədə, dəyərini ödədikləri ölçülərə uyğun gələn və qeyd edilən kooperativə məxsus binada mənzil olduğuna tam əmin olmalı;
4. Müqavilədə mənzilin nə zaman və necə vəziyyətdə tikilib təhvil veriləcəyi göstərilməli;
5. Alıcı, mənzilin ödənişinin və borcunun olub-olmaması haqqında maliyyə arayışı tələb etməli;
6. Müqavilə üzrə ödənməli vəsaitlər kooperativin bank hesabına ödənməli, faktiki ödədikləri məbləğin müqavilədə və mühasibat sənədlərində tam əks etdirilməsini tələb etməli;
7. Mənzilin yerləşdiyi binanın tikinti obyektlərini dövlət qəbul komissiyası tərəfindən istismara qəbul olunub – olunmadığı araşdırılmalıdır. Çünki binanın istismara təhvil verilməməsi həmin mənzilə dair mülkiyyət hüququnun daşınmaz əmlakın dövlət reyestrində qeydiyyatdan keçirilməsini qeyri-mümkün edir.
Nəticədə alıcı unutmamalıdır ki, kooperativin səlahiyyətli və tam hüquqlu üzvü (payçısı) olaraq tikinti bitdikdən sonra kooperativdən razılaşdırılmış mənzili almaq və ya tələb etmək hüququ var. Bəli, bu qısa bilgidən sonra keçək əsas problemə.
Redaksiyamıza müraciət edən payçı Yasamal rayonu, Şərifzadə küç., 571-ci məhəllə ev 33 ünvanında yerləşən “Dərəçiçək” MTK-nın payçıların başına açdığı oyunlardan şikayət etdi. Şikayətçinin dediyindən bəlli oldu ki, MTK yuxarıdakı ünvanda 2009-cu ildən bina tikməyə başlayıb. Və bizə müraciət edən vətəndaş həmin ünvanda mənzil almaq üçün müqavilə bağlayaraq 98 min ABŞ dolları və 80 min AZN pul keçirib. Vətəndaşın bizə təqdim etdiyi MALİYYƏ ARAYIŞINDAN görünür ki, pulun keçirilməsi ilə bağlı sənədi MTK-nın direktoru Əhmədov.S.R öz möhürü ilə təsdiq edib.
Bəli, sənədlərdən görünür ki, vətəndaş binadan 3 otaqlı, sahəsi 133, 5 kv.m mənzil almaq üçün 93 min 450 manat pul keçirib. Yəni adi hesabdan da görünür ki, 93450: 133.5 təxminən 700 manat. Yəni 1 kv metr mənzil 700 manata satılır. Ancaq əslində bu binada mənzilin 1 kv.m 170 manata başa gəlir. İkinci sənəddən bəlli olur ki, vətəndaş həmin binadan 2 otaqlı 93.5 kv.m sahəsi olan mənzili almaq üçün 65 min 450 manat pul köçürüb. Yenə 65000: 93.5 = 700 manat. Yəni yenə 1 kv.m-in qiyməti 700 manatdır. Bu mənzil üçün də MTK-nın direktoru Əhmədov.S.R-in verdiyi maliyyə arayışından bəlli olur ki, payçı pulunu tam köçürüb.
Bəs yaxşı 13 il əvvəl pulunu köçürmüş, əlində bütün sənədləri olan vətəndaş niyə qanuni mənzillərinə sahib ola bilmir..?
Bəli olur ki, MTK rəhbərliyi mənizlləri başqa birinə satıb. Və vətəndaşa deyir ki, yeni bina tikəcəyik orada sizə mənzil verəcəm. Bəli, bu gün MTK-ların payçıları aldatması, bir mənzili bir neçə nəfərə satması az qala adi hal olub. Və ən dəhşətlisi odur ki, bəzi hüquq-mühafizə orqanları, məhkəmə hakimləri belə dələduz MTK rəhbərlərinə himayədarlıq edirlər.
Sözün düzü araşdırma zamanı sənədlərə imza atan Əhmədov.S.R-in kimliyini müəyyən edə bilmədik. Amma şikayətçilərin adını çox çəkdiyi və MTK-ya faktiki rəhbərlik edən Rauf Əliyevlə bağlı bəzi məlumatları dəqiqləşdirə bildik. Rauf Əliyev vaxtilə “Qosstandart” deyilən qurumda rəhbər vəzifədə çalışıb. Və hazırda tikinti biznesi ilə məşğul olur. Rauf Əliyev təkcə bir mənzili bir neçə nəfərə satmaqla kifayətlənmir. Həm də satılan mənzillər təmirsiz olur, binada liftlər işləmir və s. Binanın qaz, su xətləri işləmir, sakinlər özləri kommunal xətləri çəkiblər. “Dərəçiçək” MTK şirkətinin rəhbəri Rauf Əliyev hər dəfə problemlərin yaxın zamanda həll olunacağını desə də, illərdir bir irəliləyiş yoxdur. Payçıların çoxu vaxtilə ödənişi ABŞ dolları ilə etdiklərini və son 10 ildə manatın məzənnəsinin necə dəyişdiyini deyərək, bu illər ərzində nə qədər ziyana düşdüklərini bildirirlər. Bəzi payçılar pullarını geri tələb edirlər.
Görəsən pul qaytarılsa, hansı kursla qaytarılacaq..? 2022-ci il, yoxsa 2009-cu il kursu ilə..?
Sözün qısası, Dərəçiçək MTK-nın sahibi Rauf Əliyev həbs olunmasa, problemlər həll olunan deyil.
gundelik baki com
“Bir neçə il qabaq Sabail rayonunda "Qaçkınkom”un sədri işləyən Bəyverdi Novruzov bizə verilən pay torpaqlarını və gölü zəbt edərək orada ev tikdirdi. O, korrupsiya, dövlət əmlakını mənimsəmə faktına görə vəzifəsindən azad edilib və hətta həbs olunmuşdur. Sonradan həbs müddəti pul ilə əvəz olundu və azadlığa çıxdı”.
Bu barədə Masallı rayon Ərkivan kənd sakini İbrahimov Əlimərdan Əzim oğlu tərəfindən “Hürriyyət” qəzetinin redaksiyasına göndərilən şikayət məktubunda qeyd olunur. Ə.İbrahimov deyir ki, B.Novruzov ona və digər vətəndaşlara aid pay torpağını qanunsuz yollarla ələ keçirib:
“Bəyverdi Novruzov mənə zəng vurdu ki, sənin, bir də qonşunun torpağını mən sənədlə almışam. Dedim ola bilməz, bu mənim pay torpağımdır. Həmin vaxtdan etibarən Bəyverdi Novruzov vətəndaşların pay torpağını mənimsəməklə məşğuldur. Torpağını vermək istəməyən vətəndaşlara isə hədə-qorxu gəlir. Ərkivan kəndində, bizim pay torpaqları olan ərazidə böyük bir göl var. Gölü də sənədsiz bir şəkildə hasarlayıb, mənimsəyib. Kəndin heyvanları oradan su içərdi, artıq bu mümkün deyil.
Bir neçə qonşumun və qardaşım oğlunun torpağını da zəbt edib. Bununla bağlı 8 ildir məhkəmə gedir. Məhkəmə davam etdiyindən qardaşım oğlunun torpağından hələlik əl çəkib, gəlib mənim və digər insanların torpaqlarını zəbt edir. Gətirib armatur basdırır, mən çıxardıb atıram, yenə gətirir basdırır. Təhqir, təhdid baş alıb gedir. DİN-in 102 xidmətinə dəfələrlə müraciət etmişik, amma şikayətimiz cavabsız qalıb”.
Ə.İbrahimov B.Novruzovun oğlundan da şikayətçidir:
“Oğlu Zaur Novruzov vəzifəsindən sui-istifadə edərək, mənim qazi oğluma dil uzadır. Oğlum müharibə iştirakçısıdır, qazidir. Mənim oğlum 37 gün torpağın altında qalıb ki, bunun kimi vicdansız, qansız insanlar dil uzatsın?! 37 gündən sonra torpağın altından çıxarılıb, o, ölə də bilərdi”.
Masallı sakini zəbt olunan torpağının geri qaytarılması üçün müvafiq qurumlara müraciət edir:
“Bəyverdi Novruzov deyir ki, mənim sənədim var. Onun sənədi varsa, bəs mənim sənədim nədir, görəsən?! Torpağı vermirəm deyə ərazinin qapısını balta ilə parçalayır, ziyan vurur, söyüşlər edir. Mən o insanın ailəmdən, torpağımdan əl çəkməsini istəyirəm. “Hürriyyət” vasitəsilə dövlət orqanlarına müraciət edirəm. Mənim pay torpağımı geri qaytarın. Kənd sakiniyəm, əkinçiliklə, heyvandarlıqla dolanıram”.
Əlimərdan İbrahimov deyir ki, Bəyverdi Novruzovun polkovnik olan qaynatası da məlum məsələylə bağlı ona təzyiq göstərir:
“Bəyverdi Novruzovun polkovnik rütbəsi daşıyan qaynatası da bizim üstümüzə hücum çəkir. Dincliyimiz yoxdur. Əlimizdə şəkillər, videolar var. Hansı qanunda yazılıb ki, kəndliyə verilən pay torpağını kimsə özbaşına ala və yaxud da qanunsuz sənədləşdirə bilər”?
Qeyd olunan iddialarla bağlı Bəyverdi Novruzovla əlaqə saxlamaq cəhdlərimiz alınmadı. Oğlu Zaur Novruzov isə deyir ki, sözü gedən torpaq sahəsi ilə bağlı atasında olan sənədlər tam qanunidir. Onun sözlərinə görə, əksinə, Əlimərdan İbrahimovun bələdiyyədən aldığı sənəd saxtadır: “3000 AZN-ə sənəd alıblar. Müraciət etdiyimiz orqan və məhkəmələrdən hələ sənədlərimizin saxta olduğu haqqında cavab almamışıq. Lazımi orqanlara müraciət etmişik, edəcəyik də. Deməli, həmin ərazilər 25 il qabaq qanuni şəkildə bələdiyyə torpaqları kimi bizə icarəyə verilib. Bizdən şikayətçi olan şəxslər 25 il ərzində orada ağac əkməkdən və butka qoymaqdan başqa heç bir iş görməyiblər. Yəni hal-hazırda bizim torpaq sahəsini zəbt ediblər. Əlimizdə Masallı Rayon Məhkəməsinin qətnaməsi, Şirvan Apellyasiya Məhkəməsinin qərarı var. Biz o torpağa heç bir müdaxilə etməmişik. Sadəcə, öz sahəmizi qorumaq üçün mühasirəyə alıb, kamera sistemi quraşdırmışıq. Bizim torpaq sahəsinə aid bütün hüquqi sənədlərimiz yerindədir. Bunu hüquq mühafizə orqanları və rayon rəhbərliyi də dəfələrlə araşdırıb və onlar bilirlər ki, qanunsuz heç nə yoxdur”.
Z.Novruzov həmçinin qeyd etdi ki, torpağın bir hissəsini şəhid olan qohumunun oğlunun adına keçirəcək: “Şikayətçilər hara istəyirlər müraciət edə bilərlər. SSRİ dövründən qalan pay torpağı sənədini gətirib, bizim şəxsi torpağımızı əlimizdən almaq istəyirlər. Mən onları ancaq savadsız tələbkarlar adlandıra bilərəm”.
Mövzu ilə bağlı tanınmış vəkil Bəhruz Bayramovla da əlaqə saxladıq. O xatırlatdı ki, Nazirlər Kabineti “Rayon aqrar islahat komissiyalarının (yerli icra hakimiyyəti orqanlarının) qərarları ilə təsdiq edilmiş siyahılara əsasən ləğv edilmiş sovxoz və kolxozların özəlləşdirilən torpaqlarından pay almış, lakin bu torpaqlar üzərində mülkiyyət hüququ rəsmiləşdirilməmiş şəxslərin müraciəti əsasında onlara hüquqmüəyyənedici sənədlərin verilməsi ilə bağlı göstərilən xidmətlərə görə xərclərin maliyyələşdirilməsi mexanizmi”ni təsdiq edib.
Qərara əsasən, bu mexanizm pay torpaq sahələri üzərində mülkiyyət hüququ rəsmiləşdirilməmiş şəxslərin müraciəti əsasında onlara hüquqmüəyyənedici sənədlərin (daşınmaz əmlakın dövlət reyestrindən çıxarış və torpaq sahələrinin plan və ölçülərinin) verilməsi ilə bağlı göstərilən xidmətlərə görə xərclərin maliyyələşdirilməsi qaydasını müəyyən edir.
Müvafiq torpaq sahələrinə dair hüquqmüəyyənedici sənədlərin verilməsi ilə bağlı xərclərin hesablanması qanunvericiliklə müəyyən edilmiş qaydada təmin edilir.
Dövlət büdcəsində bu məqsədlər üçün proqnozlaşdırılmış illik vəsaitin bərabər hissələrlə müvafiq sifarişlər əsasında rübdə bir dəfə olmaqla, hər rübün ilk ayının 15-dək Azərbaycan Respublikasının Maliyyə Nazirliyi yanında Dövlət Xəzinədarlığı Agentliyi tərəfindən Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin xəzinə hesabına köçürülməsi təmin edilir.
Xidmət müvafiq bölgüyə uyğun ayrılmış vəsaitin tabeliyindəki “Daşınmaz Əmlakın Dövlət Kadastrı və Reyestri” publik hüquqi şəxsinin hesablaşma hesabına köçürülməsini təmin edir. Müvafiq il üzrə hüquqları dövlət qeydiyyatına alınmış şəxslər, onlara verilən hüquqmüəyyənedici sənədlər, habelə göstərilən xidmətlərə görə hesablanmış vəsait barədə illik icmallar Azərbaycan Respublikasının İqtisadiyyat Nazirliyi tərəfindən növbəti il fevralın 15-dək Azərbaycan Respublikasının Kənd Təsərrüfatı Nazirliyinə və Azərbaycan Respublikasının Maliyyə Nazirliyinə təqdim edilir.
İllik icmalda aşağıdakı məlumatlar öz əksini tapır: hər bir rayon və yaşayış məntəqəsi üzrə pay torpaqları üzərində mülkiyyət hüquqları rəsmiləşdirilmiş mülkiyyətçilərin adı, soyadı, atasının adı; üzərində mülkiyyət hüquqları qeydiyyata alınmış pay torpaqlarının ölçüsü (hektarla); hüquqların dövlət qeydiyyatı haqqında daşınmaz əmlakın dövlət reyestrindən çıxarışların reyestr və qeydiyyat nömrələri, qeydiyyat tarixi, plan və ölçülərin nömrəsi və tarixi.
Vəkil Adəm Məmmədov isə deyir ki, pay torpaqlarını mülkiyyətçinin özündən başqa heç kəs sata bilməz: "Əgər şikayətçinin əlində pay torpağını təsdiq edən sənədlər varsa, o, məhkəmə orqanına müraciət edərək torpağını geri qaytara bilər. Məkəmə də qanuna uyğun olaraq pay torpağını vətəndaşa qaytara bilər. Əlbəttə, pay torpağını təsdiq edən sənədlər varsa. Ümumiyyətlə götürdükdə isə, pay torpaqları xüsusi mülkiyyət hesab edilir".
DİN-in Mətbuat Xidmətinin Lənkəran regional qrupunun baş inspektoru, polis baş leytenantı Məhəmməd Rzayev də qeyd etdi ki, Masallı rayonunun Ərkivan qəsəbəsində yerləşən mübahisəli torpaq sahəsi ilə bağlı hər iki tərəf qarşılıqlı şəkildə polisə müraciət edib: “Masallı Rayon Polis Şöbəsində araşdırma aparılaraq onlara izah edilib ki, mülki məsələ olduğu üçün bununla bağlı mülki qaydada məhkəməyə müraciət olunmalıdır. Eyni zamanda, tərəflər arasında gələcəkdə baş verə biləcək hər hansı qanunazidd hərəkətlərin qarşısının alınması üçün ictimai təhlükəsizlik bölməsinə profilaktik söhbət aparılması üçün qərar qəbul edilərək göndərilib”.
Jalə FAMİLQIZI
P.S. Aydın olur ki, burada tərəflərdən birinin mübahisəli torpaq sahəsinə dair əldə etdiyi sənəd saxtadır. Əlimərdan İbrahimov deyir ki, ona verilən sənəd SSRİ-dən qalma deyil, müstəqillik dönəmində alıb. Buradan isə anlaşılan odur ki, rayonun gölü və pay torpaqları 2-ci dəfə satışa çıxarılıb. Belə olduğu halda, məhkəmə Əlimərdan İbrahimovun sənədini hansı əsasla qeyri-qanuni sayıb. Hər halda növbəti instansiyanın bu suala aydınlıq gətirəcəyini güman edirik… //hurriyyet.az//
"Keşlə”nin adı dəyişdirilib Şamaxıya göndərilərkən, ictimaiyyət sevindi – “futbol bölgələrə yayılır” deyə. İndi ictimaiyyətin hansı mövqedə olduğunu deyə bilmərik, amma o dəqiqdir ki, əhli-Şamaxı “Keşlə”nin onlara sırınmasından məmnun deyil.
“Şamaxı” komandası hazırda rayon üçün böyük yükə çevrilib. Komandanın xeyli borcu var. Rayon rəhbərliyi kasad büdcə ilə problemlərin əlində girinc qalıb. Bir tərəfdən də AFFA onların olan-qalanını əlindən alır. Bəs qısa müddətdə bu borc necə yaranıb? Yox, borc bu günün deyil, dünənindir.
İllik 6 milyon manat nəyə xərclənib?
“Keşlə”yə uzun müddət AFFA prezidenti Rövnəq Abdullayevin yaxın adamı Zaur Axundov rəhbərlik edib. Bu komandaya illik 6 milyon manat vəsait ayırıb AFFA. Amma bu vəsaitin hara xərcləndiyi haqda heç kim heç kimə hesabat verməyib. “Keşlə” belə büdcə ilə “daimi autsayder” statusunda olub.
Komandanın adı dəyişdirilib Şamaxıya köç edəndə isə təhvil-təslim prosesi zamanı bəlli olub ki, “Keşlə”nin 2 milyon manatdan artıq borcu var. 6 milyonluq büdcə ilə bu borc necə yaranıb? Bunu kimsə araşdırmayıb. Zaur Axundov necə, nə cür edibsə, “Şamaxı”nın yeni rəhbərliyi qol çəkərək bu borcla komandanı qəbul edib.
Hanı “Keşlə”nin əmlakı?
Və təhvil-təslim zamanı o da bəlli olub ki, illik 6 milyon büdcəyə sahib olan klub “bir həsirdir, bir də Məmmədnəsir”. Zaur Axundov “əmlak” adı altında yeni rəhbərliyə cəmisi 30 ədəd köhnə məşq forması verib. Vəssalam. Sən demə, “Keşlə”nin heç nəyi olmayıb. Nəhəng korrupsiya faktıdır, amma araşdırılmayıb.
“Yeyintini gizlətmək planı?
Bu dəhşətli faktları nəzərə alsaq, belə çıxır ki, əslində “Keşlə”nin Şamaxıya getməsi “futbolu bölgələrə yaymaq” planı deyilmiş. Bu, elə AFFA rəhbərliyinin öz planı imiş. Yeyintini gizlətmək planı. “Keşlə” illik 6 milyonu dağıdıb, komandanın əmlakı yoxdur. Olubsa da, mənimsənilib. Üstəlik, 2 milyon manat da borc yaranıb. Komanda şamaxılılara sırınandan sonra hər şey qaydasına düşüb. Nə səs çıxıb, nə də səmir. Rövnəq Abdullayev də öz işindədir, onun yaxın adamı Zaur Axundov da.
Axundovun daha bir fərasətli işi
Amma bu da son deyil. Fərasətli Zaur Axundov “Keşlə”nin “Şamaxı”ya çevrildiyi ərəfədə xeyli əməkdaşla uzunmüddətli müqavilə bağlayıb. Hamısına da yüksək məvacib təyin edib. İndi o əməkdaşlar da kasıb “Şamaxı”nın (daha doğrusu şamaxılıların) boynunda yükdürlər, müqavilələri olduğu üçün heç birini işdən çıxarda bilmirlər.
Dərd bir deyil, iki deyil…
Əhli-Şamaxının dərdi bununla da bitmir. Guya rayonda stadion tikiblər. Amma bu stadionun rayona heç bir dəxli yoxdur. İşıqlandırma sistemi olmayan, tikintisi zamanı böyük yeyintiyə yol verilən arena AFFA-ın mülkiyyətidir. Və bu mülkiyyət şamaxılılara icarəyə verilib. AFFA “Şamaxı”dan tələb edir ki, hər ay 30 min manat icarə haqqı ödəsin. Hə, şamaxılıları həm də bir sualın cavabı düşündürür: Necə olur ki, Rövnəq Abdullayev “Keşlə”yə, daha doğrusu yaxın adamı Zaur Axundova ildə 6 milyon manat ayırırdı, amma “Şamaxı”ya qəpik-quruşu da çox görür? Çoxmənalı və coxcavablı sualdır.
İndi şamaxılılar futbola nifrət edirlər. Deyirlər ki, ehtiyatlı olun, birdən hansısa rayona, məsələn, “Səbail”i sırımaq istəyərlər. Bilin ki, sizə futbol yox, borc içində olan yük göndərəcək AFFA.
Mənbə: Aut.az
Dünən İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti Dövlət Gömrük Komitəsinin Enerji Resursları və Dəniz Nəqliyyatında Baş Gömrük İdarəsindən daxil olan məlumat əsasında fiziki şəxs Fərzəliyev Tahir Təvəl oğlunu 6 229 manat cərimə etməsi barədə məlumat yayıb.
Məlumata görə, araşdırma zamanı həmin şəxsin Türkiyə istehsalı mühərrik yağlarını idxal edərək istehlakçılara Yaponiya istehsalı kimi təqdim etməsi, eləcə də İran da istehsal olunan və ölkəmizə idxal etdiyi məhsulların qablaşdırmalarının üzərində mənşə ölkəsi barədə təhrif edilmiş məlumatların olması və bununla da, haqsız rəqabətə yol verməsi əlamətlərinin aşkar edilməsi ilə bağlı iş qaldırılıb. İşə baxılmanın nəticəsi olaraq, sahibkara maliyyə sanksiyası tətbiq edilib və haqsız rəqabətə yol verməməsi barədə göstəriş verilib.
Aktualinfo.org-un apardığı araşdırma zamanı məlum oldu ki, Fərzəliyev Tahir Təvəl oğlu son illər dövlət satınalmalarının ən fəal iştirakçılarından olan fiziki şəxs Fərzəliyev Sabir Təvəl oğlunun qardaşıdır. Sabir Fərzəliyevin keçmiş Ekologiya və Təbii Sərvətlər naziri Hüseynqulu Bağırovun ən yaxın adamı olduğu bildirilir.
Qeyd edək ki, Sabir Fərzəliyev əsasan “Meliorasiya və Su Təsərrüfatı” Açıq Səhmdar Cəmiyyəti və Ekologiya və Təbii Sərvətlər Nazirliyinə tabeli qurumları maşın-mexanizmlər üçün ehtiyat hissələri, maşın mexanizmləri və nəqliyyat vasitələri üçün sürtgü yağları, nəqliyyat vasitələri və texnikalar üçün müxtəlif akkumulyatorlala və tikinti materialları ilə təchiz edir. Qeyd edək ki, Sabir Fərzəliyev 2020-ci ildən. yəni hələ pandemiya dövründən 2022-ci ilin avqust ayına qədər 14 açıq tenderin qalibi olub və 3 107 637 manat məbləğində dövlət sifarişi alıb. Bunlar dövlət satınalmalarının vahid internet portalında olan ən son məlumatlırdır. Əldə etdiyimiz məlumatlara görə Fərzəliyev Sabir Təvəl oğlu hələ 2010-cu illərdən respublikanın şimal bölgəsində, Qusar, Xaşmaz, Quba, Şabran, Siyəzən, Xızı rayonlarının Mənzil Kommunal Təsərrüfatı Birliklərinin, Suvarma Sistemləri İdarələrinin əsas təchizatçısı olub. Son dövrlər respublikanın digər bolgələrində də fəaliyyətə başlamışdı.
İndi kim zəmanət verə bilər ki, Fərzəliyev Sabir Təvəl oğlunun dövlət qurumlarına satdığı mal-materiallar qardaşı Fərzəliyev Tahir Təvəl oğlundan aşkar olunmuş saxta mühərrik yağları, eləcə də digər ehtiyyat hissələri deyil. Hansı ki, şişirdilmiş qiymətlərlə dövlət müəssisələrinə satılır.
Digər maraqlı məqam isə Antiinhisar və İstehlak Bazarına Nəzarət Dövlət Xidmətinin Fərzəliyev Tahir Təvəl oğlunu haqsız rəqabətə yol verməkdə günahlandırmasıdır. Sanki. bu şəraiti qardaşlara özləri yaratmırmış kimi…
Aktualinfo.org
Prezident Administrasiyasının keçmiş şöbə müdiri Əli Həsənovun adı daş-qaş alverində hallanır. DİA.AZ bildirir ki, bu barədə məlumatı tanınmış araşdırmaçı-jurnalist Cavanşir Həsənli paylaşıb.
"Əli Həsənov Dubayda qızıl-brilyant, bahalı daş-qaşlar, brend qol saatları satmaqla məşğuldur" deyə məlumat paylaşan C.Həsənli daha sonra aşağıdakı şəkli paylaşaraq qeyd edib:
"Əli Həsənovun sadiq trollarının "şərəfinə" hazırladıb satdığı qızıl boyunbağı klonu... Satış kolleksiyasından nümunədir - 3.2 qram qızıl, qiyməti 11312 dirhəm..."
Bununla yekunlaşmayan araşdırmaçı-jurnalist keçmiş şöbə müdirinin Dubaydakı alveri ilə bağlı daha ətraflı məlumat verəcəyini də vəd edib.
Məsələ ilə əlaqədar teref.az olaraq hprmətli Əli müəllimi də dinləməyə hazırıq...
Neftçala sakini rüşvət vermədən dükan tikmək istəyir, lakin 13 il müddətində bu mümükn olmayıb…
Pia.az xəbər verir ki, Neftçala sakini Məcidzadə Vasif Telman oğlu düz 13 ildir ki, kiçik sahibkarlıqla məşğul olmaq üçün Nevtçala şəhəri Heydər Əliyev prospekti 19c ünvanında dükan tikmək istəsə də buna nail ola bilmir. Səbəb heç də Vasif Məcidzadənin həmin ərazidə sahib olduğu 138 kvdrat-metrlik torpaq sahəsinin sənədlərinin qaydasında olmaması deyil. Aşağıda sizə təqdim edəcəyimiz sənədlərlə bağlı heç bir problem yoxdur. Problem Vasif Məcidzadənin biznesinə haram qatmaq istəməsi və tikintiyə icazə almaq üçün rüşvət verməməsi ilə bağlıdır.
Vasif Məcidzadənin bildirdiyinə görə, Neftçalanın sabiq icra başçısı, hazırda rüşvət və korrupsiya ittihamları ilə həbsdə olan İsmayıl Vəliyev ondan tikinti işlərinə başlaması üçün 5 min manat “şirinlik” istəyib. Lakin Vasif Məcidzadə bu “şirinliyi” başçının adamına vermək istəmədiyinə görə, tikinti aparılmasına da icazə verməyib.
İsmayıl Vəliyevin həbsindən sonra 2020-ci ildə gənc Mirhəsən Seyidovun Neftçalaya icra başçısı təyin olunması Məcidzadə də belə bir fikir yaradıb ki, artıq o, dükanını tikə və sahibkarlıq fəaliyyəti ilə məşğul ola bilər. Bu həvəslə də Mirhəsən Seyidovun qəbuluna gedən Vasif Məcidzadə başçı ilə görüşüb və qəbulda Mirhəsən Seyidov ona bildirib ki, tikintiyə başlamaq üçün heç bir problem yoxdur və ona icazə üçün məktub göndəriləcək.
Doğrudan da Vasif Məcidov iki həftədən sonra məktub alıb, amma məktubda bildirilib ki, həmin torpaq sahəsinin 650 manat vergi borcu var. Vasif Məcidov da həmin borcu ödəyir və qəbzi icra hakimiyyətinin işçilərinə təqdim edərək onlardan icazə kağızı istəyir. Ona deyilir ki, icazə kağızı veriləcək.
Aradan təqribən il yarım keçməsinə baxmayaraq, Vasif Məcidov hələ də tikinti aparmaq üçün Neftçala rayon İcra Hakimiyyətindən icazə ala bilmir. İcra Hakimiyyətinin işçiləri ona hər dəfə işarə vururlar ki, “bu işin yolu “şirinlik”dən keçir”. Vasif Məcidov isə bir daha yenidən Mirhəsən Seyidovun qəbuluna düşə bilmir…
Xatırladaq ki, hələ bir müddət bundan əvvəl Prezident Administrasiyasının və AMEA-nın sabiq rəhbəri Ramiz Mehdiyevin nəvəsinin toy qalmaqalı zamanı cəzasız qalan, hətta gizləndiyi deyilən daha bir şəxsin – “Karqo Şamil” kimi tanınan Şamil Heydərovun adı çəkilirdi. Əlbəttə, “Karqo Şamil” ilə R.Mehdiyevin dostluğu və şərikliyi barədə dəfələrlə müxtəlif məlumatlar yayılıbdı. Təbii ki, onlar dost olmasaydı Şamil Heydərov “Karqo Şamil” də ola bilməzdi. Daha dəqiq desək, R.Mehdiyev başqa halda ona bu qədər milyonları tək qazanmağa yaşıl işıq yandırmazdı. Azərbaycan Texniki Universitetinin Avtomobil daşımaları və yol hərəkətinin təşkili kafedrasının müəllimi olan Şamil Heydərov toya qatılaraq olduqca bahalı hədiyyə də təqdim etmişdi. Mətbuatda tənqid edilən zaman hədələri, təzyiqləri işə salan “Karqo Şamil” bu günə qədər havadarlarının köməyi ilə onlarla mətbuat nümayəndələrini ya məhkəməyə verib, ya da müxtəlif yollarla susdurubdu.
Ramiz Mehdiyevdən sonra özünə başqa havadar tapan – “Karqo Şamil”in biznesi təkcə gömrük, yükdaşıma ilə bitmir. Böyük tikinti biznesinə malik olan bu şəxsin ölkəyə gətirdiyi tikinti avadanlıqlarının bəyənnaməsiz olaraq gömrükdən keçirməsi də heç kimə sirr olmayıb. Onun yükdaşıma şirkətləri – Çin, Türkiyə və diğər ölkələrdən keyfiyyətsiz məhsulları, tikinti avadanlıqlarını, üzlükləri, çardaq örtükləri və sairələri ölkəmizə gətirərək bina tikitintiləri ilə məşğul olublar. Bu binaların gələcək taleyi hələ də sual altındadır. Şamil Heydərovun və oğlu Kamal Heydərovun təsisçisi olduğu MMC-lər, Bakının Binəqədi şossesi, məşhur “Zəngəzur” restoranı yaxınlığında “Technoline-k” MMC adlı şüşə və plasmas istehsalı zavodu və həmin ərazidə hektarlarla torpaq sahəsi… “Sədərək” ticarət mərkəzinin yaxınlığındakı tikdirdiyi binalar… Bu tikintilərə Abşeron rayonunun Saray qəsəbəsində tikilən yaşayış kompleksini də əlavə etmək lazımdı.
Aktualxeber.az-a daxil olan məlumata görə ipoteka ilə ucuz qiymətə satmaq fırıldağıyla 600 manata satılmalı olan evləri Haqverdi adlı şəriki və Azərbaycan Respublikası İpoteka və Kredit Zəmanət Fondunun Təchizat departamentinin direktoru Həbib Məsimovla birgə 1250 manata sənədləşdirən Şamil Heydərovun müxtəlif maxinasiyalarla milyonlarla manat gəlir əldə etdiyi deyilir. Kimliyindən asılı olmayaraq qanun qarşısında hər kəs cavab verməlidir və dövlətə ziyan vuran şəxslər də əlaqədar orqanlar tərəfindən mütləq cəzalandırılmalıdır.
Mövzuya qayıdacağıq və yazıda adları keçən şəxsləri də dinləməyə hazırıq. //Aktualxeber.az//
Teref.azolaraq yazıda qaldırılan iddialarla bağlı qarşı tərəfin mövqeyini dərc etməyə hazırıq!
Teref.az
Birinci Qarabağ müharibəsinin şəhidi Zaur Bədirovun qardaşı, Sabirabad rayonunun Nəsimi kənd sakini Zahid Bədirov “Magnus” Su Təmizləmə MMC tərəfindən aldadıldığını iddia edir.
DİA.AZ Pravda.az-a istinadla xəbər verir ki, Z.Bədirov bu barədə iyul ayında Azad İstehlakçılar İctimai Birliyinə şikayət ünvanlayıb.
Onun sözlərinə görə, iyulun 22-də, təxminən, saat 21:00 da “Magnus” şirkətinin 5 əməkdaşı, dəyəri 1790 manat olan su filtrini onların evlərində quraşdırıblar: “Bizə psixoloji təsir etdilər. “Uşaqlarınızın həyatı ilə oynayırsınız, görün necə su içirsiniz, “sizin üçün sağlamlıq, yoxsa pul önəmlidir” kimi suallarla bizi günahkar çıxardılar. Satdıqları filtrlərin guya çirkli suyu şollar suyuna çevirdiyinə bizi inandırdılar. Dedilər, dövlət tərəfindən göndəriliblər ki, suyun keyfiyyətini öyrənək. Heç imkan vermədilər ki, müqavilə ilə tanış olum. Müqavilə kağızını telefon işığında imzalatdırdılar. Müqavilədə satıcı olaraq “Magnus”un direktoru kimi Kərimli Beyrək Həmdulla oğlu yazılmışdı. İmzaladıqdan sonra təklif etdilər ki, ödənişi nağd şəkildə ödəsəm, mənə 82 mm diaqonal televizor hədiyyə edəcəklər. Əlavə 300 AZN ödəsək, daha böyük diaqonal televizor verə bilərlər. Məni razı salıb ümumilikdə 2090 manat puldan 1000 AZN nağd aldılar. Qarşılığında isə qəbz vermədilər. Qalan 1090 AZN pulu televizoru gətirəndə alacaqlarını dedilər. İnternetdə araşdırdım, anladım ki, aldadılmışam. Məhsulu qaytarmaq istədim. Bir gün sonra televizoru gətirdiklərini dedilər. Mən isə məhsulu verib ödədiyim 1000 manatı qaytarmalarını tələb etdim. Dedilər ki, məhsulu qaytarsan, min manat pulun geri verilməyəcək, əlavə 400 AZN cərimə olunacaqsan. Televizoru da götürüb, çıxıb getdilər. 24 iyulda özünü “Magnus”un vəkili kimi təqdim edən bir nəfər evimizə gəldi və məhsulun geri qaytarılmayacağını, cərimə olunacağımızı dedi. Kimliyini təsdiq edən rəsmi sənədi tələb etsək də, heç nə göstərmədi. Şirkətə zəng edib pulumu yenidən geri istədim, lakin dedilər “hara istəyirsən, şikayət et”. Bu pulu əziyyətlə qazanmışam və o pulla Qarabağ döyüşlərində itkin düşmüş şəhid qardaşımın adına bulaq tikdirməyi nəzərdə tutmuşdum. Bunu da onlara dedim, amma əhəmiyyət vermədilər”.
DİA.AZ_ın məlumatına görə, Azad İstehlakçılar İctimai Birliyinin sədri Eyyub Hüseynov Pravda.az-a açıqlamasında bildirdi ki, Zahid Bədirovun şikayət məktubuna İqtisadiyyat Nazirliyinin cavabı 11 oktyabrda gəlib: “Son dərəcə kasıb vəziyyətdə yaşayan şəhid ailəsi aldadılıb. Su filtri satanlar istehlakçıları aldadırlar. Əsas məsələ isə istehlakçı hüquqlarını qorumağa cavabdeh olan Antiinhisar və İstehlak Bazarına Nəzarət Dövlət Xidmətinin heç bir iş görməməsidir. Neçə aydır ki, şəhid ailəsinin şikayətini Nazirliyə ünvanlamışam. Demişəm ki, şəhid ailəsini müdafiə etmək, kömək göstərmək lazımdır. İki gün əvvəl isə Elnur Bağırovun imzası ilə heç bir məna kəsb etməyən, cümlələri ardıcıl təkrarlayan bir məktub daxil olub. Yazılıb ki, şəhid ailəsi gedib məhkəməyə müraciət etsin. Şikayət ərizəsindən də görünür ki, dövlətin digər qanunvericiliyi pozulur, şirkət vergi ödəmir, kassa qəbzi də vermir. Nazirlik heç bu məsələyə də toxunmadı. İqtisadiyyat Nazirliyinin tərkibində Vergilər Departamenti var. Necə olur ki, Antiinhisara məktub göndərirəm, onlar nazirliklərinin içindəki vergi orqanına demirlər ki, burda dövlətin vergi qanunvericiliyi pozulub. Biri digərinin işinə toxunmaq istəmir. Dövlətin qanunu pozulur, bu qurumlar isə bir-birilərinə xəbər etmirlər. Bu, məni həm bir vətəndaş kimi, həm də ictimai təşkilatın sədri kimi çox narahat edir. Nazirlikdən gələn cavab məktubu məni çox təsirləndirdi. Vətəndaşı heç kim qorumaq istəmir. Son dərəcə kasıb bir insanı. Nazirliyin İcitmaiyyətlə əlaqələr, eyni zamanda hüquq şöbəsinə dəfələrlə müraciət etdim. Çünki vətəndaşın 14 gün müddətində aldığı məhsulu geri qaytarmaq hüququ var, bizə müraciət edəndə hələ bir gün keçməmişdi. Lakin nəticəsiz qaldı”.
E.Hüseynov deyib ki, sözügedən şirkətlə də əlaqə yaradıb: “Əfsus ki, filtr satan şirkətin müdiri Beyrək Kərimliyə dəfələrlə zəng etsəm də, əlaqə qura bilmədim. Şirkətin hüquqşünası İlham adlı şəxslə də danışdım. Ondan da heç bir nəticə əldə edə bilmədik. Vətəndaşı aldadıblar. Dövlət qurumu isə şəhid ailəsinə kömək etmədi. Yerli icra strukturu da məsuliyyət daşıyır. Ölkə Prezidentinin təsdiq etdiyi “Yerli icra hakimiyyətləri haqqında Əsasnamə”nin 4-5-ci bəndində göstərilir ki, istehlakçı hüquqları pozulan zaman yerli icra hakimiyyətləri istehlakçıların hüquqlarının qorunması üçün müəyyən təşəbbüslər qaldırmalıdır. Bu barədə Sabirabad Rayon İcra Hakimiyyətinə məlumat versək də, sözügedən filtr şirkətinin əməkdaşları yenə də kənddə gəzir, camaatı aldatmağa davam edirlər. İcra strukturları isə hələ də heç bir iş görməyiblər”.
“Magnus”un direktoru Beyrək Kərimli ilə biz də əlaqə yaratmağa çalışdıq, lakin telefona şirkətin xanım əməkdaşı cavab verdi. Ondan özünü təqdim etməsini istəsək də, bundan yayındı. Şirkətin hüquqşünası İlham adlı şəxsin gün ərzində bizimlə əlaqə yaradacağını desə də, onu növbəti gün özümüz axtarası olduq.
O, Zahid Bədirovun dediklərini inkar etdi: “Heç bir halda əməkdaşlarımız “dövlət tərəfindən göndərilmişik” deyə bilməzlər. Vətəndaş istəyir ki, öz tərəfindən nəsə sübutlar gətirsin. Şirkət tərəfindən vətəndaşa qəbz verilib, həmin qəbzi təqdim edə bilərəm. Onların evlərinə vəkil də yaxınlaşmayıb. Vətəndaş müqaviləyə telefon işığında imza atdığını iddia edir, bəs niyə məmnuniyyət aktına da imza atıb? Narazı idisə, imzalamazdı. 400 manat cərimə pulu malın Türkiyə tərəfinə qayıtması üçün nəzərdə tutulub, yol məsrəfləridir. Müqavilədə şirkətin də öhdəliyi var. Qurğuda problem çıxarsa, yenisi ilə əvəzləmə öhdəliyi şirkətin üzərindədir. Şəhid ailəsi olduğu barədə də məlumatımız var. Yenə də kömək etməyə hazırıq. İki variant var -1000 manat civarında başqa qurğu veririk, filtrin dəyişim vaxtında 3 filtri hədiyyə edirik. İyulda satış olub, bu aparat artıq əmtəə nişanı xassəsini itirib. Aparatı götürürksə, 400 manat cərimə pulu tutulacaq, 600 manatı geri qaytara bilərik”.
Zahid Bədirov isə saytımıza açıqlamasında şirkətin təklifi ilə razı olmadığını, məhkəməyə müraciət edəcəyini dedi. Şirkətin quraşdırdığı filtr suyunun isə acı daddığını, aldadıldığını bildirdi.