 |
|
|
Son zamanlar Azərbaycanda kitab sərgiləri tez-tez keçirilsə də, bəzi kitab evləri sərginin keçiriləcəyi yerlərin qiyməti ilə razılaşmır və nəticədə bir çox kitab evləri sərgilərə qatılmaqdan imtina edirlər. Sərgilərin keçirilməsində təşkilatçılıq edən“Caspian Event Organisers” (CEO) adlı şirkət təşkil etdiyi kitab festivallarına bir çox kitab evlərini dəvət edir və qeyd edir ki, keçiriləcək sərgidə hər 1 kv.metr yer üçün 100 azn ödənilməlidir. Bu da minimum 6 kv.metr stend olan yer üçün 600 manat pul deməkdir.
Məsələ ilə bağlı “Ovod” kitab evinin nümayəndəsi Əşrəf Vəliyev problemlə əlaqədar öz şəxsi sosial şəbəkə hesabında bildirib ki, bu, kitab yox, pulyığma festivalıdır: “Deməli, “Caspian Event Organisers” şirkətindən zəng edib, Mədəniyyət Nazirliyinin təşkil etdiyi kitab festivalına dəvət edirlər və qeyd edirlər ki hər kv.m üçün 100 azn ödəməliyik. Yəni minimum 6kv.m olan stend üçün bir kitab mağazası 600 azn ödəməlidir. BƏH!
Əziz Mədəniyyət Nazirliyi, Azərbaycanda kitabçılara və kitaba verdiyiniz dəyəri birdaha bizə göstərdiyiniz üçün sizə minnətdarlığımızı bildiririk. Əgər səhvim varsa, üzrlü sayın, ama bizdən başqa bu biabırçılığa nəsə yazan kitab mağazası da görmədik.
Nədir axı bu?! Məqsəd onsuz da heç nə qazanmayan kitab mağazalarını soymaqdır?! 600 azn iki Azərbaycan vətəndaşının minimum əmək haqqıdır. 3 günə 6kv.m yer qarşılığında bu məbləği tələb edirsiniz. Onsuz da o mağazalar orada kitabları dəhşət endirimlərlə satır. Çoxumuz da sırf reklam ve məhsullarımızı yeniləmək, oxucularla kontakt qurmaq üçün qatılırıq. Siz də gözünüzü dikibsiniz bizim cibimizə. Əhsən!”
Məlumat üçün bildirək ki, kitab sərgiləri iki il əvvələ qədər Mədəniyyət Nazirliyinin nəzdində keçirilirdi. Son iki ildir ki, kitab sərgisi və başqa bu kimi festival və tədbirləri yuxarıda adını qeyd etdiyimiz “CEO” adlı şirkət təşkil edir. Şirkətin sərgilərə təşkilatçılıq etməsi və kitab evindən yerhaqqı olaraq yüksək məbləğ tələb etməsi bir çox kitab evlərinin növbəti sərgilərə qatılmama ehtimalını gücləndirir. Bu isə Azərbaycanda oxucu kütləsinin artırılması üçün aparılan təşviqata və ümumiyyətlə kitab mədəniyyətinə qarşı ciddi problemlər yarada bilər.
Vaxtilə Mədəniyyət Nazirliyinin öz nəzdində keçirdiyi kitab sərgilərinə təşkilatçılığın birdən birə bu adda şirkətə ötürülməsi və kitab evlərinə qarşı yüksək məbləğdə yerhaqqı istənilməsi anlaşılan hal deyil və bu maraqlı məqam yəqin ki, Nazirliyin özünün məlumatı və göstərişi əsasında baş tutur.
Bizimyol.info
lm və təhsil naziri Emin Əmrullayev yeni tədris ilinin başlaması münasibətilə paylaşım edib.
Tehsil.biz xəbər verir ki, bu barədə feysbuk hesabında yazan nazir əlamətdar gün adının yazılışında səhvə yol verib.
Belə ki, o, Bilik Günü ifadəsini dırnaq daxilində yazmaqla xətaya yol verib. Məlum xəta barədə paylaşımın şərh bölməsində izləyici tərəfindən məlumat verildikdən sonra yazıya düzəliş edilib.
Xatırladaq ki, bir müddət əvvəl elm və təhsil naziri Emin Əmrullayev Bakı şəhəri təhsil işçilərinin sentyabr konfransında çıxışı zamanı hələ də bəzi müəllimlərin anbar sözünü “ambar”, şaftalını “şafdalı”, dastanı “dasdan” kimi yazdıqlarını bildirmişdi.
Yazının xətaya yol verilmiş forması
İzləyici tərəfindən verilən şərh
Yazının düzəldilmiş forması
“Azərsu” ASC tərəfindən keçirilən tender müsabiqəsinin (Açıq tender) qalibi “Kaspi-Yıldız” MMC (VÖEN-1600582521) olub.
DİA.AZ yeniavaz.com-a istinadla xəbər verir ki, “Kaspi-Yıldız” MMC “Azərsu” ASC-yə 43 min 801 manat 60 qəpik dəyərində yüksək təzyiqli şlanqlar satacaq.
Məlumat üçün bildirək ki, nizamnamə kapitalı 10 manat olan “Kaspi-Yıldız” MMC 07.09.2005-ci ildə dövlət qeydiyyaytına alınıb. Qanuni təmsilçisi Əliyev Cəmaləddin Məzahir oğlu olan “Kaspi-Yıldız” MMC-nin hüquqi ünvanı “Nizami rayon, Özbəkistan, ev 24”-də yerləşir.
Onu da qeyd edək ki, 1996-cı ildə “Nizami rayon, Özbəkistan, ev 24E” ünvanında bənzər adda daha bir şirkət - “Kaspi Yıldız” Azərbaycan-Türkiyə Müştərək Müəssisəsi də dövlət qeydiyyatına alınıb. Bu şirkətin təsisçisi 78 saylı Lerik seçki dairəsindən millət vəkili seçilən İqbal Məmmədovdur. Nizamnamə kapitalı 45 000 dollar olan MMC-nin qanuni təmsilçisi isə Məmmədov Ramiz Fərman oğludur.
2019-cu ildə mətbuata verdiyi açıqlamada İqbal Məmmədov bildirib ki, o, 2010-cu ildə deputat seçildikdən sonra müəssisəyə rəhbərliyi qardaşına həvalə edib. Bir müddət “Kaspi Yıldız” Azərbaycan-Türkiyə Müştərək Müəssisəsinə rəhbərlik edən İqbal Məmmədovun qardaşı Asif Məmmədov isə 2006-2013-cü illərdə Balakən və Şamaxı rayonlarının İcra Hakimiyyətinin başçısı vəzifəsində işləyib.
Onu da bildirək ki, bu ilin yanvar ayında “Kaspi Yıldız” Azərbaycan-Türkiyə Müştərək Müəssisəsinin Türkiyə vətəndaşı olan təsisçilərindən biri Rafet Ekmekçioğlu özünə məxsus 50% payı İqbal Məmmədova verib. Nəticədə “Kaspi Yıldız” Azərbaycan-Türkiyə Müştərək Müəssisəsinin təsisçisi 100% pay ilə millət vəkili İqbal Məmmədov olub.
İqbal Məmmədovun təsis etdiyi şirkət uzun zamandır dövlət büdcəsinə olan böyük miqdarda vergi borcuna görə mətbuatda müzakirə olunur. Hazırda “Kaspi Yıldız” Azərbaycan-Türkiyə Müştərək Müəssisəsinin dövlət büdcəsinə 9 milyon 399 min 623 manat 41 qəpik vergi borcu var.
İqtisadiyyat Nazirliyi yanında Dövlət Vergi Xidməti də ötən ilin fevral ayında “Kaspi Yıldız” Azərbaycan-Türkiyə Müştərək Müəssisəsinə qarşı məhkəmə iddiası qaldırıb. Amma görünən odur ki, müəssisənin vergi borcu bu günə kimi ödənilməyib.
“Azərsu” ASC-nin tenderində qalib olan “Kaspi Yıldız” MMC isə ötən il “Azel Group” MMC tərəfindən məhkəməyə verilib.
Bundan başqa ötən il Azərbaycanın ən böyük bankı hesab olunan “Kapital Bank” da (Səhmlərinin 99,87%-i “Paşa Holdinq”ə məxsusdur) borc müqaviləsi üzrə mübahisələrlə əlaqəli olaraq millət vəkili İqbal Məmmədova, həmçinin Məmmədov Nəriman Qədir oğluna (deputatın atası), Məmmədov Çingiz Nəriman oğluna (deputatın qardaşı) və “Kaspi Yıldız” Azərbaycan-Türkiyə Birgə Müəssisəsinə qarşı məhkəmə iddiası qaldırıb.
Xatırladaq ki, İqbal Məmmədov 1982-88-ci illərdə Xalq Təsərrüfatı İnstitutunda İqtisadiyyat nazirinin müavini, SOCAR-ın sabiq prezidenti Rövnəq Abdullayev və “Azərsu” ASC-nin sabiq sədri Qorxmaz Hüseynovla birgə təhsil alıb.
Azərbaycan Hava Yolları (AZAL) Sentyabrın 1-dən Bakı-İstanbul və İstanbul-Bakı marşrutu üzrə onlayn aviabilet bron edərkən “Economy Lite” tarifini təqdim edib. Qeyd edilmişdi ki, bu tarifə yalnız əl yükü (çəkisi 10 kq və ölçüləri 55x40x23 sm qədər) daxildir, tarif qısamüddətli işgüzar səfərə yollananlar üçün mükəmməldir.
Bu tarifi təqdim etməklə AZAL-ın qiymət artırdığı müşahidə edilir. Əgər 2022-ci ilin iyul ayında ən aşağı qiymət olan “Economy Classic” tarifi ilə gediş-dönüş biletini 743 manata almaq mümkün idisə (şənbə günü 08:50-də uçuş, bazar ertəsi 23:25-də qayıdış ), bu gün eyni tarif üzrə gediş-dönüş biletini 776 manata almaq olur. Qısası, qiymət 33 manat artırılıb. Bu artımı ört-basdır etmək üçün yeni minimal tarif olan “Economy Lite” kəşf edilib. Bu gün “Economy Lite” tarifi üzrə gediş-dönüş biletini 725 manata almaq olar. Düzdür, bu minimal bilet qiyməti əvvəlki minimal bilet qiymətindən 18 manat aşağı olsa da, sərnişin 23 kq pulsuz əl yükü, aviabiletin qaytarılması və uçuş tarixinin dəyişdirilməsi imkanlarını itirib. Keçmiş minimal tarif olan “Economy Classic”ə 23 kq pulsuz əl yükü daxil idi, aviabiletin qaytarılmasına, uçuş tarixinin dəyişdirilməsinə cərimə ilə də olsa icazə verilirdi.
Qeyd edək ki, bilet qiymətləri öncədən alma müddətindən, uçuş gününüdən və saatından asılı olaraq fərqli ola bilər. Buna baxmayaraq, əksər variantlarda qiymətlərin artdığı müşahidə edilir.
Bu günlərdə AZAL-ın yeni “Economy Lite” tarifi bir sıra vətəndaşları ziyana salıb. Türkiyədə təhsil alan azərbaycanlı tələbələr və valideynləri AZAL-dan təxminən bir həftə öncə bilet alıblar. Lakin gözlənilməz şəkildə Türkiyənin bir neçə universiteti tədrisin başlama tarixini dəyişərək oktyabr ayının əvvəlinə keçirib. Bu səbəbdən bəzi tələbələr və valideynləri Türkiyəyə çox tez getməmək üçün uçuş tarixini dəyişmək məcburiyyətində qalıblar. Amma AZAL “Economy Lite” tarifində uçuş tarixinin dəyişdirilməsinə icazə vermədiyindən bu tarif üzrə bilet alanlar yenidən xərcə düşməli olublar.
“Economy Lite” tarifi üzrə bilet almış zərərçəkənlərdən biri bildirdi ki, bu tarifdə uçuş tarixinin dəyişdirilməsinə icazə verilməməsi kobud inhisarçılıqdır:
“Qiyməti “Economy Lite” tarifindən təxminən 20 manat yüksək olan “Economy Classic” tarifi üzrə uçuş tarixinin uçuşdan əvvəl 60 avro cərimə ilə dəyişdirilməsinə icazə verilir. “Economy Lite” tarifində isə bu imkan yoxdur. “Economy Lite” bileti üzrə 80 avro cərimə ilə də olsa uçuş tarixinin dəyişdirilməsinə icazə verilə bilərdi. Vətəndaşın tamamilə pulunu itirməsi nə deməkdir?! Başa düşdük, 18 manat ucuz bilet satmaq üçün 23 kq pulsuz baqaj imkanını vermirsiniz, amma cüzi qiymət fərqinə görə uçuş tarixinin dəyişdirilməsinə icazə verilməməsi ədalətsiz hərəkətdir, bu kobud inhisarçılıq əlamətidir. Bazara nəzarət edən qurumlar daha çox kiçik sexləri, marketləri, mağazaları cərimələməklə məşğuldurlar. İri şirkətlərin haqsız şərtlərinə göz yumurlar”.
AZAL bildirir ki, bilet alarkən “Lite” tarifində qaydalar qeyd olunur. Başqa sözlə, özünün ağır şərtini vətəndaşa diqtə edir. İstehlakçıların hüquqlarına cavabdeh olan dövlət qurumu, bir sıra dövlət şirkətinin, o cümlədən AZAL-ın tariflərini araşdırmalı, ədalətsiz, vətəndaşa ziyan vuran şərtlərin ləğvi üçün göstəriş verməlidir.
Marja.az
DİA.AZ: - Bir müddət əvvəl Əhalinin Sosial Müdafiəsi naziri Sahil Babayev vəzifəsindən istefa verdiyi xəbəri yayılsa da, təsdiqlənmədi.
DİA.AZ xatırladır ki, həmin məlumatlarda nazirin öz ərizəsi ilə tutduğu vəzifədən getdiyi qeyd olunurdu.
DİA.AZ-a daxil olan son məlumatlarda isə bildirilir ki, bu həftə Sahil Babayevlə bağlı yekun qərar veriləcək. Yenə də Şəhidlərimizin artdığı bir ərəfədə Sahil Babayevin məsələsi aktuallıq qazanıb...
Mənbə iddia edir ki, burada söhbət Sahil Babayevin vəzifədən alınmasından gedir və çox güman bu qərar bu həftə rəsmiləşəcək...
Məlumata görə, Sahil Babayev yarıtmaz bir kadr kimi artıq aşağıların antipatiyasını QAZANIB... Aşağıdan ayılan bu nifrət nəhayətdə "yuxarıların" da qəzəbinə çevrilə bilib...
Bizi izləməkdə davam edin. Əlavə bilgilərimiz olacaq. İddia olunanlarla bağlı dia.az olaraq bütün maraqlı tərəfləri dinləməyə hazırıq...
Teref.az yazır ki, Azərbaycan Tibb Universiteti (ATU) “Arash Medical Company” QSC ilə satınalma müqaviləsi imzalayıb.
Maliyyə dəyəri 33 184.58 AZN təşkil edən müqavilədə ATU-nun Onkoloji Klinikası üçün reaktivlərin satın alınması nəzərdə tutulur.
“Arash Medical Company” QSC 22 iyun 2011-ci ildə dövlət qeydiyyatına alınıb. Nizamnamə kapitalı 2000 AZN olan şirkətin hüquqi ünvanı Bakı şəhəri Nəsimi rayonu, Abdulvahab Salamzadə küçəsi, ev 26-da yerləşir. MMC-nin qanuni təmsilçisi Məmmədov Kamran Abid oğludur.
Dövlət Vergi Xidmətinin reyestr məlumatlarında “Arash Medical Company” QSC-nin 2011-ci ildə qeydiyyata alındığı göstərilsə də, mediada dərc edilən informasiyalarda şirkətin 1994-cü ildən fəaliyyət göstərdiyi qeyd edilir. QSC-nin veb-səhifəsində isə şirkətin 25 ildir ki, fəaliyyət göstərdiyi bildirilir. Belə anlaşılır ki, “Arash Medical Company” QSC uzun müddət vergidə qeydiyyatda olmayıb. Başqa bir ehtimal isə ondan ibarətdir ki, şirkət 2011-ci ildə təşkilati-hüquqi formasını dəyişib.
Araşdırmalardan məlum olur ki, “Arash Medical Company” QSC daha çox Səhiyyə Nazirliyinin tenderlərinin qalibi olur. Bu barədə mediada gedən materiallarda QSC ilə nazirliyin işbirliyi barəsində şübhəli məqamların olduğu bildirilir.
Şirkətin rəsmi saytında bildirilir ki, “Arash Medical Company” fəaliyyət miqyasına görə Azərbaycanın ən qabaqcıl şirkətlərindən biri olaraq, tibbi avanlıqlar üzrə dünyanın 40-a yaxın aparıcı istehsalçıları ilə sıx əməkdaşlıq edir. Şirkət ABŞ-ın “Alcon”, “Armstrong Medical”, “Hill-Rom”; Almaniyanın “Hettich”, “Carl Storz”, “Lesiegang”, “Metrax”, “Riester”, “Trilux”, “Weinmann”; C. Koreyanın “Medison”, “Bionet”, İtaliyanın “Cardioline”, “FL Medical”, “Fazzini”, “Rimsa”; İsveçrənin “Belimed”; Türkiyənin “Hitas”, “Nüve”, “Varitex”; Yaponiyanın “Toshiba”, “Olympus”, “Fuji” və s. istehsalçılarını Azərbaycanda birbaşa təmsilçisidir.
Aydın olur ki, “Arash Medical Company” Azərbaycanın səhiyyə ocaqları ilə sıx əməkdaşlıq şəraitindədir, bir neçə xəstəxana və klnikalarını hər növ tibbi avadanlıqlar və ləvazimatlarla təchizatçısıdır.
Məlumatlara görə, şirkətin sahibi Kamran Məmmədov deyil. İddia edilir ki, QSC əslində Milli Məclisin keçmiş spikeri Oqtay Əsədovun qardaşı oğlu Cavid Əsədova məxsusdur. Məlumat bu günə qədər təkzib olunmayıb.aztoiday.az/
Gəncənin Əziz Nəzərov küçəsində yerləşən 6 saylı yataqxana qəzalı vəziyyətdədir.
DİA.AZ xəbər verir ki, sakinlərin Belediyye.netə verdiyi məlumata görə, otaqların divarları çatlayıb, eyvanları uçma təhlükəsi ilə üz-üzədir.
Bu səbəbdən gecələr yuxuları ərşə çəkilib.
Dediklərinə görə, dəfələrlə aidiyatı qurumlara müraciət etsələr də, tədbir görən olmayıb.
Yerli İcra Hakimiyyətinin rəsmiləri ancaq boş vədlərlə kifayətlənib.
Qeyd edək ki, təxminən 40-a yaxın ailəsi, 200-dən çox sakini olan bina 1960-cı ildə tikilib.
Sözügedən bina Mənzil Kommunal Təsərrüfatı İstehsalat Birliyinin balansındadır. Ümumilikdə qurumun tabeliyində 18 yataqxana binası var, bunlardan 13-ü tam qəzalı vəziyyətdədir.
Məsələ ilə bağlı Mənzil Kommunal Təsərrüfatı İdarəsinə üz tutduq. Rəsmi qurumdan bildirildi ki, binanın qəzalı vəziyyətdə olması ilə bağlı FHN-dən rəsmi rəy verilib. Ancaq İcra Hakimiyyətinin balansında pul olmadığı üçün, sakinlər biraz da gözləməlidirlər. Nə zaman vəsait ayrılsa, o zaman da bina tikiləcək.
DİA.AZ: - DİA.AZ-a daxil olan növbəti müraciətdə "Azəriqaz"ın regional rəhbərliyinin daha bir yeyintisi və yaxu da mənimsəmə faktı ifşa olunur. Bəlkə də kimlər üçünsə bu fakt cüzi xarakterli təsiri bağışlaya bilər. Amma yeyinti yeyintidir.
Beləliklə... DİA.AZ-a yazan işçilər qeyd edirlər ki, "Azəriqaz" İstehsalat Birliyi, Lənkəran RQİİ və Ağsu RQİİ-nin Həmkərlar Təşkilatı sədrləri Azəriqaz İB-nin Həmkarlar Təşkilatları tərəfindən ayrılan geyim formalarını özləri götürüb paylama cədvəlində isə işçilərin əvəzinə özləri qol cəkiblər:
"Burada söhbət təkcə işçi formalarından yox, həm də əlavə formalardan gedir".
Qeyd: Belə başa düşmək olar ki adını qeyd etdiyimiz RQİİ-nin hər birinin 50 nəfərdən ibarət futbol komandası var, onların adına forma alınır... ancaq bu komandalar oynamır, formalar mənimsənilir.
İddia olunanlarla bağlı dia.az olaraq bütün maraqlı tərəfləri dinləməyə hazırıq...
Azərbaycan Respublikasının Prezidenti İlham Əliyev Fransa Prezidenti Emmanuel Makronla telefon danışığında genişmiqyaslı təxribatlara görə məsuliyyətin bilavasitə Ermənistanın siyasi-hərbi rəhbərliyinin üzərinə düşdüyünü və Azərbaycan tərəfindən cavab tədbirlərinin görüldüyünü diqqətə çatdırıb.
Telefon danışığı əsnasında regionda davamlı sülhün və təhlükəsizliyin təmin olunması, sülh gündəliyinin davam etdirilməsinin vacibliyi vurğulanıb.
Müdafiə Nazirliyinin Mərkəzi Hərbi Poliklinikasında mühasibatlıq işçilərinin və bu tibb müəssisəsində çalışmayan şəxslərin plastik kart hesablarına əsassız vəsaitlərin köçürülməsi, tibb işçilərinin tarif dərəcələrinin düzgün müəyyən olunmaması nəticəsində artıq əməkhaqı, habelə əməkhaqına qeyri-qanuni əlavələrin edilməsi kimi hallar müəyyən edilib.
Bu barədə Maliyyə Nazirliyi məlumat yayıb.
Məlumata görə, bundan əlavə, hərbi xidmət dövründəxəsarət alan hərbi qulluqçulara sığorta ödənişi üçün verilmiş arayışların bir qisminin sənədləşmələrində qanunvericiliyin tələblərinin pozulması halları da aşkarlanıb. Artıq ödənişlərin bərpası və təqsirkar şəxslər barəsində müvafiq tədbirlər görülməsi məqsədi ilə yoxlama materialları Dövlət Təhlükəsizliyi Xidmətinə (DTX) göndərilib.