Əzizovun "biznes sevdası" indi də Suaraxanıda davam edir - VİDEO

Yaradılıb 31.07.2023 10:43 | Baxış sayı: 92
Ardını oxu...
Ötən həftə bir tədbirdə dəvətli olaraq iştirak edirdim. Mənim əyləşdiyim masada çox yaxınımda iki şəhid anası əyləşmişdi. Hər ikisi əsəbi və yorğun görünürdü. Çıxış edənlərdən biri 'şəhid ailələrinə göstərilən diqqət və qayğı"dan bəhs etməyə yenicə başlamışdı ki, analarını ikisi də daha dözə bilməyib gileylənməyə başladılar.

Hər ikisi unudulduqlarından, övladlarının şəhidlik zirvəsinə ucalmasından sonra təqribən bir il hörmət, qayğı görsələr də, sonradan tədricən o, qayğıların azaldılmasından narazılıq edirdilər.

Soruşdum hansı rayon ərazisində yaşayırsınız, onlardan biri əslən Şamaxı rayonundan olduğunu və Suraxanı rayonu Hövsan qəsəbəsində yaşadığını dedi.

Bütün Şamaxı sakinləri kimi ana da Şamaxı rayonunu Milli Məclisdə güya təmsil edən Tamam Cəfərovanın yalnız adını eşitdiyini, ümumiyyətlə o, rayonun rəhbərliyindən heçolmasa mənəvi dəstək belə görmədiklərini dedi.

Suraxanı rayonuna gəldikdə isə...

Bəli, burda da vəziyyət heç də Suraxanı rayon İcra Hakimiyyətinin rəsmi səhifəsində paylaşılan xəbərlər qədər təqdirəlayiq deyil.

2021-ci ilin dəqiq xatırlamıram yanvar, yoxsa fevral ayı idi Suraxanı rayonunda bir şəhid məclisində olarkən, 1-2 şəhid ailəsi icra başçısı barəsində gözəl sözlər deyərək, ondan razılıq etmişdilər.

O, zaman da "DogruXeber.az" adımızın məsuliyyəti ilə tədbir barəsində yazdığım materialda Əziz Əzizovun da adını xüsusi qeyd edərək, şəninə təriflər yazmışdım.

Əslində bu gün də o cür yazmaq istərdim, amma...

Bəli, bu əmmanı yaradan son vaxtlar şəhid ailələrinə qarşı diqqət və qayğıda "simic"lik edən rayon rəhbəri Əziz Əzizovun özüdür.

Anadan soruşdum ki, "axı orada mən tədbirdə olanda bir neçə nəfər razılıq edirdi.

Ananın verdiyi cavab bu oldu ki, "əvvəllər eləydi, sonradan yaddan çıxdıq. İndi mənim yaşadığım küçə bərbad gündədir, dəfələrlə müraciət etmişəm, düzəltmirlər. Azəravtoyol-a da müraciət etmişəm, elə deyirlər düzəldəcəyik, amma dəyişən bir şey yoxdur".

Azəravtoyol-a müraciət etmək sizcə ananın işi idi?

Rəhbərlik etdiyi ərazi sakinlərinin problemlərini aidiyyatı qurumlardan tələb etmək rayon rəhbərliyinin, ərazi üzrə millət vəkilinin işi deyilmi?

Amma, dəfələrlə icra hakimiyyətinə müraciət edib, hər dəfə vədlərlə yola salınan ana özü əlacsız qalıb aidiyyatı qurumlara müraciət edib.

Adətim üzrə yazını yazmadan öncə Əziz Əzizovun barəsində internet üzərindən kiçik araşdırma apardım.

Tramvay ustası işləməkdən başlayıb, işini mühəndisliyə, ardından sahibkarlığa qədər böyüdən Əzizov, sahibkarlıqdan birbaşa keçid edib Cəlilabad rayon İcra Hakimiyyətinin başçısı vəzifəsinə.

Sizcə bu təsadüfdürmü?

Əlbəttə yox, Kərəm Həsənov kimi "day-dayı" olduğu deyilən Əzizovun heç xüsusilə ilk dəfə Cəlilabad rayonuna başçı getməsi də təsadüf deyil.

Yerli medianın yazdığına görə sahibkar fəaliyyəti olan Əzizov bu rayonda özünə böyük fermer təsərrüfatları qurub, rayonun problemlərindən çox özünün və himayədarının təsərrüfatlarına nəzarət edib. Hətta, saytların yazdığına görə onun sözügedən rayonda özünə məxsus şərab zavodu belə var.

Orada torpaq sahələrinin qanunsuz satışı ilə xeyli sərvət toplayan Əzizovun "bezrazmer" nəfsi o yerə gətirib çıxardı ki, vətəndaşlara məxsus pay torpaqlarını da müxtəlif yollarla əllərindən alıb, bir başqalarına satacaq qədər "gözü böyüdü".
Hətta, deyəsən bir ara "nəfsi başına bəla olmuşdu ". Yerli medianın yazdığına görə, iş adamı Fərhad Əliyevin biznesinə yiyələnmək istəyi Əzizova "cızza" təsiri bağışlamışdı. Necə deyərlər, "daş qayaya rast gəlmişdi".

Ümumiyyətlə, Əzizovun Cəlilabad rayon İcra Hakimiyyətinin başçısı olduğu illərdə xeyli sayda Cəlilabad sakinləri dərdini götürüb mətbuata axışmışdı. Onlardan "Kanal14"ə danışan Hüseynov Aydın İman oğlu və Hüseynov Aqşin Aydın oğlunun Əzizov haqqında, "biz onu Alverçi" kimi tanıyırıq deməsinə səbəb, onların da rəsmi sənədlər əsasında özlərinə məxsus olan pay torpaqlarının əllərindən alınıb, başqasına satılması idi.

" 'İrşad'dan nəsə alan mənim kimi sürünəcək" - ETİRAZ

Yaradılıb 31.07.2023 08:41 | Baxış sayı: 121
Ardını oxu...
"Şikayətim "İrşad Elektroniks"dəndir. Artıq 1 aydır kompüteri təmirə vermişəm. Zəng edib məlumat istəyirəm, deyirlər müqavilədə yazılıb, siz qol çəkmisiniz... təmir 2-45 iş gününə qədər çəkə bilər". DİA.AZ bildirir ki, bu barədə "Müştərinin Səsi" sosial qrupundakı paylaşımında Fərid Behbudov adlı istifadəçi giley edir.

Narazı vətəndaş daha sonra yazır: "Sadə bir problem üçün mən niyə 45 iş günü gözləməliyəm?! Bu nə qeyri-peşəkarlıqdır?! Ümumiyyətlə təmir xidmətiniz çox aşağı səviyyədədir. Heç kəsə sizdən kompüter almağı məsləhət görmürəm. Onlarda da oxşar hal yaranarsa, mənim kimi sürünəcəklər. Siz düşünmürsünüz ki, məhsul ehtiyaca əsasən alınıb, yəqin ki, hər hansı bir iş üçün istifadə olunur. Mən indi 45 iş günü gözləməliyəm ki, siz təmir edib, qaytarasınız. Mən bir də sizdən məhsul almaram, nə də dost-tanışıma sizi məsləhət görmərəm".

İddia olunanlarla bağlı teref.az olaraq qarşı tərəfi də dinləməyə hazırıq...
 

Texniki şərtin rüşvətlə icra edilməməsi ümumi (publik) hüquq özbaşınalığıdır ? Məhkəmə təminatı hüququna qadağanın yeni məhkəmə metodları

Yaradılıb 31.07.2023 08:25 | Baxış sayı: 170
Ardını oxu...
Şikayətlərin yuxarı instansiyaya göndərilməsindən imtina edilir
İstehlakçı hüquqlarının pozulmasının məhkəmə müdafiəsi ilə bərpa edilməsi və dəyən maddi-mənəvi ziyanın ödənilməsi “İstehlakçıların hüquqlarının müdafiəsi haqqında” qanunun tələbi olsa da , məhkəmələr qanunla üzərlərinə qoyulan görəvi yox, hüquq pozucularının sifarişini icra edirlər. İstehlakçı müdafiə üçün məhkəməyə müraciət edəndə elə özbaşınalıqla, elə süründürməçiliklə, elə hüquq bərabərsizliyi ilə üzləşir ki! Özbaşınalıq o həddə çatıb ki, təbii inhisarçı xidmət qurumlarının mülki müqavilə öhdəliklərini , texniki şərti qanunsuz ödəniş tələb edib illərdir icra etməmələri özbaşınalığı ümumi (publik) hüquq (özbaşınılığı) sayılır !(?)
Təbii inhisarçı xidmət qurumunun özünün verdiyi 03.04.2017-ci il tarixli texniki şərti 7-ci ildir qanunsuz ödəniş- rüşvət tələb edib icra etməkdən imtinasına nə inzibati qaydada, nə də məhkəmə qaydasında hüquqi qiymət verilir. Sabunçu məhkəməsi istehlakçı iddiaçının hüququna elə qadağa qoyub ki, 14 ay qabaq məhkəməyə təqdim edilən iddia ərizəsini dəftərxanadan yoxa çıxarıb. Hətta bir il sonra “e-məhkəmə” sistemindən verilən iddianı da on gündən sonra Məhkəmə Hüquq Şurası “tapıb gün işığına” çıxarıb. Hakim Adilə Paşayeva bu yol məhkəmə qadağasının yeni metodunu icraata xitam verməklə tətbiq edib. Guya cavabdehin texniki şərti 201.72 manat rüşvət tələb edib icra etməkdən imtina etməsi ümumi (publik) hüquq sahəsinə aid hərəkət- özbaşınalıqdır və mülki məhkəmə icraatına yanlış götürülüb, inzibati məhkəmədə baxılmalıdır. Yuxarı instansiyanın- Bakı Apellyasiya Məhkəməsinin Mülki Kollegiyasının (sədrlik edən Günay Axundova, Cəmilə Musayeva və Fuad Babayev) yazılı icraat qaydasında qəbul etdiyi qərardad da aşağı instansiyanı haqlı sayıb. Hüquqa, haqqa, ədalətə baxın, fiziki şəxs Qarabağ əlili bağını sosial infrastrukturla təmin etmək üçün təbii inhisarçı xidmət qurumu ilə mülki müqavilə bağlayıb, 03.04.2017 tarixli texniki şərt alıb. Xidmət qurumu əlil-istehlakçı qarşısında götürdüyü mülki öhdəliyi – texniki şərti icra etmək yerinə, qanuna qarşı çıxaraq 201.72 manat şişirtmə ödəniş tələb edib, 7 ildir icradan imtina edir, bəyəm bu ümumi hüquq sahəsinə aiddir? Bəyəm sayğacın özünün pulsuz olduğu vurğulanan texniki şərtdə sayğac qutusuna görə 35 manat tələb edilməsi ümumi (publik) hüquq özbaşınalığıdır?
Hələ ki, iki instansiya 201.72 manatlıq rüşvətə görə xidmət göstərilməsindən, işin görülməsindən, texniki şərtin- müqavilənin yerinə yetirilməsindən imtinanı ümumi (publik) özbaşınalıq sayır. Görək, Ali Məhkəmə xüsusi hüquqla ümumi hüququn fərqini aşağı instansiyalara anlada biləcək? Dövlət hesabına vəkillə təminata qadağa qoyulmasa, biləcəyik.
Məhkəmə müdafiəsi hüququna qadağaların elə metodları üzə çıxır ki, eldə deyildiyi kimi, əlin üzündə qalır. “Əli üzdə qoyan” məhkəmə metodlarından bir neçəsini diqqətə çatdırırıq, bəlkə “əlin üzdən üzülməsinə” yardım edə:
Nizami məhkəməsinin hakimi Ülkər Yusifova MPM-də qərardaddan şikayətə baxılmasına hüquqi normanı – MPM-in 269-cu maddəsini “tapmayıb”, qətnamədən şikayətvermənin 361-ci maddəsini analoji norma kimi tətbiq edib, şikayəti Bakı Apellyasiya Məhkəməsinə göndərməkdən bir aydır imtina edir . Səbail məhkəməsinin hakimi İlkin Rüstəmli isə qətnamədən şikayətin apellyasiya instansiyasına göndərilməsinə qadağa qoyub. Bakı İnzibati Məhkəməsinə Sabunçu məhkəməsindən 4 ildir ləğv edilən işini icraata götürüb, it-bata salmağa ezam olunan Rüstəm Kərimli “rüşvətə hakimliyini elə peşəkarlıqla “ yerinə yetirib ki, 5191 saylı işi tamam sistemdən çıxarıb.
Məğrur Bədəlsoy
Teref.az
 

AQTİ-də işçilərə geyim qadağası - BU NƏDİ BELƏ?

Yaradılıb 31.07.2023 08:23 | Baxış sayı: 156
Ardını oxu...
Azərbaycan Qida Təhlükəsizliyi İnstitutunun yeni rəhbəri Əli Nəbiyev təmsil etdiyi qurumda işçiləri üçün yeni qaydalar tətbiq edib. TEREF.AZ JAMAZ.İNFO-ya istinadən xəbər verir ki, həmin qaydalara əsasən AQTİ-də çalışan xanım və kişi işçilər işə gələrkən, istədikləri kimi geyinə bilməzlər.

Əldə elədiyimiz məlumata görə, Nəbiyev institutun bütün şöbələrində və filiallarda dresskod təyin edib. Onun tapşırığına əsasən qadınlar işə ağ köynək və qara yubkada gəlməlidir. Rəngli paltar geyinmək isə qadağan olunub.

Mənbəmiz bildirir ki, Əli Nəbiyevin tapşırığına əsasən rəngli paltar geyinənlər işə burxılmır. “Yalnız ağ və qara rənglərə icazə verilir. Rəngli paltar geyinənlər işə buraxılmır. Məsələ ondadır ki, onsuz da hamı işdə ağ xalat geyinir. Evdən işə necə gedib, gəlməkləri, saç düzümü və geyim tərzi ilə bağlı göstərişlər insanlarda narazılıq yaradıb”.

Maraqlıdır ki, AQTİ-nin rəhbəri analoji qadağanı kişilər üçün də tətbiq edib. Onlar da qara və ağ paltardan başqa heç nə geyinə bilməzlər.

AQTİ-nin işçiləri arasında belə bir söz də yayılıb ki, Əli Nəbiyev ixtisasca hüquqşünas olduğundan, yeni qanunlar qəbul etməyə maraqlıdır.

Məsələ ilə bağlı qarşı tərəfin də mövqeyini dərc etməyə hazırıq.

Onlar Emin Əmrullayevi devirmək istəyir? – Nazirlikdə baş verənlərin pərdəarxası

Yaradılıb 29.07.2023 11:34 | Baxış sayı: 191
Ardını oxu...

Elm və təhsil naziri Emin Əmrullayevin personası ətrafında başlayan müzakirələr səngimək bilmir. Təhsil sistemində baş verən neqativ halların ictimailəşdirilməsi gənc nazirin karyerası üçün ciddi təhlükə yaradıb.

Yenisabah.az bildirir ki, E.Əmrullayev hazırda ölkədə ən çox tənqid olunan hökumət üzvüdür. Nazir təkcə müstəqil və müxalifət mətbuatının, təhsil ekspertlərinin deyil, həm də Milli Məclisin deputatlarının, o cümlədən tabeliyində çalışan ayrı-ayrı şəxslərin də hədəfindədir. Təhsil sektorunda çalışan ayrı-ayrı adamlar tez-tez mətbuatda və sosial şəbəkələrdə nazirin ünvanına tənqidi fikirlər səsləndirirlər. MİQ imtahanları zamanı isə tənqidin dozası bir qədər artırıldı. Hətta imtahan suallarının əvvəlcədən nazirə yaxın kursların iştirakçılarına paylanmasına dair iddialar rəngləri bir qədər də tündləşdirdi.

“Yeni Sabah”ın əldə etdiyi məlumata görə, indi yaxın ətrafı da E.Əmrullayevin mövqeyinin sarsıldığının fərqindədir. Hətta bu üzdən onu əvəzləmək iddiasına düşənlər də var.

Elm və Təhsil Nazirliyindəki (ETN) mənbələrdən saytımıza daxil olan məlumata görə, hazırda bu qurumun rəhbərliyində təmsil olunan 2 nəfər – nazir müavini Həsən Həsənli və ETN-nin Aparat rəhbəri Mətin Kərimli E.Əmrullayevin yerinə keçməyə iddialıdır.

Mənbə təhsil sektorunda yeni parlayan bu şəxslərin kifayət qədər ciddi qüvvələr tərəfindən himayə olunduğunu bildirib. Onun sözlərinə görə, 32 yaşlı H.Həsənli gənc olmasına rəğmən, təhsil sistemində xeyli məsafə qət edə bilib. O, əvvəlcə ETN-də mütəxəssis, sektor müdiri, sonra isə nazirin müşaviri, Aparat rəhbərinin müavini, Təhsildə Keyfiyyət Təminatı Agentliyinin (TKTA) İdarə Heyətinin sədri vəzifələrində çalışıb. 2021-ci ilin iyun ayından 2023-cü ilin 30 yanvar tarixinədək ETN-nin Aparat rəhbəri vəzifəsini tutub.

1991-ci ildə Naxçıvan şəhərində anadan olan H.Həsənli təhsil sahəsində ciddi mövqelərə sahib olmağa can atan “Naxçıvan klanı”nın son vaxtlar ən çox “stavka” etdiyi gənc və perspektivli kadrlardan biridir. H.Həsənli muxtar respublikada kifayət qədər tanınan bir nəslin təmsilçisidir. Onun babası Namiq Həsənov Naxçıvan Ali Məclisinin sabiq sədri olub. Atası Həbib Həsənov isə uzun müddət Dövlət Avtomobil Nəqliyyatı Xidmətinə (DANX) rəhbərlik edib. Bu amilləri nəzərdən keçirəndə E.Əmrullayevin gənc rəqibinin kifayət qədər ciddi resurslara malik olduğunu söyləmək mümkündür.

Nazirin digər rəqibi M.Kərimli də hakimiyyətdə ciddi dayaqlara malik olan şəxs kimi xarakterizə edilir. Onun bioqrafiyası nəinki H.Həsənlidən, hətta nazirin özünün bioqrafiyasından da zəngindir. 1999-cu ildə Bakı Dövlət Universitetinin Beynəlxalq əlaqələr fakültəsini bitirən M. Kərimli 2000–2001-ci illərdə Fransanın Strasburq Universitetində Avropa elmləri üzrə fənlərarası diplom, 2001–2002-ci illərdə Avropa elmləri üzrə magistr dərəcəsi alıb. O, 2012-ci ildə Harvard Universitetini dövlət idarəetməsi ixtisası üzrə magistr dərəcəsi ilə bitirib.

Mətin Kərimli Azərbaycan Gənclər Təşkilatları Milli Şurasının vitse-prezidenti, NATO-nun Müdafiə Siyasəti və Planlaşdırma İdarəsinin Beynəlxalq Katibliyində tərəfdaşlıq zabiti, Azərbaycanın NATO yanında nümayəndəliyində ikinci katib olub. Bundan başqa, Xarici İşlər və Vergilər nazirliklərində müxtəlif vəzifələrdə çalışıb.

O, 2014-2020-ci illərdə Əmək və əhalinin sosial müdafiəsi nazirinin müavini vəzifəsində çalışıb. 2020-ci ilin yanvar ayından Beynəlxalq Əmək Təşkilatının Sakit okean hövzəsi ölkələri üzrə ofisinin direktoru olub.

M.Kərimli Azərbaycan dili ilə yanaşı, ingilis, fransız, rus və ispan dillərini də bilir.

Qeyd edək ki, zəngin bioqrafiyaya malik olan M. Kərimlinin şansını artıran digər mühüm amil isə qardaşı İnam Kərimovun Azərbaycan Respublikası Ali Məhkəməsinin sədri vəzifəsində çalışmasıdır.

Həsənli-Kərimli cütlüyünün E.Əmrullayevi devirməyə gücü çatacaqmı? Hazırda bu suala birmənalı cavab vermək çətin olsa da, nazirin postunu uzun müddət qoruya biləcəyi inandırıcı görünmür. E.Əmrullayevin imicinin zədələnməsində nazirlikdəki rəqiblərinin də müəyyən qədər rol oynadığı bildirilir. ETN-də kifayət qədər yüksək post tutan bu şəxslərin “mətbəx”ə aid bəzi informasiyaların mediaya sızdırılmasına göz yumduğu deyilir.

Fuad Muradov, hanı sənin Koordinasiya Şuraların? - 20 ildən sonra gəldiyimiz nöqtəyə baxın

Yaradılıb 29.07.2023 11:25 | Baxış sayı: 177

Ardını oxu...
Erməni diasporası bütün dünyanı üzərimizə qaldıdıb etiraz etdirir, Fuad Muradov Amerikada barda konsert təşkil etdirib, kef məclisi qurur. Bu adam bu dəqiqə proseslərin bu vaxtında belə, ölkəmiz xarici qüvvələr təhdid edildiyi zaman belə səfərini təcili yarımçıq dayandırıb, ölkəyə qayıtmalı operativ mərkəz yaratmalı, məsələlərə müdaxilə etməyə çalışmalı idi.

Avropa Komissiyasının Xarici İşlər üzrə Komissarı Borrel Azərbaycan ərazi bütövlüyünə hörmətsizlik nümayiş etdirir açıq təhdid edir. Hanı Azərbaycan diasporası? Hanı Şuşaya gedənlər? Hanı çedal alan, diplom alanlar? Niyə Avropanı silkələmirlər?
Hanı milyonlarla pullar xərcləyib yaratdığınız Koordinasiya Şuraları?

Muradov və komandasının bildiyi və bacardığı iki şey var gözdən pərdə asmaq üçün bəyanat yazdırmaq və pul verib aksiyaya çıxarmaq. Bəyanatı yazıb hazırlasalar da inandırım əksəriyyəti rəsmi qurumlara deyil, Komitəyə göndərir və bununla da iş görür görünrüsü yaratmağa çalışırlar.

Fransa höküməti və səfirliyi açıq aşkar hörmətsizlik edir. Hanı Fransada bəh bəhlə danışdığınız diaspora gücümüz?

Muradov ciddi proseslərin , ölkəmizlə bağlı tale yüklü hadisələrin cərəyan etdiyi zamanı kef məclisi vacib idimi?
20 ildən sonra gəldiyimiz nöqtəyə baxın : Erməni diasporası dövlətlərin siyasi qərar mərkəzlərinə təsir edir bizim diaspora isə bir qrup insanı Şuşaya aparmaqla, orda yallı gedib şəkil çəkdirməklə diaspora görüntüsü yaratmağa çalışır.

Rəşad Quliyev - DİA.AZ


Ardını oxu...

 Bu qədər pula yeni Doğum Evi tikmək olar, bizdə isə... - İcazə verin şübhələnək...

Yaradılıb 29.07.2023 09:32 | Baxış sayı: 351
Ardını oxu...
DİA.AZ: - İcbari Tibbi Sığorta Agentliyi “Kliniki Tibbi Mərkəz” publik hüquqi şəxsin tabeliyində olan 5 nömrəli Kliniki Doğum Evinin əsaslı təmiri işlərinin satın alınması.tenderinin nəticələrini elan edib.

DİA.AZ xəbər verir ki, tikinti işlərini "Orn Group" həyata keçirəcək.

Qalib şirkətə 15 071 218 manat ödəniləcək.

Diqqət edin, məbləğ heç də kiçik deyil və hətta bu qədər pula yeni Doğum Evini də ərsəyə gətirmək olar. Elə bu məqam əsas yaradır ki, işə GƏRƏKƏN qurumlar müdaxilə etsin...
 

Turizm Agentliyindən qoruq ərazisində 700 minlik təmir – Qalmaqallı şirkət qalib oldu

Yaradılıb 29.07.2023 09:25 | Baxış sayı: 137
Ardını oxu...
Dövlət Turizm Agentliyi İsmayıllı rayonunun Basqal qəsəbəsində yerləşən Basqal Dövlət Tarix-Mədəniyyət Qoruğunun ərazisindəki evlərin, həmçinin Dərəməhəllə və Xarabiyan məhəllələri arasındaki küçənin tarixi mühitə uyğunlaşdırılması işlərinin satın alınması ilə bağlı tenderə yekun vurub.
Qaynarinfo xəbər verir ki, tenderin qalibi “İsmayıllı Tikinti-27” Açıq Səhmdar Cəmiyyəti (ASC) seçilib. Tərəflər arasında bağlanacaq satınalma müqaviləsinin maliyyə dəyəri 695.741,49 AZN-dir.
İqtisadiyyat Nazirliyi yanında Dövlət Vergi Xidmətinin reyestr məlumatlarına görə, “İsmayıllı Tikinti-27” ASC 5 iyun 1999-cu ildə qeydiyyata alınıb. Nizamnamə kapitalı 339 144 AZN olan ASC-nin hüquqi ünvanı İsmayıllı rayonu, İsmayıllı şəhəri, M.Orucov küçəsi, ev 100-də yerləşir. ASC-nin qanuni təmsilçisi Əliyev Azad Gülməmməd oğludur. Azad Əliyev həm də ASC-nin İdarə Heyətinin sədridir.
“İsmayılli Tikinti-27” ASC-nin adı keyfiyyətsiz beton satmaqda hallanır. Bir müddət əvvəl bu barədə mediada geniş material yer alıb. Vüsal Həsənov adlı şəxs iddia edib ki, “İsmayıllı Tikinti-27” ASC ona keyfiyyətsiz beton satıb. Vüsal Həsənov dediklərini əsaslandırmaq üçün bununla bağlı video da paylaşıb.
2018-ci ildə isə “İsmayıllı Tikinti-27” ASC-nin adı rüşvət qalmaqalında hallanıb. İsmayıllı rayon prokurorunun böyük köməkçisi Faiq Quliyevin qanunsuz əməlləri barədə daxil olmuş vətəndaş müraciəti əsasında baş prokuror yanında Korrupsiyaya qarşı Mübarizə Baş İdarəsində araşdırma aparılıb.
Araşdırma zamanı Faiq Quliyevin xidməti səlahiyyətlərinin icrası ilə əlaqədar “İsmayıllı Tikinti-27” ASC-nin idarə heyətinin sədri Azad Əliyevdən sonuncuya məxsus qum-çınqıl karxanasının fəaliyyəti ilə bağlı aparılmış araşdırmanın nəticəsində barəsində cinayət işinin başlanmaması üçün, yəni edəcəyi qanunsuz hərəkətlərə görə 14 iyul 2018-ci il tarixdə, İsmayıllı rayon prokurorluğunun inzibati binasında külli miqdarda pul vəsaitini rüşvət kimi şəxsən Azad Əliyevdən almasına əsaslı şübhələr müəyyən edilib.
İstintaq zamanı, həmçinin Faiq Quliyevin 17-18 iyul tarixlərində Qalib Süleymanova məxsus karxananın fəaliyyəti ilə bağlı aparılmış araşdırma zamanı sonuncunun cinayət məsuliyyətinə cəlb olunmaması müqabilində İsmayılli rayon prokurorluğunun inzibati binasında ondan külli miqdarda rüşvət almasına da əsaslı şübhələr müəyyən edilib.
Faiq Quliyevin rayon prokurorluğunda olan xidməti otağına baxış keçirilərkən seyfdə rüşvət kimi aldığı pul vəsaiti aşkar edilərək maddi sübut kimi götürülüb.
İş üzrə Faiq Quliyevə Cinayət Məcəlləsinin 311.3.2 (təkrar rüşvət alma ) və 311.3.3-cü (külli miqdarda rüşvət alma) maddələri ilə ittiham elan olunaraq barəsində məhkəmənin qərarı ilə həbs qətimkan tədbiri seçilib. Şəki Ağır Cinayətlər Məhkəməsinin hökmünə əsasən, Faiq Quliyev 8 il müddətinə azadlıqdan məhrum edilib. Şəki Apellyasiya Məhkəməsi onun cəzasını 6 ilə endirib.
 

"Sevgilinə hədiyyə üzrə qrant müsabiqəsinin nəticələri ..." - Təhsil ekspertindən nazirliyə ittiham

Yaradılıb 29.07.2023 09:12 | Baxış sayı: 162
Ardını oxu...
"Sevgilinə hədiyyə üzrə VII qrant müsabiqəsinin nəticələri açıqlanıb".

Belə bir statusu təhsil eksperti Kamran Əsədov şəxsi “Facebook” səhifəsində Elm və Təhsil Nazirliyinin keçirdiyi "Təhsildə inkişaf və innovasiyalar üzrə VII qrant" müsabiqəsinin nəticələrinə münasibət olaraq paylaşıb.

Mövzu ilə bağlı News.Az-a danışan Kamran Əsədov bildirdi ki, sözügedən nazirliklə şəxsi münasibətləri olan layihə müəlliflərinə qrant verilib:
Ardını oxu...
“Təəssüflər olsun ki, bizim böyük gözləntilərimiz olan qrant layihəsinin nəticəsi bu gün açıqlandı və bir şəxs üç layihəsi keçdi. Bu qaliblərdən arasında Elm və Təhsil Nazirliyində şöbə müdirinin müavini ilə şəxsi münasibəti olanlar var. Kimlər ki, nazirliyə yaxındır, onların təhsilin inkişafı, keyfiyyətinin yüksəldilməsilə əlaqəsi olmayan layihələrini qalib elan ediblər. Necə olur ki, ondan qat-qat daha yaxşı layihələr qalıb, amma kiminləsə şəxsi münasibəti var deyə layiq olmayan layihəyə qrant ayrılıb? Əlimdə sübut var, sadəcə paylaşmağım etik deyil. Dövlət budcəsi sizin şəxsi münasibətlərin maliyyə təminatını həll etmir. Bu layihənin əsas məqsədi Azərbaycanda təhsilin inkişafı , keyfiyyətin yüksəldilməsi üçün nəzərdə tutulub”.
Ekspertin iddiası ilə bağlı Təhsil Nazirliyinin mövqeyini öyrənmək istəsək də zənglərimizə cavab verilmədi.
 

Böyük biznes şəbəkələrinin troll şəbəkəsi neçə çalışır…- “Veysəloğlu”, “Qayalı” nümunəsi…

Yaradılıb 29.07.2023 08:46 | Baxış sayı: 158
Ardını oxu...
Müasir zəmanədə tənqidçi jurnalistlərin işi həqiqətən çətindir. Hətta balaca bir yerdən, orta səviyyəli məmurdan belə tənqid yazan kimi, müxtəlif təzyiq vasitələri ilə həmin yazını sildirmək istəyirlər. Balaca ilişkən olan hər bir şəxsi axtarıb tapıb, səndən xahiş etdirirlər. Oğulsansa, belə balaca ölkədə, bütün bunların qarşısında duruş gətir.
Müasir jurnalistikada məsələnin başqa görünməyən və jurnalistlər üçün ağır olan bir tərəfi də var. Bu da müasir sosial şəbəkə alətləri vasitəsilə vətəndaşların jurnalistlə birbaşa təmasa girmək, təsir göstərmək, hətta söymək imkanlarından qaynaqlanır. Təbiidir ki, jurnalist öz tənqid məhsulunu sosial şəbəkədə paylaşır.
Hər şey bundan sonra başlayır. Söhbət media mənsubunun üzləşdiyi total troll hücumundan gedir. Əvvəl belə troll hücumları ilə dövlət qurumlarına yönələn tənqidi postlarının altında rastlaşırdıqsa, hazırda bu metoddan böyük biznes strukturları istifadə edir.
Bugünlərdə jurnalist dostlarımızdan biri “Veysəloğlu” şirkəti ilə bağlı normal bir videosüjet hazırlamışdı. İçində yüngül tənqid notları da vardı. Həmin paylaşımın altında yazılan minlərlə şərh məni təəccübləndirdi.
Dəxli olan-olmayan epitetlərlə həmin şirkətin prezidenti - Aydın Talıbovun şəninə təriflərin yağdırıldığını gördüm. Adamı bir sual düşündür: yəni əhali doğrudanmı monopolist mövqeyi ilə seçilən hansısa şirkətdən kütləvi olaraq belə razıdır?
Ancaq tərifləri və müəllifi qınayan şərhləri dərindən analiz etdikdə, bir rabitəsizlik, məntiqsizlik ortaya çıxır. Deməli, belə qənaətə gəlirik ki, bu proses hansısa vahid mərkəzdən idarə olunur.
Belə bənzər bir hadisə mənim də başıma gəldi.
Son vaxtlar ölkənin müxtəlif ərazilərində öz şəbəkəsini genişləndirən “Qayalı” marketin Sumqayıtdakı filiallarından birindən hazırladığımız reportaja da anoloji tərzdə reaaksiya verilir.
Bir neçə saat ərzində 200 mindən çox baxış yığan həmin videonun altında 700-ə yaxın şərh yazılıb. Şərhlərin əksəriyyətində “Qayalı” və onun rəhbəri təriflənir. Ancaq bizə edilən birbaşa telefon zəngi edən şəxslər konkret olaraq, həmin marketdən şikayətlər edirlər.
Hətta Şamaxıdan zəng edib, bizə şikayətini bildirən Qarabağ müharibəsi veteranı “Qayalı”nın həmin rayondakı filialında vəhşicəsinə döyüldüyünü sübut edən fotoları, xəsarət aldığına dair sənədləri göndərib. Zəng edən onlarla başqa şəxslər mağazalar şəbəkəsindən verilən çeklərdə ƏDV-ni ala bilmədiklərini bildirirlər. Sadəcə, müzakirələrdə yaradılan süni tərif bolluğu bir çox adamları dərdini məhz orada ifadə etməkdən çəkindirir. Təbiidir ki, bizə yaradılan süni şərh preysinqinə baxmayaraq, ünvanlanan bütün şikayətləri ictimailəşdirəcəyik.
Böyük biznes subyektlərinin troll mexanizmi aşağıdakı qaydada işləyir. Adətən, belə biznes subyektlərinin sahiblərinin fərqli sahələri əhatə edən çoxlu sayda işləri olur. Bu subyektlərdə xeyli sayda vətəndaş çalışır. Onların əksəriyyətinin adını özlərinin vatsap qruplarına əlavə edirlər.
Belə yazılar və ya videolar olanda, atırlar həmin qruplara və tabeçiliklərində olan işçiləri zorla trolluğa sövq etdirirlər. Tam məsuliyyətilə deyə bilərik ki, istər “Veysəloğlu”nun, istərsə də “Qayalı”nın jurnalistlərə təzyiq göstərməyə çalışan troll şəbəkəsi eyni prinsiplərlə çalışır. Hər iki qurumda çalışan bir neçə kassir, nəzarətçi bizimlə söhbətlərində trolluq etməkdən bezdiklərini deyirlər.
Məhəmmədəli QƏRİBLİ,
Azinforum.az

Dünyapress TV

Xəbər lenti