 |
|
|
“Badamlı Mineral Sular” MMC barəsində inzibati protokol tərtib edilib.
Qaynarinfo xəbər verir ki, şirkət İnzibati Xətalar Məcəlləsinin 48-cü maddəsi (Xarici valyuta vəsaitlərinin xaricdən qaytarılmamas) ilə ittiham edilir.
Bu maddədə qeyd edilir ki, xarici iqtisadi fəaliyyətin həyata keçirilməsi nəticəsində əldə edilmiş və Azərbaycan Respublikasının müvəkkil olunmuş banklarının hesablarına məcburi qaydada köçürülməli olan az miqdarda xarici valyuta vəsaitlərinin xaricdən qaytarılmamasına görə inzibati xətanın bilavasitə obyekti olan xarici valyutanın dəyərinin otuz faizindən əlli faizinədək məbləğdə cərimə tətbiq edilir.
“Az miqdarda” dedikdə, iyirmi min manatadək olan məbləğ başa düşülür.
Şirkətlə bağlı protokol baxılması üçün Naxçıvan Muxtar Respublikası (MR) Şahbuz Rayon Məhkəməsinə göndərilib. İş hakim Daşqın Səfərovun icraatındadır.
Aprelin 25-də iş üzrə məhkəmə baxış iclası keçiriləcək.
“Badamlı Mineral Sular” MMC 24 noyabr 2008-ci ildə qeydiyyata alınıb. Nizamnamə kapitalı 200 AZN-dir. Şirkətin qanuni təmsilçisi Axundov Simral Fərəc oğludur.
“Badamlı Mineral Sular” MMC Naxçıvan Ali Məclisinin keçmiş sədri Vasif Talıbovun şirkəti kimi tanınıb. Vasif Talıbov vəzifəsindən istefa verdikdən və hakimiyyət komandasında arzuolunmaz fiqura çevrildikdən sonra Elşad Məmmədov adlı sahibkar əslində “Badamlı”nın ona məxsus olduğunu deyib. İş adamının iddiasına görə, Talıbovlar zorla müəssisəni onun əlindən alıblar.
Bəzi iddialara görə, “Badamlı” hələ də Talıbovların nəzarətindədir. Hər halda şirkətin Vasif Talıbovun əlindən alnmasına dair heç bir məlumata rast gəlinmir.
Yaşayış binaları tikilib istifadəyə verildikdən sonra mənzil tikinti kooperativləri yaşayış binasının idarəçiliyini davam etdirir.
Əslində isə MTK mənzil mülkiyyətçilərinə çıxarış verdikdən sonra bir ay müddətində ləğv olunmalıdır. O da bir faktdır ki, bu gün yaşayış binalarında fəaliyyət göstərən “komendatlar” nə sakinlər, nə də bələdiyyələr tərəfindən seçilir. Adətən MTK tərəfindən təyin edilən həmin şəxslərin də işi əsasən sakinlərdən pul toplamaqdan ibarətdir. Bu gün MTK-ların bu cür “təyinatları” ilə bağlı sakinlər öz hüquqlarından istifadə edə bilirmi?
DİA.AZ-ın məlumatına görə, iqtisadçı-ekspert Əkrəm Həsənov Cebhe.info-ya bildirdi ki, hazırda binaların 90 faizində eyni vəziyyətdir, yəni binalar MTK-lar tərəfindən zəbt edilib:
“Bina onu tikən şikət tərəfindən idarə olunur, sakinlər soyulur, ödəniş etməyənlərə qarşı tədbirlər görülür, liftə buraxmırlar və s. Mənim yaşadığım bina ilə bağlı ilk iş idi ki, bir neçə sakin binanı idarə edən şirkətin çıxmalı olduğunu bildirdi. Çünki qanuna görə, binanı idarəedici şirkət sakinlərin ümumi yığıncağında qəbul edilməlidir. Bu qayda da heç bir yerdə tətbiq olunmur. Çox az sayda bina var ki, bu üsul tətbiq olunur. Bakı Apellyasiya Məhkəməsi bu şikayəti təmin etdi. Həmin qanun hələ ki, qüvvəyə minməyib. Çünki fevralda qəbul olunmuşdu, apreldə tərəflərin Ali Məhkəməyə şikayət hüququ var. Buna görə də yəqin ki, qarşı tərəf şikayət edəcək. Ali Məhkəmə də yəqin ki, təxminən yayda bu məsələyə baxacaq, o zaman son qərar bilinəcək”.
Hüquqşünas bildirib ki, hazırda bir neçə binada belə işlərə başlanılıb:
“Bu proses gedir. Mənə bir çox vətəndaşlar müraciət edir ki, bizim sənədlərə baxıb onlar da şikayət versinlər. Mən də kömək edirəm. Bəzi hallarda proses əksinə baş verir. Tikinti şirkəti vətəndaşı məhkəməyə verir ki, pulu ödəsin. Həmin vətəndaşlar da bizə müraciət edir və qarşılıqlı iddia veriilir ki, tikinti şirkəti orada qanunsuz olub, ona heç bir ödəniş edilməməlidir, oradan çıxmalıdır. Düşünürəm ki, yaxın müddətdə bu məsələ həllini tam tapmayacaq. Beləliklə, məhkəmələr gedəcək, vətəndaşların çoxu qanunları bilmir, bəziləri bilir və gözləyir ki, məhkəmə işləri nə ilə qurtaracaq. Ancaq yaxşı olardı ki, dövlət də bu məsələyə qarışsın. Bu qanunları dövlət qəbul edib. Hamı bilir ki, idarəedici şirkətlər orada qanunsuzdur. Ona görə dövlət tədbirlər görməli, idarəedici şirkətləri oradan çıxarmaldır”.
Ekspert deyir ki, bu məsələdə bələdiyyələrin də rolu böyükdür:
“Qanuna görə ya sakinlər, ya da bələdiyyələr idarəedicini təyin etməlidir. Onlar aktivləşib tikinti şirkətlərini oradan çıxarsalar, bu problem tezliklə həllini tapacaq. Hər bir halda ilin sonuna kimi bu məsələlərdə konkret mövqe bilinəcək. Reallıq odur ki, MTK-lar əl çəkmir, pul yığır, ona görə də vətəndaşlar aktiv olmalıdırlar”.
ABŞ-ın, həm də dünyanın ən bahalı şəhərlərindən olan Mayamidə yaşamaq hər kəsin arzusu, amma çox az adamın nail olduğu bir şeydir. Bu şəhərdə yaşamaq, Mayami gecələrində macəralara qatılmaq üçün ya ABŞ-da varlı şəxslərdən biri olmalısınız, ya da Əli Həsənovun oğlu...
Başqa ölkələrdən də varlılar bu şəhərə axışır, amma Azərbaycandan Mayamidə yaşayan, həm də burada şirkət qura bilən nadir şəxslərdən biridir Şamxal Həsənli...
Onun üstünlüyü savadlı olmasında, yaxud “vunderkind” doğulmasında yox, məhz Əli Həsənovun oğlu olmasıdır. Əli Həsənovun üstünlüyü isə vəzifədə olarkən dövlət büdcəsindən mediaya ayrılan vəsaiti mənimsəmək və bu pullar hesabına nəhəng biznes şəbəkəsi qurmaq bacarığıdır. Atanın oğurladığı pullarla oğul Mayamidə kef edir.
O pullar ki, Azərbaycan mediasının inkişafına sərf edilməli idi, amma bu gün Şamxal Həsənli medianın, yəni bütün jurnalistlərin pulunu Mayamidə xərcləməklə məşğuldur.
Əli Həsənov vəzifədə olanda oğlu Şamxal Həsənlini “Xəzər TV”-yə rəhbər qoymuşdu, Şamxal da hədiyyə kimi qəbul etdiyi bu vəzifədə pul qazanır, həm də kef çəkirdi. Tale elə gətirdi ki, Əli Həsənov vəzifədən, Şamxal Həsənli isə “Xəzər TV”-dən, həm də Azərbaycandan getdi. ABŞ-a köçən Şamxal Həsənli Mayamidə mediamıza ayrılan, amma atası ilə birlikdə mənimsədiyi pulların hesabına mülklər aldı, təhsilini davam etdirdi, hətta şirkət də qurdu.
İndi Şamxal Həsənlinin Mayami macəraları maraqlı hadisələrlə gündəm olur. Belə ki, o Mayamiyə köçəndən sonra daşınmaz əmlak bazarına meyl salıb. Bu sahə həm gəlirlidir, həm də bu işlə məşğul olmaq üçün kifayət qədər kapitala malik olmalısan. Necə deyərlər, “Pul bir ingilisdədir, bir də Həsənovlarda”.
Əvvəlcə daşınmaz əmlak şirkətlərində işə başlayan Şamxal Həsənli daha sonra özünün “SOLIS DEVELOPMENT LLC” adlı şirkətini qurdu. Mayamidə belə bir şirkət qurmaq üçün on milyonlarla vəsait lazımdır ki, Şamxal Həsənlidə olan bəlkə də yeganə şey mediadan oğurladıqları milyonlardır. Şirkət quran Şamxal Kolumbiya Universitsteinin daşınmaz əmlak ixtisasına da qəbul olundu. Bu, ABŞ-ın ən pullu universitetlərindədir və hər adam orada təhsil ala bilməz, məsələ savadlı olmaqda yox, təhsilin ödənişidir. Şamxal buna da nail oldu və universiteti yenicə bitirib, ABŞ-ın iş dünyasına atılıb.
Özünü mükafatlandırmaq üçün də Havay adalarında istirahət edir, bu azmış kimi milyonlarla dollar dəyərində olan əmlak alıb. Varlığa nə darlıq...
Şamxal Həsənlinin ABŞ macəraları bununla da bitmir. Əldə etdiyimiz məlumata görə, Prezident Administrasiyasının ləğv olunmuş İctimai-siyasi məsələlər şöbəsinin sabiq müdiri Əli Həsənovun oğlu gününü dünyanın qumar və əyləncə mərkəzi olan Las-Veqasda keçirir. Las-Veqas gecələrinə qatılan Şamxal Həsənli bu yaxınlarda “Golden Nugget Las Vegas Hotel & Casino” adlı oteldə qumar oynayaraq, nə az, nə çox, düz 140 min dollar pul uduzub. Bu pulu o, atasına məxsus “Mercedes GL” markalı avtomobilin satışından əldə edibmiş. Belə ki, ABŞ-a köçməmişdən öncə özü ilə daha çox vəsait aparmaq üçün Bakıda Əli Həsənovun “Mercedes”ini satıb, okeanın o tayına çatan kimi da Las-Veqas kazinosunda qumara qoyub. Hətta, buna görə Əli Həsənov oğluna bərk əsəbləşib, dalaşıblar.
Əslində həmin 140 min nə Əli Həsənovun, nə də onun avtomobilinin pulu yox, dövlət büdcəsindən mediaya ayrılan vəsait hesab oluna bilər. Çünki Əli Həsənov bütün sərvətini məhz mediaya ayrılan pulları oğurlamaq hesabına əldə edib. Oğlu da Azərbaycan mediasının pulunu qumarda uduzub.
140 min dollar media üçün böyük puldu, Həsənovlar üçün isə yox. Mediamız uzun illər Əli Həsənov zülmündən əziyyət çəkdi, dövlətin bizə ayrılan pulları mənimsənildi. İndi Şamxal Həsənli də məhz bizim pullarımızla Mayamidə, Las-Veqasda kef çəkir...
Demokrat.az
XalqXeber.Az
DİA.AZ: - Bakı şəhəri Binəqədi rayonu 7ci mikrorayon ev 28a mənzil 3 ünvanında yaşayan Əliyeva Aysel İlqar qızı tərəfindən ölkə başçısına müraciət ünvanlanıb. Bir nüsxəsi də DİA.AZ-a daxil olan müraciətdə deyilir:
“Cənab Prezident! Yazaraq bildirmək istəyirəm ki, Milli Məclisin sabiq deputatı Əsabil Qasımovun qardaşı Vüqar Qasımova məxsus olan “Vialon” MMC tikinti şirkəti bizim haqqımızı qəsb etməkdədir. Belə ki, anam Əliyeva Natiqə Məmmədağa qızı Nəsimi rayonu Cəlil Məmmədquluzadə küçəsi dalan 2 ev 2 ünvanında xüsusi mülkiyyət olan daşınmaz əmlak üzərində 2/6 (40.7kv) paya sahibdir. Mərhum babam həmin mülkdə doğulub boya-başa çatmış və yaşamışdır. Lakin, bir neçə il öncə yaşayış olmadığına görə evin bir otağı uçub-dağıldı. Maddi imkanımız yox idi deyə xeyli müddət burada təmir-abadlıq işləri apara bilmədik. Nəhayət evin bərpası üçün gəldiyimiz zaman bizə məxsus olan otağın bir hissəsində qonşumuz tərəfindən tikinti işləri aparıldığını və təxminən 4-5 kv metr yeri qanunsuz şəkildə özününküləşdirməyə çalışdığının şahidi olduq. Qanunsuz tikinti ilə bağlı dərhal aidiyyəti qurumlara və o cümlədən də Nəsimi Rayon İcra Hakimiyyətinə məlumat verdik. Lakin, şikayətimiz təmin edilmədi. Həmin dövrdə pandemiya ilə əlaqədar olaraq ölkəmizdə müəyyən məhdudiyyətlər tətbiq olunurdu. Eyni zamanda böyük maddi sıxıntılar yaşayırdıq. Məhz ona görə də məhkəməyə müraciət etmək imkanımız olmadı. Ancaq bu cür qanunsuz tikili və ya otağımızın birinin sökülmüş olması bizim pay hüququmuzun olmağına təsir edəcək səbəb deyil.
Cənab Prezident! Müraciətimin ilk cümləsində qeyd etdiyim kimi, sabiq deputat Əsabil Qasımovun qardaşı Vüqar Qasımova məxsus “Vialon” MMC tikinti şirkəti bizi haqq və hüquqlarımızdan məhrum etməyə çalışır. Mərhum babamdan miras qalmış evin ərazisi onların layihə planına düşdüyünü öyrəndim. Mən də öz növbəmdə dekabr ayında sözü gedən şirkətin nümayəndəliyinə yaxınlaşaraq lazımi sənədləri (çıxarış, texniki pasport) təqdim etdim. “Vialon” MMC-nin nümayəndəsi əvvəlcə bizimlə qanuni alqı-satqı edəcəklərini bildirdi. Daha sonra isə müxtəlif bəhanələr gətirməyə başladılar. Mən öz iradımı dilə gətirərək “Ölkə başçısına və aidiyyəti orqanlara sizdən şikayət edəcəyəm”, – dedim. Mənə “Mən qanuni çıxarışı saymıram, imkan edib otağı tikərdin. Sən istəsən də, istəməsən də, digər payçılarla razılaşaraq məqsədimizə nail olacağıq, kimə şikayət edə bilirsənsə, et, heç kimdən qorxan yerimiz yoxdur. Onsuzda bizə məğlub olacaqsan”, – dedilər. Bundan sonra tez-tez gedib evimizin hansı vəziyyətdə olduğunu nəzarətdə saxlayırdım. Mart ayında evin digər otağının da dağıdıldığını və dağıntıların isə təmizlənmiş olduğunu gördüm. Söküntü prosesinin kim (lər) tərəfindən həyata keçirildiyini bilmirəm. Araşdırılması üçün sahə müvəkkilinə müraciət etdim. Çünki Azərbaycan Respublikasının Konstitusiyasının 29-cu maddəsinə əsasən, hər kəsin mülkiyyət hüququ vardır. Mülkiyyət hüququ, o cümlədən xüsusi mülkiyyət hüququ qanunla qorunur. Heç kəs məhkəmənin qərarı olmadan mülkiyyətindən məhrum edilə bilməz. Beləliklə bəzi yuxarı instansiyalara şikayətlər ünvanlamağa başladım.
Hazırda çarəsiz durumdayam. Bununla yanaşı, dövlətimin ədalətinə və haqqı bərqərar edəcəyinə inanıram. Hansı ki, bir tərəfdə mənim kimi məzlum, kimsəsiz, haqq səsi boğulma çalışılan sadə vətəndaş, digər tərəfdə isə sabiq deputat və onun şirkət (lər) sahibi olan qardaşı dayanıb. Azərbaycan Respublikasının Konstitusiyasının 12-ci maddəsində dövləti ali məqsədi, 25-ci maddəsində bərabərlik hüququ anlayışı var. Bu və digər qanunlarımızı rəhbər tutaraq Sizdən çox xahiş edirəm, “Vialon” MMC tikinti şirkətinin özbaşınalıqlarına son qoyasınız, mənim haqqımın bərpa edilməsi və təhlükəsizliyimin təmin edilməsi üçün tapşırıq verəsiniz. Ümidvaram ki, sayənizdə ədalət öz yerini tapacaqdır".
İddia olunanlarla bağlı dia.az olaraq qarşı tərəfi də dinləməyə hazırıq...
Şəkidən 35 km məsafədə yerləşən Aran kəndində bir neçə aydır ki, tibb məntəqəsinin qapısına qıfıl vurulub. O gün, bu gündür sakinlər necə deyərlər yollarda qalıb.
İTV-nin əməkdaşları bu ucqar yaşayış məntəqəsi sakinlərinin harayına səs verib, onları dinləmək üçün kəndə yollanıb.
600-ə yaxın sakinin yaşadığı Aran kəndinin cəmi bir tibb məntəqəsi var ki, onun da qapısı bağlı, üstündə də qıfıl. 6 aydır ki, vəziyyət bu cürdür. Hələ bu azmış kimi, sən demə kənddə nə həkim var, nə də tibb bacısı. Sakinlər isə vəziyyətdən bu cür çıxmağa çalışır.
Elçin Cəlilov: “Bir iynə lazım olanda gedirik qonşu kəndlərə. İndiki zamanda hamı çətin vəziyyətdə yaşayır, maşın tut, ora get. Doktoru çağırsan gəlmir. Bir iynədən ötrü biz gərək 3-5 km başqa yerə gedək”.
Sarvan Ramazanov: “Axşam da təcili tibb maşını çağırdıq, 1-2 saata gəldi, xəstəmiz var idi. Yəni biz istəyəndə tapa bilmirik, mütləq kənar kəndlərə getməliyik”.
Bahar Xanmədova: “Uşaqlar gecə-gündüz xəstələnir. İlkin tibbi yardım göstərməyə nə həkim, nə tibb bacısı yoxdur ki, köməklik etsin. Məcbur oluruq ayrı kəndə – Suşmaya, Dəhnəyə gedib uşağa sistem vurduraq”.
Sakinlər deyir ki, mövcud problem bir neçə dəfə Şəki rayon Mərkəzi Xəstəxanasının rəhbərliyinin diqqətinə çatdırıb. Lakin bir nəticəsi olmayıb.
Qəzənfər Məmmədov: “Rayon Mərkəzi Xəstəxanasının baş həkimi idi, ya kimi idi bilmirəm, Arzu xanıma müraciət etdim ki, bizim kənddə tibb bacısı yoxdur. O da dedi ki, yaxınlarda tibb bacısı varsa, təşkil edin işləsin. Bizim əvvəlki tibb bacısı var idi, Sveta xanım, onu təklif elədim. O da dedi ki, yaşı çoxdur, biz onu götürə bilmərik. İndi qalmışıq çıxılmaz vəziyyətdə. Nə Svetaya razı olurlar, nə də tibb bacısı göndərmirlər. Bəs biz neyləyək?
İTV-nin əməkdaşları vəziyyətə aydınlıq gətirmək üçün Şəki rayon Mərkəzi Xəstəxanasının rəhbərliyi ilə əlaqə saxlayıb. Bildirilib ki, hazırda həmin kənddə yalnız bir tibb bacısı var. O da analıq məzuniyyətindədir. Sakinlərə isə yaxın kəndlərdəki tibb məntəqələrinə müraciət etmələri məsləhət olunuv.
Məsələyə TƏBİB-dən də münasibət öyrənmək istənilsə də, suallara cavab verən olmayıb.
Azərbaycan Hava Yolları (AZAL) QSC A320neo və A321neo daxil olmaqla 12 təyyarə almaq üçün Airbus şirkətinə sifariş verib. Bununla bağlı müqavilə bu günlərdə Bakıda keçirilən mərasimdə imzalanıb. Airbusun açıqlamasına görə, son nəsil A320neo Ailəsi təyyarələri ən müasir və yanacaq sərfəli təyyarələri idarə etmək, əməliyyat səmərəliliyini və rəqabət qabiliyyətini artırmaq, eyni zamanda bütün donanmada sərnişinlərə əla rahatlıq təqdim etmək üçün şirkətin donanmasının yenilənməsi strategiyasının bir hissəsidir. Mühərrik seçimi aviaşirkət tərəfindən sonrakı mərhələdə elan ediləcək.
TEREF.AZ-ın Gununsesi.info-ya istinadən xəbərinə görə, AZAL birinci vitse-prezidenti Samir Rzayev bildirib ki, onlar təyyarə parkının modernləşdirilməsi proqramı üzrə Airbus ilə qarşılıqlı faydalı əməkdaşlığı davam etdirməkdən məmnundur və ikitərəfli tərəfdaşlığı gücləndirmək niyyətindədir:
“İmzalanan müqavilə sərnişinlərimizi ən müasir və komfortlu təyyarələrlə təmin edəcək”.
İqtisadçı alim Qubad İbadoğlu isə Azərbaycanın aldığı yeni təyyarələrlə bağlı fikirlərini yazıb:
Airbusun A320neo təyyarələrinin qiyməti 110 milyon dollar, A321neo təyyarələrinin qiyməti isə 130 milyon dollardan çoxdur. Bu o deməkdir ki, alınan 12 təyyarəyə görə, 1,3-1,5 milyard dollar ödəniləcək. Təyyarələrin alınması lizinq əməliyyatları üzrə dövlət zəmanəti ilə aparılacaq. Bu o deməkdir ki, yenə də AZAL-a görə Azərbaycan höküməti üzərinə əlavə borc öhdəliyi götürəcək. Bütün bunlara baxmayaraq AZAL-ın nə xidmətinin qiymətində, nə də keyfiyyətində dəyişiklik gözlənilmir.
Onu da qeyd edim ki, Airbus şirkəti Fransa, Alman və İspaniya dövlətinə və digər səhmdarlara məxsusdur. Odur ki, Fransa ilə iqtisadi əməkdaşlığın inkişafı yalnız bu sahədə müşahidə olunmur. Belə ki, bu ilin 2 ayında Fransa idxalda Azərbaycanın Rusiya, Türkiyə və Çindən sonra əsas ticarət mütəffiqi olub. 2 ay ərzində Azərbaycan Fransadan 202 milyon 886 min dollardan çox məhsul idxal edib.
"Şikayətim "İydə Perfumery" parfumeriya firmasındandır". DİA.AZ bildirir ki, bu barədə "Müştərinin Səsi" sosial qrupundakı paylaşımda qeyd olunur.
Daha sonra narazı vətəndaş yazır: "Daim "İydə Parfumeriya"dan ətir alıram. Hər səfərdə eyni ətiri almışm. Bu səfər ətiri dəyişmək qərarına gədim. İçəridə o qədər qarışıq iy vardı ki , seçim etməkdə çətinlik yarandı və satıcının tövsiyyəsi ilə biri 115 biri 135 manata 50ml ətir aldım. 135 manatlıq ətiri yerində hazırladılar, o birisi isə öncədən hazırlanmışdı. Hazırlanan ətirdən özləri şpirisin içində qalan hissəni test üçün üzərimə vurdular. 2 gün ərzində qoxu mənə çox pis təsir etdi və dükana yaxınlaşdımki istifadə etməmişəm və dəyişmək istəyirəm.
Daimi müştərisi olduğum hörmətə layiq olmayan "İydə parfüm"ün güya müdiri "gigiyenik səbəbdən dəyişə bilmərik" cavabını verdi. Bu üzqırxandır? Diş şotkasıdır? Yoxsa pudra falandırmi bunu gigiyenik əsaslandırır? 2 ətirin birini öncədən qablasdırmışdılar, dəyişmək istədiyim ətiri isə yanımda qablaşdırdılar. O ətir heç hədiyyə üçün də yararlı deyildi ki, kiməsə hədiyyə edəm.
Dükana qoyub geri qayıtdım və mərkəzlərinə zəng vurdum. İlk öncə dəyişərik daimi müştərimizsiniz dedilər. Sonradan imtina etdilər. Bununla bağlı istehlakçıların müdafiəsi üçün hasısa qurum varmı? Qeyd edim ki, məsələ artıq maddi deyil, mənəvi məsələdir".
İddia olunanlarla bağlı dia.az olaraq qarşı tərəfi də dinləməyə hazırıq...
Ümummilli lider Heydər Əliyevin anadan olmasının 100 illiyi və 2023-cü ilin "Heydər Əliyev ili" elan olunması ilə əlaqədar Gəndob-Xaçmaz-Yalama yolunun 121-ci km-də ağacəkmə aksiyası keçirilib.
Məlumata görə, aksiyada Şabran Rayon İcra Hakimiyyətinin rəsmiləri, hüquq-mühafizə orqanlarının rəhbərləri, YAP rayon təşkilatının sədri və könüllüləri, idarə, müəssisə, eləcə də rayon sakinləri iştirak ediblər.
Aksiya çərçivəsində Gəndob-Xaçmaz-Yalama magistralının Şabran şəhərinin ərazisindən keçən hissəsinə 350 ədəd şam ağacı əkilərək gübrələnib və suvarma işləri aparılıb.
Aksiyanın keçirilməsində əsas məqsəd ölkədə ekologiyanın qorunması və ətraf mühitin sağlamlaşdırılmasına hər zaman böyük əhəmiyyət vermiş ulu öndər Heydər Əliyevin əziz xatirəsini yad etmək, ümummilli liderin yaşıllaşdırma ənənələri irsini davam etdirmək, insanlar arasında ekoloji mədəniyyəti, təbiətə olan qayğı hissini təbliğ etməkdən ibarət olub.
"Ümumiyyətlə bizim mobil operatorlar insanlara ancaq mənasız məhdudiyyətlər qoyub insanların hüququn pozmaqla məşğuldurlar. məsələn Azercell-in reklamı ilə gözümüzü mazol etdiyi “İstəsən” tarifi haqda sizlərə məlumat vermək istəyirəm ki, mənim kimi aldanmayasız". DİA.AZ-ın məlumatına görə, bu barədə "Müştərinin səsi" sosial qrupundakı etiraz mesajında qeyd olunur.
Daha sonra narazı vətəndaş bildirir: "Məsələn, tarif çərçivəsində 10 GB internet almısız və və tarif çərçivəsində varsayılan olaraq hesablanan ölkədaxili 30 dəqiqəyə toplam 12.70 Azn hesablanıb. Təsəvvür edin ki, 25 gün sonra bu 10 Gb-ı xərcləyib bitirdiz. Məntiqli olan nədir?
Siz, təzədən 12.70 ödəyib tarifi yeniləmək istəyirsiz. Amma dur, mənasız məhdudiyyətlər qoyan Azercell bilirsiz sizə nə deyəcək? Yox, yeniləyə bilməzsən. Get, çoxdan aktuallığını itirmiş 1 Gb= 5 Azn ya da 5gb=10 Azn əlavə internet paketi al. Təbii ki, “İstəsən”. İstəməsən, gözlə 1 ayın tamam olsun, orda burda wifi dilən. Bu tarifə keçmək istəyənlər bu faktı bilsin, ona görə qərar versin..."
Məsələ ilə bağlı teref.az olaraq qarşı tərəfi də dinləməyə hazırıq...