 |
|
|
2021,2022 və 2023-cü illər üzrə Biləsuvar rayon İcra Hakimiyyətində keçirilən tenderlərdə "Dövlət satınalmaları haqqında Qanunu"na əməl edilməyib.
Bununla bağlı Sonxeber.az-a Biləsuvar rayon sakini Sədrəddin Məmmədov müraciətində deyib. O bildirib ki,Tender komissiyası tenderlərdə iştirak edən müəssisələrin ixtisas uyğunluğunu əvvəlcədən müəyyənləşdiriməli idi. Lakin komissiya bu işə məhəl qoymayıb:
"Nəticədə keçən 3 ildə rayonun ərazisində görülən işlərdə xüsusən küçələrin asfaltlaşmasında və abadlaşdırma işlərində qalib podratçının maddi-texniki bazası olmadığı halda, yəni asfaltlaşmaya aid asfalt zavodu, asfalt basmaq üçün texnikası, əmək müqaviləsi bağlanılmış təcrübəli işçi qüvvəsi və səriştəsi olmadığı halda özəl müəssisələr əsassız qalib çıxarılmış və onlarla müqavilə bağlanılmışdır. Buna nümunə olaraq 2022-ci ildə ilin sonunda qalib çıxarılan müəssisə 2023-cü ilin yanvar fevral aylarında küçələrə asfalt qoymuş, nəticədə heç üstündən bir həftə keçməmiş qoyulan asfalt dağılıb məhv olmuşdur. Olunan şikayət əsasında görulən işlər mərkəzi orqanlar tərəfindən yoxlanılmış asfaltın yenidən qoyulmasını göstəriş versələr də bu işə məhəl qoyulmamışdır. Axı nə səbəbə Biləsuvar Rayon İcra Hakimiyyəti görüləcək işlər üçün tenderi ilin ortalarında yox, ilin axırında tələm-tələsik keçirir?"
Sədrəddin Məmmədovun sözlərinə görə, dövlət büdcəsinə ayrılan vəsaitdən mənimsənmə var. Hesablama Palatası Biləsuvar rayonu İcra hakimiyyəti ilə əlbir olaraq maddi maraqlarını güdüblər:
"Biləsuvar rayonunun Milli Qəhrəman Mübariz İbrahimov küçəsi, Səməd Vurğun küçəsində yolları bərbad vəziyyətdədir. Hesablama Palatasının şöbə rəisi Azim Abasov Heydər oğlu asfaltlaşmaya yoxlamaya aidiyyəti olmayan işçi göndərib. Onların dediyinə görə yoxlamalar keçirilib. Amma mən onu görməmişəm. Əgər gəlibsə, niyə məni çağırmadılar? Mən müraciətimdə bildirmişəm ki, yoxlama mənim iştirakımla keçirilsin. Hesablama Palatasının özlərinin dediyinə görə, mənim iştirakım olmadan gizli və qapalı şəkildə keçirdiyi yoxlamanı saxta və etibarsız sayıram. Cənab prezidentdən xahiş edirəm ki, rayonumuza nəzarətlə və mənim iştirakımla yoxlamalar həyata keçirilsin. Biləsuvar Rayon İcra Hakimiyyəti tərəfindən keçirilən tenderlərin 2021, 2022 və 2023- cü illər üzrə qanuna müvafiqliyi yoxlanılsın. Görülən işlərin, asfaltlaşmanın eni, uzunluğu və hündürlüyü, keyfiyyəti və asfaltlaşmadan qabaq asfaltın altında görülən işlər mənim iştirakımla ciddi şəkildə yoxlanılsın. Hesablama Palatasının xoşagəlməz hərəkətləri məni elə fikrə salır ki, Biləsuvar Rayon İcra Hakimiyyəti ilə əlbir olaraq hansısa maraqları güdüb. Hesablama Palatasının sədri Vüqar Gülməmmədov, şöbə rəisi Azim Abasov, aidiyyəti üzrə dövlət qurumlarında mənim əlaqə saxlanılsa daha açıq, ətraflı izahat verməyə hazıram".
Qarşı tərəfin mövqeyini dərc etməyə hazırıq.
Milli Məclisə seçkilər ərəfəsində haqqında bəhs etdiyimiz bir çox şəxslərlə bağlı silsilə tənqidedici materiallar hazırlayıb nəticəni oxucuların ixtiyarına buraxmışıq.
Parlamentə düşmək uğrunda qızğın mübarizənin getdiyi bu zamanda təbliğat-təşviqat kampaniyası çərçivəsində yenə də seçicilərin “ətəyindən yapışan” namizədlərdən fərqli olaraq, bəziləri heç seçicinin ayağına belə getmək istəmir. Lakin gedəndə belə sanki özünü şah oğlu Şah Abbas zənn edərək, onların qarşısında təzim etməsini və bu anın “qürurla” kameraların obyektivində əks olunmasını istəyirlər.
Bir çox namizədlə bağlı sərt yazılar yazıb onların kimliyini oxucularımıza tanış etmişik.
Yenicag.az-ın qalmaqallı deputatlarla bağlı apardığı araşdırmanın bugünkü “qonağı” 14 il Ailə, Qadın və Uşaq Problemləri üzrə Dövlət Komitəsinin sədri olmuş, Milli Məclisin VI çağırış deputatı Hicran Hüseynovadır. O Hicran xanım ki 2016-cı ildə adı 170 min dollar və yarım milyonluq rüşvət qalmaqalında səslənirdi.
Namizədliyini 42 saylı Sumqayıt birinci seçki dairəsindən verən Hicran Hüseynova ilə bağlı axtarış alətlərində apardığımız araşdırmalar nəticəsində onunla bağlı xoşagəlməyən nüansların ortaya çıxdığının şahidi olduq.
Belə ki, 2016-cı ildə vəkil Adəm Məmmədov adını açıqlamaq istəmədiyi müvəkkilinin Ailə, Qadın, Uşaq Problemləri üzrə Dövlət Komitəsinin sədri olmuş Hicran Hüseynovaya işə düzəlmək məqsədilə 170 min dollar verdiyini iddia etmişdi.
Sözügedən Komitənin şöbə müdiri Elgün Səfərov isə pul verilməsi məsələsini təkzib edib bildirmişdi ki, məsələ hazırda araşdırılır və nəticədən sonra hər şey bəlli olacaq.
Qeyd edək ki, həmin vaxt vəkil Adəm Məmmədov yerli saytlardan birinə açıqlamasında bildirmişdi ki, müvəkkili Hicran Hüseynovanın yerlisidir, yəni hər ikisi Qubadlı rayonundandır.
Onun mediada gedən açıqlamasını olduğu kimi təqdim edirik:
“O adının hələ ki ictimaiyyətə açıqlanmasını istəmir. Rayonlarında tanınan şəxsdir. Əlimizdə Hicran Hüseynovaya, o cümlədən aparat rəhbəri Səfər İmanova qarşı ittiham irəli sürmək üçün ciddi sübutlar var. Məlumatları açıqlasaq, bu, istintaqın gedişinə maneçilik törədər. İş hazırda prokurorluqda araşdırılır”.
Vəkil bildirib ki, sözügedən problem 2012-ci ildən bəri davam edir:
“Müvəkkilim dəfələrlə pulu geri almaq üçün Hicran Hüseynova və Səfər İmanovla görüşüb.
Axırıncı dəfə yanvarın 31-nə pulu qaytaracaqlarına söz veriblər. O tarixdən etibarən də Səfər İmanov ölkədən qaçıb. Əslində, müvəkkilim adi bir iş üçün Hicran Hüseynovaya müraciət edib. Amma Hicran Hüseynova özü ona icra başçsının müavini təyin etməklə bağlı təklif irəli sürüb. Baxıblar ki, adamın imkanı var, ona görə bu işi təklif ediblər. Bu məsələdən sonra isə müvəkkilim müflis vəziyyətə düşüb”.
Yazıdan da göründüyü kimi, Hicran xanım komitəyə rəhbərlik etdiyi dövrlərdə adı külli miqdarda rüşvət qalmaqalında hallanmış və bu məsələdən yaxasını çəkə bilmişdi.
Bundan başqa, 2019-cu ildə Ailə, Qadın və Uşaq Problemləri üzrə Dövlət Komitəsi (AQUPDK) tədbirlərin təşkilinə dair dövlət satınalmalarının qaliblərinin adlarını açıqlamışdı ki, onların arasında ölkədən qanunsuz olaraq 630 min dollar çıxaran şirkət də var idi.
Belə ki, Dövlət Satınalmaları Reyestrinin məlumatına əsasən, 2019-cu ilin sentyabrın 2-də Hicran Hüseynovanın rəhbərlik etdiyi komitə dörd şirkətlə ümumilikdə 833,6 min manatlıq (490 min dollar) on müqavilə bağlayıb.
Bu müqavilələrdən dördü açıq tenderin nəticələrinə görə “MADERIN-AA” MMC-ə (VÖEN: 7100345951) verilib. Bu müqavilələrin ümumi dəyəri 322,2 min manatdır ($189,5 min).
Xatırladaq ki, həmin ilin mart ayında Sumqayıt Apelyasiya Məhkəməsi bank əməliyyatları vasitəsilə ölkədən 629.697 dolların çıxarılması ilə bağlı inzibati xəta barədə protokolların tərtibatı faktına dair “MADERIN-AA” MMC-nin şikayətinin təmin edilməməsi ilə bağlı yekun qərar çıxarıb. Bu faktlar üzrə Maliyyə Bazarlarına Nəzarət Palatası “MADERIN-AA” MMC-ə qarşı çıxarılan vəsaitlərin 20% qədərində inzibati cərimə tətbiq etmişdi.
“MADERIN-AA” şirkəti 2017-ci ilin noyabrın 20-də Siyəzən şəhərində təsis edilib. Şirkətin direktoru Zaur Nəsrəddin oğlu Əliyevdir. O, həmin tarixdə təsis edilmiş daha dörd şirkətə (“Aypeks-TT” MMC, “Dalğa-LM” MMC, “Anako-Ltd” MMC, “ANTIK İNŞAAT” MMC) rəhbərlik edir.
Əlavə edək ki, qanunla xaricə çıxarılan vəsaitə nəzərdə tutulan müddətdə hər hansı mal alınaraq, ölkəyə idxal olunmadıqda, bununla bağlı sanksiya tətbiq olunur. Bununla da ölkədən külli miqdarda vəsaitin qanunsuz yolla çıxarılmasının qarşısının alınması məqsədi güdülür.
Uzun sözün qısası, Hicran xanımla bağlı aparılan araşdırmalardan da bəlli olur ki, o, deputatlıq fəaliyyətindəki səssizliyinin əksi olaraq, komitə sədrliyi dövründə milyonluq qalmaqallarla yadda qalıb.
Mövzunu davam etdirəcəyik…
www.yenicag.az
Sentyabr ayının birində Azərbaycanda parlamet seçkiləri keçiriləcək.
Təşviqat prosesinə start verilən bu seçkidə bəzi namizədlərin böyük kapital sahibləri olmasıdır.
AzFakt.com xəbər verir ki, 49 saylı Abşeron ikinci seçki dairəsindən Yeni Azərbaycan Partiyasının namizədi Faiq Xudayevin də böyük var-dövlətinin olduğu bildirilir.
Faiq Xudayevin hazırda Mehdiabad qəsəbəsinin Şıxəli Qurbanov küçəsində inşa etdirdiyi villasının dəyərinin 1 milyon manat olduğu vurğulanır.
Qeyd edək ki, F.Xudayev deputatlığa namizəd olan digər imkanlı namizədlər kimi biznes fəaliyyəti ilə məşğul olmur.
O, Əkinçilik Elmi Tədqiqat İnstitunun direktorudur.
Prezident İlham Əliyev iyunun 28-də altıncı çağırış Milli Məclisin buraxılması və Milli Məclisə növbədənkənar seçkilərin təyin edilməsi haqqında Sərəncam imzalayıb. Sərəncamla altıncı çağırış Milli Məclis buraxılıb və sentyabrın 1-nə növbədənkənar seçkilər təyin edilib.
Məsələ ilə bağlı Faiq Xudayevə ünvnladığımız sorğuya cavab vermədi.
Hörmətli sayt! Bu dəfəki müştəri şikayəti, sözün həqiqi mənasında, şokedici oldu. Belə ki, "Nurlu Karqo" bütün "qırmızı xətləri" keçərək, vətəndaşı, belə desək, axmaq yerinə qoyub! Vətəndaş etiraz etdikdə isə onu inanılmaz bir şeylə hədələyib.
Bu iddialar "Nurlu Karqo" ilə bağlı redaksiyamıza xebersherh@gmail.com elektron ünvandan daxil olmuş müraciətdə yer alır. Biz Siam-az.com olaraq bu və digər iddialarla bağlı qarşı tərəfi də dinləmək istədik. Əvvəl mövqe bildirəcəklərini desələr də, olmadı...
Aktuallığını nəzərə alıb, müəyyən düzəlişlərlə müraciəti dərc edirik:
Adəti üzrə karqodan edilən şikayətlər belədir ki, 1 müştərinin yalnız 1 şikayəti olur, lakin necə olubsa, sözügedən karqo, 1 müştərinin başına 3 dəfə oyun gətirib! Özü də, cəmi 4 ay kimi qısa müddətdə!
Beləliklə...
1-Cİ ÖZBAŞINALIQ: Müştəriyə, “Nurlu Karqo”nun yaşatdığı ilk şok, bu ilin may ayında baş verib. Belə ki, müştəri, bağlamasının anbara gəldiyini görəndə, qiymətinin, vəd olunandan fərqli cür hesablandığını görüb.
Belə ki, may ayında rəsmi saytda elan edilən tarifdə, (şəkildə gördüyünüz kimi) 1-5kq arası üçün xidmət haqqı, 6 azn olduğu halda, karqo, 9 azn-dən hesablayıb.
Edilən etiraza isə şirkət belə bir gülünc və absurd cavab verib ki, saytdakı tarif yox, instaqramdakı tarif əsasdır! (skrinləri qeyd edirik)
Xatırladaq ki, eyni qanun pozuntusu üzrə, 2023-cü ilin oktyabrında “Antiinhisar” məhkəməyə müraciət edərək, “Bahar Karqo”nu cəzalandırmışdı.
Müştəri, qanuna riayət olunmasını və “Antinhisar”a şikayət ünvanlayacağını bildirdikdə isə, veclərinə almayıblar.
Bu, birinci və çox aşkar qanun pozuntusu.
Keçək “Nurlu Karqo”nun eyni müştəriyə yaşatdığı ikinci özbaşınalığa.
2-Cİ ÖZBAŞINALIQ: Sözügedən şirkətlə bağlı yaşanılan ikinci pozuntu isə, təqdim etdikləri bağlamanın, sınmış və istifadəyə yararsız hala salınması ilə bağlı olub. Belə ki, french press adlanan (bitki dəmliyi) məhsul, ikiqat qutu ilə əhatə olunduğu halda, necəsə sınmış vəziyyətdə olub!
Şirkət rəsmisi, təbii ki yenə də məsuliyyəti boynundan atmağa çalışıb, bağlamaya görə heç bir halda məsuliyyət daşımadıqlarını bildirib. (Burada, çox mühüm bir məqamı qeyd etməliyik: müştəri bildirir ki, şirkətin “Neftçilər” filialının əməkdaşlarının, bağlamaları, top kimi bir-birilərinə tullamalarını sayıq tərpənərək, həftələr öncə kameraya çəkib. Həmin görüntüləri, “Antiinhisar”ın cavabından sonra ictimailəşdirməyi düşünür)
Onu da əlavə edək ki, “Nurlu Karqo”nun müştəriyə qırıq şəkildə təhvil verdiyi məhsulun qutusunun üzərində, “Trendyol”un “DİKKAT KIRILIR!” yazısı mövcud olub, yəni xüsusi xəbərdarlığa baxmayaraq, yenə də baglama ilə ehtiyatsız davranılıb!
3-CÜ ÖZBAŞINALIQ: Sözügedən karqo şirkəti, görünür ki, müştəriyə yaşatdığı “həyəcan”ı az hesab edib deyə, bu dəfə bağlamaları müştəridən gizlədib və deyib ki, “tap, görüm, hardadır”! Yəni, bu dəfəki problem, bağlamaların təhvil verilməsi, daha doğrusu, verilməməsi ilə bağlı olub!
Belə ki, iyul ayının ortalarında smart customs-da qeydiyyat olunan 3 bağlama, 1 aya yaxındır ki, hələ də müştəriyə təslim edilməyib və şirkət, min cür bəhanələrlə məsuliyyəti üzərindən ataraq, “bu gün gətiriləcək, sabah gətiriləcək” deyə-deyə “yola verir”.
Yekun: “Nurlu Karqo” adlanan daşınma şirkəti, görünür ki, nəyəsə və kiməsə çox arxayındır ki, özbaşınalıq rekordu qırmaqla məşğuldur. Karqo, bu açıq sübutlardan sonra, çıxıb heç bir izah verə, bəhanə gətirə bilməz. Bəlkə də, yoxa çıxartdığı 3 bağlamanı, məsələn küləyin apardığını yaxud da cinlərin ələ keçirdiyini söyləyə bilər, lakin vəd olunan tarifdən başqa cür hesablanmanın izahını heç cür verə bilməz!
P.S. "ANTİNHİSAR" əgər keçən ilin oktyabrda edilən eyni qanunsuzluğa görə “Bahar Karqo”ya sanksiya tətbiq edibsə, məntiqlə, “Nurlu Karqo”ya da eyni sanksiyanı icra etməlidir. Əgər bu, baş verməsə, artıq “Nurlu Karqo”nun arxayınçılığının heç də səbəbsiz olmaması bəlli olacaq...
Ümid edək ki, hörmətli Məmməd Abbasbəyli, son zamanlarda cəmiyyətdə ciddi tənqid olunan “Antiinhisar”ın imicinin düzəlməsi istiqamətində, ədalətli qərar verəcək.
Hər halda məsələnin təqibçisi olacağıq!
HAZIRLADIĞIMIZ SUJETİ TƏQDİM EDİRİK:
Yenixeber.org
Heydər Əsədov rəqibindən ehtiyat edir? –Peyman Sadıqovun plakatları lövhələrdən qoparılır
Ümid Partiyasının 51 saylı Şirvan seçki dairəsindən namizədi Peyman Sadıqovun təbliğat plakatları lövhələrdən qoparılır.
Reportyor.info xəbər verir ki, Peyman Sadıqovun seçki qərargahının apardığı monitorinq zamanı məlum olub ki, Şirvan şəhərinin mərkəzi hissələrindəki təşviqat lövhələrindən onun plakatları qoparılıb.
Peyman Sadıqov bunu özünə qarşı təxribat kimi qiymətləndirir.
Ümid Partiyasının namizədi hesab edir ki, bu tip əməllər ilk dəfə olaraq işğaldan azad edilən ərazilərdə də keçirilən parlament seçkilərinə kölgə salmaqdır.
Bu arada qeyd edək ki, 51 saylı Şirvan seçki dairəsindən Azərbaycan Dövlət Dəniz Akademiyasının rektoru Heydər Əsədov da namizəddir.
Heydər Əsədov uzun illər məmur olub. O, 1995-1996-cı illdə maliyyə nazirinin müavini, 1996-2007-ci illərdə nazir müavini olmaqla yanaşı Maliyyə Nazirliyi yanında Baş Dövlət Xəzinədarlığının Baş direktoru, 2007–2013-cü illərdə Hesablama Palatasının sədri, 2013-2018-ci illərdə isə kənd təsərrüfatı naziri vəzifəsində çalışıb.
Ziya Məmmədovun qudası olan Heydər Əsədovun məmur kimi fəaliyyəti o qədər də qənaətbəxş olmayıb. Hər halda o, yaddaşlarda mediada tənqid hədəfi olan məmurlardan biri kimi qalıb.
Bütün bunlar seçkidə qalib gəlməsini çətinləşdirən amillərdir.
Hesab edilir ki, 51 saylı Şirvan seçki dairəsində Peyman Sadıqov və digər namizədlər uğurlu seçki kampaniyası aparacağı təqdirdə seçki Heydər Əsədov üçün sürprizlə nəticələnə bilər.
Reportyor.info
Nihat
Heydər Əsədov rəqibindən ehtiyat edir? –Peyman Sadıqovun plakatları lövhələrdən qoparılır
Ümid Partiyasının 51 saylı Şirvan seçki dairəsindən namizədi Peyman Sadıqovun təbliğat plakatları lövhələrdən qoparılır.
Reportyor.info xəbər verir ki, Peyman Sadıqovun seçki qərargahının apardığı monitorinq zamanı məlum olub ki, Şirvan şəhərinin mərkəzi hissələrindəki təşviqat lövhələrindən onun plakatları qoparılıb.
Peyman Sadıqov bunu özünə qarşı təxribat kimi qiymətləndirir.
Ümid Partiyasının namizədi hesab edir ki, bu tip əməllər ilk dəfə olaraq işğaldan azad edilən ərazilərdə də keçirilən parlament seçkilərinə kölgə salmaqdır.
Bu arada qeyd edək ki, 51 saylı Şirvan seçki dairəsindən Azərbaycan Dövlət Dəniz Akademiyasının rektoru Heydər Əsədov da namizəddir.
Heydər Əsədov uzun illər məmur olub. O, 1995-1996-cı illdə maliyyə nazirinin müavini, 1996-2007-ci illərdə nazir müavini olmaqla yanaşı Maliyyə Nazirliyi yanında Baş Dövlət Xəzinədarlığının Baş direktoru, 2007–2013-cü illərdə Hesablama Palatasının sədri, 2013-2018-ci illərdə isə kənd təsərrüfatı naziri vəzifəsində çalışıb.
Ziya Məmmədovun qudası olan Heydər Əsədovun məmur kimi fəaliyyəti o qədər də qənaətbəxş olmayıb. Hər halda o, yaddaşlarda mediada tənqid hədəfi olan məmurlardan biri kimi qalıb.
Bütün bunlar seçkidə qalib gəlməsini çətinləşdirən amillərdir.
Hesab edilir ki, 51 saylı Şirvan seçki dairəsində Peyman Sadıqov və digər namizədlər uğurlu seçki kampaniyası aparacağı təqdirdə seçki Heydər Əsədov üçün sürprizlə nəticələnə bilər.
Reportyor.info
Nihat
Neçə vaxtdır Badamdar qəsəbəsindəki bir məhəllənin problemi bütün ölkənin gündəmini zəbt edib. Əslində bura heç məhəllə də demək olmaz. Söhbət bir neçə qonşunun yaşadığı kiçik bir dalandan gedir. Dəfələrlə saytlar yazsalar, TV-lər çəkib göstərsələr də, xırda bir problem həllini tapmır. Bu dar dalanın məsələsi lap dalana dirənib. Təhsil Nazirliyi, Dövlət Şəhərsalma və Arxitektura Komitəsi, Fövqəladə Hallar Nazirliyi, yerli icra orqanları, polis və daha hansı qurumlara şikayət olunsa da, bu günə qədər nəticə yoxdur. Bu qədər qurumlar balaca bir dalanda sülh yarada bilmirlər. Ona görə "sülh yarada bilmirlər" deyirik ki, burada tez-tez qarşıdurma yaranır. Və nə qədər ki, məsələ yoluna qoyulmayıb, Allah eləməmiş, bu dava-dalaş kimlərinsə ciddi şəkildə zərər çəkməsi, xəsarət alması ilə də nəticələnə bilər.
Hər yerdən əli üzülən Səbail rayonu, Badamdar qəsəbəsi, 1-ci massiv, Topçubaşov küçəsi, ev 246-nın daimi sakinləri - Şərifli Bəhruz Elxan oğlu, Zahirov Nadir Şərif oğlu, Zahirova Təranə Zöhrab qızı və Zahirova Zəminə Ağadadaş qızı yenidən Bakupost.az -a müraciət ediblər. Müraciət barədə bir qədər sonra...
Hələliksə mövzudan xəbəri olmayanlara xeyli vaxtdır həmin ərazidə nələrin yaşandığı haqda qısaca məlumat verək.
Topçubaşov küçəsi, ev 246 sakinlərinin dediyinə görə, vaxtı ilə Laçın qaçqın məktəbinin direktoru Piyalə Xudayarova onlardan evlərinin arxasında yerləşən məktəbə gedib gəlmək üçün yol istəyib. Bax, söhbət bir maşının zorla sığışdığı həmin dar dalandan gedir. Onu da qeyd edək ki, əvvəllər məktəbin yolu başqa istiqamətdən olub. Lakin orada bina tikildiyindən yol bağlanıb. Məktəbin arxa tərəfi isə sal qayalıqdır. Beləliklə, məktəbə gediş-gəliş üçün yeganə yol sakinlərin həyətindən keçə bilərmiş. İnsafən, sakinlər direktorun xahişinə "yox" deməyiblər. Onun, müəllim və şagirdlərin məktəbə gedib-gəlmək üçün həmin dar dalandan istifadəsinə razı olublar.
Sakinlərin dediyinə görə, bu humanizm sonradan qarşı tərəfin "qoy özümə yer eləyim, gör sənə nə edirəm" misalına uyğun davranması ilə nəticələnib. Topçubaşov küçəsi, ev 246-da yaşayan Zəminə Zahirova Bakupost.az -a bildirib ki, direktor və müəllimlər məktəbə həmin dar dalandan keçməklə maşınla gəlib-getməyə başlayıblar:
"Gediş-gəlişə icazə verəndən sonra direktor və müəllim kollektivi gecə ilə bu ərazidə məktəb üçün otaqlar tikməyə başladılar. Bizim qonşu isə küçəmizə gələn yolu təmir etdirdi. Bundan sonra direktor öz bahalı avtomobili ilə mənim həyətimdən məktəbə gəlib-getməyə başladı. Bu səbəbdən aramızda mübahisə yarandı. Hətta o, məktəbin girişinə darvaza da qoydurdu. Darvazanı da mənim evimə bənd ediblər. Buna görə ona iradımı bildirdikdə dedi ki, mənim arxamda duranlar var, elə etmə ki, evini də sökdürüm. Hətta direktor avtomobili ilə həyətimə dönə bilmədiyi üçün səkimi belə sökdürdü. Bununla bağlı müvafiq qurumlara şikayət də etmişəm”.
Z.Zahirovanın sözlərinə görə, onların qapıları həmin dalana açılır. Maşınların hərəkəti isə uşaqların həyatına təhlükə yaradır:
“Uşaqlarımız həyətə düşə bilmirlər. Maşınlar evimizin giriş qapısının önündən keçib gedir. Direktor bizə həyətimizdə paltar asmağa da icazə vermir. Özünü bizim həyətin sahibi kimi aparır".
Beləliklə, neçə ildir məktəb rəhbərliyi və müəllimlər sakinlərin qapısının açıldığı dar dalandan maşın yolu kimi istifadə edirlər. Bu isə onların rahatlığını pozmaqla yanaşı, uşaqların həyatına da təhlükə yaradır. Bu səbəbdən uzun müddətdir ki, sakinlərlə məktəb rəhbərliyi arasında əsl savaş gedir. Birincilər müxtəlif orqanlara müraciət etdikdən sonra Laçın qaçqın məktəbinə digər məktəb binalarında yer verilməsi təklif olunub. Həmçinin Fövqəladə Hallar Nazirliyinin əməkdaşları əraziyə baxış keçirib və məktəbin həqiqətən də təhlükəli ərazidə tikildiyi təsdiq edilib. Amma direktor digər məktəbə köçmək təklifi ilə razılaşmayıb. Sakinlər bu təklifin geri çevrilməsinin arxasında hansısa şübhəli məqamların olduğunu bildirirlər.
Laçın qaçqın məktəbinin direktoru Piyalə Xudayarova isə Bakupost.az -a açıqlamasında ünvanına səslənən ittihamlarla razılaşmayıb. Direktor iddia edib ki, mübahisəsi gedən yol Zəminə Zakirovanın, deyil, məktəbin mülkiyyətinə məxsusdur. Onun sözlərinə görə, Laçın qaçqın məktəbi 1996-cı ildən həmin ərazidə fəaliyyət göstərib. Guya Zəminə Zahirovanın qayınanasının xahişi ilə onlara məktəbin yoluna qapı açmağa icazə veriblər:
“Bura köçkün məktəbidir. Müvəqqəti məskunlaşmışıq, Laçına qayıdacağıq. Zəminə xanım əsassız narahatlıq yaradır. Məndən əvvəlki direktorun vaxtında onlar məktəbin təxliyə yolunu tutublar. Amma heç kim deyə bilməz ki, məktəb kollektivi kimisə narahat edib. Burda 5-6 müəllimin avtomobili var və çoxu yaxında yaşadığı üçün məktəbə piyada gəlirlər. Biz insanıq, kiminsə yolunu kəsmək bizə xas olan xüsusiyyət deyil”.
İndisə sakinlərin yeni müraciəti haqda...
Onların bildirdiyinə görə, Laçın qaçqın məktəbində yalnız Piyalə Xudayarovanın yaxın çevrəsi çalışır. Bir çox müəllim və xadimələrin adları məktəbdə getsə də, özləri işə gəlmir:
"Hər dəfə biz bu məsələni qaldırandan sonra onlar məcbur qalıb işə gəlirlər. Direktorun özbaşınalığı ilə bağlı müvafiq qurumlara şikayətlər etmişik. Bütün qurumlar müraciətimizə müsbət cavab verib, lakin Elm və Təhsil Nazirliyi indiyə kimi heç bir məktuba cavab verməyib".
Sakinlərin sözlərinə görə, məktəbdə çalışanların böyük əksəriyyətinin eyni soyadları daşıması da, Laçın qaçqın məktəbinin ailə şirkətinə çevrildiyindən xəbər verir. Belə ki, məktəbin müəllimlərindən Məhəmməd Xudayarov direktor Piyalə Xudayarovanın həyat yoldaşıdır. Digər müəllim Habil Xudayarovun da onların qohumu olduğu deyilir.
Laçın qaçqın məktəbində çalışanlardan 5 nəfər isə Mayılov soyadını daşıyır. Müəllimlərdən Bəhlul Mayılov məktəbdə kitabxanaçı işləyən Xanə Mayılovanın həyat yoldaşıdır. Mayılov soydalı digər iki müəllim - Rafael Mayılov və Qətibə Mayılova da ər-arvaddırlar. Məktəbdə Qoşqar Mayılov adlı daha bir müəllim dərs deyir.
Lakin bu məktəbdə çalışan qohumların tam siyahısı deyil. Belə ki, Laçın qaçqın məktəbində 3 nəfər də Güləliyev soyadını daşıyır: Azər Güləliyev (müəllim), Rafael Güləliyev (müəllim) və Şəfəq Güləliyeva. Qeyd edək ki, R.Güləliyev də Ş.Güləliyevanın həyat yoldaşıdır.
Sakinlərin iddiasına görə, direktor Piyalə Xudayarova yaxın qohumlarını məktəbə cəlb edərək, müxtəlif maliyyə maxinasıyaları həyata keçirirlər:
"Onların digər məktəbə köçmək istəməməsinin arxasında da bu amil dayanır. Çünki qohumluq əlaqələri və maxinasiyalar faş ola bilər".
Piyalə Xudayarova isə Bakupost.az -a açıqlamasında məktəbdə yeyinti hallarının olması ilə bağlı ittihamları rədd edib:
“Doqquzillik məktəbdir, 60 şagirdimiz, 20 müəllimimiz var. Elə sinif var ki, orda 3 nəfər uşaq var. Burda hansı yeyintidən söhbət gedə bilər? Biz müəllimik, cəmiyyətə kadr hazırlayırıq, şəxsiyyət yetişdiririk”.
Məsələ ilə bağlı Elm və Təhsil Nazirliyinə də sorğu ünvanladıq. Nazirlikdən isə sorğunu Şərqi Zəngəzur Təhsil İdarəsinə yönləndirdilər. İdarədən verilən açıqlamada deyilir:
"Vətəndaşların müraciəti üzrə araşdırma aparılıb. Bildiririk ki, Badamdar ümumi orta məktəbin birtipli binası yoxdur, təhsil müəssisəsi 1996-cı ildən həmin ərazidə uyğunlaşdırılmış binada fəaliyyət göstərir. Yaxınlıqda Laçın rayonundan olan bir neçə keçmiş məcburi köçkün ailəsi yaşayır. Həmin ailələrin uşaqları məhz adı çəkilən məktəbdə təhsilə cəlb olunublar. Vətəndaşların müraciətləri əsasında regional təhsil idarəsinin əməkdaşları əraziyə yerində baxış keçirib və digər aidiyyəti dövlət qurumları ilə birlikdə məsələnin həlli istiqamətində müvafiq addımlar atılacaq".
Biz də çox ümid edirik ki, bu addımlar atılacaq və nəhayət ki, sakinlələrlə məktəb rəhdərliyi arasında qarşıdurmaya son qoyulacaq. Məktəbdə ciddi maliyyə maxinasiyalarının olması barədə iddialara gəlincə, gümani edirik ki, müvafiq qurumlar bu barədə araşdırma aparacaqlar.
Sabunçu rayon sakini Vüsalə Əliyeva adlı xanım redaksiyamıza müraciət edərək, Modern və Memorial hospitalın ona və ailəsinə çox böyük maddi və mənəvi ziyan vurduğunu bildirib.
Vüsalə xanım "DogruXeber.az"a ünvanladığı ərizəsində yazır ki," Ötən ilin noyabr ayında 19 yaşlı qızım Leyla Məhərrəmlinin sağrı nahiyəsindəki anadangəlmə xalında ağrılar yarandığı üçün "Modern" hospitala müraciət etdik. Orada xalı USM müayinəsi etdilər və bizi Elvina Səlimova adlı həkim-proktoloqun yanına göndərdilər. Elvina Səlimova müayinə cavabına baxdı və bildirdi ki, "Xalı götürmək lazımdır".
Elə həmin gün Elvina xanım özü mənim qızımı təcili yardım otağına aparıb neştərlə xalı açdı.
Qeyd edim ki, qızım ağrı hiss etdiyi üçün ona ardıcıl 9 ədəd novakain iynəsi tətbiq edildi. Hətta, buna rəğmən ağrını güclü hiss etdiyi üçün Leyla huşunu itirdi. Belə olan halda bəzi dərman preparatları ilə onu ayıldıb, yenidən əməliyyatı davam etdirdilər. Yara açıldıqdan sonra məlum oldu ki, xalın altında kütlə var imiş. Elvina Səlimova onu mənə verib, Memorial hospitalda əkdirib, bədxassəli olub-olmadığını aydınlaşdırmağımı məsləhət gördü.
Biz belə də etdik.
Amma, bir neçə gün gün sonra Memorial hospitalın verdiyi cavab övladıma da, mənə də, bütün ailəmə də vurulan ən ağır, sarsıdıcı zərbə oldu.
Cavabda qızımın xərçəng xəstəsi olduğu yazılırdı.
Bu cavab deyildi, ailəmizi mənəvi olaraq məhv edən yazılı material idi...
Xəbərin şoku ilə bir müddət özümüzə gələ bilmədik.
Sonra, bir neçə fərqli xəstəxanalarda qızım müayinə edildi və məlum oldu ki, sən demə Elvina Səlimovanın bizi göndərdiyi Memorial hospital yanlış diaqnoz veribmiş.
Amma, nə yazıq ki, qızıma bu yanlış diaqnoza görə Leylaya hüceyrə iynəsi belə vuruldu, bəzi müalicələr, lazımsız müayinələr, şüalı aparatlar və sair tətbiq edildi. İndi qızım da, özüm də o, zaman yaşadığımız travmanın təsiri səbəbilə əsəblərimizi sakitləşdirmək üçün müalicə alırıq."
Bəli, bu, müraciətçinin ironiya ilə" qəssabxana" adlandırdığı iki özəl xəstəxananın - Modern və Memorial hospitalların bir gənc qızın və ailəsinin ömrünə "balta vuran" yanlışı idi və nə yazıq ki, bu hadisə sözügedən hospitalda yaşanan yeganə yanlışlıq da deyilmiş. Özünü Vüsalə Əliyevaya hospitalın direktoru kimi təqdim edən Füzuli adlı şəxs ona giley edən xanımla söhbəti zamanı, artıq ikinci dəfə eyni hadisənin baş verdiyini deyib.
Bu isə o, deməkdir ki, hələ özlərinin etiraf etdiyinə görə, artıq ikinci insana yaşarkən ölümü dadızdırıblar.
Göyçay rayon sakinləri tərəfindən
ŞİKAYƏT
Dövlət Su Ehtiyatları Agentliyinin sədri Zaur Mikayılovun 16 avqust 2024-cü il tarixdə Göyçay rayonunda keçirdiyi vətəndaş qəbulunda özbaşınalıq oldu. Həmin günü heç bir qanunu əsas olmadan bizi qəbula buraxmadılar. Hansı ki, biz 15 gün əvvəl qəbula yazılmışdıq poçt vasitəsi ilə xəbərnaməli teleqram göndərmişdik.
Bizim şikayətimiz Göyçay rayon Suvarma Sistemləri İdarəsinin müdiri Orxan Mahmudovun qanunsuz fəaliyyətindən olduğu üçün onun müdaxiləsi nəticəsində qəbula düşə bilmədik.
Ancaq həmin günü bizdən başqa şəxslərdə qəbula düşə bilmədilər.Yağış yağdığı üçün qəbula gələnlə açıq havada dayana bilməyib qəbula girmədən oranı tərk etmək məcburiyyətində qaldılar. Həmin gün Göyçay rayon Suvarma Sistemləri İdarəsinin böyük akt zalını bağlayıblar ki, vətəndaşlar yağışda islanmamaq üçün qəbula girmədən oranı tərk edib getsinlər.
Bütün bu özbaşınalıqları edən Orxan Mahmudova bir başa yardımçı olan isə Dövlət Su Ehtiyatları Agentliyinin Bakıdan gələn Dilqəm Şükürov adlı əməkdaş oldu.
Hətda qəbul günü növbədən kənar qəbul olunması nəzərdə tutulan Şəhid anaları saatlarla gözləməli oldular.
Orxan Mahmudov təxminən 1 ildən çoxdur ki, Göyçay rayon Suvarma Sistemləri İdarəsinin müdiri vəzifəsini icra edir. Bizim yaşadığımız və digər kəndlərdə heç bir lildən təmizləmə, bənd vurma işləri aparılmayıb. Ancaq buna baxmayaraq Orxan Mahmudov hesabat xarakterli televiziya çıxışında bildirir ki, 2024-cü ilin yanvar ayından Göyçay rayonunun kəndlərində ümüumilikdə 280 km məsafədə su kanallarında lildən təmizləmə işləri aparılıb.
Bu tam yalandır şişirdilmiş rəqəmdir. 5-6 km məsafədə lildən təmizləmə işləri aparılsada rəqəmlər həddən artıq şişirdilərək vəsaiti siliblər. Bu fakt təcili və ciddi yoxlanılmalıdır. Orxan Mahmudov əvvəl bank sektorunda işləsədə oradan işdən çıxarılıb. Onun suvarma sahəsində heç bir təcrübəsi, biliyi və bacarığı olmadığı üçün Göyçay sakinləri əziyyət çəkirlər.
Azərbaycan Respublikasının Prezidenti cənab İlham Əliyev vətəndaşların yerlərə qəbulunun səmərəli təşkili üçün sərəncamlar imzalayıb tapşırılar verib.Ancaq təssüf olsun ki, Orxan Mahmudov öz şəxsi maraqlarına görə Prezidentin sərəncamına əməl etmir verdiyi tapşırıqları qulaq ardına vurur.
Prezident cənab İlham Əliyevdən xahiş edirik şikayətimizi obyektiv araşdırıb yarıtmaz fəaliyyəti ilə dövlətə və xalqa ziyanlar vuran Orxan Mahmudovun barəsində ciddi tədbirlər görəsiniz.
İmza; Göyçay rayonu Cəyirli kənd sakinləri
Mirzəliyev Elman Çingiz oğlu
Feyzullayev Rahim Zülfü oğlu
REDAKSİYADAN: Qarşı tərəfində mövqeyini dərc etməyə hazırıq!
TEREF
Qaçqınların və Məcburi Köçkünlərin İşləri üzrə Dövlət Komitəsi Mənzil İstismar Departamenti maşın və avadanlıqların satın alınması ilə bağlı tenderə yekun vurub.
Qaynarinfo xəbər verir ki, tenderin qalibi "Ultra Technoligies" MMC seçilib. Qurum şirkətdən alacağı İKT məhsullarına görə 210 199,3 manat ödəyəcək.
"Ultra Technoligies" MMC-nin veb-səhifəsində qeyd edilib ki, şirkət 1999-cu ildə təsis edilib. Lakin mediada Dövlət Vergi Xidmətinin reyestr məlumatlarına istinadən tirajlanan xəbərlərdə şirkətin 2000-ci ildə qeydiyyata alındığı bildirilir. Bu isə o deməkdir ki, şirkət bir il vergi qeydiyyatına alınmadan fəaliyyət göstərib.
Maraqlıdır ki, hazırda Dövlət Vergi Xidmətinin reyestr məlumatlarında şirkət haqqında heç bir qeydə rast gəlinmir. Görünür, Xidmət saytını yeniləyərkən "Ultra Technologies" MMC-ni unudub. Faktiki olaraq saytın "Vergi uçotuna alınmış vergi ödəyiciləri barədə məlumatların verilməsi" və "Kommersiya hüquqi şəxslərin reyestr məlumatları" bölmələrində şirkətin adını və VÖEN-ni axtarışa verərkən "Daxil etdiyiniz ada uyğun kommersiya qurumu müəyyən olunmamışdır" qeydi çıxır.
Bununla belə, "Kommersiya qurumlarının dövlət reyestrinə daxil edilən məlumatlarındakı dəyişikliklərin tarixçəsi" bölümündə "Ultra Technologies" MMC haqqında müəyyən məlumatlar əldə etmək olur. Aydın olur ki, şirkət 2016-cı ilə qədər "Ultra Computers" Firması adı altında fəaliyyət göstərib.
MMC-nin nizamnamə kapitalı 1000 manat, qanuni təmsilçisi isə Zülfüqarlı Məhəmməd Zülfüqar oğludur. Araşdırmalarımız zamanı məlum olub ki, Məhəmməd Zülfüqarlı həm də "MSM" MMC-nin qanuni təmsilçisidir. Bu şirkət SMS satışını həyata keçirir.
Lakin mediada gedən məlumatlara görə, Məhəmməd Zülfüqarlı bu şirkətlərin sahibi deyil. Hər iki şirkətin Milli Məclisin VI çağırış deputatı olmuş Tahir Mirkişiliyə məxsus olduğu iddia olunur.
Tahir Mirkişilinin tərcümeyi-halında onun 2000-2011-ci illərdə adıçəkilən şirkətdə müxtəlif vəzifələrdə, o cümlədən direktor vəzifəsində çalışıb. Bu fakt şirkətin Tahir Mirkişiliyə bağlı olduğuna dair şübhələri daha da artırır.
Milli Məclisə seçkilərin keçirilməsinə 14 gün qalır.
Adları qalmaqallardan əsirgənməyən, milyonluq villaları və biznes fəaliyyətləri ilə yerli medianın manşetlərini dağıdan bəzi deputatlar, nə hikmətdirsə, kreslo sevdasından indi də əl çəkmirlər. Belə şəxslər üçün ömrünün axır çağlarında 5 il öz kreslosuna yayxanıb Milli Məclisə gəlib getmək, əlbəttə ki, xalqının dərdini-sərini parlamentdə səsləndirməkdən daha üstündür.
TEREF Yenicag.az -a istinadən xəbər verir ki, bu şəxslərdən biri də adı biznes imperiyalarının zənginliyi ilə sadalanan Məşhur Məmmədovdur. 74 saylı Masallı seçki dairəsindən VII çağırış Milli Məclisə düşmək istəyən Məşhur bəyi ölkədə “məşhur” edən əsas fakt isə sözsüz ki, “Embawood”un sahibi olmasıdır
Vaxtaşırı medianın gündəmə gətirdiyi “Embawood Məşhur” öz şirkətini 1996-cı ildə qurub. Bu gün şirkət öz sərhədlərini bir xeyli genişləndirib. Şirkətin kağız üzərində rəhbəri isə hazırda Elşad Abbasovdur. Çünki Məşhur müəllim deputatlıq macəralarına görə de-yure öz qurduğu şirkətin rəhbərliyindən “istefa verib”.
Xülasə, keçək cənab Məmmədovun biznesinin onurğa sütunu sayılan “Embawood”a. Şirkət 1996-cı ildə Masallıda mebel istehsalını qurub, 2000-ci ildə Xırdalanda ikinci fabrikini açıb, 2005-ci ildə regionlarda böyük anbarlarını yaradıb, 2014-ci ildə isə Qazaxıstanda mebel fabriki açıb.
Bu gün “Embawood” şirkəti Gürcüstan, Qazaxıstan, Ukrayna kimi ölkələr də daxil olmaqla, 6 fabrik, tərkibində 200-dən çox mağazası olan qlobal pərakəndə satış şəbəkəsi yaradıb. Qazaxıstanda 26, Gürcüstanda 21 mağaza və Ukraynada 20-dən çox mağaza, dünyanın digər ölkələrində isə satış nöqtələri var. Şirkətin Azərbaycanda toplam sahəsi 85 000 kv. metrdən çox olan 141 mağazası fəaliyyət göstərir.
Belə olan halda, bu boyda şəbəkənin həqiqi sahibinin Elşad Abbasov olmasına inanmaq mümkün deyil. Heç kimə sirr deyil ki, bu miqyasda şirkətlərin arxasından, adətən, nazir, komitə sədri, deputat çıxır. Bu şirkətin ərsəyə gəlməsində sabiq nazir Fərhad Əliyevin də “xeyir-duası” olub. Ancaq şirkətin əsl “patron”u deputat Məşhur Məmmədovdur. Təkcə bir faktı qeyd edək ki, cənab deputat özünə Nyu-Yorkda neçə milyonluq villa alması xəbəri mediada rezonans doğurmuşdu. Deputatın ilk kapitalı isə çirkli yolla İrandan gəlib.
Hazırda “Embawood” şirkətinə Almaniya və İtaliyadan avadanlıqların, Türkiyə, Rusiya, Avstriya, İtaliya, İspaniya, Çin, Belarus kimi ölkələrdən idxal olunan xammalın dəyəri 100 milyonu keçib. Görəsən, cənab Məmmədov bu milyonları haradan tapıb?
Xatırladaq ki, biznesmen deputatın adı bir zamanlar biznesinə şərik olan qohumları ilə arasında ədavətin yaşanması xəbərləri ilə eyni sırada çəkilmişdi.
Bununla bağlı mediada gedən informasiyanı oxucularımıza təqdim edirik:
“İş adamı, deputat Məşhur Məmmədov şəriki ilə Bank olmayan kredit kredit təşkilatı – “BOKT Embafinans”dakı payının bir hissəsini satıb. Belə ki, “Embafinans” QSC-in səhmdarları Elşad Abbasov (60% idi) və Milli Məclisin VII çağırış deputatı Məşhur Məmmədov (40%) paylarının bir hissəsini yeni investora satıblar. Məlumata görə, Tamara Polyakova BOKT-un səhmlərinin 14%-nə yiyələnib. Bu əməliyyatdan sonra Elşad Abbasovun payı 51%-ə, Məşhur Məmmədovunku isə 35%-ə düşüb”.
Medianın diqqətindən yayınmayan daha bir mühüm nüans isə Məşhur Məmmədovun oğlu ilə qızının ölkə xaricinə üz tutmasıdır. Bildirilir ki, biznesmen-deputatın Məmməd və qızı Mədinə Şahbazova artıq bir müddətdir ki, ABŞ-yə köçüb. Babalarının adını soyad götürən deputatın övladlarının Nyu-Yorkda məskunlaşdıqları deyilir. Qeyd olunur ki, deputatın oğlu ABŞ-də təsis etdiyi “Masalli Enterprise LLC” şirkəti Nyu-Cersi ştatının Gəlirlər İdarəsi tərəfindən qeydə alınaraq rəsmi fəaliyyətə başlayıb.
Uzun sözün qısası, bu gün seçicilərin ətəyindən yapışan Məşhur müəllimi Masallı camaatı da, elə biz də yaxşı tanıyırıq. Görünən kəndə nə bələdçi?
Görək, Məşhur müəllimin builki seçkilərdə verdiyi inanılmaz vədlər nə olacaq? Ümumiyyətlə, mandatını “kupçalayan” cənab Məmmədov qarşıdakı 5 ildə hansı “sürprizlər”ə bizi qonaq edəcək?
Yaşayıb görərik…
Mövzunu davam etdirəcəyik…